مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

رواية عــروس الجبـــايــش الفصل الثلاثون 30 بــقلم يـــاســـة الموسوي 

رواية عــروس الجبـــايــش الفصل الثلاثون 30 بــقلم يـــاســـة الموسوي 

#عــروس_الچبـــايــش 🌼

#الــبـارت__30

#بـقلم_يــاســـة_الموسوي🌱

المفروض اشكرك علمتني درس

صرت المحب والعدو ما فرقة 

كل هذا وتفكر بعد نلتفي

ما نلتقي يم رب الملتقى

..........................  

يُـمن :- فتحت الباب امي و طبت مصدومة تباوع عليه وترجع تباوع عليه اجت تمشي وصلت يمي وجرت ادية من وجهي و راسي جنت حاميه روحي بـ ايده منه و گالت 

-- شكوو

ما جاوبها سكت  رجعت گالت بصوت عالي

--  تضربهااا بنص بيتي 

نفس الشي ما رد بس گال 

استغفرالله يا الله  

شهيناز :-  والله عفيه على الزلم عفيه بنص بيتي وتمد ايدك عليها لو اخذتها يمك تصلخ جلدها وتمشرها بالشط وإني ما ادري 

ما جاوبها رجعت تگول بصوت عالي 

-- عبالي رجال ينشد بيك الظهر بس طلعت حالك حال رائـف خنيث تتقوى على يتيمة الا حول ولا قوة هاي المراجل 

منـاف :- رجاءً لا تتجاوزين احترمي نفسج 

-- وليش انتَ تتجاوز و ما تتحرم نفسك شوف يا أبن الناس انطيتك فرصه مره واثنين والف بس لهنا وبعد انتهى الموضوع وياك 

-- فهمي السالفه اول مو گبل انتهى الموضوع وياك وعشتي اللحظة

-- وشنو هاي السالفه التخليك بنص بيتي تمد ايدك عليها و تضربها 

سكت ما رد رجعت گالت بصوت عالي

-- شنوووو السالفه الخلتك تمد ايدك عليها وهيَ بيت اهلها احچييي

نفس الشي ما يرد بس فرك وجهه سريع

بـ اديه و يگول  أستغفر الله يا الله

يُـمن :- والله يما انا ما ادري رقمن هذا والله

شهيناز :- يا رقم

-- رقم غريب مخابر عليه دقيقتين ونص والله ما ادري بيه مالمن

اخذت امي النقال من ايدي وگالتله

-- هذا رقم عبير مرت تميم وإني مجاوبتها وصار شهر ونص من خابرتني وجاوبتها يعني هسه انتَ جاي تدور بالتليفون على مكالمة صار الها شهر ونص الهاي الدرجة واصل بيك المرض 

نفس الشي ساكت ما يرد بس دنگ على نقاله وجكايرة شالهن حطهن بجيبه وراد يطلع صاحت امي وراه

-- اووگف

وگف ودار عليها ويگول

-- بالليل اجيكم ما اگدر احچي شي هسه

حچى هيج ومقهور فد مره شكله هسه يلا حس على روحه وتندم افتر ومشى رجعت صاحت عليه بصوت عالي 

-- ما تطلع ولا تروح توگف و تسمع بـ إذنك وتشوف بعينك يلا تعتب الباب 

حچت هيج ومشت عليه سريع و النقال

بـ ايدها طلعت الرقم و خابرت عليه شوية وانفتح خط واجانا صوت عبير تگول

-- الو

شهيناز :- هلا عبير شلونج

-- هلا خاله شلونج يُـمن شلونها

رجعت امي سدت الخط بوجهها و گالته

-- سمعت وشفت مالك خاف تگول صار اتفاق و وجابن عبير لا هاي گدامك وبنفس اللحظه صارت المخابرها و من هاي اللحظه تطلگها ومالك مره يمي بعد

ما جاوبها عافها وطلع وامي وراه تخبلت

بقت تصيح بصوت عالي

-- والله والعرفني بيك إذا ما خليتك تحلم تلوح اظفر من اظافره ما اطلع بنت ابوي المريض 

سمعها بس ما جاوب شي بس سد الباب وراه حيل و انا گعدت بالگاع ومتت من البچي اجت عليه امي گومتني وتگول

-- گومي گومي سبحان الله شگد كريم صار شهر ونص من سويت الخطه هاي بس ما فتح تليفونج ولا صار شي تالي گلت ما يدور وراها ولا اله شغل بهيج سوالف واني ظالمته الولد بس يغار عليها من گد ما يحبها وشوفي شلون افترت و ربج كشفه بعد عيني

يُـمن :- يا خطه شني السالفه

-- وره سالفه كربلاء والعركة اتفقنا إني

و تميم وخابرنا على خطج من عبير عبالي من يجي هذيج الايام يفتح تليفونج ويدور  بس ما دور ولا صار شي صار شهر ونص اخر شي أايست وگلت ما عنده هاي السالفه وكل هاي الهوسه الجاي يسويها من غيرته عليها بس شوفي هسه شلون قبل العرس بـ ايام الله كشفه قبل لا ينكسر ظهرج وياه 

رجعت ابچي بصوت عالي وهيَ گومتني من الگاع واخذتني جوى رحت للغرفه مالتي طبيت وسديت الباب و بعد انهاريت شگد مقهورة وشگد مخذوله ، من الاول دريت بيه واحد مريض بالشك بس انطيته فرصه و گلت ما اريد اظلمه لحد ما تعلقت بيه

و صلت ويا الهذا الحال

سمعت امي خابرت على عمي وتسولفه وراها سدته من عمي و دگت على تميم وهم سولفتله وانوب رجعت تگله

-- هوَ راح اخابر امه بس گلت انطيك خبر بالاول

-- لا لا من كل عقلك هيَ اجت والله جابها

سدته من تميم ودگت على خالتي ام منـاف اسمعها اول شي سلمت عليها ومن كملت السلام گالت الها

-- عيني ام منـاف ابنج يمج وبنتي يمي ومن هاي اللحظه ومالكم يمنا نصيب ياريت يجي يطلگها و ياخذ غراضه بلا مشاكل

ما ادري شگالت الها خالتي بس امي جاوبتها

-- ابنج مريض وبنتي كافي العاشته قبل ما مستعده ادفعها للهلاك بـ ايدي مالكم نصيب يمنا بدون لا هوسه ولا مشاكل كل واحد يروح الحاله قسمة وما صارت 

يُـمـن :- انا يالغرفه واسمعها تحچي  وياها وانا الدموع تصب بچيت على حظي ونصيبي بچيت مقهورة على عمري الما شفته منه شي وبچيت عليه لان حبيته وتعلقت بيه بچيت لان ادري بيه يحبني بس الحب وحده ما يفيد بچيت لان من الاول ما مرتاحه وگلت موافقه وانا ادري بموافتي هاي انتهيت حطيت راسي بين رجليه ودموعي تصب ليش وافقت ليش قبلت من الاول انا مو جنت رافض ليش تقشمرت وقبلت بيه  مو ادري ما عندي حظ وراح انخذل وتعذب وانكسر مو ادري مالي نصيب مو ادري ما يدوملي

الفرح ليش قبلت ليشش 

-- قد ضننتُ أنـي وضعتُ في كنف أمان فإذا بالكنـف قفصُ والأمان خذلانُ

و الفرحة التي اشعلت قاعة عقد القران انطفت ببرودة قسوتك ، فـأنتَ لم تكسر قلباً بلـ هشمتَ عهداً شرعياً و روحياً بين "قبلت" يوم العقد  "وتغيرت" يوم الخذلان

للعصر واجوا ابو وامه انا ما طلعت ولا شفتهم ولا خليتهم يشوفوني وامي گعدت يمهم و ما انطتهم كل مجال سدتها عليهم قد مره ونهتها وياهم من الأخير شگد اعتذروا شگد برروا بس امي نهتها وياهم 

وگالت كل واحد بطريقة ومالكم يمنا نصيب 

راحوا وبالليل عمي هاشم اجى صاح عليه وگعد وياي يريد يشوفني ويشوف رأيي رديتله 

-- كلشي انتهى ما اريد بعد 

-- قرار نهائي هذا

-- اي 

-- اخذ راحتج عمو حبيبتي اكيد هسه متضايقه منه وساعة عصبيه عوفي الموضوع يوم يومين وراها انطي قرارج النهائي

-- هذا قراري الاخير انا من الاول ما مرتاحه و احس كلها غلط بغلط وهسه

ربي كشفه قبل لا اتروط بيه اكثر 

-- والله يا عمو اني اخر فترة كلش ما گام يعجبني بتصرفاته وخفت عليج شلون إذا صرتي يمه بالبيت وهسه احس هذا قرارج صحيح بس ما اريدج تسعجلين اريدج تفكرين على راحتح فكري صح قبل كلشي

-- فكرت عمي ما اريد بعد 

سكت ويباوع الامي وامي ميته من القهر على حظي بس ما تحچي يمي شي حتى لا انقهر اكثر من قهري هذا 

ثاني يوم اجوا خواله وابو و خابروا على عمي هاشم گعد وياهم شگد حجوا رادوا بس عمـي رد الهم الابنية ما تقبل وهيَ رافضه وصار يومين تبچي صح هو مثل اولادي واني احبه بس الزواج قسمة ونصيب وماله يمنا نصيب بعد ياريت يرمي اليمين عليها و كل واحد يروح الحال سبيله 

بقوا يحچون شلون هيج والعرس عگب  باجر والناس والمعازيم وهوَ يحبني ويريدني  وعمي يجاوبهم هوَ غلط وخلي يدفع ثمن غلطه ويعرف السوا

لليل ورجع اجى هوَ بس لا انا ولا امي گعدنا يمه وشفنا بس عمي گعد يمه باقي يعتذر ويبرر وحالف ميت يمين يحبني بس ساعة عصبيه وهيج متصرف 

عمي مجاوبه ما تقبل وامها نفس الشي ما تقبل واني رجال ما بـ ايدي شي هاي حياتها

و مالي حق ادخل يردن تطلگها وكل واحد يروح الحاله ، اخر شي أيس وراح وانا متت وراه من البچي 

مقهورة عليه وعلى روحي بس من ايده هوَ وصلنا الهذا الحال وما دام هذا المرض مزروع بيه مستحيل يتغير بيوم من الايام ابو طبع ما يبدل طبعه للموت 

خلصن هاليومين والناس تروح وترجع علينا وعمي باقي يگعد وياهم ويرد عليهم 

لحد ما صار يوم الجمعه المفروض يوم العرس 

بيومها لا طلعت من غرفتي ولا اكلت ولا شربت خلصتها من الصبح لحد الليل ابچي 

انتهيت فد مره 

ما ادري شلون خلص عليه اليوم ولا ادري بيه شلون خلص عليه و تحمله بس متأكدة هسه مقهور اكثر من قهري ومتعذب اكثر من عذابي وهوَ ما يستاهل العذاب والاذيه صدگ حبني بس ما يگدر يتخطئ العقد البيه والوسوسه دمر روحه ودمرني ويا 

صار الليل عليه و ما گدرت انام ولا غمضت ثانية نقالي ونقال امي طول هاي الايام قافلينهن لان بس نفتحهن يبقى يخابر 

لحد ما صارت الساعة بـ3 الفجر گمت للثلاجة طلعت حبوب فاليوم واخذت حباية ورجعت لفراشي بقيت اتگلب اقل الخمس دقايق وراها سلمتها ونمت هالنومه نومه ما گعدت غير ثاني يوم الساعه بـ ال2 الظهر 

بس غسلت واكلت ورجعت نمت من جديد 

وهيج خلصت اليوم مسطوره سطر اگعد بس اكل وارجع انام 

يومين مرن وانا اخذ حبوب فاليوم بدون ما تدري امي ومخلصتها نايمة من الصبح الليل لحد ما كبستني وزفتني هذيج الزفه

لعبت بيه جوله رزلتني و غلطت عليه واخذت الحبوب ذبته وانا ساكته ما ارد احس تعبانه وبعد حتى ما عندي طاقه اخذ وانطي واحچي احس منتهيه وتعبانه فد مره  

رجعوا اجوا امه و ابو وبعدنا نفس قرارنا ونفس ردنا وبس امي گعدت وياهم انا ما طلعت ولا اشوفتهم روحي شگد خالتي توسلت اطلع الها بس ما طلعت ولا اجيت اخر شي هيَ اجتني للغرفه وبقت ادگ بالباب وتحچي وياي من وره الباب وانا ضليت على گعدتي ما فتحت ولا رديت عليها

أسبوع كامل والوضع نفس ما هوَ احنه نهينا الموضوع ومستحيل يصير صلح بعد وهوَ مستمر يودي علينا ناس يوميه واحد جاينه اخر شي رايح على تميم متوسط يمه بلكي يگدر يدخل واسطه خير وتميم مظلمها عليه فد مره 

مسويني ميته بالفراش و امي متسودنه عليه وعلى ومسوين فاتحة بالبيت و مزفت الوضع فد مره گباله ومن اجى حچالنا گال خليته طگله حبايتين وجع راس من گد ما سديتها بوجهه

اخر شي گايل التميم إذا گدرت تهدي النفوس و تدخل واسطه خير وتجيب واسطتك نتيجة انقلك بالمكان التريده 

وتميم اكل راسي اكل كل شوية وگال شوفي تنازلت عن النقله الصار سنين انتظرها الخاطرج وما انغريت ولا ضعفت بقيت شامخ كـ الأسد 

شهيناز :- هههه وين اكو منك بس انتَ أسد والباقي أرانب 

-- ما دام هيج إني اسد والباقي أرنب متزوجيني هاي اللبوة شو خطيه انقهرت عليها وين ما تشمرها سودة مصخمه عاد إني اكسب بيها اجر واحل النزاع هذا 

-- هههههه والله يا تميم عاد انتَ ما تتعوض بس مع الأسف متزوج وعبير تحبني وكله تسميني خاله ما اگدر اغدر بيها

-- ابوي هم متزوج وامي تحبج شو عادي غدرتي بيها

-- جنت ما اعرف امك من قبل هههههه 

-- حسبي عبير هم ما تعرفينها ها يُـمن شتگولين

-- شگد بطران هسه انا بحال شقى

-- شوف هاي مصدگه روحه وجهه البومه هوَ منو يگلبج غير جاي اچذب عليج وارفع بمعنوياتج صدگت الططوه تضلي حطج بس المخابيل جيره وخفت 

امي ضحكت وانا درت وجهي من عنده

يا الله شگد تافه رجع گـال

-- همزين مراد تزوج چان هسه لعب علينا وساومنا بـ زهراء 

شهيناز :- انتَ خوفك لا هسه تضرب عنده ويروح ياخذها من مراد ويخليه يلطم 

-- بس يسويها ازوج مراد يُـمن واخلي يلطم بالكوري 

-- ههههههه 

بيومها تميم بقى يمنا و خلصها تحشيش وتصنيف وشگد ما جنت ضايجة ومقهورة ضحكني و طلعني من القهر الاني بيه 

ثاني يوم اجتنا زهراء جابها مراد گعدت وياي و تحچي وتحاول بس انا من اول  خصمت السالفه وياها ومن شافت ردي وشلون منتهي الموضوع يمي ضاجت 

ولزمت نقالها وضلت تكتب عرفتها جاي تنطيه اخبار وهوَ الموديها بس سكتت ما گلت شي 

وراها گامت للحمام گالت اختنگت اريد اغسل راحت غسلت ورجعت گعدت والنقال كل شوية تجيها رسائله تفتحها تشوفها وترجع ترد لحد وره إذان المغرب خابرت على مـراد اجى اخذها 

ثاني يوم عمـي گال بدلن نروح نعشة برى

انا ما رضيت اروح لان ما اريد مشاكل الهسه بعدني بذمته واخاف يسمع بيه طالعه ويسويله عركه 

امي شگد حچت وياهم يجي يطلگ وعمي حچى ويا  الناس الاجتنا بس ماكو مغلس على الموضوع وما يرضا يطلگ اخـر شي عمي گال عوفوا هسه فد شهر وراها إني اتصرف ويا بس هسه عوفوا لا تفتحون الموضوع ويا خلي يعدي شهر والباقي سهل 

واليوم من راد عمي يطلعنا ما قبلت لان اخاف من المشاكل واكيد هسه هوَ ضايج مني و يدور حجه عليه وإذا اطلع بدون علمه وانا بعدني بذمته راح يسويله سالفه بس امي وعمي جلبوا اله اروح وياهم 

وغصباً عليه رحت للمغرب وبدلنا و طلعنا امي دورت على المفتاح ماكو ما ادري وين رايح كل مره نعلگه ببــاب المطبخ اليوم مدري وين مشمور ومن گد ما مستعجلين ما دورنا عدل قفلنا البيت بـ النسخه العند عمـي وطلعنا

رحنا تعشينه و غيرنا جو وعمي فررنا بالسيارة وجاب موطات وعصاير وراها ورجعنا للبيت وهيج مشت الايام يومين تقريباً الوضع هدوء وماكو احد اجى ولا احد خابر بعد كل واحد گعد بيته وسكت 

وانا رحعت لزمت كتابي و اقرأ لان من يوم الهوسه وبعد ما قريت ولا شفت الكتاب اليوم يلا صارلي واهس ورجعت اقرأ بوكتها جان الجو حلو وانا گاعدة بالحديقة والكتب يمي و اقرأ 

طلعت امي تريد تروح للشغل سألتني على المفتاح إذا لگيته رديت لا ما شفته

شهيناز -- دوري وياج قابل وين راح 

يُـمن :- بس اكمل اگوم ادوره  

-- يلا رايحه عينج على البيت وعلى نفسج

طلعت وسدت الباب وراها وانا رجعت اقرأ 

ساعـة وگمت طبيت جوى للصالة وگعدت على القنفه واحل بالمسائل سمعت باب الشارع انطبگ عبالي عمـي اجى ضليت گاعدة بمكاني وبالي يم الباب لحد صوت المشيه صار قريب عليه وراها ما افات عليه النص الصاله 

وگفت وگفـه ما مستعوبه مصدومة شلون طب انا متأكدة سمعت امي وشفتها شلون سدت الباب وراها قوي 

اباوع عليه كلش متغير وجهه ذبلان فد مره تقدم عليه وانا رجعت ليورة گـال

-- بس احچي وياج لا تخافين 

-- شلون طبيت هنا امشي اطلع 

-- بس احچي وياج 

سكتت و اديه ترجف و رجليه وحده اطگ بوحده احس گلبي راح يوگف من الخوف 

رجع تقدم عليه اكثر وانا رجعت ليورة اكثر منه گال  

منـاف :- غلطت و ادري ما صعب عليج تسامحيني بس  أني احبچ وما اگدر بدونج 

اموت والله خلينا نحل المشكلة بالتفاهم لا ضيعينا بالعناد 

يُـمن :- منـاف الله يخليك بعد ما اگدر اكمل وياك صعب نرجع مالنا قسمة سوى عوفني و شوف حياتك عفيه 

اجى عليه سريع ولزمني من اديه ويگول

-- يا حياة و إني وياج يلا شفت الحياة

يا حياة الاشوفها و إني هسه يلا عرفت اعيش يُـمن والله العظيم احبج صار أسبوع انتهيت ما اگدر بدونج والله ما اگدر  

-- ولا انا اگدر اكمل وياك گتلك من الاول الشك يدمر كلشي المشكلة انتَ ما متخطي الماضي و جاي تتعامل وياي عبالك أنا الخاينة وانتَ تعرفني كلش زين انا اخاف حتى من خيالي مستحيل اغلط هيج غلط و اروح اخون 

-- اعتذر بعد ما تنعاد

-- ما يفيد الاعتذار لان اعتذرت قبلها ورجعت سويت الاكبر منها انا وياك طريقنا مسدود وإذا كملنا اثنينه راح نتعب 

-- اخر فرصه 

سكتت ما رديت انا ناهيه الموضوع كله ومستحيل ارجعله بس شكله يقهر وگلبي ما ينطيني اشوفه بهذا الحال رجع گال

-- وعد بس نرجع تشوفين واحد ثاني 

بقيت ابچي رجع يگول واگول ما اگدر ما اگدر 

-- بس اسكتي لا تبچين دقيقه افهم لا تبچين

-- حتى لو انا رضيت امي ما ترضا بيك تموتني والله

-- معليج بيها انـي احچي وياها بس لا تبچين فـدوة حبيبتي سكتي

رفعت اديه امسح بوجهي واگول

-- حتى لو امي رضت طبعك ما يتغير راح تبقى تعاني من هاي الحاله و لازم تجيك ساعة تغلط وياي بيها منـاف انتَ طيب بس كلش عصبي وما تتحكم بـ اعصابك وعندك شك مو طبيعي عبالك انا ما ادري شلون جنت كل شوية تخابر بحجه بالغلط لو مشتاقلج لو فهد دگ عليج بس حتى تشوفني مشغوله لو لا انا إذا رضيت ارجعلك معناها حكمت على روحي بالموت 

-- كتلج وعد اتغير 

-- ما تگدر تتغير هذا طبع بيك وفوگاها ما تحترم تتجاوز و تسب وصلت بيك بيت امي

و تضربني لو اجي يمك شتسوي بيه

سكت ما جاوبني انوب شوية وگال

-- نأجل الزواج فد شهر شهرين عادي مو مشكلة نعتبر نفسنها هسه انخطبنا وشوفي شلون راح اتغير 

-- لا 

-- شنو الاا

-- ما اريد الزواج بعد 

جرني من ايدي قوي و گال بصوت عالي 

اي مو بكيفج ما تردين حچى هيج و جرني وباسني قوي 

دفعته ما وخر ضربته على صدره ماكو

ما وخر جريته من شعره ضربني راشدي 

ورجع جرني من شعري قوي و هو بايسني

احس نفسي انگطع ضربته قوي بظهره رجع شالني وفات بيه للغرفه ضربت جريته من شعره ما نزلني لحد ما فات الغرفتي وسد الباب وراه حچيت ويا بتوسل 

-- منـاف لا تغلط غلط يكرهني بيك خليني ابقى احبك  و أحترمك

-- ما ترديني گلتي

-- منـااااف دير بالك توصل يمييي

شسوين حچي هيج وفتح دگم قميص 

بقيت ابچي بصوت عالي واتوسل بيه 

-- منـاف لا تكرهني بيك امشي اطلع 

-- هسه نشوف منو اليكرهني والما يردني 

-- منـااااف دير بالك توصل يمييي

-- شسوين 

حچى هيج وتجى عليه بهدوء ولا جنه يشوفني ابچي ولا عبالك يسمعني اتوسل بيه واحچي ويا سحبني من شعري حيل ورجع باسني ضربته دفعته ما گدرت عليه رجع جرني من دشداشتي وشگها عليه 

گلبت الدنيه بالصريخ ولو هسه اموت محد يسمعني غرفتي بنهاية البيت وبعيده على الشارع محد يسمع صوتي بقيت اصرخ بكل صوتي

والظاهر صريخ وصياحي زادن الوضع سوء دفعني قوي على الجرباية وانا احاول بكل قوتي بس اوخره توسلت بيه بچيت طگيته جريته من شعره خرمشته بـ اضافري من رگبته و جهه ولا عبالك اصلاً صار واحد ثاني وفقد تماماً انوب شگله تكول ثور لا يندفع ولا ينزاح 

احس بروحي متت بين اديه وهوَ ولا يمه الموضوع اصلاً عايش بعالمه الخاص 

لدرجة ذل نفسه بطريقة قذرة بس حتى اندمج ويا بس ماكو انتهيت و كل بشاعة الدنيه شفته بهاي اللحظات لحد ما انتهى كلشي و حسبني زوجة كامله اله ..... 

تكملة الرواية من هناااااااا 

لمتابعة  الرواية الجديدة زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا