رواية اسرار القلوب الفصل التاسع والثلاثون والأربعون الأخير الجزء الاول بقلم رانيا قنديل
رواية اسرار القلوب الفصل التاسع والثلاثون والأربعون الأخير الجزء الاول بقلم رانيا قنديل
البارت ٣٩★ اسرار القلوب★
عثمان: هو انت فاكر ي حمزة لما تتجوز رحيق هتخلي جمال يرجع تانى أنت كده جبت اخرك معايا بس اخد منك المناقصه دى وبعدها افضالك
******************************
الجد رافت: صباح الخير يا أولاد
محمد: صباح الخير ي جدى يعنى مش شايف بابا هنا
الجد رافت: مخبرش فينه من عشيا مشفتوشي
رحيق: ولا أنا معقول يكون فوق ومنزلش أنا هطلع اشوفه
جمال: تطلعي فين ي كسلانه .نظرت رحيق نحو صوت أبيها فراته داخل من باب البيت
رحيق: حضرتك كنت فين وصحيت امتى ....
جمال: صحيت بدرى وروحت مع ماما المعمل ورجعنا أنا وهى على الأرض بس هى عندها شغل وأنا زهقت فرجعت
الجد رافت: أنى خبرك زين تعالى جاري أهني مالك ي ولدى إيه شاغل بالك ومقدرش تنام منيه
جمال: رحيق اعمليلي قهوة .........
رحيق: طيب حضرتك فطرت ولا هتشرب قهوة من غير ما تفطر
جمال: انتى عرفه أمك مش هتخلينى اطلع خطوة غير لما افطر. بس معملتش القهوة واستعجلت وطلعنا يلا قومى .....
الجد رافت: خير ي ولدى عنديك حديد ومعيزشي رحيق تسمعه صوح
جمال: حمزة طلب منى ايد رحيق وأنا قلقان ومش عايزة احرجه وطلبت منه مهله بس رفض ومصر أنه ييجى النهارده ويتقدم رسمى للبنت
محمد: مع احترامى لحضرتك ي بابا ممكن اعرف سبب القلق ايه حمزة إنسان محترم وخلوق جدا وكمان كان على تواصل معانا دى أنا اعرفه اكتر من علي وخالد وبصراحه لازم ناخد رأى رحيق لكن من ناحيه تانيه إذا عندك سبب للرفض بلغنا بيه او إيه القلق ..............؟
جمال: متنساش ان جدك لسه زعلان منى وصعب أنى مشفش بنتى بعد كده واتحرم منها
الجد رافت: بلاشى حديد ماسخ ومتكدرش (تزعل) نفسيك ي ولدى حمزة شاب زين وعاجل (عاقل) وبيعرف يوزن امورة زين وإذا أخد الخطوة بجوازته يبقي الولد صوح وأنى معاه وأنى خبرك ي جمال وخابر خوفك اطمن ي ولدى فى ربنا فوق إسمه العدل متقفش فى طريق بتنا
جمال: عمي حضرتك كنت عارف إن حمزة هيتقدم لرحيق .....؟
الجد رافت: حمزة خبرنى قبل سابق وأنى اديته كلمتى بالموافقه بس مش معناتها أنه ياجى من غير موافقتك ي ولدى
محمد: بابا حضرتك معترض على حمزة لشخصه يبقي كده هيكون في كلام تانى لكن معترض علشان خلافك مع جدى محمد فبلاش نخلط الأمور ببعضيها
مها: السلام عليكم ورحمه الله وبركاته
الجد رافت: وعليكم السلام ي بتى كيفك مشغوله عنينا كتير الأيام دى
مها: الأرض ومشاكلها بس خلاص أنا فضيت اهو وكمان عايزة اااقعد مع اميمه وسميحه وهناء أشبع منهم
الجد رافت: هما هياجو عندينا بالليل عشان يطلبو ايد بتك رحيق لحمزة
مها: حمزه ورحيق امتى وفين دة ي دوب لسه نازل من لندن لحق يعرفها ويعرف طبعها ايه...
جمال: تعالى عيزك بعد ازنك يا عمي ...........
رحيق: بابا القهوة اتفضل
جمال: تسلم الايادي ي قلب بابا ......
ومشي جمال ومها للخارج وتحدث معها .....حمزة كلمنى امبارح وعايز يخطب رحيق والولد بيحبها جداا وعلشان اكون صريح اكتر وبنتك كمان بتحبه ومن زمان اوى بس بالرغم من ده كله أنا قلقان ومش على رحيق على حمزة وخايف عليه
مها: هو أنا كنت بعيده أوى كده عن بنتى وانشغلت عنها لدرجه أنى معرفش اي حاجه وجلست وهى تكاد تبكى ...
جمال: حببتى زعلانه ليه دلوقتى انتى فعلا كنتى مشغوله جدا بشغلك بس أنا موجود بسد أى فراغ ليكى وأمسك براسه بين كفي ايده وانتى كمان عمرك م قصرتى وأنا وانتى بنكمل بعض بس الغلط عندى لأن المفروض كنت عرفتك بمشاعر بنتك ناحيه حمزة لكن حبيبه قلبي ونور عيونى بترجع تعبانه وأنا من خوفى عليكى بسيبك ترتاحى وبنسي
مها: ربنا يخليك ليا ولا يحرمنيش منك ابدا أنا فرحتى النهارده محدش يقدرها بنتى أنا عروسه لأ ولمين لحمزة كمان
جمال: مها حمزة عايز يكتب كتابه ويعمل فرحه في خلال الاجازة دى وياخد رحيق معاه وهو راجع
مها: نعم ازاى يعنى وليه الاستعجال أنا مش جاهزة خالص ويدوب شهرين يكونو تمام
جمال: يعنى ايه أاجل كل حاجه .....
مها: لأ يكتب كتابه عادى بس الفرح كمان شهرين أكون جهزت البنت ولا هرميها كده دة أنا بقول حمزة عاقل طلع مجنون
جمال: وهو يحتضن زوجته طبعا مجنون الحب بيعمل اكتر من كده ولا نسيتى
مها: بابتسامه لزوجها لأ منستش إحنا اتجوزنا وروحنا شهر العسل وعلى ما رجعنا كانت هناء وسميحه واميمه فرشين الجناح بتعنا وسرحت ونظرت للمكان من حولها
جمال : مالك سرحتى فى إيه واوعي تقولي نسيت حاجه في الشغل مش هتخرجى من حضنى انتى سمعه
مها: أنا مستحيل أخرج من حضنك أنت الأمان بالنسبالي السند إلي لما اشوفه بحس بالقوة وإن مفيش حد يقدر عليا أنت ي جمال روحي الي بتخلينى أكمل حياتى قلبك الأبيض الجميل الي لحد دلوقتى بياضه ناصع ده بتاعى أنا لوحدى بالرغم من همومك بس الشيطان مقدرش عليك وغلبته بحبك للي حواليك وحافظت على إلي ليك وظلمت نفسك اوووم سيادتك تقولي أخرج من حضنك مش هخرج من حضنك وامانك غير في كفنى
جمال: بخوف احتضن مها بعد الشر عليكى بلاش كلام فاضي بعد الكلمتين الحلوين دول مسختيها
رحيق ومحمد: اوبااااااا ي يعينى علي الصبر
محمد: كفايه بنتكم هتتجوز وانتم لسه عيشين جو المراهقه ...
جمال: وهو ما زال محتضن مها اه كل لحظه مع امكم ليها طعم جديد وبعدين أنتم مالكم م تروحو تعيشو حياتكم .......
سلسبيل: قادمه من المندرة فرأت عمها وخالتها على وضعهم هذا..... لأ كده حرام والله كتير عليا دول بيحبو بعض وكمان الجمهور بيتفرج هار اسوح ومهبب عليا
محمد: بس ايه هتحسديهم قولي الله اكبر بسم الله ماشاء الله..مش جايا تقولي هار اسوح ايه الكلام ده
سلسبيل: اصلي حزينه عليا ومقهروالي والله
مها: ليه ي قمر بس مين مزعلك بس....
سلسبيل: أنا مزعلانى أصل أنا فقر الكل هيتجوز وأنا بتفرج حتى المتجوزين هيتجوزو تانى وانا تعبتلى حقيقي ي خالتو
مها: ههههههههههههه طيب مستعجله على ايه خلصي كليتك وإن شاءالله هيجيلك إبن الحلال إلي يستهلك
سلسبيل: طيب هو فين مش يبلغنى سبب التأخير إيه ولا هفضل مستنيه يقولي على ميعاد. الله
محمد: يخربيت كده مالك ي سولي هتموتى على الجواز ليه اصبري مالك وبطلي سرعه
سلسبيل: اهو صبرت أنا اخلتى ابعدى شويه عن عمي ولا لزقتم وراعو مشعيري والنبي دى الدنيا هتولع كل واحد خد الي بيحبه وأنا فى صاله الانتظار .....
رحيق: تعالى معايا نطلع فوق وإن شاءالله تتجوزى على طول
سلسبيل: والنبي م حد فاهمنى غيرك ي قلبي تعالى ننم على البشر دول اخلتى كفايه انتى بتشبهى على عمي ده جوزك من زمان ولا كان تايهه ولقيتيه دلوقتى ابعدى الله يخليكى وراعينى احببتى ...
مها وجمال: ههههههههههههه هههههههههه مجنونه والله
محمد: لأ دى عدت مرحله الجنان ربنا يستر علينا منها .......
مها: بهمس لجمال إيه رأيك ناخد سولي لمحمد وكمان ليقين على بعض ...
جمال: سبيه هو يختار ولما يطلب مننا إحنا نبقي نرشحله سولي إبنك مش صغير...
مها: سرحت وقالت سيبلي أنت الموضوع ده وهفاتح أنا محمد وإذا وافق يبقي الفرح تلاته وأنا مش هلاقي أحسن من سولي لمحمد
جمال: مش هتفتحى إبنك ركزى انتى مع رحيق ويلا انتى ناسيه إن عندنا عروسه عيزين نجهز حلو ونعمل سفرة تليق ببنتى
مها: من عيونى حاضر بس بردو مش هسكت خلينى افرح. باولادى الاتنين
****************************
خالد: امشي براحه ي حمزة تعبت والله أنت راجل رياضي وبتلعب ملاكمه أنا بقي اخري بلعب ااقف وبس
علي : وأنا اخرتي على ايديكم هدتونى اتهدو شويه ايه ده والله ماليكم إلا سولي تطلع عنيكم
خالد: ي عم خليهالك أنت سولي مبروك عليك والله ليقين لبعض وغمز لحمزة فابتسم
علي: والنبي ده أنا اللي هاخدها دى مش هيكون ليها مثيل حاجه كده وهم
خالد: والله نفس المواصفات عروستك عندى ي ابني
علي: أطلع من نافوخى ايه هتستلمونى أنتم الاتنين والله مش ناقصكم تعالو هنا هتقدمو إيه للعرايس النهارده منك ليه ..
حمزة : نظر لخالد وهز اكتافه هو أنا هقدم هديه غير إلي ماما هتجبها .....
خالد: أنا معرفش ونظر لعلي قولنا هنا هو المفروض أننا نجيب هدايا
علي: أنا اصحابي كلهم عملوا كده جابو هدايا غير الدبل يلا فكرو شوفو هتجيبو إيه وأنا مستنى أريح رجلي على م تفكرو.........
***********************
إيمان: سندس هتلبسي إيه النهارده ......
سندس: مش عرفه البس ايه مكنتش عامله حسابي خالص
نرمين: طيب هنعمل ايه اللبس كله عادى ومش هينفع خالص
إيمان: هى سولي راحت فين اختفت مرة واحده كده هو لما نحتجلها تختفي
سندس: أكيد راحت لرحيق أنا عرفها مش هتسكت إلا لما تحط لمستها فى كل حاجة
نرمين : طيب سندس هتلبس ايه مش معقول هتلبس لبس عادى ااقولكم لما ماما ترجع من مشورها انزل واخدها معايا واجيبلك أجمل فستان إنما إيه
سندس: مش عايزة غير حاجه بسيطه تكون هاديه
إيمان: بس يرجعو الأول من مشورهم وبعدين نتصرف إحنا واتصلو بسولي خليها تيجى معانا هى بتختفي فين بس
*************************
رحيق: ي بنتى فهمينى جبتينى انا ومحمد هنا ليه ....
سلسبيل: يعنى هجيبك المول هنا علشان اجيب مسحوق غسيل تعالى بس معايا وهتشوفي
محمد: انجزى مش فاضي انا لخصي ويلا
سولي : إيه مش فاضي دى كنت جيباك من شغلك ما أنت واقف تتحسر زيي وعمال تتفرج على خالتو وعمي وهما بيجربو الغرا الجديد
محمد: غرا ايه ده ......
سلسبيل:: الغرا إلي عمى كان بيجربه مع خالتى فى الهواء الطلق ......
رحيق: سولي انتى عايزة ايه من هنا عايزة ارجع بدرى مش عايزة اتاخر
سلسبيل: طبعا حد زيك يلا اهو وصلنا تعالى
***************************
حمزة: أنا محتار بفكر ومفيش حاجه جايا فى راسي اجبها هديه
خالد: ولا أنا مش عارف اجيب إيه .......
علي: أنا ااقولكم شوف خالد أنت تجبلها جهاز مقياس الضغط والاخ التانى يجيب كيس للملاكمه ده إيه ده مشفتش كده
حمزه: طيب متقول ي خبرة أنت افتى يلا واتحفنا
علي : هو انا الي بحب وعايز اتجوز ولا أنا إلي فضلت ماسك ايد البونيا وعمال تحب واحنا قعدين شوف هى بتحب ايه وهاته وأنت ي حمزة نفس الكلام ويلا النهار هيعدى خلونا نخلص
حمزة: طيب يلا بينا نروح المول وأكيد هنلاقي حاجه هناك
*******************
إيمان: الوقت راح والعصر اذن وماما وطنط هناء وععمتو لسه مرجعوش هنعمل ايه دلوقتى
سلسبيل: ازيكم ي بشر فينكم وحشتونى ي موزز
نرمين كنتى فين وسيبانى لوحدنا ....
سلسبيل: إيه كنتم عيزين ايه اعملكم اكل ولا إيه أنا مكنتش فاضيه وكان عندى مشوار مهم
إيمان: طيب ي ستى دلوقتى ماما لسه مرجعتش والعربيه معاها ومفيش حاجه لسندس مناسبه النهارده ..
سلسبيل: مين قال أحلى فستان لاحلي وأجمل سندس اتفضلي بس ي رب يعجبك
نرمين: بجد والله انتى عسل ومفيش منك اتنين
سلسبيل: منا عرفه بس كويس انكم اتاكدتو يلا كله بثوابه واحنا كمان عيزين نجهز ولا هنروح بلبس البيت .....
إيمان : تمام طالما سندس اتطمنا عليها وعلى لبسها خلونا إحنا كمان نظبط حالنا
وبدأوا البنات للاستعداد لحفلتهم مساء
*******************
حمزه: الو اخبارك عملت ايه طمنى وهتوصل امتى
عايز كل حاجه تكون تمام ومش عايز أى غلطه وعموما أنا منتظرك يلا سلام....
علي: أنت بطل فوناتك دى ويلا بينا خلينا نروح وخالد واقف هناك اهو يلا
وجاء المساء على الجميع فالكل منتظر ...
الجد محمد: ايه الكل جهز يلا بينا ......
سلسبيل: يلا ي جدو ي حبيبي تعالى معايا أنا
الجد محمد: يلا ي قلب جدك .........
هناء: البت دى بكاشا ي عمي اليوم كله وهى مش ساله فى اى حد ومختفيه والله اعلم كانت فين...
سلسبيل: أنا بالذات متخافوش عليا لا بحب ولا حد اتهبب وحبنى يعنى صاحبكم معاكم الشوباب مش شيفين الله ربنا يبعت
صالح : يبعت ايه ي سولي .........؟
سلسبيل: عريس ي خالو وتابطط ذراع خالها يكنشي العنوان بتاعى مش واضح فى البوطاقه ولا مش عارف عنوان البيت والله العظيم لما ييجى بس والله منا سكتا
اميمه: ههههههههههههه هتعملى ايه إن شاء الله .
سلسبيل: هحسبه على التاخير دهون مش هسكتله أنا
الجد محمد: طيب تعالى ويلا بينا خلينا نمشي
خالد: واقف مكانه ولم يتحرك ....
سلسبيل: تعالى ي خالودى سندس مش هنا تعالي وخليك تقيل اجدع
خالد : هى فين......؟
سميحه: عند خالتها هناك هى وإيمان ونرمين .....
علي: طبعا البنات. كلهم هناك وسبولنا الغفير هنا
حمزة: بطل رغي ويلا بينا امشي
سلسبيل: لأ والله كده كتير على شبابي اجدو أنا غفير وجريت على خالها عثمان مالك اخالى زعلان ليه خدلى حقى من البتاع ده
عثمان: بغضب سولى بطلى تهريج وخلينا نتحرك الناس مستنيه ودفعها من أمامه فكادت أن تقع فامسكها خالد
خالد: بابا فى ايه الكل مبسوط وسعيد والمفروض إن النهارده اسعد يوم ليك بس أنا شيفك حزين وزعلان
سلسبيل : بدموع أنا متاسفه ي خالو لقيتك زعلان قولت الطف الجو
علي: بزعل بتتاسفي ليه انتى معملتيش حاجه غلط عمى بس من الفرحه مش عارف يعبر
صالح: ليه عملت كده البنت عملت ايه علشان ده كله أنت غلطان وكمان اختك شكلها زعلت اتصرف وصلح إلي عملته
الجد محمد: اخد سلسبيل وخرج وهو ينظر لعثمان بنظرات ناريه
هناء: يريت تغير أسلوبك ده الكل زعل من معملتك مع البنت وازاى تزقها كده يريت تصلح إلي عملته
وتركته وخرجت مع الجميع..........
*****************************
الجد رافت: اهلين الدوار نور بيكم ورحب بالجميع وجلسو جميعهم منتظرين بدايه الحديث
حمزة: بابا اتفضل حضرتك ساكت ليه
صالح: نظر لأبيه ونظر إلى أخيه جمال فهز أبيه رأسه كى يبدأ حديثه
صالح: جمال أنا طالب أيد رحيق لابنى حمزة .....
جمال: نظر لأبيه وتحدث دى بنتك ي صالح وليك فيها زيي وأنا هديلك حته من قلبي وأنا عارف إنك هتصونها وتحافظ عليها وكمان أنا بديها لراجل زى حمزة اى حد يتمناه لبنته
الجد رافت: أكده نجول الف الف مبارك علينا الفرح
الجد محمد: الله يبارك فيك ويتمم ليهم على خير
اميمه: فين عروستنا مش قعده معانا ليه
مها: هتنزل دلوقتى .......
خالد : بابا اتفضل اتكلم .......
عثمان: لما نروح بيتنا نكلم عمتك هنتكلم هنا ليه
صالح: مال على أخيه اطلب ايد سندس من بابا وعمك رافت دى الاصول لحد ما نرجع مصر ونروح لاعمامها
عثمان: أه وماله م هو ده اللي كان ناقص .......قصرة بابا عمى رافت أنا طالب القرب منكم لابنى خالد فى بنتكم سندس
خالد: اسمحولى اتكلم كلمه مع عمتى ونظر لعمته.. عمتى أنا طالب سندس تكون شريكه حياتى لانها هى كل حياتى أنا مش هتكسف أنا بحبها وهى لسه بالضفاير وبعشق تفاصيلها ومسك ايد عمته ووضعها على قلبه سندس هنا ومستحيل تطلع من هنا وأنا بوعدك تشوفي ضحكتها طول ما أنا عايش
سميحه: بدموع احتضنت خالد حبيبي ي قلب عمتك هو بعد الكلام ده فى ام تقدر تتكلم تانى مبروك ي حبيبي
قام الشباب يهنئون بعضهم وقبلو ايادى آبائهم واجدادهم
علي: هما العرايس فين مش هينزلو ولا رفضين الجوازه دى
حمزة: اتلم واسكت أنت
محمد: هطلع انادى عليهم وصعد محمد وخبط على باب الغرفه
إيمان: ادخل دخل محمد ايه منزلتوش ليه فنظر فراي اخته وسندس بسم الله ماشاء الله إيه الجمال ده كله حرام عليكم الشباب والله دول على آخرهم
نرمين: خلاص خليهم يتجوزو بدل قرايه الفاتحه
محمد ربنا يستر عليهم منكم يلا بينا .فنظر فراي سلسبيل جالسه صامته
محمد: سولي مالك سكته ليه ايه انتى من ساعه محدش كان عارف يسكتك جايا تسكتى دلوقتى وكمان المقالب إلى عملاها في الشباب تحت مين هينفز ولا نلغي
سلسبيل: مقالب اه صح أنت صح بس والنبي ابقي فكرنى أنى كنت زعلانه علشان أكمل بكره زعلي
محمد: ههههههههههههه مجنونه يلا ي بنات ونزلو جميعا للاسفل
خالد: هب واقفا لرؤيه سنندس فهى اجمل نساء العالم بالنسبه له فكانت رائعه الجمال
حمزة: نظر لرحيق وتقدم إليها واخرج من الجاكيت خاتم والبسه لها تقبلي تتجوزينى ......
رحيق: نظرت لأبيها فابتسم لها فاعطت يدها لحمزه فالبسها الخاتم
سلسبيل:لخالد أنت ي عم السرحان فين هديتك ولا رجعت ف كلامك
خالد: اااااه بتقولي إيه ......
سلسبيل: بسألك تحب تتعشا إيه بتنجان ......
خالد: سولي انتى عايزة ايه منى فكك منى وخليكى مع حمزه
سلسبيل: مش أنت جايب هديه قدمها وابقي سبل بعدين بقي كل ده يطلع منك
خالد: اه صح وتقدم لسندس واخرج سلسال جميل والبسه إياها ولم يحدثها
سلسبيل: مش تقولها تقبلي تتجوزينى والحركات دى وتقعد زى الشحاتين على ركبك وهى تقولك اه
محمد: قام وامسك يد سلسبيل وهمس فى أذنها كفايه رغي ويلا ركزى في الي هتعمليه عايز اتفرج بصراحه عليهم
علي: لاخيه حمزه شايف الهانم واقفه ازاى ولا كأن حد هنا ااقوملها دلوقتى واديها قلمين
حمزه: ي خرابي على الغيرة ي واد اعترف أنك بتحبها وبلاش تكابر اهى هتضيع منك
علي: بالله عليك اسكت من نقصه هى الحكايه ......
سلسبيل: دلوقتى رحيق هتدخل تعمل قهوة وإذا عجبت الكل يبقي الجوازه هتمشى وإذا فى شكوى يبقي بلاها ونحرج البنت
يلا يا رحيق ادخلي وأنا هشرف عليكى وتعمليها بنفسك تومام
رحيق: تمام وقامت للمطبخ سلسبيل الملح اهو وده فنجان حمزة تقدميه ولازم يشربه سمعه
رحيق: مبلاش والنبي
سلسبيل : نوووووو نووووو يلا انجزى وبعد دقائق خرجت رحيق بالقهوة فقدمت للجميع وجاءت لحمزة فلم تعطيه القهوة المحلاه بالملح فاعطتها لعلي
بدأ الجميع في شرب القهوة وسلسبيل عيونها على حمزة فراته يشرب وهو مبتسم فاغمضت بين عيونها فعلا الحب فظيع
علي: إيه القرف ده ونظر لأخيه حمزة الحق المحروسه حطت ملح بدل السكر
حمزة: هوووووس أنت عايز تفركش الجوازه اشرب وأنت ساكت
علي: خلاص ماليش نفس أنا الله وأنا مالي
حمزة: أشرب احسنلك أنت عارف ......
علي: امرى لله وشرب القهوة وباين عليه القرف
سلسبيل: مالك قرفان ليه هى القهوة وحشه
علي: حلوة جدا من كتر حلاوتها قرفان عايزة ايه انتى
سلسبيل: شوف ازاى مجنون. ......
سلسبيل: يلا ي سندس قومى اعملي عصير وأنا هشرف عليكى
علي: متخلو حد عنده نظر يشرف على العصير وبلاش انتى لحسن بيجيلك حول
سلسبيل: بس بس أنت تشرب وبس وبعدين سندس استاذه فى عمل العصير
علي: ما الاولي كانت شاطرة فى القهوة ربنا يستر
دخلت سلسبيل مع سندس وعملو العصير فحطت بكوب حمزه شطه
سندس: لأ بلاش حرام عليكى
سلسبيل: شيفا حمزه شرب القهوة ازاى وهى مليانه ملح علشان بيحبها فمينفعش يكسفها طبعا وأنتى كمان يلا ورايا
سندس: قدمت العصير وجاءت لخالد ولم تعطه العصير فاعطته لعلي ولنفسها سامحنى
سلسبيل: رأت خالد يشرب العصير وهو مبسوط ففرحت وجلست فرات علي تعابير وجهه لا تنم على خير
علي :لخالد بجد سيبك من أم الجوازه دى البنات دول جيلهم حول لا قهوة ولا عصير اووووف
سلسبيل: مالك عمال تطول تطول حاسس بايه ...
علي: حاسس أنى عايز ارتكب جريمه وحالا ولا اقولك أنا ااقتلك انتى واخلص البشريه منك
سلسبيل: هو أنا عملتلك ايه إن شاء الله أنت إلي عمال تطول ولونك بيحمر تكونش جتلك الحصبه
نلبس احمر ونور نور احمر
علي: إن شاء الله هلبسك بدله حمرا بتاعه الاعدام غورى من وشي .....
الجد محمد: يلا بينا خلونا نروح الوقت اتاخر .....
الجد رافت: والله ما في حد هيروح عاد العشا جاهز والعرايس هما اللي جهزو الوكل
الجد محمد : خلاص اتعشو وانا هستنى هنا أنت عارف أنا مش بتعشي
الجد رافت : خابر ي خيي أنا وأنت هنجعد نستناهم لما يخلصو وكل عاد
علي: لأ عشا لأ أنا عامل دايت مش هاكل من اديهم ده الحب ده طفح على عنيهم مش هضحى بنفسي
ضحك الجميع على مداعبه علي ولم يعلمو بما حدث له
**************************
البارت الاخير من اسرار القلوب (الجزء الاول)
علي: لأ عشا لأ أنا عامل دايت مش هاكل من اديهم ده الحب ده طفح على عنيهم مش هضحى بنفسي
ضحك الجميع على مداعبه علي ولم يعلمو بما حدث له
**************************
مها: ثوانى لبسو الدبل للبنات ولا اكتفيتو بالهدايا
حمزة: لأ طبعاً بس كنت عايز اطلب طلب منكم وخصوصاً جدى محمد
الجد محمد: اامرني ي حبيبي عايز ايه ...
حمزه: أولا أنا وخالد عيزين نكتب كتبنا بكرة إن شاء الله
صالح: يا ابنى مالك المفروض الأمور دى تتاخد براحه مش قفش
حمزة: بابا قفش إيه أنا ورحيق مرتبطين ببعض من زمان مش لسه هعرفها
الجد رافت: إيه رأيك ي ولدى ي جمال ؟..
جمال: أنا موافق وألف مبروك وربنا يتمملكم على خير
سميحه: وأنا موافقه ووضعت يدها على وجهها وبكت
سندس وسلسبيل: ماما مالك بتعيطى ليه
اميمه: متقلقوش ي بنات دى دموع الفرح
خالد: لأ ي عمتى بلاش دموع عيزك تفرحي وبلاش عياط
حمزه: بس ي عمتى النهارد يوم كله فرح وإن شاءالله أيامنا الجايا كلها أفراح
عثمان: لنفسه بتحلم ي أبن أخويا بكرة لما يجيلك الخبر عينك دى مش هتعرف ترفعها تانى
صالح: الف مبروك ي أولاد ويلا جهزو العشا أنا جعان
دخلو البنات للمطبخ لرص اطباق الأكل
سلسبيل : فين طبق حمزة وخالد ..............
إيمان: عايزة ايه تانى كفايه بجد شطه وملح ارحميهم
سلسبيل: طيب خلاص إيه رأيكم في طبق علي والله فكرة
نرمين والله شكلك مش هتجبيها لبر ي رب يعرف علشان يعلقك.....
سلسبيل: مين هيعرفه يلا بينا علشان منتاخرش عليهم ووضعت فى طبق على كميه من البهارات والفلفل الحار
ووضعو الأطباق أمام الجميع
علي: أنا مش هاكل أنا بطنى بتوجعنى .....
سلسبيل : مش هينفع خالص لازم تأكل دى عادات وتقاليد لأن الأكل إذا طلع فيه شكوى الجوازه تتاجل
علي: م تتاجل مش أحسن م اعجل بعمرى مش واكل أنا......
خالد : كل احسنلك أنت عارف أنا وحمزة ممكن نعمل فيك إيه
علي: يخربيت كده ي جدعان البنات دول جلهم حول والله اعلم حطو ايه فى الاكل عموما ابتدو أنتم الأول.
وبدأ الجميع في تناول الطعام ونظر لهم علي فاطمئن وبدأ ياكل من طبقه وما هي إلا لحظات ورأوا علي مبرق ووشه زاد احمرار
مها: مالك ي علي حاسس بأيه.....
علي من كتر الي حصلي مبقتش حاسس باى حاجه أنا شبعت خلاص
رحيق: طيب خلاص كفايه اكل وهقوم اعملك شاي
سندس: ولا تحب اعملك أنا قهوة ....
علي: أنتم الاتنين ترتاحو ومتحاولوش
تعملو حاجه لا النهارده ولا بعدين
نرمين: بضحك ليه بس دى حتى اكلهم جميل ونفسهم. ايه مقولكش
علي: أحسن بردو اوعي تقولي ونظر لحمزة وخالد انتم بتاكلو في اخر زادكم كفايه بطنكم ارحموها
حمزة: والله الاكل يجنن طيب خد دى من ايدى
علي: ولا اخد من رجلك كل منك ليه م هو الحب يعمل اكتر من كده
سلسبيل: وهى تكتم ضحكتها مالك ي علي طيب اخلى العرايس يعملولك اكل غير ده إذا مش عجبك
علي: العيب مش فى الأكل العيب في إلي عمله غيرو الشيفات الله يكون في عون الي هيتجوزوهم
صالح: بطل كلام ي تاكل ي تقوم ......
علي: هقوم مش مستغنى عن حياتى أنا مش عارف انتم بتاكلو ازاى وقام علي متجها الي جده محمد ورافت فسمع سلسبيل .........؟
سلسبيل: ههههههههههههه .. ههههههههههههه مش قادرة والله والنعمه صعبان عليا هقوم اخليه ييجى ياكل ....
حمزة: بتعجب أنا مش فاهم حاجه ........
خالد: ولا أنا فاهم هو فى إيه ..........
سلسبيل: يعنى إيه مش فهمين ما انتم كنتم قبله
إيمان: حمزة مش أنت شربت القهوة وعليها ملح
حمزة: لاء ...............!
ايمان: نعم ونظرت إلى خالد وأنت ي خالد العصير كان في شطه صح......
خالد: لأ..........العصير كان ممتاز
نرمين: لسندس انتى قدمتى العصير لمين .....؟
سندس: بصراحه قدمته لعلي .........
نرمين: وانتى ي رحيق
رحيق : ههههههههههههه قدمته لعلي ....
سلسبيل: هار فات ورايح جاي وأنا أقول ماله عمال يطول ومرة متحصب لأ والمصيبه حطيتله بهرات فظيعه مع فلفل حار ههههههههههههه ذنوب بتخلص
علي: بعد أن سمع طيب والله حااااضر ي سلسبيل وتوعد لها ....
الجد محمد: يلا يا أولاد خلينا نمشي تصبحو على خير
وذهب الجميع للنوم إلا عثمان فاجري تليفون
عثمان: الو ازيك يا مدحت إيه الأخبار
مدحت: كله تمام قدمت بسعر اقل منه وبكرة هتسمع الخبر الجميل بس صورهولي عايز افرح فيه وفى إلي عمله فينا ده موقف الشركه على رجل حتى في غيابه
عثمان: هانت بكرة هنرتاح .......يلا سلام ودخل وهو مطمئن ومستعد لفرحه الغد.........
*************************
اميمه: صباح الخير يا بنات فطرتو .........
إيمان: اه فطرنا من بدرى مع جدو محمد وجدو رافت وسبناهم بره قعدين بيلعبو طاوله
سميحه: خلاص يلا نفطر أنا وانتى وهناء حتى مها جايا تفطر معانا
نرمين: فطاركم جاهز على السفرة طنط مها عملت فطير مشلتت إنما ايه حكايه افطرو وأحنا هنعملكم الشاي
سميحه هما الشباب فين مش بينين
نرمين كلهم برة بيتفرجو على الطاوله حتى بابا وعمى كمان برة
اميمه: طيب يلا نغطر وادى مها جت يلا بينا
البنات واحنا كمان يلا نعمل الشاي للكل ونطلع برة احنا سيبين رحيق مع سولي لوحدها .....
**************************
حمزة: الو تمام أنا طالع استقبلك ......
علي: رايح فين ........؟
حمزه: ثوانى وراجع على طول
عثمان: ي ترى مين الضيف الي مستنيه حمزة وهيتجنن كده عليه عموما دلوقتى هنعرف
وبعد مرور نصف ساعه دخل حمزة ومعه شخصان
خالد: أهلا وسهلا مش تعرفنا ي حمزة .......
حمزه: ده البشمهندش حازم وده عمه توفيق هما ضيوفنا
الجد محمد: نورتونا ازيك ي حازم ي أبنى كنت عايز أتعرف عليك من فترة بس ملحوقه وعملها حمزة وجابك للصعيد
حازم: أنا كمان من الصعيد من قريه ( البلينا ) ...
الجد رافت: أهلا بيك ي ولدى أنت وعمك مع إنك طلعت بلدياتنا
توفيق العم: أهلا وسهلاً بيكم
الجد محمد: أنا اعرفك قبل كده او اتعاملنا مع بعض فى اي شيء شغل .....
العم توفيق: محصليش الشرف كنت اتمنى طبعا
الجد رافت: فعلا أنى زى ما اكون خابرك جبل سابق
حمزه: إيه يخلق من الشبه اربعين المهم فطرتو ولا لسه
حازم: من بدرى بس يريت شاي
علي: اهم البنات جم ومعاهم الشاي تعالى ي بشمهندس اتفضل اقعد
سلسبيل: لعلي بهمس هو الحليوة ده مرتبط ولا متشنكل ....
علي: وانتى مالك خليكى ف نفسك وعيب تتكلمى كده
سلسبيل: اوووووف هو أنا مش لاقيه غيرك واتكلم معاه
علي: على الله تقومى من جنبي سمعه اتهبدي هنا
سلسبيل: اتهبدت ي مستبد ...............
الجد محمد: إيه اخبار الشركه ي بشمهندس طمني فى جديد
حمزه: أكيد طبعا أنا منتظر فون مهم دلوقتى وإن شاءالله نفرح كلنا
عثمان: بابتسامه كلها خبث إن شاء الله خير
صالح: وعيونه على توفيق انت عايش هنا فى الصعيد ولا في مصر
توفيق: أنا لسه نازل مصر قريب بقالي سنين متغرب وقررت انزل مصر
عثمان: وانت شغال في إيه .....؟
توفيق: أنا عندي شركه استيراد وتصدير بس مقرها في تركيا وهفتح إن شاء الله فرع في القاهرة قريب
صالح : ربنا يوفقك بإذن الله
حمزة: رحيق فين امهتنا اتاخرو ليه كل ده فطار
علي: اهم طالعين وجيين نحيتنا سلم الجميع على بعضهم وجلسو
حمزة: طبعا النهارده يوم مهم جدا وجميييل للكل علشان عندى ليكم أخبار جميله بس الفون يرن وهبلغكم
حازم: ازيك يا نرمين عامله ايه دلوقتى
نرمين: الحمد لله القعده وسط اخواتى تنسي الواحد اى ضيق
حازم: الحمد لله ورن فون حمزة
حمزة: باهتمام الوووو ايوة وضيق على عينيه
عثمان: لنفسه شكلك عرفت إن المناقصه بح وأنت من بعدها ده جزاء إلي يقف قصادى
حمزه: اوك تمام مع السلامه .....
الجد محمد: خير ي حمزة وشك اتغير ليه أنت مستنى خبر جميل ايه اتغير
عثمان: اتكلم مالك يتحدث وهو مبتسم لحمزة
ايه الخبر الي هتفرحنا بيه اجلته......
حمزة: لأ ي عمى مش حمزة الي ياجل حاجه ونظر لجده اولا مبروك ي جدى اخدنا المناقصه ونظر لعمه
ومش المناقصه بس أنا عرفت إسم الشركة الي بتلعب معانا من تحت التربيزة لعب مش نضيف وخليتها تفلس بس نفسي أعرف مين المدير بتعها
عثمان: كح كح كح كح ..........
خالد: بابا خد نفسك بالراحه مالك اتفضل اشرب علشان الشرقه تروح
اميمه :. بسم الله الرحمن الرحيم إيه حصل
عثمان: بغيظ وكره أبدا بس من الفرحه شرقت أصل المناقصه دى مهمه جدا برافو ي حمزه
حمزة: لسه الأخبار ي عمى النهارده الاخبار تجنن بس بلاش تشرب وأنا بتكلم وابتسم له
حمزه: لجده محمد وعمه عثمان البشمهندس طالب أيد نرمين ونرمين كمان موافقه وأحب اسمع منكم
الجد محمد: مش هقدر اقول مبروك إلا لما أخد رائي بنتنا ونسأل على المهندس حازم
حازم: أكيد طبعا وده الطبيعى ........
نرمين: نظرت لحمزه وهى مسبهله ..........
سلسبيل: اهو طار يظهر وشي حلو عليهم ومنيل عليا عجبك كده
علي: ههههههههههههه محدش شيفك أصلا انتى محتاجه معجزة علشان واحد يضحى وياخدك
نرمين: حمزه ممكن كلمه ......؟
حمزه: تعالى نتمشي هناك وقامو سويا
عثمان: نظر لهناء ومال عليها إيه إلي بيحصل ده وعريس ايه ده بنتك فى حكم المخطوبه أنا وأنتى هننهى المهزله دى سمعه وإلا تصرفي مش هيعجب حد
هناء: راجع نفسك وبلاش تمشي فى طريق كله خسارة صلح اخطائك وخلينا نعيش سعداء
عثمان: على جثتى أنى اكون من ورا حمزة مطلعتش سهل ي حمزة
حمزه: لنرمين أنا عارف انتى عايزة تسألي على إلي حصل شوفي حازم بيحبك واتقدم ليكى وأنا فى مصر وأنا فرحت جدا لأنه مناسب ليكى
نرمين: بس أنا مش موافقه عليه وطئطئت رأسها للاسفل وبدموع أنا فى واحد اتقدم لبابا وبابا موافق وأنا كمان
حمزة: مسك دقنها ورفعها ارفعي راسك وإذا مش موافقه على حازم أنا كمان مش موافق ارميكى لمدحت انتى اختى من لحمى ودمي ومش هقبل أنك تكونى ضحيه لعمى وافكارة
نرمين: بفزع وخوف أنت عرفت اقصد عارف ايه مش فهمه
حمزه: متقلقيش عمي إن شاء الله يفوق من تفكيرة بنفسه ويرجع عن قرارته الغلط فى حقنا وحق نفسه بس مطلوب منك تقفي معايا وبلاش تضعفي لعمى عيزك قويه
نرمين: ببكاء مش هينفع أنت متعرفش حاجه صدقنى
حمزة: أنا عارف كل حاجه وعارف كمان تهديده لطنط هناء وتهديده بقتلي
نرمين: ببكاء اكتر أنا خايفه أنا أول مره أشوف بابا كده أنا مش عرفاه حساه راجل غريب عنى
حمزة: اسمعينى كويس ويريت تنفزى كلامى وافقي على حازم وفترة الخطوبه يا تقربك ليه او تبعدك ماشي وبلاش تسمعى لعمى وتخافي أنا موجود سندك ماشي االشركه ولله الحمد وضعها هيتحسن بعد المناقصه دى ومحتاجك معايا تكونى مركزة الفترة الجايا
نرمين : بخوف عليه وأنت هتتصرف ازاى أنت ناوى تاذى بابا
حمزة: لأ طبعاً ده عمى وفى مقام بابا بس بحاول أنى أظهرله اخطائه علشان يتراجع عنها
نرمين : اتمنى كلامك ده هو اللي يحصل بس مش معناه كده أنى مخفش عليك
حمزة: خليها على الله تعالى معايا وعايز نرمين القويه مش نرمين الضعيفه ومدحت أيامه انتهت خلاص معايا.واخدنرمين من يدها وذهب إليهم مرة أخرى
عثمان: عن اذنكم دقيقه وراجع وذهب عثمان كى يتحدث مع مدحت .
مدحت: الو شفت الي حصل أنا هروح فى داهيه بسبب إبن اخوك بس مش هروح لوحدى قبل م ااقع أنت هتقع قبلي
عثمان: أنا عرفت بس إلي مش عارف افهمه أنا بعتلك اواراق المناقصه وصورتهالك وحطيت أنا اوراق مناقصه غير دى ازاى مش فاهم يكسب هو وكمان ده عرف بالشركه ازااااي فهمنى
مدحت: أنا عملت إلي امرتنى بيه ومفيش حاجه معملتهاش حمزة. دمرنا ونهاك على الآخر
عثمان: بكل الكرة والغضب جوة قلبه حمزة لازم يموت زى ماهر خلصني منه قبل م نرجع من الاجازة أنا هعرفك امتى التنفيز وازاى.........
مدحت: أنا هنفز كل إلي هتقول عليه بس أنت عند وعدك ليا بجوازى من بنتك وإلا .......؟
عثمان: متقلقش البنت ليك اول م نرجع هكتب كتابك عليها
مدحت: وأنا تحت أمرك وأعرف أنت بس حمزة نازل مصر امتى وبلغنى وسيب الباقي عليا يلا سلام
عثمان: يلا سلام واغلق هاتفه واتجه اليهم مرة أخرى
سميحه: متيجو ندخل جوة البيت علشان الضيوف
اميمه: الجو رائع والشمس دافيه خلينا هنا أحسن
حمزه: أنا طبعا هسافر مصر اخلص حجات فى الشركه علشان المناقصه كمان يومين ...
الجد محمد: متتاجلها لما نسافر سوا بدل سفرك رايح جاي
حمزه: مش هينفع تأجيل السفر حضرتك عارف اهميه المناقصة فلازم وجودى
عثمان: هتسافر يوم إيه والبشمهندس هيكون معاك
حازم: احتمال أسافر معاه علشان نخلص الاوراق فى خلال يومين
علي: بهمس لنرمين ابت وافقي عليه ده حازم يجنن بدل البت سولي هتموت عليه بصي مش منزله عنيها وافقي وارحميها................
نرمين: طيب م تاخدها أنت وتريحنا والله هتبقو ثنائي مهبب على دمغنا ....
حمزه: بالنسبه لطلب البشمهندس إيه رأيكم جدى اشترط أنه يسأل وحضرتك ي عمي عثمان ونظر له حمزه
عثمان: معنديش بنات للجواز. أنا بنتى مخطوبه لواحد وأنا اديته كلمتى .......
حازم وعمه: طيب نستأذن إحنا بقي وسلمو على الجميع وخرجو
حمزه: لعمه مين ي عمي العريس فرحنا معاك خلي الفرح يكتر
عثمان: مش ملاحظ إنك بتدخل فيما لا يعنيك وبتسال بصفتك إيه
الجد محمد: عثمان بتتكلم ليه كده هو قال ايه يستدعى ردك ده كله.
عثمان: حمزه بيفرض نفسه عليا وعلى عيالي وأنا مش هسمح بده
حمزة: بردو مغرفناش مين العريس ي عمي علشان نشوفه مناسب ولا اختى كتيرة عليه
عثمان: صالح خلي إبنك يسكت ومش عايز كتر كلام
حمزه: خلاص ي عمي أنا متاسف ونظر لجده وحدثه
جدى محمد كنت عايز من حضرتك تفويض علشان ااقدر أتصرف فى اوراق المناقصه ولازم اخد حق توقيع
الجد محمد: الشركه دى أسهم لازم كل واحد يعملك تفويض للاداره وبالنسبه ليا. هكلم المحامى يعملك تنازل
عثمان: ايه الكلام الفاضي ده تفويض ايه وازى ياخد تفويض باحقيه توقيعه ده ممكن ياخد كل حاجه بجرة قلم أنا مش موافق مستحيل
صالح: ايه الي بتقوله ده أنا أبنى يسرق ي عثمان هى وصلت لكده....
عثمان: الحق ميزعلش ولا ايه
الجد محمد: ولا كلمه ذياده كلنا متجمعين هنا والكل ليه كلمته بحق اسهمه وأنا هسال الكل
الجد محمد: لابنه صالح هتبايع إبنك بالاسهم إلي ليك
صالح: أه طبعا أنا واثق في أبنى.....
الجد محمد: اميمه هتبيعى إبنك
اميمه: أكيد طبعا
عثمان: طبعا كله لمصلحتكم ونظر لخالد ونرمين وهناء بنظرات نااااريه كى لا يبيعون حمزة
الجد محمد: سميحه
سميحه: أنا وبناتى أكيد هنبايع حمزة ربنا يحميك ي حبيبي
عثمان: ده انتى تملكى نص الشركه انتى وبناتك ازاى تعملي كده انا هتجنن
الجد محمد: اهدي وبطل انفعالك ده وادينا بنسال مع إن سميحه لخصت كل الكلام بس أنت بردو هسالك
عثمان: أنا لأ طبعاً مش موافق
الجد محمد،: نرمين وخالد وهناء طبعا قراركم زى ابوكم
هناء: لأ أنا هفوض حمزه وكلي ثقه فيه
عثمان: انتى اتجننتى أنا مش موافق ازاى تكسري كلامى.......
هناء: القاعده الاولي فى قانون العمل والي اتعلمته من عمي مفيش عواطف فى الشغل واى حاجه لمصلحه الشركه هتتعمل .......
الجد محمد: نرمين وانتى ي بنتى
نرمين: من غير تردد هابيع حمزة هو فعلا غير كتير في الشركه مع أنى كنت معترضه علي سياسته بس طلع حمزة صح وثقتى فيه كبيرة
خالد: أنا موافق لأنى مش شايفا اى داعي للخوف من حضرتك ي بابا تقدر بورقة تضمن حقك من غير ما توقف سير العمل ولا ايه يا جدى
الجد محمد: كده خلاص صالح يخلص اوارق صحه التوقيع لحمزة وإن شاءالله خير
صالح هجهز الورق لما نرجع مصر
حمزة: لأ ي بابا بعد أذن حضرتك الورق هيخلص بكرة اتصل بالمكتب وخليهم يخلصو كل حاجه ولما اسافر يبقي كل حاجه على الامضاء
صالح: خلاص ماشي الي تشوفه هقوم أنا اعمل اتصالاتى
عثمان: وقف وهو غاضب بكرة تندمو على الي عملتوة ده ودخل الي المنزل
خالد: أنا مش عارف ليه المشاكل دى كلها بس مش كله لمصلحه الشركه نفسي نبطل خلاف وخصوصا في بينا وبين بعض
عثمان: أنت مش عارف حاجه وتعالي ورايا عيزك
خالد: حاضر ولنفسه خير ي بابا عايز ايه........
عثمان: اسمعنى كويس ي خالد أنا أبوك وعارف مصلحتك وجوزتك من بنت عمتك. غلط وأنا مش موافق وعيزك تنهي الموضوع ده نهائي واختك هتتجوز واحد أنا اخترته علشان مصلحتكم أنا بعمل كل حاجه علشانكم
خالد: بابا أنا أخترت إلي تكملنى سندس عشق الروح بالنسبالي هى اختيار قلبي وعقلي وأنا مستحيل أبعد عنها
عثمان: هتعصانى ي خالد مش هتسمع كلامى خلاص كبرت عليا ومبقاش ليا كلمه عليك
خالد: مستحيل اعصي أبويا بس دى حياتى وأنا مسؤل عنها بلاش ي بابا تخلق خلافات ملهاش أى داعي
عثمان: أمشي من وشي ي خالد مش عايز اسمع صوتك فابتعد خالد عن أبيه وفكر وعاد إليه فسمعه وهو يتحدث مع أحد فكاد أن يبتعد فشده حديث والده فزهل مما سمع
خالد: معقول إلي أنا سمعته لأ لأ مستحييييييل
ونظر خلفه ومن حوله وهو تائه ...........
حمزة: جدى بكرة إن شاء الله كتب كتابي أنا وخالد وهنعمل ليله جميله إن شاء الله وهنعزم البلد كلها وبعدها هسافر اخلص شغلي وارتب للفرح
الجد محمد: على خيره الله ي حبيبي .....
علي: الله هنفرح ونهيص اخيرا ونرقص كمان
اميمه: ربنا يسعدكم ي رب ي حبايب قلبي
*************************
ومضي يوم على أبطالنا وجاء يوم سعيد فهو يوم ارتباط القلوب والاحبه بعد طول انتظار
فحل المساء وتجهزت كل من سندس ورحيق فكانو من أجمل ما يكون
حمزة: خالد أنا لبست وخلصت وأنت. مش عارف مالك تايه ومش معانا خالص
علي: أنت خايف ده كتب كتاب ي دكتور لسه فضلك فسوة على عوله الهم
خالد: بعد اذنكم أنا طالع فوق وراجع عايز سندنس
حمزة: خير م كلها دقائق وهتكون معاك وبعدين محدش هيرضي يخليك تدخل عندهم
خالد: طيب هتصل بيها وارجعلكم .... وخرج خالد ليتصل بسندس.....
حمزة: ماله أنا حاسس أنه متغير من امبارح .....؟
علي: تلاقيه مخضوض من الجواز صعبان عليا الجدع
حمزه: اتلهي أنت واسكت وخليك في خيبتك وكبر راسك لحد ما سولي تضيع منك
علي: ييييييييي فكك مني أنا
خالد: الو سندس أنا عايز اتكلم معاكى قبل كتب كتبنا
سندس: خير ي خالد في إيه قلقتنى
خالد: وصوته مختنق سندس ............؟؟؟
سندس: الوووو خالد إيه ده الخط فصل ...
خالد إيه إلي أنت عملته ده ازاى تقفل الخط وأنا بتكلم......؟
حمزة: علشان مينفعش الي هتقوله أنا مش عارف إزاي تسمح لنفسك إنك تهدم سعادتك بنفسك
خالد: نظر لحمزة أنا عارف كل حاجه أنت مخبيها بخصوص بابا وعمى ماهر عرفت ازاي حب المال والسلطه ملو قلبه وخلوه اعمي ومش شايف غير نفسه
حمزة: عرفت منين وازاى .......؟
خالد: سمعتك وأنت بتتكلم مع إيمان وعرفت خوفك علينا كلنا حتى والدى مش عايز تعرف حد ومتهيئلك أنك هتصلح منه وتفوقه بس أنت متعرفش حاجه صدقنى
خالد: احتضن حمزه صدقنى أنا عارف كل حاجه وبابا ناوى على شر
حمزة: بحب اخوى لخالد (قل لايصيبنا إلا ما كتب الله لنا ) متقلقش عمى مش وحش وإن شاءالله ربنا هيفوقه من ده كله كلامك مع سندنس مش هيحل مشكله بالعكس هيعقدها خليك واثق فيا للآخر
لحظه وفون خالد رن فامسكه حمزة
سندس: خالد قلقتنى في إيه الخط فصل ....
حمزة: الله الله روحى ي عروسه خلصي لبسك ابقو اتكلمو بعد كتب الكتاب يلا مع السلامه واغلق الهاتف
علي: لخالد وحمزة يلا الناس بدأت تهل وكمان المهندس حازم وعمه وصلو
حمزه: طيب اسبقنى أنت وأنا جاي مع خالد وراك
حمزة: خالد أنا عيزك فى موضوع مهم جدا ولازم ناخد فيه قرار وحالا
خالد: وقد قراء ما يجول في فكرة وتحدث أى حاجه هتقول عليها هنفزها بس على شرط متتحركش خطوة إلا وأنا معاك وتعرفنى بكل حاجه
حمزة: ماشي ومالك كده قلبت على دور بابا امشي خلينا نتجوز أنا مصدقت ...
خالد: ربنا يسعدك ي رب ...
حمزه: ويسعدك أنت كمان واحتضنه بكل الحب الذي يكنه بداخله
عثمان: هناء يلا المأذون وصل علشان كتب كتاب المحروس إبنك الي طلع عن طوعي وانتى كمان
هناء: صدقنى ولادك بيحبوك وعيزين مصلحتك حتى حمزة ...... ولم تكمل كلماتها إلا وشعرت بقلم قد افقدها توازنها ولم يكتفي بذالك فبدأ يضربها بكل ما أوتي من قوة فوقعت أرضا ولم تقدر على أن تتحرك فلكمها برجله وغادر الغرفه
اميمه: لسميحه شيفا الاولاد لبسين إيه يجننو بسم الله ماشاء الله عليهم
سميحه: فعلا اللبس الصعيدى لايق عليهم دول عملينها مفاجئه للبنات ربنا يسعدهم
اميمه: هى هناء إتأخرت ليه لغايه دلوقتى المأذون وصل والشباب معاه والبنات كمان منزلوش
سميحه: مش هينزلو غير بعد كتب الكتاب دى العادات هنا
الجد رافت: لاميمه وسميحه وينها هناء عوجت جوى شيعولها
الجد محمد: يمكن تكون عند البنات فوق وهتننزل معاهم
سميحه: طيب هطلع اشوف البنات وانادى عليها
مها: سميحه فين هناء مجتش ليه ........
اميمه: بتعجب دى لبسه اول واحده أنا هروح البيت اشوفها وارجع وخرجت اميمه وصعدت لغرفتها وطرقت الباب فلم يأتيها رد ففتحت الباب ونظرت فلم تشعر بنفسها وهى تسقط على الأرض وتبكى من هول ما رأته
اميمه: هناء ردى عليا فيكى إيه ومين عمل كده ونظرت حولها فرأت الغرفه مبعثرة على الآخر فوجهت نظرها إلي هناء وامسكت فونها وكادت أن تتصل بخالد فسمعت هناء
هناء: بتعب والم شديد متتصليش بخالد إلا بعد كتب الكتاب وحياتى عندك
اميمه: ببكاء وانهيار لأ انتى بتنزفي نلغي كل حاجه انتى كده هتموتى منى مستحيل فشعرت هناء باحد واقف من خلفها فنظرت له مين هنا وازاى طلعت هنا .............
******************
حلقه طويله جداً ي ترى مين طلع وهناء هتموت وهتقدر اميمه تلحقها ولا اميمه هيحصلها حاجه حلوه مع المجهول انتظرونى فى الجزء الثاني من ★اسرار القلوب★
تشجيع علشان انزلكم الجزء الثاني على طول 💞💝
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله الجزء الاول من هناااااااااا
الرواية كامله الجزء الثاني من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق