رواية وهم العشق الفصل الخامس 5 بقلم الكاتب مصطفي جابر حصريه في مدونة موسوعة القصص والروايات
رواية وهم العشق الفصل الخامس 5 بقلم الكاتب مصطفي جابر حصريه في مدونة موسوعة القصص والروايات
انا هطلق منه وهاخد كل اللي وراه زي ما عمل معا المغفله اللي متجوزها دي وهتجوزك انت يروحي وكدا كدا انا مش حامل منه دا ابنك انت
ياسر بصدمة : اييييي ؟
سهى التليفون وقع منها بخضة: ي ياسر انت جيت امتى.
ياسر مسكها من شعرها: بقي بعد كل دا تخونيني يا حقيرة.
سهى بخوف: انت فاهم غلط يا ياسر.
ياسر ضربها بالكف: غلط يا روح امك بقا مغفلاني وانا ساكت دنا هشرب من دمك..
سهي بغل: اهه ابعد عني كده ... اه خونتك يا ياسر عارف لي لانك متستهلش انت واحد كاب فلوس طماع و انا اتجوزتك عشان الفلوس مهو داين تدان بقي زي ما عملت ما شمس أنا بعمل معاك ولعلمك بقي انا حامل من حبيبي و هخلعك واتجوزه هو.
ياسر بغضب اعمى مسكها من شعرها و فضل يخبط دماغها في الحيطة و شمس جريت عليه: حاسب هتخلص عليها.
ياسر زق شمس و مسك سهى من شعرها جرها علي برا ورماها برا الشقة: انتي طالق بالتلاتة يا سهى طاللققق.
قفل في وشها الباب...
سهى بألم وتوعد: ماشي .. انت اللي جبته لنفسك.
نزلت جري خدت تاكسي وطلعت علي القسم...
الناس بصوا ليها بخضة من منظرها والاصابات اللي باينه عليها .
سهي بدموع: لو سمحت انا عاوزة اعمل بلاغ في جوزي.
الظابط: هو اللي عمل فيكي كدا؟
سهى بغل: اه هو ومراته ضربوني واتبلوا عليا و طردوني من البيت .. انا عاوزة ابلغ عنهم.
الظابط: طب اتفضلي ارتاحي واحكي كل اللي حصل.
سهى بغل وخبث: انا متجوزة علي ضره لما عرفت هددت جوزها انه يطلقني هو رفض عشان انا حامل لكنها اتبلت عليا و هو صدقها ودخل عليا فضل يضرب فيا وطردني وانا عاوزة حقي منهم.
عند ياسر..
شمس في نفسها: شكرا اوي يا سهى وفرتي عليا مجهود كبير والله .
ياسر بص بحزن ل شمس: انتي مش زيها صح.
شمس بسخرية: دي اختيارك يا ياسر هروح احضر لك الحمام.
ياسر مسك ايديها: خليكي معايا شويه يا شمس.
شمس قعدت ببرود: خير.
ياسر بهدؤء: انا سمعت انه مامتك تعبانه روحي اقعدي جنبها هيكون افضل.
شمس باستغراب: ماما تعبانه دا من امتى و بعدين من أمتي الحنيه دي مانت مانعني عنها طول الوقت.
ياسر بخبث: عشان لو لقدر الله ماتت تكوني جمبها وتكون راضيه عنك وتكتبلك كل حاجه بدل ما تحرمك منه واهو كله ليكي ولابننا اللي جاي.
شمس بغضب: يا اخي انت ايه مبتحرمش اللي ماشي في عروقك دا دم ولا مياه ولا جنس ملتك اي ما تتعظ بقا.
ياسر كان هيرد عليها الباب خبط راحت تفتح لاقت البوليس..
شمس بهدؤء: نعم.
الظابط: مطلوب القبض عليكي انتي وجوزك بتهمة التعدي علي المدام سهى عزت.
ياسر بخوف: انا معملتش حاجه شمس هي اللي عملت فيها كل دا انا ازاي اعمل فيها حاجه وانا بالحالة دي شمس هي السبب.
شمس بصت له بقرف كانت متوقعه رد فعله دا.
الظابط: هتيجوا معايا انتو الاتنين.
شمس بهدؤء: تمام انا موافقة يلا يا فندم.
مشيوا معاهم..
بعد شويه..
دخلت شمس هي وياسر للظابط لاقت سهى بتبص لهم بحقد..
الظابط: مدام شمس اي اللي يخليكي تعملي فيها كدا.
ياسر بخوف: ايوا هي اللي عملت كده انا مكنتش اعرف حاجه انا حتي لسه خارج من المستشفى.
شمس بهدؤء: هقول عملت فيها كدا ليه بس لحضرتك بس.
سهى بخبث وغل: مش هتقدري ترشيه علي فكرة.
الظابط بغضب: اخرسييي الكل برا ماعدا المدام شمس.
ياسر بتوتر: ماشي بس انا عندي شهود انه اللي عمل كدا شمس اه.
خرجوا برا و شمس بصت للظابط وضحكت وهو ابتسم..
خرج زين من الحمام وبص ليها: كدا تمام يا خالد.
خالد بهدؤء: ايوا يا زين بيه والفضل ل الكاميرا اللي في هدوم شمس كنا شايفين كل حاجه.
زين بابتسامة: دي فكرتها عشان تقدر تسجله والفديو اللي بعته لك دا في اعتراف منه بكل جرايمه اللي عملها..
شمس بهدؤء: بس انا مش عاوزاك تسجنه دلوقتي ولا تاخد معاه اي اجراء.
خالد باستغراب: لي.
شمس بهدؤء: عايزه أوقعه واعرفلكم هو شغال مع مين.
زين بغضب: ده شغل الحكومه انتي كدا بتعرضي نفسك للخطر.
شمس بسخرية: مبقاش عندي حاجه اخاف عليها يا زين.
خالد بتفكير: طب دلوقتي هتعملي اي.
شمس ببرود: زين بقا اللي هيعمل ولا اي.
زين بهدؤء: تمام بس خدي بالك من نفسك.
شمس بابتسامة: متقلقش.
خرج زين من الباب الخلفي ولف ودخل القسم..
ياسر بغيظ بيشوفه : جاي ليه.
زين بص ل سهى: عاوز اتكلم معاكي.
سهى بدلع: تحت امرك يا زين باشا.
راحوا علي جنب وهي بتبص له بدلع..
زين بخبث: انا عرفت اللي شمس عملته معاكي وزعلت اوي و كنت خايف علي ابنك يحصله حاجه بس دا ميمنعش انه تسامحيها.
سهى ببرود: اسامحها ف مقابل اي بقا ان شاءلله.
زين بخبث: مليون جنيه كويس و تتنازلي عن المحضر.
سهى بذهول: انت قولت كام..
زين بمكر: مليون اعتبريه تعويض.
سهى بطمع: موافقة وهدخل ابوس راسها كمان بس فين الفلوس.
زين طلع شيك وكتبه ليها: اهو تقدري تسحبيه بعد اما تخرجي من هنا.
سهى بفرحه: ماشي.
العسكري: الظابط عايزاكم جوا.
سهى دخلت هي وياسر..
خالد بخبث: للاسف يا مدام شمس هتتحبسي معانا.
سهي بخبث: لا خلاص يباشا انا مش عاوزة محضر ..شمس دي زي اختي وانا مسمحاها فا معلش هسحب المحضر
خالد: يعني هتتنازلي عن حقك.
ياسر بسخرية: خدته اصلا من قبل ما تدخل.
سهى تجاهلته: اه يباشا هتنازل عنه
خالد: تمام امضي هنا.
بعد شويه.
خرجت شمس و راحت عند زين..
ياسر بغيظ: تعالي هنا رايحه له لي.
شمس ببرود: انا رفعت عليك قضيه خلع يا ياسر يعني هخلعك وحابه اوريك الفديو ده انا مصوراه ليك وانت بتهددني
طلعت تليفونها و ورته وهو اتصدم..
ياسر بغضب: يابنت..
زين ببرود: اخرس خالص اجري ورا الزبالة بتاعتك.
ياسر بغضب: مش ست اللي تخلعني فلوسك كلها معايا و ابني اولعي بيه انا ههاجر برا مصر اصلا انتي طالق طالق طالق.
مشي و هي خدت نفسها بارتياح..
زين بفرحه: كده باقيلك الشقه اللي جابها لامه وتخلص اللعبة.
شمس بهدؤء: طب وسهى وفلوسك ؟
زين بغمزه: زمان رجالتي جابو منها الشيك و علموها الادب.
شمس بضحك: برڤو عليك يزين
في شقة ام ياسر..
عايدة كانت قاعده بتاكل لب و بتتفرج علي التلفزيون.
الباب خبط قامت فتحت لاقت شمس اتوترت: شمس ازيك يا مرات ابني.
شمس دخلت ببرود: حلوة اوي الشقة الجديده دي يا حماتي.
عايدة بتوتر: كله من خير ابني حبيبي.
شمس بسخرية : قصدك من خيري ... من فلوسي أنا ...هو الشقة دي بقي بإسم مين.
عايدة ببرود: اسمي انا يا بنت فريده
شمس بهدؤء: حلو اوي.
طلعت ورقه من جيبها..
شمس بابتسامة صفرا: امضي هنا يا حماتي بقا.
عايدة باستغراب: امضي علي ايه.
شمس ببساطة: ده عقد تنازل عن الشقة و الفلوس اللي في حسابك تحوليها ليا اصل الحق لازم لازم يرجع لصحابه دي مقوله اتربينا عليها من صغرنا ...
عايدة بغضب: حق اي وصحاب اي يبت انتي دي فلوسي
شمس مسكتها من شعرها و عايدة اتخضت: فلوس مين ياروح امك انتي المفروض ست كبيرة بس ههينك وربنا دنا شمس سليمان يعني امحيكم من علي وش الارض انتي واهلك كلهم ابنك ضحك عليا وانا اللي كنت مغفلة وحبيته و عملت له توكيل خد بيه فلوسي بس رجعت كل حاجه باقي انتي يا هتمضي بالزوق ... يا أما وأقسم بالله ما هيطلع عليكم نور تاني فااااهمة.
عايدة بخوف: بس دا حرام وميرضيش ربنا
شمس زقتها: ربنااا ؟ انتي اللي زيك يا زباله تعرف ربنا ؟ أنا تلعبي عليا انتي وابنك وتخدعوني وابنك يسقطني ده يرضي ربنا ؟ أنا تسرقو كل فلوسي وابنك يتجوز عليا ده يرضي ربنا ؟ عارفه اي اللي ميرضيش ربنا ؟ اني اقف مع واحدة قذره زيك .
عايدة مضت وبصمت بخوف و عملت التحويل لحساب شمس..
شمس خدت الورقه: يلا برا
عايدة بخوف: طب هنلم هدومنا بس ونخرج.
شمس ببرود: لا باللي عليكي هدومكم دي اللي نضفتكم بفلوسي ف دول حقي غوري برا يالله واه صح هاتي الحلق ده بتاعي .. فاكره لما ابنك اخده مني وعطهولك .. كنتو عيلة زباله يالله غوري
عايدة خدت عيالها و خرجوا و شمس رزعت وراهم الباب: ج
قعدت تاخد نفسها بارتياح...
تاني يوم ...
ياسر مكنش قادر يتحمل انه رجع محلتوش حاجه حتى الشقة شمس بعتت ناس طردوه منها ورجع هو وأمه بيته القديم...
عايدة بغل: انت لازم تعمل حاجه .. معقول بعد كل العز اللي كنا فيه ده كل ده يروح مننا ؟
ياسر بتفكير: بفكر ياما بفكر.
عايدة بغيظ: فكر بسرعه يا عين امك احنا خلاص علي الحديدة والبت طلعت قادرة بس مكنش باين عليها كنت تفضل تمثل يا موكوس انك بتحبها علي الاقل كان زمانا لسه عايشين في العز اللي راح.
تليفونه رن...
ياسر لاقه رقم غريب... فتح..
البنت بدلع: معايا ياسر بيه جوز شمس هانم سليمان.
ياسر ببرود: طليقها عاوزة اي.
البنت بمياعة: بجد طلقتها احسن انا ابقي واحدة صحبتها ومتتخيلش كنت بتجذبني ليك ازاي و بجد فرحت بالخبر دا اووي يا يسوره.
ياسر باستغراب: انتي صحبتها مين.
البنت بدلع: هبعت لك عنوان فيلاتي تعالى عزماك عندي واهو نقضي وقت لطيف هههههه.
ياسر بخبث: ماشي جاي حالا.
قفل معها..
البنت بصت لشمس: كدا تمام يا مدام.
شمس بخبث: تمام اوي متنسوش الكاميرات عشان هيكون علي الهواء.
البنت بهدؤء: تمام اعتبريه حصل ومصر كلها شافت..
عند ياسر.
عايدة بسخرية: مين دي يا شملول اللي رايح ليها.
ياسر: مزة جديدة بس شكلها غنيه اووي هروح اقابلها وادعي بقا تظبط البت شكلها واقعه.
عايدة بطمع: يارب يابن بطني يارب... .
قام يلبس و مشي دقايق ووصل ياسر العنوان ودخل..
ياسر باستغراب: يا جماعة يلي هنا..
لاقى حد جاه من وراه وضربه علي راسه ووقع علي الارض فاقد وعيه....
بعد شويه..
فاق لاقى نفسه علي سرير ولابس قميص نوم وحاطط ميكاب قام مخضوض: هو في اي ؟ اي اللي حصل.
: اقولك انا اي اللي حصل.
ياسر بصدمة: شمس.
شمس كانت قاعده حاطه رجل علي رجل: اه شمس اي خوفت ؟
ياسر بغضب: انتي اللي عملتي فيا كدا ولبستيني القرف ده ؟
شمس بتبص حولين منها: مش شايفه حد حوليك يبقا اكيد انا.
ياسر بغضب : أنا هوريكي
شمس بسخرية اكبر: استني مش تبص حواليك كده وتشوف الكاميرات دي ؟ دنا صورتك فديو هيعجبك موت و كمان كنا لايف تحب تشوفه استنا هوريك.
فتحت الشاشة و هو واقف مصدوم كان بيرقص زي الستات و حوليه ناس بتنقطه و بيضحك زي البنات..
ياسر بصدمة: 😳😳😳
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق