رواية انتى عشقى الوحيد الفصل الحادي عشر والثاني عشر بقلم فاطمه حمدى
رواية انتى عشقى الوحيد الفصل الحادي عشر والثاني عشر بقلم فاطمه حمدى
الفصـــل الحادى والثاني عشـــر
أسرع تامر إلي زوجته ثم جثي علي ركبتيه ليقول بقلق وخوف: هنا ..هنا حبيبتي فوقي
لم تستجيب له فضمها إليه وقلبه يخفق بشده خوفاً عليها فيما قال موجها حديثه لإسلام: شوفلي عربيه بسرعه عشان أوديها المستشفي
أسرع إسلام متجهاً بعيدا ليري أي سياره للأجره فيما قال أحمد وهو يربت علي كتف رفيقه :
- إن شاء الله هتبقي كويسه متخافش
نهض تامر حاملا زوجته بين ذراعيه يضمها إليه بشده يخشي عليها فيما إتجه إليه الضابط وهو يقول: لازم تيجي معانا عشان تفتح المحضر وناخد أقوالك
حرك رأسه بالنفي قائلا بجديه: أما أطمن علي مراتي مش دلوقتي
تفهم الضابط الأمر وقال بجديه: تمام ! بس ياريت متتأخرش
أومأ تامر برأسه دون أن يتفوه ثم نظر إلي زوجته الساكنه بين يديه ثم أغمض عيناه متنهدا بقوه وبعد قليل كان يقف في المستشفي بجانب هنا الممدده علي الفراش والطبيب يفحصها فيما قال الطبيب بهدوء: إن شاء الله تكون كويسه ده بس إرهاق وكمان هي صحتها ضعيفه جدا ومن الواضح إنها إتعرضت للضرب فكل ده أثر عليها إديتها حقنه مهدئه وبإذن الله سليمه
أغمض تامر عيناه وهو يومئ برأسه ثم خرج الطبيب وجلس تامر بجانب زوجته ممسكاً بكف يديها بين راحتيه ثم رفعه إلي فمه يقبله ببطئ قائلا بهدوء: كنت هموت لو كان جرالك حاجه كنت خايف عليكي وكأن روحي بعيده عني مقدرش أتخيل الحياه من غيرك بحبك أكتر من أي حاجه في الدنيا دي كلها ،تنهد بقوه ثم تابع وهو يبتسم لملامحها البريئه الساكنه ،بس الحمدلله ربنا حفظك ليا وحماكي من الندل ده المهم دلوقتي تفتحي عيونك عشان وحشتيني تنهد بحراره ثم مال بجزعه عليها ليقبل جميع أنحاء وجهها ببطئ وتمهل بحب وهمس بكلمات عاشقه حتي أغمض عيناه دافناً وجهه في عنقها ليستنشق عبيرها وقال بخفوت: بعشقك يا هنا
رفع وجهه لينظر إلي وجهها ولكن ثوانِ وتحولت ملامحه إلي الحزن لتلك الكدمات التي بوجهها وشفتاها المتورمه آثر الصفعات المتتاليه القويه التي تلقتها من ذلك الحقير تحسس وجهها بأنامله وهو يقول بغضب: حيوان ابن ***
قاطعته مريم شقيقته وهي تدلف إلي الداخل قائله: إيه يا تامر هنا عامله ايه دلوقتي
تنهد تامر قائلا: الحمدلله
جلست مريم بجانبها من الجهه الأخري وقالت: طب هي نايمه ليه ؟؛
رفع تامر حاجبه ليقول بغيظ: كان كابس عليها النوم يامريم فقالت تريحلها شويه !
مريم بغيظ: أنت بتهزر ياتيمور ؟
تنهد تامر قائلا بنفاذ صبر: أعملك ايه مش شايفه الي حصلها وبتسألي نايمه ليه ياهبله !
حكت مريم رأسها لتقول بإحراج: طيب ياباي علي الرخامه صحيح صحابك قعدين بره يلا أخرجلهم
نهض تامر وهو يقول: طيب خليكي مع هنا وأنا بره لو في حاجه إندهيلي
أومأت مريم برأسها قائله: أوك
إتجه تامر إلي الخارج وما ان خرج حتي قال أحمد بتساؤل: ها يا تامر إيه أخبار مراتك؟
تامر بهدوء: الحمدلله
ربت أحمد علي كتفه وقال: ربنا يطمنك عليها ويحفظكم لبعض
تنهد تامر قائلا: اللهم امين
تحدث إسلام وقال: طب يلا بقا عشان تتمم المحضر
أومأ تامر برأسه قائلا بأيجاب: تمام هدخل أقول لمريم إني ماشي وجاي .....
دلف تامر إلي الغرفه ليقول سريعا: مريم أنا رايح القسم وشويه وجاي ماشي !
إتسعت حداقتيها لتقول بشهقه: يالهوي ليه في حاجه حصلت ؟
أغمض تامر عيناه وأعاد فتحها سريعا وقال بنبره مغتاظه: إستهدي بالله بطلي أم الفزع بتاعك ده رايح عشان المحضر والحيوان الي هناك ده
تنهدت مريم بٱرتياح وقالت: أوك أوك هاتلي أي حاجه معاك تتاكل وإنت جاي الله يكرمك
عض تامر علي شفتيه وخرج من الغرفه فيما ضحكت مريم قائله: عندوش صبر أبدا بس عسل أتيمور !
تحدثت نسمه بتساؤل وهي تنظر إلي والدتها قائله:هو أنتي بتلبسي كده وراحه علي فين يا ماما ؟
هندمت نجاح من ملابسها وهي تنظر إلي إبنتها لتقول ببرود: رايحين المستشفي
عقدت نسمه حاجبيها وقالت: مستشفي ؟ ومين دول الي رايحين
نجاح بنفاذ صبر: رايحين أنا وأنتي يا نسمه الله في ايه عشان نزور مرات ابن خالتك ونطمن عليها
هبت نسمه واقفه وقالت بصرامه: نعم ؟ أنا أروح أزور البتاعه دي ده لا يمكن أبدا وبعدين إحنا مالنا بيها ما تتفلق ولا تموت حتي أنا عارفه ليه مموتهاش وخلصنا منها
نظرت والدتها في عيناها مباشرة وقالت: إفهمي يا عبيطه لو كان موتها كنا إرتحنا وخلصنا لكن دلوقتي لازم نزورها عشان نبين لتامر إننا بنحبها وقلبنا عليها عشان بعد كده ميشكش فينا
زفرت نسمه بضيق قائله: بس أنا مبقبلهاش مبطيقهاش يا ناس أروح أشوفها إزاي
إبتسمت نجاح لتقول بمكر: أعصري علي نفسك لمونه يلا بقا إلبسي بسرعه وٱتشيكي كده عشان تبقي قمر
تنهدت نسمه قائله: أوك .....
"في مخفر الشرطه"
وقع تامر علي أقواله وبناءا عليه تم حبس حامد أربعة أيام علي ذمة التحقيق لحين ترحيله إلي النيابه بتهمه الخطف والشروع في جريمه الإغتصاب ومن ثم إتجه تامر إلي الخارج وهو يقول موجها حديثه لأصدقائه:
-أنا بشكركم جدا علي وقفتكم معايا
وكزه أحمد بخفه ليقول مبتسما: عيب عليك ده أنت أكتر من أخويا ياتمور
فيما تحدث إسلام قائلا: متقولش كده يا صاحبي ده إنت جمايلك مغرقاني وبعدين احنا معملناش حاجه ده واجب علينا
إبتسم تامر لهما ليقول: ربنا يديم المحبه.....
"في المستشفي"
بعد مرور ساعه من الزمن إبتدت هنا تفيق وترمش بعينيها عدة مرات حتي فتحتهما وزاغ بصرها في أنحاء الغرفه بينما أسرعت إليها مريم لتقول بلهفه:
- هنون أنتي صحيتي حمدلله علي السلامه
نظرت لها ثم قالت بصوت مرهق للغايه: آآ أنا فين وفين تامر
إبتسمت مريم قائله: في المستشفي وتامر راح يخلص شويه حاجات كده وجاي
أغلقت عيناها مره ثانيه بتعب ومن ثم أعادت فتحها وقالت بخفوت: بيخلص ايه أوعي يكون حصله حاجه
حركت مريم رأسها بالنفي قائله: يابنتي متخافيش زمانه جاي المهم أنتي عامله إيه دلوقتي طمنيني عليكي
أومأت هنا برأسها قائله: الحمدلله هو أنا جيت هنا إزاي
مريم بهدوء: أنتي أغمن عليكي و تامر جابك هنا
ضحكت هنا رغم ما فيها لتقول : أغمن إزاي؟
ضحكت مريم قائله: يوه متركزيش معايا يابت تصدقي وحشتني ضحكتك يا مضروبه
إبتسمت هنا وقالت: أنا فعلا مضروبه ومش أي ضرب أنا كنت هموت
تنهدت مريم قائله بحزن: سلامتك ألف سلامه يا هنا منه لله حسبي الله ونعم الوكيل فيه
وضعت هنا يدها علي مقدمه رأسها قائله: يلا الحمدلله إن ربنا نجاني منه !
قاطعتهم طرقات الباب فقالت مريم بصوت عالِ: أدخل
إنفتح الباب ومن ثم دلف والدها منعم ومن معه تحيه حتي إقتربا منها وقال منعم:
-حمدلله علي السلامه يا هنا
إبتسمت هنا قائله: الله يسلمك يا بابا
بينما قالت تحيه بحقد يغلفهُ الحنان الذائف:
- حمدلله علي سلامتك ياحبيبتي ده الواحد قلبه كان بيتقطع عشانك والله
تحدثت هنا قائله بهدوء: الله يسلمك تسلمي
لوت فمها ومن ثم جلست بجانب زوجها لتقول بخفوت: أومال فين بسلامته جوزها؟
نظر حوله ثم قال: مش عارف
تابعت تحيه قائله: أول ما يجي تاخده علي جنب وتجيب منه الي تقدر عليه وبالنص فاهم؟
أومأ برأسه قائلا بنفاذ صبر: خلاص يا تحيه أسكتي للبت تسمعك الله
فيما همست مريم في آذن هنا قائله: هو أبوكي ومراته بيقولوا ايه ؟
هنا بخفوت: معرفش
بعد ما يقارب النصف ساعه طرق تامر الباب ودلف إلي الداخل قائلا بخشونه: السلام عليكم
رد الجميع قائلين: وعليكم السلام
إبتسم عندما وجد زوجته تبتسم له بإشتياق تقدم نحوها علي الفور وأمسك بكف يديها قائلا:
- عامله ايه ياحبيبي ؟
قشعر بدنها من لمسته لها وقالت بخفوت: الحمدلله كويسه
فيما قاطعه منعم وهو يقول: بقولك ايه يا تامر تعالي عايزك
عقد تامر حاجبيه بإستغراب وكذلك هنا فنهض تامر وقد علم ما يريد وتوجه معه إلي الخارج حتي قال:
-خير ؟
تلعثم منعم قليلاً وقال: آآ فين الي إتفقنا عليه ياعم تامر !
ضيق تامر عيناه وهو ينظر له بحده غير مستوعب أن ذلك يسمي أب يأخذ ثمن راحة إبنته التي تكون منه لحمه ودمه
أدخل تامر يديه في جيب بنطاله وأخرج منها بعض النقود وأعطاها له علي مضض وقال :
اتفضل ياعم منعم والله أنا عندي أرمي الفلوس دي في الزباله ولا أديها لواحد زيك لكن كله لعيون هنا وبس
رفع حاجبيه ليقول مندهشا: طب ليه كده ما كنا كويسين
صر تامر علي أسنانه قائلا: عموما خلاص أنا هخدها قريب أوي هخليها ترتاح منكم ... ودلوقتي تدخل تاخد مراتك ومع السلامه بقا عشان مش ناقص أنا ماشي ؟
نظر له ليقول بنبره مغتاظه: الله مش أما أطمن علي البت الأول
تامر بنفاذ صبر: اطمن هي كويسه طول ماهي بعيد عنك أنت ومراتك .....
أقبلت عليهما نجاح بصحبة إبنتها نسمه قائله بقلق مصطنع:
-خير يا تامر هنا عامله ايه دلوقتي ياحبيبي
نظر تامر لها وقال بوجه خالي من اي تعبير : كويسه الحمدلله... ثم دلف إلي الغرفه وإتبعته هي وإبنتها فيما قامت تحيه بصحبه منعم زوجها متجهان إلي الخارج بعد أن ودعوا هنا وألقوا السلام علي الموجودين
إقتربت نجاح من هنا لتقول بإبتسامه: حمدلله علي سلامتك ياحبيبتي
أصاب هنا الإستغراب من طريقتها الغير متوقعه فقالت بهدوء: الله يسلمك شكرا
فيما قالت نسمه بتأفف: حمدلله علي السلامه
ردت هنا بهدوء: الله يسلمك
بينما إتجه تامر إلي مريم وقال بصوت خافض: بت يامريم بقولك ايه ما طرقي الاتنين دول الله يكرمك عشان عايز هنا في كلمتين كده
رفعت بصرها إليه لتقول بمزاح: تدفع كام ياتيمور؟
خبطها في رأسها ليقول بغيظ: مش وقت ظرافه خلصي
وكزته في ذراعه بخفه ثم قالت موجهه حديثها لنجاح ونسمه: آآ إحم بقولكوا ايه ينفع تيجوا معايا أصل تامر عايز يتكلم مع هنا شويه.... ثم صمتت لتضع يدها علي فمها بصدمه وهي تنظر إلي أخيها الذي كان في حالة زهول من تصرفها وقال وهو يصر علي أسنانه: ينهارك أسود ينهارك أسود
تنحنحت مريم بحرج وقالت : آآ قصدي هجيب حاجه نشربها بقولكوا ايه في كافتيريا حلوه أوي جنب المستشفي ماتيجوا معايا نشرب فيها كابتشينو وكده عشان أنا بصراحه إتخنقت من جوه المستشفي وكده ها اه يلا بينا
إحتقن وجه كل من نجاح ونسمه بالدماء وإشتعلت النيراين بداخلهما لعلمهما أنهما غير مرغوب في وجودهما فنهضت نسمه قائله: يلا نمشي يا ماما يلا
نهضت نجاح هي الأخري وحاولت أن تبدو طبيعيه: حمدلله علي السلامه احنا كده كده كنا ماشيين
إبتلعت مريم ريقها قائله: طب ليه كده ايه الي حصل
تحدث تامر قائلا بجديه: هو في حاجه حصلت في ليه ما انتوا قاعدين !
صرت نجاح علي أسنانها قائله: لا معلش يلا سلامو عليكو ومن ثم أخذت إبنتها متجهن إلي الخارج فيما إقترب تامر من شقيقته وقال بغيظ: يخربيت الي يقولك علي حاجه ياشيخه ده أنتي طينتي الدنيا علي الأخر
ركضت مريم ثم جلست بجانب هنا قائله: الحقيني يا هنا والله هو الي قالي طرقيهم
ضحكت هنا قائله: خلاص يا تيمو قلبك أبيض
أمسكها تامر وجذبها إليه وهو يتجه بها إلي الخارج: طب خمسه بقا كده عشان متغباش عليكي ها متدخليش إلا أما أقولك سامعه
ضحكت مريم وهي تقول: طيب يخربيت الي يزعلك هروح أشوف أي سندوتش سلاموز
ضحك تامر وأغلق الباب وإتجه إلي هنا التي كانت تضحك بهستيريه ثم جلس جوارها يتأمل ضحكاتها بإبتسامه ترتسم علي ثغره حتي هدأت هنا أخيرا وإبتلعت ريقها بتوتر وهي تراه محدق بها
فيما إقترب هو منها أكثر ليقول هامساً: إيه سكتي ليه بحب أشوفك وأنتي بتضحكي
توردت وجنتيها سريعا أثر إقترابه منها وحدقت به دون أن تتفوه
ضحك هو وقال: شوفتي البت مريم طينت الدنيا إزاي
أومأت برأسها وهي تضحك بخجل بينما تنهد هو بحراره لينظر في عيناها مباشرة قائلا بهمس: وحشتيني...
إبتلعت ريقها لتقول بتلعثم: آآ
لم يمهلها فرصه حيث قال : بحبك
صمتت وهي ترمش بعيناها عاجزه عن الحديث إقترب منها ليطبع قبله علي وجنتها المتورده وهمس قائلا ': وبعشقك
أغمضت عينيها من تصرفه ودفعته بيديها المرتعشه برفق ليتراجع قليلاً للخلف وقالت: آآ تامر عيب كده أنت قليل الأدب علي فكره
إنفجر تامر في الضحك ثم قال من بين ضحكاته: أنا قليل الادب يا هنا ؟ أومال لو عرفتي الي عملته وأنتي نايمه هتعملي ايه
إتسعت عيناها لتقول : عملت ايه؟
ضيق عيناه ليقول بمكر: عايزه تعرفي ؟
أومأت برأسها قائله: ايوه طبعا
إقترب منها مره ثانيه ليقول هامساً: يعني مش هتزعلي مني ؟
عقدت حاجبيها قائله ،: إنت عملت ايه بالظبط ؟
مال بوجهه علي شفتيها ليأخذها بين شفتيه في قبله طويله عميقه لتشعر هي بخفقان قلبها الذي إزدادت دقاته سريعا فيما لف تامر ذراعيه حولها ثم إبتعد عن شفتيها أخيرا وهو يقول بصوت لاهث: عملت كده ....
الفصـــل الثاني عشـــر
أغمضت هنا عيناها سريعا وهي تدفعه بكلتي يديها ولكنه كان محكم قبضته عليها فيما قال مازحاً:
-أنتي الي أصريتي تعرفي يا هنا
إبتلعت ريقها وقد إرتجف جسدها بالكامل وخارت قواها تُكاد أن تُغيب مرة ثانيه من قبلتهُ المفاجئه الجريئه بينما ضحك تامر وقد أسند جبينه علي جبينها وهو يقول برومانسيه:
-خلاص يانونتي إحنا هنتجوز مش هتبعدي عني تاني مش هتفارقيني لحظه تانيه بعد كده
فتحت عيناها سريعا لتنظر له بتوتر وإرتباك وقالت بخفوت: نـ نتجوز طب إزاي والمدرسه؟
نظر في عينيها وقد ضيق عيناه ليقول بلا مبالاه: مفيش مدرسه خلاص خلصت الحكايه علي كده
قطبت ما بين حاجبيها وقالت بزهول: مفيش مدرسه إزاي يعني يا تامر
غمز لها وقال مبتسما: زي الناس ياقلب تامر ماهو أنا خلاص مش هطمن عليكي تاني إلا لما تكوني معايا علي طول
حركت رأسها بالنفي قائله: لا طبعا مينفعش لازم أكمل مدرسه الأول وبعدين أدخل الجامعه وكمان هشتغل بعد الجامعه
رفع حاجبيه ليقول بجديه: مين ؟؟ جامعه ايه؟ مفيش أي جامعات ولا غيره أنتي خلاص هتطلعي من المستشفي علي بيتنا علي طول ومكانك معايا أنا مستقبلك برضو معايا وليا
هنا بأصرار: تاني يا تامر مش كنا خلصنا من الموضوع ده وإتفقنا إني لازم أطلع من بيت أبويا ولازم أخلص مدرسه الأول
تنهد تامر قائلا: أيوه ،بس يا هنا أنا مش قادر علي بعدك ومضمنش إيه يحصلك تاني شوفتي الي حصل
هنا بهدوء: ماهو ياتامر الي حصلي ممكن يحصلي وأنا متجوزاك برضو هي كل الحكايه ده قدر ونصيب بس عشان خاطري بلاش التهور بتاعك ده وسيب كل حاجه تيجي علي مهلها
حرك تامر رأسه بالنفي قائلا بأصرار: لا يا هنا الي قولته هيحصل وهنتجوز وهتعيشي معايا وبس كده
إنفعلت هنا قائله بغضب: وأنا ؟ أنا فين رأي من دلوقتي بتلغي شخصيتي وأنت الي تقرر وأنت الي تقول !!
أومأ تامر برأسه قائلا:
-أيوه عشان أنا أدري بمصلحتك يا هنا ومصلحتك معايا أنا يا هنا
تابعت هنا وقد إنفعلت أكثر:
-وهو أنا قولتلك أن مصلحتي مش معاك بس علي الأقل خليني أحقق رغبتي وأكمل المدرسه بس بلاش جامعه دلوقتي لكن بالشكل ده مش هننفع مع بعض أصلا
رفع تامر حاجبه قائلا: متتعصبيش كده عليا يا هنا ولمي نفسك ثانيا إيه مش هننفع مع بعض دي ؟ ها
أشاحت بوجهها بعيدا عنه وظلت صامته وقد أدمعت عيناها وجاهدت في حبس دموعها كي لا تنهمر بغزاره فيما تنهد تامر بصوت مسموع ورفع يده ليمسك بطرف ذقنها برفق وأدار وجهها في إتجاه وجهه فأغمضت عيناها الدامعه سريعاً رافضه النظر إليه
تأمل هو وجهها ثم قال بخفوت: بصيلي يا هنا
فتحت عينيها ببطئ لتنظر له دون أن تتفوه فقال هو بهدوء: زعلانه مني عشان بخاف عليكي يا هنا ؟
نظرت في عيناه لتقول بصوت مختنق:
-بس إنت كده بتمشي كلامك عليا علي طول ومش بتاخد برأي خالص وأنا عاوزه أكمل المدرسه هي كده كده أخر سنه فحرام يعني أضيعها وبدل ما يبقي معايا الثانويه أبقي معايا إعداديه !
حك تامر ذقنه وقال: يعني المدرسه عندك أهم مني يا هنا صح !
تنهدت هنا قائله وقد إنسابت دموعها:
-إنت عارف كويس إن مفيش حاجه في الدنيا دي كلها أهم منك عندي وعارف كمان أنا بحبك أد ايه عشان أصلا مفيش حد في الدنيا دي كلها بيحبيني غيرك وبيهتم بيا فبلاش تكون قاسي عليا وتحكم رأيك كده علي طول
مسح دموعها بيده وقال بحنان:
-أنا عمري ما أكون قاسي عليكي أنتي بالذات يا هنا أنا مبحسش بالدنيا إلا في وجودك أنتي وبس وعشان كده أنا عايزك معايا علي طول وطالما أنتي مصره خلاص يا هنا هسيبك تعملي الي إنتي عيزاه بس يا هنا لو حصل مره وخرجتي أي مكان من غير ما تقوليلي أو خطيتي خطوه واحده بدون علمي ساعتها والله يا هنا ما هسمعلك لو إتكلمتي من هنا للصبح وهنفذ الي عايزو علي طول إتفقنا؟
أومأت برأسها قائله بإبتسامه: إتفقنا
تنهد تامر ثم أخذها في أحضانه وربت علي ظهرها قائلا بهمس: مش عارف بحبك كده إزاي
ضحكت هنا قائله بسعاده: عشان إنت حبيبي
إبتعد عنها قليلا لينظر في عيناها مباشرة ثم قال بتساؤل: هنا أنتي إزاي كنتي بتقوليلي متركعش والزفت ده كان ماسكك كان ممكن بعد الشر ينفذ الي بيقوله أنا توقعت هتقوليلي إركع ياتامر عشان ميعملكيش حاجه!
أمسكت بكف يده بين راحتي يديها الرقيقه وهي تقول وقد إرتسم علي ثغرها إبتسامه عاشقه:
-عشان كرامتك عندي أغلي من حياتي كان عندي أموت ولا إنك تذلل لحد
عجز عن الحديث كيف له أن يتحدث أمام تلك الجوهره التي أمامه من الممكن أن تضحي بعمرها في سبيله ... تنهد بقوه وهو ناظر في عينيها البريئه التي تنبع منهما الحب الصادق عانقها بقوه مقرباً لها من قلبه وقال بخفوت: ربنا يباركلي فيكي ياحبيبتي
عادت نجاح إلي المنزل بصحبة إبنتها نسمه وما ان دخلا حتي قالت نسمه بعصبيه:
-شوفتي ياماما شوفتي قولتلك منروحش أدينا مشينا قفانا يأمر عيش
صرت نجاح علي أسنانها لتقول بغل: آه ياناري بقي أنا يعاملني كده أما كنت أطين عشيتهم مبقاش أنا نجاح
تأففت نسمه وهي تقول:
-مش قادره حاسه إني هموت من الغيظ ال ايه عايز يعد مع مراته وبيطرقنا والمزغوده مريم بتقولنا في وشنا
نظرت نجاح أمامها لتقول بتوعد: ماشي بس أما يتجوزها أما خليت عشيتهم هباب مبقاش أنا ....
"في منزل منعم"
جلس يتقاسم مع زوجته النقود التي أخذها من زوج إبنته حتي قالت تحيه وهي تبتسم بانتصار:
ياسلام ياولاد يارتني كنت بعامل البت بنتك حلو من زمان كان زمنا معانا مبلغ وقدره
وكزها منعم ليقول بتحذير: ياما نفسي تسكتي لحسن حد يعرف ويبقي شكلنا وحش
لوت فمها لتقول بتهكم: وانت خايف اوي علي منظرك يا اخويا ...
منعم: أيوه طبعا الناس تقول عليا ايه
ضحكت تحيه لتقول ساخره: هيقولوا بيبيع ويشتري في بنته يا عنيا حقه البت بنتك لو عرفت دي تتبري منك
إنفعل منعم قائلا: طب نقطينا بسكاتك بقا
مر شهران قد تحسنت هنا وشُفيت تماما كما أن تامر يتابعها دائما دون ملل ويهتم بها بإستمرار ويوميا يذهب بها إلي المدرسه ومن ثم يأخذها ليعود إلي المنزل بعد الانتهاء كما أنها علي وشك الإنتهاء من إمتحانتها وهي الآن تُحضر لحفل زفافها مع حبيب عُمرها وزوجها تامر .... ومن بين هذه الأيام في يوماً ما كانت خطوبه "نهي وإسلام"
حيث كانت في منزل منعم وكان تامر من الحاضرين القليلين لتلك الخطبه العائليه
كانت "سميه" والده إسلام غير راضيه علي تلك الزيجه ولا علي هذه الفتاه ولكن إصرار إبنها جعلها تصمت كي لا يحدث مشاجره بينها وبين ولدها وفي حين كانت تنظر إلي نهي بضيق التي كانت ترتدي فستان ستان ضيق للغايه يكشف عن مفاتن جسدها وترفع شعرها للأعلي علي شكل فورمه وتضع مساحيق التجميل علي وجهها بكثره ....
كان إسلام يجلس جوارها ومن ثم أمسك بكف يدها ليدخل فيه الدبله وهو يبتسم لها نعم هو يُحبها ولهذا كان يفعل المُحرمات معها مثل كثير من شباب هذا اليوم قد فهموا الحب غلط وتعدوا جميع الحدود وقلت الأخلاق بشكل مُحزن ......
فيما إقترب تامر من صديقه ليقول بإبتسامه: مبروك يا إسلام
هب إسلام واقفا ليصافح رفيقه وقال: الله يبارك فيك يا تامر
وفي حين كانت هنا تمر بجانبه فأوقفها ممسكا بيدها ومن ثم سحبها معه إلي الخارج
تحدثت هنا وهي تقول بتساؤل: في ايه يا تيمو بس
تامر وهو يسير بها : مش أنتي قولتيلي هتيجي تنقي العفش يلا ياروح تيمو عشان نفرش الشقه بقا ثم غمز لها وإبتسم لتبتسم هي بخجل وتسير معه متشبثه بيده حتي وصل كلاهما إلي المعرض ومن ثم دلف الأثنان
تلفتت هنا حولها لتنتقي قطع الأثاث بدقه فيما قال تامر :
- يلا نقي علي ما أخلص شويه حسابات كده مع الزباين دي ماشي ؟
إبتسمت هنا وهي تومئ برأسها قائله: ماشي
إتجه تامر إلي مكتبه ليجلس وينتصب في جلسته ثم أشعل أحد سجائره ليدخنها وهو يتابع حساباته في الدفاتر الموضوعه أمامه .....
دلفت مريم إلي المعرض وهي تأكل قطعه شوكولاته قائله بمزاح: مساؤ فل ياحبايب قلبي
ضحكت هنا وإتجهت إليها قائله: تعالي يامريومتي نقي معايا
تناولت قطعه من الشوكولاته وهي تقول: اوك عقبالي يارب هو انا محدش هيعبرني ولا ايه يا تيموووور
ضحك تامر وهو منشغلا في عمله ليشير لها من بعيد فيما ضحكت مريم قائله: حلوه الأوضه دي بصي شرحه برحه وكمان السرير واسع عشان لو جيت ابات معاكم ولا حاجه يعني ألاقي مكان و.....
قاطعتها هنا وهي تضحك قائله: ينهار اسود أنتي علي طول حاشره نفسك كده يابت يامريم ده تامر كان يقتلك
عقدت حاجبيها بزعل مصطنع وقالت:
ما تيمور هيسيبلي فراغ كبير بصراحه وانا لازم ارخم عليه كل يوم
هنا ضاحكه: ده علي أساس اننا هنسافر ده الباب جنب الباب ياختي
نظرت مريم إلي أخيها من بعيد وجدته يضحك مع فتاه شابه ومن معها سيده فقالت سريعا: إلحقي جوزك شكله كده بيعاكس
نظرت هنا له وقد تحولت ملامحها الي الحزن والغيره أشعلت قلبها فإتجهت إليه علي الفور وهي تقف أمامه قائله بحده: تامر !
إنتبه تامر لها وقال بهدوء: نعم يا هنا
نظرت هنا إلي تلك الفتاه وقالت بغيره: ياريت تيجي عشان تشوف الأوضه الي إخترتها
أومأ تامر برأسه قائلا: ماشي بس أخلص الشغل الي في إيدي وجاي
حركت هنا رأسها لتقول نافيه بإصرار: لا هتيجي دلوقتي
عقد حاجبيه ليقول مندهشا: في ايه يا هنا قولت هخلص الشغل وجاي
جلست هنا فوق سطح المكتب وقالت بهدوء يمتزج بالغيره: أوك خلص أنا مستنيه
في حين وزع تامر أنظاره عليها وعلي شقيقته التي كانت تضحك بهستيريه فعلم ما تشعر به هنا فإقترب ليهمس في آذنيها قائلا:
-الحلو غيران عليا بقا
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق