رواية( تري يا قلب احببت من ) الفصل الثاني وعشرون والثالث وعشرون والرابع وعشرون والخامس وعشرون والسادس وعشرون والسابع وعشرون والثامن وعشرون بقلم ريحانة الجنة
رواية( تري يا قلب احببت من ) الفصل الثاني وعشرون والثالث وعشرون والرابع وعشرون والخامس وعشرون والسادس وعشرون والسابع وعشرون والثامن وعشرون بقلم ريحانة الجنة
((((تري يا قلب احببت من)))).. بقلم ريحانة الجنة
(((الحلقة الثانية والعشرون)))#ريحانة
وبعد مرور 4 شهور سامح وندي منتظرين في معمل تحاليل
سامح: حبيبتي انتي كويسة ولا لسة دايخة
ندي: لا دايخة شوية. ربنا يستر ونشوف النتيجة
سامح: ان شاء الله خير يا حبيبتي ولو طلع في حمل. مش عايزك تقلقي. فوفة مش هتتعبك ابدا وتخلي بالها منك.
ندي: انا عارفة يا حبيبي وانا والله نفسي ابقي حامل بس خايفة اتعب انت عارف لسة فاضلي سنة هعمل ايه مع الحمل والدراسة
سامح: متشليش هم انا معاكي ومش هسيبك. وطول ما انا في البيت معاكي هخلي بالي من البيبي وانتي ابقي ذاكري.
ندي: حبيبي يا سمسم. ربنا يخليك ليا. انت مفيش منك. بس يارب لو طلعت حامل يطلع ولد عسل زيك كدة
سامح: هههههه حبيبتي يا عسسسل انتي بس انا عايز بنوتة حلوة وزي القمر زيك كدة
الدكتور : خرج مبروك يا سيادة المقدم. مدام ندي حامل
سامح: ابتسم.الله يبارك فيك يا دكتور. متشكر اوي. وحضن ندي مبروك يا قلبي والله وهتبقي مامي
ندي: ههههه الله يبارك فيك يا حبيبي . انا فرحانة اوي يا سمسم انا هبقي ام
سامح: تعالي بقي لما نروح نفرح فوفة دي ممكن تقعد تزغرد لحد الصبح امي وانا عارفها
ندي : تعالي يا حبيبي وكمان نعدي علي ماما في الطريق دي هتفرح اوي
سامح: تعالي يا قلبي من عنيا
(وتاني يوم في مكتب مهاب)
مهاب: ايه حامل!!
سامح: هههههه اه ايه مالك اتفاجأت ليه.
مهاب: وانت عادي كدة. سيبتها تحمل مش خايف عليها
سامح: واخاف عليها من ايه مش فاهم
مهاب: بعصبية انت هتنقطنى. يعني مش عارف اللي بينخربوا ورانا ممكن يعملوا ايه
سامح: لا عارف بس هعمل ايه والله كل شئ بتاع ربنا انا هشغل نفسي ليه
انا المهم اتجوز وانبسط واخلف عيل حلو كدة يملي عليا حياتي. ولو بقي جرالي حاجة ولا مت يبقي علي الاقل سيبت لندي عيل مني يفكرها بيا وكمان يخلي باله منها.
مهاب: قصدك تسيب عيل لواحد غيرك يربيه ويا عالم يطلع كويس ولا لا وهيعمل ايه في ابنك من بعدك
سامح: يا ابني كفياك تشاؤم بقي انت ليه مسودها كدة. انت كمان لازم تغيرك دماغك وتخلي نغم تخلف.
مهاب: اتنهد. انا مش مسودها انا بس بفكرك لو ناسي. لاني انا مش عارف انسي اني ممكن في يوم اموت واسيب نغم لراجل تاني مش قادر اتخيل ان ممكن راجل غيري يلمسها. كمان عايزني اسيب ابني لا مستحيل
سامح: بس والله حرام عليك. نغم ذنبها ايه في دماغك دي وكمان. لسة لما تعرف ان ندي حامل اكيد هتزعل علي نفسها.
مهاب: اه يا سامح. كفاية انا اللي فيا مكفيني اسكت. وعوموما الف مبروك
سامح: لا والله انت لسة فاكر تبارك. بعد ما نكدت علي اللي خلفوني وعكننت عليا ربنا يهدك
مهاب: معلش يا سامح حقك عليا.
سامح: طب ايه مش يالا بينا نروح
مهاب: اه خلاص انا خلصت شغلي يالا بينا.
شقة نغم ومهاب
نغم: حبيبتي يا ماما نورتيني والله واحشاني جدا
سهام: انتي كمان يا حبيبتي وحشاني. بس انا زعلانة منك مش بتيجي ليه تشوفيني يا نغم
نغم: والله غصب عني انتي عارفة مهاب مش بيسبني اخرج لوحدي أبدا لازم يوصلني بنفسه واليومين دول هو مشغول جدا في المكان الجديد اللي اتنقل فيه. معلش متزعليش
سهام :لا ياحبيبتي خلاص مش زعلانة. المهم تريحي جوزك. ليكي عندي بقي خبر هيفرحك اوي
نغم: خير يا ماما قولي
سهام: ندي حامل.
نغم: حست بإحساس غريب. هي فرحانة لأختها بس كمان حزنت علي نفسها وانها مش هتقدر تكون ام علشان متزعلش مهاب.
سهام: مالك يا نغم في ايه
نغم: ايه لا ابدا مفيش. بس ليه ندي مقلتليش انا لسة مكلماها النهاردة
سهام: هي عدت عليا امبارح هي وسامح وقالتلي وانا اللي قولتلها متقولكيش وتسيبني انا اللي اقولك.
نغم : ابتسمت. الف مبروك يا ماما انا بكرة ان شاء الله هكلمها واباركلها
سهام: ماشي يا حبيبتي. ربنا يخليكوا لبعض. نغم انا عايزة اكلمك في موضوع الخلفة ده. انتي من يوم ما اتجوزتي مهاب بقالكم كدة سنتين ومحصلش حمل انتي مخبيه عليا حاجة
نغم: ايه لا وهخبي ايه مفيش حاجة
سهام: لا في يا بنتي لو عنك مشكلة نشوفلها حل ولا يكون مهاب عنده مشكلة
نغم: لا يا ماما مهاب كويس وانا كمان كويسة. وعلي فكرة انا اصلا حملت قبل كدة والبيبي نزل
سهام:!! ايه امتي وازاي مقولتليش كدة يا نغم تخبي عليا حاجة زي دي
نغم: اهدي بس يا ماما. انا هقولك فاكرة لما وقت من علي السلم انا وقتها كنت حامل واجهضت. بسبب الوقعة وانا ومهاب محبناش نقول لحد وكمان طلبت من الدكتور ادم انه ميقولكوش حاجة وقتها
سهام: طيب ليه بس وكمان لما انتي كويسة ليه محملتيش تاني
نغم : اتنهدت. انا ححكيلك.......
سهام: لا حول ولا قوة الا بالله. بس بصراحة مهاب مزودها. يا بنتي كل شئ بتاع ربنا ده ربنا مبيسألناش عن عبادة بكرة نقوم احنا نسأله عن رزق بكرة واللي هيحصل فيه
نغم: والله يا ماما قولتله كتير واتكلمت معاه بس هو دماغه ناشفة
سهام: بس ده حقك وهو كدة بيجي عليكي وبيحرمك من انك تبقي ام. طيب تحبي اكلمه انا
نغم: لا يا ماما اوعي. انا قولتلك بس علشان تبقي عارفة لكن مش عايزة مهاب يعرف اني حكتلك حاجة مش عايزاه يحس اني بشتكي حتي لو ليكي
سهام: بس انتي كدة مش لتظلمي نفسك
نغم: لا يا ماما انا مش بظلم نفسي انا بحب مهاب ومقدرش ازعله او اخسره علشان اي حاجة حتي لو كان الثمن اني مخلفش باقي عمري المهم مهاب يفضل مرتاح ومشيلوش الهم.
سهام: خلاص يا حبيبتي المهم انك مرتاحة. وفي الاول والاخر دي حياتكم وانتم حرين تعيشوها زي ما يعجبكم. طيب اقوم انا بقي
نغم: ليه بس خليكي معايا شوية
سهام: معلش يا حبيبتي اصلي لسة هعدي علي ندي وسامح علشان اودلهم هما كمان الاكل بتاعهم
نغم: والله انا مش عارفة انتي تعبتي نفسك ليه بس وعملتي كل ده
سهام: ولا تعب ولا حاجة. وبعدين سامح هو يا حبيبي اللي طلب مني طاجن ورق العنب والحمام امبارح قلت لازم زي ما هعمله اعمل لمهاب حبيبي
نغم: ههههه تسلم ايدك يا ماما. بس سامح هيفضل تاعبك كدة. ده من ايام خطوبتهم وهو هاريكي طلبات وبالذات ورق العنب ده وبعدين هو مش متجوز وكمان مامته جنبه لازم يتعبك
سهام: ولا تعب ولا حاجة وهو انا عندي مين غيركم اعمله يعني وكمان بيني وبينك بيقولي انه بيحبه ايدي
وان لا ندي ولا فريال بيعرفوا يعملوه زيي. وانتي عارفة لو فريال سمعته هتضربنا كلنا
نغم: ههههههههه. انتي هتقوليلي بس بصراحة ست طيبة وبتحب ندي
سهام: اه والله الحمد لله هي حماقية شوية بس قلبها ابيض. وحاطة ندي في عنيها وبتحبها اكنها بنتها.
نغم: ربنا يهنيها هي وسامح يستاهلوا كل خير.
سهام: طيب يا حبيبتي يالا تصبحي علي خير
في الوقت ده مهاب رجع وفتح الباب
مهاب: اهلا لا انا كدة بقي حماتي بتحبني فعلا
سهام: ههههههه بحبك بس ده بموت فيك يا هوبا
مهاب: حبيبتي يا سوسو. ايه رايحة فين كدة
سهام: مروحة بقي انا هنا من بدري
مهاب: لا طبعا مفيش الكلام ده انتي هتتعشي معانا وتباتي كمان. نغم حبيبتي عاملة اكل ولا اطلب من برة
نغم: لا يا حبيبي عاملة والله وماما كمان جايبة أكل معاها وهي جابة
سهام: لا يا حبيبي معلش مش هينفع والله.
مهاب: يعني تبقي جايبة الاكل وكمان مش عايزة تتعشي معانا
سهام: ههههه معلش اصلي لسة هعدي علي سامح وندي.
مهاب: قولي بقي كدة عايزة تتعشي مع سامح وانا لا كدة سامح نساكي هوبا ده حتي انا الحب الاول
سهام: هههههههه طبعا انتي حبيبي بس اصل هو طالب مني ورق عنب وحمام زعايز يتعشي منهم النهاردة . وانا قلت لازم اجيب لحبيبي الاول قبل ما اوديله. ومش عايزة بقي اتأخر عليه
مهاب: هههههه طفس من يومه. بس ماشي خلاص انا هسيبك تروحي علشان حرام اخاف علي ندي الغلبانة ده ممكن لو جاع ياكلها.
نغم: هههههههه والله معاك حق ده سامح ده مصيبة
سهام :هههههه ماشي يالا سلام تصبحوا علي خير
مهاب: لا استني انا جاي اوصلك
سهام: لا يا حبيبي انت جاي تعبان ارتاح انت
مهاب: لا طبعا ميصحش. وبعدين انا اخاف عليكي تمشي لوحدك بالليل كدة. ولا انا بقي كلامي مبيمشيش
سهام: حبيبي ربنا يخليك ليا انت وسامح وامجد رجالتي ربنا يحميكم. بس متخفش عليا أمجد جاي يا خدني
مهاب: طيب هوصلك لحد تحت
سهام: قلت لا بقي متوجعش قلبي. روح بس انت الحق كل الحمام
مهاب: هههههه ماشي تسلم ايدك يا ست الكل
سهام: تسلملي يا حبيبي يالا تصبحوا علي خير . ومشيت
مهاب: عارف ان نغم أكيد زعلانة من خبر حمل ندي. مالك يا حبيبتي. انتي تعبانة
نغم: لا ابدا انا كويسة يالا يا حبيبي انت روح خد حمامك وانا هجهزلك الاكل بسرعة.
مهاب: اتنهد. ماشي روحي
ودخل مهاب واخد حمام وخرج لنغم لقاها في المطبخ ووقفة بتعيط. صعبت عليه وراح وراها وحضنها.
مهاب: حقك عليا انا السبب
نغم: مسحت دموعها بسرعة. احمم السبب في ايه
مهاب: في دموعك دي
نغم: ااانا مش بعيط.وهي هعيط ليه
مهاب: لفها ليه ومسك وشها بإيديه. بصي في عيني وقوليلي انك مكنتيش بتعيطي
نغم: بتحاول تمسك دموعها. لا مكنتش بعيط
مهاب: انتي عرفتي ان ندي حامل صح
نغم: مقدرتش تستحمل. وعيطت ورمت نفسها في حضنه. انا اسفة بس غصب عني
مهاب: غمض عنيه وجز علي سنانه. وهو زعلان من نفسه انه هو اللي وجعها كدة. حقك عليا معلش متزعليش. بس انا فهمتك كل حاجة. قبل كدة يا نغم
نغم: عارفة وفاهمة والله بس معلش غصب عني متزعلش مني
مهاب: مين اللي يزعل من التاني. انا اللي زعلتك ووجعتك حقك عليا. بس اوعدك اعيد حساباتي في الموضوع ده
نغم: رفعت راسها من حضنه بفرحة. صحيح يا هوبا بتتكلم جد.
مهاب: هز راسه وابتسم. اه يا عيون هوبا بتكلم جد. بس سيبيني كدة اظبت نفسي واقرر هعمل ايه. بس المهم اني مشوفش دموعك دي تاني اتفقنا يا روحي
نغم: ابتسمت. اتفقنا. تعالي بقي علشان تاكل ورق العنب والحمام اللي ماما عاملاه.
مهاب: هههههه ماشي. بس انت اللي هتتحملي النتيجة. الحمام بالليل بيكتم علي القلب.
نغم: ههههههه سلامة قلبك يا حبيبي.
مهاب: انا بقول بلاها حمام وتعالي اقولك حاجة جوا
نغم : هههه لا انا جعانة ومكلتش من الصبح ومستنياك
مهاب: خلاص تعالي ناكل وبعدين نتكلم ..
وبعد شهر
(في ڤيلا الفيومي )
عدنان : وبعدين يا عزمي احنا سبناه بما فيه الكفاية هنفضل ساكتين عليه لحد امتي
عزمي: احنا مكناش ساكتين عليه كنا سايبنه يستوي شوية. اوعي تفتكر انه كان متهني ومبسوط ده كان خايف ومرعوب مننا لانه عارف ان احنا صعايدة ومنسبش طارنا ابدا. وكمان متنساش. اننا اتفقنا اننا مش هنلعب معاه الا لما يعدلنا البضاعة الجديدة. واحنا كنا لسة بنقنع الجماعة اللي برا. اديك شوفت كانوا خايفين بعد موت ابوك وظبط البضاعة اللي فاتت. وكمان كانوا عايزين فلوسهم مرة واحدة وانا كان لازم اجهزلهم فلوسهم. بس خلاص كل حاجة خلصت. هما خدوا فلوسهم والبضاعة قربت توصل. المهم الرجالة بتراقب الزفت مهاب ومراته
عدنان: كل يوم بيجيلي تقرير بخط سيرهم. البيه مبيسبهاش. ابدا كل يوم
لازم يوصلها لشغلها ويرجع يرجعها تاني بخاف عليها زي عنيه
عزمي: هههههههه مش قلتلك مرعوب. تمام خليه اكيد هنعرف نظبطها. قولي انت شوفت مراته
عدنان: لا الرجالة معرفوش يصوروها خايفين للزفت ده ياخد باله منهم
بس بيقوليلي موزة جامدة
عزمي: حلو يعني هننبسط يا برنس
عدنان: اناهموت علي اليوم اللي اقتله فيه واخد طار ابويا منه
عزمي:انا بقي عايز أكسر في عينه واجيب راسه في الارض.الاول وكمان اخليه بنفسة يعدي البضاعة اللي جاية . وبعدين اقتله
عدنان: طيب هنفذ امتي امتي
عزمي : ابتسم بخبث. قريب اوي
وبعد اسبوع في المستشفي
سهي: اه يا نغم مش ممكن انا حاسة اني هتجنن. هو ليه أدم مش حاسس بيا
نغم : يا سهي يا حبيبتي. لازم تعرفي ان أدم شخصية غامضة بجد . ومش سهل ابدا انه يدخل في علاقة علي اي واحدة.
سهي: بس ده نشف ريقي وجنني معاه
المهم انه مش هيروح من ايدي والله ماهيحصل
نغم : تمام اوعي بقي عايزة الحق اروح قبل ما مهاب يرجع يا خدني علشان الحق اعمله المفاجأة
سهي : ماشي خليكي كدة. مقضياها انتي حب وغرام ومفأجأت.
نغم: يارب ارحمني من البنت الغلسة دي
سهي : انا ماشي. بس ابقي خلي بالك من نفسك وانتي ماشية
نغم : هههههه حاضر سلام
سهي: سلام
ومشيت نغم وبعد شوية جه مهاب ولما سأل عليها ملقاهاش اتجنن
في مكتب أدم
مهاب: ازاي تخرج لوحدها ليه سيبتها يا أدم تخرج لوحدها بس
أدم: وانا هعمل ايه كنت همنعها بصفتي ايه
مهاب: يعني ايه بصفتك ايه
انت عارف اني سايبها امانة في ايدك هنا لحد لما ارجع واخدها كان لازم تكلمني
أدم: انا مش عارف انت ليه مكبر الموضوع كدة عادي أكيد وراها مشوار ولا حاجة
مهاب: اتعصب. مشوار ايه وزفت ايه انا لما اشوفها ليها معايا حساب كبير عن اذنك يا أدم. وخرج مهاب
سهي: دخلت لادم . هو المقدم مهاب كان بيزعق ليه يا دكتور أدم
أدم: سهي انتي تعرفي نغم خرجت ليه من غير ما تستني مهاب
سهي: ايوة اعرف
أدم: طيب مشيت ليه
سهي: اصل النهاردة عيد ميلاد مهاب وكانت عايزة تعمله مفاجأة وجو رومانسي قبل لما يرجع البيت علشان كدة روحت قبله
أدم: بحزن. اه جو رومانسي تمام.
ومشي مهاب ورجع البيت زي المجنون عايز يطمن علي نغم بسرعة وكل لما يكلمها تليفونها مقفول. ودخل الشقة ودور عليها ملقهاش اتجنن .
مهاب: راحت فين دي بس انا كدة قلقت أكتر . طيب هكلم طنط سهام اسألها. واتصل مهاب بسهام......
سهام: الو
مهاب: ازيك يا طنط. بقولك ايه هي نغم عندك
سهام: لا يا حبيبي مجتش عندي ليه في حاجة
مهاب: لا ابدا.خلاص تلاقيها بتجيب حاجة وراجعة. تصبحي علي خير
مهاب قفل معاها واتجنن اكتر واتصل علي سامح وندي تليفونتهم مقفولة نزل وراح لسامح.
في شقة سامح
سامح مع ندي في أوضتهم . والباب خبط
ندي : مين اللي جاي دلوقتي
سامح: انا عارف. بقولك ايه سيبك من الباب وركزي معايا كنتي بتقوليلي اني واحشك صح
ندي: هههههه اه كنت بقول كدة
الباب خبط تاني
ندي: سمسم روح شوف مين
سامح : هيكون مين تلاقيها فوفة بتطمن اتعشيت ولا لا سيبها دلوقتي تزهق وتمشي
ندي: ههههههه انت فظيع
سامح: ههههه يعني بذمتك حد يسيب القمر ده ويقوم ازاي بس
الباب خبط بجنون جامد
ندي: خافت لا يا سامح انا قلقت شوف مين اللي بيخبط كدة
سامح: عندك حق استني .
وقام سامح ولبس هدومه وراح فتح ولقي مهاب
سامح: مهاب فيه ايه. ايه اللي جابك دلوقتي
مهاب: بعصبية. انت بارد ليه كل ده بتفتح كتك فتح دماغك
سامح: مالك داخل بزعابيبك ليه كدة. ايه اللي حصل
مهاب: قولي نغم عندكم
سامح: نغم لا وهي ايه اللي هيجبها دلوقتي
مهاب: يا نهار اسود اكيد جرالها حاجة انا هتجنن
سامح: اهدي بس وفهمني ايه اللي حصل
مهاب: معرفش انا روحت اخدها من المستشفي زي كل يوم ملقتهاش قالولي انها مشيت روحت البيت بردوا ملقتهاش اتصلت بطنط سهام مرحتلهاش ومجتش عندكم يبقي ايه بقي اكيد حصلها حاجة
سامح: اهدي بس ان شاء الله خير
مهاب: سامح انده لندي خليني اسألها يمكن تعرف هي كانت رايحة فين لما خرجت
سامح: حاضر ثواني هندهلها
ودخل سامح لندي
ندي: في ايه يا سامح مين اللي بيزعق برة كدة
سامح: قومي يا ندي البسي بسرعة وتعالي برة مهاب عايز يسألك علي حاجة
ندي: حاجة ايه
سامح: لما تخرجي هتعرفي قومي البسي بسرعة
ندي:حاضر اهو هقوم. ولبست ندي وخرجت
مهاب:ندي نغم فين
ندي:نغم معرفش هي مش في البيت
مهاب: لا مشيت من المستشفي لوحدها ومرجعتش البيت طيب مقلتلكيش رايحة فين
ندي: ايوة هي كانت عايزة تروح قبلك علشان تحضرلك حفلة علي قدك انت وهي علشان عيد ميلادك كانت عملالك مفاجأة
مهاب: عيد ميلاد ايه وزفت ايه بس اديها مرجعتش البيت راحت فين بس انا هتجنن
ندي: عيطت. اختي حصلها ايه انا خايفة عليها اوي
سامح: حضنها. اهدي يا حبيبتي ان شاء الله خير ونطمن عليها متقلقيش
مهاب: تليفونه رن ....... الو
المتصل:...........
مهاب:😡😡😡😡
#
((((تري يا قلب احببت من )))).. بقلم ريحانة الجنة
(((الحلقة الثالثة والعشرون )))#ريحانة
مهاب : عزمي الفيومي. انت عايز ايه
عزمي : ههههههه حلو اوي يا باشا انك عرفت صوتي كنت خايف لتكون نسيته
مهاب: بشك. انت عايز ايه اتكلم
عزمي: ابدا اصل معايا حاجة تخصك فقلت اطمنك انها عندي ومعايا
مهاب: جز علي سنانه. وغمض عنيه وخايف اللي بيفكر فيه يكون صح. حاجة ايه يا عزمي
عزمي: هههههه الحاجة اللي انت. بتدور عليها دلوقتي. مراتك الطلقة الجامدة. معايا يا باشا
مهاب: خبط بإيده الحيطة. اااه يا بن الكلب ورحمة ابوبيا لدفعك تمن اللي عملته عمرك واخليك تحصل ابوك في جهنم.
عزمي: تؤتؤتؤ. كدة انا ازعل منك وانا زعلي وحش وبعدين انت في موقف ميسمحلكش بالتهديد يا سيادة المقدم
مهاب: انت عايز ايه. خطفتها ليه. انت طارك معايا انا تعالي وخده بتتحاما في ست يا بن الكلب. ده انا حقطعك بأسناني يا عزمي الكلب
عزمي: تاني بتغلط. ماشي احب اقولك
اني قريب اوي هاخد روحك يا مهاب بس مش قبل ما اربيك. اسمع من غير كلام كتيير عايز مراتك تنفذ اللي انا عايزه غير كدة هترجعلك جثة وكمان قبل ما اقتلها هتمتع بيها لحد ما ازهق. ماشي الكلام
مهاب:وهو وصل لأقصي درجات الغضب. لو فكرت تلمس شعرة منها اقسم بالله لهكون قتلك. انت وعيلتك كلها يا عزمي سامعني انت وعيلتك كلها
عزمي: لما نشوف مين هيقتل مين اهدي ولم اعصابك اللي اتبعترت دي وجهز نفسك لحد ما اكلمك واقولك انا عايز منك ايه سلام يا باشا
مهاب: رزع التليفون في الارض بغيظ. وقعد يخبط بإيده في الحيطة. غبية غبية. ليه ليه
سامح: اهدي يا مهاب والله لنجبها بس اهدي
مهاب:بصوت عالي وكله الم. اهدي ازاي. ومراتي مخطوفة ومع مين مع عزمي وعدنان اللي انا قاتل ابوهم ومخسرهم ثفقة عمرهم. اهدي ازاي وانا عارف ممكن يعمله فيها ايه قولي اهدي ازاي
سامح: بيجز علي سنانه. والله والله لنجبها ونربي ولاد الكلب دول بس لازم نهدي علشان نفكر ونعرف هنعمل ايه
مهاب: اه يا سامح اليوم اللي عشت سنين خايف يجي وعامله الف حساب . جه ونغم اتخدت من حضني. عرفوا ازاي يوجعوني ويلوا دراعي يا سامح
سامح: ولا يعرفوا بقولك هنجبها. جمد قلبك انا معاك
في الوقت ده ندي مكنتش قادرة تستحمل العياط والخوف علي اختها ووقعت.علي الارض واغمي عليا
مهاب وسامح جريوا عليا
مهاب: مالها ايه اللي حصل
سامح: رفع راسها علي رجله. مش عارف. ندي . ندي فوقي يا حبيبتي . مهاب روح انده لفريال بسرعة. وانا هشيلها وادخلها جواه. وشالها سامح ودخلها الاوضة.
ومهاب. راح نده لفريال وجات علشان تفوق ندي ودخلت فوقتها واول ما فاقت. عيطت وصرخت
ندي: بعياط هستيري. اختي فين يا سامح نغم جرالها ايه. رد عليا فين اختي
سامح: قعد جنبها وحضنها. اهدي يا حبيبتي علشان خاطري. والله هنرجعها بس اهدي انتي.انتي ناسية انك حامل وممكن اللي بتعمليه ده يأذيكي او يأذي البيبي ارتاحي دلوقتي علشان خاطري.
ندي: بتعيط. تغم اتخطفت يا سامح نغم اتخطفت. انا خايفة عليها خايفة يموتوها علشان خاطري وحياتي رجعها يا سامح رجعلي اختي
سامح: حاضر والله هنرجعها بس اهدي انا هسيبك ترتاحي وحاولي تنامي وهخرج اشوف مهاب هو كمان محتاجني جنبه ماشي ياروحي بس وحياة سامح بطلي عياط
ندي: بتحاول تاخد نفسها. حاضر ههدي بس اعمل اي حاجة ورجع نغم.
سامح: حاضر ان شاء الله. بس نامي انتي . ووجه كلامه لفريال. ماما خلي بالك منها ومتسيبهاش
فريال: لا يا حبيبي مش هسيبها هفضل جنبها لحد لما تنام روح انت شوف مهاب ده يا حبيبي حالتوا صعب.
سامح: هز راسه بضيق وباس راس ندي وخرج لمهاب.
مهاب كان قاعد وماسك راسه بإيده وباصص في الارض.
سامح : قعد جنبه. ارفع راسك مش مهاب اللي يوطي وحياتك لنجبها ونعلهم الادب. بس متشيلش الهم انت
مهاب: رفع راسه وبصله. نغم يا سامح نغم
سامح: حضنه. امسك نفسك يا صاحبي انا معاك وفي ظهرك مش هسيبك.
مهاب: قام وقف. انا ماشي
سامح: ماشي فين لا خليك معانا متروحش لوحدك.
مهاب: لا انا عايز اكون لوحدي. عايز افكر هعمل ايه مع ولاد الكلب دول. قولي ندي عاملة ايه
سامح: اهي مموته نفسها من العياط. استني انا هلبس واجي معاك
مهاب: لا يا سامح خليك مع ندي انا كويس وقولتلك عايز اقعد لوحدي.
سامح: ماشي اللي يريحك. وانا الصبح ان شاءالله هجيلك ونشوف هنعمل ايه
بس حاول تنام وترتاح علشان تعرف تفكر ازاي ترجعها
مهاب: بسخرية. انام وارتاح ومراتي مخطوفة مع شوية كلاب مجرمين. ويا عالم هي بيحصلها ايه دلوقتي. انا مخنوق مخنوق ونفسي اروح اقتله بإيدي. بس والله والله يوم ما همسكه مش هرحموا. سلام
(في ڤيلا الفيومي )
عزمي قاعد في مكتبه ودخل عليه عدنان.
عزمي:ههههههه. اقول مبروك يا عريس
عدنان: شكله حزين ومهموم. لا ملمستهاش
عزمي: عقد حاحبه ليه مالك مش قلت انها جامدة. ولا تكنش. جبت جاز وتعبت
عدنان: ساكت
عزمي: مالك يا عدنان في ايه
عدنان: انت لازم تشوفها وانت تعرف مالي
عزمي: ههههههههه بس خلي بالك لو شوفتها وعجبتني. هبتدي انا الاول انا بقولك اهو
عدنان: تعالي شوفها وبعيدن نتكلم
عزمي: ماشي تعالي.
في أوضة فخمة جدا في ڤيلا الفيومي نغم قاعدة علي السرير ورجلها مربوطة وايديها وبقها كمان وهي عمالة تعيط بس صوتها مش طالع.
ودخل عزمي الاوضة وكان كل تفكيره ازاي هيفضي الليلة مع نغم. بس اول ما دخل وشافها جالوا زهول. وتنح
عدنان: فهمت انا ليه ملمستهاش .
عزمي : مش ممكن ازاي هو فيه شبه كدة انا مش مصدق
عدنان : كنت زيك مش مصدق اول لما شوفتها.
عزمي قرب من نغم وقعد قصادها علي السرير. وبيحقق في ملامحها
نغم : بتضم نفسها برعب وخوف منه وبتهز راسها بخوف بلا
عزمي: انتي ازاي شبها كدة ازاي مستحيل. انا مش مصدق
وقام بسرعة وخرج علي مكتبه ووراه عدنان
عدنان: اول ما شوفتها افتكرتها افتكرت فاطمة أختك الله يرحمها حته منها. حسيت اني مكتف مش قادر اقربلها. حسيت اني هعمل كدة في فاطمة مش فيها
عزمي: انا مش مصدق ازاي في شبه كدة ازاي بس. الله يرحمك يا حبيبتي اتعذبت كتير في مرضها
عدنان : الله يرحمها. بس ارتاحت من الامها الكانسر كان منتشر في جسمها كله. بس هي ارتاحت واحنا تعبنا من
عزمي: خبط بإيده علي المكتب بغيظ
ليه ليه يامهاب كل لما اجي اخد حقي منك الحظ يخدمك. ليه ليه الدنيا جاية معاك.
عدنان: عزمي. محدش هيقربلها ولا انا ولا انت فاهم.
عزمي: من غير متقول. هقربلها ازاي وهي حته منها ازاي. اسمع مش عايز حد يطلع عندها غيري انا وانت والحراس اللي علي الباب. فهمهم ميدخلوش عندها مهما كان الا بإذن مني.
عدنان:حاضر. بس دي معهاش هدوم وشكلها كمان تعبان
عزمي: اسمع تشتيريلها هدوم وكل حاجة ممكن تحتاجها وكمان تطلعلها الاكل بنفسك. فاهم
عدنان : من غير ماتقول. انا كنت هعمل كدة. بس قولي هتعمل ايه مع الزفت ده اللي اسمه مهاب
عزمي: انا هسيبه يومين كدة اعصابه تبوظ وعقله يطير وهو بيفكر احنا بنعمل فيها ايه. وكمان انا المكالمة الجاية هتقله العيار شوية وخلي قلبه يوجعه شوية لحد ما نحدد معاد نقل البضاعة من المخازن. بس المهم عايز الحراسة علي المخازن اشد من الاول عايز عنيكم مفتحة علي الاخر مفهوم.
عدنان: متقلقش انا بنفسي بروح كل يوم واتابع كل حاجة.
عزمي:اه اه يا مهاب الكلب ورحمة ابويا لهقتلك شر قتلة بس اصبر عليا
وبعد يومين من خطف نغم مهاب كان بيحاول يعرف هما خطفنها فين وكان القلق بياكل فيه كل يوم. وفي يوم
(في مكتب اللواء سراج)
اللواء سراج: انا مقدر خوفك وقلقك يا مهاب وعارف اللي انت حاسس بيه
مهاب:بغضب. اعزرني سيادتك محدش ممكن يقدر ولا يحس باللي انا فيه انا بموت وانا مراتي بعيد عني وفي ايد مين في ايد كلاب مجرمين همهم الوحيد انهم ينتقمه مني.
سراج: معلش. ان شاء الله انا ححاول اجهزلك اذن النيابة في اسرع وقت بس المهم المعلومات. لازم نجيب معلومات كفاية عن وجود نغم عندهم وكمان وجود البضاعة ومكان تخزينها
مهاب: هو سيادتك عايزني استني لحد ما اجمع معلومات واجيب اذن نيابة لا ده كدة ممكن اموت والله لا مستحيل استني انا هروحله بنفسي واللي يحصل يحصل
اللواء سراج: لا يا مهاب حاول تمسك نفسك انت لو روحتلوا لوحدك. كدة بتسلمهم نفسك وهتبقي انت ونغم تحت ايديهم. انت لازم تكون بعيد علشان تعرف تساعدها
مهاب: تحت امرك سيادتك. عن اذنك
(في ڤيلا الفيومي )
نغم قاعدة بتعيط في الاوضة وبتدعي ربنا انها تخرج علي خير. بس كانت مستغربة من معاملة عدنان ليها وكل يوم يدخلها الاكل ويقعد يبصلها كتير وميتكلمش معاها. وهي قاعدة دخل عزمي عليها الاوضة وقرب وقعد جنبها علي السرير. وقعد يبصلها بحنية ولهفة وبتفحص كل حته فيها. نغم خافت منه ومن نظراته اللي مش فاهماها وخافت يكون بيفكر يعمل فيها حاجة. ضمت نفسها بخوف. ورعب
نغم: بتعيط. لو سمحت ممكن اعرف انتم خطفني ليه وعايزين مني ايه ارجوك انا عايزة اروح البيت من فضلك
عزمي: مد ايده يطبطب عليها.
نغم : خافت وبعدت. انت هتعمل ايه ارجوك اوعي تأذيني بص لو عايز فلوس اطلب اللي انت عايزه. مهاب جوزي هيديك اللي تطلبه بس منفضلك بلاش تأذيني
عزمي: كان بيسمعها وحاسس انه بيسمع فاطمة اخته. متخفيش محدش هقرب منك ولا يأذيكي. بس انا عايز اشوفك واسمعك. اتكلمي معايا عايز اشبع منك.
نغم : بلعت ريقها بصعوبة ومش فاهمة حاجة
عزمي: مالك خايفة مني ليه. انا عايز بس ابصلك مش اكتر
نغم: ارجوك روحني عن جوزي انا عايز مهاب منفضلك خليني اروح
عزمي: تعرفي انك حدخسارة في واحد سفاح زي مهاب ده
نغم :انت بتقول ايه انا جوزي ظابط مش سفاح
عزمي: ظابط اه بس بيقتل بدم بارد زي السفاحين ميفرقش عنهم كتر
نغم : هو انت تعرف مهاب جوزي
عزمي: اعرفه الا اعرفة. ده انا بيني وبينه طار كبير وقريب اوي هاخد بطاري منه ولولا انك طلعتي شبها. كان زماني دلوقتي بحرق قلبه عليكي
نغم : لا اوعي تأذي مهاب ارجوك لوسمحت مهاب مبيعملش حاجة وحشه ارجوك
عزمي: انسي جوزك قتل ابويا وانا هقتله وقريب اوي حتاخدي عزاه
نغم: عيطت أكتر. لا بلاش. منفضلك متقتلهوش لا ارجوك
عزمي: خلاص. ممنوش فايدة الكلام ده. انا عايزك تغيري هدومك دي انتي بقالك بيها كام يوم . احنا جبنالك هدوم جديدة وكل اللي ممكن تحتاجيه. ومتخفيش . الحمام ليه مفتاح ابقي اقفلي علي نفسك. وكمان عايزك تاكلي قلة الاكل مش هتفيدك. انا نازل لو عزتي حاجة خلي الحارس اللي علي الباب يندهلي وانا اجيلك.
ومشي عزمي. ونغم فضلت تعيط وتدعي ربنا. يا رب احمي مهاب من اذاهم انت عالم انه كان بيعمل واجبه يارب احميه انا مليش غيره ومقدرش اعيش من غيره ده حبيبي يارب يارب
(في مكتب مهاب)
مهاب: لا يا سامح انا خلاص مش قادر. اسمع انا هروحله لوحدي ويعمل اللي يعمله يارب حتي يقتلني المهم ارجع نغم
سامح: اهدي بس احنا لازم نحسبها صح. انا معاك في اي حاجة بس لو روحنا من غير صفة رسمية. يبقي كدة الموضوع بقي شخصي مش ميري. وساعتها ممكن نخسر شغلنا ده لو رجعنا اصلا. اهدي خلينا نحسبها صح
مهاب: تعرف انا لقيت الشخص اللي ممكن يساعدني
سامح: مين ده
مهاب: مراد. مراد سلام هو الوحيد اللي ممكن يساعدني هو يعرف عيلة الفيومي كويس وكمان يقدريعرفلي نغم فين ولو طلعت في ڤيلا عزمي هو ممكن يعرفني مداخل ومخارج الڤيلا وانا ساعتها اقدر اروح اجبها
سامح: طيب كلمه... بسرعة
مهاب: طلع تليفونه واتصل بمراد......
مراد: الو
مهاب: ايوة يا مراد . انا المقدم معاب عز الدين
مراد: اهلا يا مهاب باشا واحشني. والله
مهاب: مراد انا محتاجك في خدمة
مراد: وانا تحت امرك . أؤمرني
مهاب: انت في البيت ولا في الشركة
مراد: لا في البيت.
مهاب: طيب انا جايلك مش انت في نفس ڤيلتك القديمة
مراد:ايوة لسة فيها. اتفضل انا منتظرك.
مهاب: يالا بينا يا سامح بسرعة
(في ڤيلا مراد سلام)
مراد: معقول الكلام ده ربنا يكون في عونك انا حاسس بيك يا مهاب وفاهم شعورك كويس
مهاب: انا مفيش حد ممكن يحس بيا انا بموت وبتقطع وانا بفكر في اللي ممكن يكون بيحصل لنغم
مراد: لا انا أكتر واحد ممكن يحس بيك لاني اتعرضت لنفس اللي انت فيه
مهاب: معقول ازاي
مراد: ايوة ياسر الزفت قبل ما يموت
حاول يعتدي علي سجي. وكمان لما كنت في ايطاليا انا وهي زين انت أكيد فاكره. خطفها وكان عايز يغتصبها
هو كمان بس وقتها لحقتها علي أخر لحظة. وده كان سبب الحادثة بتاعتي وقتها.
مهاب: يعني هتساعدني
مراد:طبعا ومش بس هقولك هي فين انا حاجي معاك ونجبها
مهاب: طيب هتعمل ايه
مراد: استني ثواني. هعمل كام تليفون
وراح مراد مكتبه يعمل التليفونات اللي هيعرف منعا مكان نغم.
سجي : مساء الخير. ازي حضرتك يا سيادة المقدم.
مهاب: اهلا بحضرتك
سجي: انا اكتر واحدة حاسة بنغم ربنا معاها في اللي هي فيه. انا عارفة الرعب اللي جواها دلوقتي وبدعيلها والله ربنا يرجعهالك بخير
مهاب: اتنهد. ادعيلها يا مدام سجي لو سامحتي
سجي: بدعيلها صدقني انت كمان خلي عندك حسن ظن في الله انه مش هيضيعك. ولا يضيعها
مهاب: ونعم بالله متشكر ليكي بجد كلامك ريحني
سجي: علي ايه. انا كمان والله عايزة اطمن عليها. ومراد أكيد مش هيتاخر عن مساعدة حضرتك. عن اذنكم
سامح: طيبه اوي مراتوا دي
مهاب: فعلا.
مراد: خلاص يا مهاب عرفت ان نغم في الڤيلا عند عزمي وكمان عرفتلك مكان البضاعة في مخازن الجبل
مهاب: تمام كدة قولي بقي ادخل الڤيلا ازاي
مراد: انت فاكر انك هتروح لوحدك . انا كلمت البادي جارد. كلهم وجاين ومعاهم السلاح وهنروح كلنا علي ڤيلا عزمي ونرجع مراتك
مهاب: بجد انا متشكر اوي يا مراد.
مراد: علي ايه انا معاك متقلقش
مهاب: ثواني اكلم اللواء سراج ......
سراج: ايوة يا مهاب
مهاب: ايوة سيادتك. انا عرفت ان المخدرات في مخازن الجبل بتاعة عيلة الفيومي. وانا دلوقتي رايح ڤيلته ارجع نغم. واعتبرني سيادتك. متحمل اي نتيجة حتي لو خرجت من الداخلية. المهم اني مش هستني دقيقة تانيه بعيد عن مراتي
سراج: خلاص يا مهاب انا هبعت القوي علي المخازن. وانت روح رجع مراتك وانا هعتبر نفسي معرفش حاجة روح يا وحش وابقي طمني
مهاب: متشكر سيادتك.
سامح: يالا بينا
مهاب: يالا بينا.....
((((تري يا قلب احببت من)))).. بقلم ريحانة الجنة
(((الحلقة الرابعة والعشرون)))#ريحانة
في ڤيلا الفيومي
(في أوضة نغم )
نغم لقت انها محتاجة تدخل تاخد حمام وتغير هدومها وفعلا اخدت هدوم من اللي جابهالها عدنان ودخلت الحمام وقفلت علي نفسها واخدت حمام ولبست وقعدت بس مكنتش قادرة تاكل فقامت صلت ودعت ربنا انها ترجع لمهاب وان ربنا ينجيه منهم
(قصاد ڤيلا عزمي )
وصل مهاب وسامح ومراد والبادي جارد بتوع مراد واقتحموا الڤيلا وابتدي صوت ضرب النار يسمع في المكان كله.
في مكتب عزمي
عزمي : شوقي ايه صوت ضرب النار ده
شوقي: الحق يا عزمي بيه. مهاب ومراد ومعاهم رجالة كتير وسلاح كتير ودخلوا الڤيلا وبيقتله في الحراسة كلها
عزمي : اهم حاجة مراته اطلع خدرها بسرعة مش عايزها صوتها يطلع وانا هخلص عليه بسرعة. استني فين عدنان
شوقي: عدنان بيه في المخازن بيطمن علي البضاعة.
عزمي: طيب روح اعمل اللي قولتلك عليه. والله وجتلي برجليك يا مهاب بس استعجلت قضاك. ماشي انت اللي ابتديت.
وابتدت المواجهة بين مهاب وسامح ومراد والرجالة اللي معاهم وبين عزمي ورجالته.
مراد: مهاب ادخل انت وسامح من الممر ده هتلاقي نفسك جوا الڤيلا ادخل ودور علي نغم واحنا هنا هنشغلهم عنك. بسرعة
مهاب: تمام يالا يا سامح
ودخل مهاب وسامح الڤيلا واتقابلوا مع رجالة كتير من رجالة عزمي وكانوا بيتعاملوا معاهم بالضرب بالايد او بالنار واتخطوا الدور اللي تحت بعد لما ملقيوش نغم فيه وطلعوا الدور اللي فوق. وابتدوا يدورا عليها في كل الاوض. وقربه من أخر ممر الاوض بحذر وبص مهاب من بعيد شاف اتنين من الحرس واقفين قدام أوضة وجاهزين بالسلاح.
مهاب: بصوت هامس وهو بيشاور لسامح. اكيد في الاوضة دي
سامح: هز راسه أكيد
مهاب: بيشاور لسامح بإيده بحركة يفهموها كظباط تدل علي الاستعداد مع بعض للهجوم وضرب النار
سامح: هز راسه بإيجاب وإيستيعاب
ولفه الاتنين مع بعض وبحركة سريعة ضربه الحرس اللي قدام الاوضة وفتح مهاب الاوضة بسرعة ودخل لقي نغم
قرب منها بلهفة. بس لقاها متخدرة. وكمان سهم شوية وسرح
سامح: مالك يا مهاب في ايه
مهاب: وهو مسهم. نغم لابسة هدوم تانيه غير اللي كانت خارجة بيها وكمان شكلها واخدة حمام شعرها مبلول
سامح: جز علي سنانه وفهم قصد مهاب. مهاب نغم ملهاش ذنب لو اللي في دماغك ده حصل. متلومهاش
مهاب: حس ان الدم بيغلي في دماغه
وهو بيتخيل اللي حصل. حضن نغم اللي غايبة عن الوعي بين ايديه. وهو بيتوعد عزمي وعدنان. اه يا ولاد الكلب والله لكون قاتلكم بإيدي دي
وقام وطلع تليفونه وكلم أدم.....
أدم: الو ايوة يا مهاب طمني لقيت نغم
مهاب: ايوة لقيتها. أدم أبعتلي عربية من المستشفي تاخد نغم وعايزك تطمني عليها فاهم
أدم: فاهم بس انت ليه مجبتهاش انت
مهاب: معلش ابعت العربية بسرعة . علي العنوان ده.كمان في حاجة عايزك تعملها اول لما نغم توصل المستشفي
أدم: حاجةايه
مهاب: هقولك .......
أدم: فهمتك حاضر انا هعمل اللازم متقلقش. سلام
مهاب: سامح. خليك مع نغم ولما أدم يوصل تنزلها وتوديهالوا.
سامح: وانت رايح فين
مهاب: بغضب وقوة. نازل للكلاب اللي. خطفه مراتي. لازم اقتلهم وكمان ادفنهم. بإيدي. سامح نغم امانة في رقبتك. متخليش حد يقربلها فاهم
سامح: متقلقش خلي انت بس بالك من نفسك.
مهاب: حضن نغم وباس راسها. ونزل
مهاب نزل وكل لما بقابل حد من رجالة عزمي يشتبك معاه. لحد لما شاف عزمي مهاب قرب منه وضربه كتيير وعزمي حاول يهرب منه وجري علي عربيته وساق بسرعة
مهاب: اخد عربيته وجري وراه وطول الطريق بيقرب منه بعربيته ويكسر عليه علشان يجبر انه يقف. وطلع مسدسة وضرب العجل بتاع عربيت عزمي والعربية فقدت توازونها ووقفت
عزمي : نزل بسرعة بيحاول يهرب من مهاب وضرب عليه نار
مهاب: كان مخلي باله ومتفادي الرصاص ولما بص من ورا العربية لقي عزمي بيحاول يهرب بعيد. صوب علي رجله
عزمي: وقع علي الارض. واتألم وبص علي مهاب وحاول يضرب عليه نار تاني
مهاب: كان بيقرب منه ولما لقاه بيقرب ايده من المسدس. ضرب نار علي ايده
عزمي: اتألم. اه ماشي اضرب كمان يا مهاب. مش مهم اقتلني حتي المهم اني حرقت قلبك عليها
مهاب: جز علي سنانه وقرب منه ومسكه ورفعه من علي الارض. وضربه أكتر من ضربة بقوة وغيظ. وانا هدفعك التمن غالي هاخد روحك. قصاد انك يا كلب فكرت تقرب منها
عزمي: هههههه. مش مهم بس عملت اللي انا عايزة. انا عارف ان اللي انا وعدنان عملناه. اشد عليك من الرصاص. بس تعرف مراتك كانت مبسوطة معايا اوي. شكلك مكنتش بتعرف تبسطها.
مهاب: كان خلاص مش متحمل يسمع منه حاجة. وقام وطلع المسدس وصوب ناحية راسه. دي بقي علشان نغم. وضرب ومات عزمي.
ومهاب ركب عربيته وكلم سامح...
سامح: ايوة يا مهاب طمني عليك انت فين
مهاب: انا كويس قولي ادم جالك
سامح: ايوة جه وشلت نغم ونزلتها وراحت المستشفي . بس قولي انت فين
مهاب: رحت ورا الكلب عزمي وقتلته. فاضل الكلب التاني
سامح: لا متقلقش. الكلب التاني اتقبض عليه مع البضاعة اللي الجبل.
مهاب: حلو اوي . تسلم انت فين
سامح: انا لسة في ڤيلا الفيومي اللواء سراج بعت القوة. علشان تفتش الڤيلا
سبحان الله الاذن طلع لما احنا خلصنا كل حاجة. المهم روح انت لنغم وانا هحصلك
مهاب: تمام سلام.
(في المستشفي )
نغم في الاوضة وفاقت وبتصرخ. بعياط
نغم: مش هاخد حقن انا عايزة مهاب هاتولي مهاب. ابعدوا عني ابعدوا
أدم: اهدي يا نغم ارجوكي . خليني بس اديكي المهدئ انتي اعصابك تعبانة
نغم: لا.لالا مش هاخد حاجة انا عايزة مهاب . هما قلولي وهما بيخدروني انهم قتله. لا انا عايزة مهاب هاتولي مهاب
أدم: اهدي يا نغم مهاب كويس صدقيني
في الوقت ده دخل مهاب الاوضة وجري علي نغم. وحضنها
نغم: حضنته. حبيبي وحشتني. كنت خايفة عليك اوي قلولي انهم قتلوك. كنت هموت والله كنت هموت
مهاب: ضمها أكتر. لا ياروحي انا قدامك اهو كويس المهم انتي اهدي
أدم: الحمد لله انك جيت من وقت ما فاقت وهي منهارة ومش عارفين نديها الحقنة المهدئة.
مهاب: ليه يا قلبي كدة خديها علشان خاطري
نغم: حضنته اويي. لا لا انا عايزة افضل في حضنك خليك جنبي متسبنيش. انت وحشتني
مهاب: كان بيحضنها ونفسه يشبع منها كانت وحشاه اوي. وانتي كمان وحششتيني اوي.
أدم: شاور لمهاب علشان يفهم انه يخليه يديها الحقنة
مهاب: هز راسه. انه فهم وفرد ايدها ليه
نغم: لا لا مش عايزة مهدئ لا
مهاب: حضنها أكتر. ششششش بس اهدي لازم تخديها وانا جنبك ومش هسيبك والله هفضل معاكي.
أدم: ادالها الحقنة.
مهاب: نغم. عايز اعرف حاجة وارجوكي متخبيش عليا.
نغم: حاجة ايه
مهاب: عزمي وعدنان اعتدوا عليكي. مش كدة
نغم: بتعيط. لا لا والله لا محصلش
مهاب: نغم انا مش بلومك انا عارف انه كان غصب عنك بس ريحيني انا عايز اعرف الحقيقة
نغم: قلتلك لا لا محصلش ليه مش مصدقني ليه. والله محصلش
أدم: يا مهاب مش وقت الكلام ده هي اصلا منهارة. ارجوك سيبها ترتاح
مهاب: جاي يقوم من جنبها
نغم: كانت ابتدت تنام من المهدئ. بس لسة بتعيط مسكت ايده. علشان خاطري خليك معايا
مهاب: قعد جنبها تاني وحضنها. انا معاكي متخفيش
نغم: وهي خلاص بتنام والله محصلش. محدش قربلي صدقني. ونامت في حضنه
مهاب: طبطب عليها ونيمها في السرير وغطاها. وقام قعد علي الكرسي وهو محتار يصدق مين نغم اللي ممكن تكون مش عايزة تزعله وتجرحه وتقوله الحقيقة. ولا الزفت عزمي اللي أكدلوا انهم عمله كدة.
والباب خبط ودخل سامح
سامح: لقي نغم نايمة. قعد جنب مهاب
سامح: قولي هي عاملة ايه دلوقتي أدم بيقولي انها منهارة
مهاب: بضيق. لازم تنهار اللي شافته مش قليل. بس انا مش عارف هي ليه
بتنكر ليه مش بتقول الحقيقة
سامح: هي قالتلك ايه
مهاب: بتقول محدش قربلها وعزمي بيقولي انه اغتصبها هو وابن الكلب اخوه. مش عارف اصدق مين
سامح: صدق نغم . بص كدة علي الصورة دي
مهاب: اخد منه الصورة. عقد حاجبه
نغم ؟؟ ليه متصورة مع حامد الفيومي وولاده
سامح: لا دي مش نغم. دي فاطمة حامد الفيومي. بنت حامد الفيومي واخت عزمي وعدنان. بس ماتت من سنتين بسبب الكانسر .
مهاب: مش ممكن دي شبه نغم بالظبط
انت جبت الصورة دي منين
سامح: لما فتشنا ڤيلا عزمي لقيتها ولقيت صور تاني ليها كتيير. وقتها عرفت هما ليه خطفوا نغم علشان شبه اختهم
مهاب: بفرحة. يعني محدش لمسها مش كدة
سامح : لا طبعا مفتكرش ممكن يعمله كدة انت شايف الشبه بينهم كبير ازاي
مهاب: حضن سامح . كنت حاسس ان ربنا هيعصمها منهم . بس كنت خايف عليها من شرهم
سامح: الحمد لله خليك جنبها بقي وانا هروح اطمن ندي وطنط سهام دول علي اعصابهم وهنجيلك الصبح ماشي
مهاب: ماشي . متشكر يا سمسم انت اخويا مش صاحبي
سامح: طبعا احنا توم يا معلم . يالا تصبح. علي خير. ومشي سامح
مهاب: قرب من نغم ونام جنبها علي السرير وابتسم. حبيبتي فضلتي ليا ليا وبس محدش غيري قدر يلمسك.
انا بحبك بحبك اوي . وحضنها وفضل يملس علي شعرها اللي كان وحشه. زي كل حاجة فيها ما هي وحشاه ونام جنبها. من التعب بعد ما اطمن انها بقت في حضنه . لانه مكنش بينام وهي بعيد عنه
(في مكتب أدم)
أدم : قاعد مهموم . ليه بس بقيتي ليه كل يوم والتاني تتبهدلي بسببه ليه بتحبيه كدة ليه مش حاسة بالامان غير في وجوده مع انه هو السبب في اللي بيحصلك ليه لو كنتي حبتيني. مكنش كل ده حصلك. بس هقول ايه. هي الدنيا كدة . مش بتدينا اللي بنتمناه.
(في الصباح)
نغم صحيت لقت مهاب حضنها ونايم. ابتسمت. وقعدت تبصله وتحقق من ملامحة اللي كانت وحشاها. وباسته ولعبت في شعره. مهاب قلق وابتسم. وباس ايديها.
مهاب: عاملة ايه النهاردة يا روحي
نغم: ياه ياه يا مهاب. كنت وحشني اوي ووحشني صوتك وملامحك وكلامك وحضنك كلك وكنت وحشني اوي اوي
مهاب: انتي كمان كنتي وحشاني اوي يا حبيبتي والله لكنت باكل ولا بنام كنت هموت من قلقي عليكي
نغم: حبيبي انا عايزاك تطمن والله الحمد لله محدش عملي حاجة
مهاب: ابتسم عارف من غير ما تحلفي انا خلاص اتأكد انك صح
نغم: انا كنت مرعوبة عليك لما سمعت صوت الرصاص. ودخله الحرس وخدروني قالولي انك مت وقتلوك.
كنت بموت والله لما قالوا كدة
مهاب: الحمد لله ربنا كان معانا ومسبناش. المهم بقي سيبك من كل ده وشدها لحضنه. انتي وحششششتني اوي اوي اوي
نغم: ابتسمت. وانت وحششتني اوي اوي اوي
مهاب: طيب تعالي نشوف مين كان واحش التاني أكتر
نغم: ههههههه لا في البيت ممكن حد يدخل
مهاب: تؤتؤتؤ انا قافل الباب من بالليل. وكمان انا مش هقدر اصبر لحد لما نروح البيت. انا هموت عليكي تعالي..........
((((تري يا قلب احببت من ))))... بقلم ريحانة الجنة
(((الحلقة الخامسة والعشرون)))#ريحانة
في بيت مهاب ونغم
سامح: حمد لله علي سلامتك يا نغم
نغم : الله يسلمك يا سامح انا متشكرة ليك انت كمان انك كنت مع مهاب ومسبتهوش. وجيت معاه علشاني
سامح: وانتي جوزك ده حد يعرف يفتح بوقه معاه ده عامل زي المجنون
مكنتش اقدر اسيبه ماهو يا نعيش عيشة فل يا نموت انا وهو مع بعض . بقي اصل علي قد تناحته وايده الطرشة بس بحبه بردوا.
نغم وندي ومهاب:هههههههههههههه
سامح: وبعدين انتي بتشكريني علي ايه انتي اختي مفيش الكلام ده المهم انك بخير.
ندي : حبيبتي يا ناني والله كنت خايفة عليكي اوي . الحمد لله انك بخير. كنتي وحشاني اوي
نغم : حبيبتي يا ندي . انتي كمان وحشتيني . وماما وامجد
مهاب: حاوطها بإيده. انا بغير علي فكرة. كدة كلهم وحشوكي طيب وانا
نغم: طبعا يا حبيبي وحشتني موت موت موت. بس انت كنت في قلبي وعقلي. مغبتش عني لحظة
مهاب: باسها من خدها. حبيبتي انتي كمان مغبتيش عن بالي كنت بفكر فيكي طول الوقت وهموت وارجعك لحضني
سامح: لا انا بقي بقول تدخلوا تكملو كلمكم جوا واحنا نتغدا براحتنا. ما تتلم يا خويا. والله انا كمان اخد مراتي علي اقرب أوضة ولا احنا علشان في بيتكم.
مهاب: ههههههههه. هو انت كاتم علي نفسه علي طول كدة. وانت مالك
ندي: هههههههه اعذروا يا مهاب اصل الجوع وحش وسامح جعان.
نغم : ههههههههه. طيب حاسبي ليكلك علي رأي مهاب
سامح: لا والله كدة ماشي. ووشوش ندي. بس انا جعانك انتي وعايز اكلك
ندي: هههههههه. طيب عيب اتلم لما نروح
سامح: عادي. اعملي انتي دايخة وانا اخدج جوا افوقك
ندي: ضحكت بصوت عالي. هههههههههه
مهاب: العب. طيب انا بقول تدخلوا جوا احسن ولا ايه يا سمسم
سامح: ههههههه انا بقول كدة بردوا
سهام: يالا يا ولاد الغدا جاهز اتفضلوا
مهاب: تسلم ايدك يا ست الكل تعبناكي
سهام: تسلملي انت يا حبيبي. وربنا يخليك لينا ولنغم من غيرك كانت بنتي ضاعت.
مهاب: باس ايديها. متقوليش كدة انا ادفع عمري ولا استحمل ان نغم تضيع
سامح: ما تتلم هو انت واخد البت وامها سيبهالي ما هي حماتي بردوا. وباس ايد سهام. علي فكرة انا كنت معاه وانتي عمالة تحبي فيه وسيباني
سهام: هههههههه وانا اقدر انت كمان حبيبي وربنا ما يحرمني منكم يارب
مهاب: مش ممكن غلس . اقعد يا خويا كل بدل ما تكلنا.
وقعدوا كلهم علي السفرة
سامح: اهم حاجة يا سوسو عملتيلي ورق العنب
سهام: ههههههه طبعا يا حبيبي اهو
سامح: ايوة بقي ناوليني هو ده بس ابوس ايدك قولي لندي بيتلف ازاي احسن عملتهولي مرتين مش قادر اقولك. مكنش صوابع ورق عنيب كان صوابع دينامت
كلهم: هههههههههههههه
ندي: هههههه. كدة بتفضحني طيب ايه رأيك بقي مش هعملهولك تاني
سامح: ياريت يا حبيبتي متعملهوش تاني زي اللي عملتيه. ابوس ايدك. انا كنت حاسس اني هنفجر وانا بكله
مهاب: ههههههههههه.مش ممكن يخربيت طفستك بطنك دي هتوديك في داهية
سامح: اللي يسمعك . يقول انك مش طفس. ولا نسيت الباشميل والبوفتيك
مهاب: هههههههههه انت لسة فاكر. ماخلاص عدينا المرحلة دي من زمان
سهام: انا مش فاهمة حاجة
مهاب: بص لنغم وضحكوا. لا ابدا اصل نغم شاطرة اوي في عمايل الباشميل.
سامح: انت هتقولي. بأمارة ما قعدت اليوم كله تعمل فيها
مهاب: اتلم يا حيوان.
سامح: هههههههه طيب هسكت.
مهاب: حبيبتي. علي فكرة احنا مسافرين بكرة الصبح
نغم: مسافرين فين يا حبيبي
مهاب: برتوا السخنة مكان ما قضينا شهر العسل يا حياتي
نغم: بفرحة. بجد يا هوبا
مهاب: بجد يا روح قلب هوبا من جوا
نغم: تسلميلي يا روحي قولي بقي اخت اجازة كام يوم
مهاب: اممم هما مش كتير 4ايام بس معلش قريب ان شاء الله اخد اجازة اطول ونسافر برا مصر كمان اتفقنا
نغم : اتفقنا يا حبيبي انا معاك في اي حاجة
ندي: بتبص لسامح
سامح: ابتسم . متبصوليش والله حاجز معاه وهنسافر معاهم بس كنت عامهالك مفاجاة.
ندي: صحيح يا سمسم
سامح: هههههه صحيح يا عيون سمسم
ندي: قامت حضنته وباسته
مهاب: قدامنا عادي كدة
سامح: حاوطها بإيده وحضنها. وانت مالك احنا مبنكسفش يا حبيبي
مراتي
سهام : هههههههه والله ما جمع الا لما وفق انتوا الاتنين مجانين. ولا بيفرق معاكم حاجة
سامح: وهو فيه احلي من الجنان يا حماتي هي الدنيا ناقصة هم
مهاب: لا انا كدة عايز بوسة زي اللي الواد ده خدها دلوقتي
سامح: هههههههه مفتكرش نغم بتتكسف.
ندي: قصدك ايه ان انا مش بتكسف
سامح: لا طبعا يا روحي بس انتي بتحبيني وبتموتي فيا.ومبيهمكيش غيري وبس.
مهاب: عجبك كدة. ماشي اهم خدوا بنط علي قفانا
نغم: كدة ماشي. وقامت باست مهاب
مهاب: حضنها. روح قلبي ايوة كدة جمدي قلبك زي البت دي
كلهم : ههههههههههههههههههههههه
(في ڤيلا الدكتور حسين )
أدم قاعد في مكتبه ودخلت دولت
دولت : مالك يا أدم بتفكر في ايه
أدم: اتنهد. لا ابدا مفيش
دولت: وبعدين معاك يا أدم انت هتفضل لحد أمتي كدة هتنسي امتي يا ابني
أدم: مش بإيدي يا ماما صدقيني مش بإيدي. انا حتي مقدرتش اسافر وابعد عنها. و رديت بأني بس اشوفها معايا في المستشفي. حتي لو هي بتعتبرني اخ وصديق وزميل. لكن كفاية انها بالنسبة ليا حبيبتي
دولت: بس انت عارف ان انت كدة بتخون مهاب اخوك وصاحبك. وانت بتفكر في مراته بالشكل ده
أدم: ليه بتقولي كدة انا عمري ما تجاوزت حدودي معاها لا بالكلام ولا بالفعل. انا بس مش قادر اتحكم في مشاعري. وحبي ليها مش بإيدي صدقيني غصب عني
دولت: انا عارفة بس مجرد التفكير غلط حاول تشوف غيرهايمكن تقدر تنساها بقولك ايه مش انت قلتلي قبل كدة ان الدكتورة سهي صاحبة نغم. حاسس انها بتقرب منك ماتحاول انت كمان تقرب منها يمكن تحبها
أدم: لا يا ماما سهي غيري خالص وبصراحة انا عمري ما ارتحتلها. انا بس وافقت انها تشتغل معانا علشان خاطر نغم مش اكتر
دولت: هقولك ايه ربنا يريح قلبك ويشيل نغم منه وتشوف حياتك بقي.
(في بورتو السخنة)
مهاب قاعد وحاضن نغم علي البحر وبيسمعوا أغنيه تحفة لعمرو دياب اسمها (علي حبك)( علي حبك. عندي 100 اثبات شوقي مثلا بان في عيني ساعات وبخاف وبغير خد من ده كتير وان سيرة جات بنطق بالخير. وطبعك خت منه حاجات
واخبارك مع التفاصيل احب اسمعها بالتفصيل. مدام اتفتحت السيرة. اخد وادي لنص الليل. في حبك كل يوم في جديد. ولو توحشني وانت بعيد. بالاحساس بنتلاقي مفيش حاجة اسمها مواعيد. علي حبك عندي 100 اثبات. لو اقولك الكلام هيطول حس انت شوف بعينك دول. في كلام عادي يتقال للناس وكلام أجمل يتقال احساس. بيوصل للقلوب علي طول. واخبارك مع التفاصيل احب اسمعها بالتفصيل. مدام اتفتحت السيرة اخد وادي لنص الليل. علي حبك عندي 100اثبات)
نغم: حبيبي ايه الاغنية الحلوة دي بس
مهاب: عجبتك يا روحي
نغم: جدا جميلة اوي. بس انت مش محتاج تثبتلي انك بتحبني. انت منغير ما تتكلم حبك باين في عنيك
مهاب: ابتسم. في عنيه بس. دي عنيا وايدي ورجلي وكلي مفضوح اصلا
نغم: هههههههه. لا بتكلم جد
مهاب: وانا كمان والله انا كل حته فيا بتحبك. اه يا نغم انتي متعرفيش الايام اللي فاتت دي عدت عليا ازاي. وانا بفكر ان ممكن يكون في راجل غيري لمسك. انتهد بحرقة. كنت بموت
يا نغم والله كنت حاسس ان كل لحظة بتعدي عليا روحي بتروح مني. بس الحمد لله رجعتيلي زي ما انتي من غير خساير
نغم: وانت كمان كنت واحشني اوي وكمان كنت خايفة عليك. تعرف هقولك حاجة جات في بالي وقت لما عزمي ده قالي انه عايز يقتلك علشان قتلت ابوه. كنت وقتها عايزة اقوله. اني مستعدة اخليه يعمل فيا اي حاجة بس مش يقتلك. انا نستحملش كدة ابدا
مهاب: اوعي تقولي كدة تاني والله انا كان عندي يقتلوني بدل المرة الف مرة ولا ان راجل غيري يلمسك.فاهمة مسمعش منك كدة تاني
نغم: ابتسمت. حاضر بس متتحمقش اوي كدة.
مهاب: حضنها اكتر. لا اتحمق. انتي بتاعتي وليا انا وبس مليكة خاصة لمهاب عز الدين فاهمة
نغم: ابتسمت. فاهمة ووشوشته بهمس
بحححححبك
مهاب: وشوشها. بممممممموت فيكي
سامح: خبط علي كتف مهاب. قدامي علي البوكس يا حبيب.
مهاب: ههههههههههه والله لولا عارف صوتك كنت زمانك واخد بوكس مروقك علي الاخر
سامح: ههههههه وانا عبيط بردوا اسيبك تضربني قدام المزة بتاعتي ده
حتي يبقي عيب
ندي: الله ايه الاغنية الحلوة اللي بتسمعوها دي
نغم: هههههههه. مهاب كان بيسمعهالي بس انا بعدها تاني علشان عجباني
ندي: زغدت سامح. شايف ادي مهاب اللي بتقول عليه مدب وايده طرشة . بيسمعها أغاني وانت مبتسمعنيش كوبليه واحد حتي
سامح: ههههههه. يا حبيبتي مش كفاية انا بغني عليكي كمان اسمعك اغاني
ندي: لا يا حبيبي انا عايزة اسمع زي نغم
سامح:الله يخربيتك. يا مهاب قومت عليا البت. اللي يشوفك يا خويا وانت بتسمعها كدة يقول عليك رومانسي
مهاب: ههههههههه. احسن تستاهل. علشان تبقي تيجي تكتم علي نفسنا وتقرفنا. وبعدين اه يا خويا رومانسي واسال ناني حبيبتي. مش انا رومانسي يا قلبي
نغم: حبيبي انت ملك الرومانسية اصلا
مهاب: حبيية قلبي.
ندي: طيب والله لو ما سمعتني انت حر
سامح: من عنيا تعالي معايا الشالية وانا اسمعك احلي كلام
ندي: هاهاها. لا يا خفيف انا عايزة اغنية رومانسية
سامح: طيب ماهي هتبقي رومانسية وربنا بس تعالي . عن اذنك يا معلم
مهاب: ههههههه يسهله يا باشا. بس خلي بالك من الواد اللي جوا ده
سامح: ههههههه لا متخفش ابني هيطلع وحش زي ابوه. بقولك صحيح. احنا هنسافر بكرة. رامي كلمني ومخنوق علي اخره
مهاب: ههههههه اه ماهو كلمني. اصل احنا اتفقنا معاه انهم 4 ايام واحنا قعدنا اسبوع. وهو حازم اتنفخه لوحدهم.
سامح: خلاص اشوفك الصبح بقي
مهاب: ليه هو انت مش نازل تاني لحد الصبح
سامح: وانت مالك خليك في حالك.
انا ببقي مبسوط في الشالية يا تنح
مهاب: ماشي سلام يا خويا
نغم: هههههه انتوا فظاع بجد
مهاب: جدا . بقولك ايه ماتيجي نطلع الشالية زيهم
نغم: اممم لا
مهاب: والله . اللي يسمعك كدة يفتكرني باخد رأيك
نغم: يا سلام اومال ايه بالعافية يعني
مهاب: اه يا نغم بالعافية. تحبي اوريكي
نغم: طيب . ابقي وريني كده
مهاب: قام وشالها قدام الناس ومشي بيها
نغم: يا مجنون الناس تقول ايه
مهاب: ملكيش دعوة بحد وانا معاكي
المهم اني لما نطلع هوريكي العافية شكلها ايه.
وبعد مرور حاوالي 5 شهور
(في شقة مهاب ونغم)
نغم : اه يا ماما تعبانة اوي مش قادرة
سهام : مالك بس حصلك ايه. انتي كنتي كويسة
نغم: مش عارفة بطني بتوجعني اوي وحاسة انها بتتقطع
سهام: طيب. تعالي نروح المستشفي عندك والدكتورة تطمنا
نغم : لا ملوش لزوم انا هاخد اي مسكن دلوقتي
سهام: يا بنتي اسمعي الكلام انتي شكلك تعبان
نغم : لا مقدرش انزل من غير مهاب ما انتي عارفة
سهام: حتي معايا. يا بنتي
نغم: اه يا ماما مهاب مصمم من بعد اللي حصل قبل كدة اني مخرجش من غيره تحت اي ظرف
سهام: نغم . بس انا شاكة في حاجة
نغم: شاكة في ايه
سهام: استني اكلم الصيدلية واجيب اللي يخليني اتاكد..........................
وبعد شوية
نغم :😱😱😱😱😱😭😭😭😭
يا نهار اسسسسود. مش ممكن
(((تري يا قلب احببت من)))).. بقلم ريحانة الجنة
(((الحلقة السادسة والعشرون)))#ريحانة
نغم: يا نههههار اسود حامل لا مش ممكن
سهام: في ايه يا نغم. يا بنتي احمدي ربنا
نغم: يا ماما افهمي مهاب. مهاب يا ماما
سهام: عادي هيزعل شوية وخلاص. اصل اللي حصل حصل. هتعملي ايه يا عني
نغم: لا يا ماما مش هيزعل شوية وخلاص. مهاب الموضوع ده مش عايز يتناقش فيه نهائي
سهام: هو مش انتي قولتيلي قبل كدة اول ما ندي حملت انه قالك هيراجع نفسه في الموضوع ده
نغم: اه يا ماما بس بعد اللي حصلي وحكاية الخطف دي وهو قفل مناقشة في الموضوع ده خالص.
سهام: متشيليش هم. هيعمل ايه
يعني هو بس ممكن يزعل شوية
ويقلق شوية وخلاص.
نغم: اصل انا بعد ما رجعنا من السخنة اتكلمت معاه وكان رد فعله شديد اوي
سهام: ازاي مش فاهمة
نغم: هقولك...
فلاش باك
مهاب ونغم قاعدين بيتفرجوا علي فيلم و بيتكلموا علي ندي وتعب الحمل وسامح وعميله معاها
مهاب: هههههههه سامح ده مصيبة ضحكني ضحك النهاردة بسبب اختك
نغم : ههههههه ماشي والله لقولها انه بيتريأ عليها وهخليها تظبطه
مهاب: ده بيقولي من يومين. قام بالليل لقاها قاعدة في المطبخ وواكلة بتاع 10 كيلو مانجة. وشكلها يفطس من الضحك. والمصيبة بعد ما تاكل تدخل الحمام. وترجع حاجة. زفت
نغم: ابتسمت. وسكتت
مهاب: مالك يا روحي
نغم: حبيبي مش انت قلتلي انك هتوافق علي اني اخلف
مهاب: بعد عنها ووشه اتغير وبان عليه الضيق. لا انا وقتها قلت هعيد حسباتي. لكن مقولتش وافقت.
نغم: طيب وعدت حسباتك
مهاب: قام وقف وبجدية. اه يانغم وخلاص اخدت قرار نهائي اني عمري ما هخلف مستحيل ده يحصل
نغم: ليه بس يا مهاب ليه
مهاب: ليه انتي اللي بتسألي ليه.
اسألي نفسك لما اتخطفتي من
حضني. اسالي قلقك وخوفك ورعبك
اسألي وجع قلبي وانهيار اعصابي وانتي بعيد عني وبتجنن كل ما
افكر ان ممكن حد يأذيكي
اسألي رعبي وخوفي اللي كل يوم بيزيدوا. وده مكانش طبعي ولا شخصيتي
كل ده وبتسألي ليه.
نغم: يا مهاب اسمعني. بس
مهاب: قاطعها. قلتلك مفيش مناقشة في الموضوع ده نهائي. انسي انا مش هخلف
نغم : عيطت. طيب افرض حصل غصب عني هتعمل ايه
مهاب: بغيظ. مفيش حاجة اسمها غصب عنك. وقتها أكيد هتكوني قاصدة تجبريني اوافق. بس لو ده حصل يا نغم وعملتيها من ورايا. تبقي انتي اللي بتكتبي نهايتنا مع بعض
نغم: اتصدمت. معقول انت تقصد ايه هو انت ممكن تسيبني ممكن تطلقني
مهاب: انا عمري ما هسيبك ولايمكن هطلقك. رسمي
نغم: مش فاهمة.
مهاب: يعني لو ده حصل. هتشوفي مهاب تاني يا نغم اتمني انك متحضريهوش علشان بجد مش هتتوقعيه
نغم: انا مش مصدقة انك بتقولي الكلام ده
مهاب: لا صدقي انا محدش يلوي دراعي سامعة يا نغم. وهو داخل الاوضة. تصبحي علي خير
نغم : انت هتنام لوحدك وتسيبني
مهاب: اتنهد. وقرب منها نغم انا بحبك وعمرك لحد ما اموت ما هتتخيلي انا بحبك قد ايه. وخوفي عليكي شكله ايه. اروجكي حسي بيا انا معنديش استعداد. اعيش اللي عشته وانتي مخطوفة. بس مع ابني او بنتي انتي بقدر اوصلك واكون معاكي علي قد ما أقدر لكن لما يبقي طفل ويروح مدرسة. ونادي وخروج. والله انا مش هتحمل القلق والخوف عليه. نغم انتي بتحبيني؟
نغم :!! ايه السؤال ده انت عارف اني بحبك اكتر من نفسي وعمري ما حبيت غيرك
مهاب: مسك وشها بإيده. يبقي لو سامحتي متفتحيش الموضوع ده تاني
لو بتحبي مهاب ومش عايزاه يتعب متفتحهوش ممكن
نغم: هزت راسها. ممكن بس متزعلش مني
مهاب: حضنها مش زعلان منك انا زعلان من نفسي بس والله غصب عني يا نغم. المرار اللي حسيت بيه وانتي بين ادين ناس كانت عايزة تنعشك وتنتقم مني مش عايز احسه تاني انا عارف اني اناني وباجي عليكي بس معلش استحمليني يا حبيبتي علشان خاطري
نغم رفعت راسها من حضنه وبصتله وكانت اول مرة تشوف مهاب وعنيه اكنها فيها دموع بس اكن الدموع خايفة منه ومش عايزة تنزل. ولا هو عايز يسمحلها تنزل. لانه ببساطة مهاب مينفعش يبكي.
نغم : مسكت وشه بإيديها. وملست علي شعره بحنيه. لا انت مش اناني انتي عاشق وبتحب وتعشق. بس بطريقتك وانا كمان بحبك ومش ممكن ازعلك ولا اقلقك تاني خلاص انا هنسي الموضوع ده خالص ومش هنتكلم فيه تاني
مهاب: وعد
نغم : وعد
مهاب: طيب تعالي ننام انا تعبان وعندي صداع جامد
نغم: حاضر يا حبيبي تعالي ....
(فاقت نغم من شرودها)
هو ده اللي حصل يا ماما يبقي ازاي بس اقوله اني حامل بسهولة كدة مينفعش .
سهام: طيب ايه رأيك اقوله انا واتكلم معاه
نغم : لا اوعي مستحيل انا اللي لازم اقوله. بس هستني لبكرة لما اروح المستشفي واعمل تحليل دم واتأكد الاول وبعدين اشوف هبلغه ازي. انا بس خايفة يفتكر اني عملت كدة من وراه. مش هيصدق اني نست مرة ومأخدتش الدواء. يارب استرها بقي. وتعدي علي خير
سهام : والله يا بنتي انا مش عارفة افرح ولا احزن افرح انك حامل وهتبقي ام ولا احزن علي اللي انتي فيه. عموما ربنا معاكي . يالا تصبحي علي خير
نغم : ما تخليكي شوية يا ماما
سهام: معلش علشان متأخرش علي أمجد تصبحي علي خير
نغم : وانتي من اهله.
وفضلت نغم قاعدة متوترة وخايفة من رد فعل مهاب وبتحاول تتماسك وميبنش عليها حاجة لحد ماتروح تاني يوم الصبح المستشفي وتتأكد. وعلي قد ما كانت من جواها فرحانة علي قد ما اتنمت ان التحليل يطلع مش صح علشان مهاب. وهي شاردة وسرحانة فاقت علي صوت مهاب وهو قاعد قصاها وبيكلمها.
مهاب: حبيبي مالك انتي مش سمعاني
نغم: اكنها فعلا كانت في عالم تاني ومحستش بمهاب لما دخل. ايه اااه اه انا مفيش مفيش
مهاب: عقد حاجبه ومستغرب. مالك يا نغم فيه ايه انتي شكلك قلقان وخايف قوليلي حد جالك هنا في حد ضايقك قولي بسرعة ايه اللي حصل
نغم : لا لا يا حبيبي متقلقش مفيش حاجة والله وبعدين انا مش بفتح لحد خالص والباب مصفح متخفش
مهاب: اخد نفسه. طيب مالك يا قلبي شكلك. مش طبيعي
نغم: والله انا كويسة بس تعبانة من المذاكرة انت عارف انا قربت اناقش الرسالة بتاعتي.فتلاقيني خايفة
مهاب: ابتسم. ومسك وشها بإيده. هو ده اللي مخوفك ولا تخافي انا قبلها هجبلك اللجنة اللي هتناقشلك واروقهملك علي الاخر واخليهم كمان يتحايله عليكي علشان تقبلي تقعدي معاهم
نغم: هههههههههههه. ايه البلطجة دي عايز تهدد اللجنة
مهاب: انا اهدد مصر كلها المهم مشوفكيش زعلانة يا روحي
نغم: حضنته. حبيبي يا هوبا. وبعدت عنه. احمم. مهاب هو لو انا عملت حاجة تزعلك بس والله غصب عني ممكن تسامحني ومتزعلش مني
مهاب: فيه ايه يا نغم. انا مش فاهم حاجة
نغم : ايه لا انا بتكلم عموما بس مش اكتر
مهاب: اممم والله ده يتوقف علي الحاجة اللي هتعمليها. بس متقلقيش انتي بالذات انا ممكن اعديلك اي حاجة ومش ممكن ازعل منك ابدا
نغم : ابتسمت . طيب ممكن تدخل بقي تاخد حمامك وانا هحضرلك العشاء.
مهاب: ابتسم. حاضر تحت امر الدكتورة
وفعلا نغم حضرت العشاء واتعشوا سوا بس طبعا باين عليها القلق وطول الوقت سرحانة وساكتة ومهاب واخد باله بس مش فاهم مالها ومش عايز يضغط عليها وخلصوا عشاء ودخلوا يناموا. مهاب وحاضن نغم
مهاب: وحشتيني اوي النهاردة.
نغم: وانت كمان. بس معلش. انا تعبانة وعايزة انام
مهاب: ليه بس بقولك وحشتيني
نغم: معلش فعلا تعبانة ومصدعة وهبقي دمي تقيل
مهاب: مش بقولك فيكي حاجة مش طبيعية. وانا هفضل وراكي لحد ما اعرف مالك وايه اللي مغيرك
نغم: هههه انت هتعمل عليا ظابط ولا ايه. وتستجوبني
مهاب: انا ظابط غصب عنك. وايوة هستجوبك عنك مانع
نغم: تؤتؤ معنديش بس صدقني انا بس عايزة انام مفيش حاجة
مهاب: طيب حسيبك النهاردة بمزاجي . بس بكرة هخد حقي دوبل
نغم: هههههه وانا موافقة ممكن ننام بقي.
مهاب: هههههه ماشي تعالي بقي نامي في حضني.....
(تاني يوم في المستشفي )
نغم عملت تحليل الدم واتأكدت انها حامل. وبقت مش عارفة تعمل ايه. ودخلت للدكتورة. هدي زميلة معاهم في المستشفي بس تخصص نساء وتوليد وكشفت معاها وطلبت منها طلب غريب والدكتورة كانت مصدومة منه.
هدي: اجهاض؟؟ انتي بتقولي ايه مش ممكن طبعا
نغم: بدموع. ارجوكي يا هدي انا عايزة انزلو
هدي: لا يا نغم حرام عليكي دي روح ليه تنزليها. وكمان انتي في الشهر3 وكمان خلصتيه مينفعش وسيادتك صحتك ضعيفة وممكن تنزفي وتموتي انتي مجنونة. وبعدين ليه كل ده. ده ابنك وحته منك ليه تقتليه بإيدك
نغم: استغفر الله العظيم. غصب عني والله غصب عني
هدي: احكيلي يا نغم مالك ايه اللي حصل. ليه عايزة تعملي كدة
نغم: بعدين يا هدي احكيلك. عن اذنك انا عندي شغل دلوقتي
هدي: طيب خدي التحليل بتاعك. وكمان انا كتبتلك علي شوية أدوية ومثبتات. وكمان فيتامينات
نغم: اتنهدت وهزت راسها. وخرجت من غير ما تتكلم.
وخلصت نغم شغلها ومهاب جالها ورجعها البيت زي كل يوم ورجع تاني علي شغله. وبعد كام ساعة مهاب اتأخر علي معاد رجوعه وكمان تليفونه مقفول. ولما رجع البيت. دخل ونغم كانت قلقانة عليه وخايفة وجريت عليه بلهفة
نغم : حبيبي ايه اللي اخرك كدة انا قلقت عليك جدا
مهاب: ساكت وشكله مهموم. ودخل قعد وسند راسه علي الكرسي وغمض عينه. رامي صاحبي اغتالوه النهاردة
نغم: شهقت من الخضة وحطت ايديها علي بقها. مش ممكن امتي
مهاب: بحزن. من كام ساعة قدام بيته كانوا حاطين ليه قتبلة في العربية انفجرت اول ما وقف العربية قدام البيت.
نغم : طبطبت عليه حبيبي انا عارفة انك زعلان انت كنت بتحب رامي بس ده قضاء ربنا
مهاب: بغضب قضاء ربنا يقتلوه وهما يعيشوا. ومراته وبناته يضيعوا. انتي مشوفتيش شكل مرتوا كانت زي المجنونة. وهي بتصرخ وتبكي. ولا بناته اللي كانت كل واحدة مع حد من قرايبهم شايلها وهي بتعيط. ليه ليه يحرومه منهم ويحرموهم منه ليه
نغم: اهدي يا مهاب. متقولش كدة ربنا عايز كدة. العمر ده مقدر من يوم ماكان جنين في بطن امه. انا عارفة انك زعلان بس حاول تهدي.
مهاب: اتنهد. اه يا نغم ممكن يجي اليوم اللي اسيبك فيه لوحدك في الدنيا دي. واتحرم منك الحمد لله اننا مخلفناش.
نغم: ابتلعت ريقها بصعوبة. اه اه الحمد لله.
مهاب: انا هتكفل بمصاريف مراته وبناته لحد ما اموت مش هسيبهم. رامي كان صاحبي واخويا
نغم: مفيش مشكلة يا حبيبي. ربنا يجزيك كل خير ان شاء الله. قوم بقي وادخل خد حمام علشان ترتاح
مهاب: هز راسه من سكات ودخل الاوضة
نغم: انفجرت من العياط. مش عارفة تعمل ايه. هقوله ازاي بس دلوقتي اعمل ايه بس يارب انا محتارة. وفاجأها صوت مهاب الجهوري وهو بينده عليها بصوت عالي وبغضب
مهاب: نغم ايه ده😡😡وكان ماسك الفيل اللي فيه التحليل بتاعها ومعاه الروشته بتاعة الدواء
نغم: اتصدمت وقلبها دق مبقتش عارفة ترد. ده ددد
مهاب:😡 انتي بتتحديني وعملتيها من ورايا. انتي حامل يا نغم
نغم : عيطت والله غصب عني انا مكنتش عارفة
مهاب: غصب عنك ازاي غصب عنك. احنا مش متفيقن انك تاخدي الدوا كل يوم. ازاي حصل حمل ردي عليا
نغم: خايفة من صوته وزعيقه. اااكيد نسيت مرة ولا حاجة
مهاب: نسيتي وفضلتي طول الفترة دي مش عارفة انك حامل. التحليل بيقول انك حامل في 13 اسبوع يعني بقالك اكتر من 3 شهور. ازاي مكنتيش عارفة. محستيش بأي تغير
نغم : مأخدش في بالي انا كنت فاكرة انه عادي. بتحصل من القلق وتعب المذاكرة
مهاب:بغضب ماشي يا نغم وانا محدش يلوي دراعي
نغم: يعني ايه. مش فاهمة
مهاب: يعني اللي في بطنك ده لازم ينزل والنهاردة قبل بكرة
نغم: حضنت بطنها.وبتعيط. لا لا انا سألت وعرفت انه مينفعش. علشان خاطري بلاش
مهاب: انا قلت لا لا انا مش هخلف عيل واسيبه واموت وتروحي تتجوزي واحد تاني يبهدل ابني . رامي مات ب النهاردة والدور الجاي عليا انا او غيري. وانا بقي مش هسيب ابني لواحد غيري يربيه.
نغم : ارجوك يا مهاب. سيبه لو سمحت. خلاص اللي حصل حصل
مهاب:بغضب. انا قلت لا وكفاية اوي اني اتجوزتك. انا مش ناقص هم علي همي
نغم: انا هم يا مهاب للدرجة دي انا تقيلة عليك
مهاب:بإنفعال. ايوة هم ووجع قلب انا علي طول في قلق عليكي انا بسببك بقيت ضعيف بسببك بقيت بخاف بسببك اتزليت ووطيت راسي بسببك كان وحد زي عزمي هيجيب راسي الارض. لولا ربنا ستر. بس مش كل مرة تيجي سليمة
نغم: بتعيط بحرقة. مش ممكن للدرجة دي انا تعبتك
مهاب: ايوة للدرجة دي واكتر . انا اصلا مكنتش عايز اتجوز. بس حبيتك ويا رتني ما حبيتك ولا اتجوزتك. يا ريتني فضلت مهاب بتاع زمان ياريت
نغم: بتحاول تتماسك. خلاص مادمت انا هم عليك وتعباك انا واللي في بطني. يبقي كل واحد من طريق
مهاب: بغل. يعني ايه
نغم: يعني تسبني وتبعد. وانا هعرف ازاي احمي نفسي وابني
مهاب: مسكها من دراعها. بغضب. انا مفيش حد يقولي كدة. انتي بتاعتي وانا اللي احدد اذا كنت اسيبك ولا لا. واللي قولته هو اللي هيتنفذ. واللي في بطنك هينزل
نغم: بتحدي . لا لا لا مش هموت ابني انا مش جبانة زيك
مهاب: تملكه الغضب والشيطان. ضربها بالقلم ومسكها من دراعها. وشدها.انا مش جبان. وانا هعرف ازاي اعقبك علي الكلمة دي. بس دلوقتي انتي هتيجي معايا المستشفي علشان ننزلوا
نغم: زقته بعيد قلتلك لا ومش هروح معاك في حته ومش هنزلو
مهاب: بغضب بعد ما نسي نفسه. كدة ماشي مادومتي مش عايزة بمزاجك. يبقي هتنزليه غصب عنك. وقرب عليها
نغم: خافت ومش مصدقة ان مهاب يعمل اللي بتفكر فيه. بوخوف ورعب. انت هتعمل ايه
مهاب: هنزلهولك بس بإيدي. انا اموت ابني احسن ما يتولد وحد غيري يموته. وابتدي مهاب يضرب نغم بغل ومكنش في وعيه وشيطانه كان مسيطر عليه. 😣😣😣
وبعد ماضربها كتير فاجاة فاق لنفسه وبعد عنها ولف وهو بيمسك راسه وشعره بغيظ وغضب من نفسه. انا ازاي عملت كدة. ازاي ولف لنغم واتخض لما لاقاها غابت عن الوعي وشاف اثار الضرب علي وشها وجسمها. وقلبه وقع لما لاقاها بتنزف.
مهاب: نغم نغم. فوقي انا اسف والله اسف انا مش عارف ازي عملت كدة ارجوكي فوقي.
ولما ما فقتش اخدها وشالها ونزل وحطها في العربية علشان يوديها المستشفي. وكان سايق بسرعة وكان بيسوق وبيبصلها وبيتعذب من شكلها ومش مصدق ان هو اللي عمل فيها كدة
مهاب: ماسك اديها وباسها. اسف والله اسف انا غبي غيي. ازاي قدرت اعمل فيكي كدة ازاي.
ووصل مهاب المستشفي وشال نغم ودخلها وهو بيزعق.
مهاب: انتوا يا بهايم ياللي هنا حد يلحقها بسرعة.
جريوا الممرضات عليه وجابوا ترلي واخدوا نغم ودخلوها للدكتورة بسرعة....
((((تري يا قلب احببت من)))).. بقلم ريحانة الجنة
(((الحلقة السابعة والعشرون )))#ريحانة
في المستشفي
مهاب: واقف برة ومخنوق وعلي أخره ورايح جاي ومش مصدق اللي عمله. مش ممكن انا ازي عملت كدة بس يارب تبقي كويسة نغم لو جرالها حاجة انا مش هسامح نفسي ابدا .
أدم: مهاب مين اللي عمل كدة في نغم. ايه بقي حرام عليك من وقت ما دخلت حياتها وهي بتتعذب كل يوم بسببك في ايه. انطق مين الحيوان اللي عمل فيها كدة.
مهاب: بغضب. أدم ابعد عني انا مش ناقصك انا اللي فيا مش حد
أدم: مش هسيبك غير لما تقولي مين اللي عمل كدة في نغم وانت كنت فين
مهاب: بغضب وصوت عالي وهوبيخبط الحيطة. انا انا اللي عملت فيها كدة انا اللي ضربت نغم ارتحت ابعد عني بقي انا مش ناقص
أدم:😳😳😳😡😡😡😡😡انت انت ازاي تعمل فيها كدة انت ايه مش بني ادم انت حيوان ويمكن الحيوان عمره مايعمل كدة في حد بيحبه ونغم بتحبك. يكون ده جزائها تضربها تضرب نغم بالوحشية دي وكمان مراتك حامل كنت عارف ولا زي المرة اللي فاتت
مهاب: جز علي سنانة بغيظ. كنت عارف وضربتها علشان كدة
ادم: بشك. علشان ايه ؟!! اوعي تكون كنت بتسقطها.
مهاب: هز راسه وبوجع. ايوة كنت بعمل كدة كنت عايزها تنزله ورفضت واستفزتني.
أدم: كان لاول مرة يفقد اعصابه. ومسك مهاب من هدومه. انت ازاي جالك قلب تعمل كدة ازاي انت ايه. انت ولا حاجة. انسان اناني ومبتحبش غير نفسك. انت متستهلش نغم ولا حبها. انت حيوان
مهاب:زق ايده. اسمع انت متدخلش بيني وبين مراتي انت فاهم. وابعد عني بقي انا مش عايز اتكلم مع حد ابعد
وبعد شوية خرجت الدكتورة هدي من عند نغم
مهاب: هاه طمنيني نغم عاملة ايه
هدي: نغم حالتها صعبة جدا نزفت كتير وهي اصلا ضعيفة. وكمان تقريبا اخدنا ليها كل الدم بتاع فصيلتها اللي موجود وبعتنا نجيب تاني. نغم اتعرضت لمحاولةاجهاض وده جريمة واللي عمل كدة لازم ياخد جزاءه
ادم: عندك حق الحيوان الهمجي اللي عمل كدة لازم يتعاقب ويدفع ثمن اللي عمله. مش كدة يا سيادة المقدم
مهاب: مسح وشه بإيده وهو متغاظ. انا سألتك سؤال ومجوبتيش. مراتي حالتها ايه نقلتلها دم وبعدين هي عاملة ايه دلوقتي
هدي: قولت لحضرتك بتنزف وحالتها خطر. وربنا معاها بقي.
مهاب: بتردد وقلق. طيب والجنين حصله حاجة
هدي: سبحان الله مع كل الضرب اللي اتعرضتله نغم. الا ان الجنين قاوم ومتمسك بأمه ومنزلش. وكمان انا ادتها مثبتات ومهدئات للرحم. وان شاء الله البيبي حالته تستقر. المهم نغم لازم النزيف يقف.
مهاب: علي فكرة انا نفس فصيلة نغم. لو احتجتي دم انا موجود
هدي: تمام. لما نشوف الدم اللي طلبناه لو موصلش هنندهلك. عن اذنكم
مهاب. كان خلاص مش قادر ولا متحمل يتماسك دخل المكتب بتاعه بسرعة. وقفل علي نفسه ولاول مرة من سنين من وقت موت ابوه يسيب دموعه تنزل بس المرة دي كان بيبكي بحرقة. اه يا نغم انا اللي عملت فيكي كدة. اسف اسف. يارب يارب انا بحبها والله بحبها بس مش عارف انا ازاي ايدي طوعتني وعملت كدة. معقول يا مهاب انت. تضرب نغم. نغم اللي كنت
مبتتحملش عليها الهوي. نغم اللي كنت مستعد تموت علشانها. ازاي بس
حبيبتي. حبيتي والله كان غصب عني
وبعد حاوالي ساعتين. نغم خرجت ودخلت اوضتها. بس لسه مفقتش.
مهاب: واقف جنبها وماسك ايديها. دكتورة هدي. هي هتفوق امتي
هدي: كمان شوية هي اللي حصلها مش شوية. وكمان المهدئات اللي اخدتها بتخدر الجسم كله. مش بس الرحم. وكمان هي محتاجة للنوم لازم جسمها يرتخي وترتاح. المهم اول لما تفوق ممنوع عنها الحركة نهائي ولا الانفعال. وياريت اول لما تفوق تبلغني
مهاب: حاضر متشكر اوي. اتفضلي انتي
وقعد مهاب جنب نغم وماسك ايديها.
وهو بيأنب نفسه علي شكلها واللي وصلتله بسببه. وفضل كدة لحد لما نغم فاقت. وشافت مهاب. هو كان متوقع انها تصرخ وتزعق . بس كانت
ساكته ومش منفعلة ودموعها نزلت
في هدوء.
مهاب: قرب منها ومسك ايديها.
نغم :شادت ايديها منه
مهاب: حبيبتي انا عارف انك زعلانة
ارجوكي سامحيني انا مش عارف ازاي عملت كدة والله مش عارف.
نغم انا اسف بجد اسف
نغم: بصتله بإسغراب. اسف مهاب بيعتذر لا ميصحش. انا مرضهالكش
مهاب: باس ايديها ايوة بعتذر ولاول مرة وبكررها ليكي تاني اسف والله اسف.
نغم: مهاب. طلقني
مهاب: ايه لا مستحيل ده يحصل انا مش ممكن اطلقك. نغم سامحيني
بصي عاقبيني باي شئ الا انك تبعدي عني لا يا نغم. مش هقدر
نغم: والله. مش هتقدر . بس تقدر تضربني تقدر تقتل ابنك وابني.
مهاب: ارجوكي كفاية انا اصلا بتعذب
انا لحد دلوقتي مش عارف انا ازاي عملت كدة انا كنت مش في وعي
نغم افهمي افهمي لو سمحتي
نغم: عيطها زاد افهم ايه افهم ان الانسان الوحيد اللي مكنتش بخاف منه هو اللي خوفني. افهم ان الحضن
اللي كنت بحس فيه بالامان بقي هو اللي بترعب من قربه وانا بفتكره وهو بيضمني مش علشان يطمني لا علشان يقتلني. افهم ان الايد اللي كانت بتحميني وتبطب عليا. هي اللي اتمدت عليا وضربتني. افهم ايه
افهم ايه حرام عليك. انا كنت ممكن
اتحمل اي حاجة في الدنيا . الا دي
كنت اتحمل اتأذي علشانك اموت ولا
اني اشوف اليوم اللي مهاب حبيبي وجوزي. اللي كان اهم عندي من نفسي بيضربني علشان يقتل ابني
مهاب: كان بيحاول يمسك دموعه.
انا عارف انك معاكي حق في كل اللي قولتيه. وانا نفسي والله مش مصدق
نغم : مهاب ابعد عني انا مش عايزة اشوفك. امشي وياريت تطلقني بسرعة. ومتخفش. ابني انا هخلي بالي منه. متشغلش بالك. واحمد ربنا انه مامتش. كان زماني موقفي منك غير كدة
مهاب: ليه وهو في ايه اكتر من انك عايزة تبعدي عني
نغم: لا فيه كتير. لو سمحت امش
مهاب: نغم انا
نغم: قاطعته. بقولك امشي امشي
مهاب: حاضر يا نغم همشي بس علشان الدكتورة قالت ممنوع عنك الانفعال.
نغم: بسخرية. لا وانت بتخاف عليا اوي واضح.
مهاب: انتي اكتر واحدة عارفة اني بحبك وبخاف عليكي واللي حصل
ده كان لحظة ضعف. نغم انا كنت راجع مشحون وقلبي موجوع علي رامي وحالة مراتو وبناته. ولما دخلت الاوضة وشوفت الفايل في الدرج مشوفتش قدامي وحسيت اني بغلي نغم ابوس ايدك سامحي. قصاد كل الحب اللي حبتهولك. مش قادرة تغفريلي زلة واحدة ليه يا نغم
نغم : دي مش زلة ده جرح عمري اللي عمري ما هنسان امشي لوسمحت انا تعبانة. ومش قادرة اتكلم.
مهاب: حاضر بس انا موجود برة مش همشي. انا هفضل جنبك
نغم: ملوش لزوم. لاني مش هشوفك تاني ولا هتكلم معاك ارجع بيتك احسن.
مهاب: بيتي بقي بيتي يا نغم بعد ما كان بيتنا.
نغم: اديك قولت كان بيتنا. انا هبعت ماما تجبلي كل حاجاتي وياريت تطلقني في هدوء
مهاب: خبط السرير بغيظ. انتي اكيد اتجننتي. انتي مراتي وهتفضلي مراتي لحد ما اموت مراتي. واسمك مش هيرتبط بإسم راجل غيري غير بعد ما اموت. سامعة لما اموت
وخرج مهاب وهو متنرفز وعلي اخره وقابل سهام وندي وسامح وامجد
سهام: مالها نغم يا مهاب. ايه اللي حصلها
مهاب: انتوا عرفتوا ازاي مين اللي قالكم.
سامح: ادم اتصل بطنط سهام وهي كلمتني. في ايه مالها نغم
مهاب: هي جوا. ادخليلها يا طنط انتي وندي. وانت يا امجد
ندي: مش جاي معانا يا سامح
سامح: بص لمهاب وفهم ان صاحبه مخبي حاجة. لا يا حبيبتي ادخلوا انتوا ممكن تكون مش لابسة حجابها ولا حاجة انا بعد شوية هاجي اشوفها
ودخلوا كلهم لنغم. وسامح قرب من مهاب.
سامح: مهاب مالك في ايه مالها نغم وانت فيك ايه
مهاب: تعالي نقعد في المكتب.
في مكتب مهاب في المستشفي
سامح: يا نهارك مهبب. انت ضربتها بالشكل اللي بتقول عليه ده ازاي.
جالك قلب يا مهاب هانت عليك نغم
انا بجد مش مصدق حقيقي مش مصدق
مهاب:ابوس ايد اللي خلفوك انا ما ناقص. اسكت
سامح: مش ناقص ايه انت كمان مش عايز حد يأنبك. ايه الكبر ده . معقول كنت عايز تموت ابنك ازاي انت اكيد اتجننت. ده انا لما عرفت ان ندي حامل كنت طاير من الفرحة ونفسي احطها في عيني. تقوم انت تضرب نغم وتبهدلها كدة. وكمان زعلان انها عايزة تطلق. يا بجاحتك
مهاب: انا بجد يا سامح مش عارف انا ازاي عملت كدة. انا حاسس اني كنت واحد تاني
سامح: اتنهد. طيب هتعمل ايه هطلقها
مهاب: لا طبعا مستحيل اعمل كدة. انا
هسيبها كام يوم بعد ما تخرج من المستشفي تقعد عند مامتها. لحد ما اعصابها ترتاح وبعد كدة لازم ترجعلي انا مقدرش اعيش منغيرها.
وعدي اسبوع ونغم حالتها لقت احسن. وكان مهاب كل يوم يحاول يدخلها وهي بترفض. ومش عايزة تشوفوا. وهو كان هيتجنن عليها بس مش عايز يدخل غصب عنها علشان متزعلش منه اكتر من كدة.
وخرجت نغم من المستشفي وراحت عند مامتها وعدي كمان شهر وهما علي نفس الحال نغم مبتروحش المستشفي
ومهاب بيحاول يكلمها وهي بترفض.
ولا بتقبله لما بيروحلها عند مامتها.
وفي يوم مهاب من زهقه مش متحمل البيت من غيرها وحاسس بفراغ كبير
اخد عربيته وقعد علي النيل. وقعد يسمع أغنيه وبعتها لنغم وهو عارف انها هتسمعها. وكان بيحاول يصالحها. وكانت لحماقي ( كنت تتكلم)( مش كنت تتكلم شايفني بسيب ايديك وبضيع ناديني وقولي ليه بتبيع لو غلطة هتعلم. ازاي كدة هنرجع هوانا معدش زي زمان. وفين يجمعنا تاني مكان. الفرقة دي بتوجع. لعنيك بسهر ليالي ورا ليالي. ولا دنيا حلوة بتحلالي. مليت حبيبي انديك. يرضيك كدة فات كتير وانا مستني مبقتش حاجة تطمني. وهموت عشان القيك. هو انت مستكتر. اعيش وانا روحي رايحة عليك. طب اعمل ايه واقرب ليك. ليه بس متأخر. الوقت بيعدي وليل الشوق مطمنيش. حبيبي ازاي مترجعليش. مرتاح لمين بعدي. لعنيك بسهر ليالي ورا ليالي . ولا دنيا حلوة بتحلالي. مليت حبيبي انديك. يرضيك كدة فات كتير وانا مستني. مبقتش حاجة تطمني. وهموت عشان القيك)
وفضل قاعد مهموم وبيسمعها. وبيفتكر لما كانوا في شهر العسل واتخانقوا وهي افتكرت انه هبضربها وهو قالها انه مستحيل يعمل كدة. وبعدها ضحكوا وهي جريت منه وهو جري وراها. ابتسم. وبعدين ظهر قدامه مشهده وهو بيضربها غمض عينيه. وهو بيحاول يبعد المشهد من دماغه وميفتكروش
في بيت نغم
قعدت تعيط. وهي بتسمع اغنية مهاب اللي بعتها ليها.
نغم: حبيبي انا كمان مش قادرة علي بعدك ونفسي اشوفك بس غصب عني انا موجوعة منك ومجروحة. بس والله وحشتتي وحشتني اوي مع كل اللي عملته بس قلبي وجعني عليك
وعلي وحددتك بس مش عارفة انسي مش عارفة
وعدي اسبوع كمان وفي يوم
في مكتب اللواء سراج
اللواء سراج: وبعدين يا مهاب انت ايه اللي جرالك.
مهاب: خير سيادتك.
سراج: انت بتسالني. مالك ليه مش شايف شغلك زي الاول. فين المعلومات اللي طلبها منك
مهاب: اسف سياتدك. في اقرب وقت هتكون كل حاجة علي مكتب سيادتك
سراج: سامح قالي انك عندك شوية مشاكل في البيت. بس شغلنا ملوش دعوة بحياتنا الشخصية
مهاب: اتنهد. مفهوم سيادتك.
سراج: مهاب انا عايزك تخلي بالك من نفسك اليومين اللي جاين دول
مهاب: ليه في ايه
سراج: عدنان اخو عزمي. هرب من السجن.
مهاب: هرب امتي.
سراج: النهاردة. رجالتو هربوه وهو في عربية الترحيلات. وراجع من المحكمة ورايح السجن.
مهاب: ومفيش اخبار هو راح فين
سراج: لسة بنحاول نوصله . المهم انت خلي بالك
مهاب: ان شاء. الله سيادتك. عن اذنك.
((((تري يا قلب احببت من ))))... بقلم ريحانة الجنة
(((الحلقة الثامنة والعشرون)))#ريحانة
في مكان في الجبل
شوقي: حمد علي السلامة يا عدنان بيه. كفارة
عدنان: الله يسلمك. قولي عرفت اخبار الزفت مهاب
شوقي: متخفش المراقبة شغالة عليه وعلي مراته
عدنان: لا سبيك من مراتو. انا عايزه هو
شوقي: علي فكرة عرفت ان مراته حامل. يعني انت لو قلتها تبقي قتلتله اتنين زي ما قتلك ابوك واخوك
عدنان: قلتلك لا انا مش زي عزمي. انا هاخد طاري منه هو علشان هو اللي قتل مش مراته ولا ابنه.
شوقي: انا في حاجة ميتغىبها. انت وعزمي بيه الله يرحموا. كنتم حانين للبت مراتوا. ليه كدة هي اه حلوة بس محدش فيكم. قربلها ولا سببتوهلنا
عدنان: مسك شوقي من هدومه. لو فكرت تقرب منها او تأذيها انا اللي هقتلك مش مهاب. انت فاهم
شوقي: فاهم فاهم. بس اهدي
عدنان: قولي هنتحرك امتي
شوقي: لا عايزك تهدي كدة. لحد ما العين تروح من علينا شوية. دول قالبين الدنيا عليك. لازم نستني شوية ومتقلقش انا مظبط كل حاجة. انا لو عليا كنت قتلته بنفسي. بس انت اللي مصر انك تقتله بنفسك
عدنان: لازم اقتله بإيدي واشفي غليلي منه. بس معلش هصبر لحد ما يقع تحت ايدي.
(وبعد مرور شهر)
في مكتب مهاب قاعد سرحان. ودخل.
سامح. وهو محسش بيه
سامح:خبط علي المكتب. ايه اللي واخد عقلك.
مهاب: انتبه ليه واتنهد بحزن. قصد اللي واخدة عقلي
سامح: بضيق. والله انتوا الاتنين عندين. مش عارف اخرتها ايه معاكم
مهاب: انا مش عندي وعلي يدك كل يوم بروحلها وهي مش بترضي حتي تخرج تشوفني. انا مش عارف هتسامح.و هتنسي امتي بس
سامح: وانت بقي سايبها لحد ما تسامح وتنسي لوحدها. مش كدة
مهاب: اعمل ايه مش فاهم. ارجعها غصب عنها. مش كفاية اللي حصل
سامح: اه غصب عنها. انت تروحلها ولو مخرجتش انت تدخلها الاوضة
دي مراتك وشوية حب وحنيه وخدها في حضنك وربنا هتنزل بيها في ايدك
مهاب:اتنهد. يا ريت كان الموضوع سهل. كدة بس اللي حصل مش قليل
انا ضربتها عارف يعني ايه ضربتها
وكنت هموتها هي وابني. انا خلاص
يا سامح. بجد تعبت مش قادر علي
بعدها اكتر من كدة هموت والله هموت. وحشتني اوي
سامح: والله انا مش عارف اقولك ايه
علي فكرة هي كمان هتتجنن عليك.
ندي بتقولي مش بتبطل عياط. وعلي طول بتقولها انك واحشها بس لسة موجوعة من اللي حصل
مهاب: هي بس تحن وانا والله اعوضها وانسيها كل حاجة. بس
ترجعلي انا مش عارف اعمل اي
حاجة في حياتي. حتي النوم بقي
صعب عليا وهي مش جنبي. اقولك
علي حاجة ومتتريأش عليا.
سامح: قول وهو ده وقت تريأة
مهاب: انا علشان اعرف انام. باخد البيرفيوم بتاعها. واحط منه علي الخدة. واخدها في حضني علشان احس بيها. نغم دي روحي يا سامح
روحي. وبعدها عني ده اكبر عقاب انا
اتعاقبته في حياتي.
سامح: اتنهد هقولك ايه ربنا يهديها.
مهاب: سامح اوعي تكون بتخليها تخرج لوحدها في اي وقت
سامح: متقلقش. انا منبه علي طنط سهام مينزلوش من البيت الا لما تقولي وانا اروحلهم. ووصلهم ولو مشغول امجد بيوصلهم.
مهاب: يارب يهون بقي وترجعلي واطمن عليها في حضني
سامح: قريب ان شاء الله. تعالي بقي
نتكلم في الشغل.....
(وبعد يومين في المستشفي)
في أوضة ندي
سهام: ههههههههه الله يهديك يا سمسم. والله قلبي هيقف من الضحك
سامح: انتي من الضحك. انا كنت هموت من العض. بنتك متقوليش لقت
لقيه. قاعدة تلطش فيا وتعض لماكنت
هديها قلم اولدها وهي قاعدة
ندي: ههههه ماشي اعملك ايه. واحدة
بتولد وعندها طلق وهموت من الوجع
عايزني اعمل ايه مش لازم انفس
عن نفسي
سامح: وانا مال امي انا بتعضيني ليه
لا وكمان ايه يا سوسو تصوت وتقولي انت السبب يا سامح انت السبب. كنت تولدوا انت. الحمارة طيب اولده ازاي والنبي
فريال: ههههههههه. اه يا سهام دي جننتنا علي اما جينا المستشفي. وانا بقيت اضحك. وهي تقولي ماشي يا فوفة بتضحكي عليا. وهي عمالة تعض في الواد والنبي صعب عليا
سامح: انا مش غايظني غير انت السبب دي زي ما اكون جبته لوحدي.
فريال: هههههههه معاها حق مش انت
اللي عملت المصيبة دي
سامح: ههههه حتي انتي يا فوفة
ندي : اه يا فوفة. دي الولادة دي طلعت حاجة صعبة اوي
سهام: الحمد لله انك بقيتي زي الفل
نغم: حمد لله علي سلامتك يا دودو.
مبروك يا حبيبتي
ندي: الله يبارك فيكي. عقبالك. خلاص
كلها كام شهر وتحصليني. بس اوعي
تنسي تعضي مهاب زي ما انا عضيت
سامح بس انتي بقي اتوصي شوية
نغم: ابتسمت بحزن وسكتت.
سامح: اتهدي وخليكي محضر خير
ندي: الله مش بنقلها خبرتي في الولادة
سامح: لا والله انتي مصيبة. بس بحبك يا موزتي
ندي: وانا بموت فيك يا حبيبي.
سهام: يا ولاد اتلموا شوية حتي في المستشفي
في الوقت ده الباب خبط.
سامح: ادخل
مهاب: فتح الباب ودخل. مساء الخير يا جماعة. وبص علي نغم بلهفة.
نغم: اول ما شافته. قلبها دق وحست انها حتموت وتجري علي حضنه. بس حاولت تتماسك ومتبينش.
سهام: مساء النور يا مهاب تعالي يا ابني
فريال: ازيك يا هوبا واحشني . كدة مبتسألش عليا. ده انا فوفة حبيبتك
مهاب: ازاي بس يا عسل بس والله الشغل كتير واسألي سامح.
فريال: ماشي تعالي هات بوسة بقي
سامح: اموت واعرف بتحبي تبوسيه ليه ده انا ابنك عمرك ما قولتيهالي.
مهاب: هو انت علي طول قرفني كدة
وانت مالك
فريال: يا خويا انت علي طول في وشي. لكن هوبا بيوحشني تعالي ياواد
سبلك منه.
مهاب: راح لفريال وسلم عليها وباسها.
بس فريال كانت قاعدة ونغم واقفة جنبها. ومهاب بعد ما سلم علي فريال
قرب من نغم وبحنية. ازيك يا نغم عاملة ايه.
نغم: مش عايزة تبص في عنيه. عارفة انها هتضعف ويبان عليها. احمم. الحمد لله انا بخير
الباب خبط ودخلت الدكتورة تطمن علي ندي. وابتدت تتكلم معاهم
مهاب: لقاهم مشغولين وهو قريب من نغم. مد ايده وحاوطها من خصرها. ووشوشها. وحشتيني اوي
نغم: حاولت تبعد وهي دقات قلبها بتزيد. من قربه منها
مهاب: متمسك بيها ومش عايزها تبعد
ووشوشها تاني. اسف والله اسف
اروجكي كفاية . انا مش قادر علي بعدك . ارجعي يا نغم
نغم : شالت ايده وبعدت. عن اذنكم هروح اشوف سهي قبل ما امشي.
وخرجت من الاوضة
وخرجت نغم برة الاوضة وكانت واقفة برة بتحاول تاخد نفسها.
نغم: اه يا مهاب وحشتني اوي. ولو كنت فضلت ثانية واحدة جنيك. كنت زماني في حضنك دلوقتي. يارب اعمل ايه بس ارجعلوا ولا اسيبه شوية علشان. ميفكرش يعملها تاني. اه
أدم: نغم واقفة ليه كدة. ندي كويسة
نغم: اه الحمد لله كويسة.
أدم: نغم تعالي معايا المكتب عايز اتكلم معاكي.
نغم : حاضر يا دكتور اتفضل.
في أوضة ندي
سامح: ايه يا هوبا مش ناوي تشيل ولي العهد ولا ايه.
مهاب: هههههههه. اه ولي العهد ما هو اكيد هيورث غلاسة ابوه.
ندي: حرام عليك يا مهاب. بقي سمسم غلس طيب ده مفيش في خفة دم سمسم حبيبي
سامح: قعد جنبها وباسها. حبيبة سمسم يا ناس والله عسل
مهاب: شكلنا كدة هنخرج ونسيبكم شوية
سامح: هههههه والله يبقي احسن. بس تعالي شيل. وادي البيبي لمهاب
مهاب: اخد البيبي وشاله. واول ما بصله ابتسم. وبينه وبين نفسه
معقول يا مهاب كنت عايز تحرم نفسك من اللحظة اللي زي دي وانت بتشيل ابنك من نغم. انا دلوقتي حاسس اني قلبي بيدق. اومال لما اشوف ابني ححس بإيه.
سامح: ايه يا عم ساكت ليه. الواد مش عاجبك ده حتي شبهي
مهاب: ههههههه يا مفتري. ده الواد زي القمر تقولي شبهك
سامح: كدة طيب. نشهد ندي
مهاب: لا كله الا ندي مين يشهد للعريس يا خويا. هتقول هو في زي سمسم حبيبي
كلهم: هههههههههههههه
سهام: والله معاك حق يا مهاب. دي مصيبة هي وهو
فريال: ههههههه يا ختي سيبيهم يحبوا في بعض. ده بكرة الواد ده مش هيخليهم يعرفوا يتلموا علي بعض
سامح: والله ما يحصل. يوم ما يقرفي هتلاقيني جايلهولك وانا اروح اقضي مصلحتي. اومال انا سكنت جنبك ليه
فريال: هههههههه اه يا بجح. بس وماله انا راضية هاتوا انت بس وملكش دعوة
مهاب: قولي بقي ساميته ايه
سامح: نغم اللي سامته. مهاب
مهاب: ابتسم. بجد
سامح: اه والله. وبعدين جه علي هوايا. انا اصلا كنت عايز اسميه علي اسمك علشان يطلع اسد وقلبه جامد زيك.
مهاب: حضن سامح. حبيبي يا سمسم. ربنا يخليك ليا
ندي: بس متزعلش بقي لما اشتمه واضربه وهو علي اسمك.
مهاب: طيب يبقي حد يقربله كدة وانا اعلقكم من رجليكم.
كلهم: هههههنههههههههه
في مكتب أدم
أدم: وبعدين يا نغم . هتفضلي كدة لحد امتي
نغم : كدة ازاي يعني مش فاهمة
ادم: انتي بقالك شهرين مبتجيش المستشفي. وسايبة شغلك وكمان الرسالة. متخليش مهاب يضيع مستقبلك
نغم: مهاب ملوش دعوة. انا اللي عقلي مش متحمل الشغل والدراسة محتاجة ارتاح شوية. وبعدين ربنا يسهل
ادم: نغم. اتطلقي يا نغم
نغم: 😳😳 ايه. انت بتقول ايه
ادم: بقول اللي لازم يحصل انتي مينفعش تعيشي مع مهاب تاني بعد اللي عمله فيكي. انت تستهلي حد يحبك ويحافظ عليكي. وانا عرفت انك طلبتي الطلاق منه. وهو رفض وانا مستعد اساعدك واخليه يطلقك
نغم: بغضب. انا طلبت الطلاق علشان كنت لسة موجوعة منه لكن انا عمري ما هسيب مهاب. ومتخفش انا مفيش حد ممكن يحبني ويحافظ عليا قد مهاب. هقولك علي حاجة ممكن تستغربها مهاب عمل اللي عمله علشان بيحبني وخايف عليا. وكمان احب اطمنك مهاب مش ممكن يطلقني ولا انت ولا غيرك ممكن يقنعه بكدة
أدم: بحزن. للدرجة دي بتحبيه ومسمحاه علي اللي عمله معاكي
نغم : ايوة مسمحاه. وبحبه وعمري ما هحب غيره
في الوقت ده مهاب دخل . وكان سامع كلام نغم وابتسم بس لما دخل مابينش.
مهاب: وهو متغاظ من ادم وكلامه. انتي بتعملي ايه هنا مش قولتي انك رايحة لسهي
نغم: عادي انا كنت بتكلم مع دكتور ادم.
ادم: اهلا اتفضل.
مهاب: شكرا انا جاي اخد مراتي. سامعني مراتي وماشي. ومسك ايد نغم وخرج.
نغم: بتحاول تفك ايده. ممكن تسيب ايدي لو سمحت
مهاب: ماسك ايديها وماشي خارج من المستشفي. تؤتؤ
نغم: يعني ايه سيب ايدي. وبعدين انت رايح فين
مهاب: كان وصل لعربيته. فتحلها الباب. هوصلك البيت.
نغم: بيت مين انا مش ممكن ارجع معاك. انت بتحلم
مهاب: بإستفزاز. ومين قالك اني اقصد بيتنا. انا اقصد بيت مامتك. انا مش هرجعك غير لما تبقي عايزة مش غصب عنك.
نغم: اتغاظت. كانت فاكرة انه هيخدها غصب عنها. وكانت نفسها يعمل كدة.
بس فاقت. كدة ماشي يا مهاب والله لوريك. انا غلطانة اني بحاول انسي اللي عملته
مهاب: بيبتسم. وهو من جواه فرحان بكلامها اللي سمعه منها وهي بتكلم ادم. بس حب يرخم عليها. اممم هنفضل واقفين كتير ممكن تركبي
نغم: ركبت. وهي متغاظة.
مهاب لف وركب وهو بيضحك. وساق وكان بيبصلها وساكت وهي كمان ساكته. مهاب شغل السي دي علي اغنيه. جميله بيحاول يحننها بيها وفي نفس الوقت هي اغنيه مشاكسة شوية. وكانت لحماقي (اسمها ليه لا)( ليه لا لما انت دايب ليه تفضل عني غايب. جواك انا لسة سايب حنين لاحلي غرام. عايز الحق ده برضوا حالي. زيك واكتر يا غالي. اي جراح يالا انسهالي. وارجعلي تاني اوام. زعلك انت مقدرش عليه اه يا روحي. اه من اللي انا فيه. رد قولي ساكت كدة ليه.علشان تصالحني اعملك ايه. ليه لا لو مش في بالك.طيب متغير ليه ومالك. ده اللي يداري الشوق في قلبه يبان عليه في عنيه. عايز الحق باين في عينك. كل ما فيك بيقولي فينك. بتقول لا وتصد قلبي بس انت مستنيه.زعلك انت مقدرش عليه. اه يا روحي اه من اللي انا فيه علشان تصالحني اعملك ايه)
مهاب كان بحاول يكتم ضحكه من شكلها وهي متغاظة.
نغم كانت متغاظة فعلا. انه واخد باله من لهفتها عليه وانها كانت فاشلة في انها تداري حبها واحتياجها ليه
ووصلوا عند البيت ونزلت نغم. ومهاب نزل وراها. ومسك ايديها.
مهاب: نغم. انا محتاجلك وعايزك معايا
ارجوكي كفاية
نغم: مش وقته الكلام ده احنا في الشارع عن اذنك.
مهاب: طيب لو جيت بالليل هنتكلم
نغم: ربنا يسهل. عن اذنك. وطلعت فوق
ومهاب: اتنهد. اه يا نغم من امتي وانتي عندية كدة. بس حقك اللي انا عملته مكنش سهل. بس راجعلك تاني
ومشي ورجع شغله.
(في ڤيلا الدكتور حسين)
دولت : معقول يا ادم انت تعمل كدة
ادم: وانا عملت ايه بس. انا كان نفسي اريحها من التعب والالم اللي بتشوفهم معهاه كل يوم والتاني
دولت: تقوم تقولها اتطلقي. اهي كسفتك وقالتلك انها بتحبه مهما عمل. كويس كدة
ادم: اتنهد. انا تعبت تعبت. ليه بتحبه كدة ليه في ايه مهاب
دولت : بتحبه يا ادم بتحبه افهم بقي يا ابني الحب مفهوش ليه. انسي بقي . دي مش عيشة دي انت حتي مش مدي نفسك فرصة تشوف غيرها ولا تحب غيرها. فوق لنفسك بقي حرام عليك. وابتدت تعيط
ادم: حضنها. خلاص يا ماما بطلي عياط. كدة ضغطك ممكن يعلي ارجوكي.وواعدك احاول انساها
دولت: صحيح يا ادم
ادم: صحيح يا ماما. بس ادعيلي انتي بس.
دولت: بدعيلك والله يا حبيبي. ربنا يريح بالك.
بالليل في بيت نغم مهاب راحلها بعد ما خلص شغله
سهام: اهلا يا حبيبي اتفضل تعالي
مهاب: ازيك يا طنط. عاملة ايه. ونغم عملة ايه دلوقتي
سهام: مش انت كنت معاها الصبح
مهاب: اتنهد. لسة منشفة دماغها يا سوسو. مش عارف ازاي اراضيها
سهام: معلش اكيد هتنسي. ومتنساش اللي انت عملته كان صدمة لينا كلنا. انا منكرش اني كنت زعلانة منك. بس انا عارفة انت بتحبها ازاي. وبتخاف عليها. واللي حصل كان غلطة وخلاص انت ندمت. هي كمان بكرة تنسي. ثواني هروح اندهلها
مهاب: لا انا المرة دي عايز ادخلها ممكن
سهام : طبعا ممكن ادخل.
مهاب قرب من اوضتها وفتح براحة لقاها واقفة قصاد شباك اوضتها. وساندة راسها وبتعيط وهي بتسمع اغنية توجع. ومهاب لما سمعها حس انه فعلا جرحها اوي وانها مش سهل تسامحة. وكانت لأليسا (من غير مناسبة)( من غير مناسبة وبمناسبة بيقابلني. بيجيني يستغلب عليا وبيحايلني. وبيعتذرلي كتير وانا مهما اعتذرلي. مش هنسي انه في كبريائي كان قاتلني. معتش ينفع اسامحه علي عمله فيا. لو يجي يتأسفلي ولا يبوس ايديا. بعد النهاردة ازاي انا علي نفسي هرضي. ارجع لحد قدر يمد ايديه عليا. مش هقدر اتهاون واشوف حاجة اسامحه بيها. لازم اللي يغلط غلطة يتحاسب عليها. اصل اللي يتهاون في جرح كرامته مرة. يستاهل انه يتجرح 100مرة فيها. معتش ينفع اسامحه علي اللي عمله فيا. لو يجي يتأسفلي ولا يبوس ايديا. بعد النهاردة ازاي انا علي نفسي هرضي ارجع لحد قدر يمد ايديه عليا)
مهاب دخل براحة وقفل الباب وراح وراها وحضنها ودفن راسه في شعرها
مهاب: عندك حق انا غلط ولازم اتحاسب علي غلطتي. انا اسف والله اسف
نغم : اتفاجأت بيه وحست ان روحها بتروح منها وهو حاضنها. وعيطت. انت جرحتني اوي
مهاب: كان خلاص مش قادر يمسك دموعه. اسف. اسف يا روحي. وحياتي سامحيني. انا خلاص مش قادر علي بعدك.
نغم: حست بدمعه. علي خدها ورقبتها. لفت ليه. ولاول مرة تشوفه بيبكي. مسحت دموعه. مهاب انت بتبكي
مهاب: هز راسه. اه عمري ما عملتها بس خلاص مش متحمل وجع قلبي عليكي وعلي اللي عملته معاكي. نغم انا بحبك بحبك
نغم: وانا بحبك والله بحبك. بس مكنتش متخيلة انك تعمل كدة
مهاب: حضنها. انسي انسي علشان خاطري.
نغم: حضنته. خلاص نسيت. انت كنت واحشني اوي
مهاب: حضنها اكتر وشالها. وبصوت هامس. انا عايز اجرب أوضتك ممكن
نغم: ابتسمت. ممكن. بس ماما بره
مهاب:مش مهم انا مش هسيبك النهاردة. لو مصر كلها بره
نغم: ههههههههههه للدرجة دي كنت وحشاك
مهاب: عايزة تعرفي كنتي وحشاني قد ايه.
نغم: هزت راسها. اه عايزة اعرف
مهاب: راح وقفل الباب بالمفتاح. وقرب عليها. وانا هعرفك لحد ماتقولي كفاية خلاص امنت وصدقت تعالي بقي.....................
في الصباح مهاب صحي علي صوت تليفونه.
مهاب: تؤتؤ. مين المزعج ده علي الصبح. ورد بسرعة قبل ما نغم تقلق. ايوة يا متخلف.
سامح: ههههههه صابحية مباركة يا خويا. عرفت انك بت معاها. مبروك يا عم
مهاب: هههههه الله يخربيتك. انت ايه بتراقبني
سامح: لا والله ابدا. بس ندي كانت بتكلم مامتها امبارح وقالتلها انك بايت مع نغم. حتي مقمتوش تتعشوا
مهاب:هههههههه طيب عايز ايه دلوقتي.
سامح: ابدا عايز حضرتك. تقوم كدة وتفوق. علشان عندنا النهاردة اجتماع مهم علشان العملية الجديدة
مهاب: ياه يا سامح ده انا النهاردة كنت ناوي اقضيه مع نغم.
سامح: احضر الاجتماع وابقي اخلع وانا هغطي عليك. ماشي يا معلم
مهاب: بزهق. طيب خلاص هقوم اخد حمام والبس. سلام. وقفل وبص لنغم وابتسم. مش ممكن هتفضلي جميلة حتي وانتي نايمه. اه بحبك. انا لو مكنتش صالحتك. كان ممكن يجرالي حاجة بس لسة الصلح مخلصش. وباسها. وغطاها وخرج.
سهام: صباح الفل يا حبيبي.
مهاب: مسح شعره بإحراج. صباح الخير يا جميل. معلش بقي امبارح نمنا من غير ما نكلمك ولا حتي نتعشي معاكي.
سهام: هههههه وفيها ايه براحتكم. يالا روح خد حمام وانا هحضرلك الفطار.
مهاب: ابتسم تسلمي يا ست الكل. وانا مش هتأخر.
وخلص مهاب وفطر ونزل ونغم كانت لسة نايمه.
نغم :صحيت وملقتش مهاب. زعلت. كدة تمشي وتسيبني حتي من غير ما تصحيني وتسلم عليا. وبعدين لقت رسالة علي الفون من مهاب
مهاب: صباح الخير يا روح قلبي. اسف اني نزلت وسبتك بس والله غصب عني في اجتماع مهم هخلصه وارجعلك واخطفك علي بيتنا. متزعليش يا قلبي. بحبك. 💋💋💋
نغم:هههههههه. حبيبي وانا كمان بحبك
وخلص مهاب شغله ورجع لنغم بمفاجاة حلوة علشان يكمل اعتذاره
وبعد شوية وهي قاعدة مع مامتها لقت رسالة من مهاب.
مهاب: حبيبي ممكن تبصي من البلكونة.
نغم: استغربت. وقامت بصت لقت مهاب واقف قصاد عربيته ومزينها كلها بالورد. الاحمر وكاتب بيه
I Love you
وكمان في بالون علي شكل قلب كبير
مكتوب عليه.
اسف سامحيني
نغم: فرحت جدا ومكنتش مصدقة نفسها. وابتسمت وهو شاورلها تعالي
نغم نزلت بسرعة ليه وجريت عليه وحضنته. وهو حضنها وشالها ولف بيها
مهاب: بحبك بحبك بحبك
نغم: حبيبي. وانا بحبك بحبك بحبك
مهاب: ممكن تسمحيلي اخطفك بس مش علي بيتنا زي ما قولتلك
نغم: اومال علي فين
مهاب: علي السخنة اشترتلك شاليه هناك اصل شكلنا هنحتجلوا كتير الفترة اللي جاية
نغم: هههههههه وانا موافقة اتفضل اخطفني
مهاب:فتحلها الباب. اتفضلي يا اميرتي
وركب وطلع علي السخنة.
نغم: يا نهار انا نسيت خالص
مهاب: نسيتي ايه يا روحي
نغم: جيت معاك من غير ما اجيب اي هدوم ليا
مهاب: هههههههه وانتي فاكراني كنت ناسي حبيبتي شنطتتك في العربية فيها كل حاجة انا روحت البيت وجبت كل حاجة متقلقيش
نغم: باسته من خده حبيبي انت مشكلة
مهاب: اه يا نغم وحشتيني ووحشتني لمستك
نغم: خلاص انا معاك اهو بس يارب متزعلنيش تاني
مهاب:باس. ايديها مستحيل ده وقتها اموت نفسي
 الفصل الثاني وعشرون والثالث وعشرون والرابع وعشرون والخامس وعشرون والسادس وعشرون والسابع وعشرون والثامن وعشرو…){kind=link}
تعليقات
إرسال تعليق