 |
المقدمة 👑
اختي ياباشا بقالها يوم غايبة وعمرها ما عملتها وخايفه يكون
جرالها حاجه
رئيس المباحث ..مش يمكن زعلانه مع جوزها أو عند وحده صحبتها
يا بيه دي مطلقه بقالها سنتين وملهاش صحاب ولا ليها حد
في الدنيا غيري انا ..حتي اخويا مقطعنا وعايش بعيد عننا
رئيس المباحث..هي كانت بتشتغل فين
حضرتك هي كانت بتشتغل في مصنع في منطقة العبور ولسه
سيباه من شهرين وكانت بتدور علي شغل وشافت اعلان علي
الفيس بوك عايزين عاملات نظافة بمرتب مغري اتصلت
وكلمتهم واخدو بياناتها وبعتتلهم صورة البطاقة وعنوانها
الحالي علشان يسالو عليها ولما سألتهم تسالو ليه وليه صورة
البطاقة الموظفة قالت اني ده نظام الشركة لاني انتي بتدخلي
بيوت ناس محترمة واي خطا منك الشركة الي بتكون
مسؤولة أمام العميل فلازم يتأكدوا من سمعتك وسيرتك
وصورة البطاقة بيكشفو عليها علشان لو في عندك قواضي
سرقة نصب الكلام ده مش هيشغلوكي معاهم قولتلها انها في
حالها وعمرها ما دخلت قسم شرطة اصلا
رئيس المباحث..اسمها اي الشركة دي
معرفش والله يا بيه
رئيس المباحث ..تمام ماشي كملي
بعدين فعلا هما سالو عليها وطلع مس عليها حاجه واني
سمعتها كويسة طلبوها يعملو معها مقابلة وراحت قبلت
الموظفة الي كانت بتكلمها وكانت معها راجل تاني في الشقة
رئيس المباحث..شقة اي انتي مش قولتي أنه شركة توظيف
ايوا حضرتك بس هي لما راحت قالتلها اني المقر الرئاسي
بتاع الشركة بيتجدد حاليا وهما وخدين المكان ده مؤقت
وقعدت تسألها اسالة عن حياتها والمواعيد الي بتكون فاضية
فيها واني في عائلات عرب بتنزل بيكونو محتاجين وحده
معاهم تخدمهم طول الإجازة بتاعتهم وممكن تقيم معاهم
واني العائد المادي بيكون كبير جدا قالتلها انها ممكن تسيب
العيال معايا مش مهم
وطلبو منها تحاليل وحاجات ولما قالتلهم انها قاعدة من
الشغل ومش معها فلوس قالتلها الموظفة مش مهم احنا
هنتكفل بكل حاجه وفعلا وبعد يومين كلمتها وراحت معها
معمل تحاليل وقعدو ساعة علي كافية وبعدين رجعو تاني
للمعمل طلعت الموظفة دي تاخد نتيجة التحاليل واختي
كلمتني وهي لوحدها تحت وقالتلي ادعيلي اني التحاليل
تطلع سليمة وانا مرتاحة للناس دي اوي وبيعملوها كويس
جدا وسألتها هي فين قالتلي انها في مدينة نصر الحي السابع
ومن بعدها مكلمتهاش تاني غير لما لقتها اتاخرت ولما اتصلت
لقيت موبيلها مقفول افتكرت فصل شحن منها وفضلت قاعدة
في البلكونة مستنياها وانزل الشارع ورحتلها شقتها خبطت
وجيت اعمل محضر هنا في القسم امبارح قالولي استني لما
يعدي 24 ساعة علي اختفائها
رئيس المباحث..متعرفيش اسم الشركة اسم الموظفة اسم المعمل اي حاجه توصلنا ليها
والله ياباشا معرفش وهي مقالتش حاجه غير الي أنا قولته لحضرتك ده
رئيس المباحث..علاقتها كويسة بطلقها ابو الولاد
لا متعرفش عنه حاجه ولا هو بيسال عن عياله
هو طلقها غيابي وخلع من المسئولية والديون الي كانت عليه
وسبها محتاسه في الديون واالايجارات وفواتير الكهرباء
والماية الي متاخره والقرض الي كانت ضمناه فيه وهرب
وهي نزلت اشتغلت وبقت تسدد حاجه في حاجه وبقت ام
واب لعيالها
رئيس المباحث..ملهاش عداوة بحد خالص
اختي حضرتك مسالمة جدا وعمرها ما زعلت حد منها ولا حد
عمره اشتكي منها وفي حالها
يتبع 💥 عايز تفاعل جبار بقا 😘🌹
البارت الاول من هنا هنا
تعليقات
إرسال تعليق