رواية قصص الحب الفصل الخامس عشر 15 بقلم منال كريم
رواية قصص الحب الفصل الخامس عشر 15 بقلم منال كريم
#قصص_الحب
#الفصل_الخامس_عشر
بقلم منال كريم
////////
شروق بدموع: ابوي اتاكد اني بنته.
أنصدم حسين وحسن من السؤال وجرأته أنها تسال كده
حسن بتوتر: بصي الحقيقة انكشفت و لازم كل حاجة تبان،
ابوي عمل تحليل الدم وطلعت أنك من دم عيله الالفي.
بكت شروق بصوت عالي
قام حسين وحسن جلسوا بجوارها، كانت هي تجلس فى المنتصف وضعوا أيديهم على كتفها
حسن بحنان: بلاش دموع يا حبيبتي علشان توجع قلبي، أنا عملت كل اللي اقدر عليا علشان أبعد اذي الست دي عنك وعن حسين.
حسين بدموع: ونعم الاخ والاب يا حسن ، يا شروق أحنا كنا نعاملك زي بنتنا ابوي الله يرحمه قال اليوم المشؤوم ده لو حصل حاجه ليا شروق بنتكم حطوا فى عينكم لانها يتيمه الام ودي حاجه صعبه ،احنا حاولنا نفذ الوصيه يا شوشو بس ياتري كنا قد المسؤولية
شروق بدموع: انتوا الحاجة الحلوه فى حياتي ايوه كنت زعلانه اني مش عندي ام و أب، بس ديما انتوا وكمان ابله صباح وسمر بسبكم كنت حاسه اني مش يتيمه
حسن بدموع: بعد الشر عليكي من اليتيم يا قلب اخوك
حسين: كفايه عياط بقا وانسي الست دي يا شروق لانها اذي كبير
شروق: حاضر أنا ماشيه
حسن:استني الغداء
شروق بدموع: لا معلش مره تانيه
قامت شروق وأخواتها
وكادت تغادر ولكن ركضت مره اخري و حضنت اخواتها
و قالت بحب و دموع:
كنت طول عمري عارفه انكم تحبوني لكن بعد الكلام ده عرفت انكم فعلا تحبوني اوي شكرا ليكم
غادرت شروق قصر الالفي لتذهب إلى قصر الصاوي، لانها كانت فى حاجة أن تبكي بين حضن شمس وتتحدث معه هي أصبحت تشعر با الراحه بجواره
وصلت إلى القصر صعدت فوار إلى غرفه النوم
كان شمس يجلس على الأريكة
دلفت شروق من الباب وأغلقت الباب وقفت خلفها
نهض من مقعده ، و فتح شمس ذراعيه ركضت شروق و اختبأت فى حضنه وبكت بكت بكت بكت
لدرجه انها لا تستطيع على الوقوف جلست على الأرض وشمس جلس معه وهي مازلت في حضنه وتبكي بشده
لا يوجد لديها القدره على الحديث أو ليس لديها كلامها تقوله
ماذا تقول وأكثر شخص مهم فى حياته تخلي عنها
////////////
عند فارس
مازال يجلس حزين ولا يخرج من المنزل ويرفض الطعام
وفرح ارسلت ابنهم عند امها ولا تذهب هي أيضا إلى العمل حتي تهتم با فارس
تدلف فرح إلى الغرفه وتحمل صينيه بها طعام وعلى وجهها ابتسامة كبيره
جلست على السرير أمامه وضعت الصينيه فى المنتصف
فرح با ابتسامه: بص بقا انت بمزاجك أو غصب عنك ها تاكل
فارس بحزن : مليش نفس يا فرح
تهز فرح رأسها اعتراضا ،و قالت بابتسامه: مليش دعوه ها تاكل يعني تاكل.
فارس بحزن : قولت لا يا فرح يلا اخرجي من هنا
قامت فرح وقفت على السرير و تنط زي الاطفال و قالت بدلع: لا لا لا مش أخرج من هنا غير لما تاكل.
شد فارس أيدها وقعت على السرير
و صرخ بصوت عالي: بس ايه حركات الاطفال دي قولت لا يبقي لا اخرجي بره مش عايزه اشوف وشك.
فرح بدموع: حاضر انا اسفه حقك عليا
كادت تغادر الغرفه
فارس بصوت عالي: خدي الاكل ده وياريت تروحي تقعدي فى بيت أهلك كام يوم
فرح بدموع: اروح بيت بابا ليه أنت قصدك كده تسبتي صح عايز تبعد عني يا فارس
فارس بعصبية: افهمي اللي تفهمها انا عايز اقعد لوحدي
قالت بدموع وصوت عالي جدا:
وأنا مش ا سيب بيتي عايز تمشي امشي أنت.
وغادرت الغرفه ودخلت غرفة ابنها وأغلقت الباب عليها
وفارس قام يكسر كل شيء فى الغرفه ويصرخ يقول ( ليه )
أما فرح تجلس على الأرض وتضع أيده على أذنها بخوف
وتبكي بانهيار..
ماذا يكسر الرجل أكثر من أن يشعر أنه ليس لديه القدرة على تحقيق حياه هادئه ومستقرة لعائلته؟
وماذا يجرح الزوجة أكثر من أنها تشعر أن زوجها في أي وقت يستطيع الاستغناء عنها؟
#########
عند يونس
عاد إلى المنزل
بعدما تعب من الوقف أمام البحر
جلس على أول كرسي قابله
وغمض عيونه بحزن
أخرج الهاتف ورن على ياسمين.
أجابت بدموع: ايه
يونس بحزن: أسأل لآخر مرة انتي فعلا مش بتحبني
ياسمين بدموع: ايوه عمري ما حبيتك
يونس بدموع : ليه الدموع يا حبيبتي
ياسمين بهدوء مصتنع: اصلك صعبان عليا
يونس بهدوء: ليه
ياسمين بهدوء مصتنع: اصلك تضحك على نفسك أنت لسه بتحب جميله ونفسك تثبت ليها و لنفسك انك لسه مرغوب فتعمل ايه تجوز واحده تانيه
قال بابتسامه استهزاء: والله عندك كلام تاني تقولي علشان توجعي قلبي اكتر من كده
قالت بهدوء: لا وابعد عني يا يونس
يونس بحزن: حاضر
وأغلقت ياسمين الهاتف
وانهارت من البكاء
فهي في حيره تحب يونس لكن تخشي أن تكون ليونس مجرد مسكن حتي ينسي جميلة، وتخاف أيضا تثق في شخص مره اخري
###$$$$$
أغلق يونس الهاتف وصعد إلى غرفته وأخرج البوم صور الخاص با أبيه وأمه
يونس بدموع: انا محتاج ليكم بجد يمكن عمري ما حست أني يتيم غير الفترة اللي فاتت
محتاج أسند ضهري بيك يا ابوي
محتاج حضنك يا ام.
و لتكتمل مع يونس سمع صوت اغاني عاليا
خرج إلى الشرفه
ليجد شاب على البحر يرقص مع امها على اغنيه للام
ثم مع وأبيها على اغنيه ل الاب
نظر إليهم وهو يتمني أن يكون مكان هذا الشاب.
كانت الدموع تنزل من عيونه مثل المطر وهو يتذكر اللحظات التي كانت تجمعه مع أمه وأبيه..
فهو يشعر بالضعف و الوحدة لانه بدون اي و أم..
الاب والام هما اعمدة المنزل يجب أن ننتبه عليهما
اللهم بارك فى آباءنا وأمهاتنا الاحياء..
وارحم الاموات منهما وادخلهم فسيح جناتك الفردوس الاعلى ياالله
///////////////
عند جاسر
وصلوا إلى المستشفى
يجلسون مع الطبيب
جميله بدموع: خير يا دكتور
الدكتور: ما فيش جديد عن الكلام اللي قاله الدكتور اللي فى الصعيد بعد التحاليل لازم نبدا الكيمياوي..
( جاسر بحزن: لله الامر من قبل و من بعد..
الدكتور بحزن على حالة هذه الطفلة الصغيرة:
ربنا يشفيها يارب ويشفي كل مريض
جميله بدموع: يارب
الدكتور: اتفضلوا مع الممرضه على الاوضه طبعا دكتوره جميله انتي اللي تقعدي معها
جاسر برجاء: لو سمحت يا دكتور خلني أنا كمان معاهم
الدكتور: حاضر
@@@@@@@@
في غرفة المستشفى
تجلس جميله وتأخذ ابنتها في حضنها وتبكي بشده
جميله بدموع: يارب ياخد من عمري ويطول في عمرك يا قلب ماما معلش يا بنتي حقك عليا انتي تدفعي ذنب امك أنها ست خاينه ايوه أنا خونت شروق وكمان يونس وجاسر وفارس وفرح وسامر وسهر أنا اللي كسرت قسم الصداقه واللعنه جت فيكي انتي.
اخرجت الهاتف وترن على شروق لكن شروق لم تجيب
ظنت أن شروق لا تريد أن تجيب عليها لكن شروق فى حاله لا يعلمها الا الله
وبكت بصوت عالي وهي تضم ابنته إلى حضن وكأنها خايفه تروح منها فا اي وقت
///////////
في مسجد المستشفى
جاسر وهو يسجد ويبكي:
يارب عارف أني غلطان وكسرت قلب شروق وكسر القلوب مش حاجه سهله وراضي أن اللعنه تكون من نصيبي بس بنتي لا لأجل حبيبك محمد صلى الله عليه وسلم ، اشفي بنتي واشفي كل مريض.
يارب أنا شخص خاين واذيت يونس سامحني يارب سامحني أنا بشر ضعيف الشيطان يقدر عليا يارب اعطني القوه علشان اغلب الشيطان انا ضعيف وأنت قوي انا عملت ذنوب وأنت التواب الرحيم الغفور
يارب اغفر لي و ارحمني برحمتك يا ارحم الراحمين
اللهم اشفي مرضانا و ارحم موتانا و ارحمنا برحمتك يا لله.
أخرج جاسر الهاتف ورن على يونس
لكن يونس لا يجيب
ظن أنها مازل غاضب منها لكن يونس أيضا فى حاله لا يعلم بها الا الله..
اكتر شي يوجع قلب الإنسان هو وجع الابن.
الاب والام ممكن يتحملوا كل حاجه فى الدنيا لكن مش يتحملوا شكه دبوس فى أولادهما..
////////
عند سامر
فى المستشفى
تجهز سهر لدخول غرفة العمليات
الطيب: جاهزه
سهر بتوتر: اريد أن أكون بمفردي دقيقة.
الطبيب: اجل
غادر الطبيب والطاقم الطبي
سهر: سامر استنا بره يا حبيبي
سامر: حاضر يا حبيبتي خليكي براحتك
خرج سامر
ورفعت سهر أيدها 🤲🏻
فهل نحن لنا ملجأ الا الله فا السراء والضراء يكون معنا الله ولكن للاسف نتذكر الله وقت الضراء ونسي وقت السراء
قالت بدموع: بسم الله الرحمن الرحيم الحمد لله رب العالمين واللهم صل وبارك على سيدنا وحبيبنا ونبينا محمد صلى الله عليه وسلم
يارب يارب يارب انت اعلم عالم بحالي وغني عن سؤالي يارب تعلم ما في نفسي يارب العالمين ارزقني بطفل نفسي اكون ام يارب يارب العمليه تنجح واكون ام لأجل حبيبك النبي صلى الله عليه وسلم يارب يارب ارضي العبد الضعيف
///////////
دخلت سهر غرفة العمليات
وذهب سامر الى مسجد المستشفى
سامر بدموع: يارب ليس ليا سواك ألجأ له
يا الله وقفت على بابك ولن أغادر حتي تفتح ليا ابواب رحمتك يالله لا أقول أنا عندي همك كبير اقول يا هم انا عندي رب كبير.
يالله يا عظيم يا كريم
أسألك بكل اسم سميت به نفسك أو علمتا به أحد من خالقك
أن تغفر لي ولكل امة سيدنا محمد صلى الله عليه وسلم
يارب يارب العمليه تنجح علشان سهر مش علشاني
يارب يارب يارب افتح ابواب رحمتك يالله
لعبدك الضعيف فا الدنيا تزيد همومها علينا ونحن ضعفاء
يارب يا قوي أنصر الضعيف والمظلوم يارب
والله صلي وبارك على سيدنا محمد..
اكثر ما يوجع فى هذه الحياة هو الحرمان من اطفال هذه كسره شديدة
اللهم ارزق كل مشتاق با الذريه الصالحه عاجلا وليس اجلا
////////////////
كل الاصدقاء كانوا يريدون شي واحد فقط فهذا الوقت أن يقف بجواره أصدقائه كانوا فى حاجة الى بعض.
والذي ليس يعرفوا أن كل منهما لديه هم يكفي الكون.
والحقيقه هذه الحياه تلهنا عن الاحباب بسب المشاكل
وكل منا ينشغل بنفسها
ماذا يحدث مع الأصدقاء
هل تدق السعاده بابهم مره اخري
أما مازال الحزن مستمر معاهم؟
وللحديث بقية
#قصص_الحب
#روايات_بقلم_منال_كريم
🍒🍒🍒🍒🍒🍒🍒🍒
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له له الملك وله الحمد وهو على كل شيء قدير
اللهم صل على سيدنا محمد وعلى ال سيدنا محمد
اللهم انصر اخواننا في فلسطين والنصر لجميع البلاد العربية والإسلامية
اللهم انك عفو كريم تحب العفو فاعف عنا
🍒🍒🍒🍒🍒🍒🍒
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق