رواية حب لا يجوز شرعا الفصل الثالث عشر والرابع عشر بقلم ورد سليم
رواية حب لا يجوز شرعا الفصل الثالث عشر والرابع عشر بقلم ورد سليم
حب لا يجوز شرعاً
١٣ و ١٤
فعلا ليلة متناقضة سعيدة علي جزء وتعيسة علي جزء
(((((في بيت مازن)))))
مازن فضل طول الطريق ساكت ومش بيتكلم وبعد ما وصل بيته مع مامته دخل اوضته وقفل عليه وهومش طايق الهوا وبصراحة معاه حق فضل يبني في بيت من الاحلام وفي الاخر وداد هدته فوق دماغه هي زعلت علي ابنها وعارفة انه متنرڤز دلوقتي بس مقدرتش تسكت اكتر من كدة وعايزة تتكلم معاه راحت تخبط عليه وهو مش راضي يرد فتحت الباب ودخلت
وداد.. جري ايه يا مازن انت هتخاصمني ولا إيه
مازن........... ساكت
وداد.. تقدر تقولي ان فرضنا دلوقتي انك اتجوزتها ولادك هيبقي جدهم ايه واحد حشاش بتاع مخدرات مدمن وحتي لو هتحط ايدك فايده ازاي انت مكنتش شايفه وهو دماغه بتطوح وباين عليه مسطول
مازن بزعيق.. ماااااااااما لو سمحتي مش عايز اتكلم دلوقتي
وداد.. لا هنتكلم انا مقدرش اشوف ابني بيورط نفسه واقف اتفرج
مازن بغضب و صوت عالي.. وانا مقدرش اسيب سلمي مهما حصل ولو كنت سكت النهاردة يا ماما ده احتراما لحضرتك بس مش اكتر
وداد.. والله وجات اللي تخليك تعلي صوتك عليا يا مازن
مازن.. ماما انتي اللي بتخليني انفعل
وداد.. وده مبرر انك تعلي صوتك علي امك
مازن بعصبية.. دي حياتي ياماما تفتكري اتخلي عنها كده بمنتهي السهولة انتي عارفة انا ممكن ابقي ازاي من غيرها انتي عااارفة اني مش بطيق اشوفها بتتكلم مع حد من زمايلهااااااا انتي عارفة اني عايزها جانبي انهاردة قبل بكرا مش هو ده الاستقرار اللي انتي كنتي عايزاه واهو الاستقرار ده بقا مش شايفه مع حد غير سلمي... ولا هشوفه ياماما ياسلمي يا مفيش خاااالص
وداد.. انت ماشوفتش ابوها
مازن.. هي بالنسبالي كل حاجة انا هعوز ايه من ابوها الحاجة الوحيدة اللي هعوزها منه هي سلمي نفسها انا مش هتجوز غير سلمي لا اما خليني قاعد طول العمر كدا قدامك
وداد.. يبقي تخليك قاعد يا مازن عن اذنك
وراحت خارجة ورازعة الباب وراها
****************
(في بيت عم سامي)
بعد ما خلصو عشا والجميع قاعدين
عم سامي.. طيب يابني انت كده يعتبر جايلنا بطولك طبعا انت تشرفنا انت واخوك بس....
مروان..مروان انا فاهمك يا عم سامي بس انت عارف انا كل اللي ليا هما امي وجاسر ولو حضرتك تحب ابعت لعمامي انا معنديش مانع انما بقى ااااا......
عم سامي.. متحرجش نفسك يا بني مرضيش يجي طبعا
مروان.. ما انت عارف يا عم سامي هو مش ابويا وبعدين انا وجاسر مش قدها ولا ايه ولسة كمان لما نتفق ماما هتيجي علشان تبارك لمني
عم سامي.. لا يابني انت واخوك قدها وقدود بس...
مروان.. مبسش بقا ده انا مصدقت انك وافقت ودلوقتي بقا قولي طلباتك ايه
عم سامي.. انك تتقي ربنا في بنتي انا مليش طلبات
مروان.. ياعم سامي انت بتتكلم في إيه دي جوة قلبي وعنيا
مني قاعدة سامعة الحوار كله واتكسفت جدا من كلام مروان الجرئ بس طبعا مش بتتكلم احتراما لوالدها
عم سامي.. طب راعي اني ابوها وقاعد قدامك ع الاقل
مروان.. هههههههههه انا عارف انك اكتر واحد تفرح بكلامي ده وصدقني ده مش كلام دي حقيقة وبكرا تشوف المهم دلوقتي الخطوبة امتي
عم سامي.. بصراحة احنا معندناش خروج و مجي ومرواح كدا قدام الناس يا بني علشان تبقي عارف مبادي الخطوبة من اولها خطوبة يعني تزورنا هنا في البيت بس غير كده ملكش صلحيات عليها معلش يا بني من كلامي احنا ملناش غير سمعتنا
مروان بصدمة.. يعني مش هقدر اخرج معاها ولا افسحها ولا اي حاجة
عم سامي.. لا
مروان.. خلاص مش لازم خطوبة
مني برقت
مروان.. نخليها كتب كتاب علي طول.. ولا اقولك هو احنا لسة هنعرف بعض احنا نخليه فرح علي طول
عم سامي.. هههههههههههههههه حيلك يا بني سقف طموحاتك يقع علي دماغك فرح مرة واحدة
مروان.. ونستني ليه هو انا لسة هكون نفسي
عم سامي.. ايوة يا ابني بس ليه السرعة
مروان ..خير البر عاجله
وهو باصص لمني ومني كل طلباتها اوامر اللي تطلبه يتنفذ وهيجلها احسن من كل العرايس واحلي فستان تختاره والشبكة اللي علي مزاجها يالا بقى نقرا الفاتحة ع الكلام ده
مني فنفسها.. ياااااالهووووووي ‘والنعمة كنت عارفة انك مجنون بس مش للدرجادي
عم سامي.. الامر لله زغرطي يا ام تقي
لوووووولوووووووولووووووولييييييييييي
واتفقوا ان الفرح بعد 15يوم بالعافية من مروان اللي كان عايز الفرح بعد يومين بحجة انه مش هيقدر يشوف مني
******
(في بيت فوزي)
بعد ما مازن وامه مشيو مها دخلت اوضتها وانهارت من العياط فدخلت وراها احلام خدتها فحضنها
احلام.. بس يا سلمي متعمليش فنفسك كدا انتي يعني كنتي لحقتي تحبيه
فزاد نحيب سلمي
احلام.. طب خلاص اهدي لو ربنا كاتبهولك هتتجوزي غصبن عن امه وابوكي والدنيا كلها متزعليش بقا
سلمي بعياط .. لا ياماما انتي مشوفتيش مامته عملت ايه
مشوفتيهاش وهي بتقاطعه قبل ماينطق
احلام.. صدقيني لو ليكم نصيب في بعض هتخديه غصبا عن اي حد
واخدتها في حضنها
*************************
عند جاسر ومها طبعا انتو فاكرين اخر كلمة قالتهالو
مها.. مش ابوك
جاسر وقد تهاوت الارض من تحت قدماه فجلس علي مقعد بجانبه
جاسر.. هي وصلت بيكي الحقارة لكدة عايزاني اتبرى من ابويا علشانك.. ده لا انتي ولا ستات العالم بحاله
وجاء ليقوم فهمت عليه لتمنعه فصفعها صفعة قوية علي وجهها ودفعها علي الارض.... انتي اتجننتي
مها.. ارجوك يا جاسر يمكن تكون دي اخر فرصة ليا اشرحلك فيها
جاسر.. تشرحيلي ايه انتي بتخرررررررفي
مها.. ارجوك اسمعني الاول
(((فلاااااااااش باااااااااااااك)))
*ده نص الفلاش باك الاول لما جهاد قررت تساعد مها بس ده طبعا الجزء اللي مكنش ينفع تعرفوه ساعتها*
بعد ماجاسر عرف ان مها بقت مرات ابوه وطلع اوضته كسرها جهاد طلعت اوضته لقيته مكسرها ومدغدغها قلقت علي ابنها اللي كان جاي مبسوط وطاير من الفرحة وكلمها في التليفون وقالها حضري نفسك علشان هنروح نخطب وشكت اكتر لما شافت اول مقابلة بينه هو ومها من نظرات عنيهم
((في المطبخ فاكررررررين ))
نزلت جهاد تدور علي مها لقيتها في الجنينه
جهاد.. انتي انا عايزة اعرف دلوقتي ايه اللي بيحصل
مها بارتباك..ايه...... ايه اللي بيحصل
جهاد.. ابني مش طبيعي من ساعة ما شافك ممكن اعرف في ايه.. ابني كان راجع فرحان ومبسوط وكان رايح يخط................ ثم نظرت اليها نظرة شك.. اوعي يكون الللي جه فبالي انتي..انتي اللي كان عايز يخطبك انتي اللي كسرتي ابني كدا
مها ..لو سمحتي انا واحدة الدنيا كلها جاية عليها وظلماها فبلاش انتي كمان تيجي عليا حتي جاسر رافض يسمعني
فيا ريت تسمعيني انتي لو سمحتي
فرأفت بها جهاد حيث رأت في عينيها نظرة صدق حين تساقطط دموعها
جهاد.. كنتي عارفة ان توفيق ابوه
مها.. لا طبعا مكنتش اعرف انا اكيد مش حابة العذاب لنفسي وكمان انتي الصبح قررتي تساعديني ليه مش لما حكيتلك اني بحب واحد من سني وانتي تشهدي بكده.... انتي لازم تساعديني اتخلص من توفيق انا بحب جاسر واخذت تبكي بمرار... فرق لها قلب جهاد
جهاد.. انتي بتحبي جاسر بجد
مها.. جاسر هو نبض قلبي هونور عينيا هو بالنسبة ليا الحياة ((كل هذا من بين شهقاتها ودموعها ووجعها)
جهاد..حتي لو بتحبيه انتي عارفة انه خلاص اتحرم عليكي
وهنا فضت عينيها دمعا وفاض قلبها وجعا فآبي لسانها ان ينطق فهزت لها رأسها بالايجاب وابتلعت غصة مريرة في حلقها...... ونطقت بعد مرار
مها.. انا بس كل اللي عايزاه انه يعرف اني مسبتوش انا كان غصب عني ولو كنت هقدر اتحمل بعده طول العمر فانا مش هقدر انه يبصلي بصة وحشة ابدا ولا هقدر اتخيله بيعاملني وحش ولغاية دلوقتي مش مستوعبة اصلا ازاي هكمل بقيت حياتي معاه في مكان واحد
جهاد بحزن علي حالها.. بس يامها ماتعيطيش كل اللي هقدر اقولهولك انك تحافظي علي نفسك وان شاء الله هتبقي لجاسر وانا هساعدك علي توفيق
مها.. ماتحاوليش تواسيني انا عارفة ان خلاص اتحرمنا علي بعض
جهاد.. لا تقدروا تتجوزو لو اتطلقتي من توفيق
مها بعدم استيعاب.. ايه اللي حضرتك بتقوليه ده....... و
لتقاطعها جهاد...مش ابوه.... توفيق مش ابوه يا مها
ها هي جهاد قد اعترفت بسر حياتها لحبيبة ابنها نعم.. نعم يا سادة انها الام قد ضحت بسمعتها وسرها من اجل سعادة ولدها ولكنها لا تعلم انها بهذة الطريقة قد فتحت عليهم جميعا ابواب السراب.. نعم ها هي ستشتت اذهان الجميع
مها.. اذاي.. مش فاهمة طيب اذاي
جهاد.. لغاية كدا ومقدرش اقولك حاجة تانية الكلام ده حتي توفيق ميعرفوش ولا عمري كنت اتخيل اني انا بنفسي اللي اقول السر ده لحد بس انا شوفت كسرة ابني ووجعه شوفته حزين بعد ما كان طاير في السما من الفرحة وانا اهم حاجة فحياتي هما ولادي بس وعلي فكرة توفيق مش هو الزوج الحنون المخلص عشان مايصعبش عليكي كل اللي هقولهولك بعد ما تطلقي من توفيق هسفركم برا انتي وجاسر مش لازم تعيشو هنا المهم يكون ابني مبسوط
باااااااااااااااااك
جاسر قاعد مزهول من اللي بيسمعه
مها.. اسال مامتك يا جاسر لو مش مصدقن
جاسربهدوء.. انا اكيد مش فحقيقة صح.. صح يامها فوقيني من الكاااابوس ده بقااااا وقوليلي انت بتحلم وانا لسة ليك وحياتك زي ماهي قولي ان الخرافات اللي انتي بتقوليها دي محصلتش قولي
مها.. للاسف ياجاسر احنا مش فحلم.. بس خلاص انت عرفت انه مش ابوه
جاسر... ههههههههههههههههههههههههههههه ((عارفين دي ايه دي ضحكة وجع))
وانتي بقا فاكرة نفسك لما تيجي تقوليلي الكلام ده انا هبيعه بالسهولة دي هسيب الراجل اللي امي قالتلك مش ابويا عشانك ده حتي لو مش ابويا نسيتي اني كبرت علي اديه
ولما هو مش ابويا.... انا ابن مييييييين
(وجلس يبكي بحرقة علي تحول حياته الي جحيم فاقتربت منه تربط علي ظهره فدفعها بيده بعنف
كل ده بسببك انتي لو ما كنتيش دخلتي حياتي مكنتش هتبقي كده
وجاء ليذهب لأمه كالبركان ولكن تذكر مروان
جاسر.. انا مش هتكلم دلوقتي مش هكسر فرحة مروان اخويا... هه ولا ياعالم هو كمان اخويا ولا لا
وتركها وغادر وعدى عليهم ليلة غير طبيعية علي الجميع
*********************
(في لندن)
كان يتواجد مستر چاك بصحبة توفيق
مستر چاك.. ماذا بك مستر توفيق تبدو وكأنك واهن او متعب
توفيق.. حقا لدي شعور بالدوار والارهاق الشديد
چاك.. احقا يا رجل انت في مدينة لندن حيث يأتيها الزوار لكي يطمئنون علي انفسهم وانت هنا ولا تجري بعض التحاليل لكي تطمئن علي نفسك
توفيق.. انت محق ولكن طائرتي بعد ساعتين يمكنني اجراء تحاليل شاملة قبل ان اغادر وسأعود بعد يومين لاتمام الصفقة وتكون التحاليل جاهزه
چاك.. نعم بالطبع قم بعملها قبل ان تغادر
وذهب توفيق لاجراء التحاليل وطلبوا منهرعدة تحاليل رجالية
توفيق لنفسه.. ايه الناس الرايقة دي ايه التحليل اللي طالبينه ده وده ماله بالارهاق
وفعلا عمل التحاليل وسافر بعد ساعة
في الكباريه
مايا راحت لوليد ع البار وهو قاعد مش طايق دبان وشه
مايا.. ايه يا وليد شكلك جايب اخبار جديدة
وليد.. الاستاذ خلاص خطب مني وفرحهم كمان ايام
مايا. ..هو ده اللي مزعلك طب متزعلش انت تقعد بس وتتفرج ع اللي هيحصل مادام الفرح لسه ماتمش
ـــــــــــــــــــــــــــــــــــــــــــــــــــــــــــ
حب لا يجوز شرعاً
توفيق روح الڤيلا وعرف ان مروان خطب مني وهيجهز لفرحه ومرديش يتدخله فاي حاجة.. مروان قرر انه يعمل فرحه في قاعة وياخد شقة علي قده بس امه رفضت واجبرته انه يعمل فرحه في جنينة الڤيلا ويجهز جناح في الڤيلا يتجوز فيه وفعلا بدا يعمل كدا.. جاسر كان بيتجنب امه ومها وحتي توفيق ودايما مش موجود في الڤيلا ومستني يعدي فرح مروان علشان يتاكد من كلام مها..جهاد عاتبت مها جدا انها قالتله حاجة زي كدا دلوقتي.. سلمي اكتئبت بعد موضوع مازن وبطلت تروح الجامعة.. مازن وشه خس جدا لانه تقريبا بطل ياكل وزعلان جدا وطول الفترة الموجود فيها في البيت قافل علي نفسه.. وداد قلبها حن وزعلت علي منظر مازن فقررت تفاجئه وتخطبله سلمي وفعلا راحت خطبتها من ورا مازن وروحت البيت
وداد..ايه يا مازن هتفضل قافل علي نفسك كده كتير
مازن.. عايزاني اعمل ايه يا ماما
وداد.. ده انا حتي جايبالك خبر حلو
مازن.. عادي مبقتش فارقة
وداد.. حتي لو قولتلك انا خطبتلك
بصلها والشرار كان قرب يخرج من عنيه وبمنتهي العصبية
مازن.. يعني مش كفاية اللي انتي عملتيه معايا يا ماما رايحة تعميها اكتر اتفضلي وانتي لسة لابسة تروحي للي انتي اتفقتي معاهم قوليلهم انا اسفة انا جيت من ورا العريس وهو رافض لا نه مش هيتجوز غير سلمي.. سلمي يا ماما
وداد عارفة الحالة اللي ابنها هيبقي فيها لما تقوله خبر زي ده من قبل ماتتكلم بس حبت تلعب باعصاب ابنها ومسكت شنطتها وكانها فعلا راجعة تاني
وداد.. انت شايف كدا
مازن.. اتفضلي يا ماما تروحي توقفي المهزلة اللي انتي عملتيها
وداد.. ماشي انا ماشية بس كلم سلمي قولها ماما راجعة عندكم تاني دلوقتي علشان اسحب كلامي معاكم
اخذ وقت مزدهلا بعدما القت عليه امه هذه الكلمات متحدثا مع ذاته كيف احدث سلمي اخبرها بمجيئ امي اليها مرة اخرى احقا ما آتي ببالي وكانت عندهم بالمرة الأولى احقا امي اجبرت بخاطري وذهبت حلت عني عبئ كبير وخطبتلي سلمي احقا قربت لي حب العمر
وداد.. هتفضل واقف مبلم كده كتير ولا لسانك كلته القطة كلمها قولها ماما جاية تفسخ الخطوبة
مازن بفرحة.. امي انتي بتتكلمي بجد ولا بتسرحي بيها انا عارفك صدقيني
وداد.. اسرح بيك يا قليل الادب يا...
وقبل ان تكمل جملتها كان حملها ابنها ودار بها وكانه يحمل حبيبته حقا انها حبيبته الاولي
مازن بسعادة.. بحببببببببببببببببك قوووووووووووووووووي
وداد من وسط ضحكاتها وفرحتها لفرحة ابنها
وانا كمان بحبك يا حبيبي ومليش غير ومهنش عليا احرمك من اللي قلبك اختارها وحبيتها ودلوقتي غير لبسك علشان تروح تجيب لعروستك احلي شبكة زمانها مستنياك دلوقتي
وفعلا مازن راح لسلمي وباركلها وكانوا هما الاتنين طايرين من الفرحة وراحو اشتروا الشبكة وكان معاهم احلام
***********************************
الايام عمالة تعدي ويبقي الوضع علي ماهو عليه الفرحان فرحان والزعلان زعلان واللي بيخطط للشر بردو بيخطط وبسرعة قووووي جه يوم الفرح
مروان خلص كل حاجة خلص الجناح ووضبه احلي حاجة وكان فعلا تحفة من اول الدهانات للفرش اللي من برا وملي الاوضة بالورد وخاصة السرير كان مرسوم عليه قلب من الورد ومكتوب جواه مني وباقي السرير ورد ابيض واحمر وقفل الجناح لغاية مامني اللي تبقي اول واحدة تشوفه جاب ليه بدلة تحفة وكان فستانها فستان اميرات وداها بيوتي سنتر وهما ماشيين في العربية
مروان.. انا مش مصدق نفسي لغاية دلوقتي اني ملكتك بس ف اسبوعين وبردو متعرفيش الاسبوعين دول عدو عليا ازاي
مني.. الحمدلله ده انا كنت قربت اقتنع ان ابو الهول هيتحرك قبليك
مروان.. بقي كده طب ايه رايك انا غيرت رأيي
مني.. بقي كدا طب اركن ونزلني بقا
مروان.. لا انزلك ايه ده انا هاين عليا اروح ع البيت علي طول انتي ما صدقتي
مني.. ايوة اتعدل
مروان .. حاضر يا فندم ..فاكرة كنتي بتشليني بالكلمة دي
مني.. هههههههههههههههههههههههههه احسن
مروان.. بقي كدا وانا اللي مجهزلك جناج اميرات
مني.. بجد يامروان
مروان.. بجد ياروح مروان
مني.. بحبك 💗
مروان.. وانابمووووووو... ولااقولك انا مش هتكلم دلوقتي بيني وبينك 6ساعات وبعدين يحلها ربنا💘
مني.. مجنون😵
مروان.. كل ده واكتر هتتاكدي منه انهاردة يالا وصلنا 8بالدقيقة هجيلك جاهزة مش جاهزة هاخدك واطير
مني.. هههههههههههههههه اوكيه
ونزلت مني دخلت البيوتي سنتر والحظ خدمها لا مايا متعرفش هي راحت انهي بيوتي سنتر ايوة كانت ناوية تروحلها هناك بس قررت تروحلها الفرح بليل تعمل اللي عليها
چاك راح جاب التحاليل واتصدم لما عرف النتيجة ...توفيق مش بيخلف... بس قرر انه مينفعش يقول لتوفيق موضوع زي ده في التليفون وكمان توفيق المفروض كان سافر تاني بس مسافرش فقرر چاك انه يروحله بنفسه
((((في التليفون))))
چاك.. لماذا لم تاتي الي هنا لتكمل صفقتنا وتستلم تحاليلك
توفيق..ابن زوجتي كان يحضر لزواجه ولم يكن في الشركة سواي انا وابني وكان العمل كثير هذه الايام
فصمت چاك حين سمع كلمة ابني چاك.. انا ساحضر اليوم الي مصر وسأتي لك بالتحاليل معي
توفيق.. حسنا سانتظرك اليوم فرح مروان وستشرفنا
چاك.. كن فانتظاري الي اللقاء
*************************
وبسرعة الوقت فات وقبل المعاد بساعتين مني كلمت مروان وقالتله انها خلصت بدري عشان يجي ياخدها وفعلا مروان قفل معاها واستعجل المأذون وكان هو خلاص قرب يخلص لبس .. خلص لبس البدلة كانت عليه جميلة جدا هو اصلا قمر ومع تسريحة شعره والبرفان كانه نجم ونزل تحت في الڤيلا
جهاد.. بسم الله ماشاء الله عشت وشوفتك عريس قمر 14يا حبيبي وراحت حضناه
مروان.. بس ايه رأيك ياماما باين عليا اني عريس ولا لا
جهاد باين عليك انك قمر يا حبيبي ربنا يحفظك ليا انت واخوك هو ملبسش ليه
في نفس الوقت كان جاسر نازل من ع السلم ميقلش وسامة واناقة عن مروان وبالصدفة كانت مها لابسة فستان نفس لون الكراڤات بتاعته اللون البنفسجي الهادي ومن اول ما ظهر وهو نازل وهي عينها عليه لكن هو ولا سائل فيها لا هي ولا جهاد واول مانزل سلم علي اخوه وباركله وحضنو بعض وخرجو برا علشان يروحو يجيبو مني الجنينة متوضبة بطريقة جميلة جدا الكراسي بكسوة بيضة وفيونكة موڤ من ع الضهر الكوشة عبارة عن كنبة صغيرة للعرسان علي احدث صيحة الترابيزات مفارشها بنفس لون الفيونكة اللي فظهر الكرسي وفعلا راحو جابوا مني مروان دخل يستلمها وكانت جمالها فوق الوصف جميلة جدا بفستانها بميكبها بطرحتها كل حاجة فيها تحفة
مروان بانبهار .. بسم الله ماشاء الله انتي مني
مني.. افنددددددددم
مروان بضحكة.. لا ادام فيها افندم يبقا انتي مني
وقرب منها علشان يبوسها من راسها راحت بعداه بعيد
مني... اييييه رايح فين انت لسة مش جوزي اما نكتب الكتاب اخليك تبوس راسي
مروان.. ايه يا ابو صلاح يا راجل مش كده ده النهاردة فرحنا حتي وبعدين راسك ايه ديه اللي ابوسها بعد مانكتب الكتاب ده انا............ .
مني.. ايه حيلك حيلك مش انابردو ابو صلاح يبقي مفيش
مروان بسرعة.. لا لا مفيش ايه هههه ده انا اللي ابو صلاح عاجبك ياستي معقول القمر ده كله ابو صلاح يالا بقا عشان جاسر مستنيني تحت واتصلو بينا قالولنا المأذون جه
وراحو والفرح بدا وكتبو الكتاب ومروان قام باس مني من راسها فعلا وللمرة التانية الحظ بيخدمهم ومايا جت متأخر بعد ما كتبو الكتاب وهتطق وهي شايفة الفرح والع ومني بتغني لمروان بعد ما قوموها بالعافية تغني
مني.. هو ده اللي كان ناقصني حلو وكاريزما وعاجبني قلبي شافو نط فجأة من مكانه قا م بايسني اما عن احساسي بيه احكي ايه انا ولا ايه مش مبالغة ومش بهزر فين هلاقي كلام يعبر .اما عن احساااااسي بيه احكي ايه انا ولا ايه صعب جدا اني اقدر حبي ليه بحبة كلام...........روحي جريت ليه بسرعة تقل ايه ده الحب صنعة وسر عنصر المفاجأة هز قلبو قام حاضني اما عن احساسي بيه احكي ايه انا ولا ايه... (((كفاية كدا)))
چاك جه وتوفيق استقبله وعمل معاه واجب الضيافة وحس ان جاك مش طبيعي او فيه حاجة مش طبيعية
توفيق.. ماذا بك چاك
چاك.. ما في شئ توفيق ولكن دعني اعطيك هذه التحاليل ولكن تمالك اعصابك الي اقصي حد ممكن
توفيق.. ماذا بها چاك لقد قلقتني كثيرا
چاك.. لا يمكن ان تطلع عليها هنا توفيق ولكن خذها واذهب الي مكان ليس به احد. وقبل ان تتصرف فكر بتآني تذكر توفيق فكر بتآني
جاك استاذن توفيق ومشي راح الاوتيل وتوفيق سابهم وطلع اوضته الجديدة اللي هي بتاعة مها وقفل الباب بالمفتاح وقعد علي السرير وقرا التحاليل وقرأها تاني وتالت ورابع وقاعد مزهول اكيد مش سهل علي اي راجل بعد ما ابنه يبقي عنده 30سنة يكتشف انه مش ابنه الفكرة هي فعلتا بمثابة كارثة لاي راجل مش هامه انه بيخلف ولا لا هو كل اللي همه اسمه و شرفه وفعلا معاه حق جدا توفيق لاول مرة عينه تعرف طريق الدموع وحالته فعلا كانت تصعب علي الكافر لانها دموع راجل ومش اي راجل ده توفيق علام غير انه من اغني اغنياء البلد الا انه راجل كبير في السن اتجرح واطعن في ضهره ومن مين من مراته ..بس استنو ((ميصعبش عليكم قوي كدا انتو لسة متعرفوش عنه حاجة))
نسيبو يعيط شوية ونشوف حد تاني في الفرح نرووووح لميييين اممممممممم.. الواد مازن**********************
مازن.. هو فيه كدا ايه القمر ده
سلمي.. بجد يعني انت شايفني حلوة
مازن.. ان بس اللي شايفك ده الفرح كله شايفك يا امي بصي انا هعد 3لو ممشتيش من قدامي روحتي شيلتي المكياچ ده من علي وشك هاخد فيكي تأبيدة انهاردة
سلمي.. ايه الرومانسية اللي انت فيها دي وبعدين ده فرح
مازن.. معنديش انا الكلام ده انا بس اللي اشوفك قمر كدا.. اناني؟...اه اناني بس محدش يبص لعنيكي الحلوة دي ولا خدودك القمر ولا شفا..... انا بقول كفاية كدا قلبي تعب من الوصف مكنتش امي حددتلي معاد الفرح بالمرة من ضمن المفاجآت
سلمي برقة وكسوف..اتلم يامازن الناس بتبص علينا وسابته وجريت
مازن .. يا دييين النبى انا مقدرش اصبر كدا وجرى وراها.. سلمى خدى يابت يابنت المجنوووونة
مني خلصت غني ورقصوا مع بعض والفرح كان جميل مفيش مهموم غير جاسر ومها سلمي كانت لابسة فستان جميل مازن اللي جابهولها بطرحته باكسسوراته بالبرفان ((الواد مازن ده عنده زوق والنعمة)) سهي كمان كانت لابسة فستان رقيق جدا وجميل وجات رقصة سلو وجاسر راح خدها رقص معاها تحت انظار مها مني طلبت من مروان تروح تظبت الميكب بتاعها لانه الجو حر كان هيوديها بس شاف ناس صحابه لسه جايين فشاورلها علي اوضة في الفيلا وفيها مرايا كمان مني راحت ومعاها تقي اختها دخلو الاوضة وتقي اكتشفت انها نسيت شنطتها اللي فيها الميكب برا في الجنينة وراحت تجيبها وعلي جنب واقفة العين الشريرة اللي مستنية فرصة تستفرد بمني فيها وللاسف الحظ مخدمش مني المرادي وجاتلها مايا
مايا بسخرية.. انتى بقا منى
منى.. بأستغراب افندم؟ مين حضرتك
مايا باستفزاز.. حضرتى هيهيهيهيهيهيهي ( ضحكة خليعة مليانة غل ) لا والله وعرفت تصطاد قطتك يا مروان .بس اده بجد متعرفيش انا مين ولا مروان حبيبى مقالكيش
منى.. حست ان الارض بتلف بيها مش فاهمة حاجة ومش عارفة تفكر دى تبقاله ايه وحبيبها ازاى
منى.. الزمى ادبك يا ست انتى ومروان هايعرف الاشكال دى منين ( طبعا من جواها نار لانها عارفة ماضيه )
مايا ب وقاحة.. قربت منها اوى ..تؤتؤتؤتؤ ياحراااام شكلك غلبانة ومتعرفيهوش كويس اعتبرينى فاعل خير وحبيت ارسيكى عالموضوع بصى يا حلوة لو كنتى فاكرة مروان بتاع جواز والجو دا ف انتى غلطانة هو مجرد عايز منك حاجة ومافيش غير الطريق دا يدخلك منه لانه بأختصااار بيمل بسرعة .ولو كنتى فاكرة انك كدا اخدتى كل حاجة وبقى بتاعك لوحدك احب اعرفك انى حامل منه .
صدمة سكوت انهيار .منى ملقتش كلمة تقولها سابت الدموع تعبر عن الكلام اللى جواها.
وهنا مايا قربت من ودنها وقالتلها .. الحقى نفسك قبل مايرميكى فالشارع لما يزهق منك اصله مستحيل يحب بنت شغالة عنده ولا انتى كنتى مغمية عينك عن الحقيقة دى ولا ايه ياقطة سلام بقى اتأخرت.
خرجت وسابت منى منهارة فالعياط والميكب باظ طبعا ومش قادرة تاخد نفسها
تقى دخلت عليها اتصدمت .
..منى مالك انتى كويسة
منى.. مبتردش بتعيط بصمت ( فعلا ممكن حبى ليه عمانى عن تصرفاته او انه ممكن يفكر فيا كدا ياااا للدرجادى يامروان )
بعد شوية من تهديئات تقى وحاولت تظبط الميكب تحت صمت منى وخرجت وهى اللى حد ما حاولت تخفى اثار العياط.
مروان اول ماشافها .. ايه ياحبيبى كل دا دنا كنت قربت امشيهم واخشلك بنفسى
منى.. ساكتة بتبصله اول مرة نظرة مبفهمهاش
مروان .. مالك يا منى انتى كويسة حد زعلك جوا؟؟
منى اخيرا جاهدت علشان صوتها يخرج متماسك.. اه كويسة انا عايزة اطلع
مروان .. بغمزة ( بس كدا دا انا همووت واطلع وشدها من ايديها وراح اعتذر انهم تعبوا وخلاص اتشرفو بحضورهم واخدها وطلع بيها الجناح بتاعه تحت تصفيرات الاصحاب ومباركات وتهنئأت ( ولكن هيهات ) يافرحة ما تمت
اول مادخل الاوضة ونزلها على الارض مسك ايدها وباسها بكل رقة وحب .
.. اخيرا بقيتى ملكى انتى متتصوريش انا اسعد انسان فالدنيا بسببك يا منى ومال على ايديها مرة اخرى مقبلٱ لها برقة بالغة
وهنا منى شدت ايدها بسرعة ورجعت ورا خطوتين
مروان استغرب من رد فعلها بس فضل مسيطر على هدوئه.
مروان .. مالك يا منى انتى خايفة منى؟؟؟
منى .. بصاله وفى دمعة نزلت على خدها وساكتة
مروان بيهزها .. منى اتكلمى فيه ايه ماتردى علياا
منى ... طلقنى يامروان .
لمتابعة الرواية الجديدة زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق