رواية أمل مابين الحياة والموت الفصل السادس وعشرون 26الاخير بقلم منال كربم حصريه
رواية أمل مابين الحياة والموت الفصل السادس وعشرون 26الاخير بقلم منال كربم حصريه
رفعت صباح السكينه وضربت أمل في كتفها،صرخت أمل بصوت عالي ، تزامنا مع طلقه خرجت من مسدس الظابط استقرت في ظهر صباح.
علشان و أخيرا تموت صباح بعد كل الذنوب دي ،مات،ت من غير توبة و هي مقتنعة أنها على حق.
قرب عناصر الشرطة و بعدوا جثة صباح و تأكدوا أنها مات،ت.
السكي،نة جرحتها في كتفها، و كانت تبكي بانهيار و ترتعش.
سأل الظابط: أنتِ كويسة.
مردتش كانت بتعيط بس، وصلت سمر و محمد، جريت على جوة اول ما شافتها سمحت سمر لدموعها تنزل اللي كانت مسكها اول ما أمل كلمتها ، و جريت عليها ، و سألت بتوتر: أنتِ كويسة، ردي عليا.
حركت رأسها بنعم، خدتها في حضنها و انهاروا الاتنين من العياط.
بص محمد على جثة صباح، قال الظابط؛ للاسف لو كنا تأخرنا شوية كانت خلصت عليها.
بعدت سمر عن أمل و صرخت: يلا خدت الشر و رحت في جهنم وبئس المصير يا صباح، حسبي الله و نعم الوكيل فيكي.
سأل الظابط: مين عايش هنا تاني؟
رد محمد: جوزها و هو حاليا في الشغل و في عماد و مراته و دول في الشقة اللي فوق.
أمر الظابط عسكري يطلب منهم ينزلوا..
نزل عماد جري و هو مش فاهم حاجه لأن العسكري مقلش حاجة ، و سلسبيل وراه..
وقف بصدمة و هو شايف جثة أمه على الارض، و بص على أمل اللي تعيط في حضن سمر، حطت سلسبيل أيدها على فمها بصدمة
قرب عماد و سأل بتعلثم: ه، و ، هو ايه اللي حصل؟
قبل ما الظابط يرد ، ردت سمر بصوت عالي: اللي حصل يا أستاذ عماد حضرتك نائم في العسل مع مراتك و سيبك أمك المجنونة مع اختي، و حاولت تقتل اختي.
بص بعدم فهم و سأل : بتقولي ايه ؟
رد الظابط: كلامها صح، وصلنا بلاغ منها أن اختها في خطر لأن حماتها تحاول تقتلها، لما وصلنا هنا كانت المتهمة رفعها الس،كينة عليها و رغم التحذير ،ضربتها بالسكينة و كان لازم نتصرف.
: الكلام ده كدب.
قال محمد بغضب : بص على ولادتك و شوفها مسكة ايه، و بص على المسكينة أمل اللي تنزف و منهارة، و حضرتك نائم و جوزها سيبها ، رمتوا الحمل عليها و هي اللي فيها مكفية، بس قولتوا فرصة واحدة طيبة و غلبانة تشيل، و كل واحد يشوف مصلحتها و هي تخدم واحدة مجن،ونة و مجر،مة.
كملت سمر: الغلط على اختي اللي جت على نفسها و قبلت تعيش مع مجر،مة زي أمك و تشيل مسؤولية البيت كله و مراتك هانم في نفسها، حسبي الله ونعم الوكيل فيكم فرد فرد..
بص الظابط و سأل: مدام أمل تقدري تتكلمي دلوقتي؟
قالت سمر بحنان : قولي يا حبيبتي براحة ايه اللي حصل.
أسنانها بتخبط في بعض ،الرعشة تنهش في جسدها، شاورت على التلفيون برعشة، حاولت تتكلم معرفتش.
مدت سمر أيدها و خدت التلفيون ،و توقعت أن أمل ممكن تكون صورت، و فعلا فتحت الفيديوهات و شافت هي الفيديو و دموعها كانت تنزل و نفس الوقت ملامحها متعصبة ، و كانت تتمني صباح تكون لسه عايشة علشان تقتلها هي بايدها..
قال محمد: هاتي يا سمر.
خد الظابط التلفيون من محمد، و بعدين مد أيده لعماد و قال: شوف كده.
اتفرج عماد و سلسبيل بصدمة.
محمد: حضرتك أنت شايفة حالة امل، لو ممكن تمشي دلوقتي.
الظابط : أكيد طبعا.
وصل حازم في الوقت ده، شاف عساكر كتير و نفس مشهد قتل سماح يتعاد تاني، التوقع اللي جه في دماغه أن أمه عملت في نفسها حاجة ، يسأل العساكر محدش يرد عليه..
وصل لحد جوة و قبل ما يسأل في ايه ، شاف جثة أمه، و حالة أمل و شكل عماد المصدوم.
ابتسمت بسخرية و قالت: لسه بدري، خليك شوية كمان.
بص محمد لها بمعني أنها تسكت.
سأل بعدم فهم: هو في ايه؟
صرخت سمر بصوت عالي: شغلانة بقا كل شوية حد يجي يسأل هو في ايه ؟ لما أنت و هو عارفين أن أمك مجنونة سيبنها ليه خليكم جنبها.
اتحرك ناحية أمل و هو شايف حالتها، و سأل: مالك يا أمل؟
و حط أيده على كتفها المجروح لكن هي بعدت عنه و كانت أول جملة تقولها: ابعد عني.
قالت سمر: شايل ايدك كتفها مجروح ،ربنا ينتقم من صباح ، و تولع في نا،ر جه،نم، يلا يا أمل.
أتحركت مع سمر ، سأل: أنتِ راحة فين يا أمل.
لكن محدش رد و مشيت أمل مع سمر و محمد.
و حكي الظابط كل حاجة، و تم التحفظ على التلفيون لحين انتهاء التحقيق ، و تحويل الجثة الي الطب الشرعي.
و لأن الشرطة شاهدة على الواقعة ،مفيش قرار أن الشقة مقفولة لحين انتهاء التحقيق..
مشي عماد و سلسبيل على المشرحة وراء صباح، أما حازم قاعد في البيت و كل تفاصيل الفيديو محفورة في عقله، و يفتكر أن أمه خدعتها للمرة المليون و هو صدق، و قدم لها أمل على طبق من ذهب ، يفتكر خوف أمل و هي بتحاول تتصل على حد يلحقها.
قام كسر كل حاجة في الشقة و هو يصرخ : ليه ،ليه , ليه عملت كده هي امي ، اكيد دي مش أمي، أيوة أنا مش ابنه عاشت عمرها كله علشان تتدمر حياتي، ليه ،ليه؟
لما تعب قعد على الأرض و يبكي....
رجعوا البيت بعد ما خيطت الجرح ،دخلت الاوضة مع سمر اللي قالت: نامي و ارتاحي على ما اعمل ليكي اكل.
حركت رأسها بالنفي بينما هي تكلمت : لا يا قلبي علشان الجرح ، ارتاحي أنتِ بس...
خرجت سمر و هي انفجرت من العياط..
خبط الباب وقال : أمل.
ردت بصوت متعب : اتفضل
أبتسم و قال: ايوة كده اتكلمي و سمعنيا صوتك.
ابتسمت ابتسامه بسيطه ، قال بهدوء: عارف أن حياتك صعبة مش سهلة و آخرهم اللي حصل النهاردة،و متاكد أن دماغك مش هتبطل تفكير بس عايزك و أنتِ بتفكري تفصلي حازم عن صباح.
بصت له بعدم فهم ، علشان يكمل ويوضح لها: يعني حازم جوزك و حبيبك و بعد ربنا و هو سمر الدعم و السند ليكي، حازم باع الكل علشانك، اللي عمله مع صباح ده يثبت أن راجل بجد و أبن بار ، بعد كل عمايل صباح كان تحت رجليها، هو صحيح أبن صباح ، بس محدش ينكر أن مش شبها و عمل كتير يا أمل، لو هو غلط ، و أنا بشوف ده غلط غير مقصود،لان شاف أمه مريضة، حتي الدكاترة خدعتهم أنها مجنونة، متوقعش أن كل ده خطة منها علشان تخلص منك، يبقي نزعل منه بس مش كتير.
ردت بهدوء: نسيت تقول حاجة يا محمد ، مش سمر و حازم بس الدعم و السند لي في أنتِ كمان، مفيش حاجه حصلت ليا الا و كنت جنبي، و أظن لو فعلا عندي اخ شقيق مش يكون غير زيك ، ديما بيتك مفتوح لي، وقت ما أطلب سمر نص الليل تكون معها.
ابتسمت و كملت بمزح: أنا شايفة أن أنت تعبان معنا اوي.
بص حواليه بخوف و قال: عندك حق.
: شكرا على كل حاجة
= أنتِ أختي يا امولة، يلا اسيبك ترتاحي بس الكلمتين دول قولتهم علشان ضميري يرتاح.
و خرج محمد زوج الاخت الشهم الجدع، اللي بأفعاله وصل لمكانة الاخ.....
و شوية و دخلت سمر بالاكل ، كلت أمل و خدت العلاج و نامت بمفعول الأودية....
رجع عماد و سلسبيل البيت ، طلعت الشقة و هو دخل عند حازم..
بص على البيت المبهدل و قعد جنبه و قال : تصريح الدفن طلع و ندفنها بكرة أن شاء.
غمض عيونه بحزن و مردش.
قال عماد بندم: أنا آسف يا حازم.
مردش برضو و فضل ساكت، قال عماد: خليك قوي يا حازم..
بص له بعيونه الممتلئة بالدموع و قال: مفيش أم تعمل كده في ابنها، أنت تصدق أنها تحاول تقتل مراتي.
رد عماد بحزن:تصدق أنت ،أن أمك كانت عارفة أني بحب نورا و مع ذلك سعت علشان تكون مراتك..
فتح عيونه بصدمة كبيرة و قال: أنت بتقول ايه؟
: هي دي الحقيقة،أنا كنت بحب نورا بس الحمد لله أن ربنا بعدني عنها.
و ساد الصمت ، و كل واحد فيهم بيفكر في اللي حصل ،و ازاي في أم بالشر ده.
و حازم بيفكر لو كانت سمر اتاخرت كان ايه اللي حصل ل أمل.
مر ساعات الليل و جاء النهار و هما لسه زي ما هما ...
راحوا استلموا الجثة و تم الدفن مكنش في حد ، ملهاش احباب علشان يحضروا الدفنة
في شقة محمد
يفتح الباب و بص لهم بصمت، و هما كانوا يبصوا في الأرض بخجل و ندم.
قال حازم بندم: أنا آسف يا محمد.
قال عماد: حقكم علينا احنا غلطانين.
سألت سلسبيل: ممكن نشوف أمل..
قال محمد: اتفضلوا.
: محدش يدخل
كان صوت سمر العالي، و قربت وفقت قدم الباب و قالت: على فين؟
قال حازم بحزن: أنا آسف يا سمر.
ردت بصوت عالي: بعد ايه، قولي بعد ايه، لما أنت عارف أن أمك مجنونة ، كنت قعدت معها أو جبيت حد يشيلها ,مش تخلي أختي تقعد معها.
محدش رد عليها و كان يبصوا في الأرض بخجل، كملت هي:
المفروض يا استاذ حازم لما أنت هتاخر في الشغل، كنت طلبت من اخوك و مراته يقعدوا مع امك على ما ترجع، و المفروض من غير ما يقول كنت أنت يا عماد باشا ، قعدت مع أمك، بس أنت أخدت مراتك و طلعت و مش مهم بقا أمك المجنونة اللي أن شاء الله تولع في نار جهنم تقعد مع أختي لوحدهم ، حسبي الله ونعم الوكيل فيكم كلم، على الخوف اللي أختي حست بيا، كان نسب اسود على دماغكم.
خلصت كلامها و رزعت الباب في وشهم....
كانت أمل وافقة قدم الاوضة و سمعه كلامهم و تبكي....
دخلت سمر عند أمل و قالت : لازم أعمل كده علشان يعرفوا غلطهم.
حركت رأسها بنعم و قالت : عارفة...
مر أسبوع و كل يوم حازم يروح بيت محمد و سمر تطرده من على الباب بعد ما تسمعه كلمتين زي السم.
: خلاص بقا يا سمر نفتح لهم و ندخلهم و نسمع عايزين يقولوا ايه.
وافقت بسهولة و قالت: ماشي.
و بصت على أمل و قالت: ادخلي اوضتك و اوعي تخرجي فاهمة.
حركت رأسها بالموافقة و دخلت الاوضة ، و بصت سمر على محمد و قالت: لو سمحت يا حمادة اوعي تمنعني اقول كل اللي عايزها.
أبتسم و قال: ربنا يستر..
فتح محمد لهم و قعدوا ، و بدأ حازم بالكلام و قال: أنا عارف أني غلطان، بس أنتِ عارفة أني بحب أمل و مقدرش ابعد عنها.
ضربت على رجلها و هي تقول بعصبية: على راي المثل اسمع كلامك اصدق ،اشوف امورك استعجب، و عملت ايه يا حازم علشان تثبت كلامك،خليت امل مع واحده مجنونه ما بتكرهش في حياتها قدها.
قال بصوت متعب: لو سمحت يا سمر من غير تجريح واهانه كل كلامك ده انا عارفه وعارف ان للاسف وصعب عليا اقولها أن أمي ست مش كويسة وست ظال،مة، واكيد أنتِ متاكده أني محبتش في حياتي قد امل فلو سمحتي انا عايز مراتي.
قالت بسخرية :مراتك وكانت فين مراتك دي لما سبتها لوحدها بدل ما توصي أخوك عليها لا كبرت دماغك.
اتكلم عماد : عندك حق يا أم أحمد ،بس أنا اللي غلطان مش حازم ، كان المفروض من نفسي أكون الليله دي تحت، لكن صدقيني محدش كان يتوقع انها تكذب علينا.
ردت عليها: وهي طبعها ولا تشتريه على راي المثل ديل الكل،ب عمره ما يتعدل وفي الحاله دي كل،به مش كل،ب.
بس محمد لها بغيظ وقال:
كفايه أمثال يا سمر.
بصت على سلسبيل اللي قاعده ساكته من وقت ما دخلت وقالت لاستهزاء :
وأنتِ معندكيش كلام تقولي.
قالت بنبرة خجوله:
انت عندك حق يا ام احمد في كل كلمه تقوليها ، أنا مكسوفه من نفسي و شايله ذن،ب كبير.
: بعد ايه يا حبيبتي على راي المثل بعد العيد يتفتل الكحك الذنب اللي انت شايلاه ده كان هيبقى لازمة ايه لو اختي حصل لها اكتر من كده ، فاكرة انا كنت اسيب حد فيكم ده لما يكفيني العيلة كلها.
سكتت شويه وقالت بسخرية : و صحيح هي فين العيله دي؟ على راي المثل عد غنمك يا جحا واحده نايمه وواحده قايمه، وهو بينطبق عليكم واحدة مقت،وله وواحده مش،نوقه والثانيه مقت،وله مكرر يلا في داهيه.
كانت أمل سامعه كل كلمة بتقولها و متضايقه من الكلام لانه يجرحهم قوي وكمان محمد متضايق لكن في نفس الوقت مقدر زعلها وخوفها على اختها،فقرر يسيبها براحتها.
قال بحزن: سمر عايز مراتي.
: بشروط.
رد بدون تفكير: وأنا موافق طبعا.
: أول حاجه الشقه تتوضب أقصد شقتكم مش الشقه بتاعت المخفيه أمك، شقتكم أنتم ،تتوضب من أول وجديد توضيب عروسه.
= موافق وكنت ناوي اعمل كده اصلا بعد اللي حصل فيها.
: والشبكه المفروض دي هدية العريس بس لا احنا اللي نختار الهدايا بنفسنا.
اتكلم عماد بصدمه: توضيب جديد وشبكه هو يتجوز من أول وجديد ولا ايه يا ام أحمد
: هو ده اللي عندنا مش عاجبك خد اخوك في ايدك و مراتك و يلا من غير مطرود، والباب يفوت جمل.
= اسكت أنت يا عماد ،انا موافق.
: أنت و أمل ربنا مش ريد يكون ليكم اطفال، ولازم تضمن مستقبل أمل الشقه والعربيه يكتبوا باسمها ،من عارف النفوس بتتغير بكره اخوك ده يقف لنا ويقول أنا هاخد حقي في الشقه.
ابتسم وقال: أنتِ عارفه يا سمر أنا كاتب الشقه من يوم ما اشتريتها باسم أمل ،و كمان العربيه، و هي متعرفش و لاي حد يعرف.
بس أنا عملت كده لما فكرت نفس تفكيرك.
: تمام تشكر يا سيدي لازم تحط لها مبلغ في البنك باسمها.
أبتسم نفس الابتسامه ،سالت هي:
ايه عملت كده برضو.
حرك راسه بنعم، و قالت: بس لازم نتاكد.
قال برجاء: حاضر يا سمر، اعمل كل اللي انت عايزة ،بس من فضلك من فضلك انا نفسي اشوفها انت عارفه ان اسبوع كتير قوي عليا من غيرها، و متاكده اني بحبها.
هي كانت ناويه متوافقش أن يشوفها و كل اللي عملته ده من وجهه نظرها عشان تعرفوا غلطه وكمان تغلي اختها قدامهم لكن لما شافت الدموع في عينه وهي واثقه ومتاكده ان هو بيحبها،
قالت بهدوء: اتفضلي يا حازم هي في الاوضه.
قام سعاده وقال:
شكرا يا سمر شكرا.
اول ما سمعت انه جاي شعرت بالتوتر مشتاقة له و نفس الوقت زعلانة منه، قعدت على السرير،وخلت ظهرها للباب.
خبط خبطة صغيرة و داخل ، من غير كلام مشي لحد عندها قعد قدامها على الارض، حط رأسه على رجليها و لف أيده حول خصرها ، رفعت أيدها علشان تحطها على رأسها لكن حاجة منعتها تعمل كده...
غمضت عيونها ودموعها تنزل بصمت وهو نفس الكلام دموعه وتنزل بصمت مر ثواني ودقايق ومحدش منهم كسر الصمت.
العلاقه بينهم مش مبنية على الكلام ،مبنية اكثر على الافعال يفهموا صمت بعض بتعرف تقرا صمته زي ما هو يقرأ صمتها.
فهمت هو عايز يقول ايه الحركه اللي عملها دي بتحمل معاني كثير قوي و شايله كلمات كتير قوي، يعتذر عن اللي حصل، بيقول انه ضايع وتايه من غيرها،شفت أنه مكسور وضعيف كان بيقول لها ارجعي لاني من غيرك مش ميت ولا عايش انا بين الحياة والموت.
هو ده الكلام اللي في قلبه و معرفش يقوله بلسانه من غير ما يقولوا هي فهمت وحست..
عدي دقائق كمان و بعد عنها مسك ايديها اليمين طبع قبلة عليها ثم أيدها التانية و من ثم قبلة على جبينها، وخرج من الاوضه من غير ما حد فيهم يقول كلمه ده الظاهر لكن المخفي اني اتقال كلام كثير و قلبه همسُ لقلبها بأسرار..
اول ما حازم مشي من بيت سمر، راح على الشقة و طلب عمال علشان يبدوا بتوضيب الشقة..
بحث في جوجل عن اشهر محل مجوهرات في القاهره و ارسل العنوان لسمر وطلب منها ينزلوا بكره،كان يتعامل كانها خطيبته مش مراته على ما ينفذ طلبات سمر.
مش بس كده قرر يستدعي اكثر واحده قادره انها تسعد امل رغم انه كان محرج لكن قرر ياخد الخطوة.
كان بيتكلم مع طارق فيديو كول
: انا اسف بجد يا طارق، و محرج وانا بكلمك بس المدام في حالة نفسيه صعبه،والوحيده اللي قادره تغير مودها هي بسمه أنا بجد اسف وعارف انك بتقضي اجازتك مع عيلتك مش من حقي اطلب منك كده، بس مفيش حل تاني.
رد بهدوء: عيب كده يا حازم احنا اخوات،وبعدين بقى بسمه مش مبطله تطلب مني ان احنا نرجع القاهره وانا متاكد ان عشان خاطرك انت والمدام بنتي بتحبكم،
تخيل لما كنا بنزور مكان هنا، قالت في وسط الكلام ان المكان ده جميل قوي و كان نفسها تيجي مع ماما أمل،مكدبش عليك في الاول اتصدمت وبعدين قلت بسمة محرومه من امها و شافت مشاعر الحب و الأمومة من زوجة حضرتك، وعمري ما هنسى اللي بنتي اتكلمت تاني بفضل ربنا ثم زوجتك انا أحجز أول طياره نازله مصر.
ابتسم و قال:
شكرا يا طارق والله أنا ساعات بستغرب في الزمن الصعب اللي احنا فيه ده والغدر بيجي من القريب، ازاي أنت واثق فينا كده وتثق أنك تخلي بنتك معانا.
: طب أنت عارف وده كان عيب فيا و أم بسمة الله يرحمها كانت دايما تقول لي اني بزعل الناس مني لاني برفض ولادي يكونوا في اي مكان و أنا أو ولدتهم مش معاهم حتى لو عند جدهم و جدتهم، بس انا كمان زيك مستغرب و سألت نفسي، ازاي واثق فيكم قوي كده والمعرفه مش قويه ما فيش رابط دم و مش بقالنا سنين نعرف بعض ،لحد ما لقيت الإجابة.
: و ايه هي.
= سبحان الله ربنا ارد يعوض بسمة بيكم عن فقدان الأم وكمان الحرمان من جو العائلة لأننا عايشين لوحدنا.
و مكملش الجملة أن بسمة عوض ربنا ليهم علشان ميجرحش مشاعر حازم، لكن حازم كمل و قال:
_ كمل الجمله صح يا طارق بسمه عوض ربنا لينا.
=صح كلامك.
و قفل حازم مع طارق،و أتصل طارق فورا على شركه الطيران عشان يحجز على اول طياره نازله مصر...
ثاني يوم نزلت سمر مع امل وحازم واللي فعلا كانوا زي المخطوبين ، حازم قدام بيسوق وسمر هي وأمل راكبين وراء ومفيش حد كرر يتكلم، وصلوا عند المحل و انصدمت سمر و أمل و سألت سمر:
_ايه يا حازم ده انا ملقتش كده بلاش المحل ده غالي اوي.
رد بابتسامة: مفيش حاجه تغلي على أمل.
قالت سمر: انا عارفه ان ربنا فرجها عليك وان الحمد لله الحالة متيسره بس مش كده، حازم عايزة اقولك.
قاطع كلامها: ما تقوليش حاجه يا سمر فاكرة مش فاهم او مش عارف انك بتعملي كده عشان تعرفيني غلطي، سمر احنا مش عشره يوم ولا سنه، احنا عشره سنين، و عمري ما شوفت حاجة منكم وحش، بداية من ماما فاطمة الله يرحمها و أنتِ و محمد اللي فتحته لنا بيتكم و خلتونا نحس ان عيالكم عيالنا أنتم عائلتي، صدقيني مزعلتش منك وكل كلمه أنتِ قلتيها عندك حق فيها أنا اللي آسف ليكي وآسف لماما فاطمه الله يرحمها،و آسف لكي يا أمل، و يلا بقا خلينا ندخل.
قالت سمر بمزح: معك فلوس والله هننظف المحل.
: هننظف المحل.
كل ده وأمل واقفه تسمع الكلام بصمت...
دخلوا المحل الثلاثه والحقيقه كانت سمر وامل مش راضيين ينقوا حاجه و لانه عارف ذوق أمل اختار هو، و مش بس كمان جاب هدايا لفاطمة و أمل ولاد سمر...
و أخذهم اتغدوا بره و بعدين رجعهم البيت.
في اليوم التالي
وصلت بسمة مصر ،و استقبالهم حازم في المطار و خد بسمة و طلع على بيت سمر.
كانت قاعده في اوضتها و تقرأ قرآن كريم، دخلت بسمه براحة من غير ما تخبط ، كانت أمل مديه ظهرها للباب قربت منها براحه،حطت ايديها على عينيها من غير ما تتكلم،مشت امل ايديها علشان تعرف مين توقعت تكون امل او فاطمه لكن دي مش ايديهم فضلت حاطه ايديها وخايفه تنطق الاسم يكون مش هو قالت وضربات قلبها سريعه: بسمه صح.
جت قدمها و قالت: أنت عرفتيني ازاي، وحشتني اوي.
ورمت نفسها في حضنها ،مشاعر أمل كانت مشاعر ام، و حتي بسمة كمان مشاعر بنت لامها .
لفت ايديها الصغيره على رقبتها قوي وكانها خايفه تبعد عنها تاني وقالت : كنت كل يوم اقول لبابي عايزه ارجع عشان أنت وحشتيني قوي، وحشتيني يا ماما.
بعدتها عنها بصدمة و سألت: قولتي ايه؟
نزلت دموعها و قالت: قولت ماما، أنتِ ممكن تزعلي مني، و كمان ماما تزعل مني لاني قولت كده بس بابا قال إن ماما الله يرحمها هتكون فرحانة علشان أنا فرحانة، أنا بحبك اوي و بحس انك ماما.
بكت بانهيار تام وهي بتحرك راسها بالرفض و بتقول: ازعل منك أنت عارفه انا طول عمري نفسي اسمع الكلمه دي الحمد لله أنا راضيه، بس كان نفسي اسمعها اوي، و لما تجي منك أنتِ ازعل ، أنا بحبك اوي يا بسمة.
مسحت دموعها و قالت بابتسامة: خالص يا ماما بقا، بلاش عياط و أنا أقولك ماما كتير اوي.
و قامت تجري حواليها و هي تقول ، ماما...
قعدت بسمة طول اليوم مع أمل ، وصلت لها رسالة مكتوبة من حازم :
اتمني الهدية تنال إعجابك سيدتي الجميلة، و معكِ تصريح أن بسمة تقضي الليلة معكِ.
بعت له فويس وهي بتقول: بجد يا حازم بسمة تنام معي النهاردة.
بعت فويس: وحشني صوتك اوي ، وحشني أسمع اسمي منك، ايوه يا حبيبتي ، و بجد بسمة تقضي الليلة معاكي النهاردة، أنا خدت الموافقة من طارق.
ردت بسعادة : أنت كمان وحشتني اوي.
فردت ذراعها و نامت بسمة عليه، وضمتها بحب و حنان، كانوا الاتنين مبسوطين.
و كل واحدة فيهم تحقق حاجة كان نفسها فيها.
بسمة اللي مشتاقة لنفس الحضن و اتحرمت منها من بعد وفاة أمها.
و أمل اللي نفسها تجرب شعور الامومة، صحيح كانت بتعمل كده مع اولاد سمر و هما قالوا لها ماما لكن هي رفضت، و قالت:
أن مكانة الخالة مكانة غالية جدا، و أنا بحب اسمع منك كلمة خالتو احسن.
ناموا في سعادة.
بعد أسبوع آخر الشقة خلصت.
و خد حازم أمل ، اللي نسيت كل زعلها منه، أو بالاحري هي مزعلتش من الاساس، و لول سمر كانت رجعت معه من أول يوم.
هي دي أمل موجود منها كتير وسطنا ، قلبها ابيض من الثلج، مش بتعرف تزعل من حد، تنسي بسرعة، تفتكر بس اللي يعمل لها خير، لو لقت حد في مشكلة و حتي لو الحد ده غلط معها تجري تساعده بدون مقابل.
في عز غضبها تقول مش اسامح اللي ظلمني طول عمري، و لما تفكر مع نفسها، تقول لازم اسامح يمكن أنا غلطت في حاجة.
فتح حازم باب الشقة و قال: غمضي عينك..
: ليه؟
= غمضي يا أمولة.
غمضت عيونها و مسك أيدها و دخلوا و قفل الباب، و قال: فتحي يا حبيبتي.
تفتح عيونها ببطيء و تبص حواليها بانبهار ، الشقة في غاية الروعة و الجمال، كل حاجة جديدة، و شموع و بالونات و زهور كأنهم عرسان و دي ليلة الزفاف.
تجمعت الدموع في عيونها و سألت : كل ده علشاني؟
كانت واقفة قدمه و هو وراها ، لف أيده حول خصره و همس لها بحب:
_ لو جبت الدنيا كلها تحت رجلك مش كفاية، أنا آسف على اللي حصل، آسف على حاجة حصلت جرحت قلبك ، سامحني لاني كنت غبي ، و صدقت انها فعلا مجنو،نة.
لفت له و قالت بهدوء: ممكن بلاش نتكلم في الماضي، أنا نسيت كل حاجة و انت عارف أمل حبيبتك قلبها طيب و عبيط بزيادة ، و تنسي كل حاجه.
حرك رأسه بالنفي و قال: قلبك مش عبيط، قلب ابيض و نقي و طاهر، أنتِ إنسانة طاهرة و نقية بزيادة، كل يوم بسال نفسي عملت ايه في حياتي علشان ربنا يرزقني بيكي.
ابتسمت و قالت: الطيور على اشكالها تقع ، و الطيبون للطبيبات ، و أنت كمان قلبك طيب و نقي، و راجل ، الكلمة دي كبيرة اوي مش كل ذكر يكون راجل، كنت ديما اكبر و اهم داعم لي و عمرك ما تخليت عني، هو في حد في ظروفك يعرف أنه اب و يكون زعلان.
قاطع كلامها و قال: ما بلاش نتكلم في الماضي.
كملت كلامها: قصدي يا حبيبي بعيد عن اللي عملته نورا، أنت كنت مخلص لاقصي درجة و على فكرة بقا أنا اللي بسال نقسي، أنا عملت ايه في حياتي حلو علشان ربنا يرزقني بالزوج الصالح.
طبع قبلة على جبينها و تنهد بحب ثم قال: عملتي كتير يا قلبي، عندك السامح و المغفرة و تحبي الخير للغير و قلبك طيب ، و صفات كتير ملهاش عدد.
ابتسمت بسعادة و قالت: ده عيونك اللي حلوة.
: اتفق أني عيوني حلوة لأنها اختار اجمل زهرة في الزهور.
الوصف دخل قلبها من غير استأذن ، جميل أن تشعر الزوجة أنها جميلة و مميزة في عيون زوجها و شريك العمر.
ابتسمت بخجل و قالت: بحبك
أجاب بابتسامة عريضة و حب: أنا بعشقك و بحبك اكتر من نفسي و من النهاردة بداية جديدة.
جميل من حازم أنه يفكر يبدأ بداية جديدة مع أمل بعد اللي حصل.
بعد سنة.
مر عام على زواج عماد و سلسبيل
و قرر عماد يعمل الفرح اللي متعملش و تلبس سلسبيل فستان زفاف زيها زي اي عروسة، و عمل الفرح في اسكندرية في نفس المكان..
لكن هما استقروا في القاهرة في الشقة اللي كانت فيها نورا و هما كمان جدودا الشقة..
في فندق خمس نجوم في اسكندرية.
تجري بسمة و أمل وراءها و تصرخ: حازم أنا زهقت تعال شوف بنتك دي.
كان واقف قدم المرايا ويضبط شعره، و زفر بضيق و قال:
أنا خلصت لبس و أنتِ و بنتك لسه، تحبي نكون آخر الحاضرين..
وقفت أمامه بعصبية و قالت: أنا السبب ولا بنتك ،ما شاء الله عليك واقف تهندم نفسك زي ما تكون عريس و أنا لسه مخدتش شاور.
جريت بسمة اللي كانت مستخيبة وراء الستارة على حازم، نزل لمستواها و قال: بسم الله ما شاء الله ، ايه القمر ده، عروسة جميلة.
لفت حول نفسها و قالت: أكون احلي من العروسة صح.
باس أيدها و قال: صح يا حبيبتي ، بس قولي مزعل ماما ليه.
قالت بزعل طفولي: أنا عايزة شعري مفرود و هي مصممة تعمل ديل حصان.
بص عليها و هي متعصبة و قال: عندها حق يا امل ، شعرها كده جميل ما شاء الله.
: أنا عارفة كده ،بس خائفة عليها من العين.
بص على بسمة و قال: هي عندها حق.
قالوا الاتنين مع بعض: أنت معندكيش حاجة تقولها غير هي عندها حق.
و مشيت بسمة ناحية أمل و قالت: تعالي يا مامي نحل مشاكلنا من غير طرف تالت.
و مشيوا الاتنين و هو ضحك عليهم.
خرجت بسمة و كلام أمل مشي و عملت ديل حصان و قالت: يلا بقا نروح لبابا.
مسك أيدها و قال: يلا يا بوسي.
مشيوا مع بعض لحد اوضة طارق هو موجود في نفس الاوتيل علشان يحضر الفرح.
خبط حازم و ثواني و فتح طارق و كان لبس البدالة، قالت بسمة: ايه يا بابي القمر ده.
شالها من الأرض و قال بحب: مفيش قمر غيرك.
: صح أنا أكون احلي من العروسة.
أبتسم حازم و طارق و قال طارق: طبعا بس خلي ده سر بينا، علشان حرام العروسة تزعل
: ماشي يا بابي..
= طيب يا طارق اسبقكم على تحت.
حرك رأسه بنعم و دخل طارق و بسمة الاوضة.
قعدت على السرير و مسكت الموبايل تلعب فيه و سألت: قربت تخلص علشان عايزة انزل قبل العروسة.
= دقيقة واحدة.
دخل اوضة تانية ، و مسك صورة مراته و ابنه و نزلت دموعه و قال:
_ أنا عارف أنك زعلانة مني، علشان خلت بسمة تقول ماما لواحدة غيرك و علشان احساس الذنب ده طلبت منها تقول لحازم بابا علشان نكون متساويين ، أنتِ فاكرة أني مش زعلان و أنا شايف بنتي عندها اب و ام غيرنا، أنا عملت كده لمصلحتها لقتها مبسوطة معهم، و لقت عندهم اللي مش عندي أنا وحيد اهلي و اهلك مش معنا، كنتي أنتِ عائلتي، و بعد ما مشيتي ده اثر علي بسمة، هي لقت عندهم عيلة متكاملة ، أب تاني و أم تأني و اخوات ، اعتبرت ولاد محمد اخواتها و عندها خالة و عم ، لقت حياة ، أنا من وقت رحليك و أنا بين الحياة و الموت و مش عايز بنتي تكوني زي علشان كده بلاش تزعلي مني.
كانت بسمة وافقة و سمعت كل كلامه قربت منه و لفت أيدها على رقبتها و قالت: مهما أحب عمر ما احب حد اكتر منكم ، أنت بابا حبيبي اغلي حد عندي، و هي ماما حبيبتي ، و اخوي حبيبي ،مفيش حد يعوض غيابهم.
طبطب على أيدها و قال: و احنا بنحبك يا بوسي.
مش اي زوج يقدر يتخطي وفاة زوجته و يتجوز غيرها ، في ناس تقدر و في ناس صعب عليا نسيان أول حبيب زي طارق مش قادر ينسي مراته، رغم أن كتير قاله اتجوز علشان تجيب لبسمة أم و اخوات لكن هو مقدرش ، فكان فرحان بعلاقة بسمة مع حازم و أمل.
و رغم العلاقة القوية بين بسمة و أمل الا العلاقة بين طارق و أمل معدومة طريق التواصل هو حازم، مفيش كلام بينهم نهائى ، عد المرات اللي تكلموا في ،يوم النيل و المقبرة بس.
غير كده مفيش كلام بينهم أو مقابلات و حتي لما كانت بسمة تحكي ل أمل عنها أهلها طلبت منها بلاش تتكلم عن ابوها و نفس الكلام طارق طلب منها بلاش تتكلم عن امل، عملوا كده لتجنب الشبهات ، و دي اول مناسبة طارق يحضرها معهم و ده كان طلب حازم علشان خاطر بسمة.
في الفرح.
كانت اغنية رومانسية شغالة
يرقص عماد مع سلسبيل
و محمد مع سمر
و طارق مع بسمة اللي وافقة على كرسي
و حازم و أمل.
: محمد عايزة اقولك شكرا على وافقة معي و مع امي و اختي في كل وقت
أبتسم و قال: ده واجب عليا و مش محتاج شكرا، ده واجبي أني أكون معاكي طول الوقت لاني زوجك ،و الزوج هو الشريك ،يكون شريك في الحلوة و المره.
: ربنا يبارك فيك و يحفظك من كل شر.
= و لكي بالمثل يا حبيبتي و يفرح قلبنا با اولادنا...
ابتسمت و قالت: اللهم امين............
باس أيدها و سأل بحب: مبسوطة يا حبيبتي.
ردت بصوت كله سعادة: أكيد يا عماد مبسوطة، بجد كان نفسي أطلب منك كده بس قولت بلاش.
: غلطانة كان لازم تطلبي، ده حقك عليا ،تفرحي زيك زي اي عروسة.
قالت بصوت حزينة: كان نفسي أخويا يكون معي.
مسح دمعة نزلت من عينها و قال: على الأقل عرفتي أنه مات.
قالت بحزن: رح في البحر اللي كان متخيل أنه لما يعديه يجمع الدهب و الفلوس و يرجع.
أبتسم و قال: ربنا يرحمه ، بس خلينا تفرح بقا، النهاردة فرحي يا جدعان عايز كله يبقي تمام.
=عندك ليك خبر.
: أستر يارب
= أنا حامل.
اول ما سمع الجملة ،ضحك بهستريا
لدرجة. الكل بص عليه، قالت بخجل:
_في ايه؟ مالك تضحك كده الناس تتفرج علينا.
حاول يسيطر على نفسه و قال: أصل متخيل واحد يوم فرحه و مراته حامل.
ردت بغيظ: أنت عبيط ،احنا بقالنا سنة متجوزين و النهاردة عيد جوزنا..
: ايوه عارف بس حاجة تضحك.
بصت بحزن من غير كلام، قال بهدوء:
_حقك عليا، الف مبروك يا حبيبتي ، يارب نخلف بنت شبهك في الشكل و الطبع.
سألت بزعل : بجد مبسوط.
قالت بابتسامة: طبعا مبسوط.
طبع قبلة على مقدمة رأسها و قال بحنان: الف مبروك يا حبيبتي ، ربنا يقومك بالسلامة.
ابتسمت بدون رد.
: هو عماد اتجنن ولا ايه.
= أنا عارفة هو ماله.
: قولي يا امولة.
داعبت أنفه و قالت: هتبقي عم يا حزومي.
أبتسم و قال: بجد، أنا اروح ابارك لهم.
مسكت أيده و قالت: اولا تسيبني كده في ساحة الرقص لوحدي، ثانيا مش وقته خليهم لوحدهم.
قال بمزح: حاسس أني اسيبك في ساحة المعر،كة مش الرقص، بس تمام خلينا وقت تأني
= ايوه كده شاطر.
بص حواليه و قال: بقولك تجي نهرب من الفرح.
قربت منه و همست : نروح فين؟
: البحر ينادي على العشاق، و اظن مفيش.
كملت هي بدلع: عشاق احسن من حازم و أمل.
مسك أيدها و خرج من القاعة و مشيوا على البحر.
تحت ضوء القمر، و همس الأمواج و لون الماء يسحر القلوب، و الرمال التي ينعكس عليها ضي القمر..
يسير و هو يحتضن يدها بحب و حنان و احتواء كعادته.
توقف عن السير، وقف أمامها، و نظر في عيونها بتمعن، و هي فعلت المثل، و تركوا الحديث للعيون.
هو : كنت بلا هدف أو شخصية، مثل الضائع يسير على طريق مرسوم، حتي سطعت الشمس و أشرقت بنورها ، و ظهرت أمل، التي جعلت لحياتي هدف ،كنت أعيش بلا حياة ، أشعر دوماً أني بين الحياة والموت حتي رأيتك و جعلتي حياة ممتلئة بالأمل...
هي = كنت أعيش حياة هادئة و جميلة و انتظر بفارغ الصبر أن يجمعني الله بك، و أدعو الله سرا و جهرا أن يكون لدي الكثير من الأطفال ، حتي ظهرت الحقيقة المؤلمة ، و تحولت حياتي الجميلة المزدهرة إلى حياة قبيحة و مظلمة، و هنا شعرت بالموت، وسط عتمة الليل كنت أنت، في الطريق المجهول أجدك ممسكا بيدي، من بين دموعي تزدهر ابتسامة و سببها أنت، كنت بين الحياة والموت و لكن جذبتني معك الى حياة جميلة و هادئة ممتلئة بالحب و السعادة و الأمل...
اقترب منها و ضمها إلى حضنه و قال: بحبك
ضمته إليها أكثر و صرخت بصوت عالي: بحبك يامن جعلت حياتي مثل أسمي أمل.
و تمت بحمد الله و ليس للحديث بقية
كنتم مع #رواية_أمل
#ما_بين_الحياة_والموت
اتمني تكون نالت اعجابكم و تكونوا قد استمتعوا.
و ان شاء الله يكون الفصل الأخير عند حسن ظنكم و في انتظار رايكم اكيد النقد اللي يساعدني احسن من نفسي ،الفصل طويل جدا يعني المفروض يكون فصلين لكن قولت بلاش اخليكم تنظروا تاني ، فمعلش لو في أخطاء إملائية رغم اني رجعت عليها..
و لانه طويل اتاخرت على ما خلصته..
مستنية رايكم في الشخصيات كلها و الاحداث و الرواية كلها.
و موقف سمر تحديداً..
معلش بقا تعالوا كده🫸 فين الايك و التعليق الجميل❤️🌹 و بلاش تنسي متابعة للصفحة علشان عيلتنا تكبر 🥰🥰🥰و اتمني منكم تعملوا توصية للصفحة الموضوع سهل مش صعب كأنكم تكتبوا كومنت ، تلاقوا في اعلي الصفحة التوصيات و لو دوست تتدخلوا تشوفوا الآراء المكتوبة ،التوصيات تفيد الصفحة و شكرا ليكم على حسن المتابعة🫶🫶🫶
في الختام شكرا لكل تعليق و لايك ساعدني أكمل 🌹🌹🌹
#أمل
#مابين_الحياة_والموت
#الفصل_السادس_وعشرون
#الفصل_الاخير
#روايات_بقلم_منال_كريم
نختم بذكر الله و بلاش تنسوا اختكم في دعوة حلوة من القلب🥺🥺🥺
❤️❤️❤️❤️❤️❤️
سبحان الله وبحمده سبحان الله العظيم
استغفر الله العظيم و اتوب اليه لا اله الا الله وحده لا شريك له له الملك وله الحمد وهو على كل شيء قدير
لا حول ولا قوه الا بالله العلي العظيم
لا اله الا انت سبحانك اني كنت من الظالمين
حسبي الله عليه توكلت وهو رب العرش العظيم
اللهم احفظ مصر وشعبها وارضها من كل سوء
اللهم انصر فلسطين والسودان وكل البلاد العربيه والاسلاميه
♥️♥️♥️♥️♥️
لمتابعة الرواية الجديدة زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق