رواية الصعيدي والعمياء الفصل الخامس والسادس الأخير بقلم نوران احمد مليجي
رواية الصعيدي والعمياء الفصل الخامس والسادس الأخير بقلم نوران احمد مليجي
في بيت عدلي
نور بصدمه : اي الكلام الغريب اللي بتقوله ده يا جدي لو حاسس اني تقيله عليك وبدأت الناس تتكلم عني خلاص انا هسافر وارجع بيتي انت مش مضطر تتحملني
عدلي : اجعدي اهنه وصوتك معيعلاش عليا واصل يا بت البندر الحريم ملهمش رأي واصل اهنه
عبدالله : لع يا بوي معوافجكش في اللي عتجوله ده اللي جلبها يختاره عتتجوزه وبعدين يا بوي كانك معندكش غير فادي واصل مش اكده ماجد ليه مش في الحسبه
عدلي : جدامك يومين عتختاري فيهم الي عتتجوزيه فادي ولا ماجد واهنه خلصت الحكايه
بدأت دموع نور بنزل
عبدالله : متبكيش عاد يا بنيتي معتجلجيش اني في ضهرك معيحصلش حاجه معايزاهاش رايحه فين بس يا بتي متخرجيش لواحدك
نور وهي بتخرج من الباب : عايزه اخرج شويه عايزه افكر في كل الاحداث دي سيبني لواحدي لو سمحت
طلعت ناحيه سوق قرب منها ولدين صغيرين وفضلو يشدو لبسها ويلفو حواليها
عبد الصبور : طنط يا طنط عتعرفي تجوليلي اني رافع جدام عينيكي كام صباع دلوجيت اه صح نسيت انك معتشوفيش مش اكده يا صالح
نور : بس يا حبيبي كفايه يا بابا انا تعبت كفايه كدا
دخل ماجد البيت وشاف أبوه حزين
ماجد : مالك يا عبدالله عاد شايل طاجن ستك ليه وولدك علي وش الدنيا
بدأ عبدالله يحكيله كل حاجه اتعصب ومشي يدور عليها
عند نور في السوق وقعت علي الارض وخبطت في ولد عيط وجاب أمه وبدأت تدور علي العصايه
عفاف : كيف واحده معتشوفش حاجه تمشي اكده في الشارع من غير حد عميه يا اختي متجرفيناش وخليكي في بيتك مش ناجصين
نبيله : جري اي يا عفاف عتستاجوي علي البت عاد اكمنها مسكينه ومتجدرش ترد عليكي اتجي الله يا شيخه
مسكت نور العصايه ودموعها بتنزل وبتمشي بعيد عنهم وبتخبط في اللي حواليها لحد ما وصلت لارض مزروعه وسمعت حد بيجري وصوت
تهاني : خلاص يا بوي عشان خاطري يا بوي مهعملش اكده واصل ورحمه امي متضربنيش ارجوك واستخبت وري نور رفعت نور العصايه
نور بخوف : لو لو سمحت ممكن تهدي الأمور بتتحل بالهداوه والله
ولسه الراجل بيمد ايده يضربها عشان يشد بنته وقف قصاده ماجد
اترعب الاب اسماعيل : م ماجد بيه اني اني اسف مجصدش حاجه هي تبعك والله لو اعرف انها تبعك كنت فرش ليها الارض ورد وضايفتها حجك علية وحجك عليا يا هانم معتزعليش مني
فضلت تخبط بايديها لحد ما مسكت جلبيته اطمنت بيه
ماجد : انتي زينه يا نور تعالي نجعد في اي حته ارتاحي ومتخافيش واني معاكي واصل وكل حاجه هتتحل طول ما اني معاكي
نور بدموع : انا انا عايزه اروح كفايه كدا ارجوك روحني مش عايزه افضل هنا ولا عايزه اتكلم مع حد
ركبها العربيه وبص للبسها المتوسخ وزعل عليها وصلو نزلت نور وماجد وراها وقدام البيت
ماجد : معتتجوزيش حدي معيزاهوش طول ما اني علي وش الدنيا ولو لزم الأمر اجيبلك شجه لحالك واخلي بالي عليكي معسمحش لحد يضايجك واصل
نور : انت ممكن تتجوز واحده عميه يا ماجد مش هتعرف تكون لا زوجه ولا ام هتتحمل حد يزود عليك عبئ كل حاجه بدل ما تساعدك وتهتم بيك انت اللي دايما هتعمل كل حاجه وتساعد وتهتم بيها
ماجد : عشيلها فوج راسي او عحبها وتستاهل وبت ناس واكده ولا اكده سواء بتشوف او لا عجيب ليها ناس تخدم عليها معتشيلش هم اي حاجه اهم حاجه راحتها
حضنته نور : مش بطمن غير معاك انت ولو هختار حد هختارك انت لحد ما تحب وتلاقي بنت الحلال ووقتها ممكن تطلقني
اتكسفت من نفسها ودخلت اوضتها بسرعه ومن بعيد كان شايفها فادي ومتعصب
في اوضه نور رن الفون بتاعها وردت
رحمه : يا بنتي كنتي فين زهقتيني يا شيخه مش عارفه اوصلك عايزه احكيلك حاجه بما اني في السجن وفاضيه كنت في فرح وفي واحد زي القمر يا بت مز كان بيبصلي وبيشاورلي عايز يكلمني وياخد رقم الفون بتاعي طبعا محترمه ف رفضت
نور : رفضتي ازاي انتي عيانه ولا اي اول مره ترفضي واحد
رحمه : يا بت لازم اكون تقيله بردو مينفعش اكون واقعه اوي كدة اسكتي واسمعي بقا اي الرغي ده
نور : معلش بس عايزه اعرف ازاي بتكلميني وانتي في السجن يعني هناك في تليفونات عادي كدة
رحمه : ما انتي لو تخرسي وتديلي فرصه كنت شرحت يخربيتك اي ده المهم يا اختشي روحت من الفرح وإذ الاقي يا سبحان الله المز بعتلي اد علي الفيس
نور : اي رايك تختاري الفاظك اي الألفاظ دي بجد بقيتي لوكل جدا
رحمه : خليكي في حالك قبلت طبعا الاد كفايه كدا تقل علي الواد قبلت وقعدنا اسبوعين بنتكلم وكل كلامه انه عايز يتجوزني رسمي وكدا واحدد معاد مع اهلي
نور : حلو ده اول مره متمديش ايدك في الزباله وتطلعي رجاله اول راجل محترم اخيرا
رحمه : اصبري علب رزقك يا اختي الخزوق لسه مجاش اسمعي للاخر دخلت يا بت علي البروفيل بتاعه لقيته منزل صوره وحد معلق ليه انه ابو محمد واكتشفت انه متجوز ومخلف
نور : احيه اي ده الهبل ده هو في ناس ممكن تعمل كدا بجد عادي
رحمه : ولسه هو انا سكت روحت يا بت كلمت العروسه اللي كانت في الفرح تسأل جوزها عنه وان في واحده تعرفه معجبه بيه عرفت انه بيحب مراته جدا وحياتهم سعيده جدا ولسه عامل ليها عيد ميلاد جامد جدا من اسبوع ومروق علي حاله ابن الصرمه اسكت لا طبعا كلمته من عند زميلي في الشغل وخليته يقوله انه كسب في سحب موبايل جديد ولازم يبعت العنوان عشان يستلمه وعرفت بيته فين روحت هناك وعرفت كل حاجه من البواب وعرفت مواعيد شغل مراته من كام لكام فضيت ليها يوم ووقفت استناها لحد ما رجعت من الشغل ووريتها كل حاجه ورنيت عليه قدامها وهو نزل نحنحه وحب فيا كالعاده مراته سمعت شبشبتله وزعقت وعلت صوتها وقولت ليها خدي حقك بطريقتك بس حقي لسه مرجعش روحت يا بت رزعته علقه ومتجبس في المستشفي دلوقتي وبلغ عني وفي السجن دلوقتي
نور : جدعه ده انتي كوين بنت كوين بيعجبني فيكي حبك للمشاكل ودخلو الاحداث
رحمه : متستهبليش بقا محتاجه حد يضمني ويطلعني مش قولتي ابن عمك المز اللي بتكرشي عليه ده وكيل نيابه
نور : انا متكلمتش عنه خالص ولا انه وكيل نيابه ولا زفت عرفتي الكلام ده منين
رحمه : جمعت عنه معلومات ما انا لازم اعرف هتعيشي مع مين يا حبيبي هو اي حاجه كدا وخلاص
نور : طب اقفلي اقفلي اشوف ماجد لو يقدر يساعدك
ويجيبك هنا بالمره
رحمه : بت انتي بتحبيه صح اعترفي قولي بسرعه بتحبي الواد ده صح المعلومات بتقول انه مز بس لازم اتأكد مفيش اي صوره كدا
قفلت نور في وشها وكلمت ماجد وحكتله
ماجد : معتجلجيش عروح ليها دلوجيت عندي شغل بالمره اشوفه واجيبها معايا
نور : شكرا جدا معلش بتعبك معايا كدا علي طول دايما في مصايب وانت بتلحقني
ماجد : انتي بت عمي لو مهعملش اكده معاكي هعمل اكده لمين معتعرفيش اني هحبك كد اي جصدي هعزك كد اي
قفل ماجد ونامت نور علي السرير بفرحه وكسوف
تاني يوم سافر ماجد وعبدالله وعدلي راحو يشوفو شويه شغل في بلد بعيده شويه وصحيت لقت نفسها لوحدها والفون بيرن
نور : ايوه يا ماجد انت وصلت بالسلامه ولالا طمني عليك وفطرت ولا لسه
ماجد بحب : وصلت وفطرت اني وصاحبيتك المفجوعه دي طلعتهالك ودفعت كفاله اعملو فيها خير وجوزوها البت دي خطر علي المجتمع المهم جوليلي فطرتي مع الجماعه ولا لسه جدي حدثك بحاجه عفشه واني مش موجود حد زعلك
رحمه : ما كفايه يا عم النحنوح وسيبني اكلمها شويه بتبصلي كدا ليه يا عم خلاص سكت
نور وهي بتضحك : لا محدش زعلني اصلا جدو وعمو معرفش راحو في أرض اي كدا بعيد في بلد اسمها غريب وفطرت في اوضتي والسنيه قالت إن فادي أداها اجازه هي والكل يرتاحو النهارده عشان مفيش حد في البيت
ماجد بخوف : نور اجفلي الباب عليكي زين وإياكي تفتحي لاي حد مهما كانت عتسمعيني زين ولا لع
نور : لا سمعه هقفله دلوقتي حاضر بس انت خوفتني هو في حرميه ولا اي
ماجد بخوف : اني جايلك دلوجيت مسافه السكه وتخافيش واصل مفيش حاجه اني جلجان عليكي شويه بس خليني معاكي متجفليش اني في الطريج اهه
شويه وسمعت خبط
فادي : افتحي يا نور يا بت عمي عايز اتحدث وياكي شويه علي كلام جدي يعني ونشوف حل
نور : اسفه يا فادي بس ماجد قال مش افتح الباب لحد خالص لحد ما حد ييجي البيت
فادي : ماجد ماجد تاني مش ده عشيجك اللي كنتي بتحضنيه امبارح مش اكده ليه تختاريه وترفضيني اني هه احسن مني في اي ماجد ده ليه الكل شايفه احسن مني بس معخلهوش يتهنا بيكي ولا يجرب منيكي وبدأ يخبط الباب جامد ويحاول يكسره اترعبت نور وفضلت تصوت لحد ما الباب اتكسر وقرب منها وفجاه
الصعيدي والعمياء 6 والاخيره
بقلمي نوران احمد مليجي
كان ماجد سامع كل حاجه وبيزيد من السرعه
رحمه
ما تهدي يسطا في اي الدنيا مش هتطير مش كدا مالك متعصب ليه وريني كدا خدت الفون وسمعت صويت نور
هو اي اللي بيحصل ما تنطق في اي
ماجد بغضب
عيتهجم عليها الحيوان كل ده عشان الورث وأنها اختارتني عيستجوي عليها هجتلو هجتلو جربنا نوصل خلاص
نور وهي بتبعده من عليها
انا انا اسفه ارجوك سيبني عشان خاطري ورحمه بابا متعملش فيا كدا ارجوك ابعد ومسكت فاظه وضربتها في دماغه وفضلت تتخبط لحد ما وصلت السلالم مسكها فادي حاولت تبعده وقعت من علي السلالم بدأت دماغها تنزف قرب منها فادي فجاه ظهر ماجد ونزل فيه ضرب ورحمه حضنت نور وبدأت تفوقها
رحمه
يا عم سيبك من الحيوان ده وساعدني نطلعها ونطلب الدكتور مبتفوقش
شالها وطلع بيها بسرعه وطلب الدكتور واطمنو فضل ماجد قاعد جنبها
رحمه
سيبلي انا الحليوه اللي تحت ده هربي اهله ادام اهلك مبيعرفوش يربو نزلت تحت ومسكت عصايه وفضلت تلسوع فيه لحد ما فاق
فادي
جري اي يا ولاد في اي انتي مين عاد وكيف تتجرأ وتضربيني اكده لولا انك حرمه
رحمه
ده علي اساس انك راجل ياض قوم ياض قدامي على الاراضي قدام وفضلت تضرب فيه ... يا حج محتاج صبي يساعدك في الفلاحه النهار ده
عم عوض
ياريت يا بتي والله اني لا عندي عيل ولا تيل وتعبان لحالي
فضلت رحمه تشغله ولما يتعب تضربه يكمل شغل
بدأت نور تفتح عيونها ولأول مره بعد فتره طويله جدا تشوف النور شافت ماجد وابتسمت
ماجد بقلق
انتي زينه جادره تمشي وتتحركي ولا لع اتاخرت عليكي مجدرتش احميكي زين حجك عليا يا بت عمي
نور
نور اسمي نور انا انا بخير اه وعلي فكرة خلاص انا انا هسيب البلد ملوش داعي تضحي وتتجوزني تقدر تروح ترتاح شويه تعبتك معايا
ماجد
لع معسيبكيش واصل ومش بمزاجك عاد براحتي واعمل اللي عايزه يا بت البندر صحبتك المخبوله دي عتعذب الغبي التاني ده ومعتسيبهوش واصل تحبي تيجي تشوفي اقصد تحبي تخرجي تغيير جو نتمشي يلا متستسلميش عاد للتعب جومي
في الأرض الزراعيه
فادي
كفايه اكده اني اسف احب علي يدك انتي وبت عمي اعتجوني كفايه اكده
رحمه
مش هرحمك اشتغل واسترجل شويه هربي اهلك اصبر بس اي ده نونو حبيبتي انتي بقيتي كويسه حضنتها وانت يا عم ماجد ما تريحها في اي
كتب ماجد علي كراسه
اني جيبتها اهنه تغير جو وبالمره تجوليلي كيف اخليها تحبني اعترف ليها كيف اني بحبها وتفتكري عاد هي بتحبني
رحمه بصوت عالي
بتهزر بجد وكتبت علي فكره هي بتحبك بس بتكابر وبتغير عليك كمان
ابتسمت نور
اي يا جماعه في اي ساكتين ليه واي بتهزر دي في حاجه ولا اي
فادي
عيتحدثو كتابه علي التليفون عاد كيف عتسمعي
رحمه
يا حج عوض مش محتاج حد ينضفلك الزريبه عندنا حد هينضفلك كل حاجه
فادي
لع لع كله الا ده كفايه اكده ورحمه ابوكي يا شيخه
رحمه
ولسه يا ننوس مش بتفتن عليا هنيمك في المطبخ النهار ده يا موكوس
عدت اسابيع ورحمه بتعذب فادي ومحدش قادر يقف ليها و وماجد بيجهز لمفاجاه لنور وعلاقتهم كل يوم بتزيد اكتر
في اوضه نور
رحمه
بت يا نونو نونو بت ردي عليا بتكلمي الحبوب بتاعك ولا اي ما تردي علي اهلي في اي يا بت
نور
اي في اي عماله تنونوي ليه ومين الحبوب ده أن شاء الله رحمه احترمي نفسك وبعدين كفايه كدا علي فادي يا مفتريه عمري ما هنسي اليوم اللي جدي زعقلك فيه وطلعتيله في الضلمه جبتيله صرع ومن وقتها الراجل بيخاف منك والواد فادي بقا محترم جدا وبقا عارف قيمه القرش ومبيرفعش عينه فيا ابدا
رحمه بشك
اي اللي عرفك انه مبيرفعش عينه فيكي ها نور اوعي تكوني ...
نور بتوتر
لا ابدا الموضوع مش كدا ماجد قال انه مبيتجراش يبص في وشي وأنه ربيتيه خالص ومبقاش يرفع صوته
رحمه
مش مهم جدك ده عامل زي العيل المتدلع عايز يظبط شويه لولا انه راجل كبير بس جدك ده في شبابه اكيد كان جامد
نور
احترمي نفسك بقا شويه نفسي اشوف هتتجوزي مين يلمك ويربيكي انتي
رحمه
يربيني ده قرعه عيني يعمل اللي عايزه بقولك اي احنا رايحين حفله وكدا تعالي البسك الفستان ده تحفه غشان منتاخرش عليهم
وبعد ساعه كانو واقفين قدام قاعه كبيره شافت جو فرح جميل وماجد لابس بدله وبينزل علي ركبته
ماجد
نور احنا في حفله كبيره واني لابس بدله وانتي فستان فرح جدام الناس والدنيا كلياتها بنزل علي ركبتي وبجولك تتجوزيني
حضنته نور
موافقه وعندي خبر حلو اوي ليكم انا بقيت اشوف
فرح الكل
فادي
انسه نور انا بعتذر جدا عن كل اللي فات انتي اختي ولو زعلك بس عرفيني وهظبطهولك ومش هيهمني حد
رحمه
هييح يا دكري قره عيني يا ولاد اعمل اي بس واد متبصليش كدا بعيونك الحلوه دي
فادي بابتسامه
وبدأت اروح محاضرات في الجامعه وهخلص وعشتغل عاد في شركه عمي وجررت اتجوز المخبوله دي واهو تبجا جارك ومعاكي في الدوار مش اكده
رحمه
لا انت فاجأتني انا صوعقت اديني فرصه افكر ..... فكرت موافقه يا بيبي
ضحك ماجد ونور عليهم وشالها ولف بيها وطلع علي بيتهم
وكدا تكون خلصت قصتنا استنوني في روايه الجديده مع السلامه
تمت بحمد الله
النهايه
لمتابعة الروايه الجديده زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق