رواية عونى الفصل السابع 7 بقلم اسماعيل موسي حصريه
رواية عونى الفصل السابع 7 بقلم اسماعيل موسي حصريه
#عونى
#قضية_زهره
٧
حملت الكتب ورصصتها على الحامل، كانت مكتبه ضخمه مرتبه بشكل عشوائى ولم يعجبنى ذلك ،قبل الليل اعدت ترتيب بعض ارففها، نوعية الكتب التى احبها ،ثم اوصدت باب الفيلا وخرجت .
كان الوقت تأخر، لم امر على المقاول وذهبت إلى شقتى
تناولت عشائى وسجلت فى دفترى بعض الأسماء والمعلومات
ثم ذهبت إلى النوم.
فى الصباح كان لدى عشرة مكالمات فائته من طرف ثابت المقاول
سألت نفسى هو ثابت متصربع على ايه كلها ساعه واكون عنده ،منذ الحادث وانا اكره الصداع والثرثرة ولم أرغب فى الحديث فى الهاتف.
بدلت ملابسى وذهبت إلى العمل
انت فين يا عونى؟ الهانم خربه الدنيا عليك من امبارح؟
قلت _كنت نايم
كنت نايم ولا ميت يا اخى دا انا اتصلت عليك يجى ميت مره ؟
هو انت عملت مصيبه يا عونى؟
استدرت تجاه ثابت معملتش حاجه
امال الهانم عايزاك ليه ؟
يمكن عجبها شكلى، قلت وانا احرك قميصى القديم
بلاش هزار والنبى يا عونى وروح شوف الهانم عايزه ايه
مش رايح يا ثابت، لو كانت بتتهمنى بحاجه خليها تكلم الشرطه __
بس الهانم مجبتش سيرة شرطه ولا سرقة، قالت إنها عايزة عامل تانى يساعدها فى بعض الأشياء
بعت اى شخص غيرى يا ثابت انا مش رايح هناك تانى
طيب عشان خاطرى تنازل المره دى يا عونى دى عميله مهمه ومش عايز اضيعها لأنها ممكن تفتح ليا آفاق جديده ؟
وبعدين انت عارف انك المفضل لدى !!
ثابت أفهم، انا بساعدك الهانم امس لا عجبها ملابسى او لحيتى ابعت اى عامل تانى من إلى بيحطو زيت فى شعرهم
يمكن يعجبوها يا اخى وسبنى انا انقل اسمنت
__وش فقر من يومك يا عونى، حد يسيب شغل عند هانم ذى القمر كده ويشيل اسمنت ؟
هو،انا هتجوزها يا ثابت ؟كله شغل، والتعامل مع الاسمنت الحجاره أسهل من التعامل مع النساء.
وإصلت حمل الأسمنت على دفعات قبل أن اشعل سيجاره وانا متكاء على جدار بنايه تحت الإنشاء
لاحظت ان سيارة الشركه ظهرت مره اخرى بنفس العامل الذى كان فيها وأخذت عامل اخر
بعد الغداء وبعد صلاة الظهر ،ظهر ثابت بملامح عابثه
مر على العمال قبل أن يأتى إلى
تصدق يا عونى انت عندك حق، الهانم رفضت تلت عمال لحد دلوقتى بيقولو انهم يدوبك بينقلو مجموعه من الكتب وبعد كده تديهم اجرتهم وتشكرهم وتتصل بيا تطلب عامل تانى
يعنى هى دفعت تلت أضعاف الاجره لحد دلوقتى
عايز ايه يا ثابت ؟من غير لف ودوران
خلصنى من القصه دى يا عونى وحياة ابوك انا مش ناقص
لولاش الشراكه المتوقعه بينى وبين عم البنت دى انا كنت قفلت تليفونى
مفيش دماغ والله يا ثابت مستعده لمهاترات انا عايز يومى يخلص وخلاص
ارجوك يا عونى ؟ راعى يا اخى انك بتيجى الشغل الساعه عشره وانا إلى مديرك بوصل الساعه ٨
هاخد يوميه زياده يا ثابت لان شغلى خلصته النهرده
ماشى يا عونى متقلقش اكيد الهانم هتديك حقك ذى إلى قبلك.
اوصلتنى عربة الشركه إلى فيلا الهانم التى كانت واقفه فى شرفة منزلها تتحدث فى الهاتف
اول ما لمحتنى لوحت بايدها ،روحت عندها ،كان معاها فيديو كول مع بنت اعتقد انها اجنبيه واقفه وسط خضره جوار بحيره.
انقل بقية الكتب لو سمحت انا جبت دفعه جديده وبعد ما تخلص اقفل باب الفيلا وراك لانى خارجه
لم اسمع كلام الهانم وسط شرودى وانصباب تركيزى على الفتاه الظاهره فى الفيديو كول، لوحت للفتاه بيدى ،بادلتنى التحيه من خلال الهاتف.
انت بتعمل ايه يا متخلف انت ؟
صرخت الهانم فى وجهى
قلت ميصحش كده قدام الأجانب على فكره، لأن دا بيترك انطباع سيء عن طريقة تعامل الشيوعيين والرأسماليين امثالك مع الطبقه العامله مثلى...
__طيب روح من فضلك ومتتدخلش فى إلى ملكش فيه
تنال الكتب كامل احترامي أكثر من البشر، أحب العيش معها واقامت الصداقات
وجدت دفعه جديده من الكتب؟ هى المره دى ناويه تفتح مكتبه عامة ؟
لاحظت ان اليوم خاص بالمؤلفات الصينيه واليابانيه والهنديه
ولم أجد اى مؤلف ل هاروكى موراكامي او توشيكازو كواغوشى او هان كانغ ،الصدمه افقدتنى مزاجيتى ،تركت كل شيء فى مكانه وغادرت الفيلا، رايح فين! ؟
انت رايح فين؟
بقلك رايح فين صرخت الهانم بكل صوتها
منحتها نظرة احتقار بالغة ممتدة المفعول تشفى غليلى المكبوت
قد اغفر غضبك ،نرجسيتك اللعينه ،غطرستك القذره مزاجيتك المتغيره ، لكن يا هانم هناك أمور لا اتسامح فيها كشخص لا يحب موراكامي السافل مثلا.
لقد انتهيت وصفعت فخذى بيدى ،لن أعمل هنا مره اخرى
مهما كانت المغريات الحياتيه التافهه والحقيقه يا هانم فأنا لم اتقبلك ولن اتقبلك وكنت اعمل فقط من أجل العمل، اسف أشعر أننى اختنق
غادرت الفيلا دون أن استدير نحو صياح الهانم وشخطها ونترها ووعيدها.
لا يعرف الإنسان ما ينتظره، ولا تقسم آبدآ على شيء لانك تجهل المستقبل.
هببت ايه يا عونى؟
الدنيا مقلوبه عليه، وشريكى المتوقع إلى رشحنى للهانم بيلومنى لأن بنت اخوه غضبانه جدآ
سبنى يا ثابت فى حالى مهما شرحت لك لن هتفهم
لأن عقليتك الغبيه ثلاثة ارباعها حديد واسمنت وزلط
طيب معلهش يا عونى اتنازل يا اخى وحاول تفهمنى
عشان الاقى حاجه ارد بيها على الهانم
هى اتصلت بيك يا ثابت ؟
اكتر من مراتى يا عونى يجى عشرين مره ومصره انك لازم ترجع الفيلا
لو اتصلت تانى يا ثابت قلها، تغاضيت عن جهلك حينما لم أجد دون كيشوت بين كتبك لكنى لم اتحمل رفضك هاروكى موراكامي.
ممكن اروح دلوقتى من فضلك؟ ادينى فلوس
لحظه واحده يا عونى اهى بترن
ايوه يا هانم، مفهوم طبعا، فعلا مجنون
بيقول إيه ؟ بيقول حجات مش فاهمه يا هانم
اه، بيقول تغاضيت عن جهلك حينما لم اجد دون كيشوت بين دفاترك لكن كرهك مش موراكامون غير مبرر
صمت... ثم
شغال بيشيل اسمنت من صبحيه ربنا يا هانم
خريج إيه ؟ معرفش اكيد دبلوم
لا دا فاقد الذاكره يا شيرى هانم.
أغلق ثابت المهاتفه وبصلى بتردد وعدم فهم
شيرى هانم طالبه تقابلك يا عونى وبتقول لو ممكن ترجع تانى وهى تفهمك كل حاجه.
تكملة الرواية من هناااااااا
لمتابعة الرواية الجديدة زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق