رواية حياة ال عاصم الفصل السابع عشر 17 بقلم سلوي عوض حصريه في مدونة موسوعة القصص والروايات
رواية حياة ال عاصم الفصل السابع عشر 17 بقلم سلوي عوض حصريه في مدونة موسوعة القصص والروايات
#سلوي_عوض
#حياة_ال_عاصم
بارت 17
عاصم: راحت فين منيره؟ ياتُرى الساعه كام دلوقتي؟
(بيبص في ساعته)
عاصم: تمانيه صباحاً! الله، راحت فين على الصبح كده؟ يمكن في الحمّام.
(بيخبط على باب الحمّام ومفيش رد، بيفتح الباب ومش بيلاقيها)
عاصم: أروح أشوفها عند جمر ولا شوج.
(يخرج من الأوضه ويروح لغرفة قمر)
عاصم: مشوفتيش منيره؟
قمر: صباح الخير يا أخوي.
عاصم: صباح النور، بس بسألك على منيره.
قمر: لا، مشوفتهاش.
عاصم: يبقى راحت عند شوج.
قمر: شوج كانت نايمه يا جاري، وليه رايحه أوضتها حالاً؟
عاصم: طيب يمكن عند أبوها، أروح أشوفها.
(بيروح أوضة والده يلاقيه نايم)
عاصم: تكون راحت فين بس يا ربي؟
(ينزل المطبخ وميلقهاش، يسأل الخدم)
عاصم: مشوفتوش منيره؟
الخدم: لأ يا بيه، مشفناهاش خالص.
عاصم: أرنّ عليها.
(يتصل بيها وماتردش)
عاصم: إيه القلق ده؟ راحت فين بس؟ آخر حاجه أدور عليها في المندره.
(بيروح المندره يلاقيها قاعده قدام اللاب توب، يتنهد تنهيده طويله)
عاصم: إنتي بتعملي إيه هنا يا جِرْده؟
منيره: تعالَ تعالَ شوف عملت إيه!
عاصم: عملتي إيه يا أختي؟
منيره: اتفجّيت مع مستورد على إنتاج المزرعه بتاعتنا، وهيشتري الإنتاج كله، وكمان هنعمل له مجزر عشان نبيع الطيور مجمّده.
عاصم: أعمل أنا إيه فيكي؟ ده أنا لفّيت البيت كله عليكي! حتى تلفونك رنّيت عليه مردّتيش.
منيره: أصلي عاملاه صامت.
عاصم: آخر مرّه تقومِي من جاري قبل ما أقوم، خضّيتيني عليكي.
منيره: جلجت عليّا يا بيضه؟
عاصم (بغضب): منيره، مش وقت هزار دلوقتي!
منيره: خلاص، متزعلش. مش هقوم من جارك تاني غير لما إنت تصحى.
منيره: قولي بقى، أنا شاطره ولا لأ؟ مش فرحان؟
عاصم: الخضّه اللي اتخضّيتها عليكي خلعت قلبي.
منيره: ألف سلامه على قلبك، خلاص بقى.
عاصم: خلاص، بس قوليلي عرفتي المستورد ده منين؟
منيره: ده واد خالتي مجدي، بقاله سنين مسافر ومتجوز برا، ومنصبه كبير، وهو اللي هيشتري مننا كل الإنتاج، وكمان هو اللي قالّي على فكرة المجزر. ما هو مش معقوله هنصدّر الطيور صاحيه!
(يضحك عاصم)
عاصم: أنا متجوز مجنونه.
منيره: بس بقى، ده كمان هنعمل له حزام كبير ونربّي فيه مواشي، نكبّر تجارتنا.
عاصم: طيب قومي عشان تفطري وتاخدي علاجك.
منيره: حاضر يا سي السيد.
عاصم: طيب، فوتي قدامي يا أمينه.
منيره: اديني بفوت اهو.
(تدخل منيره المطبخ وتأمر الخدم بإعداد الأكل)
اما في فيلا عامر كانت حياة قد استيقظت من نومها
حياه: ايه ده انا مال جسمي متكسر كده ليه؟
انا شكلي جاللي برد، ده انا عاوزه اهرش ف مناخيري، بس مذاجي عال العال.
اشوف عز فين واخد منه بودر عشان ابقي ف المود، هخرج اشوفه ف اوضته.
لتخرج حياه وتذهب الي عز.
حياه: بقولك ايه يا زيرو، عاوزه من البودر بتاع امبارح عشان ابقا ف المود.
عز: بس كده؟ من عيوني، تعالي شديلك سطرين.
حياه: هات هات.
وبالفعل تشم حياه البودره مره اخري.
عز: تعالي نفطر ونخرج.
حياه: علي فين؟ احنا لسه الصبح.
عز: عاملك مفاجاه.
حياه: لاء قول.
عز: طيب يا حبيبتي، هنطلع رحله صيد.
حياه: واو، اوك اروح اجهز.
حياه: وهنرجع أمته؟
عز: وقت ما تحبي، بس ليا عندك طلب.
حياه: طلب ايه؟
عز: تكلمي ابوكي وتخليه يديني اجازه تلت ايام مده الرحله، وتقوليله اني انا مش عاوز اروح بس انتي مصره أننا نروح سوا.
حياه: بس كده؟ اوك.
حياه: اقولك، انته هتنزل علي اساس تفطر علشان تروح الشركه، وانا هنزل بعدك بشويه واتكلم مع بابي، وانته هترفض عشان الشغل، وقتها بابي هو اللي هيتحايل عليك.
عز: يخربيت افكارك، انا نازل اهو.
وبالفعل ينزل عز ليجلس علي السفره ليتناول الافطار.
عز: صباح الخير ياعمي.
عامر: ايوه كده، برافو عليك، صاحي بدري علشان تروح شغلك.
عز: كل يوم هروح الشغل بدري، اهم حاجه رضاك عليا.
عامر: طول ما انته شايف شغلك، انا راضي عنك.
وهنا تنزل حياه.
حياه: هاي بابي، هاي انطي.
عامر: وكمان توتي صاحيه بدري!
نهله: صباح الخير يا توتي.
حياه: بابي، انا طالعه رحله صيد مع اصحابي ف النادي.
عامر: اوك، مده الرحله ديه كام يوم؟
حياه: 3.
عامر: تلت ايام؟
حياه: اه، بس انا عاوزه عز يسافر معايا.
عز: لاء طبعا، انا عندي شغل مش فاضي.
حياه: علشان خاطري.
عز: قولتلك لاء، انا عندي شغل.
لتمثل حياه الزعل.
حياه: خلاص، مش رابحه ف اي مكان، انا طالعه اوضتي، يارب انام مصحاش ابدا.
عامر: ليه كده؟ بعد الشر عليكي يا حبيبتي.
حياه: ماهو عز مش راضي يروح معايا.
عامر: علشان خاطري انا يا عز، روح معاها.
عز: طاب وشغلي؟ لاء، انا اسف يا عمي، مش هينفع اروح معاها.
عامر: معلش، روح معاها، مش هيجرا حاجه ف الشغل، ياله بقا متزعلنيش منك.
عز: امرك يا عمي.
نهله: خلو بالكم من نفسكم يا اولاد.
حياه: اطلع اطمن علي مامي.
نهله: نايمه يا قلبي.
حياه: خلاص مش مشكله، لما نرجع ابقا اقعد معاها.
عامر: خلي بالك من حياه يا عز.
عز: من عيوني ياعمي، ديه حياه روح قلبي.
اما سامر فها هو يصطحب جدته في طريقهم إلى المطار متجهين الي لبنان.
كريمه: والله انا ما مصدجه نفسي اني مسافره برا يخليك ليا يا سامر ياضي عيني هتخليني اشوف الدنيا.
سامر: انتي لسه شوفتي حاجه وكمان النجمه اللي انتي بتحبيها عاليه سليم مسافره معانا وهتنزل معانا ف نفس الفندق وهتخرج معانا ونتفسح مع بعض.
كريمه: بجد يا سامر ده انا بحبها جوي جوي.
سامر: بجد يا كركر كلها ساعه ونوصل المطار وتشوفيها وتقعدي معاها كمان ده غير انها هتوديكي مكان صحي كده وهترجعي شباب يا كركوره.
كريمه: ضي عيني انته يا سموره.
سامر: وانتي كل حاجه ليا ف الدنيا.
اما ف الصعيد فكانت حياه قد ذهبت الي الجامعه لتقابلها مفيده.
مفيده: بت يا جمر اخبار سامر ايه.
قمر: معرفش.
مفيده: يابت ده ليه تمثليه حلوه جوي بتاجي كل يوم علي التلافزون.
قمر: وانا مالي.
مفيده: يا ابوي عليكي بومه.
وهنا نجد فادي يقف بجانبهم.
فادي: انسه جمر ممكن كلمه علي جنب.
قمر: خير جول عاوز ايه.
فادي: طاب عن اذنك يا مفيده.
مفيده: انا ماشيه يا اخوي.
فادي: لو سمحتي يا جمر انا عاوز اتكلم معاكي تعالي نجعدو ف الكافتيريا.
قمر: مبجعدش انا ف كافتريات اللي عاوز تجوله جوله هنا واحنا واجفين.
فادي: جمر انا حجيجي ومش عارف ازاي حبيبتي.
قمر: بعد اذنك عندي محاضره واياك توجفني تاني وتجوللي الكلام ده.
فادي ارجوكي اديني فرصه.
قمر: لو وجفتني وكلمتني تاني هشتكيك للعميد بعد عني يا فادي.
فادي: ليه كل ده.
قمر: عشان انته مراعيتش حدود الزماله عن اذنك.
ليقف فادي متعجبا من رد فعل قمر.
فادي: بس انا فعلا معجب بيها انا مشوفتش ف حياتي زيها علي العموم انا هفضل وراها لغيت مترضي عني. جمر لو ضاعت من يدي انا ممكن اتجن فيها.
---
اما في فيلا عامر بعد أن خرجت حياه ومعها عز نجد عامر يتحدث الي نهله.
عامر: انا كده مبسوط اوي من عز أنه واخد باله من حياة وكمان قلبه علي شغله.
نهله: ده عز ابني روحه ف توتي وكمان اهم حاجه عنده شغله ورضاك عليه.
عامر: انا رايح الشركه.
نهله: وانا هطلع اطمن علي نهال.
عامر: أدي اجازه للخدامين النهارده عشان نقعد براحتنا، عاوزك تدلعيني.
نهله: بس كده، من عيوني، هتيجي الساعه كام؟
عامر: بعد العصر.
نهله: هجهزلك جمبري واستاكوزا وسيمون فيميه.
عامر: الليله هتبقي فسفوريه.
ليخرج عامر الي شركته، أما نهله فها هيا تصعد الي جناح نهال لتضايقها.
نهله: انتي صاحيه ولا نايمه؟ مش فارقه، صاحيه زي نايمه، كده كده محدش معبرك، أصل توتي راحت رحله صيد مع عز، وعامر هيسهر معايا النهارده... إف إيه الريحه ده، متموتي بقا قرفتينا ف عيشتنا، بقولك ايه، شعرك ده لازم يتقص، لتضحك نهله، هقصهولك علي الزيرو، ولو عامر ساءلني هقوله أصله فيه حشرات يا مشلوله، عارفه العلاج بتاعك كان ممكن يخلي حالتك تتحسن بس انا مش بديهولك، وياريتك حتي بتموتي جاتك القرف.
لتبكي نهال.
نهله: بطلي نكد، هروح اجيبلك الممرضه تنضفك، واقولك احسن حاجه ولا تأكلي ولا تشربي علشان متقرفيناش.
لتتركها نهله وتذهب لتحضر الممرضه.
نهله: هاتي مقص معاكي وانتي طالعه.
الممرضه: حاضر يا ست الكل.
نهله: متطلعيش اكل ليها، كفايه كوبايه زبادي ف اليوم، فاهمه؟
الممرضه: فاهمه حضرتك.
نهله: انتي كده شاطره.
(لتخرج من جيب بنطلونها مبلغ من المال)
نهله: خدي علشان بتسمعي كلامي.
الممرضه: أنا تحت أمر حضرتك.
نهله: طاب ياله.
أما سامر فها هو قد وصل الي لبنان.
كريمه: الله، البلد ديه جميله جوي.
عاليه: انتي لسه شوفتي حاجه يا تيته، ده هفسحك والففك البلد كلها.
سامر: بس نرتاح الاول.
عاليه: ترتاح من ايه يا سامر،
سامر: طاب علي الأجل نروح الفندج نغيرو ملابسنا.
عاليه: فندق ايه، احنا هننزل ف فيلا جوزيف.
كريمه: يا بتي مش عاوزين نضايجو حد.
عاليه: لاء يا تيته، مافيش حد ف الفيلا غير الخدامين بس.
كريمه: طاب زين عشان نجعدو براحتنا.
عاليه: احنا بعد منخلص تصوير هنرتاح شويه وبعد كده نلف ف البلد.
كريمه: سامر جاللي انك هتوديني بكان يرجعوني فيه شباب.
لتضحك عاليه: اكيد طبعا.
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق