رواية اسرار القلوب( الجزء الثاني) الفصل الخامس عشر والسادس عشر بقلم رانيا قنديل
رواية اسرار القلوب( الجزء الثاني) الفصل الخامس عشر والسادس عشر بقلم رانيا قنديل
الفصل ١٥ ★ أسرار القلوب ★ الجزء الثاني
توفيق: وأنا محصليش الشرف أنى اشوفك ولا حتى اشبه عليك عن أذنك
حمزه: متعجب من تصرف توفيق وتهجمه فى وجه عمه ..... ؟
***************************
خالد: بقولكم ايه تحبو تتعشو إيه .....؟
عثمان: السواق طالع ومعاه العشا بس أنا قولت اجى اطمن عليكم بالمرة وأشوف سولي
سلسبيل: الحمدلله يا خالو بقيت أحسن ........
عثمان: ي رب ديما ي حببتى ....
حمزه: ربنا يخليك ي عمى مفيش اطيب من قلبك أكيد مش جيلك نوم إلا لما تطمن علي سولي
عثمان: أكيد طبعا أنتم ولادى ربنا يحميكم دى أنا افديكم برقبتى
حمزه: وأنا متأكد ي عمي إن إذا فى حاجه بايدك مش هتتاخر على حد فينا
خالد: مستغرب الحوار إلي بين حمزه وأبيه وعنده شعور إن الحوار ده ليه مغزى تانى غير الظاهر
عثمان: انا همشي عيزين حاجه واهو عشاكم وصل والشاي والنسكافيه كل طلباتكم موجوده يلا تصبحو على خير
رحيق: يلا ي بنات نجهز الأكل علشان ننام ونقوم بدرى
إيمان: ورانا إيه بدرى هنمشي برحتنا وهمست لها بمخططهم مع عمها جمال
رحيق: والله مش معقول إيه المفاجئه الجميله دى
نرمين: ربنا يسعدهم ي رب ويكتر من افرحنا
علي: بطلو رغي أنا جعان هما بعتين إيه .....
سلسبيل: وبدأت تشعر ببعض الألم ولم ترد أن تشعرهم .. أنا هنام تصبحو على خير
خالد: فشعر بأنها تتألم فاقترب منها سولي لما تتعبي تقولي مينفعش تخبي سمعه إذا سمحتى قوليلي حاسه بأيه دلوقتى
علي: أقترب من خالد هى تعبانه ولا إيه مالك ي سولي حاسه بحاجه
سلسبيل: لأ عايزة أنام حاسه انى نعسانه بس نقول ايه فى خالد روح يلا اتعشي
خالد: ماشي وخرج بره الغرفه وبعد دقائق دخل ومعه أحمد ومعهم جهاز الاشعه واستاذن من الجميع لمغادرة الغرفه
سندس: فى إيه ي خالد هى تعبت بس مش باين عليها
خالد: ثوانى دلوقتى وشغل الجهاز وبدأ يكشف عليها ويتحدث مع د/ أحمد
د/ أحمد: الف سلامه عليكى بس لما تحسي بألم تبلغي أى حد علشان فى دوا لازم تاخديه لما الألم ييجي ماشي
سلسبيل: ليه يعنى أنا عندى إيه مش المفروض أفهم حالتى
د/ أحمد: ي ستى شويه برد اثرو عليكى جامد بس مينفعش الإهمال أبدا تمام
سلسبيل: تمام ودلوقتى فى دوا ليا علشان بجد عايزة أنام
خالد: هتاكلى الأول وتاخدى الدوا وتنامى
علي: خير ي خالد فى ايه مالها .....
خالد: لأ مفيش بس حسيت أنها تعبت ودلوقتى يلا ندخل ونتعشي علشان تاخد دواها
************************
عثمان: شكل خططى ماشيه تمام ومها بلغت جمال وحمزه ههههههههههههه .....
هناء: مالك سرحان ليه طمنى على سولي عامله ايه
عثمان: كويسه أوى وجيين الصبح إن شاء الله
هناء : إن شاء الله بس بكرة هتبقي فرحه العمر كله
اميمه: معاكى حق ربنا يفرحهم ي رب ويسعدهم وميدخلش على اولادنا حاجه وحشه
عثمان: أنا مش فاهم حاجه فى إيه وليه بكرة فرحه العمر
صالح: إيه أنت متعرفش ولا ايه علي خطب سولي وهيكتب كتابه عليها بكرة وهنعملهم ليله إنما ايه ...
عثمان: وماله اهى تفرحلها قبل م تتكل واهو ميراثها هيروح لأختها يعنى كل حاجه هترجعلي وبالقانون حتى نصيب امها هيبقي لسندس وأنا الي كنت زعلان من الجوازه دى طلع كلام مدحت صح ولوله أنى غيرت تحاليل اختها وكمان خالد كان حد فيهم هيتبرعلها بس كده احسن فعلا أنا من غير مدحت كنت غرقت ...طيب والله فكرة أتصل بمدحت ييجى ويكتب كتابه هو كمان على نرمين علشان اضمن ولائه ليا ....
صالح: نفسي افهم ي عثمان بتسرح كتير ليه بس المرة دى سرحان وأنت مبسوط
عثمان: ادعيلي ي صالح أفضل مبسوط على طول
هناء: بنظرة لعثمان مش مرتحالك ي عثمان وشكلك بتدبر لحاجه محدش فاهمك غيري أنا لازم افهم أنت بتدبر لايه ي عثمان وابوظلك كل حاجه بتخطط ليها
اميمه: يلا اسيبك أنا تنامى لأن عثمان قال هيبات معاكى النهارده
هناء: خلاص ي حببتى تصبحي على خير وأنا كمان هنام
صالح وسميحه: تصبحو على خير
عثمان: عايزة حاجه قبل ما أنام .....
هناء: لاء شكراً انا نعسانه أوى وهنام على طول تصبح على خير
عثمان: هناء عايز اقولك على حاجه ويريت متقطعيش كلامى
هناء: خير قول فى إيه ....
عثمان: أنا آسف ... آسف أنى مديت أيدى عليكى . آسف أنى كنت قاسي على أبنى فعلا هو لو لف الدنيا مكنش هيلاقي زى سندس أنا غلطان وعايز إنك تقبلي اعتزاري ومنزعليش منى ويريت نفتح صفحه جديده أنا وأنتى إيه رأيك ي هناء
هناء: _________
عثمان: إيه سكتا ليه عارف أنه مش سهل عليكى تسمحينى بس أنا عشمان فى قلبك الكبير
هناء: معاك حق لازم نطوي الصفحه القديمه كلها ومنتكلمش فيها تانى لازم ننتبه لأولادنا
عثمان: وأنا هكون عثمان غير إلي تعرفيه والي قلبه قسي عليكى وأتمنى تحطى إيدك في أيدى علشان نعمل كل حاجه صح وتكون فى مصلحه ولادنا وقبل رأس هناء واديها تصبحى على خير يا حببتى نامى
هناء: هو إلي يعاشر إنسان زيك ينام بتدبر لايه ي عثمان وناوى على إيه ....
عثمان: فعلا اخرك معايا كلمتين ي هناء وشويه وكل حاجه هتبقي بتعتى ليا أنا وأنا المتحكم فيها وابقو اتحامو فى حمزه خليه ينفعكم وبعد مرور ساعه امسك هاتفه واتصل على مدحت وبهمس أنت نمت اسمعنى كويس بكرة تكون عندى فى الصعيد يعنى الساعه دلوقتى ١٠ بالليل اطلع كمان ساعه وابقي ريح فى الطريق وجيب معاك سواق بكرة كتب كتابك أنت ونرمين
مدحت: ساعه ليه أنا هتحرك دلوقتى وابقي أريح لما أوصل إن شاء الله يلا مع السلامه
هناء: بقي دى اخرتها ي عايز تبيع بنتى لأ ولمين لواحد شبهك أنا مستحيل اوافق على المهزله دى ....لأ ي هناء مش لازم يحس أنك سمعتيه وأنك لسه صاحيه الصبح أنا ليا صرفه معاه يظهر أنه نسي مين هناء ماشي ي عثمان .......
****************************
في الصباح الباكر
علي: اصحو منك ليه خلونا نمشي من هنا لحسن حاسس أنى عييت بالإيحاء
خالد: نام ي زفت أنت فى حد يصحى الناس الساعه ٦ ليه هنحلب البهايم اتخمد ي علي
علي: حمزه قوم ي حبيب اخوك خلينا نروح
حمزه: عارف إذا مسكتش هرميك من الشباك اوووووف
علي: محمد اصحي ي عاقل يلي فيهم أنت أنا ماليش غيرك
محمد : نام شويه ي علي علشان وشك يبقي رايق مش مرهق نام ي حبيبي علشان الصور
علي: أنام ايه هو أنا نمت من أساسه يعنى اعمل ايه أنا دلوقتى اوووووف فعلا الوقت بدرى أوى طيب اصحى مين أنا أنا انزل افطر واشرب شاي وابقي ارجعلهم يكونو صحو.....
الجد رافت: اصباح الخير ي بتى مش عوايدك تصحى من دلوقيت أنى خبرك زين
مها: أبدا بس أنا وجمال ورانا تجهيزات لكتب الكتاب ولازم نخلصها قبل م يوصلو وأنت عارف جمال لازم يتمم على كل حاجه
الجد رافت: ربنا يسعدكم ويسعد ولادنا ويبارك فيهم ونطمنو على سلسبيل وتكون الفرحه تنين
مها: إن شاء الله
جمال: يلا بينا خلينا ننجز كل حاجه قبل الولاد م ييجو
مها: حاضر بس على شرط هتروح معايا الأرض ماشي ونخلص الشغل سوا
جمال: حاضر ي قلب جمال انتى تامرينى ي مها يلا بينا نخلص إلي ورانا......
علي: ممكن واحد صندوتش جبنه واحد شاي وهاتهم هناك على التربيزة دى وذهب علي للجلوس فراي حازم وعمه توفيق فتعجب ونظر فى ساعته فهى السادسه والنصف خير حد منهم عيان ولا ايه ......؟
حازم: مش كفايه لحد كده ويلا مش عايز حد يشفنا لأن لو حد شفنا مش هنخلص من الأسئلة
توفيق: خلاص ي حازم أنا خلصت كل حاجه يلا بينا
علي: خلصتو إيه وليه خايفين لحد يشفكم وايه إلي كله تمام أنا بدأت اقلق ي حازم ممكن توضح فى إيه لأنى مش هعدى اي حاجه ونظر للورق الي بايد توفيق إيه ده والورق ده بيعمل ايه معاك فهمنى وامسك توفيق من تلابيب قميصه
حازم: وطى صوتك ي علي واهدي أنا هفهمك كل حاجه بس ارجوك بلاش حد يعرف حاجه لأنه مش وقته وكمان لأنى محتاج مساعدتك لازم
علي: متقوليش ومتمليش عليا أنا هعمل ايه أنا بس الي هقيم الوضع بس أقسم بالله إذا كنتم نويين تاذو حد من عيلتى أو من اخواتى هقتلكم ومش هيفرق معايا نفسي
توفيق: تعالي نقعد وافطر وأنا هحكيلك كل حاجه وجلس ثلاثتهم وحكو لعلي عما يخفوة من اسرار بداخل قلوبهم وبعد نصف ساعه من الكلام
علي: ينظر لهم ولا يتحدث ولكنه تائه لأبعد الحدود معقول كلامهم ده معقول أنا ممكن أشك فى عيلتى او لأ لأ دول بيلعبو عليا لعبه ولازم افهم مش صحيح طبعاً
حازم: علي الورق بيثبت كلامى كله وإذا طلعت غلطان حاسبنى
علي: طيب ليه جيبين الورق هنا وليه وجودكم كمان فى المستشفى بدرى وليه خيفين حد يشفكم وكلامك ي حازم مش راكب على بعضه اوعي تقولي مناقصه وتلاعب فى الشركه وإن عمي ليه يد لأ انتم وراكم حاجه اكبر من كده هتحكو ولا أنا احكى لعمى عثمان ولحمزه إلي يعجبكم ........
حازم: اوووووووف الواضح أن مفيش فايده اتفضل أتكلم مع علي واحكيله بس يريت بجد الحوار ده يفضل بينا لأنه له وقته والوقت لسه مجاش
توفيق: أنت شاب ذكي جداً ولماح بس جه الوقت أنى احكى لحد علشان فعلا محتاج مساعده ومش أي مساعده
علي: ممكن تقصر فى الكلام وتحكي لأنى قلقت من نحيتك فيريت تتحكى وتلخص
توفيق: هحكى بس من غير م الخص ........
******************
حمزه: صباح الخير عليكم هو علي فين ....
خالد: أكيد نزل يضيع وقت يلا هصلي الضحى وننزل سوا
محمد: تمام وكمان نشوف البنات نعدى عليهم ونطمن على سولي
سلسبيل: صباح الخير حقكم عليا أنا تعبتكم معايا
نرمين: فعلا بس يلا كله بثوابه يلا قومى صلي الضحي وبطلي كسل
إيمان: النومه هنا صعب ويظهر كده كان فى حاله هنا فى الاوضه إلي جمبنا
سندس: أه فعلا وكمان الممرضه دخلت هنا بالغلط واعتذرت وقالت فى حاله طارئه
سلسبيل: معقول خالد وحمزه لسه نيمين
نرمين: اهاااا كملي ومين تانى ...متتكسفيش ي شابا
سلسبيل: إيه مالك عايزة إيه على الصبح بطلي كلام لأننا متعودين نقوم بدرى
إيمان: مين مزعلك ويسأل اسئله ملهاش لزوم
سلسبيل: الست نرمين لما بتفوق هتفوق عليا أنا مش تقول أنى عيانه وبلاش إرهاق علشانى
نرمين: لا والله وانتى بتعتقي حد ده انتى م بتصدقي حد يقع تحت ضرسك
سلسبيل: أيون أصل صحتى بتيجى عليكم ونفسي تتفتح للحياه يلا عايزة افطر علشان نروح جدو وحشنى أوى وصحو الاساتذه الي لسه نيمين
إيمان: طيب هصحيهم وانتى يلا قومى صلي
حمزه: أنا هشوف البنات وبعدها انزل اشوف الدكتور أحمد عيزين حاجه
خالد: استنى أنا هاجى معاك والاكيد إن الدكتور أحمد لسه مصحيش لأن كان فى حادثه بالليل كبيرة
حمزه: معقول وأنت عرفت منين ده أنت نايم قبلنا
خالد: أتصل بيا د/ أحمد وقالي أنزله لأن باقي الدكترة مش موجودين ومفيش جراح غيرة وكان محتجنى والحمد لله قدرنا ننقذ حياه أسرة بحالها
محمد: لا اله إلا الله دول من البلد ولا منين لأن الوقت متأخر أوى إن حد يكون طالع ومعاه أسرته كلها
حمزه: ربنا يشفيهم ويعافيهم. ي رب
علي: جاحظ العين لا ينبت ينطق بأى كلمه وينظر تارة لتوفيق وتارة لحازم
حازم: ارجوك ي علي اتمالك نفسك علشان خاطر أهلك وبلاش أى حد يحس بأي شيئ
توفيق: خليك أد ثقتى فيك أنا حكيت كل حاجه ومحتاج مساعده منك أرجوك ي علي
علي: أنا أقدر اقوم ولا فى كلام تانى ممكن يتقال
توفيق وحازم: لاء مفيش أى حاجه بس خلي بالك حد يحس عليك وارجع تاني علي وإلا كل حاجه ممكن تضيع
علي: عن اذنكم وصعد إلى إخوته ...ودخل الي سلسبيل صباح الخير البنات صباح الخير
علي: عامله ايه النهارده أحسن
سلسبيل: أه الحمدلله كويسه بس أنت مالك شكلك زعلان
علي: لأ أصل منمتش كويس فتلاقينى فاصل
إيمان: اقتربت من أخيها ووضعت يدها حول اكتافه مالك ي علي فعلا شكلك مش طبيعي فى حاجه مزعلاك
نرمين: أنا عرفه ماله ونظرت لسولي اهو هيرجع فى كلامه من قبل قرايه الفاتحه
سلسبيل: يرجع فين المشوار مكلف بنزين وضغط وأنا ضغطى هيعلي قال يسبنى قال ولا ايه ي عليوة البنات هيتريقو عليا
علي: لأ أنا هشوف الشباب فين وارجعلكم
سلسبيل: ااااااه بطنى الحقونى
علي: بفزع مالك حاسه بأيه انطقى ونزلت دمعه هاربه من بين جفونه
سلسبيل: ليه الدموع دى مالك قولي إيه وجعك
علي: أنتى بتهزرى ي سولي وبتعملي عيانه ينفع كده
حمزه: مالكم على الصبح فى إيه مالك ي سولي
سلسبيل: الأخ زعلان ومكتئب قولت افوقه بس أدى الحكايه
خالد: طيب يلا جهزو حالكم علشان الدكتور هيعدى على سولي وبعدها هنروح
نرمين: ماشي تمام بس علي مش طبيعي بجد ماله
حمزه: منمش فضل صاحى كان عايز يصحينا معاه
محمد: طيب أنا هنزل اجيب فطار تكونو أنتم جهزتم
*****************
الجد محمد: صباح الخير يلا زمان الأولاد على وصول
هناء: لسه بدرى ي عمي الساعه ٩ ده على م يوصل الدكتور ويكشف يطلعو على الظهر
اميمه: المهم اخدتى الدوا ولا لسه ولا عايزة خالد يحاسبنا
مها: صباح الفل والياسمين عليكم
الجد محمد : صباحك هنا على قلبك يعنى صاحيه بدرى ولا كنتى فى الأرض
مها: لأ كنت بظبط حجات ورحت الأرض قولت اعدى أصبح عليكم
عثمان: تنورى فى أي وقت ي مها ... ده بيتك
مها: طبعا بيتى من غير كلام
اميمه : علشان تغير مجرى الحديث بقولكم ايه تحبو تشربو قهوه
صالح: يريت وتعالو نشربها فى الجنينه برة وننادى على عمى رافت
هناء : وأنا كمان محتاجه أمشي شويه زي ما قالي خالد واهو اتسند على مها
عثمان: وأنا رحت فين ي قلبي أنا مش اسندك أنا اشيلك فوق عنيا
هناء : ربنا يخليك ي عثمان مش عايزة اتعبك معايا
عثمان: تعبك راحه يلا بينا واخذها تتمشي فى الخارج أمام أعين الجميع
صالح: سبحان مغير الاحوال بقي ده عثمان
اميمه: ربنا يسعدهم ي رب هناء تستاهل كل خير
مها: فعلا تستاهل كل خير مش تستاهل عثمان بس أنا عينى عليك يا عثمان كده أنا أتأكد أنك بتدبر لمصيبه منك لله ...
الجد محمد: خير ي عثمان ناوى على ايه بحورك بقت غميقه ي أبنى وأنا بايدى ورطت حفيدى معاك وي عالم إيه بيدور فى راسك أنا خلاص تعبت منك ومبقتش عارف أنت عايز إيه زوجه صالحه واولاد زى الفل وعيله كتير يتمنوا يكونو جزء منها طالع ليه نبت شيطانى ليه قصرت معاك في إيه
صالح: بااااااابا سرحان فى إيه بتكلم مع حضرتك وأنت في دنيا تانيه
الجد محمد: لأ بس الجو حلو اتصلت وشفت الاولاد رجعين امتى
صالح: حمزه: أتصل لسه الدكتور معداش على سولي. أول ما يشوفها هيخرجو على طول إن شاء الله
اميمه: القهوة وصلت هى هناء لسه بتتمشى...
مها: أه أهم رجعين ...
عثمان: على فكرة أنا جيلي ضيف المهندس مدحت لأن فى أوراق لازم تكون امضيها وأنا عزمت عليه يقعد معانا يومين
هناء: وماله ينور بس كفايه عايزة اقعد رجلي والجبس محمل عليها وجعونى
عثمان: ألف سلامه عليكى يا حبيبتي
هناء : الله يسلمك ....
هناء: لما أشوف اخرتها معاك إيه ي عثمان .......
الجد محمد: لصالح رتبت أمور إبنك علشان لما يوصلو يتفاجئو
صالح : كله تمام ونظر لاميمه التى ضغطت على أيده
اميمه: بلاش تحمل نفسك فوق طاقتها وايه يعنى لما تساعد جمال وسهرت معاه وخلصتو حاجه الأولاد وبصراحه أنت من غيره كنت احتست خالص ويلا أتصل عليهم
صالح: بتخدرينى بكلامك وديما بتحسسينى أن الأمور كويسه
اميمه: وهي فعلا كويسه يلا بس كلم الولاد وشفهم وصلو لفين
خالد: يلا ي سولي الدكتور جاي يشوفك قبل م تمشي
حمزه: طيب أنا هقف برة ونادى على محمد وعلي
حمزه: مالك ي علي حاسس أنك غريب ووشك دبلان فى إيه مالك فى حد زعلك
علي: وإذا فى حد زعلنى يعنى هتعمل ايه
حمزه: طيب شوف أنا ممكن أعمل إيه فى أي حد يفكر بس يزعلك مش يزعلك
علي: الغربه بتعلم الواحد الجفا أنت جايب منين الحنيه دى كلها وحبك لينا ي حمزه كبير اوى ومش مستحمل علينا اى حاجه تدايقنا وديما محوط علينا. زى ما نكون ولادك اتعلمت فين ده كله بجد نفسي أعرف
حمزه: أنا اتربيت في نفس البيت مع نفس الأشخاص بس الفرق أنى كنت مندمج اكتر مع عمى جمال وعمى ماهر اتعلمت منهم ازاى أدى ومنتظرش المقابل اتعلمت ازاى اخاف على إلي ليا من غير ما اخنقه وكمان اتعلمت أهم حاجه ازاى أحب بدون مقابل مهما إللي قدامى ضرنى مقابلش ضررة بنفس طريقته لازم أعلمه واوجهه بس إذا فشلت يبقي فى طرق تانيه
علي : علمنى نفسي أتعلم منك حجات كتير ومن النهارده أنا مش هفارقك لحظه أنت سامع
حمزه: بس كده أنت تأمر وبس هو ده الي مخليك سرحان ولا خايف من الجواز
علي: ههههه لأ ... علقه تفوت كلنا لها
محمد: أنت لحقت تقول علقه طيب بعد كتب الكتاب ابقي اتكلم ويلا سيادتك على البيت ولا نسيت الترتيبات.......
علي: همشي معاكم رجلي على رجلكم
محمد: مالك ي علي أنت كنت قايم بتضحك ومبسوط ومرة واحدة اتغيرت حاسك اتقلبت ١٨٠ درجه فى حاجه بخصوص سلسبيل
علي: كل حاجه ملغبطه تفكيري وكمان سولي أنا مش عارف حاسس أنى ضايع
محمد: تعالى كده واستهدى بالله وإذا حابب تتكلم اتكلم لكن لازم كمان تعمل كل مسؤلياتك على أكمل وجه ومن حق سولي أنك تسعدها وأنت كمان لازم تنبسط واى حاجه تزعلك اركنها
حمزه: أمسك يد أخيه واستاذن من محمد واتمشي معه قولي ي علي مالك إيه مخوفك أوي كده وليه رجلك على رجلي احكيلي على الي جواك مش يمكن تكون غلطان
علي: وهو ينظر لأخيه أنا بحبك أوى ي حمزه بس مستحيل افرط فيك أو أنك تحط نفسك مكان حد أنا مش هسمح إنك تاذي نفسك
حمزه: وقد زادت حيرته اكتر أنا مش فاهم حاجه تعالي ننزل تحت ونتكلم برحتنا
علي: أكيد هنتكلم بس مش دلوقتى بعد كتب كتابي وكمان عايز اطمن على سولي وأن فى متبرع
حمزه: أول مرة أشوفك جد وبتتعامل رسمى
علي: لازم أشيل عنك الحمل شويه وأشوف مسؤلياتى إيه واعملها
حمزه: هاااااا ماشي طيب خد محمد ويلا علي البيت وأحنا هنيجى وراك ومفيش اعتراض ماشي
حازم: السلام عليكم ورحمه الله وبركاته
حمزه: وعليكم السلام ورحمه الله وبركاته إيه صاحى بدرى
حازم: جيت لتكون محتاج حاجه وكمان علشان نشوف التحاليل
حمزه: بس يطلع الدكتور واطمن وبعدها ننزل سوا
حازم: بنظرة لعلي كى يطمئنه بأن يهدئ من روعه
علي : بنفس النظرة إلي كلها قلق وخوف .....
حمزه: وقد لاحظ هذة النظرات فتأكد أن علي على علم بشئ خطير وكبير
محمد: فهو مراقب للاجواء ولأن أمر علي غير مريح فراسل والده وأخبره بكل شيئ
خالد: لحمزه: إحنا هنروح دلوقتى وحاله سولي كويسه وفى حجات علشان الوقايه لازم تعملها
حمزه: وحالتها إيه دلوقتى تقدر تتحرك عادى
خالد: حركه خفيفه من غير مجهود. وكمان فى ممنوعات بخصوص الأكل ودلوقتى هما هيلبسو علشان نروح وهنزل المعمل اشوف نتيجه التحاليل
حمزه: مفيش داعي لأنى لسه طالع وللاسف حازم وعمه غير مطابقين
خالد: بزعل كان عندى أمل بأن حد منهم يطلع مطابق والعمل سولي مستحيل تقدر تتحمل
حمزه: إن شاء الله خير ونادى على محمد يلا خد علي وروحو كل حاجه رتبتو ليها هتتعمل ماشي وأحنا مع بعض على فون
وصل علي ومحمد للمنزل وسلمو على الجميع
صالح: حمدالله على السلامه يا عريس ...
علي: الله يسلمك ي بابا
محمد: طيب هستاذن أنا أروح وابقي ارجع
علي: استنى أنا هروح معاك وهلبس هناك إذا مكنش يدايق حضرتك ي جدو
الجد محمد: هنا بيت جدك وهناك بيت جدك روح ي حبيبي النهارده يومك وطلباتك أوامر
عثمان: م تلبس هنا وأنا وابوك هنشرف عليك
علي: بتهكم على عمه ماليش أنا فى أن حد يشرف عليا أنا بحب حد يشاركتى عن أذنك
عثمان: ماله ده بيتكلم معايا كده ليه .....؟
صالح: متزعلش ي عثمان أنت عارف علي لما بيتوتر بتبقي حالته ازاى
عثمان: لأ هزعل ليه يلا هى جت عليه
هناء: اميمه ممكن تدخلينى لحسن زهقت ورجلي تعبتنى أوى
عثمان: أنا اهو اسندك ي حببتى يلا تعالي ..واخد هناء للداخل
اميمه: أنا اسعد واحده النهارده ابنى هيتحوز وكمان احوال هناء مع عثمان استقرت أنا بجد مش عايزة اكتر من كده الحمد لله ي رب
سميحه: أنا. مستحيل يصادفنى قلب زى قلبك ي اميمه انتى إلي مفيش منك أصلا
حمزه: لخالد هى إذا اتوفرت الكلي ممكن سولي تعمل العمليه امتى ....
خالد: نعملها على طول بعد شويه فحوصات وتحاليل كل حاجه هتبقي كوبسه ليه .. انت لقيت متبرع
حمزه: هما البنات اتاخرو كده ليه يلا خلونا نروح
سلسبيل: إيه ده هلبس الفستان ده ازاى مين جابه
رحيق: تقريبا كده ماما سرحت وبعتت فساتين سواريه عموما البسو وخلاص إحنا هنركب العربيه ومحدش هيلاحظ
سلسبيل: والعيال يجرو ورانا ويقولو العبط اهم ويضربونا بالطوب فى حد يلبس سواريه
نرمين : أه انتى اهو هتلبسي واحنا معاكي يلا البسي خلينا نروح
إيمان: أنا نعسانه أوى عايزة أنااااام...
سلسبيل: البت ضاعت من وقت م طلعت بالنسكافيه والواد الي قعدت معاه إلا الواد ده راح فين معقول يعلق البونيه ويمشي
رحيق: ههههههههههههه خلاص علقتيهم في بعض والله ملكيش حل انتى
سلسبيل: اه ولازم يتحوزها ويصلح غلطته ده نادى عليها وقعدو سوا وأحنا من عيله محافظه
رحيق: عيله محافظه ي بت بس...
سلسبيل: اه محافظه سوهاج ههههههههههه
نرمين: البسي وبطلي كلام .....
سلسبيل: لأ متطلبوش حجتين ي البس ي ابطل كلام بتعب أنا يووووو
سندس: يبقي تلبسي الأول وانجزى خالد مش بيحب يستنى حد وبيزهق اخلصي
سلسبيل: ي ذيدى ي ذيدى عقبالى كده لما اولع فى علي ولا هو يولع فيا الله هتبقي عشتنا هباب اهيييييي
رحيق: ده إيه الحب المنيل ده ي بت عيشي اللحظه
سلسبيل: سيبك انتى ي ملمسه ي متغريه غرغرتى بحمزتى ي سهونه وخليتى الواد بيكلم الحديد
رحيق: ههههههههههههه هبقي اعلمك تقولي لعلي كلام جميل بس انجزى
سلسبيل: أنتى عيزاه يشك في اخلاقي تؤ تؤ أنا كده تمام اوي يلا نلبس زى المهابيل سواريه على الصبح
حمزه:: هما إتأخرو ليه خلونا نروح ..... أنا زهقت والله وجه عليا اليوم الي استنى فيه بنات بتلبس مش مراتى بس
خالد: إذا مطلعوش خلال عشر دقائق همشي اوووووف
نرمين: فتحت الباب يلا جهزنا اهو خلينا نروح ونزلو جميعا إلي السيارة وانطلقوا للمنزل
محمد: يلا ي عريس خالد على وصول يلا بينا نستعد وننتظرهم برة
علي: يلا ......
محمد: اوقف علي ارجوك ي علي افصل اي حاجه مديقاك وعيش اللحظه الجميله مع سلسبيل وافرح وفرحها ومتخليش أى حاجه تبعدك عن سعادتك ماشي
علي: معاك حق وابتسم لمحمد وامسك كتفيه واحتضنه جامد فعلا معرفه الناس كنوز وأنا عرفت اخ تاه مننا مع دوامه الحياه وإن شاءالله مفيش حاجه هتفرقنا عن بعض أبدا
حمزه: وصلنا اهو هننزل فين هنا ولا عند جدك رافت
خالد: عند جدو رأفت يلا هننزل عند البوابه الكبيرة
علي: دول وصلو خلاص بس مش شايف سولي
محمد: اتقل بقي ويلا الطبل والمزمار جهزين
واتجمع الجميع فى انتظار البنات وتقدم علي فى انتظار عروسته على نار
ودخلت سلسبيل فرأت بعض الرجال يحملون طبل ومزمار وأول ما رأوها بداو الإحتفال بها فنظرت فإذا بعلي لابس جلبيه وماسك النبوت وبدأ يتراقص بالعصا ويتمايل وهو سعيد فانضمت له إيمان وبدأت الرقص معه فتشجعت رحيق وسندس ونرمين وبداو الرقص وسلسبيل فى غايه السعاده وانضم اليهم بعد وقت قصير حازم وعمه توفيق فتحمست سلسبيل وارادت أن ترقص معهم
علي: النهارده ليلتك ي قلب علي كل طلباتك اوامر بس من غير ما تتعبي ودخلو جميعاً الي الداخل وتفاجئت سلسبيل بالماذون بالداخل ونظرت للجميع أنا هتجوز حد يقرصنى
علي: اكتب كتابي والفحك قلم ي حببتى علشان تصدقي
خالد: ههههههههههههه طيب يلا ي شيخنا اكتب واثناء ذلك دخل عليهم مدحت ورمى السلام
وجلس بجوار عثمان وانتهى المأذون وهما أن يمشي إلا واجلسه عثمان لسه عندنا كتب كتاب تانى ي شيخنا
المأذون على خيره الله فين العروس .....؟
حمزه: مين ي عمى هيتجوز وليه معندناش علم
عثمان: ادينى بقولكم إيه العروسه نرمين هتتجوز مدحت وأنا اخترته لبنتى عريس ليها يلا ي شيخنا
الجد محمد: أنت اتجننت ازاى مش مدحت ده متجوز وعنده بيت واولاد انت اتجننت
صالح: فعلا انت مجنون ومش هسمحلك بالجريمه دى
خالد وعلي وحمزه: جالسون لايتكلمون أبدا بل اكتفو بالنظر
عثمان: بنظرة انتصار لحمزه بنتى وأنا حر وكمان بنتى موافقه يلا ي شيخنا
الجد رافت: مخبرش كيف ي ولدى بترمى بتك كيف البيعه أكده جنيت إياك
اميمه: حمزه أنت ساكت ليه ارجوك أعمل حاجه اتصرف
مدحت: جالس وهو سعيد فقد اقترب من هدفه أخيرا
حمزه: أعمل إيه ي ماما مش شيفا إصرار عمى خلاص ...
عثمان: أول مرة تتكلم صح ياااااا .......حمزه
حمزه: بس بقيت كلامى الصح وهو أناعايز أشوف ازاى هتجوز واحده متجوزه أصلا .......؟
عثمان: وكان دلو ساقع انسكب عليه مين متجوزه أنا بتكلم عن بنتى نرمين .... ؟
حمزه: وأنا بتكلم عن اختى نرمين هى متجوزه وفى عصمه راجل
صالح واميمه : فهمنا ي ابنى إحنا مش فهمين حاجه
هناء: بابتسامه جميله بيقول البنت متجوزه إيه الغريب والي مش مفهوم
عثمان: اقترب من نرمين وامسكها من ذراعها انطقي الكلام ده صح انتى اتجوزتى ومن ورايا
نرمين: اطرقت رأسها للأرض اه يا بابا اتجوزت
عثمان: رفع يده عاليا كى يصفعها فإذا بيد ممسكه به فنظر بمن ماسك أيده حازم سيب ايدى واطلع برة البيت
حازم: أنا مسمحش لحد يمد ايده على مراتى مع احترامي ليك طول ما أنا عايش محدش يلمس مراتى
عثمان: والصدمه الجمته أنت اتجوزت بنتى من غير علم أهلها ليه لييييييه
خالد: أنا كنت وكيل اختى يعنى مش من ورانا ولا حاجه أنا شفت سعاده اختى مع حازم
عثمان: وأنت مين أنت وازى هاااا وضرب خالد على وجهه بالقلم وهما ان يضربه مرة أخرى فتصدر له حمزه وامسك يد عمه كفايه بقي ي عمى شوف سعاده بنتك فين بلاش الوهم الي أنت عايش فيه وقراراتك الي بتاخدها لوحدك ارجوك فوق بقي
عثمان: وكأنه ثور هايج لاااااا كده كتييير فخافت نرمين فاختبئت وراء حازم
حمزه: اقترب من عمه أهدى ي عمى خلاص الي حصل حصل
عثمان: بغل وكره لحمزه فعلا خلاص والي حصل حصل بس أنت جبت اخرك معايا ي أنا ي أنت ي حمزه .........
**********
الفصل ١٦★ اسرار القلوب★ الجزء الثاني
حمزه: اقترب من عمه أهدى ي عمى خلاص الي حصل حصل
عثمان: بغل وكره لحمزه فعلا خلاص والي حصل حصل بس أنت جبت اخرك معايا ي أنا ي أنت ي حمزه .........
**************
عثمان: وهو مازال ينظر إلى حمزه ويشعر بانتصارة عليه قولي امتى وفين ازاى البنت تتجوز وأنا معرفش ونظر الى هناء انتى كنتى تعرفي وبصريخ انطقي كنتى تعرفي ولا إلي عمله حمزه جه على هواكى
خالد: تقدم ووقف أمام أمه كى يحميها من بطش أبيه امى متعرفش حاجه ولا ليها يد فى الي حصل لأن الي حصل أنا الي دبرته كله لأن نرمين مش سلعه ولا تجارة ي بابا... بقي عايز تجوز نرمين وشاور على مدحت للشخص ده بالله عليك ازاى حضرتك بتفكر ازاى المفروض إن تفكيرك كله لينا مش علينا
عثمان: بنفس انفعاله ازاح خالد من أمامه ووجه كلامه الي هناء كنتى عرفه ولا..... لأ انطقى
هناء: حقيقي معرفش بس أنا مبسوطه لأن بنتى اخدت شاب يستاهلها مش واحد عينه زايغه عنده بيت وزوجه ومستقر فى حياته ازاى كنت موافق تهدم بيت زوجه ازااااى فوق بقي من الي أنت فيه مش معقول الكل غلط وأنت صح
عثمان: رفع أيده للاعلي كي يصفع هناء فتصدر له اخيه جمال وأمسك يده
جمال: بهمس لأخيه نزل إيدك دى أنت جبت اخرك معايا فاهم أنا سبت البيت من زمان علشانهم واقدر اهد المعبد بس عليك فاهم واهدى لأن بابا تعبان
عثمان: فتراجع خطوه للوراء هى الحكايه كده أنت متفق مع حمزة علشان تدمرو بيتى وتدمرونى متقول من الأول إن الحقد والغل عموك ولسه عميينك طبعاً م أنا إلي كشفتك وظهرت حقيقتك قدام بابا أنت وماهر الكلب
حمزه: فنظر الي سندس وسلسبيل وبصوت عالي بسسسسسسسس كفاااااايه...... مهما صوتك كان عالي خلاص الي حصل حصل ونرمين اتجوزت وفى عصمه راجل وكمان حضرتك كنت شاهد على جوازتها ي عمى
عثمان: بذهول انااااا وشاهد ازاى
حمزه: يوم كتب كتابي أنا وخالد بس حضرتك اليوم ده كنت موجود ومش موجود لأنك مضيت وكنت مبسوط او كنت بتدعى أنك مبسوط مش عارف
عثمان: بتذكر فهو كان مضطرب وقتها بسبب ضربه لهناء فهو أراد أن يلغي الزيجه وقتها فتغيرت ملامح وجهه يعنى عايزين تقولو أنكم استغليتو أنى كنت سرحان
خالد: محدش أستغل حاجه حضرتك كنت تايه ومش عارف مالك واقترب من والده إلا صحيح ي بابا كان مالك اليوم ده ولا كنت حاسس إن ماما فيها حاجه لأنك اصريت أنها تكون موجوده وكمان كنت رافض كتب الكتاب إلا لما تيجى........ ؟
عثمان: بتلعثم فى رده ا.ااا ناااا يييعنى ......
حمزه: إيه الهبل إلي بتقوله ده ي خالد عمى واثق أن طنط هناء كان حلمها أنها تحضر كتب كتابك فطبيعى ده رد عمى وبلاش نقلل من الي عملناه لأنه من حقه يضربنا ويزعق بجد أنا متاسف ي عمى بس خفت على نرمين أوى لكن أتمنى أنك تبارك ليها هى وحازم وصدقنى مش هتندم على جوازها ده ابدا
عثمان: وكأنه بيحلم ولنفسه هو الواد ده مجنون بيكلمنى ليه كده وكمان بيعتزر
سلسبيل: ممكن أفهم ليه خالو أتكلم عن بابا بالطريقه دي وليه شتمه وهو بابا زعل خالو فى إيه ....؟
الجد محمد: مفيش حاجه ي حببتى خالك غضبان وهو غضبان بيتكلم وبس ونظر لعثمان ولا عندك كلام تانى عايز تضيفه
حمزه: قولتلكم عمى غصب عنه ....
صالح: أنت تسكت خالص ومسمعش صوتك كل تصرفاتك غلط بتتصرف من غير حساب وكانك مسؤل عننا لأ فوق ي حمزه أنت غلطان إحنا ناس صعيده هنقول للناس ايه جوزناها فى السر طيب ليه رد ....حسبت كل الكلام ده ولا لغيت تفكيرك
حمزه: بصدمه من ابيه للمرة الثانية لاء ي بابا أنا درع لاخواتى علشان احميهم مش ااذيهم كل حاجه عملتها لمصلحتها الماذؤن من البلد وكبرات البلد لما هنوكم هنو ال٣ جوازات مش جوزتين انتم الي مكنتوش معانا واى حاجه لحمايه اخواتى هعملها من غير تردد لأنه هيكون الصح
عثمان: أخيرا اتكلمت ي صالح. يريت تربي إبنك وتخليه يبعد عن ولادى مالوش دعوة بيهم وكلامى موجه لخالد ونرمين كمان ملكوش اى علاقه بحمزه
خالد: م تقولي أنام واصحي الساعه كام إذا سمحت ي بابا .........
الجد محمد: بصوت عالي ايييييه أنا مت ومش عارف ولا ايه كل واحد عنده كلمه بيقولها ولا كأنى واقف وأنت ي عثمان اقعد وأهدى ونظر لحمزه وأنت لازم توضحلي الي حصل وليه اتصرفت من غير علم حد فينا
خالد: اسمحلي ي جدو لأن أنا الي اخدت القرار مش حمزه بلاش تتهموه
حمزه: خالد إذا سمحت سبنى أتكلم واقول اسبابي وبعدها أنا متأكد إن عمى هيشكرنى
مدحت: روح ي شيخ ربنا ياخدك أنت لازم تختفي من طريقي أنت لو عايش معايا مش هتسبقنى بكل الخطوات دى كلها زى ما تكون قارئ افكاري
حمزه: لعمه عثمان وينظر داخل عينه وهو يتحدث ي عمى البشمهندس مدحت إنسان مش منضبط أخلاقيا ومفهمك أنه كويس المحترم شغال مع شركة من الي بتاخد عقودات ومناقصات وللأسف بيبنو ابنيه غير صالحه وبيلعبو فى كل شيئ من مونه لحديد علشان المكسب السريع وللأسف بيعرفو يطلعو منها لأنهم بيوجهو أصابع الاتهام لشخص بريئ للأسف مقابل أنه يلبس القضيه وبياخد مبلغ بسيط وللأسف كمان البشمهندس متورط معاهم فى الاتجار بأعضاء بشريه ومعاه شبكه كبيرة بس خلاص قريب أوى كل حاجه هتنكشف
مدحت: كح ..كح..كح..كح..كح.كح أنااااا عن اذنكم ماشي وأنت غلطان بس مش هرد عليك مع السلامه
حمزه: على فين أنت هتمشي بس مش على بيتك على بيت جديد وهيعجبك أوى ونظر لعمه فشعر بخوفه فطمئنه أنا كنت بحميك منه ي عمى لأنى كشفته ومكنش ينفع أنى اسمح بأنه يستغلك بجوازه من اختى
حازم: أنا كنت عارف كل حاجه وبلغت بيها حمزه وهو اخد التدابير اللازمة لحمايه عمه وحمايه نرمين منه
صالح: عينه رايحه ما بين عثمان وحمزه وهو فى حاله زهول مما حدث امامه
صالح: لأخيه عثمان أنت متورط مع البنى آدم ده فى الشغل الي قال عليه حمزه
حمزه: بابا لو سمحت ازاى تتهم عمى عثمان عمى مش بالاخلاق دى ولا هيكون عمى بيحبنا جدا وبيخاف علينا أوى ولا ايه ي طنط مها
مها: هااااا وأنا مالي عيزنى اقول إيه ما أنا مش مصدقه أصلا
حمزه: لاء يريت تحكى إلي حصل وسيبي الحكم لينا إحنا وحكيت مها ما حدث فى المعمل من عثمان فنظر له أبيه بتعجب عثمان أنا قولت الدم عمرو ما يبقي مايه
هناء: عثمان مستحيل فى حاجه غلط ي ترى ي حمزه ليه وعلشان إيه تصرفك ده
جمال: بنظرات تحذيريه لأخيه ممكن نفهم ي حمزه تقصد ايه إنك تخلي مها تحكى الكلام ده وهو ده هينفى أصابع الاتهام من على عثمان
مدحت: سيبونى امشي والا عليا وعلى اعدائى ياعثمان بيه خليهم يسيبونى امشي وإلا أنت كمان هتقع معايا مش هشيل الليله لوحدى
الجد محمد: تقصد ايه ونظر لعثمان أبنى متورط معاك .....
الجد رافت: ابااااااي الولد غرق ورايد يغرق ولدنا معاه ولدنا عثمان متربي زين من بيت جووود لايمكن تكون اخلاقه أكده
الجد محمد: فهمونى أنا مش فاهم حاجه أنا تهت وسط عيالي ي رأفت ي ترى ليه .....
حمزه: مفيش توهه ولا حاجه ي جدى عمى عثمان أنتم ظلمينه لأنه برئ من أى تهمه
عثمان: فهو جالس لا حول له ولا وقوة وينظر لحمزه وكأنه يستنجد به وبعد مرور نصف ساعة دخلت الشرطه وقبضو على مدحت بمساعده توفيق وحازم
حمزه: ودلوقتى بلاش نظرة الاتهام لعمى دى لأنه بيحبنا بجد والي محدش يعرفه إن عمى عمل التحاليل وطلع أنه مطابق لسولى وخفي تحاليل خالد وسندس علشان هو الي يتبرع لسلسبيل
سلسبيل : يتبرع وليا أنا ليه أنا عندى إيه......؟
علي: للأسف حصلك فشل كلوي لأنك مولوده بكلي واحده ولازم حد يتبرع ليكى علشان الألم ده يخف
سلسبيل: ارتمت فى أحضان خالها عثمان أنا بحبك أوى. بس مكنتش افتكر أنك بتحبنى بالطريقة دى ي حبيبي ي خالو
جمال: عثمان يتبرع ....ولسولي ازاى ......!!!!!
مها: عثمان مستحيل فى سر ولازم اعرف ...
هناء: ليه ي حمزه بس ليه ي ابنى بتلعب بالنار عمك مش سهل أبدا أنت فاكر إنك هتقفل باب مليان غل وكره وتفتح باب حب وامل غلطان ي حمزه بس لازم احميك منه وكمان سكوته ده وأنه منكرش ولا كلمه ده بياكدلى أنه متغيرش التغيير اوله ندم وده م صدق لقي مبرر لنفسه
صالح،: يعنى أنت ي عثمان خفت على الولاد وهتتبرع أنت لبنت اختك .....
اميمه: ربنا يخليك ي عثمان فرحتنا قدرت تسعدنا كلنا
سميحه: بدموع ربنا يخليك ي عثمان أنا مش عرفه كنت هعمل ايه إذا البنت حصلها حاجه كنت هموت من كتر القلق
سندس وسلسبيل : احتضنو امهم بعد الشر عليكى ي ست ماما وبطلي عياط
حمزه: لعمه ارفع راسك ي عمى لأننا فخورين بيك والحمد لله إن مدحت انكشف قبل ما يورطك معاه
عثمان: لنفسه هى الحكايه كده لأ لعبتها صح مدحت واتحبس وأنا وهتبرع بكليتى بس عرف منين إن تحاليلي مطابقه وكمان خالد وسندس أنا استهونت بيك واتعاملت على أنك شاب صغير كل طموحه مكسب فى السوق ده أنت ولا الاخطبوط والعمل ي عثمان أنا هتبرع للبنت ولا ايه .......
توفيق: بما إن جواز حازم ونرمين اتعرف يبقي لازم الاشهار
هناء: معاك حق وكمان ليله دخلتهم بكرة إن شاء الله خير البر عاجله ليه نتأخر وكل حاجه جاهزة
مها: قولتيلي علشان كده جهزتى الدور الثالث وفرشتيه للاولاد
اميمه: تصدقي أنا افتكرت إن الغرف دى لينا ههههههههههههه طلعتى ذكيه ي هناء
عثمان: بقي هى الحكايه كده يبقي انتى معاهم ي هناء لأ وايه بتعرفي تعملى خطط ومن غير م أحس بس الأهم دلوقتى اضمن سكوت الزفت مدحت وليا أنا تصريف تانى ولازم أعرف إيه حكايه حازم وايه يجبرة أنه يتجوز بنتى ويحميها علشان إيه ..... ؟
الجد محمد ورافت: ربنا يسعدكم ي ي أولاد ويتمملكم على خير
صالح: ألف مبروك عليكم ونظر لابنه ولم يبارك له ونظراته كلها غضب منه ومن تصرفاته
جمال: ألف مبروك وربنا يتمملكم على خير واقترب من عثمان وهمس له حمزه عطاك فرصه يريت تستغلها وتصلح إلي خربته وقرب للعيله وبلاش امورك الدنياويا فوق قبل فوات الاوان الدنيا بتفتح دراعتها ليك خدها واحضنها وانسى وبص على الشباب أى حد يتمنى نص اخلاقهم بلاش ترجع لطريق نهايته اكيده كلها ندم ووقتها مش هيفيد الندم حمزه بيمدلك ايده لحياه جديده مفيهاش غير عيلتك وبس
عثمان: بنفس همسه غور وابعد عنى أنت بالذات تبعد واوعي تفتكر أن بابا هيرجعك البيت تانى لأ فوق طول ما أنا عايش مش هتخطى باب القصر ي جمال
جمال: ربنا يهديلك حالك مش عارف اقولك ايه مش عارف واعتدل وقام من جواره
حمزه: بما إن فرحنا بكره يبقي فى تجهيزات كتير ولا ايه ي شباب
توفيق: اسمحولى أتدخل ولو بجزء صغير أنا عايز يكون ليا دور في الفرح ده بقالي كتير مفرحتش
خالد: طبعا حضرتك عم العريس وتقدر تشارك في كل الترتيبات
توفيق : طيب هو أنا ممكن اجيب فساتين الافراح للبنات هديه منى ليهم وكمان كل طلباتهم مجابه
سلسبيل:. واااااو الله هتجوز اعلي هتجوز بكرة هيييييي
علي: ي هبله اسمها هنتجوز بكرة انتى مالك مش مجمعه ولا الفيوس عندك ضرب
صالح: ووجهه عابث مبروك عليكم أنا هروح ارتاح شويه راسي وجعانى
اميمه: أنا هاجى معاك وسألت مها عايزة حاجه منى
مها: لأ ي قلبي أنا هخلص كل حاجه واحصلك علشان نفرش للولاد وكمان نروح المول نجيب حجات ناقصاهم
اميمه: ماشي خلاص هنتظرك......
الجد محمد: نادى على توفيق واجلسه بجوارة إلا قولى أنا أعرفك شفتك قبل كده فين أنا مش عارف فين بس بحكم السن أكيد مش فاكر
توفيق: للأسف محصليش الشرف أنى اشوفك قبل اليومين دول يخلق من الشبه اربعين
الجد محمد: يمكن بسس حتى صوتك فيه شبه .....ونظر له بتمعن معقول لأ لأ ودقق فى ملامحه اكثر
علي: اجدو بقولك ايه أنا هتجوز الهبله دى المفروض تامنو على حياتى مش ضامن ممكن تعمل فيا إيه
الجد محمد: ههههههههههههه بس ي واد أنت اخدت قلبي كله وإياك اعرف إنك زعلتها
علي: طيب ممكن تاخد منها إقرار بأنها متزعلنيش لحسن والنعمه اغزها ويلا ي عم توفيق علشان ننزل المول ونجيب فساتين البنات
حازم: اقترب من نرمين أنا جهزتلك شقتك هنا هى مش كبيرة أوى وغيرت الفرش كله ليكى طلبات تانيه
ترمين من وهى تنظر للأرض لأ شكراً ... وشكراً لأنك وافقت إنك تساعدنى لكن مش مطلوب منك تكمل للآخر أنا هنهى كل حاجه
حازم : نظر لعثمان وهناء ممكن بعد اذنكم اخد نرمين واتمشي برة فى الجنينه
هناء: اتفضل ي بشمهندس دى مراتك
حازم: أمسك بيد نرمين أمام نظر الجميع وخرج بها للخارج
سلسبيل: أمسك ..م تمسك ي اخ
علي: انتى بتكلمينى عيزانى أمسك إيه .....ونظر حوله
سلسبيل: ما أنا عرفه بختى ... أمسك اعصابك ي علي علشان لما اقتلك اووووف
إيمان: ي واد حس على دمك كل واحد قاعد وماسك ايد مراته وأنت قاعد زى الحيطه اتحرك
علي: اتحرك أعمل إيه أنا متلغبط طيب غششينى .....غششي اخوكى حبيبك
إيمان: هى المشاعر فيها غش قول الي حاسه جوة قلبك ليها وخصوصا إن دى أول مرة هتتكلم عن مشاعرك
علي: ما هى دى المصيبه أنا بعرف اعصبها انفرذها لكن احب فيها مجربتش ونظر اليها فهى مسلطه نظرها على جدها وتوفيق ...
علي: جلس بجوارها سرحانه فى إيه مالك
سلسبيل: خد امسك دى فمدت له اديها
علي: ههههههههههههه ي مجنونه بس أعمل إيه بموت فيكى
سلسبيل: اييييه بتقول ايه فنظر إليها الجميع وارتبك علي من علو صوتها قول قولت إيه
علي: ابتسم للجميع معلش من اثر التعب طلع على نفخها اترزى فضحتينى
سلسبيل: بقي كده طااااا متقولش أنا هغير لبسي علشان نروح المول يلا سلام
علي: استنى هروح معاكى واهو نتمشي شويه واقولك نفسي فستانك يكون ازاى
سلسبيل: عايزه ازاى يعنى اهو كله شبه بعضه بس ميمنعش تقول بس أمسك ايدى الأول علشان المظهر العام ويلا
حازم: قبل ما تتكلمى ولا تقولى كلمه واحده لازم تفهمى أنى بحبك وبحبك بجنون ومش شايف غيرك ومتمنتش غيرك زوجه ليا ده اول حلم ليا احققه وهو انتى
نرمين: حلم وحياتك إحنا لسه نعرف بعض من كام شهر اتولد امتى الحب ده كله وكمان مكنش فى بينى وبينك اى تعامل كتير
حازم: هتعرفي كل حاجه في وقتها لكن دلوقتى لازم تفهمى أنى مستحيل أبعد عنك سمعه عيزك تقربي منى وتفهمينى لحد ما تحبينى مش كل جواز كان عن حب هو حقيقي حب من طرف واحد بس عشمان خير ومتأكد إنك هتحبينى
نرمين: بابتسامه أنا هدخل جوة علشان اغير لبسي والحق اروح المول عن اذنك
حازم: اقترب منها وقبل رأسها امسكى ده .....
نرمين: إيه ده مش فهمه....؟
حازم: ده كريتد كارد علشان إذا احتجتى لأي حاجه تشتريها ومتقوليش لأ... لأنك مراتى وأنا مسؤل عنك ماشي
نرمين: هزت رأسها بخجل وتركته ودخلت الي المنزل
سلسبيل:لنرمين رايحه فين يلا تعالى هنروح نغير لبسنا علشان ريحين المول ولا هنروح بالسواريه ده
نرمين: يلا بينا ......علشان منتاخرش وفين سندس ورحيق وإيمان
سلسبيل: جيين ورايا بس يلا علشان نغير وكمان علشان إلي رايح معانا عمو توفيق أنا حساه راجل طيب أوي بس ليه ديما عينه على خالو عثمان وخالو صالح
نرمين: كرمبو مش وقت تحرياتك يلا نغير خلينا نلحق ننزل حد يقول فرحنا بكره والله حاسه اني بحلم
سلسبيل: الحمى برحتك أنا مش بحلم أنا أنا هجيب جردل غرا واشتغل بقي ي عيله ملزقه
إيمان: يلا ي رحيق انتى وسندس علشان نغير لبسنا ونلحق سولي ونرمين
حمزه: تليفونه رن الوووو اهلا اذيك يعنى مجتش أنا انتظرتك كتير عموما أنا ممكن اقبلك فى المول عقبالك فرحى بكرة وبصراحه فرحى أنا واخواتى وطبعا أنت معزوم
الجد محمد: يلا إحنا كمان ي رافت نشوف هنعمل ايه ولا هنفضل قعدين كده
الجد رافت: كيف تعالى ويايا وانى اقولك هنعملو إيه
عثمان: وأنا كمان همشي عايز أنام راسي مصدعه
هناء: خدنى معاك يا عثمان وأنا كمان تعبت من القعده
عثمان: بتردد تعالي يلا وخرجو سويا وهى تتكئ عليه
صالح: ربنا يصلح الأحوال بس قلبي مقبوض كده ليه
اميمه: بدون رد منها أنا كمان هروح وأنتى ي مها هستناكى متتاخريش عليا علشان نلحق نخلص حاجه العيال
صالح: أمسك بيد زوجته مالك شكلك زعلان فى إيه هو أنا زعلتك ولا حاجه....
اميمه: كمان مش عارف أنت عملت ايه فكر ي صالح وشوف عملت ايه وحاول تصلحه
صالح: تعالى هنا فهمينى أنا صدر منى إيه مزعلك وبصراحه بعد إلي حصل مش عندى راس تفكر الدنيا كلها ملغبطه عندى من التفكير وكمان تايه
اميمه: ممكن تقولي أنت بتعامل ابنك حمزه ليه كده ليه ديما بعيد عنه ليه مش بحس أنك فخور بيه وبحكمته وبحبه الكبير لعيلته ليه مش بتقف جمبه وتحميه ليه أنت أول واحد بتهجمه ليه ي صالح ليه
صالح: أنا مش بعيد عنه حمزه ابنى ولما باجى عليه علشان بحميه إبنك النهارده فتح على نفسه باب جهنم وي عالم بكرة هيخبيله إيه حتى عثمان أنا تهت من تصرفاته واحساسي بيقولي إن إلي حصل قدامى كله عكس يعنى إبنك بيحمى عمه عثمان وضحى بمدحت بس الأكيد مدحت مش هيسكت وأنا لازم أشوف مدحت لازم أعرف كل حاجه ولازم احمى أبنى بلاش تظلمينى ي اميمه يمكن اكون بعيد عنه بس ده ابنى حته منى ومقدرش اشوفه بيحارب المجهول وأنا افضل ساكت أنا هاجمته علشان خفت .. .ايوة خفت عليه ده هو الي هتسند عليه لما اكبر ده هو سند العيله كلها ومش عيزانى اقلق عليه واخاف
اميمه: يااااا..... يا صالح لما أنت بتحبه أوى كده ليه مش بتقوله ليه ديما تصرفاتك كلها معاه جامده محسستوش بحبك ليه ولا اخدته فى حضنك ليه فهمنى
صالح: علشان احميه احميه من غدر الدنيا حمزه بيتعامل بقلبه وادى النتيجه فتح على نفسه ايه جبهه كبيرة ويريت حتى إحنا عرفين هنحارب مين دى عصابه والواضح انهم مافيا أنا لازم أشوف مدحت واعرف منه كل حاجه وأعرف مدى تورط عثمان معاه إيه
اميمه: بطيبه عثمان بريئ مالوش علاقه حمزه برئه
صالح: بابتسامه لزوجته علشان ده حمزه إبنك علشان يحمى عمه ممكن يحط نفسه مكانه وأنا متأكد أن الموضوع فيه حاجه مش واضحه
جمال: اخيراااا فهمت ي صالح بس أنت حساباتك كلها غلط خد إبنك فى حضنك وحسسه بحبك وبلاش تجافيه وتقول إنك بتحميه حمزة إنسان جميل قلبه نقي ومفيش عنده غيرنا إحنا وعلشان يحمينا ممكن يعمل أى حاجه خده فى حضنك وبلاش تبعده عنك
توفيق: اسمحولي اتدخل بينكم واقول حاجه
اميمه: طيب استأذن أنا يلا يا مها وانتم كملو كلامكم برحتكم...وخرجت هى ومها
مها: حبكت تقولي يلا كان نفسى أسمع الي إسمه توفيق ده هيقول ايه الفضول هيقتلنى واعرف السر الي وراه إيه
جمال: نظر خلفه أنت هنا من امتى ماخدتش بالي إنك موجود
توفيق : أنا مخرجتش أصلا وغصب عنى سمعت كل حاجه وآسف أنى هتطفل عليكم بس هى كلمه ولازم تعرفوها ونظر لصالح إبنك حوليه خطر وخطر كبير ومطلوب أننا نحميه لأن حمزه كل إلي يهمه يحميكم ويحمى عمه عثمان
جمال: نظر له تقصد ايه بكلامك ده ومين الي ممكن ياذي حمزه ولا تقصد مدحت .... ؟
توفيق: لأ مدحت كارت محروق خلاص بالنسبه للناس دى هيخوفوه او يسكتوة بطريقتهم لكن الخوف على حمزه وللأسف محدش يعرف الضربه ممكن تجيله منين
صالح: اقترب من توفيق وامسكه من تلابيب قميصه أنت مين وعرفت منين كل ده وليه عندى إحساس بأنى اعرفك او شفتك قبل كده وليه متكنش أنت الي عايز تاذي ابنى رد عليا أنت ميييييين او هقتلك هنا ..... ؟
*****************
مين بقي الرجل الغامض ده واحساس صالح ايه ...؟
والسؤال التانى ي ترى حمزه عنده فكرة أنه معرض للقتل ولا بيحمى عمه عثمان وبس ...؟
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله الجزء الاول من هناااااااااا
الرواية كامله الجزء الثاني من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
 الفصل الخامس عشر والسادس عشر بقلم رانيا قنديل رواية اسرار القلوب( الجزء الثاني) الفصل الخامس عشر والس…){kind=link}
تعليقات
إرسال تعليق