رواية صخر الفصل الثامن وعشرون والتاسع وعشرون بقلم لولو الصياد حصريه في مدونة موسوعة القصص والروايات
رواية صخر الفصل الثامن وعشرون والتاسع وعشرون بقلم لولو الصياد حصريه في مدونة موسوعة القصص والروايات
الفصل الثامن والتاسع والعشرين ....
صخر ....روفيدا
وقفت روفيدا مكانها والتفتت الي يمينها وجدت صخر
ينتظرها بالظلام
روفيدا بهمس...نعم يا صخر
صخر....عاوز أتكلم معاكي تعالي معايا
روفيدا...مينفعش بكره بليز
صخر....وده ليه
روفيدا...تعبانه يا صخر ارجوك أجل أي كلام لبكره ارجوك يا صخر
صخر...بتنهيده عميقه ...
صخر...حاضر يا روفيدا
روفيدا بامتنان.....شكرا بجد يا صخر
صخر....ممكن اطلب منك طلب
روفيدا...موافقه بس بعيد عن اي عتاب أو مشاكل ارجوك انا معنديش طاقة والله
صخر....لا مش كده
روفيدا ....امال
اقترب منها صخر ومد يده لها نظرت روفيدا الي يده الممدوده لثواني معدودة ورفعت وجهها ونظرت بعيونه للحظات وبعدها وضعت يدها بيده حينها ابتسم لها صخر حتي تثق به ولا تخاف فردت الابتسامة له
صخر ...تعالي
أمسك صخر بيدها واتجه بها الي خلوته
فتح صخر الباب
ولكن قبل أن تدخل روفيدا
صخر....قبل ما ندخل عاوزك تنسي ان انا صخر القاسي خالص عاوز نعتبر انهارده يوم مميز زي يوم النادي
روفيدا بابتسامة حين تذكرت
روفيدا...ده يوم ميتنسيش
صخر...بحب...وده كمان مش هننساه ابدا
دخلت روفيدا وجدت المكان مزين بطريقه رائعه جدا بالورود والشموع وهناك طاوله عشاء كانت بانتظارهم
روفيدا ...وهي تنظر له بفرحه حقيقيه وقد نست كل ما مرت به الأيام الماضية
روفيدا ....انا بجد مش مصدقة نفسي زي الأفلام والروايات بالظبط
صخر ....عارف انك بتحبي الرومانسية جدا
روفيدا بسرعه ...طبعا جدا وبحب أوي لما اقرا روايه تكون نهايتها الحب والجواز أوي وبحب البطل يكون رومانسي كده مع حبيبته زيك
قالتها ببراءة ودون إدراك منها ابتسم حينها صخر وأدركت روفيدا ما قالت
روفيدا وقد أصبحت خدودها حمراء مثل التفاح من
شده الخجل والتوتر مما قالت وابتسامه صخر إصابتها
بالخجل اكثر واكثر
صخر بحب ...عندك حق
روفيدا بتوتر اكبر...
روفيدا ...صخر بطل تجرحني بقي
صخر ...ههههههههههه خلاص عارفه رغم أن انا كنت
مضايق منك جدا بس حسيت ان انا عاوز هدنه معاكي زي يوم المطبخ اوي
روفيدا...وهي تشير الي الأكل
روفيدا....مش هناكل
صخر وهو يمسك بيدها ويتجهوا الي الطاوله ويجلس روفيدا علي الكرسي وهو من سحبه لها بنفسه حتي جلست وبعدها قام بتشتغل اغنيه
قد الحروف لاصاله
قد الحروف قد الحروف اللي في اسامي العاشقين بحبك
قد الثواني والدقايق والسنين بحبك
قد الهموم اللي في قلوب البشر
قد العيون اللي كحلها السهر
قد ما قلبي اشتكي من نار حبك
قد ما ليلي حكي عن طول بعدك
قد الحروف اللي في اسامي العاشقين بحبك.....
.............
علي الجانب الآخر
كانت بسمه تجلس بحديقه
فيلتهم حين وجدت شاهين
يدخل من باب فيلتهم
ابتسمت له بسمه بفرحه
شاهين وهو يجلس بجانبها
ويتحدث وهو مصطنع الزعل
شاهين ....الناس اللي مبتسالش
بسمه بابتسامة ....اسفه والله بس تعبانه شويه عندي برد
شاهين...خلاص عفونا عنك صحيح فين والدك ووالدتك
حابب اتعرف عليهم
بسمه ..بتوتر .جوه تحب تشوفهم
شاهين .....اكيد
بسمه... طيب اتفضل
ت
وقفت بسمه هي شاهين وكانوا يتجهون الي الداخل
حين سمعوا صوت صراخ الأب والأم من الداخل
حينها شعرت بسمه وكأنها تريد أن تنشق الأرض و تبتلعها
شاهين وهو يتسال بدهشة
شاهين...في ايه واضح أن حد بيتخانق
بسمه برجاء وهي تنظر له
بسمه...شاهين ممكن ارجوك تروح دلوقتي وتيجي بعدين ارجوك يا شاهين
نظر لها شاهين وعلم الآن الوالد والوالدة بالداخل والمشاكل بينهم وصوت صراخهم العالي يمليء الفيلا
وابنتهم هنا بالخارج تشعر بالحرج والكسوف
شاهين ...حاضر يا بسمه
بسمه وهي تدفعه باتجاه باب الفيلا حتي لا يسمع اكثر
بسمه ...اسفه يا شاهين اسفه بجد
خرج شاهين وهي سحبت نفس عميق ودخلت إليهم
لقد فاض بها منذ رجوعهم وهم لا يملون من المشاكل نهائيا
دخلت إليهم وجدتهم بالصالون وصوت صراخهم عالي
دخلت عليهم
لم تستطع تحمل صوتهم العالي اكثر من ذلك سنوات وسنوات وهم لا يشعرون بأنهم يدمرون نفسيه ابنتهم
بسمه بصراخ...بس بقي حرام عليكم
توقف الأب والأم عن الصراخ ونظروا لها
الأم ...بعصبيه ....تعالي يا بسمه شوفي ابوكي
الأب...تشوف أبوها ولا تشوف امها اللي خلاص كرهتني في حياتي
بسمه بعصبية.....انتم اللي لازم تسمعوني المره دي وشوفوا المره دي كلامي اسمعوني مره بقالي كتير أوي تعبانه بسببكم انتم الاتنين
الأم .وهي تنظر لها بدهشه.
الام..مالك يا بسمه
بسمه بحزن ....خايفه عليا ياماما انتي عمرك ما خفتي عليا يا ماما عمري ما حسيت انك خايفه عليا انا كنت كتير ببقي نفسي أحس يعني ايه حضن الأم عمرك يا ماما ما فكرتي تحضنيني خالص عمرك ما فكرتي تسأليني عن أسراري زي اي أم حتي لما كنت بتعب كنتي بتسيبيني للخدم لأنك مش قادره تسيبي بابا ودايما تسافري معاه عشان تراقبيه وبس لكن بنتك نسيتها خالص كأني شيء مالوش اي قيمه عندك وانت يا بابا
نظرت الي أبوها وكانت دموعها تنهمر مثل الشلال علي وجهها ووجهها شاحب من شده الحزن
بسمه ...وانت يا بابا عمرك ما حسستني اني مهمه عندك دايما شغلك الاهم ودايما تحاول تغيظ ماما انك لسه حلو والستات بتجري وراك احب اقولك ان كل ده عشان فلوسك وبس يا بابا عمرك فكرت فيا انا بحس بايه ايام كتير كنت يتمني تاخدني زي أب معاك وتفسحني عدي من عمرى كتير كنت كل عيد ميلاد ليا كنت تبعتلي الهديه مع ماما او السكرتيرة كتير كنت بحلم يا بابا انك جاي تصحيني يوم ميلادي وتديني هديتي كتير كنت يتمني تحضر معايا حفله او اجتماع آباء كنت بحس اني نكره ماليش لازمه لما انتم مش عاوزني جبتوني ليه انا والله عمري ما حسيت بجو العيله نهائي دايما حاسه إني يتيمه حرام عليكم والله حرام حرام بقي كفايه حسوا بيا شويه بصوا لشكلكم قدام الناس الخدم ونظراتهم عليكم ارجوكم ارحموني
وبعدها سقطت ارضا مغشيا عليها
الام ....بنتي
..............
علي الجانب الآخر كانت الجو بين روفيدا و صخر هاديء جدا وكان العشاء يتوسطه أحاديث عامه
وبعض النظرات والابتسامات الجانبيه
اخيرا نظرت له روفيدا بتركيز وهي تتذكر كل لحظه بينهم
حتي لحظات القسوه من صخر وأخيرا ابتسمت كان كل شيء بداخلها لا ينسي وخصوصا ان كان متعلق بصخر لماذا بالطبع لانها تحبه
ولكن لم تدرك أنها كانت تتحدث بصوت عالي
روفيدا......انا بحب صخر معقول
........
لولو الصياد...صخر
الفصل التاسع والعشرين....
روفيدا.....انا بحب صخر معقول
ابتسم صخر حين سمع كلامها حبيبته الصغيره تحبه
صخر ...بحب ...ومش معقول ليه انا كمان بحبك
رفعت روفيدا وجهها بسرعه ونظرت بعيونه كانت تريد البكاء
لقد تحدثت بصوت عالي كالعاده حين تفكر بشيء ما
صخر وهو يقف ويقترب
منها حتي وقف أمامها وأمسك بيدها وسحبها حتي وقفت أمامه
صخر ....وهو يمسك وجهها بيده
صخر ...بعشق وهيام وبكل قوه عاشق لها قالهااخيرا دون خوف دون توتر دون أن يكون كا اسمه صخر كان مثل الصخر ينكسر ويتحطم ولكن لا يتحدث نهائيا ولكن الآن هي من فتحت الطريق أمامه
صخر....انا بحبك يا روفيدا حب مفيش حد حبه لحد لما بتغيبي عني بحس ان انا وحيد انت عندي الحبيبه والصديقه والأم والأخت وكل حاجه
روفيدا بتعجب ....بتحبني انا مستحيل
صخر وهو يبتسم بسخرية
صخر....امال بعمل كل ده ليه عشان خايف تروحي مني وقت موضوع آدم فعلا انا رفضت يقابلك لكن يا روفيدا مش علشان الفلوس وانك تفضلي تحت رحمتي والكلام الفارغ ده انا والله العظيم بخاف عليكي أكتر من نفسي مستعد اديكي عمري كله وقتها كنتي كرهاني يا روفيدا كنت بتعب ازاي كنتي عاوزني اديكي حاجه تبعدك عني
روفيدا...بس دي انانيه كان ممكن تخليني أختار او زي ما عملت تخليني غصب عني أفضل معاك لحد ما تنتهي الوصايه
صخر....ممكن فعلا بس وقت كنت حاسس إني زي الأم اللي جاي حد ياخد منها ابنها كنت حاسس إني هكون زي اسمي صخر هكون وقتها فقدتك وساعتها هكون فقدت روحي انا عارف إني أناني لكن انا قبل ده عاشق لحد الجنون
روفيدا بخجل.....من أمتي ومين عارف
صخر....محدش يعرف غير جدتي وانهارده بس وقت ما قلتي كلامك وهربتي كالعاده وقتها عرفت إني بحبك بس صدقيني انا حبي ليكي من زمان أوي حبيتك من وانتي طفله حافظ كل حاجه فيكي كل حاجه بتحبيها كل حاجه بتفكري فيها انا مش بحبك بس يا روفيدا انا بعشقك وصدقيني والله العظيم عمري في حياتي ما في ست قلتلها كده ولا عمري حبيت ولا هحب حد غيرك مهما حصل
روفيدا...بتعجب ....ازاي محبتش قبلي
صخر وهو يترك وجهها ويبتعد قليلا ويقف أمام شباك الحلوه وينظر الي الظلام بالخارج
صخر....كان ممنوع
روفيدا من خلفه....ممنوع ازاي
صخر بسخرية......جدي كان مانع عليا اي فرحه كان عاوزني صخر زي اسمي كان عاوز يعمل نسخه ثانيه منه بس
روفيدا....بس ايه
صخر وهو يلتفت وينظر لها
صخر.بابتسامه مرحه...بس جيتي انتي قلبتي كل حاجه بعنادك ومشاكستك خلتيني انسي كل حاجه علمها ليا صخر العراقي جدي واتعلمت احبك وبقيت اسمي صخر لكن جوايا واحساسي ومشاعري وكل حاجه كانت بتفرحني وخلتني سعيد كل ده لسبب حبك بس يا روفيدا
روفيدا بدموع وابتسامة فرح حقيقيه أنها تعشق هذا الرجل كيف لم تدرك هذا من قبل
روفيدا....ليه يا صخر
صخر وهو يقترب منها ويقف أمامها
صخر ....ليه ايه يا حبيبتي
روفيدا بصوت مخنوق
روفيدا....ليه مقلتش ليا من زمان
صخر وهو يمسك وجهها بيده
صخر.....بمداعبه....
صخر.....كنتي بتكرهيني يا حبيبتي
روفيدا بسرعه....لا يا صخر انا بحبك والله العظيم بحبك واول مره اعرف واتاكد أنها ده إني بحبك انا كنت بخاف منك يا صخر كنت فاكره انك بتكرهني كنت بخاف منك
صخر....ههههههههههه كنتي مشاكسه شقيه زي القطط
روفيدا....ههههههههههه مش عارفه ازاي حبتني وقتهاكنت وحشه أوي متشكره
صخر بصدق ....
صخر....عمري ما شفت احلي منك انتي دايما اجمل الستات انتي حته مني وتربيتي انتي بنتي اللي ربتها وحبيبتي اللي استنتها
روفيدا بخجل....مش مصدقه ان انا وانت بنتكلم كده انا كنت هدمر كل حاجه
صخر...بحزن...انسي يا قلب صخر انا نسيت خلاص
روفيدا.....صخر انا تحب كل حاجه بس آدم زي أخويا ارجوك تنسي اللي فات ونبتدي من جديد ونانسي اي خلاف دول من ريحه بابا وصدقني آدم شخص كويس وانت غلطت وهو غلط ومش عاوزه بينكم اي مشاكل
صخر...بتفكير....
صخر.....حاضر يا روفيدا رغم اني مش مرتاح
روفيدا.....ربنا يخليك ليا
صخر ...ويخليكي ليا بس مش هتريحيني تكلمني قلبي
روفيدا....ازاي
صخر....نتجوز يا روفيدا استنيت كتير
روفيدا....صخر احنا لسه بدري ودراستي عاوزه وقت لحد ما أخد علي التغيير ده أنا لحد دلوقتي حاسه إني في حلم
صخر....بلاش فرح دلوقتي لكن تنزل نجيب شبكه ونكتب الكتاب لحد ما تقولي ليا انا جاهزه يا صخر للجواز
روفيدا...بس
صخر.....ريحيني يا روفيدا انا اتكلمت كتير مكنتش قادر اتحمل
روفيدا....موافقه
صخر بابتسامه وهو يقبل جبينها
صخر......بكره الجواهرجي يكون هنا ونكتب الكتاب الساعه 8
روفيدا....لا بجد ايه التأخير ده كله
صخر....انا بقول كده برده ايه رايك نكتبه دلوقتي
روفيدا...بضحك....مجنون
صخر.....بحب مجنون بيكي يا روفيدا
روفيدا..وهي تنظر له بتعجب
روفيدا..عمري ما تخيلت انك تكون رومانسي كده
صخر......معاكي وبس انا بعت الدنيا ومتمتعتش بأي حاجه فيها غير لما تكبري عشان سعادتي ومتعت الحياه بحبك و جنبك حاجه تانيه
روفيدا.......بتفكير وخوف على وجهها ظهر مره واحده
روفيدا.....انا خايفه يا صخر فرحتنا متكملش
صخر....متخافيش طول ما احنا سوا مش هيفرقني عنك غير الموت وقت موتي ساعتها هسيبك
روفيدا وقد انقبض قلبها
روفيدا.....اوعي اسمعك بتقول كده تاني انا مقدرش أتخيل حياتي من غيرك يا صخر
صخر......بداخله......يارب كمل فرحتي وأبعد عننا اي شر يارب
....................
علي الجانب الآخر
بمنزل ماجد
مرت ايام وهو لم يري تالين وحين رآها اليوم لم تعيره اي انتباه
كان ماجد يجلس بالبلكون الخاص بيهم
حين وجد سلوي تدخل عليه وبيدها فنجان قهوه له
سلوي...احلي قهوه الحلي دكتور
ماجد بشرود....تسلمي
سلوي وهي تنظر له
سلوي....مالك يا ماجد حسام زعلان
ماجد ....بتفكير وهو ينظر لها وكأنه اخيرا وصل الي الحل المناسب
ماجد..هو انا ممكن اطلب منك طلب
سلوي ....اكيد
ماجد ....ممكن انا وانتي نروح نعزم روفيدا وتالين علي فرحك
سلوي بخبث.....اه موافقه بس طبعا انا فاهمه
ماجد...فاهمه ايه
سلوي....ههههههههههه الجميل وقع في حب تالين صح
ماجد....بجديه ...مقدرش اقول لا بس محتاج انا وهي ناخد فرصه تانيه
سلوي ...عندك حق وانا أوعدك أني هساعدك
ماجد وهو يقبل يدها فهي شقيقته حتي لو كانت من غير ام وأب
ماجد....تسلميلي يا احلي اخت
.........
علي الجانب الآخر صعدت روفيدا الي غرفتها وفكرت كثيرا وأخيرا اتصلت بآدم وقررت أن تكون صريحه معه هو بالنسبه لها أخ وصديق وليس اكثر من ذلك
رد آدم بسرعه عليها
روفيدا ...الو
آدم ....اهلا روفيدا عامله ايه
روفيدا .بتوتر.. الحمد لله بس
آدم....مالك كده عاوزه تقولي حاجه
روفيدا....كنت عاوزه اطلب منك متجيش بكره
آدم .بغضب ...ازاي يعني مجيش بكره احنا متفقين
روفيدا ... خلاص يا آدم مفيش داعي تيجي بكره كل حاجه اتحلت خلاص
أدم...يعني ايه ممكن افهم
روفيدا بتنهيده...انا بحب صخر يا آدم مش هقدر
آدم ...وانا
روفيدا....بكره تلاقي الاحسن
آدم....ببساطه كده
روفيدا....الحب مش بأيد حد
آدم ....عندك حق
روفيدا....يعني مش زعلان
آدم بكدب..لا عادي
روفيدا....بجد مش عارفه أشكرك ازاي انت فعلا ونعم الأخ والصديق
آدم ...شكرا يا روفيدا بعد إذنك بابا بينادي
روفيدا...سلامي ليه
آدم بعد آن اغلق الخط
آدم .....بموتي لو كنتي صخر
..........
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق