رواية اسرار القلوب( الجزء الثاني) الفصل السابع عشر والثامن عشر بقلم رانيا قنديل
رواية اسرار القلوب( الجزء الثاني) الفصل السابع عشر والثامن عشر بقلم رانيا قنديل
الفصل ١٧★ اسرار القلوب★ الجزء الثاني
صالح: اقترب من توفيق وامسكه من تلابيب قميصه أنت مين وعرفت منين كل ده وليه عندى إحساس بأنى اعرفك او شفتك قبل كده وليه متكنش أنت الي عايز تاذي ابنى رد عليا أنت ميييييين او هقتلك هنا ..... ؟
*****************
حمزه: هما البنات فين اتاخرنا ومش عايز تاخير يريت نجيب المهم فاهم ي علي....
علي: هاااااا هجيب إيه ..... وايه المهم ...مش عارف أنا بصراحه
خالد: بالزمه ده منظر واحد هيتجوز بكرة مالك مسهم كده ليه
علي: لأ أنا مش هتجوز هى سولي الي هتتجوزنى البت مش عارف اتكلم معاها كلمتين على بعض
حمزه: وأحنا فى المول بعد ما تختار فستنها ابقي خدها واشترليها هديه جميله هى هتفرح بيها على طول
علي: امممممممم صح والله ممكن بدل ما هى مسروعه وسرعانى معاها
رحيق: والبنات إحنا وصلنا هنركب ازاى ....
علي: تعالى هنا انتى وسندس وإيمان وخالد يلا اركبو
خالد: وأنت ......
علي: أنا هركب مع حازم كده كله تمام يلا ننطلق
حمزه: فين عم حازم أنا مش شيفه ليه ...
خالد: هو مطلعش أصلا من بيت جدك رافت شكل القعده عجبته
حمزه: أتصل على عمك ولا نسبقه إحنا
حازم: هتصل عليه واستعجله ....
علي: متتصلش أنا هدخل اشرب وانادى عليه .....
*************
صالح: انطق ي بنى آدم أنت ... أنت مين وعايز إيه من أبنى وليه مش مرتحلك قووووول وازاى عارف كل حاجه عننا ونظراتك لينا مش مرتحلها انطق
علي: ده يبقي عمى ماهر ي بابا جوز عمتى .....
صالح: تراجع بضع خطوات للوراء ومن شده الصدمه وقع على الكرسي ماهر ازاى وشكلك .... لأ لأ إيه بيحصل أنا مش فاهم حاجه
جمال: مش ممكن ماهر أنت عايش ازاى طيب إحنا دفنا مين ومين اللي كان فى عربيتك وليه بعد السنين دى راجع ولا دى حدوته جديده
توفيق : ولا حدوته ولا حاجه بعد ما عرفت بالي عمله عثمان وأنا راجع من المطار وقفت لواحد كانت عربيته عطلانه في الطريق ركب معايا وبعدها كان فى عربيه ورانا وبدأت مطارده كبيرة لحد ما وقعونى بالعربيه من فوق الجبل
جمال: بردو مش فاهم اازاى ونجيت ازاى .....
توفيق: الراجل الي معايا هو الي مات واتفحم وأنا كمان كان في حروق فى كل جسمى وعلى ما خرجت من العربيه انفجرت بالراجل الي جوه وناس طلعونى وبما أن الراجل اسمه توفيق من خلال بياناته الي كانت فى الشنطه الي لاقوها واقعه برة العربيه فوقت لقيت نفسي برة مصر بتعالج من حروق فى جسمى ووشي حاولت اتصل عليكم بس عرفت الأخبار وعرفت كل حاجه كان مدبرها عثمان والي اكتشفتها أنا وجمال بس رمى التهم كلها علينا وفضلت سنين اتعالج ووهمت الناس الى حواليا أنى مش فاكر أى حاجه لأن كان للراجل زوجه وبيت وأطفال وبكده ابقي بحمى نفسي لحد ما احط خطوات للرجوع بس للأسف الزوجه اتوفت وأنا فضلت أنى اكون زى ما أنا وراقبت بناتى وولادكم وكمان كنت بذاكر لحمزه بلندن مع مصطفى وبما إن وشي كله شاش حمزة ميعرفش غير صوتى وبس وكمان بعض تصرفاتى الي يعرفها
صالح: مصطفي صديق حمزه ... ؟
توفيق: اه ده إبن الراجل الي مات أنا ربيته زى حمزه وكنت معاه ومع حمزه فى الكليه خطوه بخطوه
جمال: وازاى وصلت للمعلومات دى كلها
توفيق: مالك ي جمال أنت ناسي أنا بكون مين ومن خلال معارفي قدرت أوصل لكل الي أنا عايزة
صالح: توصل لايه وابنى دخله إيه وازاى أتأكد إنك ماهر شكلك متغير يعنى صوتك بس فهمنى
علي: طيب أنا هروح المول مع اخواتى برة ولما تخلصو كلام ابقي حصلنا
توفيق: لأ استنى أنا الي هختار فساتين بناتى مش كفايه اتحرمت منهم ...
صالح : هتمشي من غير ما توضح هتسيبنا فى حريتنا دى ولا ايه
جمال: خطى باتجاه توفيق ونظر له وتمعن النظر فيه واقترب من أذنه فين المصلحه ي عزيزي ....توفيق المصلحه فى المصحه ي دبيكى وابتسم له توفيق
جمال: ماهر وأخذه باحضانه ياااااااا ي صحبي الدنيا كانت وحشه من غيرك
صالح: أنتم بتقولو إيه فهمونى ......
جمال: دى كلمه بينى وبينه لما بنحب نعرف حاجه سييم مابينا أنا وهو وبس
صالح: يعنى عايز تقول إن إلي واقف قدامى ماهر .....؟
ماهر: أنا ماهر الي صدقت فيه كل حاجه ومحاولتش حتى تدور على الحقيقه واستسلمت لأوراق مزيفه من عثمان عنى وعن أخوك .... ماهر إلي فضل بعيد عن بيته مجبر مش مخير علشان احمى بناتى وعيلتى من عثمان كنت أنت فين من كل الأحداث دى سيبت كل حاجه لعثمان سيبته لما ورط نفسه مع ناس الله أعلم ممكن يعملو إيه ....
صالح : وأنت بقي الي ورطت أبنى مع الناس دى علشان تنتقم منى
ماهر: مفيش منك فايده..... إبنك أنا نفسي معرفش اتورط معاهم ازاى وعرفهم منين ولما دورت ورا حمزه كل الي قدرت اوصله أنه عرف حجات كتير عن عثمان وشغله المشبوة من خلال الابنيه بس للأسف حمزه لازم يتأكد ويعرف إن عثمان كمان ليه فى تجارة الجملة الاعضاء
صالح : هاااااا تجارة اعضاء .......!!!
جمال: بردو عايز افهم أنت عرفت عن حمزه ده كله ازاى أنا ي دوب اكتشفت حجات والواضح أنه وصل ليها قبلي فهمنى ازاى
ماهر: حازم يبقي اخو مصطفي صديق حمزه بس طول السنين دى حازم فى مصر بيدير شركه والده مع عمه واخواته ومصطفي أسس لنفسه مع حمزه شركه صغيره وكبروها وبسم الله ماشاء الله بقي ليها سيط كبير أوى بس مصطفي ميعرفش أى تفاصيل نهائي لكن حازم عارف كل حاجه وهو بيحاول يكون حامى لحمزة بمساعده الشرطه
جمال: الشرطه يعنى إيه تقصد إن عثمان هيتقبض عليه ...... ؟
ماهر: للأسف مفيش أى حاجه تدينه لأن حمزه بيمحى كل دليل على عمه بس الخوف دلوقتى على حمزه مش عثمان
علي: أنا هكون درع لاخويا ومش هسمح باى ضرر ليه مش معقول اسيبه يضحى بنفسه وأنا أتفرج
ماهر: يريت الكلام ده محدش يعرف بيه لأنه مش وقته وأنت ي جمال كمل كل الي بتعمله علشان تحمى حمزه بس خلي بالك من نفسك ومن محمد إبنك
صالح: أنت ي جمال كنت عارف وبتحمى ابنى وأنا إلي رافض أسلم عليك ......طيب ازاى ومحمد دورة ايه ده أنا طلعت إنسان سطحى ومعرفش حاجه عن عيلتى وأنا ضيعت ابنى من حضنى أنا مستهلش ابنى حمزه هو كتير عليا كتيييير
علي: احتضن ابيه متقولش كده يا بابا حمزه بيحبك أوى وبيحبناا كلنا امسح دموعك وتعالى روح معانا المول وفرحه بوجودك هناك
جمال: يلا ي صالح روح معاهم وافرح وفرح إبنك وارمي حمولك على الله
صالح: ونعمه بالله يلا بينا......
ماهر: مش وقت عتاب الوقت ده للاولادنا وجه الوقت الي نسعدهم ونفرحهم يلا ي صالح انت و علي خلينا نحصلهم للمول وكمان عايز الحق مصطفى قبل م يشوف اخوه مع حمزه ......سلام
********************
وصلو إلى المول وذهبو لاختيار فساتين زفاف للبنات
حمزه: معلش هستاذن ثوانى صديقي واقف تحت هنزله ويمكن إذا لقيته فاضي اجيبه يتعرف عليكم
خالد: متتاخرش خلينا نخلص ورانا حجات كتير أوى
حمزه: مش هتاخر ورد على هاتفه الووو أنا نازلك اهو ..... والله طيب منتظرك مع السلامه أنا فى الدور الرابع مع السلامه
خالد: إيه يعنى قفلت مش نازل ...
حمزه : لأ هو طالع وإن شاءالله هعرفك عليه ده بقي في استنساخ منى علشان كده هو اكتر حد قربت منه واتعاملنا كتير مع بعض وهو شريكى فى الشركه فى لندن
خالد: ربنا يخليكم لبعض ي حمزه الصداقه حاجه نادرة جداً
حمزه: معاك حق وهو كمان شخصيه جميله أوى ومحترم وهتحبه اول ما تشوفه
مصطفي: العريس عامل ايه طبعا هايص مفيش حد ذيك النهارده بس أنا مش هعطلك
خالد: ههههههههههههه فعلا عامل زى المغسل خد هدنه ي جدع براحه
مصطفي: مش عايز اعطلكم هاخد توقيعك على كام ورقه بس محتاج منك مترجم باللغه الايطاليه علشان الفوج هيوصل كمان أسبوع
حمزه: عندى أنا مترجمه بكذا لغه بس أنت هتفضل معانا النهارده ومش هتمشي
مصطفي : صعب افضل هخلص كام مشوار وإذا خلصت بدرى هلحقكم اوك وكمان لسه بدور على اخويا الي اتجوز من غير علمى وفرحه بكرة
حمزه: إيه ده افهم من كده إنك مش هتحضر فرحي أزعل ي صحبي
مصطفي: أكيد مش هضيع فرح صديق عمرى وغربتى هجيلك واستاذن مصطفي منهم
سلسبيل: الفساتين تجنن وأنا محتارة أوى أختار إيه
سندس: انتى واقفه ليه هنا دى فساتين لغير المجبات تعالي هناك
سلسبيل: لأ ماليش دعوه عايزة البس من هنا شيفا الموديلات تجنن
إيمان: معقول هتلبسي فستان كب وقصير أوى كده طيب مسالتيش نفسك علي هيوافق ولا عمتو سميحه ولا جدك ي نهاااار وكله كوم وجدك رافت كوم تانى
سلسبيل: خلاص ...خلاص فهمت هيقيمو عليا الحد امشي منك ليها اوووووف
رحيق: تعالو أنا اخترت ده وده إيه رأيكم
سلسبيل: ايه هتلبسي مرتين مرة للمعازيم ومرة لحمزه .....؟
رحيق: ههههههههههههه ي حببتى هختار منهم واحد يلا قولولى ااقيس أنهى الأول
سندس: قيسي ده شكله روعه ....
سلسبيل: وأنا هختار إيه حد يساعدنى محتارة
علي: أنا اهو موجود تعالى معايا ننقي سوا.
إيمان: لأ مينفعش تنقي معاها بيقولو فال وحش اطلع برة ي علي
سلسبيل: اطلع ي علي للجوازه تبوظ كده هتبقي نحست على الآخر وأنا عايزة اتجوز أطلع
حمزه: إيه طلعت ليه مش قولت هتساعدها ...
علي: والنبي سيبونى فى حالى البت دى محتاجه كتالوج ليله الفرح أنا بدأت اخاف على نفسي منها
حمزه وخالد: ههههههههههههه ههههههههههههه خليك شجاع أنت قدها وقدود ي بطل
علي: الواضح أنها هى قدها وقدود مش أنا .......
حمزه: بابا حضرتك جيت المول ليه هتشترى حاجه
صالح: لأ بس ولادى الاتنين هيتجوزو وأنا عايز اكون معاهم خطوه بخطوه واتمم على كل حاجه
توفيق: إحنا وصلنا المول وقعدنا شربنا قهوه وطلعنا ليكم على طول
حمزه: تحب نبتدى منين ي بابا اممممم تعالي أناجيبتلك بدله جديده مع فستان ماما
صالح: طول عمرك لماح وتحب تسعد الي حوليك بس النهارده وبكرة ده واجبي أنا واقترب من حمزه أنا آسف ي حبيبي إذا زعلتك النهارده حقك عليا بس من خوفي عليك والله
حمزه: بابا حضرتك ميصحش تعتذر منى أنا إبنك وتربيتك ارجوك بلاش تتكلم بالطريقه دي حضرتك تأمر وأنا أنفذ واحتضن ابيه بكل الحب حب وموده
حمزه: فهو أسعد شخص الآن على وجه الأرض فهو يري سعاده اخوته وأبيه موجود معاه لأول مرة ... الحمدلله هكذا تحدث حمزه..
توفيق: بابتسامه مش كفايه ويلا نشوف البنات وصلو لفين خلونا ننجز ورانا كذا مشوار
علي: بيقولو أنى لو شفت الفستان هيبقي فال وحش وأنا خايف من المجنونه بتعتى تختار فستنها أصلي أنا عارفها
حمزه: يلا بينا ندخلهم ونشوف اختارو إيه
صالح: لاء مفيش ليكم دخول هدخل أنا وعمكم توفيق نخلص مع البنات تكونو خلصتو حالكم يلا
علي: خدنى معاك ي والدى أنا غلبان وواخد مفتريه
خالد: بس ي علي وتعالي معانا يلا وذهبو الشباب ودخل صالح وتوفيق للبنات وسألهم صالح خلصتو حالكم ولا إيه
علي: اتسحب ودخل خلفهم كى يري مجنونته ماذا اختارت
سلسبيل: معقول خالو حضرتك هتكون معانا
صالح أه ويلا ادخلى قيسي وتعالى فرجينا أنا وعمك توفيق
سلسبيل: هوا أنا اختررت كذا حاجه بس ممكن متعجبكوش
صالح:ادخلى قيسي وسيبي إلي يعجبنا او عكسه لبعدين
رحيق: إيه رايكم يا ....عمى صالح مكنتش اعرف أن حضرتك هنا
صالح: بسم الله ماشاء الله إيه الجمال ده قمر ي قلب عمك ربنا يحميكى
رحيق: يعنى خلاص الفستان ده عجب حضرتك خلاص هاخده
صالح: تعالى هنا اختارى أنتى ي حببتى وإلي يعجبك هناخده
رحيق: لاء ي عمو أنا شفت اعجباك بالفستان أول م طلعت مستحيل اغيرة واحتضنت عمها وقبلته لأول مرة
صالح: بدموع ربنا يحميكى ويباركلنا فيكى يا قلب عمك
علي: من خلف الاستاند الله فين الهبله بتعتى عايز أشوف اختارت إيه ...
سندس: خارجه بفستنها ونظرت أمامها خالو
صالح: الله أكبر بسم الله ماشاء الله إيه الجمال ده كله كنتم مخبينه فين
توفيق: بدموع بيداريها الله أكبر إيه الجمال ده ربنا يحميكى ي بنتى
سندس: شكرا لحضرتك
علي: مخبيين إيه بس ي صالح اطمن على مرات ابنك المجنونه أنت مركز مع العقلين ليه لما اشوف أنا مصيبتى وثوانى وطلعت نرمين فانبهر بها صالح وتوفيق ....
توفيق: فين عروستنا سلسبيل مطلعتش ليه ...
علي: ايوه كده حد يفوقلي طلعوها والنبي وشوفوها لابسه إيه
حمزه وخالد: لعلي إنت واقف كده ليه ومستخبي
علي: سيبونى اطمن على مصيبتى اوعو
حمزه: وقف متنح هو وخالد وجاء من خلفهم حازم ووقفو مزبهلين من جمال زوجاتهم
علي: اقفل منك له المرور هيعدى وثوانى وخرجت سلسبيل وهى لابسه حاجه غريبه فضحك صالح وتوفيق عكاشه عليها وسالوها إيه إلي لابساه ده
سلسبيل: فستانى بتاع الفرح
علي: ي خراب بيتك ي علي الي لسه مبقاش بيت ونظر لحمزة وخالد وسالهم هى لابسه إيه هو إيه ده
حمزه: بتنيح مش عارف هى لابسه إيه
خالد: هو تقريبا كده والله أعلم ......مش عارف الصراحه
حازم: هى لابسه طرحه وده المهم ...
علي: اوعو انا هدخلها تخلع البتاع ده الي مش فهمه
صالح: إيه ده ي بنتى وماله ملغبط كده ليه وهو بنطلون طويل وواحد قصير ولا هو بايظ
توفيق: اه صحيح ده بيكون ايه ده ي حببتى ...؟
سلسبيل: فستان زفاف على الموضه حاجه جديده
علي: دخل انتى ي بت انتى اخلعي الهباب ده الي مش عارفله راس من رجلين
سلسبيل: سلامه الشوف أدى راسي وشاورت على رجلها ودى رجلي
علي: خبطها على رجلها نزلى رجلك الي نصها باين دى أنتى عايزة تفرجي الناس علينا ويقولو الهبله اهى ويجرو وراكى بالطوب
سلسبيل: الله رومانسي خالص وأجرى معاك ي عليوة
علي: نظر لحمزه ليستنجد به فرآه سرحان فى رحيق ونظر لخالد فهو نفس الحاله أما حازم فهو فى عالم آخر ....فوق منك له شوفو المصيبه دى والله الغي أم الجوازه دى ونظر لسولي وابقي قبلينى لو اتلزقتى يا ملبكا انتى ولا حتى اتغريتى منك للى كلت عيالها ي بعيده
سلسبيل: اقتربت منه مالك بس الفستان روعه أهون وجميل وجديد بالله عليك مش يخطف النظر
علي: ييييييي. لأ ي حببتى ده يخطف سكينه تقطع فيكى ي روحي امشي ي بت غيرى الزفت ده ولا اقولك أنا ختارلك حاجه تلبسيها
سلسبيل: خلاص خلاص هختار أنا اووووف
إيمان: امشي قدامى يعنى لازم تعصبيه كده امشي
سلسبيل: طيب والنبي وحش الفستان ....
إيمان: مش لما افهم ده فستان ولا جر شكل اخلصي
صالح: نظر لعلي اهدي ي حبيبي هى هتغيرة خلاص م أنت عارفها بتحب تناغش الكل تلاقيها حبت تهزر
علي:لما أشوف هتطلع امتى بأيه المرة دى علشان اخنقها وارتاح
خالد: ههههههههههههه أهدى اهى إيمان طلعت وسأل إيمان لبست إيه المرة دى
إيمان: مش عرفه قالتلي اطلعي برة اهى سندس طالعه
صالح وتوفيق : هاااااااا
حمزه وخالد والبنات : هاااااااااااااا
علي: مالكم متنحين كده ليه هى الهانم طلع........... إيه ده هى لابسه إيه
سلسبيل: إيه رأيك افتكر كده جميل أوى
رحيق: أحمر هتلبسي فستان زفاف أحمر
علي: اه اصلي هعلقها على المشنقه عبوشكلك ي شيخه أنتى بتخضينى ليه ي بت انتى عملت فيكى إيه
سلسبيل: دة موضه ي علي معقول وحش عليا
علي: لأ ده وحش ليا أنا ماشي عن اذنكم
سلسبيل: تابطت فى ذراع علي فهى المرة الأولى التي تلمسه على بتوهان ابعدى عنى وابقي احضري الفرح ولما تخلصي ابقي حصلينى وااااه اوعي تدخلي عليا بالبتاع إلى لابساه ده يلا سلام
صالح: كده ي سولي تزعليه اهو مشي زعلان
سلسبيل: أنا مقدرش على زعله هغير على طول واحصله
توفيق: لأ انتى اختاري فستان عدل وبطلي تختارى حجات غريبه ماشي
سلسبيل: اقتربت من توفيق اصلي بحب كل حاجه غريبه وجديده وأنا اخترت فستانى خلاص بس حبيت أتأكد من حاجه .....
إيمان: تتاكدي من إيه ...
سلسبيل: ولا حاجه عن اذنكم
********************
عثمان: أنا نازل اتمشي فى الجنينه ي هناء عايزة حاجة
هناء: خدنى معاك اتمشي شويه بدل م تقعد لوحدك
عثمان: لاء انتى تعبتى ارتاحى وأنا شويه وطالع عن أذنك
عثمان: نظر من حوله جيدا واجري إتصال هاتفي الوووووووو ايوة أنت عرفت طيب والعمل
المجهول: عرفنا من المحامى مدحت ورقه اتحرقت خلاص لكن دلوقتى إبن اخوك ولازم نخلص منه سامع
عثمان: خلاص أنا هعرف هو هيسافر امتى وهبلغكم لأنه الواضح أنه يعرف كتير بس بلاش تخلصو منه هنا البيت حواليه غفر كتير زى ما خلصنا من ماهر اخلصو منه
وفي حاجه كمان إلي اسمه حازم ده أنا مش مرتحله اتحرو عنه عايز اعرف كل حاجه متتاخروش عليا مع السلامه
****************
الفصل ١٨★ اسرار القلوب★ الجزء الثاني
عثمان: خلاص أنا هعرف هو هيسافر امتى وهبلغكم لأنه الواضح أنه يعرف كتير بس بلاش تخلصو منه هنا البيت حواليه غفر كتير زى ما خلصنا من ماهر اخلصو منه
وفي حاجه كمان إلي اسمه حازم ده أنا مش مرتحله اتحرو عنه عايز اعرف كل حاجه متتاخروش عليا مع السلامه
*********************
حازم: اقترب من نرمين يلا غيري فستانك لأنى مش هكون مسؤل عن تصرفاتى ....
نرمين: بخجل عجبك الفستان .....
حازم: عجبنى الفستان والحشو الي جواه امشي ي نرمين الله يسترها علينا امشي ...
خالد: يلا ي سندس غيري على م نخلص شويه حجات يلا ي حمزه
حمزه: فى عالم آخر مع رحيق وجالس بجوارها م تيجى نمشي زى ما انتى كده
رحيق: خلاص كلها بكرة وبس ومش هنفترق عن بعض
حمزه: إن شاء الله يلا قومى غيري وهستناكى برة
سلسبيل: غيرت لبسها فين عليوة ي خالو
صالح: قاعد فى الكافيه انزليله وبطلو خناق واعقلو بقي واهدى عليه ي سولي شويه
سلسبيل: حاضر ي خالو واقتربت من توفيق وحضرتك هتروح فين هترجع معانا البيت ولا وهتمشي
توفيق: لأ هروح من بكرة الصبح هكون عندكم إن شاء الله
سلسبيل: حضرتك هتروح معانا نتغدى سوا او نتعشا لأن الوقت عدي ماشي وسلمت عليه ونظرت له مش هتاخر هجيب عليوة واجي
علي: جالس بيشرب نسكافيه فرأي سلسبيل قادمه إليه
سلسبيل: وأنا كمان عايزة نسكافيه ....
علي: من غير ما يبصلها لو سمحت عصير موز باللبن
سلسبيل: لع نسكافيه راسي مصدعه
علي: النسكافيه ممنوع ليكى ولا نسيتى وبطلي رغي خلينى اشرب النسكافيه بتاعى
سلسبيل: بقي كده ي عليوة هتزعلنى وكمان مخاصمني ده حتى الزعل وحش على حنكش
علي: حنكش ده يطلع إيه ... ؟
سلسبيل: ابننا إن شاء الله حنكش وكمان حزومبول
علي:.دمك يلطش غورى ي بت
سلسبيل: قعدت بجوار علي بقي دمي يلطش زعلت على فكرة وبعدين بهزر معاك ي صلاح إيه مش بتعرف تهزر
علي: ده هزار ده لبسه مش عارف حتى إسمه إيه ورجلك باينا والكل طبعا شاف رجلك ولا الفستان. كانك هيعدموكى الصبح انتى مستفزة فصلتينى
سلسبيل : إيه بتغير عليا ....
علي: اه بغير عليكى ومسمحش إن حد يشوف منك اى حاجه سمعه أنتى كلك بتعتى أنا محدش ليه فيكى حاجه سمعه
سلسبيل: الكلام الجميل ده ليا أنا. وقامت من مكانها وعلت صوتها ي نااااااس ي هووووووو أنا بحب عليييييي وهو بتاعى انااااااااا بموت فيك ي علي
علي: متنح وهو ينظر لسلسبيل لاعترافها لأول مرة بحبها له
حمزه وخالد والجميع سمعو ورأو ما حدث فابتسمو
سلسبيل: جلست بجوار علي بعد تصفيق من الحضور حولهم إيه ي عليوة مش هتعمل حاجه تمسك ايدى او صباعى طب توف عليا عيب شكلي وحش والنعمه
علي___________
حمزه: اه منك ي مجنونه عملتى ايه فى الواد
سلسبيل: معملتش حاجه أنا ي دوب بزغزغه سورق منى
رحيق: بالراحه ي بنتى عليه واحده واحده
سلسبيل: واتجوز امتى أنا هو ايه إلي واحده هو العد واحد عشرين على طول مش فاضيه أنا
سندس: ههههههههههههه بطلي سربعه الواد ضاع اتهدى شويه
نرمين: هى عملت ايه عبرت عن سعادتها واحساسها إيه الغريب في كده
سلسبيل: والنبي ي مسهوكه م حد فاهمنى قدك قوليلهم بس فوقي الأخ ده ولا ليكون جاله فقدان ذاكرة ما أنا هتجوز يعنى هتجوز إن شاء الله حتى اتجوز البوب أنا جهزت الغرا واللزق بتاعى صحتى ي اخواتى الله
توفيق: وصالح: ههههههههههههه .ههههههههههههه
بس ارحمى الواد وارحمينا ويلا ورانا كذا حاجه لازم نخلصها
إيمان: طيب هنزل أنا تحت فى حجات هجيبها واحصلكم على طول
سلسبيل: خبطت على فى كتفه قوم ي قدرى ولا اقولك أمسك الصوباع دهون ي علي امسك اى حاجه طاااااا أمسك ديل الفستان لتوه منى
خالد: أنت ي زفت مالك وخبطه جامد
علي: فى إيه مالكم انتم جيتو ....
سلسبيل: لا لسه مقدمين طلب للتقديم ..........
علي: انتى قولتى إيه ي بت من شويه ......
سلسبيل: لأ ي علي أنا كنت بحمي العيال ومسحت الصاله وأنت خد حمام وادخل نام اتخمد ي علي
علي: بت أنتى فوقي كده مش معقول كان متهيئلي انتى قولتى إيه
سلسبيل: تعالى ي حمزه أمسك اخوك وسيبونى انطلق
خالد: همس لعلي البنت اعترفت قدام الناس دى كلها إنها بتحبك وأنت سبحان الله جالك شلل وسهمت كتر خيرها أنها بترد عليك أصلا
علي: اوعي من وشي ودور على سلسبيل وجرى وراها يا بت خدى وأمسك يدها وبعلو صوته وأنااااااا بمووووووووت فيكى ي أجمل وأرق سلسبيل ي أجمل قلب فى الدنيا دى كلها بحبك بحبك وحياه عيالك الي مش عارفلهم اسامى بحبك
توفيق: وقد خانته دموعه فانهمرت وحاول أن يداريها ....
رحيق: ليه الدموع دى ي اونكل توفيق بس خليها ضحكه جميله وبلاش دموع
توفيق: أصل حبهم لبعض غريب أوى ربنا يسعدهم
رحيق: لانهم هما كمان اغرب من بعض مش حبهم بس الي غريب بس مينفعش البيت من غيرهم لأنهم هما الاتنين أجمل حاجه فيه
صالح: معاكى حق ي مراه ابنى ي عاقله ربنا يحميكى ي ويباركلي فيكى يا رب
حمزه: بطرف عنيه إيه حكيتك ي عم توفيق أنت بس خلاص الصبح هعرف كل حاجه بس الأهم لازم ارجع البيت علشان أشوف عمى عثمان لازم اقعد معاه ولازم يوضحلي كل حاجه
خالد: يلا كل واحد ناقصه حاجه يجبها خلونا نروح وذهب كل واحد فى طريق
إيمان: الوووو ايوة ي ماما أنا هنا فى المحل الي قولتى عليه عيزانى اجيب إيه لأنى مش فهمه
اميمه: ادينى واحده من الي شغاله في المحل وبدأت تشرح ليها طلباتها الى محتجاها وانهت مكالمتها
إيمان : ممكن تجهزيلي كل حاجه وأنا هقعد هنا اوك
العامله: اوك بس هاخد وقت ما لما اخلص
إيمان: على راحتك أنا منتظرة هنا وجلست على كرسي
مصطفي : معقول آنسه إيمان .....
إيمان: نظرت بجوارها بشمهندس مصطفي أهلا وسهلاً
مصطفي: صدفه سعيده أخبارك إيه واخبار قريبتك المريضه ...
إيمان: الحمدلله خرجت وبقت أحسن ونظرت حولها بس أنت بتعمل ايه هنا
مصطفي: أصل اخويا فرحه بكرة ومحتاج اجيب لمراته هديه بس هديل هتيجى هنا وتختار ليها وأنا جبت حاجه بس ي رب تعجبها
إيمان: إن شاء الله تعجبها ودخلت عليهم بنت جميله جدا حاجه كده وهم فى الجمال لدرجه إن إيمان فضلت باصه عليها
مصطفي: هديل اختى ونظر لهديل ودى إيمان الي كلمتك عنها
هديل: أهلا وسهلا كويس انى لقيت بنوته عايزى اجيب حاجه مميزة لمراه اخويا
إيمان: وأنا بجيب لاخواتى البنات لأن فرحهم بكرة
هديل: الف مبروك وعقبالك ولا انتى كمان فرحك بكرة
مصطفي: بقلق وبغصه فى قلبه مما سوف تقوله هذه الإيمان إلي سلبت عقله وقلبه
إيمان: لأ أنا مش مخطوبه لسه النصيب
مصطفي: بدون شعور احسن ....
إيمان: وهديل : هااااااا
مصطفي: أنا هخرج برة خلصي وحصلينى يلا
حمزه: أنا تعبت خلاص وهلكت
خالد: ومين سمعك يلا بقي خلونا نروح هما البنات فين
علي: أنا عارف قالو هيحصلونا بس إيمان فين إتأخرت ليه
حمزه: هى نزلت لمحل هتجيب منه طلبات ماما قالت عليها
صالح: يلا ي اولاد خلونا نروح توفيق وحازم استاذنو ومشو وإيمان منتظرانا تحت ويلا علشان تلحقو ترتاحو شويه
ونزل الجميع وذهبو الي المنزل وبدأت الاستعداد لليوم المنتظر
*******************
عثمان: الوووووووو ايوه عيزين إيه دلوقتى
المجهول: هنقتل حمزه يوم فرحه وسط الزحمه وممكن تتحسب عيار جه غلط
عثمان: لأ لأ فى الفرح لأ ابنى وبنتى موجودين ومضمنش الظروف إيه حمزه عندكم اعملو ما بدالكم فيه بس يوم الفرح لأ
المجهول: ده انسب وقت صدقنى
عثمان: هو مسافر بعد الفرح بكام يوم هظبط معاكم واعملو الي انتم عيزينه الهي حتى تقطعوة مش مهم بس بعيد عن عيالي فاهم واغلق الخط ونظر من حوله خوفا من أن حدا يكون سمعه
هناء: هى و صلت لكده قتل عايز تقتل خايف على عيالك ومش خايف على إبن اخوك ومفكرتش أخوك ممكن يحصله إيه هى مستحيل تكون إنسان الكلمه نفسها حرام وخسارة فيك خسارة فيك حب حمزه وخوفه عليك بس كفايه بقي كفايه وتحاملت على نفسها ودخلت الى المنزل وهى فى حاله لايرثي لها
اميمه: حبيبه قلبي مالها أنا عرفه إنك زعلانه إننا مجهزناش البنات أوى بس تصدقي كده احسن ولما نرجع القصر نبقي نجبلهم كل حاجه وانتى يكون ربنا حاش عنك
هناء : هزت راسها هااااا ايوة بس هطلع لاوضتى ارتاح شويه بعد أذنك
جمال: ايوه ي محمد خلصت كل الترتيبات كله تمام
محمد: كله تمام متقلقش ومامن الفرح كويس أوى
جمال: ماشي ي حبيبي بس عيزك تأمن على حمزه اكتر واحد فاهم أنا خايف وقلقان
محمد: إن شاء الله خير وأنا ظبط كل حاجه. وفون عمى هتبتدى المراقبه كمان ساعه وكل مكالماته هتتسجل وهنعرف كل خطوه ليه وكل تخطيطاته
جمال: مع السلامه أنت وخلي بالك من نفسك بلا لا اله إلا الله
هناء : إيه ي هناء هتسكتى ولا ايه لازم تتصرفي وتعملي حاجه حمزه مش هيكون ضحيه عثمان زى ماهر لأ مش هسكت حتى لو هبلغ بس هبلغ اقول إيه ممفيش عندى دليل ي رب دلني وقدرنى احمى حمزه ي رب
**************,,,*,,,
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله الجزء الاول من هناااااااااا
الرواية كامله الجزء الثاني من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
 الفصل السابع عشر والثامن عشر بقلم رانيا قنديل رواية اسرار القلوب( الجزء الثاني) الفصل السابع عشر وا…){kind=link}
تعليقات
إرسال تعليق