رواية غلطه وندم الفصل التاسع عشر 19بقلم مروة محمد حصريه
رواية غلطه وندم الفصل التاسع عشر 19بقلم مروة محمد حصريه
#غلطه_وندم😘😘😘
#مروة_محمد💋💋💋
#الفصل_التاسع_عشر🌺🌺🌺
بتمني منكم لايكات كتير بعد قراءة الفصل وتعليقات حتي لو ملصقات
الحمد لله الذى تتم بنعمته الصالحات 💕💕💕💕💕
عن تلك اللحظه عندما يقول العقل للقلب أرأيت؟أرأيت كل شئ بعينيك...أما زلت تكابر أيها القلب الرقيق الضعيف الهش الملامح...طوبي اليك يا قلبي.
اندهشت زهيرة من تواجد غانم بالبيت الجديد وكيف وصل اليه ومن أين علم بخبر طلاق شهاب وغاده....نظرت اليه مطولا والي جبروته لتسأله قائله
=ده انت بتراقبنا بقا...بس يا أخويا وانت بتراقب بتفصل الحكايه علي كيفك...طلاق ايه وزفت ايه اللي بتقول عليه...مفيش حاجه من دي هتحصل.
رد عليها غانم بجمود
=لا معلش بقا ...مش أنا اللي مراقبهم...بس عرفت ان انتي والهانم بعد ما كنت عندكم جيتم قعدتوا في البيت ده...قلت أستني أشوف البيه هيبات فين لقيتوا في بيته أكتر من أسبوع.
نظرت زهيرة لعينيه الماكرة وفهمت أنه يراقبهم مراقبه جيده فهتفت بخبث قائله
=لا خالص مش زى ما انت فاهم...غاده وشهاب لو كانوا هيطلقوا كنا رجعنا عيشنا في بيتنا القديم...لكن شهاب الله يستره اشترى لينا البيت ده...وقعد في القديم فترة علي بال ما أنا وغاده نوضب ده من مسيح لتنضيف...وأهو كان رايح يجيب شنطه هدومه بعد ما عرف انه خلاص خلصنا.
ثم نظرت زهيرة بخوف الي غاده تخشي أن تفسد ما قالته لتتفاجئ بغاده تذهب أمامهم تحتضن شهاب والذي تفاجئ من رد فعلها لتقول بحب صادق
=أسبوعين يا شيبو معلش كنت بعيد عني...بس أنا مستحملتش تقعد في البيت الجديد اللي انت صالحتني بيه وهو كده...بس بجد مبسوطه كمان انك فضلت في البيت القديم....ومروحتش تبات في بيت مامتك.
استغل شهاب الفرصه وشدد علي خصرها واحتضنها بعمق ليميل ويقبل وجنتها باشتياق قائلا
=ايه اللي انتي بتقوليه ده....عايزاني أسيب بيت ريحتك فيه برضه..بس بصراحه كويس انكم خلصتم الشقه بسرعه أصل خلاص ازازة البريفيوم بتاعتك خلصت وكان لازم بقا تبقي انتي موجوده بشخصك.
نظرت غاده الي عينيه ووجدت في طياتهم الحب الصادق لتتناسي أي شئ قائله
=أنا وازازة البريفيوم تحت أمرك يا شيبو...ولو أنها برضه خلصت النهارده...قبل ما أنزل أروح الجامعه...والمشكله صعب ألاقيها بسهوله
لينظر اليها بحنان قائلا
=أنا أعرف أجبلك واحده زيها بالظبط...ما خلاص عرفت سر الخلطه...دي بريفيوم مش بتاع مولات خالص ولا علب مقفوله ولا مختومه.
ليقبض غانم علي يديه من الغيظ قائلا
=يالا الظاهر مليش نصيب ان أشوفك مرتاحه...كالعاده بيقدر يضحك عليكي بكلمتين...بقا عندك بدل البيت بيتين... ويمكن تاخدي العربيه قريب.
ردت عليه غاده لتغيظه أكثر قائله
=شهاب مستعد يبيع الدنيا كلها علشاني..مش يبيعني زى ما انت وغسان بتقولوا...وياريت يا بابا توفر أبراج المراقبه بتاعتك...لأن أكيد مش هتبقي ورانا في ألمانيا.
اشتد غيظ غالب ليتوجه نحو الباب قائلا
=أنا همشي بدل ما يطق ليا عرق..مش ناقص كفايه خلفتك السوده...وأعصابي اللي بتفرط مني لما بشوفك انتي وأمك...أروح أغير وجوه غيركم.
خرج غانم لتتوجه غاده الي غرفتها وتغمز له زهيرة ليلحقها بدون طرق الباب
🤸🤸🤸🤸🤸🤸🤸🤸🤸🤸🤸🤸🤸🤸
#غلطه_وندم بقلم #مروة_محمد
دلف لتقف أمامه تشدد علي حروف كلماتها بكبرياء قائله
= انا قلتلك تعالي عيش معانا...بس بحساب...مش تدخل أوضتي وقت ما تحب...لا...أنا لسه مش مسمحاك...رغم دفاعي أمي عنك...اللي أنا مش مقتنعه بيه.
شهاب وهو يتفرس ملامحها بعشق قائلا
=وأنا مش مقتنع انك مش مقتنعه...انتي بتكابرى...بس علي مين...هتفضلي برضه مراتي...أينعم هي مده صغيرة...بس مين عارف...يمكن تدوم يا حبي.
لتتذمر من قوله وتحاول الرد عليه ليقاطعها قائلا
=قولي اللي تقوليه...ولا يفرق معايا...أنا خلاص أخدتها تحدي...أكون أولا أكون...وهكون بعون الله...عايزك بقا تسترخي الفترة الجايه لأن هكون قاعد علي قلبك يا حلوة.
🏃🏃🏃🏃🏃🏃🏃🏃🏃🏃🏃🏃🏃🏃
#موكا_سخر_الروايات روايه #غلطه_وندم
خرج شهاب وذهب الي البيت القديم وهي تتعالي ابتسامتها فوق ثغرها وزهيرة تنظر اليها وهي شارده بتعجب وتهتف قائله
=هو ايه أصله ده بتزعقي له وتفرحي وهو قاعد علي قلبك..ده اللي هو ازاي.؟
قضبت غاده ابتسامتها وزفرت بحنق قائله
=هو كده...علشان لما أبقي واقفه وبدلع عليه ولسه هقوله اني اختارت أكمل معاه ومش هسافر ...تيجي انتي يا ماما هوووب وطلقها يا شهاب.
جحظت زهيرة بعينيها متفاجئه من قرار غاده المحسوم من قبل حكمها عليها وابتلعت ريقها تهز رأسها بزهول قائله
=أنا معرفش انك ناويه تكملي معاه..وبعدين ما انتي علي طول بتعاندي...فأكيد لازم مش هفهم انك استسلمتي بسهوله كده.
جزت غاده علي أسنانها قائله
=طب ماشي انتي يا مامتي فهمتني غلط...هو بقا ليه محاولش يسمعني..ولا علي طول مش عايز يسمعني؟
حاولت زهيرة تهدئتها قائله
=خلاص يا حبيبتي أنا أول ما يجي هقعد معاه وأفهمه قصدك ايه.
تعصبت غاده ورفعت سيبباتها قائله
=لا يا ماما ...مش كل مرة انتي اللي هتقولي...أنا اللي هقول المرة دي بس بطريقتي..ومش هو أخدها تحدي يقابل بقا عم شهاب الجامد.
هزت زهيرة رأسها بيأس تفكر في حل لهذه المعضله بدون علم غاده وفي أثناء شرودها انتبهت علي أصوات تدور في حجرت الصالون فانتفضت لتصعق مما تراه.
💖💖💖💖💖💖💖💖💖💖💖💖💖💖
#مروة_محمد جروب #موكا_سحر_الروايات
لملم شهاب أشيائه من منزله القديم ورجع الي بيت غاده ليجد زهيرة يبدو عليها القلق والاحراج من جراء ما فعلته غاده...حيث قامت باخراج الصالون بالصاله ووضعت مكان الغرفه أريكه تفتح علي شكل سرير ومكتب صغير نظر شهاب الي الغرفه بذهول قائلا وهو يضيق عينيه
=ازاي لحقتي تعملي ده كله في أقل من ساعه...يا جبروتك يا شيخه...طب ما تنامي انتي هنا...وانام أنا جوه ...علي الاقل انتي جسمك صغير.
ثم هز برأسه يتحدث بأسف مصطنع قائلا
=أنا مستاء الصراحه...في واحده محترمه تعمل في جوزها كده...طب والله لأتصل بأبوكي ونجيبه ننيموه في الصاله...لا يا ستي مش لاعب أنا هنام في الاوضه اللي دخلتها من شويه.
ليجدها صامته وتنظر له بلا مبالاه ليتقدم أمامها لتتباعد خطواتها الي الخلف وتدلف الي الغرفه تتراجع الي الخلف حتي هبطت علي الفراش ليميل عليها قائلا بوعيد
=بصي ...والله العظيم...هي ساعه زمن واحده...هروح أقابل طارق..هكلمه كلمتين وراجعلك...أرجع ألاقي مكاني في السرير ده موجود...لاما قسما عظما هتشوفي مني وش عمرك ما شفتيه.
لتتنهد وتغلق عينيها وهي تهز برأسها رهبه من اقترابه الشديد واختراق مشاعرها لتجد أنفاسه تقترب من شفتيها ليقبل زاويه شفتيها بحنان واشتياق وهو يشعر بتصاعد أنفاسها وهي علي وشك الخروج من جسدها ليتركها حتي تستعيد أنفاسها ويتركها ويخرج من المنزل لتضع يدها علي صدرها تتنهد بتوتر وارتباك من قربه..
😂😂😂😂😂😂😂😂😂😂😂😂😂😂
#غلطه_وندم بقلم #مروة_محمد
.ذهب شهاب الي مقابله أسامه اللحوح في اتصاله وليس لمقابله طارق كما قال لها..قال ذلك حتي لا تتذكر ما حدث من حوريه وتضيع عليه لحظه القرب منها ...دلف الي أسامه بالمشفي يهتف بغضب قائلا
=أنا تعبت وانت والبت الهابله السبب في اللي أنا فيه...ما كنا كويسين أنا وهي والموضوع كان محتاج وقت...كان لازم تدخلوا...ما انت عارف ان كنت بمثل ...
ليرد عليه أسامه بمرح قائلا
=ما قلتلك اعلن جوازكم في الجامعه وابدأ معاها من جديد...انت اللي خايب...وبعدين ما أنا واختك فاهمينك..
.ليمسك شهاب بكتاب ويقوم بقذف في وجه أسامه ليتفاداه أسامه وهو يضحك ليجز شهاب علي أسنانه قائلا
=انت عارف كل حاجه ...أنا عاملتها ببرود وتجاهلتها علشان أوقع ثراء في شر أعمالها...وخصوصا بعد ما عرفت غانم وقذارته مع الحاجه زهيرة وغاده وهي صغيرة.
قطب أسامه جبينه قائلا
=أنا مش فاهم حاجه...عاملتها ببرود علشان توقع ثراء...اه طب وفي بيتك يا أخويا دي البت كل يوم كانت تيجي متنكده بسبب ثراء...وبعدين هو أبوها عمل ايه أكتر انه باعها مرتين.
أغمض شهاب عينيه بمرارة قائلا
=الراجل ده ربنا هيحاسبه حساب...ده حط غاده في ملجأ وهي صغيرة..وخلي أمها تعمله بيع بكل ممتلكاتها علشان التانيه ترضي تتجوزه.
تنهد أسامه بأسي علي حاله غاده قائلا
=في كده يا شهاب..أنا أبويا رغم قسوته علي أمي..بس عمره ما وصل للدرجه دي...طب بس انت موضحتش انت خفت عليها ليه...انت كنت جوزها.
ليهتف بحنق قائلا
=البيه كان عارف ان ثراء جايه يوم كتب كتابنا...ومع ذلك كان مستعجل يخلص من بنته..ولو كنت سبتها ومشيت....كان هياخدها يحبسها ويبعدها عن أمها....وأنا كنت عارف كل ده بس تدخلك انت وحوريه بوظ الدنيا.
دلفت حوريه في هذا الوقت ليندهش شهاب من رؤيتها بعد منعها من العمل مع أسامه لتتوتر قائله
=أنا كنت معديه من قدام المستشفي...وبصراحه يا شيبو شفت عربيتك...وانت وحشتني جدا...
ثم نظرت له بعتاب قائله
=قلت أدخل أشوفك...ليه مش بتزورنا...انت لسه زعلان مني؟
نهض شهاب من مكانه قائلا
=لا خلاص لا زعلان ولا حاجه...الدور والباقي علي صحبتك...اللي زعلت لما عرفت انكم هتتجوزوا وتسافروا ألمانيا...أنا مش فاهم منين زعلانه ومنين شبطانه تسافر معاكم.
ابتسمت حوريه بمكر وهي تفهم صديقتها قائله
=روح اسألها...بتسألنا احنا ليه...هو نظام لا بحبك ولا بقدر علي بعدك.....ذاتا احنا هنسافر ألمانيا شهر عسل وبس.
ليزفر شهاب بحنق قائلا
=ماشي يا ختي...يا بتاعت شهر العسل...ناس هايصه وناس لايصه..ربنا يرزقني ربع روقانكم...هقول ايه ما انتم مفيش عندكم مشاكل أبدا
اتجهت اليه حوريه برجاء قائله
=شيبو يا حبيبي...معاك ان أنا وأسامه غلطنا...بس هي والله ما اشتركت معانا في حاجه...بالعكس هي كانت خايفه لتزعل طول الوقت...بس انت كنت قاسي عليها أوى.
تنحنح أسامه قائلا
=الموضوع كبير يا حوريه...شهاب كان بيمثل كل ده علينا وعلي غاده.
انصدمت حوريه وجحظت بعينيها لتنظر اليه باستغراب قائله
=يعني كنت بتمثل كل ده...طب كنت قولي بدل كل اللي عملته ده.
زفر شهاب بحنق قائلا
=مكنش ينفع يا حوريه...كان لازم ثراء متشكش في اي حاجه...وحضرتك انتي وغاده عصبيين...وكان هيبان عليكم...ذاتا بقا غاده مش هتصدقني.
تضايق شهاب من أسلوب حوريه ومدافعته المستميته عن نفسه ليهتف قائلا بحسم
=أنا مش مطلوب مني يا حوريه هانم أبرر موقفي...يكفيني ان غاده عرفت أسباب معاملتي القاسيه ليها...ومع ذلك اسأليها ان أغلب أوقاتنا كنا كوييسين ما عادا الاوقات اللي كانت ثراء فيها معانا أو معايا علي التليفون.
تنهد أسامه بملل قائلا
=ماشي يا شهاب انت حر...بس هي لازم تعرف...علشان كمان تتصالح علي صاحبتها اللي مقاطعاها بسببك...كلنا لازم نتصافي...انت كمان لازم تتصافي مع غاده.
ليبتسم شهاب يثقه قائلا
=ايه هتعلمني ازاي أتصافي معاها...مش هنكر انك ذكي وأحيانا مشورتك بتفلح...بس في دي بقا...أنا أستاذ ورئيس قسم... احنا رجعنا نعيش في بيت واحد من تاني.
ليتنهد أسامه بمرح قائلا
=أيوه بقا...طب بقولك ايه ما تجوزني أختك بقا ان شاء الله يخليك....ويجمعني بيت أنا وهي...أنا خللت بسبب أم حكايتكم المعقده...انتم معقدين لكن اختك ايه شيكولاته سايحه.
ارتبكت حوريه من حديث أسامه وأخفضت وجهها في الارض ليرتفع صوت شهاب عاليا وهو يقول
=ايه ...بتقولها في وشي...أما انت قليل الادب بصحيح...طب مفيش جواز الا لما كل عقدي تتحل...واياك أشوفك بتقرب منها...يا بتاع الشيكولاته انت.
لوى أسامه ثغره بامتغاص قائلا
=انت قاسي زى ما كلهم بيقولوا...أقسم بالله لو ما اتجوزتها لأكون ضارب ورقه عرفي مزورة واشتكيكم بيها...هو ايه أصله ده...هطلع عقدك عليا؟
تنهد شهاب بعمق قائلا
=أنا علي أخرى أقسم بالله...منك ومنها...ولازم تتعاقبوا...علشان تحرموا تدخلوا بيني وبين مراتي...وأظن ده حقي....لأنكم زودوتها...كنت شويه شويه هطلع من هدومي.
أسامه برجاء
=لا يا أخويا يخربيت اللي يزعلك...بص أنا متأكد اننا وشنا هيبقا حلو عليكي...جوزونا وانتم علي طول هتعيشوا في تبات ونبات..لكن طول ما انتم واقفين حالنا مش هتشوفوا يوم حلو في حياتكم.
لتتوتر حوريه وهي منتظرة رد أخيها ليقول
=طيب هنتفق اتفاق...زى ما اتفقتوا معاها ضدي...اتفقوا معايا بس مش ضدها...اتفقوا انكم تقربوها مني..بصراحه أنا استخدمت معاها كافه الاساليب.
لتتعالي ضحكات أسامه قائلا
=لا معلش يا أخويا..ده أنا قلتلك قول قدام زمايلها انكم متجوزين..قعدت تقولي هلعب معاها بسلاح المرأة قلتلك مش هتفلح....وأهو علي وشك يبان.
اقترب منه شهاب ببطء لتنظر اليه حوريه بخوف متوجسه من رده فعل شهاب حيال ضحكات أسامه لتجد شهاب يقول
=انت قاصد تغيظني صح...طب بص أنا هفرحك.. أنا كنت ناوى ألاعبها بسلاح المرأة بس لقيت ليا بدل المنافس منافسين ...قلت بقا ألعب بسلاح أسامه.
ليبتسم أسامه بسعاده قائلا
=يعني قلت انها مراتك..جدع يا شيبو..هو ده الكلام...أيوة حاصرها...مش تقولي سلاح المرأة...دي ممكن تعاند وتركب راسها...انما مين المنافسين.
تذكر شهاب حديث نادر تارة وحديث طارق تارة ليقول باشمئزاز وهو ينظر لأسامه
=بس اسكت....انت أخر واحد يتكلم عن المنافسين..مش احتمال كلهم يكونوا تمثيل زيك...أنا ممكن أشك في الزفت نادر أهو طالب وغصبن عنه يشوف زميله له حلوة...بس أنا عارف ان نورسين هي اللي حرضته...انما طارق مش مرتاح لكلامه عن غاده.
لينتفض أسامه من مكانه يتحدث بتسرع قائلا
=لا والله...طارق...مش ده يا حوريه اللي كان بيعطيكم في سنه رابعه...ولمحتي ليا أن عينه من غاده....لا خد بالك يا شيبو...طارق مش زيي ولا زى نادر ده انسان ملتزم.
اخذت حوريه تفرك في يدها من القلق ومن طريقه أسامه في شعلله رأس شهاب بالغيرة لتجد شهاب يقول
=يعني هو كان بيعطيهم في رابعه..وعينه عليها...وطبعا لو مكنتش أنا طلبتها كان طلبها صح...يعني كنت هضيع...لأن في كل الحالات والداتها وأبوها كانوا هيوافقوا.
نظر اليه أسامه ببلاهه قائلا
=أنا معرفش...بس والله من زياراتي المستمرة للحاجه زهيرة...أقدر أقول انها بتحبك أوى...ومعاك للأخر...فمتشغلش بالك...حاول بس تستعيد غاده من جديد.
تنهدت حوريه بتوتر واختناق تود اقتلاع أسامه من مكانه خاصه بعد ما قال شهاب
=لا أنا لازم أعرف نوايا طارق كويس..الاول يقولي ادخل المحاضرة واتعامل معاها عادي...ولما عرف اني دخلت واعترفت بجوازنا اضايق.
لينظر أسامه الي شهاب ليجده جن جنونه من الغيرة علي غاده ليبتلع ريقه قائلا
=لا يا شهاب...طارق مش أهبل للدرجه دي...طارق انسان عاقل... هو بس ممكن يدافع عنها....لكن مش يضايق انك اعترفت بجوازك منها.
تنهد شهاب بغضب قائلا
=يا ما نفسي أجيبه من قفاه...وأطبق في زمارة رقبته...لا وكل شويه عايزك تهدي يا شهاب...وفضل واقف يتفرج عليها وهي ماسكه في خناقي.
لوى أسامه ثغره وهز يمينا ويسارا قائلا
=انت شكلك اتجننت...هسمي اللي عندك هوس غاده...سبحان مغير الاحوال..مش دي اللي كنت بتتهرب منها..ومش عايز تتعلق بيها...
زفر شهاب بحنق قائلا
=أنا ماشي ...شكلها طالبه معاك تريقه...وأنا مش ناقص...ما كفايه الهانم اللي قالبالي البيت مراجيح...وحطالي كنبه في قلب الصالون مع المكتب
❤️❤️❤️❤️❤️❤️❤️❤️❤️❤️❤️❤️❤️❤️
#موكا_سحر_الروابات روايه #غلطه_وندم
عند ثراء وشريف
بعد عده ساعات نهض شريف من جانب ثراء ليتحمم لتأخذ هاتفه حيث لديه رقم غاده التي لم تستطيع الحصول عليه حتي من عمتها ...لتزفر غاده بحنق وهي ترد قائله
=ايه....عايز ايه...جواز اوعي تحلم..أنا لا يمكن أكون ليك ...حتي لو بدافع التمثيل... كل الا انت فاهمني...اقسم بالله اتصال كمان وهقول لشهاب.
ابتسمت ثراء بسخريه تهتف قائله
=طب قولي سلام عليكم الاول...وشوفي مين هيرد السلام...أعتقد لو أنا كنتي هتخبي ان شيرى هيعمل معاكي كده تمثيل...أنا برضه قلت مش شريف الهجان اللي ينزل بمستواه ويبص لواحده متسلقه زيك.
علمت الان غاده لما شريف يتصل من جديد لتهتف قائله
=طب الحمد لله..اني قليله علي الباشا شريف...لأن بصراحه أنا مستحيل أسيب شيبو..هو بيحبني ومن زمان...وكل اللي عمله معاكي تمثيل مش أكتر.
لوت ثراء شفتيها قائله
=أنا محدش يقدر يمثل عليا ولا يلعب بعواطفي يا حلوة...انتي فاكراني زيك..لا أنا أكبر من كده بكتير...أنا اللي لعبت بمشاعر شهاب علشان أخلص منك.
تعالت ضحكات غاده بسخريه قائله
=لا لعب عليكي وانتي عارفه كده...وواجههك وقالك انه بيحبني ومكنش فاقد الذاكرة ولا حاجه..زووعمل ده كله علشان تبعدي عني...فاكرة الكلام ده امتي؟
لوت غاده شفتيها واستطردت بسخريه قائله
=لما روحتي له المكتب علشان تفكريه...وترجعي ليه الذاكرة...بس يا عيني انصدمتي...انه مكنش فاقد الذاكرة ولا حاجه.
تعالت النيران بداخل صدر ثراء بسبب صدمتها من معرفه غاده لكل ما حدث بالمكتب...من أين علمت غاده بهذا الحديث..كل هذا زادها غيظا وحقدا علي غاده...لتلهبها غاده أكثر عندما واصلت حديثها قائله
=هو انتي متعرفيش....مش شهاب مقدرش يخليني عايشه في الشقه اللي كان شاريها ليكي..رغم انه كتبها باسمي...راح جابلي شقه أحلي منها بكتير....وكل ده علشان يبدأ معايا من الأول
جزت ثراء علي أسنانها قائله
=غريبه...مع ان في الاول انتي استخدمتي كل اختياراتي ...خاتمي ...شقتي...حتي العفش علي ذوقي... بصي هو الله يكون في عونه مش عايز يخسر قدام شريف.
لتتعالي ضحكات غاده قائله
=طب والله حاجه حلوة جدا....هو بقا مش عايز يخسر قدام شريف ايه...أنا طبعا....معني كده اني أحمد ربنا علي النعمه دي....حبيبي خايف يخسرني.
ثراء بتحدي
=أنا هقوله علي فكرة..انك بتكلمي شريف...وكنتي متفقه معاه تمثلي انكم هتتجوزوا ...وهقوله قد ايه انك رخيصه بتبيعي نفسك بسهوله زى أبوكي.
سخرت غاده قائله
=ايه هتفترى عليا...وانتي معندكيش دليل...وبعدين يا ثراء خلاص انتي بقيتي كارت محروق ...لا شهاب ولا شريف ولا حد هيصدقك مهما عملتي.
لتغضب ثراء قائله
=وفرى علي نفسك الكلام ده يا غاده ولا يهزني...أنا ثراء برضه ممكن متحركش من مكاني...بس أعمل حاجات كتير...وأخليه يطلقك برضه.
تسائلت غاده بسخريه قائله
=هتعملي ايه يعني...شريف بقا كارت وانحرق...وبيدور علي واحده غيرى تذلك....هتلبسيني تهمه في واحد مثلا..والله ما تقدرى...أبسطها اللي حصل النهارده.
ابتسمت ثراء بخبث قائله وهي تضم اصابعها الثلاثه قائله
=دا عينه بسيطه يا حلوة...وما خفي كان أعظم...يعني مثلا اللي مفلحش فيه نورسين ونادر...يفلح فيه غيرهم...وبكره تشوفي ان ثراء مش بتلعب.
لتتنهد غاده قائله
=تعرفي المثل اللي بيقول...من حفر حفرة لأخيه وقع فيها...يا خوفي يا ثراء...ان السحر ينقلب علي الساحر..عارفه يا ثراء أنا بشفق عليكي.
ابتسمت ثراء بمكر قائله
=أكيد طبعا لازم تشفقي عليا... لأني زوجه وحامل...انت ايه بقا موقعك من الاعراب...زوجه مع ايقاف التنفيذ...وبشهاده ضمان مني شخصيا.
علمت غاده أنها تشير الي عدم اقتراب شهاب منها فأرادت غيظتها قائله
=دا كان زمان...من قبل ما شيبو يمثل عليا انه فقد الذاكرة..لكن بصراحه بعدها...أقدر أقولك بلي شهاده الضمان اللي معاكي دي واشربي مايتها.
استطاعت غاده اغاظه ثراء واخراج أسوء ما فيها لتهتف بغل قائله
=يبقي خد اللي هو عاوزه...وفي لحظه تمثيل منه انتي ما صدقتي ان ده يحصل...بس صدقيني علاقتكم فاشله مش هتستمر كتير...وبكره تقولي ثراء قالت.
نظرت غاده الي أظافرها وهي تهتف بتغنج قائله
=شهاب حبيبي لا يمكن يسيبني...والله انتي صعبانه عليا يا ثراء...أنا لو في مكانك أعيش خدامه تحت رجلين شريف...بدل ما يرفصني برجليه.
لتكتم ثراء ضحكاتها قائله
=صح انتي صح...عارفه بأمارة ايه.. امارة انه جه يواجهني علشان عرف من الحقير أبوكي اني حامل...مقدرش يقاوم لمسه ايدي...وكان نايم في حضني من شويه.
اشمئزت غاده من تلميحات ثراء لتقول
=ياياي...ايه قله الادب دي...مش ناقص تقوليلي حصل ايه بالتفصيل الممل...انتي انسانه مقززة... والله ربنا هيحاسبك..علي تلميحاتك القذرة دي.
كادت أن ترد ثراء ولكنها استشعرت قرب خروج شريف من الحمام لتقول علي عجله من أمرها
=غاده...أنا هقفل دلوقتي...وخلاص هسيف رقمك علي موبي...بحذرك لو حكيتي لشريف دي حاجه....الحاجه التانيه العبي بعيد يا شاطرة
🤩🤩🤩🤩🤩🤩🤩🤩🤩🤩🤩🤩🤩🤩
#مروة_محمد جروب #موكا_سحر_الروايات
أغلقت ثراء الهاتف بعد حديثها المثير مع غاده لتقوم بحذف المكالمه من دليل الهاتف...احتارت غاده فيما تفعل...لتقوم بالاتصال بصديقه عمرها حوريه التي انفرجت أساريرها عندما رأت رقم غاده أمامها لتفتح المكالمه بلهفه ليأتيها صوت غاده القوى قائله
=يعني ما صدقتي اني قاطعتك...عموما مش وقت عتاب..قولي لمامتك تبعد بنت أخوها عني...والا قسما بالله ما هيحصل طيب....وهقول لشهاب وهو يتصرف.
هزت حوريه رأسها بزهول ونظرت الي الهاتف تستغرب عنف غاده لتتحدث بهدوء قائله
=ما انتي عارفه ان ماما مقاطعه ثراء من يوم ما شهاب وقع...وحتي طردتها ورجعت بيتهم لأن خالي ذكي رجع..وشهاب قالي ان شريف كمان رجع...دي حامل.
هتفت غاده بغضب وشددت علي حروف كلماتها قائله
=حوريه اوعي تلتمسي لحد العذر وانتي بتكلميني تاني مفهوم..أنا ثراء لسه مكلماني وبتقولي انها مش هتسبني في حالي...دي حاجه...الحاجه التانيه شريف كان عايز ياخدني سلمه علشان يذلها.
ابتلعت حوريه ريقها قائله
=أدعي علي ثراء بايه....أنا قلت لما هيعرف انها حامل هتتهد وهترجع عن اللي في راسها وهترجع لشريف ويغوروا هما الاتنين...بس الظاهر مفيش فايده.
زفرت غاده بحنق قائله
=أنا بقا هعمل اللي فيه الفايده...واسفه علي ازعاجك...سلام يا صاحبتي.
😗😗😗😗😗😗😗😗😗😗😗😗😗😗
#غلطه_وندم بقلم #مروة_محمد
أغلقت غاده الهاتف في وجه حوريه ليدلف شهاب في هذه اللحظه يسألها باستغراب قائلا
=كنتي بتكلمي مين...حوريه.صح؟... دي هتتهبل وعايزة ترجع تكلمك...بس الظاهر انك قلبك قاسي ومش متقبل أي حد من ناحيتي...متخافيش أنه قلتلهم ميدخلوش.
نظرت اليه مطولا واحتارت فيما تقول ولكنها حسمت أمرها أن تقول له وليكن ما يكن فهتفت قائله
=دي ثراء...خطيبتك الاولانيه...متصله من موبايل شريف...وحالفه لترجعك ليها...ازاي معرفش...لا وايه بتهددني انها هتقولك ان رقمي مع شريف.
لينظر اليها شهاب بسخريه قائلا
=غاده أنا عارف ان رقمك مع شريف...وده من قبل ما أخطبك...وعارف ان طلب شريف ليكي للجواز علي سبيل التمثيل علشان يذل ثراء...
ثم ابتسم بحب قائلا
=سيبك منها هي غيرانه...وحاسه ان الدنيا قفلت في وشها...وكل حاجه ضاعت من ايدها ومضطرة تفضل مع شريف...فحبت انها تغيظك.
ثم سحبها من خصرها يضمها اليه بحب قائلا
=بس ولا يهمك سيبيها تقول اللي هي عايزاه ...ولا تحطي في دماغك.
ابتسمت وخرجت من بين أحضانه تنظر اليه قائلا
=يعني انت واثق فيا؟
أخذها وجهها بين يديه وقبل جبينها قائلا
=أكيد يا غاده...من الأول وأنا واثق فيكي.
ابتسمت غاده بداخلها وانشرح قلبها..هذا ما كانت تريده الثقه ..الثقه وحدها هي التي تشعر أي امرأة أنها ملكه متوجه علي عرش حبيبها
انتهي حديثهم .... واستغرب شهاب من رده فعلها عندما قامت بتغيير ملابسها في نفس الحجرة ونومها علي الفراش بمنهي الأريحييه ليصعد بجزارها ويأخذ بين أحضانه بدون اعتراض منها ..تنعم بالدفء في وسط أحضانه غير مباليه بأي قرارات أخذتها معه...منتظرة اللحظه الحاسمه التي يطلب منها كل شئ وباراداتها ستعطيه أكل ما يملك فهو حبيبها ومعشوقها الوحيد
🧡🧡🧡🧡🧡🧡🧡🧡🧡🧡🧡🧡🧡🧡
#موكا_سحر_الروايات رواية #غلطه_وندم
.نهض ...ليجدها غير موجوده بجانبه فقطب جبينه وخشي أن تكون عاودت العناد والكبرياء مرة أخرى.... ليعلم من والداتها أن لديها محاضرة...ليأخذ حمامه ويخرج يجد زهيرة علي لسانها كلمات لابد أن يسمعها فجلس بهدوء رغم استعجاله للذهاب اليها وأغمض عينيه منتظرا مفاجئه جديده من زهيرة ليتنهد قائلا
=خير ...في حاجه عايز تقوليها صح؟
ابتلعت زهيرة ريقها قائله
=امبارح لما سبتكم ودخلت أوضتي حسيت انها هترفض تكمل معاك فلذلك اندفعت وخرجت أزعق ليها ...بس هي كانت ناويه تقولك انها عايزة تكمل العمر كله معاك.
ابتسم شهاب ابتسامه واسعه وصلت الي أخر عيناه قائلا
=كنت عارف علي فكرة بس مقدرتش عومت علي عومك...علي فكرة أنا محدش يقدر يفهم غاده قدي...امتي بتحب وامتي بتكره...مرضتش أعرفها اني فاهمها.
قطبت زهيرة جبينها قائله
=كنت عارف؟طب وانتي هتستفاد ايه لما تتجاهل شعورها ده وتعدي وتعوم علي عومي وأنا مش فاهمه؟
ابتسم بخبث قائلا
=كنت في قمه سعادتي وهي لسه بقوتها وبتكمل صراعها معانا ...أنا بحب غاده قويه مقبلش كسرتها ولا كسرة كرامتها علشان تقولي قصدها ايه...ولذلك انتي شوفتي عمايلها في قلب البيت...كل ده زعلانه مني علشان أنا مش فهمتها صح..وأنا أكتر واحد لازم أفهمها.
لوت زهيرة شفتيها قائله
=والله ما أنا فاهمه حاجه.
تعالت ضحكات شهاب ولوح لها بيده وخرج من المنزل وهي سرعات ما تعالت ندائتها عليه تريد أن تعلمه بشئ...ولكنه لم يرد عليها مواصله سيره وهو يرتدي نظارته الشمسيه مبتسما بخبث.
💃💃💃💃💃💃💃💃💃💃💃💃💃💃
#مروة_محمد جروب #موكا_سخر_الروايات
توجه الي الجامعه...وانتهت غاده من محاضراتها لتخرج من المدرج لتجد طارق يخرج من غرفته ولكن جذبه عطرها الذي اشتمه بالأمس لترتفع أنظاره اليها وهو ينظر اليها والي ملابسه المكونه من جاكيت أصفر اللون يتبعه جيب بنطلون يدل علي احتشامها ليبتسم اليها والي برائه وجهها قائلا بكل بساطه
=كل سنه وانتي طيبه يا غاده...أتمني أكون سبقت شهاب ....بصراحه أنا مستغرب ازاي وافقتي عليه وانتي عارفه انه بيحب بنت خاله...انتي تستاهلي حد أحسن منه.
ابتلعت غاده ريقها وتحدثت بهدوء قائله
=معلش يا دكتور...حضرتك عرفت منين ان النهارده عيد ميلادي....أنا حتي مش فاكرة....وبعدين ايه الأساله بتاعت حضرتك دي...قصدك ايه؟
ليظهر شهاب في الوقت الحاسم بعد سماعه لكلمات طارق الموجهه الي غاده ...ويتوجه بكل ثقه ليمسك يدها بكل قوة ونظرات التحدي تملأ عينيه وهو ينظر الي طارق...لتشعر غاده أن الارض تميد بها وأنها غير قادرة علي مواجهه الأمر ....شخص أخر يظهر من جديد يدمر حياتها وعلاقتها مع شهاب...لنتأكد جميعا ان شهاب احساسه من ناحيه طارق صحيح مئه بالمئه... ترى .من هو طارق؟
😅😅😅😅😅😅😅😅😅😅😅😅😅😅
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق