رواية فى طريقى الى العشق الفصل السابع والثامن بقلم ملك إبراهيم
رواية فى طريقى الى العشق الفصل السابع والثامن بقلم ملك إبراهيم
البارت السابع🌼🌼
🌼🌼🌼🌼🌼🌼🌼🌼🌼🌼
رفعت ملك وجهها وجدته ينظر لها بصدمه
بعد ان رأها هي نفس الفتاه
تعلق نظره بها لبعض الوقت وهو لا يصدق انها تقف امامه حقا وبكل هذا الجمال
نظر حوله وجد الجميع ينظر لها بأعجاب شديد و خصوصا الرجال كانوا في حاله من الانبهار الشديد وشعر انهم سوف يأكلونها باعيونهم
وقف فارس بغضب وهو يتحدث بصوت مرتفع
" زفت إيه القرف الا انتي لبساه دا
نظرت له ملك بصدمه
وجميع من في الغرفه نظره له بصدمه أكبر والي انفعاله الغريب وغير مبرر لانهم يرو انها رائعة الجمال وقد سحرت الجميع بطلتها ولا يعلمون بأن هذا بالتحديد هو ما ازعجه
اكمل باقي كلامه وهو ينظر لها بغضب كبير
" تخرجي وتغيري الزفت دا حالا مش عايز أشوفه عليكي
ثم رفع صوته اكتر بقوة
" اتفضلي
تجمعت الدموع في عينيها وهي تحاول الا تنزل منها دمعه واحده أمامه
وذهبت سريعا من الغرفه تجري بفستانها
ظل واقفاً مكانه ينظر في طيفها
وقفت شقيقته الصغرى نانو وتحدثت بغضب
" ليه كدا يا ابيه البنت كانت زي القمر وحضرتك حرجتها حرام عليك
نظر لها فارس بغضب نظرة اخرستها عن الكلام
خرجت نانو من غرفة الاجتماعات وهي غاضبه منه وذهبت تبحث عن ملك
اقترب مروان من فارس وهو ينظر له بغضب وتحدث اليه بغيظ
" بقى انا تصميمي زفت و قرف يا سيد المغرور
والبنت دي الا انت هنتها دي اجمل من اجمل مودل لبست تصميم ليا بس انا هقول ايه ولمين انت مابتفكرش غير في نفسك ومش مهم مشاعر الا حواليك
نظر له فارس وهو يضغط علي شفتيه السفلى بغضب
شعر مروان بالقلق من رد فعله لذا تركه وذهب سريعا من أمامه
تحدث فارس بغضب الي الجميع
" اتفضلوا الكل يروح علي شغله الاجتماع انتهى
خرج الجميع بهدوء وبدون اضافة اى كلمة
نظر اياد الي فارس بستغراب وهو لا يفهم لماذا كان كل هذا رد الفعل الغاضب منه وحاول ان يعاتبه بهدوء
" فارس الصراحه انت غلط البنت كانت جميله جدا وفعلا التصميم كان رائع عليها دا غير السحر الا اضافته للتصميم بطلتها
نظرت له زوجته فريده بغضب وغيره من كلامه عن هذه البنت ووصفه لسحرها وجمالها لذا تحدثت بكل غرور وكبرياء
" بالعكس الا فارس عمله دا صح جدا والبنت دي شكلها بيئه اوي وانا مش فاهمه ازاي مروان يسمح انه يلبس تصميمه لأى حد بالشكل دا
نظر لها فارس بغضب كبير عندما تحدثت عن ملك بهذه الطريقه ووقف من مكانه وذهب من امامها بدون اي كلام
ابتسم زوجها بسخريه علي زوجته التي تثبت له كل يوم انها لن تتغير ابدا
________________
ذهب فارس الي مكتب مروان ووقف بالخارج وهو لا يعلم لماذا جاء الي هنا ولم يذهب الي مكتبه
وقف امام المكتب وهو يسمع صوت بكائها الذي قطع قلبه وألمه كثيرا
وسمع صوت شقيقته الصغرى وهي تحاول تهدأتها
وانفعال مروان وهو يوصف لها انها كانت فوق الرائعه ويلعن ويسب في فارس حتى يرضيها
دخل فارس مكتب مروان بهدوء وهو ينظر لها ولا يرى امامه غيرها
رفعت وجهها وجدته امامها نظرت له بعين باكيه حزينه
شعر بنظرتها هذه وكأنها سهماً غرز في قلبه وجعله ينزف بصمت
وقف مروان امامه وهو يحدثه بغيظ
" في ايه تاني ياسيد المغرور ايه الا جابك مكتبي
وتحدثت اليه نانو برجاء
" عشان خاطرى يا ابيه بلاش تقولها حاجه تانيه تزعلها البنت مش مستحمله
كان فارس في عالم أخر لا يسمع ولا يرى غيرها
اقترب منها حتى وقف امامها وتحدث بهدوء
" أنا أسف
رفعت ملك وجهها سريعا اليه وهي لا تصدق ما سمعته الان
نظر الي وجهها وكأنها لوحة فنيه أمامه بداء من احمرار وجهها الباكي والدموع الامعه في عينيها وانفها الصغير الاحمر وشفاتيها التي ترتعش بسبب البكاء الكثير
نظر لها وقلبه ينبض بعنف لا يصدق انه يوجد فتاه بكل هذا السحر والجمال
أبتسم لها برقه وأكمل باقي كلامه وهو مغيب في سحرها
" أنا أسف ماكنش قصدي ازعلك
انتي حقيقي زي القمر بس ممكن ماتلبسيش حاجه مكشوفه تاني
نظرت له ملك بعدم فهم
ونظر له مروان ونانو بصدمه
شعر فارس بما قاله وهو نفسه لا يصدق أنه قال لها هذا الكلام
توتر كثيرا وهو ينظر لها واسرع في الخروج من الغرفه
نظرت امامها بعدم فهم واقتربت منها نانو وتحدثت اليها بمرح
" شوفتي ابيه جه وصلحك ازاي
علي فكره ابيه فارس طيب جدا هو صحيح غلط في رد فعله بس معلش ممكن يكون مضغوط في الشغل ولا حاجه ياريت تعذريه
ابتسمت لها ملك بهدوء
وتحدث مروان بعدم تصديق لما فعله وقاله فارس الان
" انا بجد مش مصدق ان سيد المغرور يتأسف لحد ، ملك دي معجزه
نظرت له نانو وهي تأكد علي كلامه
" عندك حق أنا اول مرة اسمع ابيه وهو بيعتذر لحد
ثم وجهة نظرها الي ملك مرة اخر ووجهت لها الحديث
" بصراحه يا ملك انتي فعلا معجزه
نظرت لهم ملك وهي لا تعرف ماذا تقول لذا فضلت الصمت واكتفت بأبتسامه هادئه
دخل اياد اليهم وهو ينظر ل ملك بحزن واقترب منها وتحدث بذوق وهو يحاول ان يراضيها
" بصراحه يا انسه انتي كنتي زي القمر والتصميم كان رائع عليكي بس فارس اعصابه تعبانه شويه ياريت متزعليش
نظرت له ملك بأبتسامة شكر علي ذوقه
واقتربت منه نانو وهي تخبره بحماس
" ما ابيه فارس جه هنا دلوقتي واعتذرلها
نظر لها اياد بعدم تصديق وهو يسأل نانو بصدق الحديث
" فارس جه هنا واعتذر بجد!!!!!
رد عليه مروان بتأكيد
" تخيل سيد المغرور لاول مره في حياته يعترف بغلطه ويعتذر كمان
نظر اياد الي ملك بأبتسامه واسعه وتحدث بشرود وهو ينظر اليها
" يبقى فعلا فارس بدء يعرف غلطه وان شاءالله يصلحه قبل فوات الأوان
نظر له الجميع ومن بينهم ملك وهم لا يفهمون شئ من كلامه لكن اياد كان يفهم ويتمنى لو فارس لم يقع في نفس الخطاء الذي وقع فيه اياد بزواجه من زوجه لا تهتم غير بنفسها فقط
__________________
خرج فارس من الشركة واتجه الي سيارته وقادها بسرعه وهو لا يصدق ما قاله ل ملك الان
وبدء يسأل نفسه
لماذا هذه الفتاه من اول مرة رأها ومن أول مرة سمع صوتها وهو يشعر بشئ غريب حتى أسمها يشعر أنه قريب من قلبه جدا
في هذه اللحظه رن هاتفه بأسم أيتن
نظر فارس للهاتف وشعر بالندم لانه بمجرد تفكيره في أخرى غير خطيبته هي خيانه لخطيبته وهو لا يريد ان يكون خائن لذا عليه ان يبعد تفكيره تماما عن ملك ويركز في عمله و مع خطيبته
وكان هذا قراره الذي اخذه الان وعليه تنفيذه من هذه اللحظه
__________________
لا يعلم أدم لماذا تأخذه قدميه الان الي ملاكه الصغير
وقف وهو ينظر لها من بعيد ولا يبعد عينيه عنها ولو لحظه واحده
كنت تعمل بنشاط كبير حتى جائها شاب يعمل معها ووقف بجوارها يتحدث في احدى المواضيع
ابتسمت له إيمان بخجل ووضعت عينيها في الأرض
استمر هذا الشاب في الكلام وهو ينظر لها بطريقة فهمها أدم جيدا لذا ذهب اليه وتحدث بصوت غاضب مرتفع
" انت واقف عندك بتعمل ايه هنا هو دا مكان شغلك
نظر له الشاب بتوتر وهو يبتعد ويذهب بسرعه الي مكان عمله
رفعت إيمان وجهها وهي تنظر ل أدم
قابل نظرتها بنظره غاضبه وتركها وذهب
نظرت إيمان اليه وهو يبتعد عنها بستغراب وهي لا تعلم لماذا هو غاضب منها الي هذه الدرجه
بعد ان دخل أدم غرفة مكتبه وقف بغضب وهو يريد تكسير كل شئ من حوله بسبب غيرته عليها فهو لا يريد ان ينظر لها احدا ولا يسمع صوتها ويريدها له هو وحده
لذا بدء يفكر كيف يجعلها تحبه كما أحبها من اول نظرة
_________________
ذهبت نانو الي المنزل وجدت جدها يجلس في الحديقة اقتربت منه وقبلته وجلست بجواره
ابتسم لها الجد وهو يسألها كيف كان يومها في الشركة
ردت عليه بسعاده وحماس
" كان روعه ياجدو وتصاميم مروان كانت تحفه بجد مروان دا فنان
ابتسم لها الجد وتحدث بثقة
" فعلا مروان موهوب جدا وليه فضل كبير بعد ربنا في نجاح الشركة بس الحمدلله ان اليوم عدى علي خير بدون مشاكل بين مروان وفارس لانهم عاملين زي القط والفار رغم انهم بيحبوا بعض جدا
ردت عليه نانو وهي تضحك
" مين قالك ياجدو ان اليوم عدى علي خير
دا ابيه عمل مشكلة كبيره بس الحمدلله حلها تاني
نظر لها الجد بتسأل
" مشكلة ايه الا فارس عملها
حكت له نانو ما فعله فارس عندما رأى ملك وهي تدخل عليهم وهي ترتدي التصميم
" وبصراحه ياجدو البنت كانت قمر والتصميم كان تحفه عليها دا غير السحر الا اضافته للتصميم عشان كدا كلنا استغربنا رد فعل ابيه
نظر لها جدها بستغراب هو الاخر من رد فعل فارس ولكنه طلب منها ان تكمل له ما حدث وبدأت نانو تحكي له ما قاله فارس ل ملك في مكتب مروان
" ولقينا دخل مكتب مروان ووقف قدام ملك وتخيل يا جدو قالها ايه قالها أنا أسف !!
نظر لها الجد بعدم تصديق ولكنه تحمس جداا لباقي الحديث اكملت نانو الحديث بأبتسامه
" وقالها كلام كتير بقى أنا أسف ومتزعليش وقالها كمان حاجه انا مش فهماها قالها ماتلبسيش مكشوف تاني
انا مش فاهمه يعني ايه دا تصميم وهي كانت بتعرضه يعني هي ملهاش ذنب مكشوف ولا لا دا شغل مروان
نظر لها الجد بأبتسامه واسعه وهو يحلل كلام فارس وافعاله
بتفكير وخبرت رجل ضاع عمره في تجارب هذه الحياة
__________________
في منتصف الليل كان اياد في طريقه الي البيت بعد ان قضى سهرته في الخارج كما يفعل كل يوم
ولكنه وجد من تقف امامه برعب تقطع عليه الطريق
اوقف اياد السيارة بسرعه وهو ينظر الي من تقف امامه وهي تحمل طفل عمره حوالي 4 سنوات وتطلب منه المساعده
نزل اياد من سيارته وهو يسألها ماذا تريد
اخبرته ان ابنها مريضا جدا وتريد اخذه الي اقرب مستشفي ولا توجد وسيلة لنقلها وكل السيارت رفضوا الوقوف لها
نظر اياد الي الطفل ووضع يده يتحسس حرارته وجد حرارته مرتفعه جدا
فتح لها باب السيارة بسرعه وطلب منها ان تصعد بطفلها واتجه هو الي مكان القياده وانطلق بها بسرعه
بعد قليلا من الوقت كان يقف امام غرفة الكشف وهي تقف بجانبه تبكي وتدعى الله ان ينقذ لها طفلها
نظر لها اياد بحزن علي حالتها
وسريعا رأى الطبيب يخرج من الغرفه
ذهبوا اليه سريعا
قابلهم الطبيب بغضب وهو يعاتبهم بعصبيه
" معقول انتم اب وام لما تسيبوا ابنكم للأهمال دا الولد بيتعرض لأهمال كبير
وبيتعرض للشمس لفترات طويله جدا دا غير الحاجات الملوثه وغير صحيه الا الولد بيتناولها بجد انا مش عارفه اقول ايه لأهل مهملين زيكم ، اتفضلوا تقدروا تاخدوا الولد وانا هكتبله ادويه ونظام صحي يمشي عليه وياريت تحافظوا عليه لان دا نعمه كبيره من ربنا في ملاين غيركم بيتمنوها عن اذنكم
تركهم الطبيب وذهب
نظر اياد الي الواقفه تبكي امامه وتحدث اليها بغضب كبير
" بتبكي بعد ايه بعد ما كنتي هضيعي طفل برئ ملوش ذنب بأهمالك
ازاي انتي أم وتسيبي ابنك يتعرض لكل الاهمال دا الا زيك ماتستهلش تكون أم
جرحها كلامه كثيرا و نظرت له ببكاء هستيري وتحدثت بغضب
" انا مليش ذنب انا وابني كنا ضحية راجل ميعرفش معنى الرجوله
ضحك عليا بالكلام وخلاني احبه ووقفت قصاد اهلي واتحدتهم عشانه
واتجوزته غصب عنهم وبعد سنتين طلقني وسبني انا وابنه وراح اتجوز صاحبة الشغل الا كان بيشتغل عندها ومن يومها مسألش عليا ولا علي ابنه
نظر لها اياد بحزن وتحدث بحده
" وليه مارجعتيش لأهلك
نظرت له بسخريه وتحدثت وهي تبكي
" رفضوا وجود ابني وقالوا ان بيتهم مفتوح ليا انا بس وطلبوا مني اسيب ابني وابعد عنه وانا مستحيل ابعد عنه حتي لو هموت من الجوع
نظر لها بحزن وهي تكمل باقي حديثها
" ما كنش قدامي حل غير اني اعيش انا وابني واشتغل اي شغلانه شريفه وكنت بوديه حضانه طول الوقت الا بكون فيه في الشغل بس مصاريف الحضانه كانت كتير اوي وما كنتش بقدر علي مصاريفها عشان كدا طلبت من جارتي اسيب ابني عندها وكنت بدلها مصاريفه كامله والله ، بس ماكنتش اعرف ان مفيش حد في الزمن دا بيقف جنب حد وانها هتسيب ابني يتبهدل كدا😥
نظر لها اياد بحزن وهو يعلم بأن هناك الكثير من النساء والاطفال يتعرضون لهذا الظلم من رجال لا يحملون من الرجول شئ
حاول اياد التحدث معها بهدوء
" طب ممكن تهدي انا هروح دلوقتي أشوف ايه الا الدكتور كتبه وجاي علي طول
ذهب اياد من امامها بسرعه وذهب الي الطبيب واخبره الطبيب بكل التعليمات والادويه الازمه شكره اياد وذهب الي الحسابات ودفع تكاليف المستشفي وذهب الي الصيدليه واحضر ماكتبه الطبيب وذهب اليها مرة اخرى وجدها بداخل الغرفه تجلس بجوار طفلها وهي تبكي وتقبل يد طفلها بندم
استأذن اياد للدخول وقال لها بأنهم بأمكانهم الذهاب وانه احضر للطفل كامل الادويه الذي يحتاجها واخبرها بالتعليمات الضروريه التي اخبره به الطبيب
شكرته كثيرا وأكدت له انها سوف تعطيه كل الاموال الذي دفعها في اقرب وقت
نظر لها اياد بحزن وهو يطلب منها الا تتحدث في هذا الموضوع وسألها اذا كانت جاهزه للذهاب حتى يوصلها الي منزلها
شكرته كثيرا وقالت له بان لا دعي ان يوصلها وانها سوف تذهب بسيارة للأجرة
رفض اياد كلامها واتجه الي الطفل وحمله بحنان وذهب امامها وهو يشعر بالسعاده الكبيره عندما ضم الطفل اليه وتمنى ان ياتي يوم و يحمل طفله ويشعر بهذا الاحساس الذي حرمته منه زوجته
بعد ان وصل بسيارته الي نفس المكان الذي اخذها منه سألها عن مكان منزلها حتى يوصلها أمامه
اعتذرت منه بهدوء وقالت له بانها سوف تذهب بمفردها خوفا ان يراها احد ويفهم الوضع بالطريقة الخاطئة
هز اياد رأسه تأكيد علي كلامها واخرج من سيارته كارت خاص به
" اتفضلي دا الكارت بتاعي فيه كل تليفوناتي لو احتاجتي اي حاجه في اي وقت ارجوكي ماتتردديش وكلميني علي طول
اخذت منه الكارت بأبتسامه هادئه وكانت علي وشك الخروج من السياره ولكن اياد اوقفها بكلمة
" ممكن اعرف اسمك
نظرت له بأبتسامه و ردت عليه وهي تخرج من السياره
" وسام
نظر لها بستغراب وسألها باهتمام
" أسمك وسام
هزت له رأسها بالايجاب ثم ذهبت وتركته ينظر لها وهو يردد أسمها بأبتسامه
وظل واقفا بسيارته حتى تأكد انها ذهبت داخل الشوارع وابتعدت عن الطريق
وانطلق بسيارته الي منزله
________________
بعد ان وصل اياد منزله اتجه مباشرة الي غرفته فتح الباب بهدوء وجد زوجته تجلس علي الفراش وهي تنظر له بغضب
تكلم اياد بسخريه عندما رأها مستيقظه الي الان
" غريبه يعني صاحيه لحد دلوقتي ايه مش خايفه علي بشرتك ، مش السهر برضه مضر للبشره
وقفت فريدة من مكانها وذهبت لتقف امامه وتحدثت بغضب
" كنت فين لحد دلوقتي يا اياد
نظر لها بسخريه وهو يذهب من امامها ليحضر ملابسه الخاصه بالنوم
غضبت فريدة اكتر من تجاهله لها وتحدثت بصوت مرتفع
" علي فكرة انا بكلمك والمفروض تقف ترد عليا ماتنساش نفسك يا اياد
غضب اياد كثيرا وذهب اليها وامسك ذراعها بقوة وهو يتحدث بصوت مرتفع غاضب
" اظاهر ان انتي الا نسيتي نفسك ونسيتي انتي متجوزه مين أول وأخر مرة صوتك يعلى قدامي انتي فاهمه
وقام اياد بدفعها بعيدا عنه بقوة
وذهب الي الحمام وتركها تنظر له بصدمه
__________________
في الصباح اجتمعت جميع افراد عائلة المسيري
واثناء تناولهم الفطار دخلت أيتن وهي تدعي الغضب من أهمال فارس لها
القت عليهم تحية الصباح ونظرت الي فارس الذي لم يرفع عينيه اليها منذ دخولها وتحدثت اليه وهي تدعي الحزن منه
" ايه يا فارس مابتردش عليا من امبارح ليه قلقت عليك
نظر لها وتحدث بهدوء
" معلش اصل كنت مشغول امبارح قوي
ابتسمت له وتحدثت برقه
" طب انا عندي 3 ساعات فاضين قبل التصوير ايه رأيك نقضيهم مع بعض
نظر لها فارس وهو يحاول ان يقول لها اي عذر
" معلش ياحبيبتي انا عندي شغل كتير ولازم اروح الشركة
نظرت له بغضب وحاولت رسم ابتسامه علي وجهها وهي ترد عليه بهدوء
" مفيش مشكلة يبقى اجي معاك الشركة
نظر لها فارس وقبل ان يتحدث تحدثت نانو بحماس
" وانا كمان يا ابيه هاجي معاك الشركة
نظر فارس لشقيقته بستغراب وهو يتحدث اليها
" تيجي معايا الشركة!!!! غريبه يعني دا انتي عمرك ما حبيتي تدخلي الشركة
تحدثت اليه نانو بحماس
" عشان ماكنش ليا صحاب في الشركة بس دلوقتي ليا وانا وعدت ملك اني هقضي معاها اليوم النهارده في الشركة
توتر فارس كثيرا وتغيرت ملامحه تماما عند سماع اسم ملك
لاحظ الجد توتره ونظر له بأبتسامه بعد ان تأكد الان من ظنونه التي وصل اليها بتفكيره وهي بأن حفيده الأن في طريقه إلي العشق ❤
______________________
البارت الثامن🌼🌼
البارت الثامن🌼🌼
نظر لها فارس لشقيقته بستغراب وهو يتحدث اليه
" تيجي معايا الشركة!!!! غريبه يعني دا انتي عمرك ما حبيتي تدخلي الشركة
تحدثت اليه نانو بحماس
" عشان ماكنش ليا صحاب في الشركة بس دلوقتي ليا وانا وعدت ملك اني هقضي معاها اليوم النهارده في الشركة
توتر فارس كثيرا وتغيرت ملامحه تماما عند سماع اسم ملك
لاحظ الجد توتره ونظر له بأبتسامه بعد ان تأكد الان من ظنونه التي وصل اليها بتفكيره وهي بأن حفيده الأن في طريقه إلي العشق ❤
نظرت فريدة الي شقيقتها وتحدثت بتكبر
" مين ملك دي الا بتقولي عليها صحبتك
ردت عليها نانو بسعاده و حماس
" ملك مساعدت مروان الجديده البنت القمر الي كانت لابسه التصميم الاخير
رد عليها أياد هو الاخر بحماس ومكر هو يقول بعض الكلمات لتحريك مشاعر فارس
" أه البنت دي بصراحه كانت فعلا قمر أنا اول مره في حياتي أشوف بنت فيها كل السحر والجمال دا
نظر له فارس بغضب أعمي عينيه ووقف من مكانه بأنفعال واضح وخرج سريعا بدون اي حديث
ذهبت خلفه أيتن وهو لا تفهم لماذا وقف وذهب بكل هذا الانفعال
أبتسم الجد بسعاده وهو ينظر إلي اياد وهو يعلم جيدا بان اياد قال هذا الكلام عن قصد
بدله اياد الابتسامه لانه يعلم بحكمة و فهم الجد لكل من حوله
نظرت فريدة لزوجها بغضب وهي تشعر بالحقد ينبت في قلبها اتجاه ملك ويرويه زوجها الان بدون قصد بكلامه المقصود لفارس
_____________________
ذهبت ملك الي عملها في الشركة وذهبت إيمان و ماما عزه الي عملهم بالمصنع
داخل المصنع
كان أدم يجلس في مكتبه امام كاميرات المراقبه من الصباح الباكر وهو ينتظر دخول إيمان الي المصنع وعندما رأها تدخل مع مدام عزه ابتسم بسعاده ووقف من مكانه ليذهب اليها
كانت إيمان في طريقها الي القسم التي تعمل به وجدت من يقف امامها بأبتسامه واسعه وهو يلقي عليها تحية الصباح بحماس
جمال : صباح الخير علي القمر
نظرت له إيمان بستغراب و ردت عليه بحده
" نعم انت مين
نظر لها وهو يدعي الحزن بطريقه دراميه
" أنا جمال بشتغل معاكي هنا في نفس القسم دا وبصراحه انا كان نفسي نتعرف
وعايز تتعرف أزاي بقى : قالها أدم وهو يقف خلفه
نظر له جمال بتوتر وهو لا يعلم بماذا يرد علي مدير المصنع الذي يقف أمامه ولكنه فكر وتحدث سريعا حتى يظهر له حسن نيته
جمال : مفيش حضرتك انا بس كنت عايز اعرف عنها كل حاجه لاني ان شاءالله ناوي اخطبها
نظرت له إيمان بصدمه
ونظر له أدم بغضب وتحدث اليه بأنفعال كبير
" بس للأسف الأنسه دي مخطوبه يعني مش هينفع تخطبها
نظر له جمال بصدمه ثم نظر ل إيمان مرة أخرى واتجه بنظره ليدها لم يجد بها اي شئ يدل علي انها مخطوبه لذالك تحدث الي أدم مرة أخرى بعدم فهم
" بس حضرتك هي مش مخطوبه هي مش لابسه دبله ومفيش حاجه في ايديها تدل علي انها مخطوبه
نظر له أدم بغضب وذهب لجانب إيمان وأمسك يدها بيده وتحدث اليه بأنفعال وهو يرفع يديه المتشابكه بيد إيمان أمام عينه
" دلوقتي بقى فيها حاجه بتدل علي انها مخطوبه صح
نظر له جمال بصدمه وهو يتحدث بعدم تصديق
" يعني حضرتك خطيبها
رد عليه أدم بغضب وهو ينظر اليه بقسوة
" اه خطيبها وياريت تتفضل علي شغلك دلوقتي لان دا مكان للشغل وبس
نظر له جمال بأحراج وذهب من امامه سريعا
نظر أدم الي تلك الواقفه أمامه بذهول وهي لا تصدق ما حدث وما قاله أدم الان
وضغط علي يدها بقوة وهي مازالت بين بيده
نظرت له إيمان بتوتر وهي تحاول سحب يدها من داخل يده ولكنه ضغط علي يدها بقوة اكبر وهو يأخذها معه الي غرفة مكتبه
دخل أدم غرفة مكتبه واغلق الباب خلفهم وهو مازال يمسك يدها
تحدثت اليه إيمان بحده
" لو سمحت سيب ايدي انت ازاي اصلا تمسك ايدي كدا وكمان انت ايه الا انت قولته دا ازاي تقول ان انت خطيبي
ابتسم لها بغضب وضغط علي يدها بقوة وهو يقربها اليه وتحدث امام وجهها بقسوة
" وانتي زعلانه اني قولت ان خطيبك ليه ايه كنتي هتوافقي عليه
ردت عليه إيمان بتحدي
" وماوفقش ليه
رد عليها بغضب وصوت مرتفع
" عشان انتي مش هتكوني لحد غيري
نظرت له بصدمه وهي لا تصدق ما قاله
نظر أدم الي ملامحها البريئه ورفع يديه وضم بيهم وجهها وتحدث أمام شفاتيها بعشق
" انا بحبك
نظرت له بعدم تصديق ثم ابتعدت عنه بسرعه و ردت عليه بغضب
" وانت فاكر اني هصدقك بالسهوله دي لما بعد أسبوع واحد تيجي وتقولي بحبك
شعر أدم بالغضب و رد عليها بغيظ
" لا كنتي هتصدقي واحد عايز يلف ويدور عليكي ولما شافني قدامه اتحرج وقال انه عايز يخطبك مع اني عارف كويس هو كان عايز منك ايه
نظرت له إيمان بصدمه وتحدثت اليه بعند وتحدي
" وانا مش صغيره عشان حد يضحك عليا ولو كنت وافقت قبل كدا انك تساعدنا نلاقي شغل فعشان دا عادي وكان ممكن اي حد يساعدنا في الموضوع دا ، لكن مستحيل اوافق انك عشان تساعدني اتخلص من واحد عايز يلف ويدور عليا تقوم حضرتك تتعطف عليا وتقوله انك خطيبي وتقولي بحبك ، انا مش عايز عطف او شفقه من حد انا اقدر احمي نفسي كويس ، عن اذنك
نظر لها أدم وهي تخرج من مكتبه بصدمه وهو لا يصدق ما قالته ولا يصدق انها الان تفكر انه يفعل هذا بتعاطف او شفقه فهو لن ينكر انه ساعدهم في اول الأمر في ايجاد عمل لها هي وابنة عمها من باب التعاطف ، وتفاجئ الان كثيرا انها كانت تعلم ان هذا ما كان يشعر به ولكنه الان يحبها حقا ويريدها زوجته وان وافقت علي الزواج منه فهذا سوف يكون تعاطف و شفقة منها علي قلبه المسكين
وقف أدم يفكر لبعض الوقت ثم أبتسم وهو ينوي علي فعل شئ ما حتى يثبت لها حقيقة حبه وصدق مشاعره
بقلمى/ملك إبراهيم
دخلت نانو الشركة مع فارس شقيقها وخطيبته أيتن التي كانت تتعلق بذراعيه بكل فخر و غرور
وقفت نانو أمامهم وتحدثت بحماس
" انا هروح انا قسم التصميمات عند ملك يا ابيه عن اذنك
ثم ذهبت من امامهم سريعا
نظر لها فارس وهو يشعر بأنه يريد ان يذهب معها حتى يرى من شغلت قلبه و تفكيره بهذه الطريقه
اخرجته أيتن من شروده بصوتها
" ايه يا حبيبي احنا هنفضل واقفين كدا مش هندخل مكتبك
نظر لها بستغراب فهو كان لا يشعر بها ولا يشعر بانها تقف بجانبه ومتعلقه بيده ولا يصدق بان ملك خطفت تفكيره ومشاعره الي هذه الدرجه
ذهبت نانو الي ملك الواقفه في قسم التصميمات وهي ترتب الموديلات حسب الالوان
دخلت اليها نانو وتحدثت اليها بسعاده وحماس
" ملوكه وحشتيني
ابتسمت اليها ملك بسعاده وذهبت اليها وقامت بضمها بحب وهي ترحب بها بصدق
" نانو القمر ايه المفاجأه الحلوه دي
ردت عليها نانو بسعاده
" جيت اقضي معاكي اليوم النهارده في الشركه ، تعرفي انتي قبل ما تيجي الشركه انا ماكنتش بحب ادخلها اصلا لكن دلوقتي عايزه اقضي طول اليوم هنا
ابتسمت لها ملك بسعاده
و رد عليها مروان الواقف خلفها
" دي الشركة نورت ب نانو الجميله ايوا كدا يا نانو خلينا نشوفك علي طول بدل سيد المغرور و السيده المتكبره فريدة هانم
ابتسمت له نانو بسعاده
وابتسمت ملك ايضا علي كلام مروان واعجبت بشخصيته كثيرا وهي تعلم انه دائما يقول اي شئ بقلبه امام اي احد واحبت بساطته جدا وتعليقه الدائما علي من يراه مغرور ومن يراها متكبره
تحدث مروان الي نونا بحماس
" ما قولتليش يا نونا ايه رأيك في التصميم الجديده
ابتسمت له نانو وتحدثت بصدق
" روووعه يا مروان بجد حاجه تحفه انت فعلا فنان ، تعرف انا كان نفسي اوي اتعلم ازاي اعمل تصميم لاني بحب الرسم جدااا
ابتسم لها مروان وتحدث بثقه
" يبقى انا اعلمك ومتأكد انك هتكوني ممتازه
ابتسمت له نونا وتحدثت بحماس
" بجد يا مروان شكرا كتير ليك انتوا كدا هتلقوني كل يوم عندكم
ابتسم لها مروان وتحدث بتأكيد
" دا شئ يسعدني ان اشوف نانو القمر كل يوم
ثم وجه كلامه ل ملك الواقفه تنظر ل نونا بسعاده
" وانتي ايه رأيك يا ملك تحبي اعلمك مع نانو
نظرت له ملك وهي لا تعلم ماذا تقول
ولكن نانو تحدثت سريعا وبحماس
" موافقه طبعا ملوكه عمرها ماتزعلني صح
ابتسمت لها ملك وتحدثت بتأكيد
" طبعا صح هو في حد مجنون يقدر يزعل نانو القمر
ابتسم اليهم مروان ثم تحدث بجديه
" خلاص يا تلاميذي استعدوا اول درس هيبداء بعد شويه وانا رايح مكتبي اشرب الكوفي بتاعي
وذهب مروان الي مكتبه
وابتسمت نانو الي ملك وتحدثت اليها بحماس
" انا بجد متحمسه اوي واكتر حاجه مفرحاني ان انتي معايا
ابتسمت لها ملك بحب وتحدثت بصدق
" انتي جميله أوي يا نونا ياريت كل الناس كانت زيك
ابتسمت لها نونا بسعاده و ردت عليها بصدق هي الاخرى
" انتي الا جميله اوي يا ملك وليكي سحر بيخطف القلوب
ابتسمت لها ملك بسعاده ووقفت بجوارها وهم يتبادلون الحديث
______________________
بعد ساعتين في غرفة مكتب فارس كان يجلس علي مكتبه وهو يركز في بعض الملفات الموضوعه امامه
نظرت له أيتن الجالسه امامه وهي تضع هاتفها امامها وتحدثت بملل
" حبيبي انا جايه معاك الشركه عشان نتكلم مع بعض شويه وبقالي ساعتين قاعده قدامك وانت مش حاسس بيا اصلا
نظر لها فارس وتحدث بجديه
" معلش يا حبيبتي أنا مشغول أوي اليومين دول انتي عارفه ان في اتفاقيات و طلبيات مطلوبه مننا وانا لازم اسلم كل حاجه في ميعاده
وقفت أيتن وذهبت اليها وهي تتكلم بدلع وتدعي الحزن
" وانا يا فارس مش انا حبيبتك وليا حق عليك
نظر لها فارس بشرود وهو يسأل نفسه هل هي حقا حبيبته
اقتربت منه أيتن وقبلته برقه ، كان فارس متجمد مكانه لا يشعر اتجاهها بأي مشاعر ، ابتعد عنه وهي تنظر له بستغراب وتحدثت بغيظ
" لاا يا فارس كدا كتير اوي انت مش معايا اصلا ، انا ماشيه
ثم اخذت هاتفها وحقيبتها وخرجت من مكتبه بغضب ووقفت امام غرفت مكتبه بعد ان اغلقت الباب وهي تحدث نفسها بتأكيد
" انت متغير يا فارس وانا حسه ان في واحده تانيه في حياتك ، واوعدك ان لو اتأكدت من دا ساعتها مش هيكون ليها وجود علي وش الدنيا
وقف فارس من مكانه بغضب من نفسه وهو لا يعلم لماذا يشعر بكل هذا الجمود اتجاه خطيبته ولا يعلم ماذا حدث له
اتجه الي الزجاج المطل علي المنظر الخارجي للشركه ووقف ينظر امامه بشرود وفجأة اتجه ليخرج من مكتبه حتي يطمئن علي شقيقته نانو 😉
_____________________
كان مروان بداء في تعليم الفتاتين اول الخطوات في بدء رسم تصميم علي الورق
وكان يقف خلف ملك الجالسه أمامه وهو ينحني بنصف جسده اليها ويمسك يدها الممسكه بالقلم ويخطط معها علي الورقه بتركيز
دخل عليهم فارس واتصدم من هذا المنظر ورفع صوته بقوة وهو يتحدث اليهم بحده
" ايه الا بيحصل دا انتوا بتعملوا ايه
نظرت له ملك بتوتر ونظر له مروان بغيظ ووقفت نانو من مكانها وذهبت اليه وتحدثت بسرعه
" دا مروان يا ابيه كان بيعلمنى انا و ملك ازي نرسم تصميم
كان فارس يسمعها ولكن عينيه كانت مع ملك
ذهب مروان اليه وهو يتحدث اليه بغضب
" في ايه يا سيد المغرور انت جاي عندي تعمل ايه
نظر له فارس وتحدث بغضب وهو يوجه كلامه ل ملك
" جاي أشوف المسخره الا بتحصل هنا
وقفت ملك من مكانها و هي تعلم انه يقصدها هي ردت عليه بغضب
" انا مسمحلكش تقول كلمة زي دي وياريت تاخد بالك من كلامك واعرف انت بتقول ايه كويس
نظر لها فارس بغضب أعمى عينيها من شدة الغيره الذي شعر بها عند رؤية مروان وهو قريب منها الي هذه الدرجه و رد عليها بقوة و صوت حاد
" انتي ملكيش مكان هنا في الشركة ، الشركة هنا للشغل وبس وواضح ان انتي مش جايه شغل
ثم وجه نظره الي مروان واكمل باقي حديثه
" واضح انك جايه هنا لحاجه تانيه
فتحت ملك عينيها بصدمه بعد ما فهمت ما يقصده واقتربت منه بغضب وتحدثت بأنفعال
" انت واحد قليل الأدب
نظر لها الجميع بصدمه الا فارس لانه كان يتوقع منها هذا الرد و رد عليها بتحدي
" انتي مرفوده
فجأته ملك برد فعل لم يتوقعه عندما ابتسمت له وتحدثت اليه ببرود
" انت ما تقدرش ترفدني لان ببساطه انا مش بشتغل عندك انا بشتغل مع مروان وهو الوحيد الا يقدر يرفدني
نظر لها فارس بغضب وهو لا يعلم ماذا يرد عليها
ابتسم مروان بسعاده وهو يأكد علي كلام ملك
" فعلا ملك موظفه عندي انا مش تبع الشركه يعني حضرتك ماتقدرش ترفدها او تقرب منها
نظر لهم فارس بغيظ شديد ثم ذهب من امامهم بغضب كبير
ابتسم مروان بسعاده وهو يحدث ملك
" برافووو ملك انتي بجد معجزه وقدرتي توقفي سيد المغرور عند حده ومعرفش يرد عليكي
نظرت لهم نانو بعدم فهم وهي لا تعلم لماذا يفعل شقيقها هكذا مع ملك ولكنها اعجبت كثيرا بقوة ملك وهي ترد علي فارس واقتربت من ملك وتحدثت بعتذار
" ملك لو سمحتي ماتزعليش من ابيه هو طيب جدا بس مش عارفه هو ليه بيعمل معاكي كدا عشان خاطري ما تزعليش
ابتسمت لها ملك و ردت عليها بهدوء
" حبيبتي انا مش زعلانه لاني اتعودت علي كدا ، انا في شغلي القديم كان صاحب الشغل كدا برضه معايا
ثم نظرت امامها وتحدثت بشرود
" وشكل أخوكي هو كمان عايز يأذيني زيهم
____________________
تكملة الرواية من هنااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق