 |
رواية عريس نص عمر الجزء التاسع
للكاتبة/حنان حسن
بعدما صدمتني سعيدة
بالحقيقة المرة
وعرفت منها
انها هي الي كانت السبب
في موت ازواجي الثلاثة
وكمان.. هي السبب
في وصولي انا وعيلتي لبيت اسلام
وبعدها... لقيتها ببترجاني اني...
اسامحها
وقالتلي...
انها ندمانة
وعلي استعداد انها..
تكفر عن الي عملتة معايا
باي طريقة
فا سالتها
قلت..
قوليلي الاول
انتي قولتيلي..
انك انتي السبب في وجودنا هنا انا واهلي
فهميني تقصدي ايه؟
ردت سعيدة
وقالت...
هقولك علي كل حاجة
بس لو وعدتيني انك هتسامحيني
بصيت لها بغضب
وقلت..اخلصي يلا وقولي ..
وبالفعل بدات سعيدة تسرد قصتها
وقالت...
بعدما ما فشلت اني اقتل حد فيكم
كانت النار مازالت بتغلي جوايا
وفضلت علي كده زمن
لغاية ما في يوم
اتقابلت مع ام فنجان
صدفة
وكلمة في حدوتة
فهمت منها انها بتشتغل عند راجل غني...
لكن مريض
ونفسة يتجوز
فسالت ام فنجان ..
وقلتلها..
طيب وايه المانع انه يتجوز؟
ردت ام فنجان
وقالتلي..
انه عنده مرض خطير
ومعدي..
والي هتتجوزة هتموت
فا فكرت اجوز العريس لواحدة فيكم
وعشان انتي ساعتها كنتي مضربة عن الجواز
فكرت في اختك هند
وبسرعة اتفقت مع الخاطبة
انها تروح لامك... واختك بالعريس
بس طبعا
مفهمتش الخاطبة
ان العريس مريض مرض معدي
وبالفعل اختك اتجوزتة
وماتت يوم الصباحية...
بس معرفتش ساعتها هند ماتت من ايه؟
في اللحظة دي
استوقفت سعيدة وانا كلي غضب
وسالتها
وقلت..
ليه ؟
منتي بتقولي ان العريس كان مريض
اكيد اخدت منه العدوي
ردت سعيدة
وقالت..لا ...
لان اختك هند
متجوزتش العريس المريض اصلا
قلت مش فاهمة؟
ردت سعيدة موضحة
وقالت...
لاني لما سالت ام فنجان
قالتلي...
ان الي اتجوز هند
مش هو العريس الي هي كانت تقصده
لان العريس الي هي تقصده مات
وملحقش يتجوز
وام فنجان رشحت عريس تاني خالص لهند
وهو.... اسلام
ولما هند ماتت ...
ام اسلام قالتلي
انها شافتك انتي يا مني...
وعاجبتيها
و كانت عايزة تجوزك لابنها ...
فا طلبت مني
اني اساعدهم نعمل عليكي حيلة...
ونفهمك ان اختك مازالت عايشة
عشان نستدرجك للبيت هنا وتتجوزي اسلام
وفعلا...
انا وافقت ...وساعدتهم
في مقابل مكافئة ..
اخدتها من ام اسلام
لكن بصراحة
انا لما شوفت اسلام... عجبني
لاني شوفت
اد ايه هو شاب ثري... ووسيم
وشوفت كمان العز الي هو معيشك فيه
فا غيرت منك
واتمنيت اني اكون مكانك
وعشان كده
اول ما اسلام طلب مني الجواز
انا وافقت علي طول
لكن النهاردة ...
حصلت اكتر من حاجة
غيرت احساسي من ناحيتك...
وغيرت طريقة تفكيري كلة
اولهم..
لما لاقيتك بتداافعي عني..
وبتضحي بعمرك عشاني
وثاني حاجة
خلتني اعيد حساباتي
هي..
اني اكتشفت مصيبة كبيرة
قلت..مصيبة ايه؟
ردت سعيدة
وقالت..
اصلهم النهاردة قبل ما يخدروني
كانوا بيتكلموا ادامي
وفهمت منهم
هما بيعملوا كل ده ليه؟
فا صرخت فيها بلهفة
قلت...
طيب ما تفهميني انا كمان هما بيعملوا كده ليه
انا عايزة افهم...انا هنا ليه؟
ردت سعيدة
وقالت...
انا سمعت ام اسلام
وهي ببتكلم مع ام فنجان
وفهمت من كلامهم القصة ايه بالظبط
وعرفت كمان
مفاجئة..
لا كانت علي البال ولا علي الخاطر
وسالتها وانا مذهولة
قلت.. ايه هي المفاجئة دي؟
قالت ...
المفاجئة
هي....
ان اهل اسلام
ناس مرضي...
وبيعتقدوا في السحر والشعوذة...
والمشكلة
ان اسلام ابنهم ...الي هو جوزي... وجوزك
مريض مرض وراثي نادر
وكل الاطباء... اجمعوا
علي ان المرض ده...
اي حد بيصاب بيه
لازم يموت
بمجرد...
ما يتم الاربعين عام
وطبعا هما اقتنعوا بكلام الدكاترة
وسلموا ...بان اسلام هيموت بمجرد
ما يوصل لاربعين سنة
زي ما حصل مع والد اسلام وشقيق اسلام الاكبر
لان ابوه واخوه ماتوا بمجرد ما اتموا الاربعين سنة
لكن..اهل اسلام ميأسوش
و اضطر اهل اسلام
انهم... يلجاؤا للسحرة. ... والمشعوذين
لغاية ما وصلوا لساحر ملعون
والساحر الي معاهم دلوقتي...
فهمهم ان اسلام سليم ..
ومش مريض
لكنة ...مسحور
واقنعهم
ان اسلام مصاب بلعنة ...وسحر من اشرس الجان
ومش هيتفك السحر غير بقربان
وطبعا عشان
اهل اسلام فاكرين ان ابنهم مسحور
فا قرروا
ينفذوا كلام الساحر
بحذافيرة
واوامر الساحر
هي..
النجاة في الارض الجافة
ولازم ال١٣ قبل الاربعين
وفي اللخظة دي
استوقفت سعيدة
قلت...ايوه صحيح
انا فعلا سمعتهم بيقولوا الجملة دي
لكن مفهمتش معناها
ردت سعيدة موضحة
وقالت..
لازم اسلام يتجوز من
ثلاثة عشر امراة
(١٣) امراة قبل ما يوصل لسن الاربعين
قلت..مش فاهمة لسة
يعني ايه
النجاة ب الارض الجافة؟
ردت سعيدة
وقالت...
الارض الجافة
مقصود بيها الزوجة
يعني اسلام لازم
ياطئ الارض...
بدون ما يرويها
يعني يتزوج بدون ما (يدخل بزوجتة)
وبعدها...
يقتل زوجتة قبل ما يلمسها... ويقدمها قربان
وطبعا لازم يعمل كده
لغاية ما يقدم ١٣ قربان
او ١٣ (زوجة)
واضافت سعيدة
قائلة...
والي عرفتة
ان اسلام خلاص
مفضلش ادامة كتير
لان سنة دلوقتي
في اخر شهر في ال٣٩ سنة
واتجوز لغاية دلوقتي ١٢ زوجة فقط
وفاضله قربان واحد( زوجة)
والسحر يتفك عنة
يعني ناقص زوجة واحدة عشان
يوصل لعدد ١٣ زوجة
ولازم يتزوج بالزوجة الاخيرة..و فورا
بصيت لسعيدة
وسالتها
قلت....لكن انا ....وانتي
اتنين
وعلي كلامك
اسلام فاضل ادامة زوجة واحدة بس
ليه ؟
عايزين يقتلونا احنا الاتنين؟
ويقدمونا قربان للجان؟
ردت سعيدة
وقالت...
هما ميقدروش يقتلوا
غير ١٣ فقط
يعني دلوقتي
هيقتلوا الي اسلام لسة ملمسهاش ...
وهيتركوا الزوجة الي اسلام دخل بيها
وانا لازم اكفر عن كل الي عملتوا فيكي يا مني
عشان ارجع لربنا بضمير
مرتاح
عشان كده...
انا هفديكي بعمري
يا بنت عمي
وهقول ان اسلام ملمسنيش
وعايزاكي
تقولي..ليهم
ان اسلام دخل عليكي
قلت...لا مقدرش اعمل كده يا سعيدة
انتي بنت عمي
وانا لا يمكن اقدر اغدر بيكي
ردت سعيدة
وهي بتبكي
وقالت...
اسمعي الكلام
لانهم لو شكوا في كلامنا
ممكن يقتلونا احنا الاتنين
قلت..
اولا ...
الي بتقولية مش هقدر انفذة
ثانيا...
حتي لو سمعت كلامك
ونفذتة
اسلام عارف هو دخل بمين
فينا ...
وهيقولهم...
ردت سعيدة
وقالت...
اسلام مش هيبقي موجود
لان الساحر اخد اسلام
عشان يجهزة لفك السحر
ومحدش غيري انا ....وانتي
يعرف....
مين الي دخل بيها اسلام
فا اترددت في الكلام
وقلت...لكن يا سعيدة......
وقبل ما اكمل اعتراضي
صرخت فيا سعيدة
وقالتلي..
لازم تسمغي الكلام
وتنفذي الي بقولك عليه
وبعدها...
جثت سعيدة علي ركبتها
وهي ماسكة ايدي عشان تبوسها
وقالتلي..
ارجوكي يا مني
ريحيني من عذاب الضمير
انا في كل الاحوال هموت
لاني هموت نفسي
لو قتلوكي بسببي
انا السبب في الي بيحصلك ده كله...
وانا الي لازم ادفع الثمن
فا علي الاقل ساعديني اريح ضميري
قبل ما اموت يا مني
في اللحظة دي
سحبت ايدي بسرعة قبل ما سعيدة تبوسها
وطبطبت علي سعيدة
وقلتلها
قومي يا سعيدة
انا فعلا مسمحاكي
وقبل ما سعيدة ترد عليا
دخل علينا ام فنجان...
ومعاها اتنين رجالة
شكلهم عامل زي المجرمين
ولقيت ام فنجان بتسالنا
مين فيكم الي دخل عليها اسلام؟
فا ردت سعيدة بسرعة
وقالت...
اسلام ملحقش يدخل عليا
لكن ..
دخل علي مني
فا بصتلي ام فنجان
وسالتني تاني...
وقالت...
اسلام دخل عليكي؟
بلعت ريقي بصعوبة
وبعدها...
هزيت راسي بالايجاب
وقلت...
ايوه ...اسلام دخل عليا
في اللحظة دي
بصيت لقيت ام فنجان
قربت مني...
انا ...و سعيدة
وهي ماسكة فنجان فيه بعض (الدم)...
وفضلت تاخد من الدم ...
وتعمل خطوط وعلامات
علي كف ايدي
وبعدها... عملت نفس الشيئ
مع سعيدة
والعلامة كانت شبيهة بالنجمة
وبعدها..
امرت الرجالة الي معاها
وقالت لهم...
يلا بسرعة ...ساعدوني
وهاتوا القربان
عشان ...
نقدمة لاسيادنا
وكان من المفترض
ان الرجالة....
ياخدوا الزوجة الي هيقتلوها... ويقدموها...
قربان للجان
لكن...
قبل الرجالة ما يتحركوا
سالوا ام فنجان
وقالوا
نجيب مين فيهم؟
ردت ام فنجان وهي بتشاور وقالت......؟
ومش هتصدقوا ام فنجان
قالت ايه.........؟
لو عايز باقي احداث القصة صلي علي رسول الله
وطبعا مش هننسي نضع عشر ملصقات مع متابعة المدونه
تكملة الروايه من هنا
تعليقات
إرسال تعليق