مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 رواية عشق الجاسر( الجزء الثالث)الفصل السادس والسابع والثامن والتاسع والعاشر بقلم مروه عبد الجواد

رواية عشق الجاسر( الجزء الثالث)الفصل السادس والسابع والثامن والتاسع والعاشر بقلم مروه عبد الجواد

فهد : بصلها بمكر ، هااا.

سيلا : بتوتر لم تجد مخرج من حديثه سواء ان تقلب الحديث  ، اصل الصراحه انا معجبه بيك .

فهد : بدهشه ، ايه .

سيلا : اه انت ازاي مش واخد بالك .. هو انا اتسرعت اني اعترفتلك او يمكن بالك مشغول بحد تاني علي العموم كاني مقلتش حاجه عن اذنك  .

وتحركت خطوه بعيدا عنه فجذبها فهد بيده فنظرت له سيلا بتعجب فترك فهد يده .

فهد : استني هنا انتي فاكره دخول الحمام زي خروجه ولا ايه .

سيلا : يعني ايه .

فهد : بحنق ، يعني ايه اللي خلاكي تعترفيلي باللي قلتيه دلوقتي وفي الوقت ده بالذات .

سيلا : بتوتر اكبر تذكرت عندما كانت تقف مع  منه من قبل وفهد اتصل علي منه ليسال علي نهي بنت خالته ، اصل كنت سمعت انك مشغول .

فهد : مشغول مشغول بايه .

سيلا : بنانا بنت خالتك .

فهد : ابتسم بغرور ، ده انتي متبعاني بقي .

سيلا : لا والنبي متخدش في نفسك قلم قوي كده .

فهد : اييه .

سيلا : برقه مصطنعه ، لا اقصد انت هتتغر عليا بقي وكده .

فهد : ابتسم ،لا بس ازاي مكنتش واخد بالي منك كده .

سيلا : ابتسمت بتصنع وتركه وذهبت وبتمتمه يا وقعتك السوده ياسيلا …

ودخلت بسرعه .

دنيا صادفتها وهي تخرج من المطبخ .

دنيا : كنتي فين وسايبه منه والناس .. هو فهد كان بره .

سيلا : بتوتر ، اه اصل انا عملت مصيبه .

دنيا : يا بت انتي مصايبك مبتخلصش في ايه .

سيلا: اصل خالد ومنه كانوا في الجنينه و…

دنيا : قاطعتها ، عمك يوسف ومراته شكلهم هيمشوا تعالي نسلم عليهم وبعدين تحكيلي .

ذهبوا اتجاههم وبعد السلامات ذهبت دنيا الي غرفه سيلا وجدتها تجلس وتسرح بفكرها .

دنيا : خير يا مصيبه عملتي ايه .

سيلا : بصي كده من الاول انا كنت بدارى علي ابنك اه مش ذنبي بقي اللي حصل .

دنيا : في ايه يا بت انطقي ابني مين وايه اللي حصل .

سيلا : روت لها ما حدث وتدبيرهم لخلق جو بين خالد ومنه وخروج فهد ومن ثم اعترافها لفهد انها معجبه به .

دنيا : يخربيت عقلك انتي مصيبه يا بت ايه اللي قولتيه لفهد ده .

سيلا : خفت يشك في خالد ومنه قلت اشغله باي حاجه تانيه فده اللي جه في دماغي .

دنيا : ضحكت ، ليه وماله فهد ده واد حته سكره متعجبيش بيه ليه .

سيلا : انتي ام انتي ..  عايزاني انحرف واعجب بيه .

دنيا : يا ختي انحرفي واعجبي بيه مش بدل ما انتي قاعده في وشي كده .

سيلا : زهقتي مني طبعا علشان يخلالك الجو مع جو .

دنيا : بضحك ، يا بت نفسي افرح بيكي ، وبعدين كل ما يجيلك عريس تطفشيه وطلعي فيه عيوب  ، قوليلي بجد هو مفيش حاجه كده ولا كده .

سيلا : ولا كده ولا كده قلتلك كذا مره  كل الحكايه نفسي الاقي حد شبه بابا يحبني بنفس القوه اللي بابا بحبك بيها .

دنيا : هيييح ، مش هتلاقي ، باباكي ده حاله فريده طيب تعرفي في اول جوازي من باباكي مكناش بنطيق بعض .

سيلا : لا مستحيل .

دنيا : وحياتك بس هو كان عاقل وراسي وبيحكم الامور بعقله لحد ..

سيلا : قاطعتها لحد ما جننتيه بحبك .

دنيا : خبطته بخفه علي يدها ، يا بت اتظبطي لا لحد ما حبينا بعض ، المهم فهد قالك ايه .

سيلا : الواد  اتصدم يا حبه عيني .

دنيا : بضحك ، شكلها نهي داعيه عليه علشان كده وقع في ايدك .

سيلا : هو يطول يحب بنت جاسرالحديدي .

دنيا : لو كلمك تاني في اي حاجه اوعي تتجاوبي معاه ليفتكرك واقعه .

سيلا : علي اساس اني بحبه يعني .

دنيا : اكيد هو مفكر كده ما انتي مدب .

سيلا : طيب لو كلمني اقوله ايه .

دنيا : مشاعر اعجاب وانك اتسرعت لما اعترفتيله بكده لانك لسه مش متاكده من اعجابك بما انكم كنتم متربين سوا  وابعدي ، ده لو ابوكي او اخواتك عرفوا هيشقلطوكي .

سيلا : يشقلطوني ، انتي بتجيبي الكلام ده منين .

دنيا : بضحك ، من داده زينب الله يرحمها .

سيلا : الله يرحمها ، و بسخريه ده تعليم مجاني ولا ايه .

دنيا : اتظبطي يا بت وميبقاش لسانك مسحوب انا  لغات بس ده زينب كانت محو اميه .

سيلا : بسخريه ، يفيد بايه االلغات وداده زينب مجاني 

                      ★★★★★

فكر فهد في كلام سيلا الذي لم يدخل عقله لكنه اعجب باسلوبها وجراتها ففكر في ان يتصل عليها واتصل عليها .

سيلا   بعد تفكير ارد ولا مردش ، انا هرد واقوله زي ماما ما قالت .

سيلا : فهد .

فهد : صباح الخير .

سيلا : صباح النور في حاجه  .

فهد : كنت بفكر في كلامك امبارح وقلت اتصل عليكي .

سيلا : اه بص بقي يافهد انا مش واقعه ولا مرميه انا بس كنت مش عارفه بقول ايه او كان اعجاب وانا زودتها .

فهد : سيلا ، تتجوزيني .

سيلا : بصدمه ، ها .

فهد : اصل انا مينفعش اكلمك ونتقابل انتي اخوكي صاحبي وعمو جاسر زي والدي واللي مرضهوش علي اختي مرضهوش لاي بنت تانيه ، يعني  لو انتي بتحبيني او حتي معجبه بيا زي ما بتقولي احنا ممكن نعمل فتره خطوبه ونقرب لبعض قدام اهلنا ونعرف بعض اكتر … انا حاليا مفيش في دماغي حد وانتي بنت كويسه ومحترمه وجميله واي شاب يتمناكي ، سيلا انتي سمعاني معايا .

سيلا : هاا اه انت بتتكلم بجد .

فهد : اكيد هي الحاجات دي فيها هزار .

سيلا  بتمتمه يالهوي عليا انا وقعت روحي في مصيبه لو قلت لا هيقول كانت بتضحك عليا او يقول عليا لاعبيه وبتاعت شباب وكنت بسلي بيه طيب اتحجج واقول ايه .

فهد : سيلا انتي بتروحي فين بتسكتي مره واحده كده .

سيلا : لا انا معاك ، بس مينفعش لا .

فهد : لا ليه .

سيلا : لانك طلبت ترتبط بيا لما اعترفتلك اني معجبه بيك .

فهد : بابتسامه ،  وفيها ايه كده كده احنا هنتعرف علي بعض اكتر بس مش كاخوات زي ما متعودين .. و بدل ما يكون من ورا اهلنا هيبقي قدامهم ده لو انتي كنتي معجبه بيا اصلا زي ما بتقولي ولو حسيتي انك بداتي تحبيني وانا كمان يبقي تمام ، انما لو لا يبقي حصل خير وكله في حدود الادب والاحترام والاخوه ، انا حاسس انك مكسوفه ومحرجه علشان كده قلت اعرفك قبل ما افاتح حد في الموضوع .

سيلا بتمتمة ، ياوقعتك السوده ياسيلا .

فهد : لسه مكسوفه .

سيلا : لا مكسوفه ولا متنيله انا بس متوتره .

فهد : بضحك ،  متنيله .. شكلها بشرى خير اتوكل علي الله انا بقي .

وغلق السماعه .

سيلا : بتوتر ، هو طفش ولا ايه ..

فاتح فهد والده و والدته في موضوع خطوبته من سيلا ، اعترضت نهي في بدايه الامر لانها تريده لنانا بنت اختها ولكن منه اقنعتها ان نانا لا تحب فهد وطبعا يوسف وافق .

يوسف : طيب روح انت  لجاسر وفاتحه ولو في قبول يبقي حدد موعد الخطوبه .

فهد : خلاص هعدي عليه النهارده في المكتب .

نهي : ومالك مستعجل ليه كده .

فهد : علشان تفرحي بيا ياست الكل ولا ايه .

ذهب فهد لشركه الحديدي في مكتب جاسر تحديدا ، جلس فهد مع جاسر وقاطعهم دخول آدم وبعد السلامات .

جاسر : تعالا يا آدم  اختك جيالها عريس …. .

آدم :  قاطعه  بسخريه ، ومين اللي امه داعيه عليه ده ، وبص لفهد بضحك لمؤاخذه يافهد .

جاسر : ل آدم ، بقولك اختك جايلها عريس وهتتخطب.

آدم : والله هطفشه من اول اسبوع اسمع مني بس يا بابا اللي ربي خير من اللي اشترى ودي وشها في وشي ٢٤ ساعه ورغم انها اختي  وبص لفهد و والله ما مستحملها تخيل بقي العريس المغفل اللي هيستحملها .

جاسر : بص لادم واشار بيده لفهد ، المغفل اهو اتبسط طيرت العريس .

آدم : بتوتر اشار علي فهد ، المغفل .. اقصد العريس .

فهد : انا بقول كفايه لحد كده وامشي بكرامتي احسن .

جاسر : لا تروح فين ده انت خطوبتك النهارده علي سيلا .

فهد : بصدمه ، ايه الخطوبه النهارده انا ادبست ولا ايه .

آدم : بسخريه ، البس يا معلم .

جاسر : بضحك ، لا متسمعش كلام العبيط ده واشار علي ادم ، ما انت عارف سيلا توأمه ومبطلوش نقار في بعض ، سياده العميد مجاش معاك ليه .

فهد : بابا قالي اشوف رايك الاول ياعمي علشان يعني لو موافقتش .

آدم : بسخريه ، ميوافقش ايه يا بني ده ما هيصدك اسمع مني.

جاسر : لادم تصدق انك واد قضم ، طب انا مش موافق بقي.

آدم : لا الله يخليك وافق ، ثم نظر لفهد انت عارف لو لفيت العالم ده كله مش هتلاقي زي سيلا خفه دم ايه وجمال ايه وعقل ايه ونباهه ايه ..

فهد : قاطعه  بضحك ونظر لجاسر ،  انا منتظر راي حضرتك .

جاسر : دي عايزه كلام يا فهد انت زيك زي آدم وياسين وخالد وبدر غلاوتك من غلاوتهم انا بس هاخد رايها وان شاءالله خير .

فهد : تمام ، وانا هنتظر الرد .

                     ★★★★★

اتصلت سيلا علي منه لتخبرها اتصال فهد  لها .

منه : اه ما هو راح يطلب ايدك من آبيه جاسر النهارده .

سيلا : نهار اخوكي اسود انتي بتقولي ايه .

منه : فاتح بابا وماما وهما وافقوا .

سيلا : منك لله انتي وخالد انتوا السبب .

منه : طيب والله فهد قمر واي بنت تتمناه .

سيلا : بت انتي هتستهبلي .

منه : طيب قوليلي بصراحه كده انتي في حد في حياتك .

سيلا : لا بتسالي ليه .

منه : حلو اتخطبي لفهد بقي  .

سيلا : بت بقولك ايه مش عايزه جنان انا عمرى ما فكرت فيه اساسا هو زي اخويا مش اكتر .

منه : بسخريه ، خلاص فكرى .

سيلا : لا طبعا مستحيل .

منه : بحزن ، طيب ما انتي لو رفضتي كده  فهد هيفتكر كده انك كنتي بتلعبي بيه علشان ميشوفنيش مع خالد ولو عرف….

سيلا : بس بس ، ايه المصايب اللي بتتحدف عليا دي ادي اخره اللي يعمل خير في الزمن ده .

منه : معلشي يا سيلا علشان خاطرى وافقي وبعد كده اتحججي انك مش مرتاحه مفيش توافق كده يعني .

سيلا : سبيني افكر بقي .

منه : علشان خاطر خالد وخاطرى .

سيلا : يعني انتوا تحبوا بعض وانا اللي اقع فيها .

منه : بس احنا لسه محبناش بعض ده اعجاب .

سيلا : اقسم بالله لو ما قلتيلي حالا دلوقتي انتي بتحبي خالد ولا لا ما انا موافقه علي الخطوبه من اخوكي .

منه : بحبه بحبه  .

سيلا : ايوه كده اتظبطي قال اعجاب قال ….

                    ★★★★★

ذهب بدر الي الفندق ليطمئن علي حور وعند دخوله الاستقبال ليسال علي حور اتت هي من خلفه .

حور : بدر .

بدر : ازيك يارهف عامله ايه .. انا كنت جاي اطمن عليكي عامله ايه دلوقتي .

حور : بتوتر ، الحمدلله .. انت سالتهم عليا .

بدر : بابتسامه ، لا كنت لسه هسال ، انتي كنتي بره ولا ايه .

حور : اه .

بدر : في حاجه حصلت تعبتي او حد اتعرضلك تاني .

حور : لا لا ،  انا كنت بس بدور علي شغل .

بدر : بدورى علي شغل شغل ايه .

حور : انا دكتوره وكنت بقدم انترفيو في كذا مستشفي هنا.

بدر  : اه  طيب ، انا مسكت العيال اللي حاولوا يضايقوكي جبناهم بكاميرا المراقبه وكنت محتاجك تيجي ومعاكي البطاقه علشان تعملي محضر .

حور : بطاقه بطاقه ايه .. لا لا محضر ايه خلاص .

بدر : ايه اللي خلاص يارهف  لازم تعملي محضر .

حور : انا عمرى ما دخلت قسم شرطه وبعدين مش عايزه اذي حد .

بدر :انا معاكي ومش هسيبك وبعدين تاذي مين دول اللي كانوا هياذوكي .

حور : ارجوك مش حابه اعمل محضر .

بدر : اللي يريحك بس انا هربيهم اولاد الكااا**لب .

حور : متجبش سيره حد وهو مش موجود .

بدر : دول عيال جذم .

حور : لو سمحت متشتمش حد .

بدر : ابتسم بسعاده ، هو انتي فعلا كده .

حور : كده ايه .

بدر : انتي ملاك ولا جايه من السما .

حور : بابتسامه ، لا جايه من الارض .

بدر :  بسعاده ، طيب محتاجه اساعدك في حاجه اي حاجه .

حور : بسعاده ، لا شكرا .

بدر : طيب ممكن نقعد نشرب حاجه .

حور : بتوتر ، مينفعش .

بدر : ليه .

حور : يعني .

بدر : مكسوفه مني .

حور بصت علي الارض بخجل .

بدر : نظر للاوراق التي بيدها ، ده ال cv  بتاعك .

حور هزت راسها ، اه .

بدر : هاتيه والتقطه منها .

حور : بتوتر ، لا هاته .

بدر : خايفه من ايه انا هاخده واقدملك في الجيش محتاجين دكاتره وانا هذكيكي الشغل معانا مريح متقلقيش .

حور : بتوتر وخوف  نظرت لاوراقها التي بيده خوفا من ان يري اسمها  ، لا انا حابه اقدم في مستشفي خاص .

بدر : اعطاها الورق ، اتفضلي انا كنت حابب اساعدك مش اكتر .

حور : التقطت الاوراق براحه ، شكرا عن اذنك  .

ذهبت وبتمتمه ، الحمدلله كان هيكشفني .

وقف  بدر وهو يتابع اثارها وهي تصعد للفندق  وجرس هاتفه يرن 

بدر : ايوه … مشيت وراها زي ما قلتلك .. تمام تجيبلي ارقام المستشفيات اللي دخلتهم ومين افضل مستشفي .. سلام.

فلاش باك 

( بدر : وهو سرحان فيها  ، حور .

الممرضه : ايه .

بدر : اسمها اسمها ايه ، بصوت حاد  مش لما تفوق نبقي  نعرف اسمها روحي دلوقتي هو ده وقته .

ذهبت الممرضه بخوف فتش في جيوبه علي هاتفه الثاني والفيزا  فلم يجده فذهب لسيارته وشاهد شنطه يد حور مفتوحه والبطاقه تظهر من فتحه الشنطه فلمح اسم

Hoor Tariq Al-Ruwai'i

بدون شعور سحب البطاقه اندهش بسعاده وهو يشاهد البطاقه ، مش معقول حور .. حور .

ثم وضع البطاقه مكانها واغلق الشنطه واخذ الفيزا والهاتف ودخل المستشفي مره اخرى ليدفع الحساب ، ورجع الي غرفه حور وهو ينظر لها بسعاده تملاء قلبه .

حور : بقلق وهي بتفوق ، انا فين ايه اللي حصل .

بدر : ابتسم بسعاده ، انتي معايا .

حور: ابتسمت بسعاده ، بدر .

بدر : اندهش بتعجب مصطنع ، انتي عرفتي اسمي ازاي .

حور : من من الموبايل 

بدر : وانتي اسمك ايه .

حور : رهف .

لم يعلم لماذا خبئت عليه اسمها الحقيقي ولكنه تركها تفعل ما يحلو لها فيكفي انه وجدها بعد اكثر من عشرين عاما ) .

بعد معرفته بافضل مستشفي قدمت بها ال cv اتصل بمدير المستشفي وتوسط لها في المستشفى بالقبول دون علمها .

واتصل علي المراقب .

-- عايزك زي ضلها اوعي تسيبها لحظه ومعاك واحد تاني علشان لو رحت هنا ولا هنا يبقي في بديل ليك … تمام .

وغلق السماعه ..

وتمتم ، ياترى خبيتي عليا اسمك ليه ياحور ومش عيزاني اعرف شخصيتك ليه مهما كان السبب عمرى ما هسيبك .

قاطعه دخول تقي.

تقي : بسعاده ،سياده الرائد .

بدر : خير .

تقي : جلست امامه بسعاده ، بابا كان عايز يقابلك النهارده .

بدر : سياده العميد حاتم البرادعي.

تقي : اه ومنتظرك في مكتبه في خبر حلو .

ذهب بدر لمكتب العميد .

حاتم : اقعد يا بدر  .

جلس بدر .

حاتم : سيرتك ومجهودك  ما شاءالله تشرف اي مكان .

بدر : ده شرف ليا يافندم .

حاتم : وقف من كرسيه وجلس امام بدر ، جاسر بيه عامل ايه .

بدر : تمام الحمدلله .

حاتم : انت زي ابني يا بدر عارف كده ولا ايه .

بدر : ده شرف ليا يافندم .

حاتم : تعرف ان الرسول صل الله عليه وسلم.

بدر : عليه افضل الصلاه والسلام .

حاتم : الصادق الامين كان الكل بحبه .

بدر : بتعجب من حديثه خارج نطاق العمل ، اه طبعا .

حاتم : لدرجه ان السيده خديجه طلبت يده للزواج مع مرسل وده طبعا مش عيب لاننا بنقتدي برسول الله .

بدر : اه .

حاتم : زوجوا من ترضون به دينا وخلقا .

بدر : بحنق ، اذا جائكم من ترضون .. جأئكم ..

حاتم : مش هتفرق جائكم او جئتوه .

بدر :  بحنق  خبط ضهر يده اليمني علي بطن يده اليسري ، ياخبر .

حاتم : خير في حاجه .

بدر : لا لا مش مهم .

حاتم : لا لا قول في حاجه احنا هنبقي اهل .

بدر : اصل نسيت اجيب لحضرتك دعوه خطوبتي .

حاتم : بصدمه ، ايه خطوبتك .

بدر : مش مهم هجبهالك المره الجايه ، كمل ياسياده العميد كنت بتقول ايه .

حاتم : بضيق ، لا لا ولا حاجه  خلاص ، بس انت خطبت امتا .

بدر : من دقيقه .. اقصد من اسبوعين كده ، بس حضرتك عارف بقي التجهيزات وكده بتاخد وقت .

حاتم : بنت حد نعرفه .

بدر : لا معتقدش ..

حاتم : وقف وذهب لكرسي مكتبه وجلس ،علي العموم مبروك اتفضل انت .

بدر :  وقف ، تمام يافندم .

وتركه وخرج وبتمتمه  ، كان عايز يدبسني قي بنته هو انا ناقص لزقه

                     ★★★★★

ساره : ليه يا لينا وفيها ايه لما تتخطبي  ولما تخلصي دراستك تتجوزوا .

لينا : انا مش مستعجله ثم آدم شخص كويس بس بحسه مستهتر شويا وبحب الضحك .

ساره : الواد دمه خفيف وانتوا كلكم متربين سوا و واخد علينا واحنا واخدين عليه ، ثم عايزاه جد زي جاسر اخوكي.

لينا : ولا جد ولا خفيف يعني يبقي وسط .

ساره : حاضر يا حببتي هنفصلهولك .

لينا : يعني انا غلطانه اني بقولك .

ساره : ما انتي كلامك يبقي عاقل شويه  برضه ،  الواد شيك و وسيم ودمه خفيف ومستقبله حلو يعني مفهوش عيب ولمحلك كذا مره انه معجب بيكي  وسيلا قالتلك انه معجب وعايز يتقدملك ، يبقي ايه .

لينا : مش وقته بقي يا ماما ، بس سيلا متخطبتش لحد دلوقتي ليه .

ساره : بتدلع ليها حق تدلع كل ما يجيلها عريس ترفضه ،  قلت لجاسر اخوكي عليها قالي لا بت خفيفه كده وبتحب الهزار واخوكي جد عايز واحده جد ، بس سمعت من ابوكي امبارح ان فهد ابن يوسف ونهي اتقدملها وشكله في قبول . 

لينا : ربنا يسعدها .

انا هروح الكليه بقي علشان متاخرش .

وذهبت الي الكليه فقابلها آدم .

آدم : لينا اذيك .

لينا :  الحمدلله .

آدم : عامله ايه وحشتيني .

لينا : بتحذير ، آدم .

آدم : عيون آدم .. قلب آدم .. عشق آدم .

لينا : وبعدين بقي هسيبك وامشي 

آدم :  وبعدين ايه .. قفوشه انتي كده علي طول هو احنا يا بنتي مش متربين سوا وتقريبا كنا عايشين سوا وانتوا عندنا واحنا عندكم مالك هوانا واحد غريب .

لينا : لا بس انا ورايا محاضرات .

آدم : انا بس كنت جايه اقولك ان سيلا هتتخطب واعزمك علي الخطوبه .

لينا : مبروك عقبالك .

آدم : قصدك عقبالنا سوا انا وانتي .

لينا  ضحكت .

آدم : ايوه كده فكيها شويا بدل ما انتي رابطه دماغك كده .

لينا : واد احترم نفسك بدل ما اضربك .

آدم : ايوه كده يا وحشني  ارجع لايام زمان .

لينا : ايام ما كنت بضربك واحنا صغيرين .

آدم : لا انا اللي كنت بخليكي تضربيني بمزاجي .

لينا : والله .

آدم : اصلك مش فاهمه لمسه ايدك  دي رقيقه زي البسكوته كده .

لينا : لا ما هي تقلت تحت تشوف .

آدم : نظر ليدها ، انا اموت واشوف .

لينا : طيب امشي بدل ما اقول لبابا يوريك .

آدم : عمي معتز ،ده حبيبي .

لينا : نظرت خلف آدم ، بابا انت جيت امتا .

آدم : بخضه التفت خلفه ، عمي .

لينا : بسخريه ، ياعبيط ضحكت عليك .

آدم : بضحك ، كل مره بتعمليها فيها وبردوا بتخض .

لينا : عبط بعيد عني .

آدم : ده خب يا هبله أصل كل مره بدوب في عنيكي .

لينا : رفعت حاجبها بحنك ، يلا علي شغلك علشان ورايا محاضره، ما   الحق خطوبه سيلا يوم ايه .

آدم : لا هي لسه متحددش دي سيلا لسه موافقتش  اساسا .

لينا : نعم ، اومال انت جاي لايه .

آدم : غمز لها بعبث ، عاملها حجه علشان اشوفك .

لينا : ضحكت بكسوف وتركته وذهبت .

آدم غني بصوت مرتفع فليلا ،  ضحكت يعني قلبها مال ...

                    ★★★★★

في الجامعه ذهبت چانيت لتصعد لسيارتها ففوجئت ب ياسين يفتح باب السياره بالاتجاه الاخر ويصعد معها .

ياسين :  صباح الورد.

چانيت : صباح الزفت 

ياسين ببرود جلس في السياره .

چانيت : ايه ده بقي .

ياسين : بسخريه ، الزفت .. 

چانيت : جلست ، خير .

ياسين : مش انا عربيتي عطلت بفضلك .

چانيت : وبعدين .

ياسين : الصيانه قالتلي قدامك اسبوع ..اسبوعين.. يمكن شهر.. يمكن سنه محددوش بالظبط ، لحد ما العربيه تتصلح فقولت في عقل بالي مين يا يا سين .. مين يا سونه.. مين يا واد يا سونسن اللي يوصلك عيادتك بعد الجامعه فملقتش غيرك .

چانيت : باعتراض ، نعم .

ياسين : ما هو ياجوجو في مثل بقول من اتلف شيء فعليه اصلاحه وطالما انا اللي هصلحه يبقي انتي اللي اتلفتي ،  المفروض حضرتك توصليني اظن دي اقل خدمه ممكن تقدمهالي مقابل اللي عملتيه في عربيتي .

چانيت : ده استهبال بقي اوصلك بتاع ايه كنت السواق بتاعك.

ياسين : انا برضو بقول كده ، علشان كده من رايي نروح لعميد الكليه سوا سوا نشوف رايه في الفديو بتاعك .

چانيت : بعصبيه ادارت السياره وضغطت على البنزين بعصبيه وباعلى سرعه قادتها ، هااااا .

ياسين : براحه يا مجنونه بتعملي ايه .

چانيت : مش عايزني اوصلك هوصلك للجنه ان شاء الله .

ياسين : ايه ده طيب انتي هتدخلي الجنه معايا ازاي .

چانيت : لا ما انا هوصلك حدف عليها .

ياسين : بسخريه وهي تقود السياره بأعلى سرعة ، اكيد لانك هتنطي  على النار حدف .

چانيت : ضغطت علي الفرامل واوقفت السياره بعصبيه ، لاحظ ان كلامك جارح يادكتور .

ياسين : نظر لعنيها برومانسيه  ، بس بينقط شهد .

چانيت : بسخريه ، ليه بتكلم نحله .

ياسين : تؤ علشان اللي قدامي احلي زهره شافتها عنيا ، عارفه نفسي ابوس شفايفه دلوقتي علشان ابقي اول واحد باس القمر .

چانيت : يا الله ياربي عارف وانا كمان .

ياسين : بسعاده ، وانتي ايه .

چانيت : نفسي اتف في وشك علشان ابقي اول واحده تفت في وش البجم.

ياسين : لاحظي اني الدكتور بتاعك ، بس هو ايه البجم ده . وبسخريه ماخدنهوش في الكلااس.

چانيت : لا بجد ايه البرود ده انا مشفتش كده .

ياسين : صدقيني ولا هتشوفي ، بس بجد انتي النهارده زي القمر تهبلي حتي وانتي عصبيه لذيذه قوي .

چانيت : ابتسمت  ، وقعت يادكتور .

ياسين : هز راسه  برومانسيه ، ومحدش سما عليا .

چانيت : نظرت امامها  ادارت السياره وقبل ان تقود .

ياسين : مد يده علي ذقنها وادار وجهها له ، انتي بتهربي مني ليه.

چانيت : بسخريه ، لا انا مبهربش انا بوقع بس مبقعش .

ياسين : اقترب من شفايفها وقبلها عنوه حاولت ابعاده ولكنها لم تتمكن من مقاومته او قبلته الحاره المليئه بالاشواق جعلتها تستسلم له فقبلته بها حنيه ذوبت جليدها وذهبت بعقلها .

ابتعد ياسين عنها قليلا وبهمس ، دوختي .

چانيت  نظرت لشفايفه بصمت فنظر ياسين لشفايفها الحمراء اثر قبلته وهجم علي شفايفها بحراره الهبت مشاعرها وللحظه صفعته بالقلم علي وجهه بقوه .

ياسين : ابتعد عنها بذهول يا بنت المجنونه انتي عملتي ايه .

چانيت : انزل من العربيه .. انزل حااالا .

ياسين : انتي عبيطه يابت ما انتي كنتي حلوه من شويه ايه اللي قلبك .

چانيت  رفعت يدها مره اخرى لتصفعه ولكنه مسك يدها بتحكم  ، متتجننيش بدل ما اقطعك قي قلب العربيه .

چانيت : بضيق ، ابعد ايدك عني .

ياسين : ترك يدها ، يلا اطلعي بسرعه .

چانيت : نظرت لياسين بضيق وادارت السياره وتحركت دون ان تنظر للطريق وكذلك ياسين الذي نظر لها بعدم فهم لافعالها المتناقده .

ياسين : حااسبي .

ظهر شخص فجاه امام السياره فاصطدمت السياره به .. وكان الشخص …...

#الجزء_الثالث ح ٧ 

متنسوش تعملوا لااف للبارت 

چانيت : نظرت لياسين بضيق وادارت السياره وتحركت دون ان تنظر للطريق وكذلك ياسين الذي نظر لها بعدم فهم لافعالها المتناقده .

ياسين : حااسبي .

ظهر شخص فجاه امام السياره فاصطدمت السياره به .. وكان الشخص دنيا ..

ياسين : يخربيتك دي امي . ونزل بسرعه .

دنيا : تجمدت بصدمه وخضه مكانها فبينها وبين السياره انش واحد .

ياسين : بخوف ، ماما انتي كويسه في حاجه حصلتلك .

چانيت بتعجب نزلت وبصت علي دنيا .

دنيا : سندت علي السياره بيدها وهي تهز راسها ،كويسه .

ياسين : اوصلك البيت حاسه بحاجه .

دنيا : بصت لچانيت ،لا انا كويسه ، وبصت لياسين انتوا كنتم بتعملوا ايه في العربيه 

چانيت : تنحنحت بكسوف .

ياسين : بتوتر، بنعمل ..  بنعمل كنت بشرحلها المحاضره .

دنيا : بضحك ، بتشرحلها .

ومدت يدها لتسلم علي چانيت فمدت چانيت يدها لتصافحها .

دنيا : شرحه حلو .

ياسين : ماما بتقولي ايه ..

دنيا : بصت لچانيت ، اسمك ايه .

چانيت : چانيت .

دنيا : اسمك حلو انا دنيا مامت الشحط ده .

چانيت : بضحك ، فعلا شكله شحط قوي عليكي معقول انتي مامته .

دنيا : بصت لياسين ، بقولوا .

چانيت : مامتك دمها خفيف جدا .

ياسين : بص لدنيا ، انتي كنتي فين ولا رايحه فين .

دنيا : ميعادي مع دكتوره الاسنان .

چانيت : بصت لياسين ، باب النجار مخلع ولا ايه .

ياسين : بص لدنيا ، معقول تروحي لدكتور اسنان غيري .

دنيا : بهزار ، يا  حبيبي انت اه ابني بس معنديش فيك ثقه بجنيه انا لحد دلوقتي معرفش انت بقيت دكتور ازاي وكمان دكتور اسنان .

چانيت : والله عندك حق ياطنط لا وكمان بيتفزلك .

دنيا : همست لياسين ، هي دي اللي هتجيب اجلك ، وبصوت مرتفع عزمتها علي خطوبه اختك .

ياسين : بص لجانيت ، لا دي لا لا طبعا .

چانيت : بصتله بضيق .

دنيا : لچانيت ، هو هزاره غلس كده علي طول ، هنتظرك الاسبوع الجاي في خطوبه سيلا بنتي تبقي اخته .

چانيت : باعتذارمش هقدر ….

قاطعها ياسين : مش هتيجي يا ماما متنفعش .

چانيت : منفعش.. ايه منفعش دي ، وبعند لا هاجي 

دنيا : بضحك ، هنتظرك ، وبصت لياسين انا هطلع للدكتوره علشان متاخرش .

ياسين : هطلع معاكي .

دنيا : لا خليك مع جوجو ..

وتركتهم وصعدت للطبيبه ، چانيت بسخريه لياسين .

-- رايحه للدكتور اسنان غيرك يادكتور .

ياسين : بخجل مصطنع ، لا لا دي بتحب تهزر بس .

وصعد للسياره ، يلا علشان توصليني .

چانيت صعدت للسياره فنظر ياسين اعلي صدرها للبدي الذي يظهر ملامح انوثتها 

ياسين : لو فكرتي تيجي الخطوبه ابقي اقفليها شويه اه احنا بيت محترم .

چانيت : رفعت التوب لاعلي وسخرت بضيق ، والبيت المحترم ده طلعت منه ازاي .

ياسين : بخجل مصطنع انا اتقصف جبهتي ولا بتهيالي .

چانيت نظرت للامام وضغطت علي البنزين وزادت سرعتها حتي وصلته الي الفيلا .

ياسين : نزل من السياره .

چانيت : بسخريه مفيش حتي ميرسي لا واضح الاحترام .

ياسين لف بالاتجاه الاخر ناحيتها ومال بجذعه العلوي امامها وهو يتكا علي شباك السياره وينظر لصدرها والتوب الساقط ، ارفعهولك .

چانيت رفعته  بكسوف فتركها ياسين واتجه الي  الفيلا .

چانيت : بصوت منخفض قليلا  ، قليل الذوق .

ياسين : رفع صوته قبل ان يدخل من الباب الداخلي للفيلا ، سمعتك علي فكره .

فادارت السياره وذهبت بعصبيه 

                     ★★★★★★

يوسف : قبل نهي من خدها ، انا ماشي يا  نونه مسافر بورسعيد لو اتاخرت هاجي الصبح .

نهي : يعني مش كفايه رجوعك كل يوم وش الفجر كمان هتبات بره .

يوسف : جذبها لاحضانه ، شغل يا حببتي .

نهي : بتذمر ، ماشي.

تركها يوسف وخرج وصعد لسيارته ، ونهي هبطت خلقه وصعدت سيارتها ومشيت وراءه .

اتصل يوسف  بالقياده وهو في السياره : انا رايح بورسعيد البضاعه المفروض هتوصل الساعه ٩ بالليل ….. كنت متاكد يعني كشفتوا عليها وطلعت كميه قليله … يبقي زي ما كنت متوقع ده اختبار ليا ….. خلاص هنسيلها تدخل … تمام ….

وغلق السماعه وعدل مراه السياره الاماميه فتخيل بسياره نهي خلفه  وبتمتمه ، مش دي نهي ايه اللي جابها ورايا .

نهي : بحنق في سيارتها ، لما اشوف اخرتها معاك يا يوسف ياترى هتتقابلوا علي الحر ولا هتسحبها  علي الفندق علي طول ما انا عارفاك مبضيعش وقت .

يوسف : ادار السياره بعده شوارع ونهي خلفه وبتمتمه ، بتراقبيني تمام …

فاتصل علي الفت ، فوفه انتي فين …. اوكي يابيبي هعدي عليكي نسافر سوا اجهزي ياحب .

ووصل الي الفندق فوحد الفت تنظره  ، وضع رجل الامن شنطه  ملابس صغيره في سياره يوسف وصعدت الفت لسياره يوسف وقبلته وجلست .

نهي : بشهقه وهي تراقبهم ،نهار ابوك اسود يا يوسف وكمان بتبوسها .

ذهب يوسف بسيارته ونهي بسيارتها خلفه تتوعد له بنار تاكل قلبها .

الفت : حركت راسها بين احضان يوسف وهو يقود السياره ،

هنقضي النهارده سوا .

يوسف : وهو يراقب نهي في السياره خلفه ، اه طبعا .

الفت : باطراف اناملها داعبت صدره الذي يظهر من تحت القميص ، يعني حجزت غرفه ولا غرفتين في الفندق .

يوسف : هاا … اتنين يا فوفه .

الفت : جذبته لاحضانها ، ليه .

يوسف : ملس علي شعرها ، علشان منثيرش الشبهات يافوفا.

نهي : بسيارتها تراقبهم وهي خلفه ، نهارك اسود يا يوسف بتخوني في قلب العربيه وكمان وخدها في حضنك … لو ما فرجت عليك امه لا اله الا الله مبقاش انا يايوسف الواااطي ..

بعد حوالي ساعتين في الطريق  وصلوا الي الفندق وااخذ العمال الشنط لاعلي.

الفت : انا هطلع اوضتي وانت .

يوسف : بحنق ، هطلع طبعا .

صعدوا سويا وامام غرفه الفت 

الفت : مش هتدخل معايا .

يوسف : لما نخلص اللي جايين له الاول يلا ارتاحي ساعتين علشان نشوف اللي ورانا دا انا قابض مقدم ..

الفت : بضحك ، اوك يا جو .

وتركها ودخل غرفته .

بغيره دخلت نهي الي الفندق وسالت علي رقم غرفته يوشف وعندما اعترض استقبال الفندق علي خروج اي معلومات خاصه بالعميل .

نهي : بمكر اخرجت بطاقتها التي فيها اسم الزوج ،انا مرات العميد يوسف الشناوي اللي لسه طالع و وصلت متاخر الصراحه ده عيد جوازنل وعملاله مفاجأه .

وافق الاستقبال واعطوها رقم غرفه يوسف فصعدت لاعلي وطرقت الباب عليه بشده .

يوسف : بدهشه مصطنعه فتح لها ، نهي .

نهي : هي فين عملتوا ايه قلعت ولا لسه ..

ودخلت تفتش في المكان .

يوسف : بتعجب ، هي مين دي اللي قلعت .

نهي : لم تجد احد ، انا شيفاها بعيني وهي معاك في العربيه  من القاهره لحد هنا وطالعين سوا وديتها فين .

يوسف : هي مين دي انتي مجنونه انا جاي لوحدي .

نهي : ناااعم لوحدك اومال البوس والاحضان طول الطريق ده كان مع مين امي .

يوسف : ضحك يسخره ، لا مسمحلكش كله الا حماتي .

نهي : انت وديتها فين انطق اتكلم ..

يوسف : عايزه تعرفي وديتها فين .

نهي : تغيرت ملامح وجهها بحزن ، اه .

يوسف : مسك مرفقها وجذبها لاحضانه فالتصقت بصدره وهو ينظر لها من اعلي ، هنا في قلبي .

نهي : خبيتها  فين .

يوسف : اقترب بشفايفه لشفايفها وهو يداعبها ، اهي .

نهي : لا انت بتضحك عليا .

يوسف : حاوط يده حول وسطها وضمها له ، بس بحبك .

نهي : رفعت يدها علي اكتافه ، اومال راحت فين .

يوسف : مين دي نهي حبيبيه قلب يوسف .. ولا نهي نور عين يوسف ..ولا نهي عشيقه يوسف .

نهي : بسعاده ، حببتك بجد .

يوسف : باطراف شفايفه علي شفايفها همس ، روووح يوسف.

واعطاها قبله حاره علي شفايفها الهبت مشاعرها لدرجه انها لم تتذكر لماذا اتت .

براحه وضعها يوسف علي السرير وبهمس في عنقها ، يخربيت جمالك بتولعيني ..

نهي : بتنهيده ، بتحبني ..

يوسف : حرك يده علي جسدها بحراره ملتهبه ، بعشقك .

ثم همس لجسدها بشفايفه كل حته فيا بتنادي عليكي وعيزاكي .. نهي نهي عايز نهي ..

وقبلها بحراره واشواق وهي بسعاده فقدت السيطره على نفسها وعقلها حتي ذهب عقلها وتلامس شوقه بها فانهارت بين رجوليته وهو يصك ملكيته بها ..

ثم تركها وهي نائمه واخذ شاور وارتدي ملابسه وخرج وذهب الي غرقه الفت ..

فخرجت وهبطت معه لاسفل .. امام سسارتهة

الفت : سمعت من  الاستقبال ان عندك واحده .

يوسف : اركبي العربيه ، انتي تراقبيني بقي.

الفت : صعدت للسياره وتحركوا  بطمن يا بيبي .

يوسف : والاستقبال مقلكيش انها مراتي .

الفت : هو ده اللي مش فهماه  .

يوسف : بحنق ، اصلها كانت بتراقبني شاكه ان في حد في حياتي فطبت عليا فجاه .

الفت : بسعاده ، وايه اللي وصلها شعور الشك ده .

يوسف : جذبها لاحضانه ، مش عارفه ولا بتدلعي . 

الفت : بسال بس .

يوسف : جذبها لاحضانه ، انتي يا حب .

وصلا الي الميناء وهبطوا وذهبوا باتجاه الكونتير وعند خروج الشحنه اتي بعض الظباط  ليفتشوا ، فنظرت الفت الي يوسف وهي ترجع خطوات للخلف بخوف من ان ينكشف الامر .

يوسف : للظباط انا العميد يوسف الشناوي .

الظابط : بتعظيم ، منور يا فندم اتفضل .

يوسف : قدم اوراق خروج الشحنه فمضى عليه الظباط فتقدمت الفت بسعاده بجانب يوسف .

يوسف : بهمس ، متبقيش خوافه كده .

الفت : بابتسامه ،هروح اكلم البوص .

وبدات تتحرك الشاحنه لخارج المينا ، فاوما يوسف للظباط براسه فانصرفوا الظباط .

الفت وهي تتحدث مع البوص ، كله تمام الشحنه بتخرج قدامي اهو …. تمام .

وغلق السماعه وذهبت ليوسف .

يوسف : كده تمام .

الفت : بسعاده ، الشحنه الاصليه هتيجي كمان يومين .

يوسف : بدهشه مصطنعه ، الشحنه الاصليه اومال دي كانت ايه .

الفت : اختبار يا جو ونجخت فيه .

يوسف : بزعل مصطنع ، ايه اختبار ليه مفيش ثقه لا طبعا انا مش مكمل ..

الفت : انت زعلت ولا ايه احنا بنعمل كده دايما مع اي حد اومال نعرف انتمائك لينا ازاي .

يوسف : بزعل ، لا احنا متفقناش علي كده .

الفت : الجاي كتير وفلوسه اكتر .

يوسف : بمكر ، بس انا خدت حساب الشحنه دي انما الجاي حسابه تاني .

الفت : متبقاش طماع يا جو .

يوسف : والله انا عملت الليعليا العطل من عندك ياقلب جو ..

الفت : اللي انت عايزه هيحصل طول ما انت معانا .

يوسف : معاك ياحب ..

رجع يوسف الي الفندق فوجد نهي مازالت نائمه .

نهي : بصوت نائم ،  انت كنت فين .

يوسف : خلع ملابسه وصعد للسرير بجانيها واخذها لاحضانه ، كنت بوصيهم علي عشا فاخر للعروسه .

نهي : عروسه مين .

يوسف : ما انا قررت نقعد يومين هنا كمان نعمل عروسه وعريس ...

وقبلها باشتياق وحراره الهبت مشاعرها .

نهي : بدلع ، احنا كبرنا علي كده .

يوسف : كبرت مين يا واد يا اوزي يا صغنن انت ..

وداعبها في عنقها بشفايفه وهو يصك ملكيته عليها بحراه ...

                   ★★★★★

ذهب بدر الي المستشفي التي تعمل بها حور ويده مجروحه .

فذهب الي الاستقبال ودخلت حور لتكشف عليه .

حور : بخضه  وهي تشاهد الد***م ينزل من كتفه ، ايه ده .

وفتحت القميص بسرعه لتعقم الجرح .

بدر : ايه ده رهف انتي بتشتغلي هنا .

حور : وضعت القطن علي الجرح ،  اه .. ايه اللي جرحك كده .. الفتحه فيها عميقه لازم تتخيط .

بدر : وانا بنضف السلاح ضغط علي طلقه غلط .

حور : بخوف مش تاخد بالك .

بدر : بسعاده ، المره الجايه .

حور : هي فيها مره جايه متبقاش تنضف السلاح ده تاني .

بدر : بسعاده ، ليه خايفه عليا .

حور : تناولت المخدر وخدرت يده ، حاسس بحاجه الابره وجعتك 

بدر : بص في عنيها ،عنيكي مخدر ..

حور : بخجل تناولت الابره والخيط لتخيط الجرح بصتله  وضعت الابره في جسده .

حور : لو حاسس بالم قولي .

بدر : انا لما شفتك الالم كله راح .

حور : انت جاي تعاكس بقي .

قاطعهم دخول الممرضه اغيرلك الادوات يادكتوره حور .

حور : بخوف هزت راسها بالنفي .

بدر : لف براسه يمينا ويسارا ، ايه ده هو في حد معانا في الاوضه اسمه حور .

حور : بقلق ، لا دا اسم الدلع بتاعي .

بدر : بسخريه ، الدلع ، ثم لنظر لعينيها ، بتخبي نفسك مني ليه .

حور : بدهشه ، ايه .

بدر : حور طارق الرويعي ، حبييه الطفوله .

حور : تراجعت حور للخلف باحراج من كشف امرها فتقدم نحوها بدر عاري الصدر واقترب منها ، حور حبيبه بدر .. فاكره لما قولتيلي يلا نتجوز يا بيدو .. طيب فاكره لما وعدتيني انك مش هتسبيني مهما حصل .. سبتيني ليه يا حور.

حور : بتوتر ، ايه ده انت بتقول ايه دي مش انا .. انا مش فاكره حاجه .

بدر : فاكره كل حاجه بدليل لنك خبيتي اسمك الحقيقي عني .

حور : ابتعدت عنه قليلا بتوتر ، انا مخبتش عنك حاجه انا بس ..

بدر : وضع يده علي شفايفها ، بس مش عايز اعرف حاجه المهم اني لقيتك .

حور ابعدت يده عنها فهمس لها مش هسيبك مهما حصل ….

عايز اتكلم معاكي .

حور هزت راسها بالموافقه ، بعد ما اخلص شغل 

بعد انتهاء عملها ذهبوا الي كافيه بجانب المستشفي .

حور : ابتلعت ريقها بتوتر ، انا مخبتش عليك اسمي انا بس كنت ..

بدر : هوووووس كفايه اللي راح المهم اللي جاي .

حور : يعني ايه .

بدر : يعني عدي اكتر من عشرين سنه هنضيعهم في اللي حصل ليه انا عمرى ما نسيتك لحظه …

ثم اخرج من محفظته صوره طفله صغيره جميله واعطاها لها .

حور: اندهشت بسعاده ، دي صورتي .

يدر : مفارقتنيش لحظه من اخر مره شفتك فيها .

حور : هو انت …

بدر : بحبك وهحبك وهفضل احبك وعمرى ما نسيتك .

حور : بسعاده انت بتتكلم جد .

بدر : ولو مكنتيش  انتي كمان بتحبيني مكنتيش خبيي اسمك عليا ..

حور : انا …

بدر : قاطعها مش مهم المهم انك معايا 

شعرت حور بسعاده بعد ان اوصلها القدر  لمبتغاها  .

حور : كنت محتاجه مساعدتك .

بدر : اؤمرى .

حور : محتاجه اعرف بابا عايش ولا …

بدر : وهو يعلم ما الذي حدث لوالدها في رحله البحث عن محبوبته عندما كبر ، للاسف ولا …

حور : مش معقول انت متاكد طيب عرفت ازاي مين قالك طيب امتا .

بدر : لم يقل لها انه مقت** ول ، لما اتخرجت من الكليه ودخلت الجيش وسعت البحث والتحريات عليكي كان الفضول هيقت***لني علشان اعرف انتي فين او ايه اللي حصلك وعرفت انك سافرتي بس للاسف معرفتش فين ومن ضمن البحث عرفت ان والدك توفي .

حور : من زمان .

بدر : هز راسه مؤكدا .

حور : طيب ينفع ازور قبره .

بدر : ربع ساعه وهعرف ادفن فين .

واتصل علي شخص ليعلم قبر والدها ….

                     ★★★★★

دنيا : يعني انتي عايزاه ولا لا لا وعمك يوسف اللي كلم باباكي وقاله هيحددوا ميعاد الخطوبه لما يجي من سفريته .

سيلا : بصي بقي يا دودو هو انا مبحبوش بس هديله فرصه رغم اني متاكده انها مش هتصيب .

دنيا : ومتصبش ليه .

سيلا : ما انتي عارفه اللي فيها يا ماما وانه اتقدملي لما انا اتنيلت وقلتله اني معجبه بيه .

دنيا : يبقي شخص محترم وبفهم ولو مش حاسس ناحيتك باعجاب مكنش اتقدم .

سيلا : لا اطمني هو قالي عايز نقرب من بعض قدامكم علشان شكله قدام بابا وبدر .

دنيا : يبقي راجل ويعتمد عليه .

سيلا : انتي مالك واخده صفه ليه كده هو انا مش بنتك .

دنيا :  اخدتها بين احضانها ،بنتي وحبيبه قلبي كمان وعلشان انا اكبر منك ومر عليا حاجات كتير فبقولك ادي لنفسك فرصه ومتتعلمليش مع الخطوبه انها مجرد خطوبه وهتتقسخ لا ..  زي ما هو عايز يقرب انتي كمان قربي وحاولي ولو في نصيب كملي مفيش نصيب محدش هيغصبك علي حاجه .. انا كل اللي عايزه اوصلهولك ان فهد شخص كويس ومحترم ومتربي وسطنا عامليه كخطيبك مش مجرد اخ او صديق فهماني يعني اتعاملي معاه كاياتنين مخطوبين بينهم احساس ومشاعر ومشاركه  فاهمه ولا بكلم في حيطه .

سيلا : لا حيطه ايه وحياتك سد ..

دنيا : يالهووي هتجننيني.

قاطعهم دخول جاسر .

جاسر : لسيلا .. العروسة عامله ايه دلوقتي .

سيلا : حتي انت يا بابا .

جاسر : انا ايه .

دنيا : وكزت سيلا بمرفقها 

سيلا : بتوتر ، عايز تخلص مني  مستعجل اني اكون عروسه . .

جاسر : اخذها لحضه ، انتي قلبي يا بت واللي يتقدملك ده لو مكنش راجل ويملي العين ويسد عمرى ما اوافق عليه وفهد مش في غلاوه اخواتك وبس لا دا راجل بمعني الكلمه .

سيلا : انتوا متفقين عليا بقي .

جاسر : لدنيا ، هي مش موافقه علي الخطوبه ولا ايه .

دنيا : لا طبعا بس هي اللي بتدلع.

سيلا : بمكر مصطنع لجاسر ، الله بقي يا بابا متكسفنيش .

جاسر : خطها بخفه علي  راسها ، لا البت كبرت وبقت بتتكسف .

سيلا :  بضحك حضنته ، شكلك عايز تبقي جد يا ميجو ياقمر.

جاسر : يضحك ، دا يبقي اسعد يوم في عمرى طيب لو عملتيها هكتبله فرع جروب ماكس باسمه .

سيلا : بهزار ،  انا بقول نكتب الكتاب علي طول بلا خطوبه بلا تضييع وقت .

جاسر : قبلها علي جبينها ، ربنا يسعدك يا قلبي .

                        ★★★★★

بعدما قرات حور الفاتحه هي وبدر علي روح والدها وتحدثوا كثيرا في ذكريات الطفوله .

حور : انت اتجننت بقي تضرب نفسك بالرص***,ااص علشان تجي المستشفي .

بدر : بسعاده ، اسمها اجيلك المستشفى ، دا انا مصدقت لقيتك.

حور :  بس انا كده كنت عامله حسابي ادور علي بابا والاقيه واعيش معاه واستقر في القاهره لكن دلوقتي .

بدر : مسك يدها بخوف ، ملكنش اوعي تقولي انك عايزه تسافرى تاني .

حور : سحبت يدها بخجل ، مبقاش ليا حد هنا علشان اقعد في القاهره .

بدر : اقترب منها ، انا انا اللي ليكي تتجوزيني .

حور : بدهشه .. ايه .

بدر : مستحيل .. مستحيل اسيبك تضيعي من ايدي تاني تحت اي ظروف .

حور : ……...

                        ★★★★★

في فرع شركه  السياحه الخاصه بوسيم يقف امام ارسيليا وبيده ملف اوراق .

وسيم : وضع الملفات امام ارسيليا .

ارسيليا : تفحصتها ، ده عقد شركه السياحه فرع مصر اللي احنا فيه .

وسيم : لف خلفها وحاوط يده حولها وقبلها في عنقها ، كل سنه وانتي طيبه ده هديه عيد ميلادك .

ارسيليا : ابتسمت بسعاده و وقفت وقبلته ، سومي كل مره بتفاجاني بمفاجاه احلي من اللي قبلها .

وسيم : عارفه وهفاجاك  اكتر واكتر لو قررتي تخلفي .

ارسيليا : بتوتر ، كل مره برد عليك بنفس الرد ….

وسيم : قاطعه ، عندك  مشاكل في الرحم وخلفتي قبل كده وبنتك ماتت ومش عايزه تعيدي التجربه وخايفه …. وكل مره هقولك انا معاكي ومش حب في اني اخلف وخلاص ده حب فيكي عايز نرتبط ببعض اكتر واكتر ..

ارسيليا : يعني الطفل اللي هيخلينا نرتبط ببعض اكتر دا احنا بقالنا حوالي ١٥ سنه متجوزين .

وسيم : مسك يدها وقبلها بحب، والله نفسي اخلف منك قوي ارجوكي .. ارجوكي يا ارسيليا تحققيلي الامنيه دي ..

ارسيليا : ارجوك انت متضغطش عليا .

وسيم : ارسيليا انتي بتحبيني .

ارسيليا : بحبك بس خايفه مش هقدر اعيد الوجع ده تاني او احس بيه .

وسيم : بابتسامه ، وحياتك عندي ما هخليكي تتوجعي عندي بس حققيلي رغبتي ارجوكي ..

ارسيليا : ……...

#الجزء_الثالث ح ٨ 

نظرا لتفاعلكم القمر اللي فاجاني قررت اروق عليكم في البارت متنسوش تعملوا لااااف للبارت 

وسيم : مسك يدها وقبلها بحب، والله نفسي اخلف منك قوي ارجوكي .. ارجوكي يا ارسيليا تحققيلي الامنيه دي ..

ارسيليا : ارجوك انت متضغطش عليا .

وسيم : ارسيليا انتي بتحبيني .

ارسيليا : بحبك بس خايفه،  مش هقدر اعيد الوجع ده تاني او احس بيه ثمم انا كبرت برضو  .

وسيم : بابتسامه ، وحياتك عندي ما هخليكي تتوجعي عندي بس حققيلي رغبتي ارجوكي  وبعدين كبرتي فين دا انا لسه سامع المذيعه اللي اسمها ريهام سعيد مخلفه وعندها ٤٦ سنه ، انتي بس وافقي ونسيبها علي الله .

ارسيليا : بابتسامه  هزت راسها بالموافقه .

وسيم : حملها بسعاده ولف بها ..

ارسيليا : بضحك ، هتوقعني بس يامجنون .

وسيم : نزلها ، بحبك ..هنروح للدكتور امتا بقي .

ارسيليا : الوقت اللي تحبه .

وسيم : جذبها من يدها باتجاه الباب ، يبقي حالا .

ارسيليا : تناولت  شنطه يدها بالكاد وهو يجذبها ، استني اجيب الشنطه .

وسيم : بسعاده وهو يجذبها استني ايه تاني انا بقالي سنين مستني  . 

وذهبوا الي الطبيب فورا  وبعد الفحص 

الطبيب : الدنيا تمام انا بس هكتب علي شويه منشط**ات للمدام علشان منتاخرش في الوقت  وتساعد شويه وفي ايام هحددها فيها ايام التبويض وانتم طبعا فاهمين اللي هيحصل في الايام دي  .

وسيم : بسعاده هز راسه  ، طبعا فاهم .

ارسيليا : بابتسامه خجل لازم في الايام دي .

الطبيب : اه طبعا انا كاتبها علي ضهر الروشته .

وسيم : غمزلها بعبث ، هتلاقي محترف شغال معاكي .

ارسيليا : بضحك ، طيب يلا يا محترف …

وصلا الي منزلهم فحرك وسيم يده بسعاده حول وسطها ، تيجي ندرب ..

ارسيليا : لا يا هداف انتي نسيت المواعيد .

وسيم :  اقترب من عنقها وهمس برومانسيه ،ده انا حافظها زي اسمي وهجهزلها من دلوقتي .

ارسيليا : بتحذير مصطنع  ،الدكتور قال ايه .

وسيم : لامس شفايفه ب شفايفها ، قال اننا فاهمين وانا الصراحه مش فاهم .

ارسيليا : بدلع ، يعني انا اللي فاهمه .

وسيم : قبلها بحراره في عنقها ، يبقي ندخل نفهم بعض جوه .

وجذبها لاحضانه ودخلا الي غرفتهم .

وسيم : بمداعبه ، هخليكي اسعد واحده في الدنيا انتي مش فاهمه انا مبسوط قد ايه اخيرا هبقي اب .

ارسيليا : بهزار ، علي اساس اني هولد بكره لسه محصلش حاجه .

وسيم : لا ما انا مش هستني ما اهو لازم يحصل …

وجذبها لاحضانه فالتصقت به وقبلها بحراره وهو يصلك ملكيته بها بسعاده …..

                       ★★★★★ 

ذهب بدر الي حور صباحا في الفندق .

حور : وهي تهبط من الاسانسير وجدت بدر امامها ، بدر وبيده ورده  ، انت بتعمل ايه هنا .

بدر : اعطاها الورده ،  مستنيكي .

حور : اخذتها منه بابتسامه  ونظرت لساعه يدها ، الساعه ٨ الصبح في ايه ايه اللي جابك دلوقتي  .

بدر : رفع حاجبه بحنك ، في انك قلتيلي انك هتردي عليا ومردتيش لسه لحد دلوقتي 

حور : ارد علي ايه … ثم تذكرت اه موضوع الخطوبه .

بدر : لا يا هانم موضوع الجواز ..

حور : بابتسامه ، انا ملحقتش افكر انا لسه سيباك من كام ساعه يادوب نمتهم .

بدر : يبقي نروح نفطر سوا في اي مكان ونفكر سوا .

حور : بس انا ورايا مستشفي .

بدر : المستشفي ميعادها الساعه ٩ يعني لسه ساعه .

حور : والطريق .

بدر : جذبها من يدها اتجاه سيارته ، تعالي بقي ومضيعش الوقت … واخذها لاقرب كافيه و جلسوا وطلبوا الفطار وبدوا بالاكل .

بدر : عارفه ، انا لو مني منك اوافق علي طول شاب طول بعرض بحلاوه وخفه ده ايه مقلكيش من الاخر فرصه وهضيع منك واللي بيضيع مبرجعش تاني .

حور : بضحك ، والله .

بدر : بحب ، بس عشانك  ارجع تاني وتالت ومليوون .. قوليلي بقي انتي مرتبطيش وانتي في فرنسا .. حبيتي اتخطبتي كده يعني .

حور : هزت راسها بالرفض ، لا .

بدر : بسخريه ، ليه محدش كان بتقدملك خالص يلا بختك ا مكتوبالك ابقي  من حظك .

حور : لا ياحلو كان بتقدملي ناس رجال اعمال ومهندسين ودكاتره واجانب ومصريين ….

بدر : قاطعها بسخريه ، يععععع ايه العرسان اللي تقرف دي انتي مسجله خطر ولا ايه .. ثم غمز لها بمداعبه كنتي بتفكري فيا وهتموتي عليا صح اعترفي .

حور : كذبت بتصنع ،ولا كنت فكراك اساسا .

بدر : والله ده عينك هينط منها الكدب .

حور : والله .

بدر : اقترب منها برومانسيه وهو ينظر لعينها ، والله انك قمر وعايزه تتاكلي يخربيت جمالك ورقتك .

حور : بخجل نظرت للطعام .

بدر : اتكسفتي ياقطه طيب ما تجيبي اطه ..

حور : بتحذير ، احترم نفسك بدل ما بالشوكه اللي في ايدي واطيرلك دراعك المجروح .

بدر : يالهوووي علي شراستك اموت فيك انت ياشرس يامتوحش .

حور : بدر انت بتجيب الكلام ده منين .

بدر : وهو ياكل ، من عنيك يا وحش الكون .. والنعمه كنت قبلك بجم ما بعرف اقول كلمتين علي بعض هو انا ايه اللي حصل لي ياناس انا اتسحرت انتي سحرتيني .. اكيد حطتيلي حاجه في عنيا علشان اشوفك ملكه قلبي وملكه الكون ..

حور : بعد انتهاء طعامها ، انا اتاخرت لازم اروح المستشفي.

بدر : وحياه امي ما في مرواح لاي مكان غير لما توافقي علي الجواز 

حور : اوافق يعني حتي مردش بالموافقه او الرفض .

بدر : لا ياحببتي معنديش الاوبشن ده ..

حور نظرت له بسعاده .

بدر : برومانسيه ، وحشتيني .

حور : هزت راسها بالتاكيد .

بدر : بحنق ، وحشتك ولا وافقتي نتجوز .

حور : القت عليه الورده  بهزار ، الاتنين .

بدر : واخيرا الدنيا ضحكتك يا بدر مكتوبالك يابيدو ..

حور : بضحك ، طيب يلا يا بيدو  هتاخرني …

بعدما دفع الحساب وصعدا الي سيارته   

بدر : هاجي اتقدملك امتا بقي علشان نكتب الكتاب ونتجوز ونتلم بقي في بيت واحد  .

حور : ضحكت بحيره ، مش عارفه انا مقلتش لماما وانت عارف اني هنا في مصر لوحدي ..

بدر : تحبي نسافرلها اتقدملك هناك .

حور : سيبني ،اكلمها الاول ..

بدر : تمام بس متتاخريش عليا ..

وصلت حور الي المستشفي في سعاده وهي تتم عملها باتقان وعلي اكمل وجه وبعد انتهاء العمل  ….  اتي بدر ليوصلها الي الفندق مره اخرى خوفا عليها وتقربا منها اكثر.. صعدت حور بسعاده الي غرفتها وهاتفت منار ان شخصا يريد الارتباط بها .

منار : هو زميلك في المستشفي يعني .. دكتور .

حور : بخوف ، لا ده شخص اتعرفت عليه هنا في مصر لو مش هتنزلي مصر ممكن انا وهو نجيلك فرنسا .

منار : لا متجيش انا هنزل مصر واهو فرصه نتعرف عليه وعلي اهله .

حور : انقبض قلبها لحديث والدتها وازدادت خوفا  ..

                      ★★★★★

في بورسعيد يوم الصفقه اتصلت الفت علي يوسف صباحا..

يوسف وهو نائم وفي حضنه نهي التقط هاتفه ورد بصوت ناعس  .

-- اه راحت عليا نومه … تمام ربع ساعه واكون عندك يافوفا .. وغلق السماعه .

نهي : شهقت بغيره وهي نائمه بين احضانه ، فوفا فوفا مين دي ..

يوسف : بتوتر ، فوفا فوفا مين بقول فا فااادي ، انتي مش كنتي نايمه .

نهي : لا انت قلت فوفه انا سمعاك بوداني .

يوسف : يا بت اتهدي بقي انتي سمعك تقيل اساسا ..

وفاق من السرير وتناول المنشفه واتجه للحمام .

نهي : عدلت نفسها و وقفت امامه ،انت رايح فين انت رايحلها صح انا حاسه بكده ،  قول مخبي ايه تاني عليا .

بتجاهل لحديثها دخل يوسف التواليت وغلق الباب لياخذ شاور.

نهي : بتمتمه ،  وانا اقول الراجل ماله اليومين دول دلع وشخلعه ومرقعه معايا اتاريه مخبي التقيل وبيخوني .. ما هي الرجالة كده اول ما يتظبط حالها مع ستاتها يبقوا بيخونوا … بتمتمه وهي تحك يدها في راسها  بس بقولوا بيجيبوا هدايا ويوسف مجبليش هديه ….

قاطعها خروج يوسف من التواليت ،هتبرطمي كده كتير ..

وذهب ليرتدي بدلته ..

نهي : وكمان مستعجل ورايحلها جرى ،  مش سيباك تخرج يا يوسف لو الدنيا اتهدت ..

يوسف : بعدما ارتدي ملابسه مسك مرفقيها بيده وبرومانسيه، بحبك .

نهي : كداب .

يوسف : برومانسيه اكثر وضع يده علي وجهها وبحب ، حد يشوف الملاك اللي قدامه ده ويعرف يكذب قدام عنيه .

نهي: تذمرت بدلع ، برضو كذاب .

يوسف : قبلها برومانسيه قبله طويله  ، وكده .

نهي: بسعاده ، بتحبني .

يوسف : بيده خلف ضهرها جذبها لصدره ، بموت في دباديبك يا ولااا.

نهي : بضحك ، ربطت ياقه بدلته ، متتاخرش عليا ..

يوسف : هو ده الشغل ولا بلاش ، هوا مسافه الطريق واكون بين اديكي يانونتي ..

وقبلها برومانسيه في عنقها فتركت اثرا فيها .

يوسف : اشار بعينه علي العلامه التي ظهرت علي عنقها ، تصبيره لحد ما اجيلك جهزي نفسك بالحته المووف اللي بتلعلع عليكي 

نهي : بسعاده ودلع ،هدخل اخد شاور الاول ..

يوسف : وانا هروح اجيب السمك والجمبرى علشان الفسفور يشعشع في النفوخ .

نهي: ضحكت بدلع ، متتاخرش .

فلاش باك .

( بعدما اتي يوسف من الميناء اول مره .. هبط الي محل لانجريهات واختار ملابس نسائيه لنهي…

نهي :بصوت ناعس وهي نائمه ، انت كنت فين .

يوسف : هنا ياقلبي جمبك بجبلك دول …) 

باااااك .

خرج يوسف من جناحه بالفندق واتصل بالقياده .

-- عايز تأمين كامل علي الجناح وعلي الفندق كله  .. تمام انا لسه خارج وهعدي عليها حالا ونقبض علي اكبر مهربه  في الشرق الاوسط ..

وغلق الهاتف وذهب الي الفت لياخذها معه  اثناء ذهابه الى الميناء..

اكد الظباط ان الكونتير ملئء بالبضاعه الممنوعه و المهربه من ملايين الدولارات و المواد المخدره البيضاء كيلوهات من  المخدرات البيضاء بملايين الجنيهات ..

اشار الظابط الاخر ليوسف ان الشحنه وصلت .

يوسف مسك يد الفت فنظرت له بسعاده وهي تشاهد البضاعه المخفيه في الكراتين بداخل الكونتير الذي يخرج من السفينه

..

ولكن اقترب الظابط وفتح الكونتير وبثقه نظرت الفت  للظابط.

تجاهلها الظابط واكمل فتح الكونتير وبدا باخراج الكراتين .

الفت بخوف ليوسف  ، هو بيعمل ايه ده هيفتح الكراتين 

يوسف : اخرج من جيبه الاساور الحديديه والبسها لها ،وهيطلع الهرو***ين والدولارات ياحب .

الفت : بدهشه ، انت بتقول ايه انت اتجننت انت هتودي نفسك في داهيه انت واخد ملااايين انت ناسي ولا ايه 

اخرج الظباط البضاعه وبتعظيم ليوسف ، كله تمام يافندم .

الفت : بصراخ لاااا مستحيل لااااا هو هو يوسف اللي دخلها انا مليش دعوه هو اللي خد الفلوس علشان يهرب البضاعه .

اتوا الظباط والقوا القبض عليها .

يوسف : بسخريه هتنورى القفص ياحب .

الفت : انت قبضت الفلوس لااااا انا هفضحك انت شريكي .

يوسف : الشيك مع القياده كل حاجه متسجله اعدام مبارك يافوفاااا .

                     ★★★★★

يوم خطوبه سيلا صباحا 

جهزت الفيلا بالزينه والانوار وتحضيرات الخطوبه .

في غرفه سيلا بعدما تزينت بافضل مكياج من الميكب ارتيست وارتدت فستان الخطوبه فضي اللون سواريه رقيق  يبرز معالم انوثتها ورقتها كانت معها في الغرفه لينا ومنه .

لينا : زي القمر ياسوسو .

سيلا : بسعاده نظرت للمراه ، تصدقوا وانا عروسه حلوه اهبل اجنن له حق اخوكي يا منه يتجنن عليا .

منه : بسخريه ، اه فعلا .

سيلا : بتضحكي علي ايه يا بت والله افسخ الخطوبه قبل ما تبدا .

منه : لا لا ابوس ايدك .. انتي زي القمر زي السكر زي الشهد مفيش في حلاوتك ولا طعامتك حد .

سيلا : ايوه كده اتظبطي .

لينا : انتي بتتلككي ولا ايه يا سولي.

سيلا : اتلمي انتي كمان احسنلك كلها شهر شهرين بالكتير وافسخ ام الخطوبه ده .

منه : ده فهد حلو والله مش هتعوضيه .

لينا : اه  والله ومحترم جدا فاكره لما كنا بنلعب سوا استغمايه وكان ميرضاش يمسكنا ويعمل نفسه مش شايفنا علشان منزعلش ..

سيلا : لينا يا حببتي انتي ومنه متسلوش عليا احنا ننزل نغني ونرقص ونهيص وبس كانها بارتي وامرى الي الله ..

قاطعهم صوت طرق الباب وكان جاسر …

جاسر : اذيك يا منه اذيك يا لينا ..

منه ولينا : الحمدلله ياعمو ..

وبعد السلامات استاذنوا وتركوا جاسر مع سيلا .

جاسر : بعيون لامعه تملاها السعاده بدموع  .

سيلا :  طبعا جاي تباركلي .

جاسر : لا ، و اخدها في أحضانه جايه اقولك لو مش عايزه الخطوبه مش مهم  .

سيلا : بتعجب رفعت راسها اتجاهه ، بابا انت بتقول ايه .

جاسر : مسح الدمعه التي فرت من عينه ،مش مصدق انك كبرتي خلاص وهتتخطبي وتتجوزي وتبعدي عني .

سيلا : حضنته ، مستحيل ابعد عنك يا بابا ، بس سنه الحياه بقي ..

جاسر : خبطها بخفه علي كتفها ، عايزه تتجوزي ياجذمه .

سيلا : بضحك داعبته بيدها في وسطه ، متكسفنيش بقي يا ميجو .

جاسر : طيب يلا يا حلوه علي تحت مكتوبالك يافهد يا ابن المحظوظه تاخد الجوهره بتاعتي ..

سيلا : نظرت بعين لامعه لوالدها ، بحبك يا بابا .

جاسر : بدموع الفرحه ضمها ، بموت فيكي يا شقيه .. بكره لو اتاخرتي علي الشركه هخصملك اسبوع .

سيلا : بدهشه ، ايه .

جاسر : بضحك ، بهزر .. ويلا علشان متتاخريش علي ابن المحظوظه تحت …

سيلا : رفعت يدها تداعب ذقن والدها ،يا ميجو يا قلبي.. فهد ابن محظوظه فعلا علشان هيناسب جاسر احمد الحديدي مش علشاني  .. وبمكر مصطنع قلتلي هتكتبلي فرع العبور امتا .

جاسر : بضحك ،  يلا يا نصابه ..

تركها جاسر وهبط لاسفل داخل الفيلا  وجد دنيا تقف في كورنر  تمسك طبق ورق العنب وتاكل وتاركه الضيوف بالخارج في الحديقه ..

جاسر : دنيا ، انتي مش لسه واكله؟

دنيا : والاكل بفمها ، اه لسه واكله. وهاكل كمان .. وهو أنا باكل عشان مين مش عشان ابقى ملبن وعينك متبصش بره.

جاسر : بضحك ،  خطوبه بنتك النهارده انتي مش واخده بالك ياملبن  .

دنيا : بتذمر تركت الطبق ، مش بدوق الاكل اللي الطباخ عامله اشوفه مظبوط ولا ايه ثم انا مكلتش من الصبح .

جاسر : اقترب منها وبهمس ، طيب ما تحطيلي طبق اصل انا كمان مكلتش من الصبح ..

دنيا : بضحك  ، اعطته طبق ورق العنب ، كل اليوم لسه طويل …

وتركته دنيا وخرجت لترحب بالضيوف الذين وصلوا يوسف وفهد ونهي وعائلتها  ، و معتز وشريف وجاسر اول الحضور … و وصل شريف وسمر ومعاذ  .

دنيا : سمر اذيك عقبال معاذ ..

معاذ : مبروك يا طنط دنيا .

دنيا : الله يبارك فيك ياحبيبي عقبالك .

شريف : مبروك يا دنيا جاسر فين .

دنيا : بيدوق ورق العنب .. اقصد جاي ..

شريف بضحك انا هروح اسلم علي يوسف وذهب هو ومعاذ اتجاه يوسف وفهد .. 

سلمت سمر علي نهي وساره ، ورجعت وجلست  علي احدي الترابيزات ومعها دنيا .

سمر : ايه يادودو الحلاوه والشياكه دي اللي يشوفك يقول عليك العروسه .

دنيا : بسعاده ، عقبال معاذ وانتي شكلك قمر والدريس تحفه .

سمر : لوت فمها المهم القلب .

دنيا : فيه تاني يا اوس النكد .

سمر : انا نكد طيب والله ما هقولك حاجه تاني .

دنيا : هو شريف زعلك .

سمر : لا طبعا .

دنيا : اومال مالك قالبه وشك ليه .

سمر : من اللي حاسه بيه.

دنيا : اه شريف برضو .. طيب  هو  مبحبكيش مثلا .

سمر : بحبني وبيعملي كل حاجه نفسي فيها بس لما انا  بطلبها  نفسي يفاجاني يكون في بينا إثاره ، غير طبعا الروتين اليومي الشركه والاكل والمصاريف ومعاذ .

دنيا : بسخريه عايزاه يفاجاك هيفاجاك ياحببتي في تفاصيل الطلاق عايزه المفاجاه في المحكمه واشهار وكده ولا سكيتي.

سمر : انتي علي طول كده كبتاني .

دنيا : لا بفوقك من العصافير اللي في دماغك دي احنا في خطوبه بنتتي وانتي بدورى علي النكد ..

سمر : ما انا معنديش حد اتكلم معاه ما بصدق اشوفك بابا وماما الله يرحمهم ونور اختي سافرت ايطاليا واخويا علي طول مسافر .

قاطعهم دخول ساره عليهم .

ساره : لدنيا ، ام العروسه اللي شكلها اصغر من العروسه مش تقوللنا علي الروتين بتاعك يا دودو .

سمر : بضحك ، كنت لسه بقولها اهو .

دنيا : انتوا جايين تقروا عليا بقي.

ساره : جلست وبصت لسمر وبسخريه ،  انا اخرى صابونه نابلسي اغسل بيها وشي .

سمر : بضحك ، يا خايبه السر مش في الروتين السر في جاسر مش زي رجالتنا .

دنيا : اوووبا ، شكله مش هينام النهارده في اوضتنا .

سمر وساره بصوت واحد  : انتوا بتناموا في اوضه واحده .

دنيا : بصنلهم بتعجب ، مش ده الطبيعي بتاع اي واحده ولا انا فاهمه غلط .

سمر : انا شريف علي طولى خناقات بسبب تاخيره وبينام علي الكنبه .

ساره : ومعتز بيجي هلكان بيكسل يطلع فوق فبيستقرب اوضه الضيوف تحت وينام فيها .

دنيا : مدت يدها ومسكت خشب الترابيزه ، وبخوف مصطنع ، الله اكبر الله اكبر .. انتوا ايه اللي جابكم …

بالاتجاه الاخر تجلس نهي ومعها  هانم ورشا ومرات حسن سعاد 

رشا : وياترى العروسه شكلها ايه حلوه كده زي امها .

نهي : بسعاده زي القمر مش عروسه ابني .

رشا : بتذمر ، مبروك .

نهي : مالك يا بت بتقوليها من غير نفس ليه كده مش بنتك اللي قالت في واحد زميلها هيجي يتقدملها يعني فهد مش في دماغها .

هانم : رشا اتلمي وباركي لاختك حلو .

رشا : وانا قلت حاجه يا ماما .

سعاد : لنهي ، سمعت انك قضيتي يومين في بورسعيد راجعه وشك منور .

نهي : بسخريه علي اغنيه حسين الجاسمي، اصلي لقيت الطبطبه وانتي ملقتهاش يا سعاد.

سعاد : : الطبطبه بس ، عقبال عندك لقيت المرمطه والبهدله ونكد خميس وجمعه .

رشا : نكد خميس وجمعه دا انتي ربنا بحبك .

نهي :  بسخريه ، وانتي كنتي مستنيه ايه من واحد اسمه حسن.

سعاد  : ابدا يا اوختي كنت مستنيه الفسح والخروج لقيت الرنجه بتتسخن بالليل  ،  والفسيخ بيتاكل مع الرز …

نهي : بسخريه رنجه بالليل وفسيخ مع الرز جربتوا العدس بالدمعه يا بت ولا لسه ..

هانم  بسخريه : يادي الشيله ويادي الحطه رحنا علي جمل وجينا علي بطه ، هو مفيش اكل ولا الهالومه دي كله والاغاني والفيلا ده كله علي الفاضي ..

رشا :  بسخريه ، احمدي ربنا ياماما غيرك ملاقيش كتكوت يجي عليه احنا نروح نسوي البطه اللي في التلاجه ونعمل جمبها حله ورق عنب ونتعشا في بيتنا بكرامتنا .

نهي : في ايه يا ماما هي مش دنيا جت وقالت لنا نقوم نتعشا وانتم قلتم لا بعد الحفله ما تخلص .

هانم : تجاهلتها ونظرت لسعاد ، وسميحه حماتك عامله ايه معاكي يا سعاد ، حلوه معاكي يابت ولا زي ماهي  حاطه مناخيرها في كل حاجه .

سعاد  : لوت فمها بسخريه لو كانت الغله قد التبن لكانت الحما حبت مرات الابن .

نهي : بضحك ، شكلك معبيه يا سعاد وساكته .

سعاد : شاربه المر مرارر طااافح يا ختي خليني ساكته احسن.

 

رشا : لسعاد ، انتي كده وسلكته ده انتي شردتي الراجل وامه ، وبصت لنهي مش كفايه حسن لا وامه كمان ،  دا انتي ربنا نجدك….

نهي : ياااختي متفكرنيش ..

بالاتجاه الاخر يجلس جاسر مع معتز وشريف ويوسف وبالجهه المقابله يجلس فهد وبدر وياسين وخالد وآدم  وجاسر ابن معتز ومعاذ جميعهم علي ترابيزه واحده .

بدر : مبروك يا فهد منور يا ابو نسب .

فهد : لبدر ، عقبالك .

خالد : لا انا الاول .

آدم : لا لا انا قبلكم …

جاسر : لياسين ، وانت منفسكش تتكلم كمان .

ياسين : لا انا زي العصفور اتنطط علي كل شجره شويا هو في احلي من الحريه .

شريف : لياسين  ، هيييح فكرتني بشبابي ياسونه انت واخد جيناتي يالا بس علي كده بتختار حلو ولا ذوقك عامل ازاي .

خالد : غمز لشريف بعبث ، انت مش شايف الحفله كلها امامير ازاي .

معتز : لياسين  ، هي البنات دي تبعك .

ياسين : وحياتك يا عمو معتز طيب وحياتك انت يا عمو شريف هيتجننوا عليا بس علي مين ولا معبرهم  .

جاسر الصغير ، وفي الاخر هتدخل القفص زي عمك شريف قدوتك .

ياسين: انتوا بتحبطوني ليه .

يوسف : وانت يا بدر مفيش حاجه كده ولا كده .

بدر : فيه طبعا وجايه الحفله النهارده السواق راح يجبها .

جاسر : دي اللي قلتلي عليها اخيرا هنشوفها اللي مطيره النوم من عنيك ومبقتش اشوفك في الشركه .

بدر : بسعاده ، طيب والله يا مجاميجو لو شفتها هتنبهر .

جاسر : وانت يا معاذ مفيش حاجه انت كمان كلهم بتكلموا علي انجازاتهم وانت ايه .

معاذ : بابتسامه ، لا انا مليش في كده .

شريف : بكره يبقي ليك وتحب ونفرح بيك بص شايف الشباب دول انا هقولك حاجه واحده بس خد ياسين قدوه ليك .

جاسر : انت بدل ابنك على الفساد .

ياسين : بتذمر ، ماشي يا بابا انا فساد ..

ثم لمح چانيت تدخل تردي فستان اسود مقفول من اعلي وقصير ميني جيب من اسفل، استاذن انا بقي علشان الصاروخ وصل.

شريف : كاد ان يلمحها فقد اختفت وسط الحضور ، يخرب عقلك يا ياسين  الواد بلاقي البنات دي فين ..

لمحت دنيا چانيت فذهبت لتسلم عليها .

دنيا : نورتي يا حببتي ، اهو ياسين  جه .

ياسين : ايه الجمال ده .

چانيت : انا جايه بس علشان خاطرك يا طنط .

دنيا : وانتي نورتيني ياقلبي.

ياسين : لچانيت ، وانا ايه فرااغ .

دنيا لمحت بنت جميله بدريس رقيق محجبه وبدر يتجه ناحيتها .

دنيا : طيب استاذن انا .

واتجهت ناحيه بدر وحور ..

ياسين : يخربيتك مش انا يابت قايلك اقفليها من فوق تقومي فتحاها من تحت ..

چانيت : وانت مالك البس اللي البسه انا مش جيالك اساسا .

ياسين : خبطها بكتفه يابت يمكن حالك يتصلح وترتبطي بمعيد في الكليه .

چانيت : ناقص تقول معيد في كليه طب الاسنان .

ياسبن : يمكن .

چانيت : مش استايلي ساسا .

ياسين : ونبي يابت خساره فيكي  انتي تطولي يابت تتجوزي معيد  في الكليه ده يتحط على الجرح يطيب هو بس الزمن اللي جار علينا حبتين تلاته عشره كده وخلاني ابصلك  ..

چانيت : بضحك ، مستحيل .

خالد : ما انتي اخرك ترتبطي بواحد بيسرح النمل  علي قفاه.

چانيت : يع ايه القرف ده .

خالد : مثلي ياختي مثلي وانتي زي لهطه القشطه كده ..

بالاتجاه الاخر 

بدر : قمر ،  زي الملايكه .

ومد يده وسلم عليها .

حور : مدت يدها وسلمت عليه ، مبروك .

دنيا : قاطعتهم ، ايه القمر والله طلعت بتعرف تختار يا بيدو .

بدر: بسعاده ، ايه رايك يا ماما مش زي القمر يوم اكتماله .

حور : نظرت للارض بخجل .

دنيا : مدت يدها وسلمت علي حور ، انا دنيا مامت بدر علي فكره بدر مبيبطلش كلام عنك .

حور : بسعاده بدر بس ببالغ .

دنيا : بعد ما شفتك له حق يتسحر بيكي .

حور : شكرا يا طنط جدا .

دنيا : لا طنط ايه انتي تقوليلي يا ماما علي طول …

حور : بسعاده ، حاضر يا ماما ..

 

هبطت سيلا الي الحديقه وابهرت الحضور بجمالها ورقتها 

في الكوشه 

فهد : هو انتي حلويتي ولا بتهيالي .

سيلا : احنا هنبتديها معاكسه .

فهد : انا خطيبك علي فكره .

سيلا : وده يديك الجراه انك تعاكسني .

فهد : انتي عبيطه يا بت .

سيلا : اتلم ياض.

فهد : ياض !!  هو آدم كان عنده حق ولا ايه .. 

سيلا : وهي تجلس بدات تغني وتردد الاغاني مع حسين الجاسمي الذي كان يحيي الخطوبه 

سيلا : حبيبي بالبُنط العريض ..غالي واقرب م الوريد

حالتي تتشخص جُنون .. بيقولولي أنا بيك مريض

فهد : بسعاده لسيلا ، هو انتي واقعه قوي كده .

سيلا : لا دي اغنيه علي فكره .

فهد : بضحك ما انا عارف .

سيلا بدات تتحرك لتقف وترقص فمسك يدها فهد ، رايحه فين .

سيلا : رايحه ارقص .

فهد : ده عند امه .

سيلا : يعني ايه هي دي مش خطوبتي  

فهد : لما تبقي قاعده جمب كيس جوافه .

سيلا : بتذمر ، يعني مش هرقص .

فهد : لا مسمحلكيش عايزه  الناس يتفرجوا عليكي وانتي بتهزي ما اقوم اطبلك بالمره .

سيلا : علي فكره مفيش حد غريب .

فهد : ومعاذ ابن عمو شريف وجاسر ابن عمو معتز وعبدالله ابن خالتي دول ايه محرم .

سيلا : عاااااا .

بدر وهو سرحان في عيون حور غنيلها ، أتاري كُل ما أحب فيك ..بدمنك وبقيت مزاج.. أتلحق بقى دي في إيديك

ما أنت في لُقاك العلاج ..

حور  ابتسمت بخجل ..

بدر : يخربيت جمال رقتك ، بحبك ..

حسين الجاسمي : يغني مقطع آه لقيت الطبطبة ..وأقوى لو منتش بعيد..

ياسين : نظر لدريس چانيت من اسفل وهو يبرز ساقيها واقترب منها بهمس، مش هنلاقي الطبطبه احنا كمان ولا ايه.

چانيت : رفعت سبابتها امامه بتخحذير علشان تلاقي الكهرباء.

ياسين : بعد عنها بخوف مصطنع ، لا وعلي ايه خلينا في السليم ..

شريف وهو يقف  بشرود  وهو يشاهد چانيت تخيلها ارسيليا فاقترب منهم و وقف امامها وهو ينظر لها بشده .

ياسين : عمو شريف .. عمو مالك .

چانيت : بتعجب من نظرات شريف نظرت له ولمسها شعور حنيه لم تعلم مصدره .

شريف : بحب همس، ارسيليا .

ياسين : عمو دي چانيت عندي في الكليه .

شريف : اه انا اسف اصل فيكي ملامح كبيره جدا من واحده اعرفها …

چانيت : بابتسامه اومأت راسها ..

دنيا هي الحفله مالها ساكته ليه كده واشارت لجاسر فاتي لها ومسك يدها .

دنيا : اشارت لسمر وساره ونهي ومنه ولينا وحور  ، يلا .

فأتوا جميعا ليرقصوا حوالين فهد وسيلا 

وجاسر اشار لشريف ومعتز وجاسر وباقي الشباب .

فاتوا جميعا وبداوا بالرقص .

البنات جذبوا سيلا من جانب فهد .

سيلا : بهزار اخرجت لسانها لفهد .

فهد : بتوعد ،  ماشي ياسيلا .

فاقتربت منه سيلا وجذبته معها وبداوا بالرقص والغناء جميعا.

-- ضحكتك فيها كهربا ..ببقى زي واحد جديد

جاسر : لدنيا  آه لقيت الطبطبة.. وأقوى لو منتش بعيد

بدر : لحور وهي تبتسم معهم  وتمسك يدهو ، ضحكتك فيها كهربا ..ببقى زي واحد جديد

شريف : لسمر وهو يمسك يدها .حبيبي خدها ومني ليك ..مشتريك آه مشتريك

فوق ما تتصور كمان ..والوحيد ولا ليك شريك..

سمر : كداب .

شريف : بسخريه ، عايزه شريك .

خالد : لمنه ، لو أنا هوصفك أوصف إيه؟ عُقد فُل أبيض وفيه

آدم : ل لينا ، قلب بيدلدق حنان ..مِـلكي بقى وأنا أدرى بيه.

ياسين : لجأنيت ، آه لقيت الطبطبة ..وأقوى لو منتش بعيد .

جميعها بصوت واحد ، ضحكتك فيها كهربا … ببقى زي واحد جديد.

#الجزء_الثالث ح ٩ 

البارت ده مسخره السنين بكل ما تحمله الكلمه هتعملوا لاااف تلقائي كده 

في فرنسا في الشركه تحديدا ..

منار : هتسافر معانا مصر يا زياد .

زياد : انتي خلاص قررتي تنزلي مصر .

منار : جاي عريس لاختك هنزل شويا واشوف موضوع العريس ده وبعدها ارجع فرنسا .

زياد : بس  حور لو اتجوزت في مصر كده هتستقر هناك ومش هترجع تاني هنا .

منار : انا اصلا تعبت منها ومن طريقتها ومن حياتها ، تتجوز وتستقر بدل ما هي معترضه علي كل حاجه في حياتي زي ما تكون هي اللي مامتي مش انا اللي مامتها واهي في الاخر برضو هتتجوز واكون اطمنت عليها بس لما اشوف العريس الاول واشوف اهله .

زياد : وبابا وائل هيسافر معاكي ولا هيفضل هنا  .

منار : لسه لما يشوف ظروفه .

زياد : قصدك يصفي حساباته مع المافيا .

منار : بخضه ، انت عرفت ازاي .

زياد : بتوتر ، لا ابدا معرفش انا بس كنت تخيلت انه بتكلم في حاجه زي كده مش اكتر .

منار : بغضب وقفت ومسكت زياد من قميصه ، لو عرفت ولا شكيت انك ليك علاقه بشغل وائل ولا دخلت في السكه دي هخلي يومك اسود سامع .

زياد : بعد يدها عنه بضيق ، في ايه يا ماما هو انا صغير بطلي تعامليني بالطريقه دي انا كبير وراجل وبعرف اتصرف واخد قراراتي .

منار : بخوف ، انا خايفه عليك السكه دي شمال انت مش فاهم حاجه ،الغلطه في السكه دي  برقبتك وانا واختك ملناش غيرك ، وائل مش زي ما انت متخيل انه مثالي ومبيغلطش وائل لو حد وقف في سكته بيتحول لشيطان غوول ..

زياد : ولما انتي عارفه كده اتجوزتيه .

منار : ظروف .. ظروف وملقتش غيره قدامي لو كنت سبته في وقتها كنت ضعت انا وانت واختك مكنش قدامي غيره كان لازم الاقي حد يسندنا بعد ابوك ما سابني وخسر كل حاجه بسبب جاسر الحديدي اللي كان السبب الرئيسي في هجرتنا .

زياد : من واحنا صغيرين وبتقولي جاسر الحديدي انا بكرهه الراجل ده ونفسي اكبر واكبر وامسحه من السوق كله .

منار : جلست ، خلاص اللي فات مات ومبقاش فينا حيل اننا نحارب حد ،ثم نظرت له بحب ممزوج بخوف يمكن لو مكنتوش انت واختك في حياتي كنت وقفت وحاربت بس انل خايفه عليك ، ابوك بذات نفسه مقدرش عليه ولا انا ولا حتي وائل بعد ما دبسه مع المافيا وحرقله كل الدولارات في المخزن ومن وقتها واحنا مهاجرين .

زياد : بابا وائل قالي انه هينتقم من جاسر الحديدي ومش هيسكتله .

منار : ملناش دعوه احنا ملناش دعوه بحد افهم هما كبار مع بعض يدوسوا بعض يفرموا بعض ان شاءالله يولعوا في بعض انما انت لا ، انت ابني ولو دخلت في الحرب بينهم انت اللي هتتفرم افهم وميبقاش دماغك ناشفه زي ابوك .

زياد : المهم انتي هتسافرى امتا  .

منار : زياد علشان خاطرى اوعي تعمل حاجه من غير ما تقولي .

زياد : ربنا يسهل ، انا عندي ميتنج دلوقتي  .

وتركها وخرج ودخل وائل ..

منار : بعصبيه  ، انت شغلت زياد معاك يا وائل من غير ما تقولي .

وائل : هو قالك كده ولا ايه .

منار : يبقي شغلته معاك .. وبعصبيه ازاي تشغله انا قيلالك ولادي خط احمر انت عارف اللي بيدخل السكه دي مبخرجش منها  وانا معنديش غير زياد اا…

وائل : قاطعها ، اهدي ابنك هو اللي عايز يدخل وبعدين هو طموح وراجل مش صغير .

منار : انت مجنون انت عايزني اخسر ابني زي ما انت خسران بناتك وبعيد عنهم ومعندكش ولد تخاف عليه …

وائل : قاطعها بعصبيه  منار الزمي حدودك متنسيش اني انا اللي مربي زياد واني بعامله زي ابني واكتر ثم انا ماجبرتوش علي حاجه ..

منار : بشر ، زي ما دخلت  ابني معاك في السكه دي تخرجه ياوائل انا بحذرك .

وائل : والله وصوتك علي وقويتي يامنار وبقيتي تهدديني ، علشان عارفه عني كل حاجه في الشغل وبره الشغل وكمان  بعد ما عرفتي ان نزولك لمصر بقي سهل وان الحكم سقط.

منار : بشر ، كله الا ابني ياوائل .

وائل : بمكر ،ماشي يامنار اللي عايزاه هعملهولك  بس اهدي كده شويا ومتنسيش انك شريكتي في شغل المافيا والاهم قضيه قتلك لابوه قتل  طارق الرويعي وزي ما انتي ماسكه عليا حاجات وبتهدديني انا برضو مش نغه وهسمي عليكي .

منار : بشر ، يوم ما شعره تلمس ابني بسوء مش هيهمني شغل ولا حتى يعرف اني قتلت ابوه .

وائل : بحنق ، طيب اهدي  علشان نعرف نتكلم ونشوف شغلنا وان كان علي زياد انا هعرف اتعامل معاه .

منار : جلست ، وموضوع جاسر اللي قلته لزياد ده ايه .

وائل : وانتي فاكره ان نسيت اللي جاسر عمله فيا وفيكي والسنين دي كلها وهروبنا عيزاني بعد ده كله اسيبه .

منار : معني كده بقي انك نازل مصر علشان تنتقم مش علشان عايز  تنزل معايا .

وائل : عايز اعرف السوق والوضع ماشي ازاي لما سالت عرفت ان اسم الحديدي كبر وكبر قوي في المنطقه عايز ادور علي صغره انهي حياته بيها .

منار : لكن انا مش معاك يا وائل .

وائل : ايه !!  انتي حنيتي ولا ايه .

منار : اللي حصل حصل واتخطيناه  وكبرنا ومبقناش محتاجين حاجه منه انا خايفه علي اولادي .

وائل : مش بمزاجك يامنار زي ما انتي شريكتي في كل حاجه هتبقي شريكتي في الانتقام من جاسر .

منار : بحيره ، مش وقته انا هروح اخليهم يحجزوا تذكرتين لمصر واظبط شويه حاحات في الشركه قبل السفر وانت متنساش موضوع زياد ..

وتركته وخرجت من المكتب فخرج وائل هو الاخر خلفها  وذهب اتجاه مكتب زياد فوجده في ميتنج فدخل عليه المكتب .

زياد : بدهشه ،بابا .

وائل : اشار لرجل الاعمال الذي مع زياد بالخروج ، لو سمحت محتاج اتكلم مع زياد .

رجل الاعمال : بس انا لسه متفقتش مع زياد بيه علي التفاصيل .

وائل : بغضب لرجل الأعمال ،برررره .

فخرج رجل الاعمال بسرعة وأغلق وائل باب المكتب بالمفتاح واتجه بغضب ناحية زياد .

زياد : بتعجب ، في ايه يا بابا .

 وائل بغضب صفعه بقوة على وجهه .

زياد : بدهشه والم  وضع يده مكان الصفعه ، في ايه .

وائل : الراجل اللي مفروض يكون راجل لما يوعد لازم يوفي وانت النهارده اثبتلي انك لسه عيل .

زياد : انا عملت ايه .

وائل : رايح تقول لمنار علي اللي بينا ليه ، مش نبهت عليك قبل كده اللي بينا ميخرجش لتالت بس خلاص انت من اللحظه دي بره حساباتي .

زياد : انا مقلتلهاش حاجه هي اللي حاولت توقعني في الكلام ولما جت سيره جاسر انا اتنرفزت وقلت لازم انتقم منه .

وائل : جاسر جاسر انا مش هخلص منه بقي ، وانت تبعد عن الشغل بتاعنا انا مبشغلش عيال معايا .

زياد : ايه اللي بتقوله ده انا مش هغلط تاني بس خليني معاك.

وائل : بمكر ، مبقاش ينفع بعد منار ماعرفت .

زياد : بابا ارجوك خليني معاك وانا اوعدك مهما يحصل مش هقولها اي حاجه .

وائل : بمكر ، وعد .

زياد : اه وعد .

وائل : بحنق ، لو سالتك هتقولها علي اللي حصل ده واني ضربتك يس علشان متكملش في السكه دي واعمل نفسك زعلان منها علشان انا ضربتك و زعقتلك .

زياد : بسعاده ، ماشي .

وائل : تمام ..

                    ★★★★★

في منزل يوسف علي الغداء تحضر نهي ومنه الطعام في المطبخ .

نهي : اومال ايه النظرات اللي بينك وبين خالد دي ده الواد كانت عينه هتطلع عليكي .

منه : توترت  بسعاده ، عادي ياماما معرفش .

نهي : عادي ومعرفش لا يبقي في ان ، ايه الحكايه يا بت هو الواد خالد كلمك في حاجه .

منه : لا والله يا ماما خالص دي سيلا اخته كانت لمحتلي قبل كده انه معجب وعايز يخطبني .

نهي : يالف نهار ابيض بجد يا بت .

منه : بس انا قلتلها لا لما اخلص دراستي .

نهي : يا خيبتك و وقعتك السوده ليه .

منه : ايه ده انتي عايزاني اتخطب لخالد عادي كده .

نهي : ومتتخطبلهوش عادي ليه ناقصك ايد ولا ناقصك رجل.

منه : انا كنت فكراكي مش هتوافقي اساسا علشان خالتو رشا قالتلك انها عايزه تخطبني لعبدالرحمن ابنها .

نهي : يا وقعه مهببه والله صح راحت عن بالي فين دي، وبضحك والنبي خالتك رشا لما تعرف انتي وفهد طيرتوا من اديها مش بعيد تطب فيها .

منه : بسعاده ،يعني انتي موافقه يا ماما  .

نهي : مش مهم انا المهم انتي عايزه مين انتي اللي هتعيشي معاه مش انا .

منه : بسعاده وكسوف ، لا انا مش عايزه حاجه .

نهي : هو انتي ياخايبه  بتتكلمي مع خالد كده .

منه : كده ازاي يعني  

نهي : بكسوف و وشك يحمر لما يكلمك ،  كده يا هبله الواد يطير منك .. انتي تخليكي عينك قويه متبقيش زي البسكوته اللي  لما تندب في كبايه الشاي تدوب وتوه .. انتي تخليكي زي رغيف الفينو ينزل في كوبايه الشاي يشفطها ويطلع .

منه : بضحك ، ازاي كده .

نهي : تبقي جريئه وقويه وتردي كده ، الزمن ده مش عايز الكسوف  بتاعتك واحده تدخل عليه تخطفه  منك علي طول .

منه : لا خالد مش بتاع الكلام ده .

نهي : وقالك هيكلم ابوكي امتا .

منه : كلها شهرين علي التخرج يا ماما مستعجله علي ايه .

نهي : اهم يادوب امهد لخالتك رشا فيهم دي لسه مخرجتش من صدمه فهد .

منه : بضحك ، طيب الحقي مهدي وفكرى لما اغرف الاكل واحطه …

                    ★★★★★

بعد الغداء ذهب فهد الي شركه الحديدي ، بعدما سلم علي جاسر وخالد وادم ذهب لمكتب سيلا .

سيلا : بتعحب فهد .

فهد : جاي اعمل عليكي كبسه .

سيلا : لا خفيف .

فهد : وحشتيني يا بت مالك قلت اجي اوصلك واهو ندردش شويا .

سيلا : ايييييه يا عم وحشتك دي انت جرا في دماغك حاجه .

فهد : عم !!  ده واحنا مش مخطوبين مكنتيش بتكلميني كده بالطريقه دي ، مالك .

سيلا : اه صح سورى نسيت اننا مخطوبين ، اصلك برضو يعني داخل عليا بدور السهوكه وحشتيني وندردش وانا لسه مدخلتش في المود .

فهد : بضحك ، هو انتي من الناس اللي بيتحضر لها ويتمهدلها .

سيلا : ايووووه بالظبط كده براحه براحه بشويش بشويش هوووب ادخل في المود .

فهد : بضحك ، هتموتيني كفايه ، طيب مساء الورد مساء الجمال مساء الرقه والدلال مساء الهنا والحب .

سيلا : مساء الزفت يافهودتي .

فهد : بصدمه الزفت وفهودتي ، طب ازاي .

سيلا : بدلعك ، وبالنسبه للزفت دي من ضمن الدلع يعني ولا ايه .

سيلا : بسخريه ، لا دي مناغشه .

فهد : ليه كده يا حببتي هو في حد بيكلم حد كده .

سيلا : اصل بصراحه كده انا مليش في شغل السهوكه والرومانسيه ده .

فهد : فتزفتيها يا سيلا تزفتيها في وشي كده .

سيلا : انت ورزقك بقي.

فهد : اومال ايه بقي معجبه وبتحبيني والكلام ده .

سيلا : بتوتر ، لا ما انا معجبه بيك علشان راجل كده هيبه وحش وكاسر كده مش عيل سيس اصل عيب عيب علي دمك بجد..

فهد : عيب وسيس  ما تقومي تضربيني احسن يابت .

سيلا : لا لا لا مش لدرجادي متوصلش لكده .

فهد : مسح يده علي ذقنه ، ايه الخطوبه اللي ما يعلم بيها الا ربنا دي .. ثم اخذ نفسا سيلا ..سولي .. سوسو ...

سيلا : انت بتكلمني .

فهد : بص حواليه هو في حد معانا هنا في المكتب ولا انا مبشوفش ولا ايه النظام .

سيلا : اصلك بتقولي سولي وسوسو ناقص تقولي صو صو صو .

فهد : الله ما صبرك ياروح .. مش مخطوبين وبدلعك ..

سيلا : اه بدلعني .

فهد : انتي زعلانه من حاجه في حاجه مضيقاكي مثلا ولا في ايه .

سيلا : لا بس المرتب خلص ولسة تلات اسابيع عالقبض.

فهد : بصدمه ضرب يده علي راسه ،  مرتب ايه وخلص ايه انتي هتجننيني يا بنتي .

سيلا : لا ميغركش اني بنت جاسر الحديدي وكده انا باخد مرتب زي زي اي في الشركه وانت عارف بقي كل حاجه بتغلا وفي الزايد تخيل تخيل بطلب علبه فاونديشن الاقيها ١٨٥٠ جنيه ومن شهر كانت ١٤٥٠ زادت ٤٠٠ جنيه في شهر هلاحق انا علي كده .

فهد : بقي هو ده اللي قالبك كده ومعكنن مزاجك قوليلي قوليلي من الصبح ياسيلا وانا اجبهالك . واخرج من جيبه الفيزا واعطاها لها خدي الفيزا بتاعتي هاتي اللي نفسك فيه .

سيلا : لا هو انا بقولك كده علشان تديلي فيزتك .

فهد : بابتسامه ، خدي خدي وكمريها بس معاكي قبل ما ارجع في كلامي .

سيلا : بضحك ، والله .

فهد : بابتسامه ، بجد. هاتي كل اللي نفسك فيه .

سيلا : بمكر مصطنع ، هي فيها كام بالظبط .

فهد : بسخريه ،انتي ناويه تقلبيني ولا ايه .

سيلا : بضحك ، دا انا اوزنك فلوس .

فهد : بغضب وملامح حاده ، لا اوعي اسمعك تقولي كده تاني .

سيلا : انت قلبت كده ليه .

فهد : انا اهزر معاكي في كل حاجه الا انك تحاولي تتكبرى عليا ولو حتي بهزار .

سيلا : انا مقصدش حاجه علي فكره انا  بهزر .

فهد : ولا حتي كلام  بهزار يا سيلا .

سيلا : طيب يلا انت مش جاي توصلني قوم خلينا نمشي .

فهد : وقف ، خدي الفيزا والباص ورد  رقمه ******.

سيلا : لا انا كنت بهزر علي فكره مش محتاجه حاجه من حد.

فهد : بحده ، خددددي .

التقطتها سيلا بخوف علي الفور .

فهد : خليها معاكي واي حاجه تحتاجيها تجبيها منها .

سيلا : بس انا ..

فهد : قاطعها ، سمعتي قلت ايه ،  انا معايا غيرها خليها معاكي.

وضعت سيلا الفيزا في شنطه يدها وذهب ليوصلها بسيارته .

في السياره بعدما وصلوا .

فهد : بما ان عربيتك في الشركه فانا هاجي اوصلك الصبح الشركه .

سيلا : لا انا هخلي السواق يجيبها او اروح بكره مع آدم في عربيته .

فهد : بصلها بابتسامه ، لا انا اللي هوصلك علشان اصبح عليكي ، وبتحذير من غير زفت .

سيلا : بضحك ، انت ورزقك بقي ، انا هنزل .

فهد : ايه ده مفيش اتفضل  تعالا اشرب شاي .. كوبايه مايه ساقعه حتي .

سيلا : بضحك ، انت طموحك عالي قوي وصل للسقف اتفضل وتشرب كمان ..

فهد : بدهشه ،هو انا وقعت وامي مسمتش عليا ولا ايه ، بسخريه  مالك يا سيلا هي فيزا واحده مش مكفياكي ولا ادخل ادفع تمن الشاي جوه ولا ايه بالظبط في ام اليوم ده .

سيلا : بضحك ، نزلت من السياره وبصتله من شباك السياره هو انت بجد عايز تشرب من الشاي بتاعنا .

فهد : هو في سم ولا ايه .

سيلا : بضحك ، اصل انا لسه متغدتش .

فهد : قشطا ندخل نتغدا سوا .

ولسه بيفتح الباب وهينزل .

سيلا : ايييييبييه يابا تدخل فين البيوت ليها حرمه .

فهد : التفت لها ، هو في حرمه غيرك يا مجنونه هنا ، ثم اني يا ما دخلت البيت  وياما كلت في البيت عندكم مالك يا بت .

سيلا : بكسوف مصطنع ، اصل انا هتكسف اكل قدامك .

فهد : بابتسامه ، ليه .

سيلا : اصلي بحب اشمر دراعي واشرب الشوربه من الصلطانيه علي طول في بوق واحد  وامزمز واعمل صوت وانا بشرب علشان استمتع .

فهد : روحي منك لله يا بعيده وانا اللي طول الليل احلم بام اول مقابله تكون بيني وبينك لوحدنا .

سيلا : ايه ده انت زعلت ، طيب تعالا اتغدي ومتزعلش .

فهد : امشي يا بت من قدامي ..

وادار السياره فاعطته سيلا ضهرها .

سيلا :  الحمدلله طفشته ..

رجع فهد بضهر السياره ، هجيلك بكره الساعه تسعه الصبح.

سيلا : شهقت بخضه ، انت لسه مطفشتش .. اقصد انت لسه هنا .

فهد : غمز لها بعبث ، يارتني كنت مكان طبق الشوربه وتمزمزي فيا واعطاها قبله هوائيه . 

سيلا : ياسافل .

تركها فهد بضحك  وذهب .

سيلا : تمتمت بضحك ، لا سافل يجي منه ، اهو ده اللي يستاهل الشقط بجد زي الكتالوج ما بقول انا كنت مش شيفاه ازاي ده ..

بداخل الفيلا قبل بدر والدته وهي تجلس .

دنيا : حبيبي ، عشر دقايق والغدا يكون جاهز .

بدر : لا مش جعان انا خارج .

دنيا : اممم مش جعان وخارج وده مش ميعاد شغلك ، شكلك هتتغدي بره يا نمس .

بدر : دايما فهماني صح يا دودو ياقمر .

دنيا : مع حور .

بدر : بتنهيده  ، هو في غيرها .

دنيا : سلملي عليها ..

-- الله يسلمك 

خرج بدر ودخلت سيلا .

دنيا : مش فهد اللي كان بره ده ، مدخلش يتغدا معانا ليه ومشي بسرعه كده .

سيلا : القت شنطه يدها علي الاريكه وجلست ،يظهر وراه شغل .

دنيا : مش تعزمي علي خطيبك يا سيلا .

سيلا : انتي هتصدقي اللعبه دي يا ماما .

دنيا : لعبه ايه يا مجنونه انتي ، انتي عقلك طاقق فهد خطيبك.

سيلا : طيب طيب خليهم يحطوا الغدا انا جعانه قوي .

دنيا : باباكي واخواتك زمانهم جايين اطلعي غيري لحد ما يجوا …..

                      ★★★★★

ذهب بدر  الي المستشفى التي تعمل بعا حور وجدها تمسك يد رجل كهل  نائم وتقيس له الضغط .

بدر : بغيره ، سحب يدها انتي بتعملي ايه .

حور : بدهشه بدر بقيس الضغط .

بدر : مد يده وسحب الجوانتي من علي الترابيزه التي بجانب السرير واعطاه لها ، البسي جلافز .

حور : بتعجب ، ليه .

بدر : علشان ايدك يا هانم اللي عماله تفعص في الراجل 

المريض : دا انا قد ابوها يا بني .

بدر : بحده ،اسكت انت يا عم الحج دلوقتي .

المريض : بخوف ، حاضر .

حور : اقتربت لبدر بهمس انت اتجننت احنا في مستشفي عايزهم يطردوني .

بدر : اخرج ورقه  من جيب بنطلونه الخلفي وفتح الورقه امامها وكانت عقد شراء المستشفي  باسمه .

حور : بيع  ايه ده .

بدر : انا مديرك يا هانم واسمعي الكلام وخلي بالك هتلاقيني ناططلك بمناسبه ومن غير مناسبه هنا .

حور : بضحك ، تناولت الجلافز وارتدته لتقيس الضغط للمريض .

بدر : جذبها من يدها على بعد خطوات .

حو : بتعمل ايه تاني يا مجنون .

المريض : اتتوا هتسبونى اموت ولا ايه ..

بدر : اسكت انت يا حاج .

المريض : حاضر يا بني .

بدر : من اللحظه دي مكانك مش هنا .

حور : ايه هتطردني من هنا ولا ايه .

بدر : هطردك من هنا اطلع فوق .

حور : فوق فين .

بدر : مديره المستشفي ما انا مش هقدر اشوفك كل شويا تمسكي ايد حد .

حور : انا دكتوره علي فكره  ، وبهزار وفي ايدي جلافز .

بدر : برومانسه ، اموت في الجلافز اعشق الجلافز ادوب في الجلافز .

المريض : ما تدوني جلافز .

بدر : انت باصصلي في جلافزي ياحج .

وسحب حور وصعد لمكتب المدير.

حور : بضحك ، اشارت للطبيب ان ياخذ مكانها .

في المكتب 

بدر : بحبك .

حور : بتحبني ولا بتشفق عليا .

بدر : بسخريه ، ده لما اقولهالك وانتي في العنايه المركزه او وانتي نايمه معلقه جلوكوز ابقي وقتها هقولك بحبك ياحور وحيات المحلول اللي انتي معلقاه ده انا ما حبيت غيرك ، انتي عبيطه يا بت بقولك بحبك تقوليلي شفقه .

حور : ضحكت بحزن ، اصل انا مليش حد لا حبيب ولا قريب ولا حتي غريب طول عمرى لوحدي ..

بدر : كئييييبه كوئب السنين ياخراااابي ، بقولك بحبك وعايز اتجوزك ..

عيني  عليك يابدر بقالك سنين بتحلم باليوم ده وهي تقولي لا قريب ولا غريب .

حور : قاطعته ، طيب عايز تجوزني ليه .

بدر : علشان ابوس في الحلال ..

حور : اييييييه .

بدر : بسخريه ، اه ما انا ناقص شلل فاتتي جايه تشليني ياحور ..

حور : ضحكت بكسوف .

بدر : برومانسيه ، ما هو ده سؤال ميتسالش  انتي عمرك ما رحتي عن بالي دقيقه ياحور ، صورتك دايما في بالي صورتك في جيبي مفارقتنيش لحظه .. الوقت اللي يكون فاضي فيه برسمك علشان ملامحك تفضل محفوره قدامي ..انتي وعدتينيى وعد واحنا صغيرين بس للاسف اتخليتي عني وابعدتي ، بس  لما كبرنا انا اللي هنفذ الوعد ده  فاكره وعدك .

حور : بحب، مهما حصل مش هسيبك .

بدر :  بحب ، مهما حصل مش هسيبك ،بحبك وهفضل احبك ومهما حصل وممكن يحصل مش هسيبك تضيعي مني .

حور : منقدرتش انفذ وعدي علشان كنت لسه صغيره .

بدر : وهتفضلي صغيره في عيني وعمري ما هسيبك  .

حور : علي فكره ماما هتنزل مصر بكره ، وبتردد اه ..

بدر : قولي خايفه من ايه .

حور : بابا ..

بدر : ماله الله يرحمه .

حور : كان نفسي اعرف حاجات كتير ، حاجات حصلت زمان لما انت اتخطفت ويوم سافرنا لما لقيته واقع علي الارض .. هو بابا مات ازاي .

بدر : بتوتر ، علي ما اعتقد سكته قلبيه ، اما بخصوص خطفي ده  اظن كانت خلافات بين العيلتين وعدي عليها سنين كتير .

حور : تفتكر .

بدر : مسك يدها بحب ، اللي فاكره واللي عارفه دلوقتي هو انك جمبي ، انا هكلم بابا النهارده في موضوع جوازنا علشان منضيعش وقت اول ما والدتك تيجي .

حور : سحبت يدها بخجل ، يارب تعدي علي خير .

بدر : هتعدي هتعدي ياحور …

بعدما تغدوا و وصلها الي الفندق ..

ذهب بدر الفيلا وفي المكتب تجلس دنيا وجاسر .

دنيا : ما تقولنا بقي يابيدو في ايه جامعنا كده انا وباباك ولا اللي قاعدين في ميتنج .

جاسر : ضحك بحنق ، شكلك ناوتها ..

بدر : بسعاده ، فعلا يا بابا وعايز اتجوز .

دنيا : وقفت بسعاده وقبلته ، مبروك ياحبيي حور صح .

بدر : اه يا ماما .

دنيا : هنروح نخطبها امتا اهلها وصلوا من السفر .

بدر : اه بكره هيكونوا في مصر .

جاسر : تمام اديني اسم اهلها اسال عليهم وحدد ميعاد معاهم طالما مستعجل كده يا مان .

بدر : ما هو ده اللي عايز اتكلم فيه ، حور اسمها حور طا……..

#الجزء_الثالث  ح   ١٠ 

متنسوش تعملوا لاااف للبارت 

تقف جانيت وهي تتكا بوسطها علي سيارتها ترتدي تيشرت اسود مفتوح الصدر وبنطلون اسود ويزينه حزام ذهبي وكوتشي اسود مزين باللون الذهبي .

اتي ياسين من خلفها مقاطع شرودها .

ياسين : بيقولوا الاسود علي الاسد بيمنع الحسد .

چانيت التفتت له بدهشه : انت موركش غيري بقي .

ياسين : انتي مالك مش  هامك حد كده انتي مش حاسه انك في جامعه وليها وقارها واحترامها .

چانيت : هو الكلام ده ليا .

ياسين بسخريه : ما اكيد مش ليا .

چانيت تطلعت على سيارته التي تقف خلف سيارتها ، هي عايزه تتخبط تاني شكلها كده .

ياسين : ورحمه اهلك لو فكرتي تعمليها لعلقك في وسط الجامعه .

چانيت  عدلت وقفتها وبحده : تقدر .

ياسين مال بجذعه عليها قليلا وبهمس : لا .

چانيت تراجعت بابتسامه : بحسب .

ياسين : تعرفي انك حلوه قوي .

چانيت بثقه  : عارفه وايه الجديد .

ياسين : يخربيت الثقه اللي انتي فيها ، بس بجد جمال فيكي سحر خاص سحر يخطف اللي قدامه … حاجه بتشد وتجذب مش عارف ايه هي .

چانيت : اتسحرت  

ياسين : بابتسامه ، انتي شايفه ايه .

چانيت : شايفه ان ده الطبيعى بتاعك يادكتور لما بتشوف واحده وتعجبك .

ياسين : قرتيني غلط ، مش انا اللي اقف الوقفه دي مع طالبه عندي .. انا لا عمرى عاكست او كلمت طالبه في الجامعه عندي وقدام الكليع كده  .

ثم اتكا علي سيارتها . ده المختلف فيكي عن اي واحده عرفتها قبل كده وعنك .

چانيت  بسعاده : يعني انا مختلفه .

ياسين نظر لها باعجاب ما :  تيحي المك ونتجوز .

چانيت بدهشه  : اييييه .

ياسين : ايه .

چانيت بتعجب  : ازاي انا اتجوزك انت .

ياسين وقف امامها وبسخريه ، اييه مش عاجبك ده انا حتي معيد قيما وسيمه ودكتور اسنان وما ادراكي بدكاتره الاسنان ده اللي يتجوز دكتور اسنان ده يهناها ويبختها ويا سعدها دول كلهم  مميزات  .

چانيت بضحك ، وايه المميزات بقي .

ياسين : راجل نزيه معاه فلوس ملهاش عدد ، راجل بيمشي ب ١٧ فيزا ائتمان في جيبه ،  ضارب الدنيا ميه جذمه يعني هدياكي فسحك برفاناتك لبسك جذمك محنك كهنك كل حاجه هتكون تحت رجليكي .

جانيت : بسخريه ، علي اساس اني معنديش ده كله .

ياسين : لا ما انا مقلتلكيش علي اهم ميزه فيا .

جانيت هزت راسها بعدم فهم .

ياسين : اقتربب منها بجذعه العلوي هامسا ، سافل وهيعجبك.

جانيت  صفعته علي وجهه بعصبيه : حيوان .

ياسين بصدمه وضع يده علي خده اثر صفعتها : يا جذمه .

صعدت جانيت الى سيارتها بغضب وذهبت .

ياسين  ابتسم بتمتمه : البت طلعت مؤدبه ولا ايه .

ثم شرد قليلا وذهب ..

                 ★★★★★

جاسر : تمام اديني اسم اهلها اسال عليهم وحدد ميعاد معاهم طالما مستعجل كده يا مان .

بدر : ما هو ده اللي عايز اتكلم فيه ، حور اسمها حور طارق الرويعي .

جاسر بصدمه : انت بتقول مين .. انت تقصد طارق الرو….

بدر : قاطعه ، اه هو ..

جاسر : انت تجننت انت متعرفش ده مين .

دنيا بتعجب : هو ده اللي كان جوز منار ..

بدر لجلسر : عارف عارف كل حاجه عارف مين طارق وعمل ايه ومات ازاي  ..

جاسر بعصبيه  : مات ازاي ..قصدك اتقتل ازاي يا سياده الرائد ..

بدر : حور متعرفش حاجه وملهاش دعوه بكل ده .

جاسر : انت بتقول ايه انا مستحيل اوافق علي اللي بتقوله ده .. ده في احلامك .

دنيا : انت عايز تجيب منار تاني لحياتنا انت مش عارف حاجه يا بدر  ، وبغيره انت مش فاهم كان بينها وبين باباك ايه .

جاسر لدنيا : بدهشه ، ايه اللي بينها وبيني .

دنيا اكملت حديثها لبدر :  ده كان هيتجوزها ،عايز تفكره بيها تاني ليه .

جاسر بضحك مكتوم لدنيا : انتي بتقولي ايه احنا في ايه وانتي في ايه .

بدر : يا ماما افهمي انا مليش دعوه بوالدتها ولا اهلها المهم هي .

دنيا بتذمر : بنت منار لا .

بدر لوالده : انا مش هتجوز غيرها .

جاسر : ان شاء الله عنك ما اتجوزت مفيش جواز من بنت طارق انت مش فاهم دول عملوا فينا ايه .

بدر : عارف …

جاسر قاطعه  : انت مش عارف حاجه انت لو عارف عمرك ما كنت فكرت في بنتهم ..

بدر : لا عارف يا بابا وعارف الخلافات اللي كانت بينكم  ومحاولتهم لتدميرك وتدمير الشركه ومنار اللي كانت عايزه تاخد مكان ماما ومحاربتهم ليك  ، انا عرفت كله ده وانا بدور علي حور بس .. وبانكسار بس انا حبيتها وهي ملهاش ذنب في وسط كل ده .

دنيا بتاثر نظرت لجاسر فاكمل بدر بانكسار .

من اكترمن خمسه و عشرين سنه وانا بدورعليها علي اول حب دخل حياتي علي اول ضحكه واول فرحه واول دقه قلب  حسيتها معاها .. قفلت علي قلبي و حبها ادفن جوايا … كل يوم وكل شهر وكل سنه كانوا بعدوا عليا عشقها كان بكبر جوايا بكبر وانا مش عارف ولا حاسس لحد ما قبلتها خطفت قلبي وخطفت روحي .. انا روحي ردت فيا يا بابا لما شفتها..

جاسر بحكمه  : مش كل حاجه بتتمناها لازم تتحقق يا بدر سيبك مني ومن دنيا ومن خلافتنا ، في حاجات اكبر من الحب ..  في مستقبلك وشغلك وسمعتك وعيالك لما يكبروا ، تقدر تقولي هتقول لزمايلك وصحابك ايه .. بلاش زمايلك وصحابك اولادك هتقولهم ان تيتتهم قتلت جدهم .. في سابقه في جريمه مثبته في سجل صحيفتها يا سياده الرائد .

بدر : كل حاجه تهون قدام حبي لحور .

جاسر بعصبيه : لاااا انت اتجننت مفيش حد عاقل يقول كده صحصح فوق لنفسك ولو مفقتش انا افوقك مفيش جواز من بنت طارق ومنار و وريني هتتجوزها ازاي.

بدر بانكسار : انا مقدرش اكسر كلامك يا بابا بس كده انت بتحكم عليا بالاعدام .

دنيا : بعدشر عليك .

بدر : الشر انكم تاخدوا روحي مني وتقولولي عيش .

جاسر : دا اخر كلام عندي .

بدر : وانا مش هكسركلمتك لكن لو كان الموضوع خاص بالشغل .

جاسر : يعني ايه .

بدر : طالما الموضوع خاص بحياتي مش من حق اي حد يدخل فيها .

جاسر بصدمه : اي حد ..انت بتعصيني .

بدر : لا بس بفكرك بوعد كنت وعدتهولي وانا صغير .

فلاش باك من اكثر من ٢٥ سنه .

( في غرفه بدر واثناء حديثه مع والده .

بدر : يبقي توعدني وعد .

جاسر : وعد ايه .

بدر : لما اجيلك واطلب منك حاجه او في حاجه مزعلاني تعملهالي .

جاسر : طيب ما  يمكن الحاجه دي غلط او متنسبكش .

بدر : لا منسباني وبحبها وهي كمان بتحبني.

جاسر : هي مين دي .

بدر : اللعبه يا بابا انا بديك مثل  

جاسر: بضحك ، حاضر وعد يا بدر .) 

باك 

قاطعهم دخول ياسين بحماس عليهم المكتب .

ياسين : بابا انا عايز اتجوز .

جاسر  نظر له بتعجب .

ياسين  نظر لبدر:  بت تجنن  مؤدبه ومحترمه وحلوه .

دنيا : مش لما نشوف مصيبه اخوك الاول في عروسته  .

ياسين : ايه ده بدر عايز يتجوز، ايوه يا عم علشان نبقي في كوشه واحده ، ثم نظر لجاسر العروسه قمر وبنت مؤدبه انا اختبرتها .

جاسر : ومين دي كمان ليها اصل وفصل ونسب ولا زي خيبه  اخوك .

بدر : لو سمحت يا بابا ..

جاسر  : بلا بابا بلا زفت .

ياسين: اقترب بحماس من جاسر ، طبعا اصل ونسب وعيله وجدها صاحب شركات الغول البنت  اسمها چانيت الغول .

جاسر  بصدمه اكبر : مين يا روح ابوك .

ياسين بسعاده  عدل ياقه قميصه : چانيت الغول جدها يبقي الغول ده اسمه مسمع في السوق .

جاسر :  اطلعوا برررررىره يا ولاااااااد ال****** 

ياسين بدهشه في ايه .

جاسر وضع يده علي راسها ونظر لدنيا :  خدي عيالك وطلعيهم بره يا دنيا عيالك هيخلصوا عليا .

دنيا : نظرت بشك لجاسر هو ده الغول اللي …..

جاسر  قاطعها : هو هو يا دنيا شوفتي عيالك واختياراتهم الزفت .

ياسين بص لبدر بعدم فهم ، هو في ايه .

دنيا : يخيبك يا دنيا واحد جايبلي ضرتي و واحد جايبلي الناس اللي كانت خطفاني .

ياسين : ضرتك واللي خطفوكي ،  بس افهم بس مين ضرتك فينا ومين اللي خطف .

جاسر  بعصبية : اطلعوا برررررررره ..

خرج بدر وياسين بسرعه للخارج .

ياسين : هو الحج ماله قالب علينا ليه هو مش نفسه يبقي جد ولا ايه ، وبعدين ايه حكايه ماما وهي بتقول ضرتها واتخطفت انت فاهم حاجه .

بدر : من الاخر كده انا مش هتجوز غير حور .

ياسين بمكر مصطنع ، تيجي اجي معاك وتروح تتقدملها وتيجي معايا نتقدم لجانيت من ورا بابا ..

بدر خبطه علي راسه بخفه : علشان ابوك يوؤدنا انت عبيط انت عايز ابوك يحصله حاجه لا طبعا ، بقي بعد العمر ده كله وتربيه لينا نحرمه من فرحه اولاده وهما بيتجوزوا .

ياسين : ما هو شكله مش هيوافق انا مش فاهم فين المشكله هو جد چانيت في بينه وبين بابا خلافات شغل اصل انا معرفش حاجه في شغل الشركات قوي .

بدر : معتقدش بس لو الغول اللي اعرفه في السوق فاعرف ان شغله قذر واساليبه ملتويه في السوق .

ياسين : ربنا يبشرك بالخير سدتها في وشي  

في المكتب .

دنيا : هتعمل ايه مع الاولاد ياجاسر .

جاسر : انا مش في الولاد دلوقتي انا في البنت اللي ياسين بقول عليها دي .

دنيا : مالها .

جاسر : جت منين وازاي جدها الغول وارسيليا سابت مصر .. يعني  رجعت مصر ودي بنتها ولو رجعت ازاي معرفش وشريف عارف .

دنيا بعدم اهتمام : هو اللي شاغلك شريف وارسيليا ولا ياسين نفسه .

جاسر بشرود  : ارسيليا بتعشق شريف وسابته في ظروف غامضه واختفت وفجاه تظهر چانيت طيب جت منين وبعدين سنها ...

نفس السن اللي اختفت فيه ارسيليا معقول ارسيليا اتجوزت علي طول بعد ما سابت شريف مصيبه لتكون جانيت دي …..

دنيا قاطعته بعدم اهتمام :  انا في بدر وياسين دلوقتي مش تحليلك لارسيليا وشريف .

جاسر : بدر صدمني لما قالي انه عارف كل حاجه عن طارق ومنار وبكل بجاحه عايز يتجوز بنتهم .

دنيا : انا مستحيل اوافق .

جاسر : انا لازم اقابل البنت دي .

دنيا : چانيت .

جاسر : لا حور.

دنيا : ليه .

جاسر : …...

                     ★★★★★

جلست سيلا مع فهد في احد الكافيهات ، بدت سيلا وهي تتصفح هاتفها بتجاهل لفهد بعدما طلب مشروبها المفضل .

فهد : احمم سيلا .

سيلا بتجاهل تنظر لهاتفها وتتصفحه : نعم .

فهد : ممكن اخد من وقت حضرتك شويه .

سيلا : لا والله جايبه علي قدي .

فهد بعصبيه : سحب الهاتف من يدها ، هو ايه اللي جايبه علي قدك .

سيلا : الله الوقت مش انت طلبت شويه وقت فانا بديهي رديت عليك .

فهد : ولما انتي مش فاضيه جيتي معايا ليه .

سيلا : مش خطيبي .

فهد : بت متجننيش امي .

سيلا : مالك بس يا فهودتي .

فهد : مالي انا برضو انتي بحالات يا بت ولا مجنونه وهتجننيني معاكي .

سيلا : مجنونه ليه بس انا بس لسه باخد وادي معاك انت قفوش ليه ، ما انا قلتلك قبل كده انا مودي بيمط خد وهات .

فهد ضحك بسخريه : بيمط ليه استك .

سيلا : ياااا لو نفضل مخطوبين كده ونقضيها خروج وفسح  ومنتجوزش .

فهد : ناااااعم ياااااختي ليه ماشي بنت الجيران .

سيلا : اصلك مش فاهم الجواز مسؤليه وبيت واسره ، الجواز  صعب جداااا

فهد :  بالعكس الجواز سهل جدا بتتجوزي بتطبخي بتغسلي المواعين بتحملي بترجعي بتتعبي بتعلقي محاليل بتولدي ضهرك بيوجع مدي الحياه  وطبعا ومش هتنامي كويس الا لما تشوفي ابنك عريس…  الله علي الجواز.

سيلا بصدمه : انا هعمل كل ده لوحدي .

فهد : تحبي اولد مكانك  .

سيلا : انت بتتمسخر عليا لا انا مش لاعبه 

فهد بضحك : مالك يا سولي في ايه بس  .

سيلا : بص بقي انا مش مرتاحه لاي حاجه لا شكلك ولا ريحتك ولا علبه الجاتوه اللي انت جايبها اساسا .

فهد : بس انا مجبتش جاتوه .

سيلا : بشهقه وكمان مجبتليش جاتوه يا ميله بختك يا سيلا ليه.

فهد : بسخريه ،لا ما  انا جايب تورته .

سيلا : بص من الاخر كده انا مش مرتاحه معاك عارف انت لما الواحد بيدخل الحمام ويجيله امساك اهو انا حساك امساك يافهد .

فهد : الله يقرفك يا بعيده بقي انا امساك طيب استنضفي .. اومال وافقتي علي الزفت الخطوبه ليه 

سيلا : بشهقه ، بتقول علي خطوبتنا زفت .

فهد : ما انتي بتقولي عليا امساك .

سيلا : كنت بختبرك بشوفك هتستحملني ولا خفيف .

فهد : بس مش كده برضو انتي مكنتيش كده قبل الخطوبه ، اومال فين سيلا المؤدبه الرقيقه الكيوته اللي لسانها بينقط غسل لالا عسل ايه ده بينقط شهد حلويات وعايزه تتاكل .

سيلا : ابتسمت بخجل ، اصل برضو موضوع الخطوبه ده طلع صعب قوي .

فهد : نسهله ونحننه وندلعه ونروقه لحد ما انجوزه ..

سيلا ضحكت بصوت مرتفع .

فهد : ايوه كده خلي القمر يضحك ويعلي الضحكه كده ..

سيلا خبطته علي يده بخفه ، بس بتكسف …

فهد : حلاوتك في الكسووف يا ابيض يا عرسي انت ، ما تجيبي اطه .

سيلا : وعهد الله كلمه تانيه وباللي في ايدي علي وشك .

فهد : اهدي يا وحش بهزر .

سيلا : لا يا حلو هزر علي قدك .

فهد : غمز لها بعبث ، وانتي لسه شفتي قدي.

سيلا بتحذير : هااا.

فهد : بتجاهل لها  اشار للجرسون ، الاكل بسرعه …

سيلا : ايوه كده اتظبط .

فهد : بس انتي كل يوم بتحلوي عن الاول ليه كده ، تعرفي ان ستايل شعرك يجنن عليكي كده .

سيلا بابتسامه : بجد حلو .

فهد : انتي اي حاجه عليكي تجنن علشان انتي اللي بتحليها وبتديها طعم وروح .

سيلا بسعاده : وبعدين بقي في كلامك ده انا مش متعوده علي كده .. انا اصلا اول مره في حياتي ادي فرضه لحد انه يقولي كلام حلو كده .

فهد : ليه هو كان في حد عايز يقولك كلام حلو .

سيلا بضحك : ياااا كتير بس انا كنت بديهم علي قفاهم .

فهد بسعاده: ياواد ياجامد  ايوه كده عايزك راجل اللي يقولك كلمه باللي في رجلك في وشه وملكيش دعوه انتي في ضهرك الحكومه .

سيلا : طيب لو الحكومه بقي اللي قالت .

فهد : امممم في حد بقول للحكومه لا احنا هنستهبل بقي .

سيلا بضحك : انا عندك اعتراض ولا متعرفش انا بنت مين .

فهد : اووووبا ، تمام يا باشا تحت امر معاليكي ..

استمر الحديث بينهم بين ضحك وهزار وسيلا تشعر بالسعاده وفهد يتقرب منها بطريقته التي بدات تجذبها للحديث معه .

                       ★★★★★

في شقه تيسير تنادي علي ابنتها الوحيده  روفان التي تبلغ حوالي ٢٠ عاما ..

تيسير : روفان روكا بتعملي ايه .

خرجت روفان من غرفتها : كنت بجهز الشيت للدكتور في حاجه يا ماما .

تيسير : اه انتي متغدتيش يا حببتي .

روفان : قلتلك والله اكلت مع صحابي في الكليه .

تيسير : انا مليش دعوه انتي تاكلي قدامي هنا هي السندوتشات اللي بتاكليها دي اسمها اكل .

روفان : حاضر  ، بابا جه ولا لسه .

تيسير : بتسالي علي ايه يا بنت علاء .

روفان  جلست بجوار وحضنتها : العربيه يا مامتي يا قلبي .

تيسير ابعدت يدها : شوفتي المروحه اللي في السقف دي .

روفان نظرت لها : مالها .

تيسير : لما تتشعلقي فيها كده بردوا مش هخليه يجبلك العربيه.

روفان بتذمر : ليه بقي .

تيسير بخوف : علشان بنتي الوحيده وخايفه عليكي ، ثم اي مشوار بتعوزي تروحي باباكي بيوصلك او ببعت السواق يوصلك عايزه ايه تاني .

روفان : لا عايزه يبقي ليا عربيه لوحدي زي صحابي .

دخل عليهم علاء : اذيك ياتوتو اذيك يا روكا .

روفان  جريت عليه وحضنته : وحشتني قوووي يا بابي .

علاء : الحضن ده ورا حاجه كبيره .

تيسير بضحك : حتي باباكي فاهمك بتلف وتدور علشان العربيه .

روفان لوت فمها بزعل .

علاء  اخرج من جيبه مفتاح سياره بميداليه و وضعها امام عين روفان : ياتري المفتاح ده مفتاح ايه .

روفان  بسعاده : مفتاح عربيتي ،لاااااا مش معقول انت جبتلي عربيه قول اه يا بابا قول اه .

وحضنته بحب وسعاده .

علاء : طبعا جبتلك العربيه بالموديل   اللي نفسك فيها كمان هو انا عندي غير روكا واحده ، والعربيه واقفه تحت البيت .

جريت روفان بسعاده علي الشرفه لتشاهدها .

تيسير بزعل : ليه كده يا علاء انت عايز البنت يحصلها حاجه بالعربيه .

علاء : انا وعدتها لما تنجح في الكليه هجبلها العربيه ونجحت في اول سنه ودخلت سنه تانيه ومجبتلهاش حاجه  ثم انها مش اقل من صحابها .

تيسير : بس انا خايفه عليها .

علاء : متقلقيش بنتنا عاقله ثم متنسنيش بقي هديتك .

واخرج من جيبه علبه قطيفه بها خاتم من الدهب ولبسه لتيسير .

تيسير بسعاده : ربنا يخليك لينا بس بمناسبه ايه ، ايه نجحت في الامتحان انا كمان .

تيسير : علشان جبتيلي احلي بنت في الدنيا .

تيسير بحب : منحرمش منك يا حبيبي ، يلا بقي ادخل غير هدومك ل ما اجهز الغدا علشان نتغدا كلنا .

دخل علاء غرفه ليبدل ملابسه فرن هاتفه .

علاء : ايوه يا حببتي .

-- كده يا لؤه افضل مستنياك نتغدا سوا ومتجيش برضو .

علاء : معلشي يا قلبي علشان مراتي متشكش فيا مش كل يوم.

-- طيب ما انا كمان مراتك طيب انا موحشتكش ابنك موحشكش .

علاء : هجيلكم بالليل نتعشا سوا متزعليش ياقلبي …

صوت تيسير من السفره  : الغدا يا علاء جاهز يلا .

علاء : سلام بقي اشوفك بالليل.

خرج علاء وجلس علي السفره ، شكرته روفان علي السياره.

علاء : هخلي السواق يعلمك علي العربيه .

روفان : يعلم مين يا بابا ، انا متعلمه .

تيسير  : وتعلمتي السواقه فين .

روفان : من صحابي ما انا بسوق عربياتهم .

علاء : عفريته ، وانا اللي بقول عليكي عاقله ..

                        ★★★★★

في منزل حسن .

سعاد : انت نازل الشغل يا حسن .

حسن : اه عايزه حاجه .

سعاد : اه سيب فلوس كورسات  الولاد ومصاريفهم ومتنساش تدفع الكهربا اصل المحصل جه امبارح ومشيته و ابقي هتلنا بيض يا حسن علشان اعمل كيكه

حسن  : ياحسن ء مصاريف العيال يا حسن مصاريف الكورسات يا حسن  فاتوره الكهربا والغاز والمايه هو حسن ده في ايده مصباح علاء الدين .

سعاد : يوووه مش مصاريف البيت وانا بقولك هات حاجه ليا ده لعيالك وبيتك دي مبقتش عيشه .

حسن : ما انتي اللي عاملالي زي الارنبه كل شويا تخلفي حسن مش ملاحق علي مصاريف خمس عيال وانتي فوقيهم ايه يا شيخه الرحمه حلوه .

سعاد : دول عزوه ما الها العيال مش عاجبينك دلوقتي اومال انت بتشتغل ايه وفي الاخر اسمك مهندس بلا وكسه .

حسن بعصبيه خرج وغلق الباب بشده خلفه .

سعاد  تمتمت : ده كله علشان ميجبش البيض للكيكه ، برضو هعمل الكيكه .

                    ★★★★★

ارسيليا : انا حجزت تذاكر الطيران لواشنطن كمان اسبوع بعد افتتاح الشركه علي طول هنسافر .

وسيم : تمام ، و انا كلمت الشركه المسؤله لتنظيم الحفلات علشان نعمل افتتاح كبير ونعزم كل رجال الاعمال وشركات السياحه علشان نعرفهم بالشركه بتاعتنا وعروضها .

ارسيليا زادت ضربات قلبها : وليه البارتي دي .

وسيم : ده كلام يا ارسيليا مالك ، طبعا  علشان الشركات تعرف بشركتنا في مصر ونظامها وعروضنا والشركه تشتغل علي طول توطيد علاقات .

ارسيليا : بس احنا منعرفش حد هنا .

وسيم : متقلقيش انا عينت مدير للفرع هنا وعلاقاته كويسه بباقي الشركات هيعمل قايمه برجال الاعمال ونعزمهم ونتعرف عليهم ويتعرفوا علينا وكلها علاقات عامه في الاخر.

ارسيليا بتوتر : امتا بقي نسافر انا زهقت .

وسيم : ارسيليا انتي خايفه من حاجه هنا ، انتي قلتيلي انك غيرتي اسمك لنانسي وهويتك علشان الراجل اللي كان مربيكي طلع مش والدك وانتي كنتي عايزه تهربي منه يسلحد دلوقتي معرفش انتي عايزه تهربي منه ليه .

ارسيليا : ما انا قلتلك كان عايز يدخلني جزء من شغله المشبوه وانا موافقتش علشان كده هربت وغيرت اسمي .

قاطعهم صوت هاتف وسيم : الو … ايه مش معقول …. بجد حصل … انا مش مصدق الحمدلله الحمدلله .

ارسيليا : في ايه .

وسيم غلق السماعه وحضنها : هبقي اب هبقي خلاص انتي حامل حااااامل .

ارسيليا بسعاده غامره : بجد التحليل اللي عملته …

وسيم قاطعها  : موجب طلع موجب المعمل لسه قايلي .

ارسيليا بدموع الفرحه :  الحمدلله الحمدلله …

                     ★★★★★

في شركه الغول دخل عليه ايمن  وبيده دعوه .

ايمن : مش هتصدق الدعوه دي من مين .

الغول : دعوه ايه ومن مين .

ايمن : من وسيم جوز ارسيليا .

الغول : هما هيسافروا امتا .

ايمن : حجزوا التذاكر كمان اسبوع .

الغول : انا مش عارف راجعه مصر لايه .

ايمن : هتروح الحفله يا كبير .

الغول : انت مجنون اروح فين لا طبعا انا لا عايزها تفتكرني ولا تقربلي تاني انت ناسي چانيت .

ايمن : اومال انت بتراقب ارسيليا ليه لحد دلوقتي حتي وهي بره مصر .

الغول : علشان اكون دايما سابقها بخطوه ومتجيش مره واحده بغباءها تهد كل اللي عملته مع بنتها .

ايمن : وهي هتعرف منين ان چانيت بنتها .

الغول : ما انا مش هستني لما هي تعرف علشان كده لازم افضل مراقبها ومش هطمن غير لما تسافر ..

ايمن : في حاجه تانيه عرفتها ارسيليا حامل .

الغول ضحك بسخريه : كويس علشان تلتهي بعيد عننا .

                     ★★★★★

في قاعه اوبن اير يزينها الاضاءه والديكورات والورود .

وسيم نظر لارسيليا التي تطل بالفستان الاسود الذي يبرز مفاتنها وجاذبيتها وسط بعض الحضور من كبار رجال الاعمال وبعض المستثمرين وبعض الشركات ..

وسيم : الفستان رهيب عليكي يا ارسي .

ارسيليا : نانسي متنساش احنا وسط الناس .

وسيم : بابتسامه ، حاضر يا نانسي .

دخل من باب القاعه شريف وهو ينظر حوله واذا فجأه عينيه تقف  عند ارسيليا غير مصدق عينيه .. تخشب مكانه وهو يشاهدها وهي تتحدث بضحك مع آخر .

شريف بتمتمه :  مستحيل مش ممكن ازاااي لالا دي مش شبها دي هي .

اتي المدير وحدث وسيم بينما تقف ارسيليا وتتلفت بعينيها وجدت شريف علي بعض امتار منها وقفت بصدمه وهي تنظر له وقلبها يزداد خفوقا ..

شريف  بلهفه وسعاده لم توضف تقدم خطوات اتجاهها ….

تكملة الرواية من هناااااااا 

لمتابعة  الرواية الجديدة زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةالجزء الاول 1من هناااااااااا

الرواية كامله الجزء الثاني2 من هنااااااااا 

الرواية كاملة الجزء الثالث3 من هناااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا