رواية اسرار القلوب( الجزء الثاني) الفصل التاسع عشر والعشرون بقلم رانيا قنديل
رواية اسرار القلوب( الجزء الثاني) الفصل التاسع عشر والعشرون بقلم رانيا قنديل
الفصل ١٩★ اسرار القلوب★ الجزء الثاني
هناء : إيه ي هناء هتسكتى ولا ايه لازم تتصرفي وتعملي حاجه حمزه مش هيكون ضحيه عثمان زى ماهر لأ مش هسكت حتى لو هبلغ بس هبلغ اقول إيه ممفيش عندى دليل ي رب دلني وقدرنى احمى حمزه ي رب
*********************
مها: لاميمه أنا خلصت اوض الأولاد مفيش غير ترتيب اللبس لما يوصلو هرتبه ماشي
اميمه: الله اوضهم جميله اوى عقبال ما افرشلهم لاوض عيالهم ي رب
مها: ي رب يا حببتى بس هناء فين ليه مجتش تقف معانا حتى لو تسلينا بلاش تعمل أي حاجه
اميمه: صعب أوى حركتها وكمان متنسيش أن لسه فى ألم بس الغريبه أنها ديما حزينه ومش بحسها معانا
سميحه: هناء حساسه أوى وكمان محضرتش كتب كتاب اولادها وكمان الفرح مش عرفه تشارك فيه بسبب رجلها وتعبها
اميمه: المهم أنها وسطنا وكويسه حد عارف الحرامى ده كان ممكن يعمل فيها إيه ربنا كريم
سميحه: إلا قوليلي ي اميمه حازم وعمه كانو بيعملو إيه هنا مع أنى شفتهم فى البيت عند عمى رافت ليه سابو الفرح وجم هنا
اميمه: مش عرفه لأنى سألته وقال إن حازم بيركن العربيه وهو دخل وسمع صوتى فطلع عليه ...
سميحه: يركن العربيه ازاى لأ في حاجه غلط لانه حضر كتب الكتاب أنا كنت وقفه وقتها وبعدين خرج ومعاه حازم بس ......
اميمه: بس ايه مالك اوعي تكونى شكيتى فيهم أنهم السبب فى إلي حصل لهناء
مها: لأ طبعاً إزاي كانت هناء قالت أو لو هما السبب كانو اذو اميمه كمان لأ لأ صعب
اميمه: بقول إيه قفلو كلام خالص وخلونا نركز على الفرح وترتيباته
خالد: الجو جميل اوي أنا فرحان أناااااا فرحااااان
حمزه: دخل راسك من شباك العربيه أنت مجنون ولا إيه حكايتكم فى الصوات النهارده
خالد: مبسوط اوى أنى هتجوز خلاص حاسس أنى طاااااير ومحدش قدى
حمزه: انزل وصلنا ابقي صرخ برحتك هنا اهو الجنينه واسعه واعمل م بدالك ...
رحيق: لحمزه وأنت مش هتصوت زيهم ي عاقل ولا ايه ووضعت اديها حولين وسطها
حمزه: اوبااااا هو أنا سيبتك مع سولي شويه اتجننتي دا انتى العقله إلي فيهم ي قلبي
خالد: لاااا الحب مفيهوش عقل أجمل ما فيه جنانه وخصوصاً إن الي بتحبه يتجنن زيك
سلسبيل: لخالد قرينى أهو يلا نصوت صوات جماعي علشان نفوق الي في البيت
علي: سولي بطلي حركه كتير ومتنسيش إنك تعبانه بلاش مجهود جامد ويلا علشان ترتاحى شويه
إيمان: علي معاه حق كلكم تطلعو ترتاحو شويه النهارده الحنه
سلسبيل: نصوت صويته واحده اطلع كل الطاقه السلبيه فيها
علي: والطاقه الايجابيه هتحتفظى بيها ولا هتوزعيها علينا
سلسبيل: بص ي علي أنا هصوت يعنى هصوت علشان ادخل أنام ومحدش يناقشنى ماشي
خالد: تعالى ي سولي بس وأنتى بتصوتى بلاش ضمير علشان متتعبيش ماشي
سلسبيل: بصت للجميع بجد أنا بحبكم اوي ربنا ما يحرمنى منكم ولا يحرمكم منى أنا حبيبتكم صوح ولا الحب من طرف واحد والنعمه اتصدم ... إيه محدش رد اتصدم أنا اااااه يعينى عليكى ي لوزة يلي فرحك بكرة ومحدش من الغجر دول بيحبك احببتى ي سولي
علي: بذمتكم دى شكل واحده هتتجوز. وتكون مسؤله عن بيت وعيال وزوج
سلسبيل : أنا هكون احلى مسؤله عن الزوج أما العيال أنت ربيهم وأنا انضف البيت اهو قسمه العدل
الجد محمد: بص يا رافت شوف ولادنا متجمعين وضحكتهم ماليه وشهم شوف بيحبو بعض ازاى وكل واحد عنده إستعداد يضحى بنفسه علشان التانى
الجد رافت: ربك عالم كيف اتربو الحريم ليها دور كبيرفى التربيه زرعو الزرعه واحسنو رويتها رووها بالحب والأمل بيناتهم ومسمحوشى بالحقد والغل يدخل بيناتهم دخلو الحب والاخوة ربنا يحميهم ويسعدهم ي رب ونشوف احفادنا ي محمد
الجد محمد: اللهم امين
اميمه : عمى ميعاد الدوا أنا بدور عليك من بدرى
الجد محمد: اميمه تعالى ي بنتى أنا مش عارف من غيرك كنا هنعمل ايه عينك علينا كلنا مش عارف اقولك كلمه توفي حقك ي بنتى
اميمه: ايه ي عمي أنت حسستنى أنى غريبه أنا يتيمه وحضرتك أخدت مكانه ومعزة بابا الله يرحمه واى حاجه يعملها ده واجب عليا
الجد رافت: روحى ي بتى إلهي يسعدك ويفرحك زى ما فرحتينا وينولك مرادك وتشوفي احفادك وتربيهم كيف الشباب دولي
اميمه: كفايه خلتونى اعيط من الكلام الجميل ده ومتنسوش أنى مش لوحدى فى تربيه الاولاد هناء وسميحه ومها ليهم دور كبير اوى حقيقي نعمه الصحبيه والاخوة إلي جمعتنى بيهم
الجد محمد: هاتى الدوا ي بنتى وروحى خلصي الي وراكى بس يريت سلسبيل ترتاح شويه وبلاش تتعب
اميمه: أنا هطلع اجيبها علشان الدوا وكمان ترتاح عن اذنكم
مها: لهناء مالك ي هناء قعده مهمومه ليه وشكلك تعبان فيكى حاجه عنيكي بتقول كلام. كتير احكى وفضفضي
هناء: لأ أبدا أنا زعلانه على قعدتى دى ومش عرفه أعمل حاجه للاولاد وده مخلينى مخنوقه
مها: بس كده متأكدة ولا فى حاجه تانيه أنا أختك وعرفاكى قولي ي هناء مالك
هناء: مفيش بس ممكن تسبينى ارتاح شويه علشان اقدر أنزل الحنه معاكم
مها: حاضر هسيبك بس احساسي أنا متأكدة منه شكل عثمان زعلك ولا عملك حاجه
هناء: فهى متاكده أن عثمان يصتنت عليها فردت على أختها حرام عليكى متظلميش عثمان واديكى شيفا هو الى بيمشينى وبيحاول يطلعنى من مودى أنا الي مديقنى تجبيس رجلي مش اكتر
مها: أنتى متاكده أصل مستحيل اصدق إن عثمان يتغير لأن قلبه حجر
هناء: عثمان طيب أوى بس يمكن الدنيا ظلمته بس الاكيد أنه طيب بس ياخد فرصه وبلاش ديما نتهمه لأن ده بيكون صعب جدا وبيخليه يعند كفايه بقي نعانده لازم نديله فرصه
مها: أنتى لسه بتحبيه بالرغم من معاملته ليكى وعدم احترامه وتقديره أنتى إيه ماشيا ورا قلبك ولغيتى عقلك بصراحه القعده معاكى تعصب بس المهم تاخدى بالك من نفسك ومن عيالك سلام
هناء: لنفسها سمحينى ي مها كنت محتاجه اسمعه كلام زى كده يمكن ضميرة ييصحي يمكن
عثمان: معقول كلام هناء دى هبله لازم تفهم أنى بحبها وبحب عيالى وإن إلي بعمله لمصلحتهم ...... ودخل على هناء ورمي عليها السلام عامله ايه النهارده
هناء: الحمد لله تمام بس الم رجلي لسه
عثمان: حقك عليا ي هناء مكنتش اقصد أنى لما اضربك يحصلك كده بس كنت متغاظ أوي من تصرفات ولادك وأنهم بيعصونى أنا عايز مصلحتهم بس هما مش فهمين
هناء: مصلحهتم ازاى أنت كنت هتجوز بنتك لواحد متجوز وعنده اولااد فين المصلحه هنا
عثمان: مدحت كسب من ورايا كتير وأنا كنت هجوزه البنت وهطلقها منه بس هما شويه وقت وكمان كانت هتطلع بمبلغ كبير من ورا الجوازه دى
هناء: بقي ده حبك لعيالك بتدور على مكاسب من وراهم ومفكرتش فى بنتك وكلام الناس لما تطلق ويريت من حد عدل إلا إنسان حرامى وميعرفش يعنى إيه أصول جاى وطمعان فى بنتى والمصيبه إنك كنت موافق صحح تفكيرك ي عثمان قبل فوات الاوان بص حواليك وشوف حب اولادنا لبعضهم ازاى كل واحد عنده إستعداد يضحي بنفسه علشان التانى من غير تفكير وأنا عيزاك تكون حامي ليهم تكون سند فى شدتهم بلاش تكون سكينه تغرس فى قلبهم بص عليهم والغي أى تفكير سيئ وشوف حد يستاهل كرهك ده او إننا نحارب بعض ....
عثمان: بتوهان لكلام هناء أنا أى حاجه بعملها علشان مصلحتهم وبس مش عايز غير سعادتهم
هناء: عيالك مش خالد ونرمين عيالك سندس الي لما يجيلك برد هى الي بتهتم بيك وفاكر لما وقعت وسلسبيل من على السلم وسولى علشان تحميك نامت فى الأرض وحضنتك وهى جالها ارتجاج فى المخ. فاكر لما كنت هتغرق وحمزه بدون تفكير راح ناطط ويريته بيعرف يعوم بس قلبه إلي بيحبك مخلوش يفكر غير أنه يطلعك ولا إيمان وسهرها جمبك وأنت رجلك مكسورة عيالنا مفيش منهم صدقنى خلي بالك منهم لما نعجز هيكونو دول عكازنا اسقيهم من حبك ي عثمان علشان تشم عبيرهم
عثمان: بعيون دامعه ونظرات كلها توهان فكلمات هناء حقيقه وحقيقه ملموسه وسأل نفسه طيب أنا كنت بضمن لولادى حقهم وكنت بحميهم من الدنيا أنا عايز ليهم كل حاجه ومش عيزهم يتحوجو لأى حد مستحيل أكون غلطان مستحيل هناء بتتعامل مع الكل بقلبها لكن أنا بعامل عيالي بعقلي وبحبهم أكيد أنا صح مش هي ونزل وهو يفكر بكلمات هناء
حمزه: نظر إلي عمه عثمان فتحدث له عمي عمييي
عثمان: هاااااا أنت بتكلمنى عايز حاجه
حمزه: مالك ي عمي حضرتك تعبان ولا إيه ....
عثمان: لاء بس فى حجات شغلانى ومش عارف اخد قرار
حمزه: أنا ممكن أساعد حضرتك اتكلم معايا ي عمي أنا محتاج اسمعك.
عثمان: تسمع إيه وعايز منى إيه نفسي الله أعرف فى إيه هنا وشاور على رأسه
حمزه: بنظرة حب لعمه بلاش تشاور على راسي شاور هنا ي عمي وأمسك يد عمه ووضعها على قلبه شوف إيه هنا .....هنا ي عمي أنت موجود مع اخواتى وكل عيلتى احكيلي ي عمي حضرتك متورط في إيه صدقنى أنا كفيل احميك ارجوك أتكلم معايا
عثمان: عايزنى اتكلم واقولك إيه مش فاهم عيزنى اجيب لنفسي مصيبه ولا عايز تظهر بدور البطل
حمزه: مفتكرش أنى عايز اقوم بدور البطوله وإلا كنت قولت إن حضرتك السبب فى وقوع شركه جدى لحسابك وكان ممكن أقول إن حضرتك كنت بتاخد الشغل بإسم شركه جدى ومن الباطن بتدى كل حقوقها للشركه التانيه الي شغلها كله مشبوة بس سؤال ي عمى أنت ليك معاهم يد فى تجارة الأعضاء البشرية او بتساهم معاهم
عثمان: بتفكير وخوف من الإعتراف مستحيل اسلمه رقبتى كده أنا تأكدت إن حمزه يعرف حاجات كتير ميفعش إنه يعرفها مش هعمل ايه معاه
حمزه: اتطمن ي عمي مستحيل افكر اذيك بس محتاج اتطمن منك أرجوك
عثمان: أنا ماليش فى تجارة الأعضاء البشرية كل الي بعمله أنى بمشيلهم شغل من شركتنا مقابل عائد مادي كبير كده معرفش حاجه
حمزه: بخيبه أمل فى عمه متأكد ي عمي مفيش حاجه مخبيها أو عايز تقول على أى حاجه ...
عثمان: لأ وسيبنى أخرج اتمشي شويه عايز هوا
حمزه: اتفضل ي عمي وخرج عثمان للخارج وامسك هاتفه واجري إتصال بأحد الرجال
عثمان: أنت بتعمل إيه ووصلت ولا لسه
الطرف الآخر أنا هنا من وقت ما اتقبض على مدحت الراجل بيبلغك إننا هنخلص من إبن اخوك بكرة فى الفرح ومتعترض فاهم وإلا عمرك انت قبله حمزه عرف كتير ولازم يموت
عثمان: متعملش حاجه غير لما اتصل عليك أنا هتصل بالراجل الكبير مستحيل يعمل حاجه واولادى موجودين قولتلكم يااما هسلمكم حمزه وأنا الي هخلص منه
الطرف الآخر: معاك وقت أتصل أنت بالراجل الكبير وأنا منتظر مكالمتك
جمال: محمد الخدمه اشتغلت ي أبنى وفون عمك بدأت المراقبه عليه
محمد : للأسف لأ فى عطل وبيتصلح متقلقش وأول م تشتغل هبلغ حضرتك عن أذنك علشان أروح للشباب واشوف تجهيزاتهم إيه واقف معاهم
جمال: روح ي حبيبي بس خلي بالك من حمزه عينك عليه طول الوقت وأنا ذودت الحراسه والغفرا وبلغتتهم إن أى حد غريب يمسكوة على طول
محمد: بابا حضرتك ممكن تهدى اعصابك وبلاش توتر يلا استأذن أنا مع السلامه
مها: أهدى ي جمال مش معقول يعنى هياذي حمزه وسط عيلته وعياله
جمال: أنا لازم اخد احتياطي من كل حاجه لدرجه أنى بفكر الغي الفرح
مها: لأ مفيش الكلام ده بلا نلغي بلا بتاع اسمعنى أنت عملت كوشه الاولاد منفصله كل واحد لوحده أنا عدلت الكلام ده وخليتها كوشه كبيرة تجمع بينهم وأنا متأكدة إن عثمان على الأقل هيخاف على عياله ولا إيه
جمال: مش عارف بقي أنا اليوم الي بستناه العمر كله ابقي قلقان كده ليه بس ي رب الستر من عندك
سلسبيل: اووووف خلاص شبعت أوى يلا أنا هنام شويه
سندس: ممكن أعرف انتى بتختفي فين بقالك فترة وأنتى برة خير بتعملي ايه أصلي بقلق منك
سلسبيل: نزلت جبت اكل اهو وباكل إيه مينفعش الله مش عروسه
إيمان: لأ ي حببتى كلى إلي نفسك فيه كله وإذا نفسك في أي حاجه بلغينى وأنا اعملها على طول
سلسبيل: حببتى ي ايمو بموت فيكى والله شويه وهجوع تانى
نرمين: رحيق أنتى مالك مسهمه وشكلك مش طبيعى
رحيق: مش عرفه قلبي مقبوض حاسه إن نفسي رايح منى ...
إيمان: عادى يمكن يكون قلق علشان الفرح وكل حاجه جت بسرعه فبتتوترى
سندس: بلاش قلق وفكرى بس في حمزه وكل التوتر هيروح
سلسبيل: اساليها أصلها خبرة اتجوزت بعد حرب أهلية انتى ي سندس متديش نصايح لأي حد انتى تتجوزى خالد ويكشف عليكى ببلاش
إيمان: يلا ريحو شويه علشان سهرة بالليل
سلسبيل: طيب أنا نزله اودى الطبق بتاعى حد عايز حاجه معايا من تحت اجيبها
نرمين: خليكى انتى علشان متتعبيش هنزل أنا الطبق واجيبلك الي عيزاه
سلسبيل: لأ أنا بحب افتش برحتى وهجيب فاكهه معايا ي موزز يلا بقي مش هتاخر
اميمه: للخدم شهلو شويه خلونا نخلص الوقت راح
سلسبيل: مالك ي انطى ي حماتى ي مراه عمى ي عسل
اميمه: تعالى ي آخره صبري. بتنادى عليا بكل الصفات دى ليه خير عايزة حاجه
سلسبيل: تؤ تؤ كنت نزله بحط الطبق وهطلع تانى انام عشان حنكش يلا باي وقبلت اميمه وخرجت لخارج المنزل فرات عمها عثمان يتحدث فاقتربت منه واختبئت كى لأ يراها
عثمان: اسمعني كويس بكرة الفرح هيعدى من غير شوشرة لكن حمزه مسافر بعد يومين أنا هبوظ فرامل العربيه واهو يبقي خلصنا منه وعيالي يكونو فى أمان واى تغيير فى الإتفاق هلغي الشراكه الي بينا سمعنى
سلسبيل: أنا الي سمعتك ي خالو ومش هسمحلك تعمل حاجه بس أنا محتاجه مساعده بس من مين
****************
السؤال سولي هتطلب المساعده من مين
وي ترى هتقدر تحمي حمزه مش شر عمه ولا لا هناء هى الي هتحميهم ،؟؟؟؟؟؟
الفصل ٢٠★ اسرار القلوب★ الجزء الثاني
عثمان: اسمعني كويس بكرة الفرح هيعدى من غير شوشرة لكن حمزه مسافر بعد يومين أنا هبوظ فرامل العربيه واهو يبقي خلصنا منه وعيالي يكونو فى أمان واى تغيير فى الإتفاق هلغي الشراكه الي بينا سمعنى
سلسبيل: أنا الي سمعتك ي خالو ومش هسمحلك تعمل حاجه بس أنا محتاجه مساعده بس من مين
***************
إيمان: هى سولي إتأخرت ليه راحت فين بس دى
رحيق: مالك ي إيمان في حاجه شكلك زعلانه ....
إيمان: لأ بس سولي إتأخرت وميعاد الدوا ولازم تاخده وعلي اتصل علشان ينبهنى للميعاد بس الهانم قالت هنزل الطبق وارجع
سندس: أكيد قعدت مع طنط اميمه وماما فى المطبخ بتحاول تنكش فيهم
نرمين: خلاص أنا هنزل اشوفها واجيبها وثوانى ودخلت سلسبيل أنا جيت ي عسلات أنتى وهي
إيمان: بغضب كنتى فين مش عرفه إن سيادتك إن فى ميعاد دوا ولا ايه هتهملي والله ابلغ علي وخالد وهما يشوفولك صرفه
سلسبيل: خلاص ي جعفر هاخد الدوا بس ميمنعش تبلغي عليوة اهو يقلق عليا شويه بدل ما هو قاعد فاضي
رحيق: ههههههههههههه ي بت ارحميه شويه وخليكى جد الواد هيفرقع منك
سلسبيل: ليه عملت ايه أنا هو إلي كان بياكل كتير علشان كده هيفرقع
نرمين: يختيييي نامى يلا شويه وخدى الدوا
سلسبيل: أنتم هتنامو بجد أصل مش جيلي نوم وبصراحه عايزة اشوف هلبس إيه فى حنتى عايزة أعمل حاجه جديده من
إيمان: لأ والنبي ما انتى عامله حاجه كفايه الي عملتيه فى المول علي مش هيتحمل
سلسبيل: ليه خليه ينشف كده بس أعمل إيه ي خالد بت ي سولي اعمل إيه
رحيق: تعالو نكلمها ومنخليهاش تركز وبكده مش هتلحق تعمل حاجه
إيمان: والله لو عملتو إيه دى تلاقيها مركزة فى عشرين حاجه في وقت واحد دى عمله زى حمزه جوزك بس على دم خفيف
رحيق: حمزه هو فى زى حمزه فى الدنيا دى كلها
سلسبيل: فى ي اختى كتير....التصنيع منه كتر وقطع الغيار متوفره طبعاً اخواتى مفيش منهم كل واحد بشخيصته أجمل من التانى إحنا محظوظين إننا طلعنا وسط عيله جميله وكمان مننساش دور كل أم فى التربيه طلعونا وعلمونا ازاى نخاف على بعض وازى نحب بعض ومننتظرش مقابل غير ازاى نشوف الضحكه الي من القلب ونظرت لهم بعيون دامعه أنا بحبكم أوى وبخاف عليكم من النسمه أنا بحب اشوف ضحتكم ديما
البنات: والتفو حوالين سلسبيل واحتضونها بكل الحب الذي بداخلهم
سلسبيل: بلاش الحب إلي بضمير فعصتونى وأنا عايزة اتجوز الواد علي
رحيق: أه منك ي فصيله بعد م تخلينا نعيط تضحكينا في ثانيه
سلسبيل: من أتلف شئ فعليه إصلاحه يلا أنتم عيزين تنامو وأنا واخدت الدوا وهنزل مع الماميز اغلس عليهم يلا باي
إيمان: مش ممكن سولي بتضفي طاقه جميله على البيت ربنا يشفيها ي رب
نرمين: هى عرفت إن ميعاد العمليه بعد ثلاثة أيام ولا خالد مقالش لسه
رحيق: لأ محدش يعرف لأن حمزه أصر إن سولي ولا حد من البيت يعرف
سندس: وخالى عرف ولا لسه لأنه المتبرع لازم يعرف
نرمين: بقولكم إيه سيبو إلي يعرف وإلي ميعرفش للشباب وأحنا يلا نظبط لبسنا إلي هنلبسه
علي: تعالى ي آخرة صبري واقفه كده ليه ومالك مسهمه كده ليه
سلسبيل: ودول بيطلعو امتى دول ...
علي: بيطلعو دلوقتى مردتيش عليا ليه بتعملي إيه هنا وواقفه ليه كده
سلسبيل: بشم هوا ي علي مشمش عايزة اكسجين علشان بشحن طاقتى أنت بقي بتعمل ايه ...
علي: أنا وحمزه ومحمد وخالد قعدين هناك شفتك وجيتلك على طول قولت لتكونى محتاجه حاجه
سلسبيل: بقولك ي علي هي عربيه حمزه ليه مش بيركنها جوة ليه بيسسبها برة كده
علي: معرفش هو عندك اساليه يعنى أنتى نزله علشان العربيه ولا إيه
سلسبيل: أه أصل حمزه ده غريب ليه بقي أنا اقولك ......طيب هقولك إيه مش لما افهم الأول
خالد: سلسبيل تعالى هنا
سلسبيل: نعم فى حاجه وقبل ما تتكلم اخدت الدوا ومش حاسه بحاجه وأنا فله اهو
خالد: طيب الحمد لله عيزك ديما كويسه سمعه
محمد: مريحتيش ليه ي سولي زى البنات
علي: علشان هما بنات لكن أنا متجوز صحبي
سلسبيل: محمد لم الدور اه أنا بقول اهو علشان لما الدور بيوسع بيبقي فى ملعبي وأنا بسدد أهداف مقابل على طول وكمان بعمل حله ملوخيه إنما ايه
خالد: هو الشريط سف ي قلب اخوكى ملوخيه إيه واجوان إيه
محمد: يظهر من الفرحه مش مجمعه كلمه
سلسبيل: ايه ي حمزتى مش هتضيف اى حاجه لمميزاتى ولا إيه
حمزه: ههههههههههههه لاء أنا بتفرج بس
سلسبيل: إلا قولي ي حمزتى أنت ليه مش بتجرش العربيه فى الجراج جوه حتى فى القصر ليه
حمزه: متعودتش أنى اخليها بعيده بحب اتحرك وتكون تحت ايدى على طول
سلسبيل: طيب مش هتدخلها جوة علشان الحنه والناس لحسن تتخبط
محمد: أنا كنت قايم أدخلها جوة بس انتى غريبه اهتمامك دن بالعربيه ولا نفسك تسوقيها
سلسبيل: للأسف مش بعرف اسوق نفسي أتعلم السواقه بكرة عليوة يعلمنى صح
علي: تعالى اقعدى وبلاش وقفه كتير
سلسبيل ,: ي سلام عليك وأنت خايف على حنكش بتكون عسل والله
محمد: مين حنكش ده يطلع إيه
علي: ده عملي الأسود والمهبب عرفته ولا اعرفهولك تانى
محمد: لأ خلاص بلاش هقوم ادخل العربيه وارجعلكم
سلسبيل: وأنا هطلع سلام القعده وحشه من رفيقات السوء هطلع عندهم نجيب فى سيرتكم
خالد: ههههههههههههه الله يسهلك بس ابعدى عن سندس سيبهالى كده الله يكرمك
سلسبيل: سندس دى فى قبضه يتى لازم اسيب بصمه عليها قبل بكرة وهى الصراحه بتعمل وتنفز المطلوب
علي: سيبى سندس في حالها وركزى على نفسك ي حببتى
سلسبيل: مالها نفسي أنا سيبتها نايمه ومرتاحه خالص وامورها فله
علي: بالله عليكم دى شكل واحده هتتجوز بكرة دى هتجبلي الضغط
سلسبيل: أنا مش بجيب حاجه لحد ده بيتوزع الضغط دهون..... وبعدين ماله شكلي عسل والله ولذوذه
إنت من الموعودين ي حبيبي علشان هتتجوزنى
علي: معاكى حق أنا من الموعودين بالجنه إن شاء الله
سلسبيل: أنت هتطلع الجنه قبل م تتجوزنى وتسيب حنكش وحلمبوحه
محمد: هى إيه إلي بتقوله ده....
علي: متحطش فى بالك دى بتحضر عفاريت ودى اساميهم
خالد: والنبي ماليها حل عسل ي سولي والله
سلسبيل: عرفه والله بس متحلفش أنت بس
أنا واثقه في نفسي ي خلودى بس الأخ ده مش عارف قدراتى
اميمه وسميحه: إيه ده بتعملي ايه هنا ي سولي مش كنتى هتنامى
سلسبيل: هو أنا واخده مساحه كبيرة فى البيت ولا ايه مع أنى صغنونه
علي: نيموها لبكرة وبلاش تحضر الحنه علشان توسع مكان لنفر
سلسبيل:: ليه سيادتك حد فهمك أنى ميكروباص ماشي ي علي كله هيطلع على عينك ي قلبي
خالد: البس اهى حطيتك فى دمغها ربنا يكون في عونك كنت طيب وحنين والله
حمزه: بس حمار حد يقول لمراته الكلام ده فعلا كان طيب وغلبان بس نعمل إيه فى قله العقل
اميمه: مالكم وماله هو ومراته مالكوش دعوه بيهم
وبعدين سولي حبيبه قلبي تتكلم برحتها أنتم فهمين
سميحه : اتكلم ي علي وإياك اسمعلها صوت بنت بطنى
سلسبيل: هو مين ابن مين ومين طلع من بطن الست دى ...است الكل هو حضرتك عندك زغلله وشيفا علي أنا ....أنا إلي طلعت من بطنك مش الأخ ده... ده حتى طويل أوى مينفعش مع بطنك خالص ونظرت لاميمه ولا بطن انطى يكونش لقيط
علي: لقيط فى عينك ي بعيده ي بت اسكتى شويه وكمان بحذرك على الله ترغي كده بعد الجواز أنا بقولك اهو تتكتمى خالص أنا بحب الهدوء هدووووووء
سلسبيل: وتابطت فى ذراعي خالد. وحمزه إلا الأخ ده إلى اتجوزنى ميعرفش أنى ضد الكتمه اهو الكتمه بوظت الكلي هتبوظ إيه تانى معقول حتى الكلي بتاعه خالى عايز تبوظهالى ي قاسي ياقاهر البنات ومعذبها تصدق ي علي هبلغ عنك ي مفترى وهاخد منك النفقه كامله وكمان الشقه لأنى حاضنه
علي: نهار مش فايت حاضنه حاضنه مين ي هانم
سلسبيل: ههههههههههههه حاضنه نفسي ههههههههههههه امشي بقي لاشحتفك فى المحاكم وإياك تكتمنى ي علي علشان مضر بالصحه وكله إلا صحتى
سميحه: جننتى الواد ي مضروبه ي بت بطلي كلام الي مفهمالك ولا كلمه أنا عرفه من دون البنات كلها ملقيتش إلا دى ي ابنى وتنطس وتاخدها
سلسبيل: إلا مين الست دى أنا معرفهاش حد فيكم يعرفها او بيشبه عليها
حمزه: وخالد: ههههههههههههه.. ههههههههههههه . ههههههههههههه. بس بالله عليكم م حد يتكلم معاها تانى أنا مش قادر والله
محمد: ههههههههههههه ولا أنا ... أنا هروح اجرش العربيه تكون سولي طلعت
سلسبيل: جرش العربيه وتعالى خد عمتك جرشها عند طنط مها لما ترجعلها الذاكرة رجعها تانى
اميمه: ههههههههههههه بس محدش ليه دعوة بسولى حبيبه قلبي سمعين ولا ايه
سلسبيل: لأ مش سمعين ي انطى سمعيهم ولا اقولك متعشيش علي خليه ينام خفيف
اميمه: بخبث تصدقى كلامك صح مفيش عشي ليك ي علي ولا فطار كمان
سلسبيل: تقدمت من اميمه مبلاش الضمير ده اوي لأ عشيه حرام وبلاش يفطر
سميحه : يلا ي سولي اطلعي فوق عند البنات وأنتم يلا مع محمد على بيت جدكم واه حازم أتصل وجايلك على هناك هو وعمه يلا سلام وانتى امشي قدامى ي مغلبانى
سلسبيل: اممتى ممكن أروح معاهم اشوف جدو رأفت
علي: اطلعي ي سولي وبطلي حركه كتير سمعه يلا
سلسبيل: دبدبت على الأرض اوووووف حاضر طالعه اهو
علي: واقفه كده ليه متطلعي يلا
سلسبيل: بمشي على مهلي بوراحه اهو علشان المجهود مش لسه قايل حضرتك
علي: ي نهارك الي زى الفله ي علي ي بت امشي مطلعيش زعبيبي عليكى
سلسبيل: لأ خلى زعبيبك لنفسك أنا عندى زعبيب كتير حتى عطيت زعبوبتين للكل فوق أنا ممكن ادى جدو رأفت زعبوبه أصل عندى كتير وكتمين عليا
علي: يالهووووووى اطلعي ..اطلعيييييي
سلسبيل: طيب متزوقش إلا زعبيبي تقع اوفففففف
*************
صالح: عثمان تعالى عيزك نتكلم سوا هناك فى اوضه المكتب
عثمان: وأنا ماليش مزاج اتكلم راسي هتنفجر ممكن لما الوقت يسمح
صالح الوقت يدوب يسمح بالكلام معاك ولازم نتكلم ونحط معايير للي حصل فاهم
عثمان: أنا عارف أنى مش هخلص يلا ....
صالح: أتكلم ي عثمان وقولي انت متورط مع الناس دى لأى درجه عايز اعرف كل حاجه يمكن اقدر اعملك حاجه واحميك
عثمان: اسمعنى ي صالح إذا عايز تحمينى أبعد إبنك عنى سمعت أنا أخرى مع الناس دى مناقصات كنت ببعتهلهم من الشركه وبس بمقابل مادى وخلاص بلاش فكرك يروح لبعيد
صالح: بضحكه مريرة بتبيع شركه ابوك وتخون الامانه بمقابل مادى ليه كان ناقصك إيه علشان تبيع مالك وزعلان إن بابا لجئ لحمزه علشان يلحق الشركه وكنت مهموم أوى وزعلان وأنا إلي زعلت إن بابا خلى حمزه ياخد مكانك ليه عملت فى نفسك وفينا كده لييييه انطق
عثمان: أنا عملت كل حاجه علشان اضمن حق ولادى ويعيشو مرتاحين وميتحوجوش لحد
صالح: ههههههههههههه أنت مجنون .. أه فعلا مجنون ازاى بتتكلم عن ولادك إحنا ربينا عيالنا على إنهم أخوات ازاى تفكيرك العقيم وصلك للتفكير ده ازاى
عثمان: اه اااااااه لازم افكر كده لما تبقي شركتى واكون شغال فيها زيي زى اى موظف وجوز اختك ليه الصلاحيه لكل حاجه ..حتى جمال الاصغر منى ليه صلاحيه عنى فى أداره الشركه كنت عايز اخلى ولادى يتزلو زى ابوهم لأ ي صالح كله إلا ولادى سامع
صالح: يااااااه إيه كميه السواد الي فى قلبك دى أنت بتحقد على اخوك أنه ناجح فى شغله وكنت ناقم على ماهر ليه ماهر شريك بابا وبحكم مؤهله بيكون هو مدير الشركه وهو الي أنقذ الشركه من الإفلاس وشارك ابوك علشان يحافظ على إسمه أنا طلعت غبي لأ أنا اغبي إنسان في الدنيا لأنى صدقت إن ماهر يسرق ويختلس من الشركه لأ وكمان جمال الي آخر همه الفلوس أنا ازاى كنت بالغباء ده أمسك شويه ورق وأصدق إلي مكتوب. واكدب العشرة والي اعرفه عنهم أنت إيه . أنت إيه إبليس شيطان جنسك ايه مفكرتش لحظه لو عيالك عرفو ممكن يعملو إيه ولا هيتعملو معاك ازاى أنت كل حساباتك غلط أنت نفسك غلط روح منك لله ي عثمان أنت إلي ملكش مكان هنا وسطينا خسارة فيك محبه الاولاد خسارة فيك زوجه زى هناء ولا خالد ونرمين دول اكبر خساره فيك اسمعنى كويس إنت بعد فرح الأولاد أنا هحكى لبابا كل حاجه ولازم ابرئ ماهر وجمال ولازم تاخد جزائك ي عثمان وبالقانون سمعت
عثمان: أنت هتبرئ واحد ميت بقاله سنين وجمال خلاص مرتاح هنا وبعدين إيه دليلك على الكلام ده هااا قول
صالح: أكيد هلاقي دليل أكيد والاكيد إن حمزه يعرف حاجه واحساسي بيقولى انهم عرفين حجات مش حاجه واحده لازم تتحاسب وبالقانون
عثمان:لنفسه وبنظرة خوف مما قاله صالح حمزة ..حمزه أنا هريحك منه خالص وأنا كمان هرتاح فعلا الناس معاهم حق لازم نخلص منه علشان أكيد هو يعرف اكتر من إلي المفروض يعرفه
صالح: سرحان فى إيه .. إيه ضميرك صحي وهتتكلم ولا هتعاند انطق
عثمان: خلاص هتكلم بس ارجوك بعد فرح الأولاد وكمان عمليه سلسبيل وهعترف بكل حاجه وهبرئ جمال وماهر بس أنا ههون عليك تدخلنى السجن فى السن ده
صالح: سيب الحساب لوقته المهم اتمنى اصدقك وتصلح كل حاجه عملتها وسيب القرار لابوك هو الي ياخده
سلسبيل : وقد سمعت ما دار من حديثهم وهى جالسه اسفل الشباك بدون قصد منها ليه ي خالو صالح عملت كده ليه بس أنت اتصرفت غلط طيب والعمل إيه ي سولي أنا مستحيل هسمح باذي لاخواتى أبدا حتى لو فيها موتى أنا مش لازم حد يتاذي بس أنا اتصرفت صح لما لجئت للي فعلا هيساعدنى بس لازم احكى الي حصل لازم ونظرت من حولها وخرجت خارج المندرة
إيمان: بصي ي رحيق هى سولي خارجه رايحه فين المفروض تطلع علشان تلبس وتجهز لو حد طلع دلوقتى هنقول ايه بس . بس لو اعرف هى رايحه فين المجنونه لأ وكمان من غير ما تقول لحد
رحيق : هتصل بيها اصبري ورنت عليها وسالتها انتى فين ي بنتى
سلسبيل: أنا فى الجنينه بتمشي مع علي مش هتاخر نص ساعه وهطلع ماشي
رحيق: باستغراب طيب ماشي متتاخريش علينا علشان تلحقي تلبسي سلام
إيمان: قالت هى رايحه فين ....
رحيق: هااااااا أه راحت تجيب حاجه مهمه نسيتها برة فى عربيه حمزه
إيمان: مالك سرحانه ليه كده وشك اتخطف هى قالت حاجه زعلتك
رحيق: وهى سولي بتعرف تزعل حد يلا خلينا نجهز عقبال ما تيجى
سندس: بصو كده أنا كده كويس ولا اغير الطرحه
نرمين،: لأ الطرحه جميله جدا والطقم يجنن عليكى بس سولي إتأخرت وملبستش هى فين دى
إيمان: بتجيب حاجه وجايا وأنا هلبس علشان لما تيجى نساعدها بس لو حد سأل عليها بلاش نقول منعرفش هى فين
نرمين نفسي اعرف هى بتختفي فين من ساعه م جينا للبلد وهى بتختفي وتظهر زى العفريته
سندس: ههههههههههههه تلاقيها بتعمل مقلب لعلي ما انتم عرفينها
اميمه: لسميحه وهناء يلا نلبس ونجهز ونروح للبنات نتمم عليهم الدنيا ضلمت والناس هتبتدى تيجى
هناء : أنا هلبس وانزل لتحت استقبل الضيوف وانتم سيبو البنات على راحتهم لما يجهزو هينزلوو على طول
سميحه: ما انتى عرفه سولي متعبه عايزة اشوف لبست ولا مستنيه الفرج
هناء: يريته كله زى سولى دى بنت قلبي
سميحه: طيب هنزل أنا واخلص لبسي ونتقابل تحت ونزلت هى واميمه
هناء: ي ترى وصلتى لفين ي سولي ي رب ترجعى بسرعه مش عايزة حد يعرف ولا يحس بحاجه ... ؟؟؟
**************
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله الجزء الاول من هناااااااااا
الرواية كامله الجزء الثاني من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
 الفصل التاسع عشر والعشرون بقلم رانيا قنديل رواية اسرار القلوب( الجزء الثاني) الفصل التاسع عشر والعشرو…){kind=link}
تعليقات
إرسال تعليق