رواية خلف الأقنعه الفصل الحادى عشر والثاني عشر للكاتبة منة الله الجزار حصريه
رواية خلف الأقنعه الفصل الحادى عشر والثاني عشر للكاتبة منة الله الجزار حصريه
البارت 11
"خلف الاقنعة"
نبدأ بسم الله الرحمن الرحيم
❤❤❤
عند مالك
كان قاعد بياكل قصب بستمتاع لحد ما جه عليه ياسر.. ومالك قام ليه.
ياسر بشكر.. انا حبيت اشكرك يا ولدي علي اللى عملتو مع مليكه انهارده شكرا يا ولدي.
ياسر حط ايده علي كتف مالك بشكر ومالك بص لايده وحس بنفس المسه اللى كان بيحسها مع انس.
مالك.. بصوت هادئ.. مفيش داعي للشكر دا وجبي.
ياسر مش عارف استريح ليه ليه.. واتكلم معاه بهدوء وصوت دافئ.. ربنا يبارك ليك يابني ويحفظك.
مالك.. الله يخليك يا عمى.. اسف لو قولتلك كدا بس انت زي عمي اقصد.. ومالك سكت.
ياسر بضحك.. قول اللى انت عايزه يابني.. المهم وكمل بجديه.. انت هتستلم شغل جديد بكره وهيكون مهمتك بس حماية مليكه لانك زي ما شوفت انها اكتر واحده بتتعرض للاذ'ى منافسيني عاوزين يضر'بوني في بناتي عشان يلو دراعى ودي هتكون مهمتك انت مليكه امانه في رقبتك.
مالك.. طبعاً.. وكمل في سره.. عدوك الحقيقي في قلب بيتك و بتكون بنتك بس هحمى مليكه منها ولازم اعرف السر اللى مخليها عاوزه تخلص منها ومش بعيده كمان يكون اول هجوم عليها كان منها برضو.
ياسر.. انى هسيبك تنام تصبح على خير يا ولدى.
مالك.. تلقى الخير وانت من اهله.
وسابه ومشي ومالك فضل سهران شويه وبعدين نام.
❤❤❤❤❤❤
نديم كانت قاعده بتعيط برعب.. هنعمل اية ده ناوي علي شر وشكلنا استهونا بيه قوي.. كله بسببك انتى انتى اللى قولتلى لازم نخلص منه اهو هو اللى هيخلص علينا دلوقت.
سعديه بتفكير.. رنى عليه تاني.
نديم بصدمه بتقولي اية استحاله اكلمه استحاله انى كل ما بسمع صوته بحس ان قلبى هيقف من كتر الرعب.
سعديه اخدت الفون وراحت رنت عليه بس طلع مغلق سعديه بغضب.. مقفول.
ورمت الفون علي السرير جانب نديم.
نديم.. بندب.. انى مليش صالح بالليله دى كلها.
سعديه بزعيق.. اتكتمي بقى خليني اعرف افكر في البلاوه اللى جبتوها لينا دي.
نديم سكتت وسعديه قعدت تفكر.
❤❤❤❤❤❤
عند مليكه
مليكه بصدمه.. امي.
صافيه..بحزن.. اه امك امك السبب في العصيان اللى حوصل زمان هي اللى فرقت الاخوات عن بعض وهي اللى خربت البيت كله.
مليكه بصدمه.. كيف؟
صافيه بحزن.. قبل 25سنه من عاداتنا ان البت لابن عمها لكن أنس مكنش رايدها بل اجبر عليها من ابوه
أنس كان بيحب داليا قوي وامك كانت بتحب ولدى انس رغم انها عارفه إن قلبه مع واحده تانيه وهو قالها انى بحب داليا ما تفكريش انى هكون ليكي في يوم من الايام لكن هى الغيره ملت قلبها وبقت تعمل مكايد عشان توقع بين أنس وابوه وحوصل اللى هي رايده وحوصل مشاكل كتير قوي بينهم لدرجه انها.. واتكلمت بقرف.. اتهمت أنس أنه قرب منها لكن لحسن حظه انه كان مسافر مع صاحبه في اليوم اللى هي اتهمته فيه لكن ابوه وابوها قرروا من غير مايرجعو ليه انه لازم يكتب كتابه عليها ويتجوزها عشان الخبر كان انتشر في البلد محدش كان يعرف مين حتي نشره وعشان سمعتها لكن ابنى قال مش هاخد يعنى مش هخدها وفعلا عند قصاد ابوه ويوم كتب الكتاب انس راح لاهل داليا وخطبها منهم واتجوزها واخدها وسافر وفضلت سعديه مستنيه انس كتير بس مجاش والناس بدأت تحدت عليها وإن انس سابها ومجاش لحد ما جدك الله يرحمه اجبر ابوكي انه يتجوزها عشان يلم الدور وفعلا كتبو الكتاب ولما جدك عرف باللى انس عمله طرد اهل داليا من البلد وحرم انس من دخول البيت طول ماهو عايش انس رجع البيت مرتين اتنين بس يوم ما كان جدك بيمو'ت وطلب يشوفه والمره التانيه جه ومشي قبل ما اشوفه بس اللى حوصل انه مشي عشان امك عملت مشكله بينه وبين ابوكي وفضلت اخباره مقطوعه لحد ما وصلني انه ما'ت وعرفت انه ساب مصر وراح الكويت يشتغل هناك ومعاه عيلته كان جاي يوميها يودعني بس ما شوفتوش مشي من غير ما يودعني داليا جات لينا اهنه بعد مو'ت انس بس امك طردتها من البيت استغلت انى مش موجوده وطردتها كانت جايه تعرفني مين قت'ل ولدى... كانت بتحكي وهي بتعيط بقهر ومليكه كانت مصدومه من امها وبتعيط علي عمها مع صافيه.
مليكه بصدمه.. قت'ل.
صافيه بدموع وقهر وهي بتبص علي صوابعها وبتفرك فيها.. ااه ولدى اتق'تل عرفت بعد اكده انه اتق'تل.
مليكه بصدمه.. ومين اللى ق'تله؟
صافيه بشر ودموع.. مخبراش مين اللى عمل اكده بس الله في سماه لحر'قه حى وادفعو التمن غالي قوي.
مليكه حضنت صافيه وقعدو يعيطو الاتنين.
مليكه بحزن.. يعني عليك يا مالك.. يا ترا عارف الحقيقه ولا لاع..؟
صافيه خرجتها من حضنها ومليكه مسحت ليها دموعها بحنيه.. اوعديني محدش يعرف بالموضوع ده ولا مين ما كان حتي مالك.
مليكه.. بوعدك يستي.
صافيه ملست علي شعرها بحنيه وقامت من جانبها.. اسيب ترتاحي تصبحي على خير يعين ستك.
مليكه.. وانتي من اهله.
صافيه سابتها ومشيت ومليكه فضلت سرحانه شويه وبعدين نامت.
❤❤❤❤❤
الصبح جه ومعاه احداث جديده.
الكل كانو بيفطروا تحت.
ياسر.. مليكه مالك عرفته انه هيكون الجودي جارد بتاعك.
مليكه هزت راسها.
طارق.. بستغراب.. مالك بس انت مقولتش ليا حاجه ياعمي؟
مليكه.. يقصد مالك أنس الشناوي السواق.
صافيه بستغراب.. قولتلي اسمه ايه؟
مليكه.. مالك أنس الشناوي.
نديم.. بتهكم.. وانتى عرفتي اسمه منين يابت ابوي؟
مليكه مردتش عليها.
نديم اتغظت من كدا.
وهما بيتكلمو خبط مالك والشغاله راحت فتحت ليه ودخل.
ياسر بضحك.. ابن حلال كنا لسه في سيرتك دلوقت.
مالك بستغراب.. لي معملتش حاجه لسه؟
ياسر.. ماتخفش بس مليكه كانت بتقول اسمك لستها ونديم بتقول عرفتي منين.
مالك.. اه مانا اللى قولتلها امبارح.
صافيه بشك.. انت منين يا ولدى؟
مالك اتفأج من السؤال.بس رد عادي.. من القاهره.
صافيه.. ايون منين من القاهره.
مالك.. من مصر القديمه.
ياسر.. بس انت مكتوب في العقد بتاعك انك كنت شغال في الكويت.
صافيه ومليكه بصو لبعض بصدمه وبعدين بصو لمالك.
مالك.. اه مانا كنت شغال هناك وبعدين رجعت مصر قولت افضل جانب اهلي احسن من الغربه وبعدين رب هنا رب هناك يعني.
صافيه.. مين اهلك.
مالك بلع ريقه.. اهلي في مصر القديمه زي ما قولتلك قبل كدا بس بقا لقمه العيش لازم اجري وراها.
واثناء ماهما كانو بيتكلمو الباب خبط وراحت تفتح برضو و كان شاب ماسك بوكيه ورد وحطه علي وشه مغطي بيه وشه.
الشغاله.. حضرتك عاوز مين؟
سعديه قامت تشوف مين.. في ايه مين علي البا... ومكملتش الكلمه.
البوكيه الورد نزل من علي وشه والكلام انقطع من سعديه وفتحت عيونها بصدمه وجسمها بدأ يترعش دخلت جري تستخبي ورا ياسر.
الكل استغرب.
ياسر بستغراب.. في ايه مالك اكده اكنك شوفتي عفريت.
دخل الشاب.. ببتسمه.. لا شافتني انا.
الكل وقف بصدمه ونديم حصل ليها نفس اللى حصل لسعديه وراحت تستخبى وراها بخوف.
مليكه قامت بصدمه واكن الوقت وقف بيها و لو هي بتحلم بتتمني انه الكابوس ده يختفي ومايكونش حقيقي.. سامر.ووويتبع
رايكم في البارت
لبارت 12
"خلف الاقنعة"
نبدأ بسم الله الرحمن الرحيم
❤❤❤❤
مليكه بصدمه.. سامر.
سامر ببتسمه.. ايون يروحي سامر انى لسه عايش عارف الصدمه اللى انتم فيها دي بس قدامكم اهو لسه عايش ورجعت ليكي تاني يا مليكه.
مالك مكنش فاهم حاجه هو وطارق وكانو مستغربين مين ده وليه بيكلمها كدا؟
ياسر بغضب.. اطلع بره بيتي يا سامر.
سامر بصله ببتسمه.. كدا تطرد عريس بنتك يا عمي دا انا حتي جايب الماذون معايا بره عشان نكمل اللى مكملش قبل سابق.
نديم كانت بتبصله هو ومليكه وخايفه ان سامر فعلاً يتجوز اختها.
ياسر بغضب اكبر..وراح وقف قدام سامر.. معنديش بنات للجواز خلاص بتى مش عاوزاك يلا اطلع بره.
سامر اتجاهل كلامه ووجه كلامه لمليكه تاني .. لوكه قولتى ايه عارف ياقلبي انك لسه بتحبيني صوح؟
مليكه كانت واقف بتبص عليه بقرف.
مالك بسخريه.. باين اوي قد ايه هي بتحبك.
سامر بغضب.. انت مين عشان تحدت معايا بالطريقه دي؟
مالك ربع ايده ورفع حاجبه ليه بسخريه.. وانت مين اصلا عشان تعرف انا مين وبعدين انا اتكلم براحتي.
صافيه بصتلو وبصت للواقفه اللى هو واقفه واتصدمت أنس كان بيبقف نفس الواقفه دي ونفس طريقة الكلام لما مكنش بيعجبه حاجه.
سامر بغضب.. انى ابقي خطيب مليكه وكمان شويه هبقي جوزها.
مالك ضحك با اعلى صوت.. واضح اوي انك هتجوزها انت مش شايف بتبصلك ازاي ههههه بجد نكته حلوه ضحكتني.
طارق في سره.. شكل الليله كبيره ياعم طارق وشكلها هتحلو اكتر.
طارق بتصنع الغضب.. انت مجنون ولا ايه عاوز تتجوز بنت عمى محدش هيسمح ليك انك تقرب منها ماتخفيش يا مليكه محدش هيقدر يقرب منك وانا موجود.
مليكه بصتلو بطرف عين واكنها حاسه انه بيمثل.
سامر صقف بضحك.. بجد انت مفكر انى مش هاخد مليكه معايا وامشي وتقدر توقفني.
وزق ياسر من قدامه بقوه لدرجه انه كان هيقع بس مالك لحقه وسنده.. والكل اتصدم.. وراح عند مليكه ومسك ايديها وكان بيشدها بقوه.. مالك عدل ياسر وراح لعند سامر ووقف في النص بينه وبين مليكه ومسك ايد سامر بقوة.. ابعد عنها.
سامر.. بغضب.. سيبي ايدي هاخدها معايا.
مالك بتحذير اخير.. كان بيكلم مابين سنانه وبيبصلو بشر.. ابعد عنها بقولك.
سامر بغضب وضر'ب مالك في كتفه.. ولو ما بعدتش عنها هتعمل ايه؟
مالك بغضب وهدوء ما قبل العاصفه.. بص لمليكه و ايد سامر اللى ماسكه ايدها ورجع بص لسامر.. هعمل كدا. وخبط برأسه سامر في رأسه.
سامر رجع لورا خطوتين ومناخيره جابت د'م.. سامر مسح الد'م واتكلم بغضب.. يابن ***ومكملش لأنه طبعا جه في المحظورات بتاعة مالك ومالك هجم عليه ونزل فيه طحن والكل كانو واقفين بيتفرجو عليهم ونديم كانت خايفه علي سامر وخايفه برضو تكلم ابوها هيق'تلها.. سعديه كانت مبسوطه في سامر........ صافيه قعدت علي الكرسي تاني بستمتاع وابتسامه خفيفه من اللى بيحصل ومليكه اتحولت التعبيرات بتاعة وشها من قرف وخوف من سامر لضحك وتشجيع لمالك كانت كل ما تشجعو مالك يزيد في الدشمله في سامر.. واكنها كانت بتقوله كمان خد حقي كمان هو ووجعني اوي وهو كان ماشاءالله بيزيد وسامر مكنش عارف هيحمي ايه او هيضر'ب مالك ازاي.
مليكه كانت واقفه بتشجعه وبتصقف.. كمان كمان يا مالك كمان هو اذ'اني كتير يا مالك خد حقي خده هو يستاهل اكتر يا مالك.
صافيه كانت بتبسم ليه وياسر كان واقف وشايف انه خد القرار الصح لما خاله مالك يكون الحارس الشخصي بتاع مليكه.. مكنش عارف ليه هو حس بالأمان علي بنته معاه وهو شخص غريب عنهم بس ليه حاسس انه يعرفه من زمان.
طارق لما لقا مالك اكل منه الجو وإن كدا هيبته هتروح شمر كمامه وشد سامر من مالك ونزل فيه ضرب بقو الاتنين بيشقطو سامر لبعض
"سامر اكل علقه ما اكلهاش قبل كدا تستاهل يا سموره 😂😌
ياما نفسي العلقه دي تاخدها نديم وسعديه مع بعض"
مالك بغضب.. ابقي قرب عليها تاني او اشوف رجلك معتبه عتبة البيت تاني هق'طعها ليك انت فاهم. وزقه لبره.
سامر بوعيد.. هرجع ليكم تاني لسه مخلصش هتندمو كتير.
طارق بغضب.. روح روح قال بيهددنا احنا مش خايفين منك اصلا.
سامر مشي ومالك كان بينهج من كتر التعب في الطحن و طارق زيو علي انه ضر'ب كتير بس يلا
مالك.. انتى كويسه؟
مليكه.. ببتسمه.. الحمدلله.
مالك.. انا بعتذر عن اللى حصل دلوقتي بس مقدرتش اتحمل اللى كان بيعملو عشان كدا ما عرفتش امسك نفسي انا اسف.
صافيه بحب وبتسمه.. ولا يهمك يا ولدي تسلم ايديك واللى الايدين اللى ربتك.
مالك ببستمه.. تسلميلي ياهانم.
صافيه.. لا ما تقوليش ياهانم قولي يستي زيك زي احفادي انت بقيت واحد منينا خلاص معدش في فرق يا ولدي.. وبعدين وجه كلامها لياسر.. ياسر خالى الشغالين يجهزو اوضه في البيت اهنه لمالك هيقعد فيها.
طارق بضيق.. ماهو عنده اوضه بينام فيها بره.
صافيه بحزم وضر'بت عكازها في الارض.. انى قولت كلمه وكلمتي مش هتنزل الارض انت فاهم ومابحبش كمان حد يقطعني في كلامي وانى بتحدت و لو مش عجبك كلامى وعجباك الاوضه اللى بره تقدر تقعد فيها انت.
خلصت كلامها وطلعت اوضتها وطارق والكل كانو مصدومين معاد مالك اللى كان بيبتسم ابتسامه خفيفه علي جنب وفي سره.. خلاص قربت تقع والكل هيعرفوا مين فينا الاصلي ومين فينا المزيف.
سعديه ونديم طلعو وياسر راح يشوف هيعمل ايه وطارق دبدب برجليه بغضب ومشي فضل مليكه ومالك.
مليكه قربت منه ووقفت جانبه وبعدين اتكلمت بمشاكسه.. شوفتك.
مالك بصلها.. شوفتي ايه؟
مليكه.. وانت بتضحك علي مالك وهو بيتهزق.
مالك عدل شعره بايده ورجعو لورا.. وغمز ليها بمشاكسه.. وايه يعني؟
طلع لسانه ليها بضحك وهي ضحكت.
مالك.. بجديه.. هو ممكن اسالك سؤال؟
مليكه اخدت نفس وطلعتو واتكلمت.. كان خطيبي وكنا بنحب بعض وهو راح خاني مع اقرب حد ليا كانت اختي وهو ضحك عليها كمان وهرب من الفرح بتاعنا.
كانت بتكلم بقهر..
مالك بحزن.. ايه عرفك انى كنت هسال عليه؟
مليكه.. عارفه سامر كان اكبر غلطه اغلطها في حياتي كلها لانه إنسان قذ'ر وتعرف الاقذر منه مين تبقي نديم اختي وتستاهل اللى هو عمله فيها لانها هي اللى دخلت سامر حياتنا من الاول كل ده عشان تنتقم مني عشان ايه عشان هي عمرها ما حبتني ولا اعتبرتني اختها طول عمري بسمع من صحابي عن حب الاخوه لبعض لكن نديم عمرها ما حسستني بده هي طول عمرها عاوزه تاخد وخلاص مش عاوزه تدي انا ولله بحبها بس اللى بتعمله فيا كفيل انه يدمر الحب ده وتعرف كمان انى عارفه مين اللى كان عاوز يق'تلني اخر مره هي نديم اه مالك مصدوم ليه نديم بتكرهني اوي اوي فوق ماتتصور.
مالك كان مصدوم من الكلام هو عارف ان نديم بتكرها بس مش كدا
مالك بحزن وصدمه.. دخلته حياتكم ازاي؟
مليكه بقهر وويتبع
البارت الجاي هنعرف سامر دخل ازاي جاهزين ولا الف وارجع 😂
"خلف الاقنعة"
للكاتبة منة الله الجزار
اشوفكم بخير
باي
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق