رواية اسرار القلوب( الجزء الثاني) الفصل الحادي وعشرون والثانى وعشرون بقلم رانيا قنديل
رواية اسرار القلوب( الجزء الثاني) الفصل الحادي وعشرون والثانى وعشرون بقلم رانيا قنديل
الفصل ٢١★ اسرار القلوب★ الجزء الثاني
هناء: ي ترى وصلتى لفين ي سولي ي رب ترجعى بسرعه مش عايزة حد يعرف ولا يحس بحاجه ... ؟؟؟
**************
حمزه: أهلا وسهلا إزيك ي حازم عامل ايه طبعاً ملحقناش نوحش بعض
حازم لأ وحشتنى بس أنا جيلك فى موضوع مهم ولازم نتكلم لوحدنا
حمزه: اوك تمام تعالي نتمشي هناك فى الجنينه
خير ي خالد اهو بقينا لوحدنا ممكن أعرف إيه الحاجه المهمه الي متستناش دى فى يوم حنتك
حازم: هتعرف كل حاجه دلوقتى بس اسمعنى للآخر من غير مقاطعه
حمزه: بابتسامه لحازم أنا هرفع من عليك نص الحرج بس قبل ده كله هيكون ليا عندك طلبين اتمنى تنفذهم
حازم: بقلق طلبين إيه إذا فى حدود استطاعتى أكيد مش هتردد وانفذلك طلباتك
حمزه: تمام أنا كمان عايز اعرف أنت مين ولا اقولك أنا أنت مين أنت حازم شركاء لينا من زمان بأسهم مع جدى وده الي خلانى ابعتلك علشان تقابلنى وكنت اتمنى تطالب بحقك بس أنت معملتش كده بالعكس بدأت شراكه جديده معانا وأنا اتاكدت إن وراك سر لازم اعرفه واصرارك بأنك تكون شريك بالرغم من إنك لما جيت لعمى كنت تقدر تقعد فى الشركه باسهمك ومكنش يقدر يتكلم معاك
حازم: فعلاً كلامك صحيح بس أنا كنت واقف قدام الإنسان الغلط وأنا لما كنت راجع رجعت علشان ارجع حق اخواتى ولما بعتلى كنت متأكد أنك هترجعلي حقي
حمزه: ولما أنت متأكد مطالبتش بيه ليه كنت مستنى إيه ي حازم وخليك صريح معايا
حازم: كنت مستنى الوقت المناسب الي هقدر أخد فيه حقي
حمزه: وطبعا الوقت جه صح بكرة فرحك من اختى والي هتقايض عليه ي ارجعلك حقك ي تطلق نرمين صح ي حازم .. انطق متبصليش كده
حازم: أنا ببص لأنى مصدوم من كلامك ومش قادر استوعبه أنا بأخلاقي دى ممكن استغل بنت للاسف خانك تفكيرك ي حمزه للأسف
حمزه: طيب ليه وافقت على طول لما طلبت تكتب الكتاب على نرمين ليه
حازم : ما أنت لو سبتنى اتكلم هتعرف كل حاجه من غير ما تجرح فيا ولا تتهمنى
حمزه: أنا هسكت اهو ومش هتكلم فيريت تنجز
حازم: طيب قبل ما أكمل كلامى كنت هتعمل ايه لو تفكيرك صح وانى هساومك بيه ...؟
حمزه: كنت هلغي الفرح كله واخد اختى واطلقها منك حتى لو بالعافيه كله إلا اخواتى
حازم: فعلا كل كلمه اتقالت عليك فى مكانها وانك أهل للثقه ويمكن الكلام ظلمك
حمزه: وي ترى مين إلي أتكلم عليا وليك ....؟
حازم: أنا هحكيلك وبدأ حازم يحكى كيف مات والده محروقا وان من قتله عايش وسط اهله ولا كأنه عمل حاجه
حمزه: بلاش الغاز ويريت تتكلم على طول أنا مش هكون حليم معاك إذا اتضح إنك كنت ناوى تاذي حد من عيلتى
حازم: أنا ابويا إسمه توفيق السنوسي وللأسف الإسم ملفتش نظرك خالص ي حمزه ....؟
حمزه: توفيق السنوسي تقصد ايه إن مصطفي صديق عمرى يبقي أخوك ولا تشابه اسماء
حازم : أخويا وصديقك فى نفس الوقت ...
حمزه: مستحيل مصطفي يلعب بيا ومعاك أنا مستحيل اصدق مصطفي يفدينى بروحه ازاااي
حازم : مصطفي ميعرفش أى حاجه ولا يعرف مين الشركاء الجدد لينا تصدق أنه نازل من لندن ومعاه بمشروع وقال إن المشروع هينفذه مع صديقه فى شركته وميعرفش أننا شركا أصلا
حمزه: عايز تقول حاجه تانيه ولا خلصت ...
حازم : عايز اقولك تطلع مصطفي ونرمين برة دايرة شكك ومش أنا ولا عمى الي تشك وتضيع وقت وتدور ورانا
حمزه: طيب بالمرة طمنى مين توفيق ده وليه حاسس أنى اعرفه وكل م اكون معاه بحسه قريب جدا
حازم: توفيق الراجل الطيب الي كان بيذاكر ليك ولمصطفي
حمزه: لأ إحساسي بيه غير كده كمل ي حازم وريحنى أنا خلاص من كتر القلق مبقتش عارف اعيش طبيعى زى اى حد ارجوك
ويريت تعرفنى أنت ليك إيه فى الشركه لأن الحسابات كلها أنا عدلت منها والشريك بالاسهم البشمهندس توفيق والدك كل مالك متشال لأن والدك كل إلي اعرفه أنه صديق لجدى ومكنش بيشتغل فى الشركه لأنه كان عنده شركته الخاصه بس جدى استلف الفلوس دى وحولها لوالدك اسهم ده كل إلي اعرفه إنما ليك إيه غير كده معرفش وليه حاسس إنك شايل هم من ورا كلامك ده
حازم: أنا اقولك أنا ليا أسهم فى شركتك بتعتى أنا واخواتى اخواتى هما مصطفي وهديل ماليش غيرهم من بعد موت ابويا وأنا أسست الشركه بتعتى هنا بمساعده عمى وإلي حضرتك اتعرفت عليه لكن الي لسه هتعرفه إن عمك قتل ابويا فى نفس اليوم الي قتل فيه عمك ماهر
حمزه: هب واقفا أنت بتقول إيه وجبت الكلام ده منين مستحيل عمى يعمل كده
حازم: أنا وأنت متاكدين إن عمك هو إلي عمل كل ده بس الجديد هنا إن ابويا هو الي مات ويتمنا وامى متحملتش وماتت على أساس أنه بقي إنسان مشوة
حمزه: هااااااا مشوة هو أنا ليه مش فاهم ولا أنت إلي مش عارف تفهمنى د
توفيق: أنا افهمك ي حمزه فنظر حمزه خلفه على الصوت وسأل تفهمنى إيه ....
توفيق: افهم ايه فى الجراب ي جحا ...
حمزه: هاااااا فى الجراب شوال اسرار ....
توفيق: يطلع امتى السر ....
حمزه: وقت الحساب من غير عقاب
توفيق: وامتى العقاب ...
حمزه: لما الطريق إلى ينسد.....وبصريخ وبكاء من حمزه عمي ماهر وأمسك اايده اضربنى طيب ازاى متقوليش واحتضنه وببكاء كنت حاسك والله بس كنت بكدب احساسي ليه ليه مقولتيش لما كنت معاك فى لندن ليه
ماهر: مكنش ينفع اعرضك للخطر بس طلعت حساباتى غلط وأنك كنت تعرف حجات كتير وحازم دخل الشركه لحمايتك مش اكتر لكن نرمين فهى حب كبير من سنين صدقنى مش هتلاقي لنرمين أحسن منه
حمزه: بنظرة حب لحازم أنا آسف إذا دايقتك متاسف بجد
حازم مفيش آسف بين الاخوات
حمزه: طيب ليه دلوقتى كشفت نفسك وليه مش قبل كده ممكن افهم
ماهر: لأن للأسف الشخص الي عايز تحميه ناوي يقتلك زى ما حاول قتلى وفشل ونجح فى قتل توفيق لازم تاخد بالك كويس عمك متورط مع الناس دى لأبعد الحدود
حمزه: أرجوكم بلاش حد يتدخل أنا وعمى وبس
ماهر أنت مجنون بقولك عمك هيقتلك وبدم بارد ده معندوش قلب افهم وبطل عند وإلا أنت عارف أنا ممكن اعمل ايه
حمزه: ارجوك سيبنى مع عمي اتصرف وبلاش تدخل منكم ولما افشل اتدخلو
ماهر: أنا متأكد إن الكلام معاك قلته أحسن أنا هتصرف وأنت بلاش تلعب بالنار ومتنساش إنك مسؤل عن زوجه ولا نسيت
حمزه: بتوهان لأ مش ناسي بس يمكن يكون فى أمل
ماهر أنسي ي حبيبي النهارده حنتك وحنه بناتى وده الاهم
حمزه: مش هتعرف عمتى سميحه ....
ماهر: لأ مش وقته ويلا أنا همشي ونتقابل بالليل أنا قولت نعمل حنه للعيلتين هنا مع بعض عايز اشوف بناتى ومراتى عايز اشوفكم كلكم وانتم بتتزفو عقبال مصطفي وهديل ي رب
إيمان: كلنا لبسنا وماما بعتت كذا مرة علشان ننزل وسولي لسه مطلعتش هى بتجيب إيه أنا مش فهمه من العربيه ولا هى قالتلك ايه ي رحيق
رحيق: بقلق وتحدث نفسها أنا عرفه اقول إيه م هى كدبت وقالت بتتمشى وهى كانت خارجه ي ترى ي سولي مخبيه إيه أنا لازم اتصرف بس هقول لمين
إيمان: رحيييبق إيه مالك سرحانه فى إيه بقولك هى قالت إيه لما كلمتيها
رحيق: قالت هجيب حاجه من عربيه حمزه وبس تلاقيها اتلخمت مع حد من العيال وقعدت تحت
سندس: دى ملبستش أصلا يبقي ازاى
نرمين: بقول إيه تعالو ننزل ولما حد يسأل عليها نقول لسه بتجهز وواحده مننا تدور عليها فهمين من غير ما حد يحس يلا بينا
هناء: لا اله إلا الله فينك بس اتاخرتي ليه قلبي واكلنى عليكى
اميمه: لسميحه أهم البنات نازلين يلا نخلي الخدم يطلع العصير والحلو ويشغلو السماعات
سميحه: يختى أنا مش شيفا سولى ليه مع البنات هى تعبت ولا إيه
اميمه: بعد الشر عليها متقوليش كده واقتربت اميمه من إيمان سولي فين أنتم نازلين من غيرها ليه هى تعبت
إيمان: هجاوب امتى ادينى فرصه ي ماما اتكلم عموما هى فوق بتاخد حمام وهتلبس براحتها شويه وهتكون هنا
رحيق: وبعدين هنعمل ايه أنا مش مطمنه أبدا
سندس: طيب هخرج أنا براحه واتمشي حوالين البيت وإن شاءالله الاقيها
نرمين: خلي بالك بس متقوميش إلا لما اقوم وارقص الناس هتتلم حواليا اوك وانتى وقتها تطلعي
سندس: اوك تمام ربنا يستر ... وخرجت سندس خارج المنزل فبحثت عن أختها فلم تجدها وسألت نفسها هى راحت فين دى بس
************
الفصل ٢٢ ★ اسرار القلوب ★ الجزء الثاني
نرمين: خلي بالك بس متقوميش إلا لما اقوم وارقص الناس هتتلم حواليا اوك وانتى وقتها تطلعي
سندس: اوك تمام ربنا يستر ... وخرجت سندس خارج المنزل فبحثت عن أختها فلم تجدها وسألت نفسها هى راحت فين دى بس
************
صالح: بسم الله ماشاء الله وشك منور ي حمزه ربنا يتمم على خير فرحتك وفرحه اخواتك وعقبال إيمان ي رب
حمزه: اللهم امين بابا ممكن بس تهتم بضيوف حازم هروح اجيب حاجه من العربيه كنت نسيتها
صالح : روح بس متتاخرش علشان الضيوف
علي: حمزه رايح فين ده حازم وصل مع عيلته
حمزه: هجيب حاجه من العربيه اهتم أنت بيهم على ما أرجع
علي: استنى أنا هاجى معاك أنت هتجيب إيه هو إنت جبت الألعاب إلي قولتلك عليها.
حمزه: أه جبتها وكمان عملت حساب للبنات فيها
علي: يلا نروح نجيبها
خالد: ريحين فين أنتم الاتنين صحبك وصل ومعاه اهله روح استقبله يلا
حمزه: هجيب حاجه من العربيه على السريع
خالد: خليك أنت إستقبل ضيوفك وأنا هجيبلك الي أنت عايزة
علي: طيب هاجى معاك علشان اشيل الشنط وكمان ندى البنات شنطتهم
خالد: خليك مع حمزه إستقبل الضيوف وإذا كانت الشنط كتير هجيب غفير يشلهم يلا أنت وانطلق حمزه باتجاه العربيه فى الجراج وقبل أن يدخل رأي سندس واقفه ووجها لايبشر بالخير فسألها مالك ايه مطلعك برة ووقفه كده ليه ...
سندس: ولم تتحمل كل هذا الضغط مش لقيين سولي قالت إنها هتتمشي وأنها مش هتتاخر بس لغايه دلوقتى مجتش ومش لقينها فى البيت خالص وخفنا نقول لحد الدنيا تتقلب وفى الآخر تيجي وحد يزعلها وخصوصاً علي
خالد: يعنى هتكون راحت فين تعالى معايا ودخلو سويا للجراج فسمعو همس بين اثنين من الرجال
الرجل الأول : أنا مش عارف أنت جيبنى هنا ليه وعايز منى إيه
الرجل الثانى : الباشا قالي اوديك للعربيه حمزه بيه وأنت تعرف شغلك ودخلت عليك لقيتك لايص وواقف زى ما أنت
الرجل الأول : أنا مش عارف أعمل حاجه والعربيات شبه بعض وأنت مشيت ولسه داخلي وكمان البت الي دخلت عليا دى عطلتنى لحد م طلعت
خالد: بخوف: وضع أيده على فم سندس كى لا تصدر صوت فنظر لها واماء لها بالخروج وهمس روحى نادى كام غفير وانتى حسك عينك تدخلي معاهم سمعه
سندس: أنت هتعمل ايه أنا مقدرش اسيبك لوحدك
خالد: ولا كلمه روحى نادى كام غفير وتطلعى على الببت
سندس: ببكاء أنا خايفه وااااا.....هووووش ولا كلمه مش عايز اسمع صوت
حمزه وسندس : بفزع ونظرو باتجاه الصوت .....
ماهر : بهمس خد سندس واطلع برة أنا هتصرف مع الناس دى
خالد : لأ مش هطلع وأنت بتعمل إيه هنا ومين الناس دى وأنت عرفت منين
ماهر: وعيونه على ابنته بعدين بس خد سندس واطلع برة
خالد : بخوف من نظرات ماهر لسندس فاذاحها وراء ظهرة كى لا تكون عينه عليها وأمسك يدها وغادر المكان وهو يتوارى فى الظلام وابعد سندس أنا هدخل لازم افهم إيه بيحصل وانتى ادخلى مع البنات وإن شاءالله هطمنك على سولي دة إذا مكنتش دخلت البيت
ورجع خالد يتسحب فراي ماهر واقف كما تركه وهذان الرجلان يتصلون بشخص
الرجل الأول: الوووو فين العربيات كلها شبه بعض ولا اقولك ابعت رقم اللوحه بس بسرعه خلينى اخلص
خالد: عربيه وعيزين إيه من العربيه وتوارى فى الظلام كى لايراه احد فراي الرجل يميل أسفل سيارة حمزه وفعل شئ أسفلها وبعدها خرج الرجل من الجراج ونظر خالد لماهر وسأل نفسه الراجل ده بيعمل ايه هنا وايه الغموض ده والناس دى....... لأ لأ مستحيل بابا معقول أنا قولت ساعه غضب لكن ينفذ ليه ي بابا ليه تاذي الي حواليك وتوجعهم ليه وبكى بقهر وهو يسأل نفسه هيعمل ايه يظهر لو حد هيتوجع يبقي أنت مش عمي حضرتك إلي أخترت
ماهر: لخالد أنت واقف هنا ليه يلا على حنتك.
خالد: بنظرة ألم ووجع وأمسك ماهر من تلابيب قميصه أنت مين وعايز ايه مننا ولا أنت مع الناس دى انطق قول لاخلص عليك
ماهر: أهدي ي خالد متقلقش أنا عارف حجات أنت نفسك متعرفهاش وأنا هقولك أنا ابقي مين بس ارجوك تهدي
خالد: أتكلم وبعدين أنا الي اقرر امتى أهدي فاهم
ماهر: بقله حيله بداء يروى لخالد كل الحقيقه وبعد أن انتهى نظر خالد للأرض فهو لايصدق مدي ما وصل له ابيه من شر وايده الملوثه بدماء الأبرياء
طيب ليه........ ايه ناقصك ......ايييه وجثي أرضا بقهر فاوقفه ماهر ااقف واصلب نفسك كله إلا قهر الرجال ي أبنى أبوك غلط وهياخد جزائه بس بالقانون قانون الغابه ده الي واخده مبدأ ليه لازم ينتهى ويفوق لأن وقت الحساب جه
حمزه: وقف ونظر لماهر عمي ماهر وبكى واحتضنه وببكاء أنا آسف اسف على لحظه بعدت فيها عن بناتك ااسف على وجع عمتى آسف على تعبك وقهرتك من ابويا وآسف على كل حاجه عملها ابويا
ماهر: أرفع رأسك ي خالد وبلاش بكا أنت راجل وأنا فخور إن بنتى زوجه ليك بنتى عرفت تختار لنفسها راجل أبوك الي غلط ....ومتحملش نفسك فوق طاقتها ويلا امسح د موعك دى لأنها غاليه ي حبيبي
خالد: بخضه. وكأنه فى حلم سلسبيل ... سلسبيل فين أنا ازاى نسيت
ماهر: سلسبيل بنتى مالها فى إيه طمنى
خالد: سندس جت وقالت إنها نزلت تتمشي ومش لقينها لغايه دلوقتى وأنا جيت اشوفها وحضرتك عارف الباقي
ماهر: بنتى ...بنتى فين مستحيل لأ مسستحيل اخسرها ولا تدفع ضريبه عثمان كله إلا بنتى وخرج مسرعا للخارج ودخل المندرة فنظر له الجميع وهو بتسأل ازاى يدخل من غير احم ولا دستور إيه ده
اميمه: بخوف من منظر ماهر والخوف الذي تملكه ماله ده فى إيه وازاى يدخل علينا المندرة كده
سميحه: أنا عرفه بس أكيد فى حاجه وإلا مش هيدخل علينا بالطريقه دي
خالد: أهدى ي عمي انت هتلفت الانظار بالطريقه دي
ماهر : بصوت عالى مش فاااارق معايا بنتى فين ونظر مثل المجنون حوله وسأل فين عثمان ابوك فيييين
اميمه: بفزع وصوت الموسيقي اتقفل وبدأ صوت ماهر مرة أخرى عثمااااااااان اطلع أنت فين
سميحه: مين ماهر لأ لأ فوقي ي سميحه انتى اتجننتى لا مستحيل طبعا
خالد: ماما فين ي طنط اميمه وليه مش معاكم
إيمان: طنط هناء طلعت الجنينه من شويه وحاولت اروح معاها قالت خمس دقائق وراجعه
ماهر : وصعد سلم المنزل وذهب ليبحث عن ابنته فى جميع الغرف ومعه خالد
اميمه: لأحد الخدم نادى على حمزه وصالح ييجو بسرعه هنا
ماهر: بنتى مش ليها اثر ي خالد أنا عينى كانت بتحمى حمزه والكل بيحمى حمزه طيب ازاى وليه ونزل للاسفل مرة أخرى
حمزه وصالح : فى إيه مالك وشك .......
ماهر : عثمان بنتى أنا مش عارف أعمل إيه ارجوك ي صالح كله إلا بنتى
علي: بنتك مين ونظر حوله فراي سندس ونظر مرة اخرى من حوله فلم يري سلسبيل ووجه كلامه للجميع سلسبيل فين ي أمي سلسبيل فين ي إيمان ردو عليا
سميحه: ماهر واقتربت منه وببكاء كنت فين وازاى وليه وشك متغير وهى بنتى فين ونظرت بتيهه من حولها هى بنتى فين طيب حد يرد وليه كلكم خيفين أوى كده اكيد هى كويسه بلاش تقلقو
علي: وخرج مسرعا يبحث عنها فى أرجاء المنزل وبدأ يصرخ سلسبيييييييل .... سلسبييييييبل
خالد: يلا بينا ندور عليها فى كل مكان
الجد محمد والجد رافت : دخلو فى إيه مالكم وليه موقفين الموسيقي سميحه بنتى واقترب منها انتى ماسكه ايد توفيق كده ليه مالك ردى عليا
سميحه: بكل وجع وقهر السنين من فراق زوجها عنها صرخت وصرخت باعلي صوت لها ااااااااااااه .....اااااااااااه فاقترب منها ماهر واحتضنها وهمس لها بنتى هترجع وهاخدها فى حضنى ومش هافرقكم تانى أهدى ي سميحه هلاقيها مش هتضيع منى أبدا مستحيل أنا واثق فى عداله المولي
سميحه: بنتى مالها وليه خيفين وليه الرعب ده انطق ي ماهر بالله عليك انطق مش بعد ما ترجعلي اتوجع تانى بس الوجع المرة دى تقيل أوى دى بنتى
وما أن كملت كلامها والا سمعو صوت دوي ووقوع شئ فوجهو نظرهم فإذا بالجد محمد وقع مغشي عليه أرضا فاسرع له الجميع
حمزه: جدى خالد فوق جدى وانا هطلع ورا علي هدور على سلسبيل معاه وابقى حصلنى لما جدى يفوق
ماهر: أنا جاي معاك استنى
حمزه: روح البيت التانى ودور وأنا هاخد العربيه واطلع برة ادور عليها ومش هرجع إلا بيها
حازم: وأنا جاي معاك وكل م الدايرة توسع إن شاء الله نلاقيها
الجد رأفت : وينه جمال شيعو لجمال ومحمد....
مها: فعلا فين جمال ييجى يشوف إلي إحنا فيه ماهر يظهر وسولي تختفي ونظرت إلا عثمان فين ي نهااااااار ....معقول يكون عمل حاجه فى البنت طيب ليه واشمعنى سولي
علي: وخرج الي الطريق يبحث عن حبيبته وحبه ونسمه الهواء بالنسبة له لأ بالنسبه للجميع فهى دواء الجميع.
مصطفي: اوقف سيارته ونزل منها علي مش أنت علي اخو حمزه مالك واقف ليه كده وايه الدموع دى فهمنى حد حصله حاجه
علي: مراتى اختفت ومش لاقيها بدور على روحى تعرف تلاقيها اااااااااه ي سلسبييييييبل ي سلسبييييييل
مصطفي: أنا مش فاهم حاجه بس أنا مش هسيبك تعالى ندور سوا بس يريت تهدي وتحكيلي فى إيه
علي: احكيلك واقولك أنى غبي ..اه أنا اغبي إنسان على وجه الأرض أنا عارف إن هى بتحب عيلتها والاكيد إنها عرفت حاجه واصرارها على عربيه حمزه وسكت لبرهه .... لأ كده أنا متأكد أنها تعرف وتعرف حجات كتير بس معقول عمى عرف وعمل فيها حاجه لأ لأ إيه الي بقوله ده
مصطفي: واقف بجواره وساكت ولكن سامع منه بعض من همسه فى الكلام طيب اعمل ايه الواضح أنه تايه ومش على بعضه وأنا مقدرش اسيبه بس اه أنا هبعت رساله لحمزه وهو يحصلنا ويفهمنى فى إيه
خالد: وبدأ فى افاقه جده وتذكر كلمات حمزه بأنه سياخذ السيارة للبحث عن سلسبيل فرمي كل ما كان يمسكه وخرج مسرعا ودخل للجراج فلم يجد لا حمزه ولاسيارته
اميمه،: ايه ي خالد خضتنى طلعت تجري ليه جدك كويس
صالح: مالك ي حبيبي فيك ايه هو حمزه خرج طيب تعالي نحصله بالعربيه التانيه
خالد: حمزه ...حمزززززززة حمزه وفى لحظه انهيار هيموت ي عمى ابويا قتله وأنا كمان كنت عارف وسكت ابويا بيقتلنا واحد ورا التانى وأنا معاه علشان سكت حمزززززززة لأ لأ لأ ي رب أنا مش حمل وجع ذي ده
صالح: وامسك بيد خالد اقف وقولي ابنى ماله وليه بتقول على ابنى الكلام ده
اميمه: أبنى راح فين مش أنا زى ماما ي خالد أنا عمري فرقت بينكم قولي ابنى راح فين ومين عايز يقتله أبوك طيب ليه أنت فاهم غلط
خالد: وخرج مسرعا وترك عمه واميمه فى حاله لايرثي لها ونظر من حوله وخرج مسرعا لخارج المنزل
ماهر: ايوة ي جمال الحقنى كل حاجه باظت والأمور كلها فلتت من ادينا
جمال: امور ايه أنت فين أنا راجع البيت معايا عشر دقايق وهوصل بس فهمنى فى ايه
ماهر : حكى له ما حدث عن اختفاء سلسبيل وهناء وخروج الجميع للبحث عنها
جمال: أنا هلف تانى وادور حوالين البلد وهكلم محمد دلوقتى اشوفه فين ايييييه ده وبصريخ لا اله الا الله
ماهر: ويكاد أن ينهار انطق ي جمال فى إيه
جمال: لا اله الا الله عربيه اتقلبت فى الهدار ووقعت يااااه هقفل يمكن الحق الي جوه العربيه
ماهر: عربيه ايه أنا رجعت الفرامل وصلحتها لعربيه حمزه ونظر خلفه وبتوهان فراي عربيه صالح موجوده يعنى كده عربيه هما بوظو كل العربيات أنا صلحت عربيه صالح و حمزه لأ لأ يااااااااا ه الله
اميمه: خرجت مسرعه والارض لا تحملها فرات انهيار ماهر وسمعته وهو يتحدث جمال وبصريخ الحق العربيه الى وقعت دى عربيه حمزه الحقه بسرعه
اميمه: وكان العالم وقف من حولها وصرخت بكل ما اوتيت من قوه لااااااااااااااااااا ياااااااااااا ولديييييييي
صالح: ابنى وخرج مسرعا إلي الخارج
إيمان: حمزه اخويا ماله ردو عليا اخويا حصله إيه
رحيق: بنظرت غريبه خرجت واسرعت فى إتجاه الهدار
سميحه: حمزه ماله حد ينطق ليه اميمه بتصوت فى إيه
الجد محمد : أنا السبب أنا السبب أنا سكت عن الحق ودلوقتى احفادى بيدفعو ثمن سكوتك ي محمد أنا المجرم هنا ودخل لمكتبه وفتح درج مكتبه وأمسك مسدسه جه يومك يا عثمان ......
نرمين: بتوهان وهى تتذكر مواقف لحمزه اثناء عملها في الشركه ورفعت اديها للسماء ي رب احمي حمزه وسلسبيل احميلي اخواتى أنا ثقتى فى عدلك كبيرة يااااااارب
سندس: وهى خلف خالد تمشي من خلفه وصرخت به اقف كلمنى اختى فين وحمزه حصله إيه وأنت السبب فى اللي حصل ازاى
خالد: فراي ازدحام كبير عند كوبري الهدار فاسرع إليه ونظر للتجمع ايه حصل هنا وليه وقفين كده
احد الواقفين عربيه ي ابنى كانت سريعه ووجعت فى الهدار والمايا غميجه( عميقه) جوى ومخبرش كيف وجعت أكده سندس فخطت بخطوات سريعه فرات رقم لوحه العربية فجثت على الأرض وبكت
اثناء ذالك وصلت رحيق فرأت سندس تبكى وهى محتضنه رقم سيارة حمزه
رحيق: اقفي وبطلي عياط حمزه كويس طول ما أنا بتنفس هو كمان بيتنفس وهنا وشاورت على قلبها مش حاسس بحاجه وتركت سندس فى انهيارها ومعها خالد لايقل عنها
وبدأت تسرع للنزول للهدار فادركها أبيها رحيق رايحه فين ي بنتى
رحيق: رايحه هنا وشاورت على المياه مكانى هنا معاه أنا معاه فى كل وقت وازاحت ايد أبيها سيبنى ي بابا ارجوك جمال ي بنتى فوقي بقي هتروحي فين الهدار عالى
رحيق: بصريخ سيبنى اروح معاه سيبنى والنبي أنا مش قد الوجع ده أنا اضعف أن أنا ااقدر اتحمله سيبنى امشي معاه أنا وعدته والنبي سيبنى
جمال: ببكاء على حال ابنته وعلى ما وصل له الجميع
احتضن ابنته تعالى أهدى ي بنتى اهدى علشان خاطرى
اميمه وصالح : وصلو لمكان الحادث فنظرت لزوجها وبحسرة أم لصاالح هاتلى ابنى ي صالح طيب أنا عمرى زعلتك رفضتلك طلب لأ صح طيب عايزه ابنى طلعو من هنا الجو برد هاتو ي صالح ومشت بتوهان وارادت نزول المياه فمنعها صالح اهدى واستودعيه
اميمه: لأ لااااااااااااااااااا مش هدفن ابنى أبنى الي هيدفنى سمعت أنا أم وواجبي ادفي ابنى أنا هنزله مش هسيبه تانى لوحده أبدا
رحيق: بانهيار حمززززززه اطلع حمزززززززة
اميمه: ولدي ابنى هاتو ابنى ونظرت للجميع وتتوسل لهم هاتو حمزه
علي: ومصطفي إيه الزحمه دى في ايه شكلها حادثه
علي: وقد انقبض قلبه حادثه خير ي رب ومشي بخطوات ثقيله وما أن وصل فرأي امه ورحيق وخالد والجميع متواجد فذهب لامه بتعيطى ليه ي ماما مالك لقيتو سلسبيل ونظر لابيه متنطقو فى إيه
اميمه: مسكت وجه علي اخوك .......
علي: نظر لابيه ونظر للمياه حمزه فين وانتم هنا ليه
رحيق: حمزززززززة غرق ومحدش عايزنى انزله ااااااااه
مصطفي: حمززززه غرق وبدون أى تردد نزل الي المياه وبصريخ من جمال ومن جميع الحضور فغاص مصطفي للاسفل
جمال: بصريخ فين الغواصين ومين الي نط ده
علي: هو الاخر نزل الي المياه وراء مصطفي
اميمه: وقد نزل عليها بالسكوت وكأنها بعالم آخر
رحيق: بأمل ي رب.... حمزه هيطلع ي بابا صح
جمال: لا اله الا الله ....
سندس: اختى فين هى كمان وبدات تنادى عليها بهستريا
وبعد عده دقائق خرج مصطفي وعلى من الماء محملين بخيبه أمل فلم يجدو اثر لحمزه
رحيق: إيه فين حمزه ي علي
علي: _____________
مصطفي: ببكاء للأسف التيار جامد أوى والعربيه كمان انجرفت فى مكانها أصلا
اميمه: نظرت لصالح يلا نروح ي صالح علشان اجهز اكل العرسان أنا إتأخرت وورايا حجات كتير لازم اعملها
صالح: ببكاء إن لله وإن إليه راجعون وأمسك بيد اميمه وغادرو المكان فنظرت خلفها ورجعت مرة اخرى فامسكت بيد علي يلا تعالي معايا ورانا حجات كتير يلا ي قلب ماما
رحيق: فسهت الجميع وجريت فى اتجاه المياه ونطت بها
جمال: رحييييق .... رحييييييق ؟؟؟؟؟
*********
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله الجزء الاول من هناااااااااا
الرواية كامله الجزء الثاني من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
 الفصل الحادي وعشرون والثانى وعشرون بقلم رانيا قنديل رواية اسرار القلوب( الجزء الثاني) الفصل الحادي وع…){kind=link}
تعليقات
إرسال تعليق