مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت ♥️بقلم سولييه نصار♥️

-مش هتجوزه 

صرخت جامد  فلقيت ق*لم جامد نزل علي وشي  لحد ما وقعت علي الارض ....شدني  جوز امي  من شعري  وقال :

-عيدي تاني يا روح امك ...بتقولي ايه 

-سيب شعري يا حي.وان انت فاكر نفسك مين ...

ضر*بني بالقلم تاني لحد ما نزلت د*م من بوقي ...

مسكني جامد وخنق*ني وقال:

-هتتجوزيه يا شمس حتي لو اضطريت اقتلك ....اومال كل ده بصرف عليكي من غير اي فايدة ...

بكيت وانا ببصله وقولت :

-انت كده بتبيعني حرام عليك ...انت معندكش ضمير أنا بحب عادل وهتخطبله 

ضحك بسخرية وقال:

-تتخطبي لواحد فقير ميقدرش يدفع المهر اللي هطلبه...يا بت عدي بيه هيدفع فيكي مليون جنيه فاهمة يعني ايه ؟!!!

-ميهمنيش ...مش هتجوزه برضه أنا بكر*هه وبكر*هك كمان لانك عايز تجوزني واحد عاجز  عشان الفلوس حرام عليك معندكش دين بس لا أنا مش هتجوزه متفتكرش انك هتقدر تجبرني علي حاجة أنا مش حباها ...

خلع جوز امي الحزام وقال:

-هنشوف يا شمس أنا ولا انتي 

وبعدين بدأ يض*رب فيا جامد ....

......

بعد ما خلص حبسني في اوضة من غير اكل ولا شرب وحدد أن جوازي هيكون بعد اسبوعين ...كنت منهارة وبعيط ...في يوم امي دخلتلي الاكل وقعدت جمبي وقالت:

-ربيع عايز مصلحتك 

-مصلحتي اني اتجوز عاجز يا امي عشان الفلوس واسيب اللي بحبه 

-يا عبيطة عدي بيه هيعيشك ملكة .

-مش عايزة اعيش ملكة يا ماما أنا بحب عادل مش هتجوز غيره حتي لو مو*توني سامعين !!!

-يا بنتي 

-متقوليش بنتي ...جوزك كان بيضر*بني قدام عينك ومفكرتيش تدافعي عني ...انتي ام  انتي ...انتي خسارة فيكي الكلمة 

سكتت امي وحسيت أنها حزينة ...أنا عارفة أن ربيع اقوي منها وهي مفيش حاجة في ايديها عشان تعملها بس انا كنت مخنوقة ...بس قررت برضه مش هستسلم ...كان لازم اشوف خطة عشان متجوزش عدي ...

....

بعد يومين قولت لماما تقول لربيع اني موافقة علي الجواز ...وقتها الكل فرح وانا بقيت انزل مع امي اشتري طلبات وقتها قدرت ازوغ واقابل عادل ...

....

-هيجوزوني يا عادل لواحد غيرك ...عدي النجار 

-ايه عدي بيه 

-هو الزف*ت ده ...اتصرف يا عادل ...أنا مقدرش ابقي لغيرك ..

-عايزاني اعمل ايه يعني أنا مش جاهز اتجوزك 

-هتتخلي عني يا عادل ؟!!

ارتبك وهو بيبصلي وقال:

-انا بحبك فعلا بس انا مش قد الناس دي .

-ما دام بتحبني اثبت ده 

-اثبته ازاي ؟؟!

-نهرب ونتجوز مستعدة اعيش في عشة معاك !!!

حسيته اتوتر ...فقربت منه ومسكت أيده وقولت:

-يا عادل أنا بحبك والله ومش هبقي لغيرك ...خلينا نهرب بعيد عن هنا ...نتجوز ونسافر ونأسس حياتنا ...هنشتغل أنا وأنت ونوفر مستقبل لينا ولولادنا ...

-ماشي 

قالها وهو مرتبك ....

.......

بعد يومين كنت مجهزة شنطتي وكان الكل نايم ....كنا متفقين أنا وعادل أننا نتقابل في الشارع العمومي ونهرب ...

طلعت من البيت بشويش وروحت وقابلت عادل كان متوتر ومرتبك...لسه هسأله لقيت حد شد أيدي ...لقيت ربيع ...بصلي بغضب وضر*بني بالقلم وقال:

-كنت حاسس هتعملي كده وفعلا عادل جالي وقالي علي كل حاجة وخد المكافأة بتاعته !!!!

يتبع

#متمردة

الجزء التاني♥️شكرا علي تفاعلكم السكر♥️بقلم سولييه نصار♥️

-ايه ده يعني ايه ؟!!

صرخت وانا ببكي وببص لعادل ...

مسك ربيع أيدي وقال :

-يعني اللي سمعتيه يا حلوة حبيبك باعك عشان شوية فلوس ...هو اصلا مكانش بيحبك ...كان بيتسلي بس وانتي بغباءك صدقتيه ...

بصيت لعادل وانا ببكي وقولت :

-لا مستحيل ...هو بيكدب صح يا عادل ...انطق ...

بصلي وقال :

-انا مقدرش اتجوزك ...اسف بس عمري ما فكرت اتجوزك يا شمس ...

دموعي نزلت ...فوق اللي أنا فيه الراجل الوحيد اللي حبيته خدعني ؟!!!ك*سرني بالشكل ده ...

قعدت اعيط وربيع بيسحبني وانا ببصله بلوم.كنت مجر*وحة منه اووي ومستحيل اسامحه علي اللي عمله...

رجعني ربيع البيت وضر*بني وحبسني ...خلاص أنا انتهيت ....عادل اتخلي عني وامي ضدي وربيع هو اللي هيتحكم فيا وهتجوز واحد عاجز !!!

مرت الايام وانا محبوسة في البيت ...بأكل علشان اقدر اعيش ....جه يوم الفرح كنت زي المي*تة  بتحرك وخلاص ومستسلمة لامي اللي اخدتني وودتني الكوافير والبنات اللي لبسوني الفستان...

اتجوزت عدي وانتهت حياتي خلاص .....

.....

في قصر عدي كنت قاعدة في اوضة النوم ...كنت ببصلها بصدمة دي اكبر من بيتنا كله أنا عمري ما شوفت حاجة بالجمال ده بس علي قد جمالها كنت حاسة أنها اوضة باردة مفيهاش روح زي اللي اتجوزته بالضبط واللي أنا بكر*هه دلوقتي من قلبي ...

خبط علي الباب خرجني من افكاري وبعدين لقيته داخل علي كرسيه المتحرك  بصيتله كويس ..كان وسيم اوسم راجل شوفته في حياتي ....عينيه زرقا بتلمع بقسوة وشعره طويل واصل لحد رقبته ...وعلي وشه ابتسامة باردة وهو بيبصلي بسخرية  ...قومت ووقفت وقولت بقسوة:

-اقف عندك 

بصلي بدهشة ورفع حواجبه ..بس مسمعش كلامي قفل الباب وقرب مني وهو بيزق الكرسي المتحرك وقال:

-مزاجك شكله مش حلو يا عروسة 

-اوعي تفتكر اني هخليك تلمسني ...

ضحك وقال:

-في حالتي دي مش هلمسك متقلقيش ...فهمت ربيع كده 

-فهمته ايه ؟!!

قولتها وانا مصدومة ...بصلي ببرود وقال:

-هتعملي نفسك بريئة يعني ومش فاهمة 

-انا فعلا مش فاهمة 

هز رأسه وقال :

-مش مصدق بلاش الالاعيب دي أنا دافعلك فلوس عشان كده 

-دافعلي أنا فلوس ...ازاي أنا مخدتش حاجة 

-انتي هتستهبلي يا بنت انتي يعني مش عارفة اني جوازنا تمثيلية وانتي قبضتي عشان تمثلي أننا متجوزين وحياتنا سعيدة 

سكت وسكتت أنا كمان واحنا الاتنين فهمنا اللعبة بتاعة ربيع ...بلعت ريقي وقولت :

-انا والله ما اخدت فلوس ولا اعرف الاتفاق ...حتي أنا مش موافقة علي الجوازة دي واضر*بت عشان اوافق ...

بصلي بصدمة وقال:

-يعني انتي هنا غصب عنك 

هزيت راسي وانا ببكي فقال:

-انا طلبت من ربيع اني اتجوز واحدة مؤقتا جوازنا هيبقي صوري وشهرين تلاتة هنتطلق  واديتله فلوس علي اساس كده وهو قال إنك طلبتي خمسين ألف 

-كداب والله كداب ...وانت عايز تتجوز صوري ليه حابة افهم 

بصلي وقال :

-عشان حابب انتقم من مراتي الأولي !!!!

يتبع

#متمردة

الجزء التالت♥️شكرا علي تفاعلكم السكر ♥️بقلم سولييه نصار♥️

-نعم انت متجوز ؟!!

قولتها وانا متعصبة فهز كتفه وقال :

-ايوة أنا متجوز 

-يعني أنا دخلت علي ضرة

قولتها بصدمة وانا بلطم 

-ايوة اكيد انتي فهمك علي قدك  ولا ايه .

-وبتهزر كمان ..

صرخت وانا برمي المخدة عليه ...

-انتي مجنونة ولا عشان مش عارف ادافع عن نفسي بتعملي كده ...لا فوقي بدل ما اقت*لك هنا فاهمة ولا لا ...

حطيت ايدي علي راسي وقولت:

-ربيع الك*لب ورطني مع راجل متجوز ...

كان عدي باصصلي ببرود وقال:

-خلصتي نواح خلاص ...إذا كان خلصتي اقعدي عشان نتفق 

-نتفق علي ايه ؟!وفاكرني هتفق معاك ؟!!

-معندكيش خيار يا حبيبتي اصلك اتدبستي خلاص فيا لو طلقتك النهاردة سمعتك هتت*دمر وانا مش وحش كده هنعمل اتفاق زي الفل نطلع احنا الاتنين كسبانين تمام 

سكتت فابتسم وقال :

-هو ده المطلوب شوفي يا ستي ..

-اتفضلي ارغي ...

بصلي بتعجب وقال:

-شكلك لمضة ومتمردة كمان بس ده احسن ...المهم انا هاخد حقك من ربيع وهديكي الخمسين الف مع وعد انك تكوني تحت حمايتي أنا مش هخلي لا ربيع ولا غيره يتاجروا بيكي تمام ...هتكون ليكي حرية الاختيار لشريك حياتك من غير ضغط وانا بضمنلك ده 

-والمقابل 

قولتها ببرود ...

ابتسم. وقال :

-والمقابل بسيط اوووي تمثلي أن جوازنا ناجح وانك بتحبيني وانا همثل اني سعيد معاكي ..

-مش شايف انك اوفر شوية هتخسر كتير عشان تخلي مراتك الاولي تغير عليك ...

-بس أنا مش عايزها تغير 

قالها وعينيه بتلمع بح*قد ...بصتله بدهشة وقولت:

-اومال ايه ؟!! 

ابتسم وقال:

-انتي متعرفيش سمر ...واحدة نرجسية مغرورة لما تعرف اني اتجوزت عليها هتت*كسر ..

-انت ازاي عايز تك*سر مراتك 

ابتسم بحزن وقال:

-متقلقيش قريب هتفهمي ...المهم دلوقتي ده اتفاقنا ...هنعيش هنا مع بعض وهي هتيجي من السفر بعد اسبوع  عايزاكي تمثلي أننا اسعد اتنين في العالم ....

بصتله بصدمة ...ده اكيد مجنون ...فيه حد يلف اللفة دي عشان يك*سر مراته ...يا تري ايه السبب ..طب وانا مال اهلي اصلا المهم ان دي فرصة ليا عشان انت*قم من ربيع واستقل بحياتي بعيد عن الكل ...

اتنهدت وبصتله وقولت :

-موافقة بس متفتكرش اني هسمحلك تتمادي معايا ...لو قررت تتمادي هقت*لك فاهم ..

ابتسم بإعجاب وقال:

-متمردة ...

كملت كلامي كأنه مقالش حاجة :

-وكمان وعدك تنفذه والا هقلب الترابيزة عليك ...

-تمام ....

قالها وهو مبتسم 

قعدت علي السرير وقولت:

-ودلوقتي اطلع برة عايزة انام 

-ميصحش يا بيبي متنسيش أننا عرسان قدام الخدامين علي الاقل ...أنا هنام علي الكنبة بس تعالي ساعديني اقوم ...

نفخت وانا متضايقة وساعدته لحد ما نام علي الكنبة  ...ابتسم. قال :

-تصبحي علي خير يا شمسي 

بصتله بغيظ وزعقت :

-اسمي شمس قولت متتجاوزش حدودك معايا !

ضحك بعدين غمض عينيه ...

.....

مر الايام وعدي كان بيتعامل معايا بلطف بالغ ...الإنسان الفظ اللي شوفته يومها اختفي تماما بس برضه منستش أنه واخدني وسيلة زي ما انا وخداه عشان كده حاولت اي مشاعر مهما كانت تتطور من ناحيته ....

في يوم جات مرات عدي سمر ...دخلت وهي بتصرخ بغضب ...كنت مع عدي في الصالون لما هي جات ...

-اتجوزت عليا يا عدي 

صرخت بإنه*يار وعينيها مليانة دموع ...

اتوترت بس عدي بصلها ببرود وقال:

-اه اتجوزت مش تباركيلي 

-انت مجنون ..صح ..ليه ليه عملت كده ..أنا اذ*يتك في ايه ...

ابتسم بوح*شية ... ابتسامته خو*فتني أنا شخصيا ...كنت مر*عوبة منه  ...وصدمني لما قال :

-انا عرفت عن علاقتك بوائل صاحبي يا سمر!!!

يتبع

#متمردة

#سولييه_نصار

التكملة بعد عمل متابعه من هنااااااا

البارت 4_5من هنااااااا