رواية عونى الفصل العاشر 10 بقلم اسماعيل موسي حصريه
رواية عونى الفصل العاشر 10 بقلم اسماعيل موسي حصريه
#عونى
عايز تقنعنى انك بريء يا نشأت +؟ مفيش شخص بريء يادكتور ،وإلى يظن نفسه بريء يبقى غبى، كلنا شركاء فى إلى وصلنا ليه من التدهور..
همس دكتور نشأت، انا قلتلك الحقيقه يا عونى، معرفش حاجه عن زهره ولا عن علاقتها بدكتور صبحى الله يرحمه
انا شفت من حقك تعرف الحقيقه رغم كان ممكن ابلغ الشرطه او اطلب من الحارس يتصل بالنجده
لكن انا معنديش حاجه اخبيها او اخفيها ،انا وانت بذلنا كل ما فى وسعنا وشوف النتيجه كانت ايه
انت فقدت الذاكره ،وانت انطردت من شغلى...
مكنتش اعرف ان دكتور نشأت ترك المشفى ،معلومه اربكت حساباتى ،مفيش عندك اسم يا دكتور او اى إشاره ممكن توصلنى لزهره ؟
بلاش تفتش ورا الموضوع ده يا عونى لأنه أكبر منك ومنى صدقنى..
معلهش يا دكتور نشأت انا متفهم مخاوفك ،لكن منذ شهر تنتابنى رغبه فى القضاء على نفسى
لو عندك اسم او رقم اكون شاكر ليك، ولو تم تعذيبى مش هقول على نفسك متخفش
ابتسم نشأت بحميميه ،اعجبته المزحه ،كتب فى ورقه رقم هاتف ووضعه فى يدى ،بالتوفيق يا عونى مع السلامه.
انت فين يا أستاذ عونى؟ بقالك يومين مجتش الشغل
شعرت بالخجل ،متأسف جدا والله يا شيرى هانم
لكن عليك أن تعذرى شخص فاقد الذاكره ،قد لا يعرف مكان عمله.
يعنى انت نسيت شغال فين يا عونى؟ نسيت المكان؟
نسيت يا شيرى هانم المكان ولولا عينيك ما تذكرت اننا تقابلنا اصلآ ،عينيك دليل هاتفى وبرنامج تحديد الموقع الخاص بى.
ضحكت شيرى، طيب من فضلك متتأخرش، لازم اخرج وفيه دفعه جديده من الكتب وصلت.
مش اكتر من ساعه يا شيرى هانم..
ساعه ؟ كتير اوى، طيب بص هسيبلك المفتاح تحت السجاده
كنت فاكر انك تربيتى وعشتى فى بلاد بره ؟ هما هناك بيعملو كده ؟
بيعملو يا عونى ومن فضلك متتأخرش.....
وانا فى الاتوبيس اتصلت بالرقم إلى دكتور نشأت كتبهولى
اكتر من مره من غير رد
بصقت من النافذه، دكتور لعين، لكن بعد ساعه بالتمام
أعاد الرقم الاتصال بى، قبل أن أدخل فيلا شيرى هانم
عونى عبد السلام!
قلت نعم انا عونى..
أنت مين؟
صمت من الجهه الأخرى، ثم بعد لحظه ،معنديش وقت اضيعه
انت اتصلت بيا ممكن اعرف عايز ايه؟
انت عرفت أسمى ازاى ؟
هو الى ادالك الرقم مقلكش اننا بنعرف كل حاجه حتى مكان سكنك ؟
حسيت بالخطر ،بحثت عن كلمه مايعه فى قاموسى
معايا واحده
صمت مره اخرى بدا انه يفكر، واحده ايه ؟ قلت بلا تفكير
بنت...
همس الصوت، أنت عارف نفسك بتكلم مين؟ هو انت فاكرنا ملجأ ؟
شعرت بالراحه، عمرها صغير، يتيمه وجميله
تردد من الناحيه الأخرى ثم الرقم غلط يا استاذ
اسمع بس، مش هاخد كتير، هنقسم المبلغ بالنص ومحدش هيعرف حاجه.
رد الرجل بصوت خافت طيب كلمنى بعد شويه....
تكملة الرواية من هناااااااا
لمتابعة الرواية الجديدة زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق