مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

رواية عشق الجاسر( الجزء الثالث)الفصل الحادى عشر والثاني عشر والثالث عشر والرابع عشر والخامس عشر بقلم مروه عبد الجواد

رواية عشق الجاسر( الجزء الثالث)الفصل الحادى عشر والثاني عشر والثالث عشر والرابع عشر والخامس عشر بقلم مروه عبد الجواد

#الجزء_الثالث ح ١١

دخل شريف من باب القاعه  تاركا الحراسه بالخارج وهو ينظر حوله واذا فجأه عينيه تقف  عند ارسيليا غير مصدق عينيه .. تخشب مكانه وهو يشاهدها وهي تتحدث بضحك مع آخر .

شريف بتمتمه :  مستحيل مش ممكن ازاااي لالا دي مش شبها دي هي .

اتي المدير وحدث وسيم بينما تقف ارسيليا وتتلفت بعينيها وجدت شريف علي بعض امتار منها وقفت بصدمه وهي تنظر له وقلبها يزداد خفوقا ..

شريف  بلهفه وسعاده لم توصف تقدم خطوات اتجاهها ….

ارسيليا ابتلعت ريقها بتوتر ومدت يدها بسرعه ومسكت يد وسيم الذي كان مشغول مع المدير فنظر لها وسيم بحب وقبلها من خدها. 

وقف شريف بصدمه وهو ينظر لهم ولكنه تجاهل فعلتها واقترب منها وهو ينظر لها بشوق فتوترت ارسيليا ، وسيم نظر له بتعجب فقاطعهم المدير. 

المدير : شريف بيه المصرى اتشرفنا بحضور حضرتك للحفله. 

ثم نظر لوسيم ، شريف بيه من اكبر رجال الاعمال في مصر والشرق الاوسط. 

وسيم نظر له ومد يده ليصافحه ولكن شريف تجاهلهم وهو ينظر لارسيليا. 

شريف بشوق  : ارسيليا. 

ارسيليا بتوتر نظرت لوسيم. 

وسيم بخوف حضن ارسيليا : حضرتك غلطان دي نانسي مراتي.

المدير : دي نانسي هانم مرات وسيم بيه صاحب شركه السياحه ودعوه الحفله.

شريف تجاهلهم واستمرت نظراته لارسيليا بشوق وحب : ارسيليا وحشتيني.

ارسيليا عينيها امتلات بالدموع فجذبها وسيم خلفه وبحده : حضرتك غلطان دي مراتي نانسي.

شريف اقترب منها : انا شريف مش معقول نستيني ارسيليا ارسي.

وسيم نظر له بعصبيه: بقولك مراتي.

المدير : يظهر في سوء تفاهم ياشريف بيه دي نانسي هانم .

وسيم جذب ارسيليا ليبعدها  عن شريف. 

شريف مد يده بسرعه ومسك يد ارسيليا وهو ينظر لها بشوق: مستحيل اسيبك تضيعي من ايدي تاني.

وسيم بعد يد شريف عن ارسيليا : انت اتجننت دي مراتي. 

واشار للامن فاتي الامن بسرعه ومسكوا شريف. 

شريف بصوت مرتفع وهو يحاول مقاومه اكثر من عشر رجال من الامن : مش هسيبك يا ارسيليا .. متبعديش .. بتهربي تاني ليه .. متبعديش بحباااااااااك .. ارسيلياااا

وسيم بسرعه جذب ارسيليا التي انهمرت عيونها بالدموع وابتعدوا وتركوا الحفله بسرعه. 

حدث تشابك بين الامن ورجال حراسه شريف الذين اتوا فورا من خارج الحفل ، فابتعدا الامن عن شريف ، فاشار لحراسته بعدم الاشتباك ومسك المدير من ياقه بدلته بعصبيه ، لو مقلتليش حالا راحوا فين هدفنك حالا. 

المدير : بخوف علي الفندق علي الفندق. 

شريف بعصبيه  : فين مكان الزفت. 

المدير : اعطا له العنوان ******

فذهب شريف بسرعه الي سيارته وخلفه الحراسه بسيارتهم الي الفندق. 

وسيم وهو يقود السياره شاهد ارسيليا تبكي بحراره وبعصبيه: مين ده ويعرف اسمك منين وايه اللي بينكم. 

ارسيليا بصوت مخنوق: كنا متجوزين. 

وسيم بصدمه: كان جوزك .. ابو بنتك اللي ماتت. 

ارسيليا : اه. 

وسيم : لكن باين عليه لسه بحبك اومال سبتيه ليه. 

ارسيليا : خلافات ومشاكل مقدرتش اكمل معاه. 

وسيم تطلع عليها من اعلى الى اسفل بنظره حزن : انتي كنتي بتحبيه. 

ارسيليا ادارت وجهها باتجاه الشباك ففهم وسيم انها كانت وما زالت تحبه. 

وسيم طرد زفيرا مليء بالضيق ولف السياره باتجاه اخر : احنا مش هنروح الفندق. 

ارسيليا نظرت له بتعجب. 

اكمل وسيم حديثه : احنا هنروح اي فندق تاني لانه اكيد مش هيسيبك وهيجلنا علي الفندق ، ده مش هامه انك واقفه مع جوزك ولا هامه الناس والحفله ، وباعلي صوته قالها علي الملاء مش هيسيبك ، انا اقدر احميكي لكن هيحصل خناقات وممكن توصل لضرب نار وحد يتقتل وانا مش عايز شوشره هنروح اي مكان لحد ما نشوف اول طياره ونسافر. 

ارسيليا هزت راسها بالموافقه. 

ذهبوا الي احد الفنادق وحادث وسيم  مدير الفندق في ان ياخذوا جناح كامل ولكن بدون اخذ بياناتهم وسوف يدفع ثمن الدور كامل وان شركته سوف تتعامل معهم  فرحب مدير الفندق بعدما علم بشخصيه وسيم وانه صاحب اكبر شركات سياحه ..

                      ★★★★★

بعد انتهاء الغداء في منزل علاء الورداني

علاء : توتو انا رايح الشغل وعندي ميتنج بالليل احتمال اتعشا بره واتاخر ابقي اتعشي انتي وروكا. 

تيسير : اوكي يا حبيبي خلي بالك من نفسك واتعشا كويس. 

روفان قاطعتهم : لا اتعشا فين انا هنزل اتعشا مع صحابي واوريهم العربيه الجديدة.

علاء: بس تسوقي علي مهلك اوعي تسوقي بسرعة لحسن انتي عارفه. 

روفان : وإلا هتسحب مني العربيه عارفه ، حاضر يا بابا. 

تيسير : يعني انتوا الاتنين هتتعشوا بره طيب انا كمان هطلع اروح اقعد مع هدي شويا ولا وراها شغل هي كمان عندك. 

علاء : لا هدي بتخلص الساعه ٣ ما انتي عارفة. 

تيسير : تمام يبقي استني البس وخدني في طريقك اصل مكسله اسوق العربيه بتاعتي. 

علاء : تمام يا حبي .

ذهبت روفان وخرجت، وارتدت تيسير ملابسها واخذها علاء في طريقه ووصلها الي منزل هدي فصعدت لتجلس معها. 

هدي : واووو ايه  الخاتم اللي يجنن ده جديد صح. 

تيسير : هديه علاء ليا. 

هدي : بمناسبه ايه. 

تيسير : طبعا بمناسبه خيانته ليا دي محتاجه سؤال. 

هدي : يا برودك يا بنتي انا مش فاهمه انتي ازاي مستحمله تبقي عارفه ان جوزك متجوز عليكي ومخلف ولد بقاله ١٥ سنه وساكته. 

تيسير بحزن: ما انا لو عرفته اني عارفه وقتها هضطر اطلب اطلق  علشان كرامتي وهبعد بنتي عن ابوها ، وقتها مراته التانيه بكل بجاحه هتاخد مكاني بيتي وجوزي وابنها هياخد مكان بنتي ، انما كده انا في بيتي وبنتي متحرمش من والدها وكل يوم بينام في حضني وانا مراته قدام الناس وكل ما اتمناه بيجبهولي علشان ميحسش بالذنب فوق ده كله خليته يكتب الشركه باسم بنتنا بما انها وحيدته وعلشان محدش يضايقها في الميراث وهو وافق لانه ميقدرش يقول لا لان مفيش عنده اسباب ما هي كده كده هتورثه. 

هدي : طيب والرسايل اللي مراته التانيه بتبعتهالك. 

تيسير بحنق : عايزاني اعمل معاه مشاكل واطلق علشان هي تيجي مكاني لكن ده بعينها ولا كاني شفت مسجات ولا اعرف حاجه ، هي فاكره هي اللي بتكدني بافعالها انما انا اللي بكيدها ببرودي. 

هدي : انتي مش سهله يا توتو بس برضو كتير علي اي ست تستحمل اللي انتي مستحملاه. 

تيسير : بعد ما خلفت روفان وربنا رزقني بيها وكبرت تلات سنين حبيت اخلف تاني زي ما انتي عارفه بس الدكاتره قالتلي اني مستحيل اخلف علشان المبيض اللي اتشال غلط في ولادتي لروفان ، يمكن هو ده اللي خلاني اسكت لما عرفت ان علاء اتجوز واني مش هخلف تاني وهو برضو من حقه يكون عنده ولد يشيل اسمه بس مش علي حسابي انا وبنتي. 

هدي : بس متنكريش انا يا ما حذرتك ان السكرتيره دي شكلها مش مظبوط ومدلعه ومايعه كده. 

تيسير : من غبائي اني مصدقتكيش وكنت مأمنه له انه بيحبني ومش هيفكر في واحده تانية. 

هدي : اهي سحبته وجرجرته لحد ما وقعته في الغلط بس انتي برضوا كان لسه في ايدك انك تبعديها عنه لما سمعتيه بكلمها. 

فلاش باك 

(من ١٥ عاما كان علاء يبدل ملابسه في غرفته ، اقتربت تيسير من الغرفه لتدخل ولكنها سمعته يتحدث بهمس في الهاتف. 

-- انا قلتلك تنزلي اللي في بطنك انا مش هتجوزك ومعنتيش تتصلي بيا تاني ….. ايه الدكتور قال انك حامل في ولد ، وبسعاده متأكده ولد ولد …. عارفه لو بتكذبي عليا طيب انا هاجي معاكي للدكتور اتاكد انه ولد ولا لا …. مش وقته .. اه لو ولد هتجوزك ..

بدموع القهر والحزن نزلت دموع تيسير علي خدها وذهب للتواليت) 

باااااك. 

تيسير : لو كنتي سمعتي صوت الفرحه وهو بقولها لو ولد هنتجوز كان مستحيل يفضلني انا وبنتي عليها ، علشان كده مخدتش قراري علي طول وفكرت قبل ما اعمل اي حاجه ولقيتني هكسب كل حاجه لو فضلت ساكته ، وده اللي خلاني اسيبك في الشركه عنده تشتغلي علشان تبلغيني باي اخبار جديده اشتري حاجه باع حاجه مش هخليها تتهني علي جنيه تفكر تاخده من بنتي.

هدي : بس ده حقها هي وابنها متنسيش انها مراته برضو. 

تيسير بعصبيه: دي خرابه بيوت وحربايه عايزه تستولي علي كل حاجه مفيش ست محترمه تلف علي راجل متجوز وتمشي معاه في الحرام علشان تخلف منه وتحطه قدام الامر الواقع علشان يتجوزها ،  دي وخداه علشان فلوسه وانا مش هديها الفرصه دي. 

هدي :  علشان كده اول ما اشترى فيلا الجونه قلتلك علي طول. 

تيسير : وانا بصنعه لطافه وشويه دلع خليته يكتبها لروفان هديه نجاحها في الثانويه. 

فلاش بااااك 

(من خمس سنوات في غرفه نوم تيسير يجلس علاء علي سريره دخلت عليه تيسير وهي ترتدي الروب واقتربت منه وجلست بجواره ومدت يدها تداعب شعر صدره وبدلع  --وحشتني يا لؤه. 

علاء  حضنها ووضع راسها علي صدره: عيون لؤه بموت فيكي. 

تيسير : الصيف السنادي حر جدا ، افف الجو حر قوى. 

وخلعت الروب و وضعت راسها علي صدره مره اخرى وحضنته ، بس حضنك بدفيني قوووي. 

علاء حياتي يا توتو وحضنها وهو يداعب خصلات شعرها: ان شاء الله نصيف السنادي في المكان اللي تشاورى عليه. 

تيسير رفعت راسها بسعادة : في الجونه. 

علاء : يبقي في الجونه. 

تيسير : يبقي هي دي هديه روفان اللي كنت وعدتها لما تنجح في الثانويه صح. 

علاء بعدم فهم : هديه ايه. 

تيسير : اصل كنت بتصل علي هدي علشان اشوفك مشغول ولا لا النهارده كنت عايزه اعدي عليك ، فقالتلي ان المحامي عندك ولما دخلت عليكم سمعته وهو بقولك ان خلص ورق فيلا الجونه. 

علاء بضيق : هي هدي ردار مبتبلش في بقها فوله. 

تيسير بضحك : بس طيبه وغلبانه ، متعرفش روفان هتفرح قد ايه لما تعرف هديتها دي مش بعيد تعزم كل صحابها يصيفوا هناك. 

علاء بتوتر : بس الفيلا دي انا شاريها استثمار. 

تيسير  قاطعته : وماله انت تهاديها بيها ونقضي الصيف فيها السنادي ولما يجيلها بيعه حلوه تبقي تبيعها وتشترى حاجه احلي ، وبعدين انت بتعمل كل ده لمين مش لروفان هو انت عندك غيرها اهو في الاخر كله ليها مش وحيدتك ولا انت بقي ناوي عينك تزوغ علي ست غيري. 

علاء : لا لا طبعا. 

تيسير : يبقي تكتبها باسم روفان وانت اصلا كده كده الوصي عليها يعني في اي وقت تقدر تسحب الشركه او الفيلا او ارض السلام منها ده لو عايز تبيع حاجه يعني وربنا يخليك لينا ويفرحنا بروكا. 

ثم اقتربت منه بدلع وهي تقبل شفايفه وتحضنه بحب ..

علاء بحب حضنها : حاضر هكتبها باسمها.) 

باااك.

تيسير : واهو روفان بلغت السن القانوني دلوقتي وكل حاجه باسمها والتانية تشرب ابنها بقي. 

هدي : يخربيت عقلك ، قوليلي يا توتو مفكرتيش في مره كده وعقلك وداكي انك تطلقي وتاخدي كل حاجه من علاء وترجعي لحسن خصوصا انه حاول يقربلك اكتر من مره في نفس الوقت اللي عرفتي فيه ان علاء بخونك.  

تيسير : ولا مره تخيلي حسن ده كان عامل زي الادمان بالنسبالي كنت بحبه قوي ورغم اللي عمله فيا زمان كنت بسامحه لكن جه عليا وقت لا بقيت طيقاه ولا حتي عايزه اسمع عنه حاجه لا بخير ولا بشر بقي بالنسبالي هوااا ، اما بقي علاء فانا خدت منه كل حاجه عيزاها حبه وحياته وبيته واهتمامه ومشاعره حتي فلوسه ايه يعني شويا مشاعر بروح يدها لوحده تانيه كل فتره كانها نزوه بس في الحلال ، اه بزعل وبتوجع لما بعرف انه رايحلها او لما بيكلمها بس لما بفكر بلاقي انا اللي كسبت كل حاجة وهي ولا حاجة.

                     ★★★★★ 

في شركه الحديدي .

جاسر : بدر جه الشركه ؟! 

معتز : اه في مكتبه انت لسه مبتكلموش.

جاسر : واد غبي مبفهمش ولا عايز يفهم. 

معتز : انا بس عايز اعرف منار كانت مسافره هي واولادها بدر عرف بنتها فين ولا قابلها امتا وازاي. 

جاسر : ماهي دي البنت اللي كان بحبها وهو صغير اللي كنا خطفناها بنت طارق. 

معتز : ياااا دا من سنين هو لسه فاكرها اساسا. 

جاسر : طالع حبيب بسلامته. 

معتز : و هتعمل ايه معاه. 

جاسر : هروح اقابلها اشوف حكايتها ايه وامها زقاها علي بدر ولا ايه الحكايه ، فكرتني صحيح عرفت حاجه عن چانيت تقرب ايه للغول. 

معتز : اه دي بنت يتيمه الغول اتبناها من ٢٢ سنه من دار ايتام بالظبط في الوقت اللي ارسيليا سابته ايام الحادثه بتاعتها هو اتبني البنت دي وسجلها باسمه.

جاسر بسخريه : وهو ده بيعمل حاجه لله كده. 

معتز : المشكلة مش في چانيت المشكلة ان ارسيليا رجعت مصر. 

جاسر بدهشه : ايه وشريف عرف انها رجعت مصر. 

جاسر : شريف اتجنن دا عمل مشكله كبيره قوي ..

وحكي له ما حدث. 

جاسر : وانت عرفت منين ان مرات وسيم تبقي ارسيليا ما يمكن شبهها فعلا واسمها نانسي. 

معتز : انا شفت الفديو بتاع الحفله اللي صوره رجل الاعمال صاحبي ، بعتهولي واتس وفعلا طلعت ارسيليا وشريف باعلي صوته قالها مش هسيبك يا ارسيليا. 

جاسر : دا اتجنن رسمي وانا اللي بعاتب علي العيال بدر وياسين اتاريه الكبير اللي مفروض عاقل طلع اجن منهم. 

معتز : هنعمل ايه معاه. 

جاسر : علي كلامك وسيم ده مش سهل وشريف هيودي نفسه في مشاكل لازم نروحله نعقله ، وبعدين ارسيليا لو كانت عايزه شريف لسه مكنتش سبته زمان ولا دلوقتي ، انت اسبقني وروحله لحد ما اروح اشوف حور دي. 

                      ★★★★★

انتظر ياسين في سيارته باحدي الشوارع القريبه من الجامعه في انتظار چانيت وعند ظهور سيارتها قادمه شغل محرك سيارته وكسر عليها الطريق بسيارته ، ثم هبط من سيارته واقتحم سيارتها وهو يفتح الباب الاخر وجلس بجوارها. 

چانيت : في ايه انت مجنون. 

اقترب منها وهجم عليها ، كتف  يدها وبهمس ، تاني مره تقلي ادبك. 

چانيت حاولت مقاومته : انت مش طبيعي ابعد عني.

ياسين نظر لشفايفها وبهمس : مش طبيعي علشان القلم اللي ادتهولي امبارح ، ثم قرب شفايفه من شفايفها وقبلها بحراره وهو يتلذذ بقبلتها وهي قاومه بشراسه ،  حتي تحكم بها بقبله مليئه باللهيب الذي اذاب عنادها فاستسلمت له وبدات تقلل من مقاومتها له ، فابتعد ياسين قليلا وهو يشاهد حمره وجنتيها وشفايفها بخجل فهمس علي شفايفها ، ناار شفايفك نار.

فعضت علي شفايفها بخجل زاد شفايفها حمره فاقبل عليها مره اخري فوضعت سبابتها بين شفايفه وشفتيفها وبهمس ، لا.

ياسين بابتسامه همس : مش عجبتك. 

چانيت  بخجل : بس. 

ياسين : يبقي عجبتك .

ثم ابتعد قليلا وجلس ونظر لها بحب : علي فكره انا كلمت بابا عليكي وقلتله اني عايز اخطبك. 

جانيت بدهشه : ايه. 

ياسين هز راسه بسعادة : وعايز يشوفك تيجي نروحله. 

جانيت نظرت له بمكر مصطنع. 

ياسين : لا نروحله الشركه انتي عقلك راح فين فاكره اني هقولك اخدك الشقه وتشوفيه وجو الافلام الهابطه ده. 

جانيت رفعت أحد حاجبيها بحنق. 

ياسين : انتي لو ليكي مزاج تيجي اوريكي شقتنا الجديده معنديش مانع. 

چانيت : انزل من العربية. 

ياسين بضحك : طيب والله بتكلم جد انا فعلا كلمته عليكي انتي مش عارفه عملتي فيا ايه. 

چانيت : عملت ايه. 

ياسين نظر لعينيها بحب ، بحبك. 

جانيت بسعاده : طيب ما انا كمان حبيتك. 

ياسين صفق بيده بصوت مرتفع : ايوه كده يا ياسين يا متمكن اخيرا وقعتها. 

چانيت بتذمر مصطنع : بجد. 

ياسين : وعهد الله حبيتك وكلمت الحج عليكي. 

چانيت : والحج قال ايه. 

ياسين : موافق طبعا هو يقدر يرفضلي طلب والحاجة كمان. 

چانيت بضحك : والحاجة قالت ايه. 

ياسين : بتقولي اول ما تشوفها يا واد يا سونه بوسهالي.

وقرب عليها ليقبلها فابعدته هي.

-- هنستهبل بقي  

ياسين : هو في احسن من الاستهبال.

چانيت : يبقي اقول لجدو بقي.

ياسين : لا. 

جانيت : ليه.

ياسين : لما اكد بس علي بابا ونشوف هنعمل ايه .. وقت بس مساله وقت. 

جانيت بسعاده : اوك .

ياسين : هروح اركب عربيتي تمشي قدامي بعربيتك واياكي تسرعي.

جانيت : مش هنتسابق بالعربيات. 

ياسين : لا يا حببتي انا عايز ادخل دنيا واتمتع انتي كده هدخليني الاخرة. 

                    ★★★★★

اتصلت دنيا علي جاسر وهو في طريقه للمستشفي.

دنيا : تفتكر هتوافق تبعد عنه.

جاسر : لازم تبعد.

دنيا : خايفه نكون بنظلمه. 

جاسر : انتي حنيتي ولا ايه.

دنيا : لا بس انا بحب زي ما انت بتحب زي بدر ما حب. 

جاسر بحب : مفيش حب في الدنيا زي عشقي ليكي.

دنيا بسعاده : لسه بتعشقني بعد ما كبرنا. 

جاسر : كل دقيقه ويوم وشهر وسنه بنكبره عشقي ليكي بزيد ، بعشقك ياعشق الجاسر .

دنيا : وعشق الجاسر بتعشقك.

جاسر : انا بقول نكنسل موضوع المستشفي واجي. 

دنيا : فهد هنا قاعد مع سيلا.

جاسر : العيال دول هيتجوزا امتا بقي علشان الفيلا تفضي ونجرى براحتنا. 

دنيا : طيب خلي بالك من الطريق. 

جاسر : حاضر يا عشقي انا داخل علي المستشفي. 

ذهب جاسر الي حور في المستشفي في مكتبها تحديدا.

حور بصدمه وقفت : جاسر بيه.

جاسر دخل وجلس: مش المستشفي دي بتاعت بدر برضو. 

حور جلست : اه. 

جاسر : سمعت انك دكتوره شاطره لا وكمان عارفاني لكن عارفاني منين ياترى من السوق ولا من والدتك  اكيد مش من السوق انتي دكتوره وملكيش في شغل الشركات والسوق.

حور بتوتر: من السوق اكيد، صور حضرتك منوره كل المجلات والسوشيال ميديا. 

جاسر : ذكيه وكمان لبقه في الكلام ، تمام زي مامتك. 

حور نظرت له بعدم فهم. 

جاسر : طالما زكيه ولماحه يبقي نجيب من الاخر عايزه ايه من بدر ، ومتنسيش زي ما انتي زكيه فانا مش اقل منك.

حور : العفو يا جاسر ، لكن انا مش عايزه حاجه من بدر .. انا عيزاه هو بدر لشخصيته وبس.

جاسر : شخصيته وبس وانتي عرفتي شخصيته فين ولا عرفتيه فين اساسا انتي طول السنين دي مسافره انا معرفش انتي رجعتي ليه ولا علشان ايه وميهمنيش لكن بدر لا. 

حور : حضرتك ليه بتكلمني كاني جايه اخطفه منك انا بحبه زي اي اتنين بحبوا بعض. 

جاسر : مينفعش انتوا مش زي اي اتنين بصي يا بنتي لا انتي تنفعي بدر ولا هو ينفعك لا بيئته تناسبك ولا بيئتك تناسبنا ده طبعا غير المشاكل والخلافات اللي كانت بين العيلتين.

حور  قاطعته : ازاي حضرتك بتقولي يا بنتي واعتبرتني في مقام بنتك وفي نفس الوقت عايز تهد حبي انا وبدر بسبب خلافات بين حضرتك واهلي زمان ، حضرتك بتظلمني وبتاخدني بذنب مش ذنبي ولا ذنب بدر.

جاسر : ببساطه لان الذنب ده  هيفضل مربوط بيكم لاخر العمر ومش بيكم بس لا ده هيطول اولاد بدر لو استمريتي معاه اللي بحب مبياذيش ،  ولا انتي زي امك بتاذي اللي بتحبيهم زي ما اذتني قبل كده كتير ومش انا بس لا دي فكرت تاذي عيلتي كتير لكن مقدرتش ولا انتي هتقدرى. 

حور : لكن جوازي من بدر عمره ما هيكون اذيه له. 

جاسر ضحك بسخريه : يعني مش هتاذيه في شغله بلاش شغله انا عندي شركاتي وبيشتغل فيها ، مش هتاذيه  في اولاده اللي لو خلفهم منك في سمعتهم  لما يعرفوا ان جدتهم قتلت جدهم. 

حور وقفت بصدمه : ماما قت**لت بابا حضرتك بتقول ايه انت زودتها قوي. 

جاسر : انتي متعرفيش يعني ان منار قت**** لت طارق.

حور بصدمه انهارت وامتلات عيونها بالدموع : مستحيل مستحيل اللي حضرتك بتقوله بابا مات طبيعي مستحيل ماما تق**تل ، لا بابا لاااا ، وبانهيار جلست تبكي معقول ماما حرمتني منه طول عمرى دا انا كان  نفس ي طول السنين دي  اشوف بابا احس بحنانه وحضنه ولمسه اديه كان نفسي اترمي في حضنه واشكيله من اللي انا فيه وعشته ليييييه لييييه ماما تحرمني منه ، انا مكنتش عايزه حاجه غير حضن ابويا ليه يا ماما ليييه. 

جاسر : انا اسف اني قلتلك الكلام ده مكنتش متوقع انك متعرفيش. 

حور  مسحت دموعها وبصوت مبحوح : حقك يا جاسر بيه تخاف علي ابنك اذا كنت الاول مصره اني اتجوز بدر ، لكن بعد كلامك ده مستحيل اوافق علي جوازي منه ، انا نفسي قرفت منها بعد اللي عرفته عنها طول عمرى بكدب نفسي ناحيتها في حاجات كتير لكن بعد اللي حصل لا بقيت انفع بدر ولا حتي انفع اخلف ولاد يستعروا من اصلهم مني. 

 جاسر وقف باستياء : ربنا يعينك لكن اتمني تكوني قد كلمتك.

حور : اطمن يا بجاسر بيه انا قد كلمتي وعمرى ما هفكر اذي حد بحبه. 

قاطعهم دخول منار العادلي وهي ترتدي نظارتها بسعادة.

منار : ايه رايك في السبرايز دي اخدت العنوان من رهف صحبتك علشان اعملهالك مفاجاة. 

ثم رفعت نظارتها وهي تشاهد حور تبكي. 

-- مالك يا حور في ايه بتعيطي ليه. 

ثم التفتت فشاهدت جاسر.

-- جاسر مش معقول بعد السنين دي كلها. 

جاسر : منار العادلي. 

حور بدموع وهي تنظر لها بقرف : قت"*لتي بابا.

منار بتوتر : انتي بتقولي ايه. 

ثم نظرت لجاسر انت قلتلها ايه ..  كدب كدب هو قالك ايه. 

ثم اقتربت من حور ، هو هو اللي قت**له جاسر جاسر اللي قت**له ولبسني التهمه لما عرف اني مسافره ومش راجعه مصر هو يا حور اوعي تصدقي عني حاجة.

حور بدموع انهارت : حرام عليكي ليه تحرميني منه ليييه طول عمرة بكدب نفسي واقول اللي شفته كدب بابا وهو نايم وسط الدم لما صحتيني انا ومعاذ وجريتي بينا في عز الليل واترميتي في حضن وائل كل ده وانا ساكته وبكذب نفسي علشان مخصركيش.

منار بصدمه انتي بتقولي ايه انتي فاكره كل ده. 

حور : كل ده في قلبي مغبش عن عيني لحظه يا ماما ، مبقاش ينفع اقولك يا ماما دمرتيني ودمرتي حياتي …

منار قاطعتها : علشان كده طول السنين دي كنتي متغيره معايا وعلي طول بعيده عني ..

حور بحزن شديد وبكاء : ربنا يسامحك ربنا يسامحك لكن انا عمرى ما هسامحك. 

وذهبت وتركت المكتب.

منار بضيق : انت السبب انت اللي دمرت حياتي وحياة بنتي حتي بعد ما نسيت كل حاجه وقلت خلاص انما لا يا جاسر وقت الانتقام جه من تاني.

جاسر لوي فمه بسخريه وتركها وذهب.

منار بعصبيه تناولت الاباجوره من المكتب والقتها علي الارض بغضب.

                         ★★★★★

في فيلا الحديدي يجلس فهد مع سيلا في الليفنج. 

فهد : سيلا سولي سلاسيلوا سلسوله سوسو.

سيلا : اييييه ايييييييه ، ده كله في ايه.

فهد : ما انا قلت انزل لمستواكي يا بيبي وابقي بمط زيك.

سيلا بضحك : عايز ايه يا استاذ مطاط. 

فهد  تناول شنطه مغلفه من جانبه ووضعها علي قدمه : شفتي جبتلك ايه في عيد الام. 

سيلا : ليه هو انا كنت امك.

فهد : بنت عيب اسمها مامتك مامي. 

سيلا : المهم جبت ايه. 

فهد : حاجه بتحبيها ونقصاكي طول السنين اللي فاتت دي كلها.

سيلا بتمتمه : بحبها ونقصاني ، ببلاهه مصطنعه قزازه برفان. 

فهد بصدمه : قزازه برفان وانا اقول ايه الريحه النتنه دي اللي هبت عليا ، هو انتي مبتتبرفنيش يا روحي. 

سيلا : لا. 

فهد بصدمه : طيب هي مش علبه برفان هي حاجه تانيه. 

سيلا بسعاده : لا متقلش هو ده كنت حاسه انك هتجبها. 

فهد : ها ايه. 

سيلا : شامبو. 

فهد : يخربيت النتانه ، هو انتي برضو مبتغسليش شعرك بشامبوا اومال بتغسليه بايه. 

سيلا : مبغسلوش هو المفروض يتغسل. 

فهد : يعني اصلا مبتغسلهوش ، بت انتي هتشليني. 

والقي عليها علبه ففتحتها سيلا واخرجت منها فستان احمر مرصع بتطريز فضي من ماركه مانجو الاسبانيه. 

سيلا : ايه ده فستان. 

فهد غمز لها بعبث ، هيبقي ولعه عليكي احمر علي ابيض يالهوووووي. 

سيلا بخجل القت الفستان عليه ، مش لبساه. 

فهد التقط الفستان وقبله ، بووو**سه مني ليكي هشوفك النهارده بالليل واحنا خارجين بيه ، باي. 

وتركها وذهب 

سيلا بسعاده التقتت الفستان وحضنته. 

                        ★★★★★

في شركه المصرى .

جاسر بعصبيه : انت اتجننت دي متجوزه عقلك فين طيب مش خايف علي نفسك خاف عليها لو اتعرف انها لسه عايشه وانت باعلي صوتك وبكل غباء بتقولها مش هسيبك ياارسيليا.

شريف بعصبيه : مش هسيبها لو كانت مع مين مش هسيبها تاني. 

معتز : عمال افهمه من الصبح وهو علي الكلمه دي. 

شريف : مش هسيبها برضوا .. و وقفت بادي جارد عند شركتها وعند الفندق اللي نازلين فيه وعرفت اسمها المستعار ولو فكرت تسافر هتلاقيني في المطار مستنيها. 

جاسر بحنق : مش هتسيبها  حتي بعد ما تعرف انها حامل من جوزها 

شريف : …….. 

#البارت ١٢ 

في شركه المصرى .

جاسر بعصبيه : انت اتجننت دي متجوزه عقلك فين طيب مش خايف علي نفسك خاف عليها لو اتعرف انها لسه عايشه وانت باعلي صوتك وبكل غباء بتقولها مش هسيبك يا ارسيليا.

شريف بعصبيه : مش هسيبها لو كانت مع مين مش هسيبها تاني. 

معتز : عمال افهمه من الصبح وهو علي الكلمه دي.

شريف : مش هسيبها برضوا .. و وقفت بادي جارد عند شركتها وعند الفندق اللي نازلين فيه وعرفت اسمها المستعار ولو فكرت تسافر هتلاقيني في المطار مستنيها. 

جاسر بحنق : مش هتسيبها  حتي بعد ما تعرف انها حامل من جوزها. 

شريف بصدمه : مش هسيبها مهما حصل. 

وبعيون امتلات بالدموع انا بس عايز اعرف سابتني ليه زمان .. نسيتني !! مبقتش تحبني ! احنا كنا كويسين ورايح اجيب الماذون وهنتجوز رسمي هربت ليه بعدت ليه !! 

جاسر اقترب منه بحزن : فكر في حياتك اللي فات مات يا شريف.

شريف بدموع حضن جاسر : مامتش مامتش ياجاسر بحبها بحبها يا جاسر ومها اقول هنسي مبنساش مبنساش ياجاسر. 

جاسر رتب علي كتفه بحنيه : اهدي اهدي ايه اللي حصلك. 

شريف ابتعد قليلا وهو يبكي بحرارة : كل ما احاول انساها بواحده تانيه مبقدرش حاولت ادور عليها في مليون ست ملقتهاش اول ما شفتها كنت زي المجنون كان نفسي اخطفها واهرب بيها لابعد مكان ، ارسيليا وحشتني يا جاسر وحشتني قوي.

معتز : ومراتك وبيتك يا شريف. 

شريف نظر لمعتز بحزن : بحب سمر او اتعودت عليها لكن عشقي كله لارسيليا يا معتز. 

جاسر نظر لمعتز : اقلب الدنيا علي ارسيليا يا معتز. 

معتز بدهشه : انت بتقول ايه.

شريف نظر الي جاسر بنظره امل : هتساعدني الاقيها. 

جاسر نظر لشريف بابتسامه : انا قسيت عليك زمان لما حاولت ابعدك عنها لكن بعد الحاله اللي انت فيها دي وبعد السنين دي كلها هجبهالك لكن توعدني يا شريف وعد.

شريف : وعد ايه. 

جاسر : لو ارسيليا فضلت جوزها عليك تبعد عنها وتلتفت لمراتك وبيتك وتسيبك من الهرجله والستات. 

شريف : وانا موافق.

جاسر : تمام. 

معتز : بس انا مش موافق ، انتوا نسيتوا سمر.

جاسر : معتز يلا علشان متتأخرش علي اللي قلتلك عليه. 

شريف : بس انا عمرى ما هظلم سمر ولا هقصر معاها. 

معتز : وانت بخيانتك ليها كل يوم مع واحده مبتظلمهاش ولا بتقصر معاها. 

شريف : وحرماني اني اكون اب طول السنين دي علشانها مش ظلم ليا .. ان طفل يشيل اسمي من بعدي مش ظلم.

معتز : متنساش انك السبب في عدم خلفتها. 

شريف : انا مكنتش اعرف ده كله واللي ارسيليا عملته واول ما عرفت بعدت عن ارسيليا وسيبتها وكنت هنساها. 

معتز : ولما انت كنت ناوي تبعد عن ارسيليا عايز ترجعلها تاني ليه. 

شريف : علشان سمر رجعتهالي تاني ولما قربت اكتر من ارسي مقدرتش انساها تاني بسهوله ، يمكن اول مره كنت اقدر لكن بعد ما قربت مني مقدرتش حاولت حاولت والله يا معتز مقدرتش. 

جاسر : خلاص اللي حصل حصل كفايه يا معتز جلد فيه ويلا علشان ورانا ميتنج. 

معتز بتذمر : بس انت كده هتساعده يا جاسر في ظلم سمر. 

جاسر بحنق  : معتز قلت خلاص ، يلا. 

واخذ معتز وذهبوا … في السيارة 

جاسر : يا عبيط وانت فاكر اني هظلم سمر بعد السنين دي كلها واساسا انا اللي قربتها منه. 

معتز : اومال عايزني ادور علي ارسيليا ليه. 

جاسر : وانت فاكر لما ندور عليها ونلاقيها وهي اساسا مختفيه منه بمزاجها وانت بنفسك قايلي انها اتجوزت اللي اسمه وسيم ده في واشنطن وكمان حامل منه هترجع لشريف تاني. 

معتز : يعني ايه. 

جاسر : يعني ارسيليا اكيد مش هتتخلي عن حياتها وجوزها واللي في بطنها علشان شريف.

معتز : وهو شريف هيسيبها. 

جاسر : اومال انا خدت عليه العهد ليه انها لو قالته يبعد يبقي يبعد وينساها مش علشان اقطع عليه اي سكه واخليه يلتفت لسمر ويسيبه من شغل السرمحه دي.

معتز : ولو ارسيليا فكرت ترجع لشريف.

جاسر : مكنتش بعدت السنين دي كلها وكمان جايه حامل حتي لو كانت بتحب شريف مكنتش هربت من الاول واتجوزت وعاشت حياتها.

معتز : يعني ادور عليها بجد. 

جاسر : طبعا وهنلاقيها وهنجيبها علشان نقطع علي شريف اي امل بفكر فيه ناحيتها. 

                       ★★★★★

عدي يوم واثنان واتي ميعاد طياره ارسيليا.

في الفندق في الجناح تحديدا  .

وسيم يمسك شنطه السفر : يلا يا ارسي.

ارسيليا امام المراه تعدل شعرها : يلا يا حبيبي. 

فتح وسيم الباب فوجد بعض الحراسه ويتوسطهم جاسر ومعتز. 

وسيم : مين. 

ارسيليا بدهشه :  جاسر الحديدي. 

جاسر مد يده وصافح وسيم وارسيليا : انا جاسر الحديدي صاحب شركات الحديدي. 

وسيم نظر لارسيليا بتعجب. 

ارسيليا : جاسر بيه معروف في السوق. 

وسيم : عارفه ، لكن انت عايز ايه. 

جاسر : ممكن نقعد نتكلم شويا. 

وسيم : لكن احنا ورانا طيارة. 

جاسر : مش هاخد منكم كتير ، انا بس كنت عايز اتكلم مع ارسيليا شويه. 

وسيم : بخصوص ايه. 

جاسر : موضوع قديم ولازم يتقفل. 

ارسيليا نظرت لوسيم : جاسر بيه شخص محترم وانا اعرفه كويس. 

وسيم مسح يده علي وجه بضيق : ماشي. 

هبطوا جميعا لاسفل وجلس وسيم مع معتز ، وجلست ارسيليا مع جاسر بالاتجاه الاخر.

جاسر : انا مش هقولك انتي رجعتي في ايه ولا مسافر ليه ولا عايز منك حاجه انا كل اللي عايزه انك زي ما انتي عايشه حياتك ومتجوزه وعلي ما اعتقد حامل تسيبي شريف يعيش حياته هو كمان. 

ارسيليا : انا مقربتش من شريف اساسا انا طول السنين دي كلها وانا بعيده محاولتش اقرب ولا مرة، لولا افتتاح فرع الشركة في القاهرة واصرار وسيم جوزي اننا نزل القاهرة مكنتش نزلت ولا فكرت انزل مصر. 

جاسر : تمام وانا مش عايز اكتر من الكلمتين دول تقوليهم لشريف انك عايزه تكملي حياتك مع جوزك واللي في بطنك. 

ارسيليا وضعت يدها علي بطنها بسعادة: ده الحاجة الوحيدة اللي هتعوضني عن حرماني من شريف وبنتي.

جاسر بصدمة : بنتك مين انتي معاكي  بنت اقصد عندك اولاد.

ارسيليا : لا دي حكايه كده عليها سنين ، لكن حاضر هقول اللي انت عايزه لشريف بس وسيم جوزي…

جاسر : استني بس افهم بنت مين وفين دي..

ارسيليا: الله يرحمها بقت ذكرى زي ذكرى حبي لشريف ، لما سبت شريف كنت في بدايه حاملي ولما سافرت كملت حمل وولدت هناك لكن للاسف ماتت اول ما اتولدت. 

جاسر : متاكده انها ماتت.

ارسيليا بدموع : ملحقتش اشوفها المستشفي دفنتها علي طول.

جاسر : هي كام سنه دلوقتي. 

ارسيليا  : ذكرى وافتها ال ٢١ كمان شهر.

جاسر : يعني مش ٢٢. 

ارسيليا  : لا ٢١ بس بتسأل ليه. 

جاسر : ها لا ولا حاجة وشريف كان يعرف انك حامل. 

ارسيليا : لا. 

جاسر : طيب لو طلبت تقعدي كمان اسبوع في القاهرة فيها حاجة.

ارسيليا : لا انا اصلا كنت مستعجلة علي السفر علشان شريف ميشوفنيش وكمان الغول.

جاسر : متقلقيش انا هامنك كويس وموضوع شريف ده متقلقيش منه. 

ارسيليا : هو حضرتك عايزني اقعد ليه في مصر .

جاسر : هتاكد من حاجه الاول وبعد كده لو عايزه تسافرى براحتك. 

ارسيليا : وشريف. 

جاسر : هتقابليه وتقوليليه انك عايزه تعيشي حياتك مع جوزك والبيبي.. لكن بصراحة انتي لسه بتحبي شريف. 

ارسيليا هزت راسها بالتاكيد : وعمرى ما نسيته لحظه لكن كان لازم اوفي بوعدي لسمر.

جاسر : سمر. 

ارسيليا : يوم جوازي من شريف ، سمر طلبت مني ابعد عن شريف .. انا توبت يا جاسر بيه واول حاجة صح اعملها اني اكفر عن ذنوبي وانا اذنبت في حق سمر وكان لازم اعاقب نفسي ببعدي عن شريف زي ما سمر طلبت مني وربنا حب يخفف ذنوبي بموت بنتي وحرماني منها وانا راضيه واتاقلمت علي حياتي وجوزي ، وسيم عوضني عن كل حاجة وحشة شفتها في حياتي وعن كل حاجه مريت بيها ، ثم نظرت لوسيم بابتسامه وهو يبعد عنها ببضع مترات  يمكن مكنش حبيته قد شريف بس هو عرف ازاي يحببني فيه بحبه ليا واهتمامه وخوفه عليا معرفش حب او تعودت بس وسيم عوضني عن حاجات كتير. 

جاسر : ربنا يسعدكم ، تمام انا همشي دلوقتي وهتصل عليكي نتقابل النهاردة علشان تقابلي شريف.

ارسيليا : حاضر.

ذهب جاسر ومعتز والحراسه. 

وسيم : في ايه وعايزين منك ايه. 

ارسيليا : حسابات  حسابات ولازم تخلص علشان اسافر وانا مرتاحة. 

وسيم : طيب يلا علشان هنتاخر علي الطيارة. 

ارسيليا : لما اخلص الحسابات دي هناجل سافرنا اسبوع. 

وسيم بضيق : علشان شريف. 

ارسيليا : شريف كان في بيني وبينه خلافات زمان ولازم تصفي ويشوف حياته بعيد عني وجاسر بيه وعدني بكدة.

وسيم : يعني عايزه تقابلي شريف.

ارسيليا : انا قلتلك اني اطلقت من شريف بس الحقيقه انا هربت منه وده اللي كان مخوفني اني انزل مصر. 

وسيم : هربتي منه ليه. 

ارسيليا : قلتلك حسابات وكان لازم تتصفي ، جاسر بيه هيدخل ويحل المشكلة. 

وسيم : احنا ممكن نسافر دلوقتي ومنجيش القاهره تاني ومش تشوفيه تاني.

ارسيليا : مش هيسيبني لو سافرت اخر الدنيا كفاية هروب علشان ارجع معاك وانا مطمنه واكمل حياتي بامان انا وانت وابننا. 

وسيم بخوف  : هترجعي معايا يا ارسييليا. 

ارسيليا بحب مسكت يدها بيده : ومش هسيبك يا وسيم. 

                      ★★★★★

ذهب جاسر للفيلا .

انت يا زفت انت يا اللي اسمك ياسين. 

ياسين هبط بسرعه من اعلي الفيلا : بابا في ايه.

جاسر : اقعد قدامي يا جلاب المصايب.

ياسين جلس : خير في ايه. 

جاسر : هي البنت اللي عايز تخطبها دي ما تجيبها هنا اشوفها.

ياسين : ايه يا ميجو انت عينك زاغت عليها ولا ايه. 

جاسر : اخرس يا حيون انا بس مش عايز احكم عليها من غير ما اشوفها واتكلم معاها. 

ياسين : صلاه النبي احسن كنت متاكد انك هتوافق عليها. 

جاسر : انا لسه موافقتش ومش موافق اساسا. 

ياسين : الله انت بميه راي ما انت من شويا كنت بتقول هاتها الفيلا. 

جاسر : ولا اقولك هاتها في اي مطعم اقعد معاها. 

ياسبن : شويا شويا تقولي هاتها  الشقة. 

جاسر : اخرس يا حيوان شوف اي كافيه وظبط وقولي. 

ياسين : اظبط واقولك اوعي تكون عينك زاغت عليها دي الحته بتاعتي اه. 

جاسر  تناول طفايه كريستال وخبطه بيها فتفاداها ياسين. 

ياسين بضحك : بهزر بهزر خلاص هظبط واقولك. 

اتصل ياسين علي چانيت. 

ياسين : اذيك يا حته .. اقصد يا مزه .. يووه اذيك يا حب. 

چانيت : تمام يا دكتره. 

ياسين : علي فكره يا بت امك دعيالك الحج عايز يشوفك هتيجي الفيلا ولا الشقة. 

چانيت : ايه. 

ياسين : يوووه دايما فهماني صح كده ،اقصد هنتقابل في اي كافيه علشان الحج عايز يتعرف علي مرات ابنه. 

چانيت : اوعي تكون ناوي تحطلي حاجه احمره. 

ياسبن : اقسم بالله لو ينفع ما هتردد لحظه. 

چانيت : علشان  اقت*** لك. 

ياسين : اهون عليكي. 

چانيت بدلع : اه تهون قوي. 

ياسين : طيب ماتجيبي بو**سه. 

چانيت : لما اشوفك. 

ياسين بضحك : هتديني يعني. 

چانيت : اه طبعا باللي في ايدي في وشك. 

ياسين بهزار: بس مش في وشي عايز تحديدا في بوقي. 

چانيت : ايه ارجع في بوقك. 

ياسين : يععععع. 

چانيت بضحك : ما كان حلو دلوقتي. 

ياسين : اخلصي يا بت اشوفك بالليل انا وبابا في كافية  *****

                         ★★★★★

تجلس منه مع سيلا .

سيلا : اه ياختي تقضوها انتي وادم والبس انا ف فهد. 

منه : ده فهد حته سكره ثم انا شيفاه اليومين دول فرحان وسعيد ورايق وعلي طول بيسال عليكي. 

سيلا : بجد يا بت فرحان طيب ايه اللي مفرحه. 

منه : علشان وقع فيكي ياسولا وقع ومحدش سما عليه. 

سيلا : ايه وقع بتقولي ايه انا وربنا ما قربتله. 

منه : طيب بزمتك انتي كمان موقعتيش في حبه عادي ده خطيبك وبكره يبقي جوزك. 

سيلا : ايه انتي اتجننتي جوز مين لا طبعا مفيش جواز احنا اتفقنا علي خطوبه بس ، وبسعاده هو عادي يعني مش حب ولا اعجاب حاجه كده مش مفهومه يعني ببقى مبسوطه لما بكلمه  عادي يعني. 

منه : عارفه عارفه ما هي بتبدا بكده.

قاطعهم دخول آدم. 

ادم : هو ايه اللي ببدا بكده. 

سيلا : والله انت جيت انتوا متفقين بقي وعاملني كوبرى. 

آدم : وايه الجديد يا سولي هو في احلي من كده كوبري.

وسحب كرسيا وجلس بجوار منه. 

منه بكسوف : اذيك يا آدم. 

آدم : يالهوووي آدم زي الحصان. سيلا : طيب ياحصان هشوفك دلوقتي لما اتصل بفهد اخلي يجي يطب علي نفسكم وابقي وريني سرعتك.

آدم : يخربيتك فهد مين اهدي يا سوسو عليا دا انا حتي جايبلك الشكولاته اللي بتحبيها. 

واخرج من جيبه شكولاته باونتي خد يا عسل. 

فالتقطتها سيلا : ايوه كده احترم اختك التوام. 

منه بضحك وانا مليش نصيب. 

آدم : يالهوي عليا وانا اقدر. 

واخرج من جيبه خمس شيكولاتات واعطاهم لمنه فاخذتهم بسعاده. 

سيلا : نهارك اسود انت جايبلي واحده وجيبالها خمسه. 

ثم نظرت خلفه ، فهد انت جيت. 

آدم  التفت بخضه خلفه فلم يجد احد :   يخربيتك قطعت الخلف ، اتهدي بقي  هجبلك محل شيكولاتات. 

سيلا : انا هعديها المرادي بس وحيات منه لو مجبتليش لما نروح لاجبلك فهد يعصرك يطلع منك شيكولاته لما يعرف انك قاعد معانا. 

آدم بتمتمه : روحي منك لله.

                         ★★★★★

ذهب جاسر وياسين الي الكافيه بانتظار جانيت. 

ياسين : ما تقولي يا ابو حجيج انت ناوي علي ايه مع البت.

جاسر  : اقولك ايه يا متخلف انت ، قلتلك اني عايز اتكلم معاها. 

ياسين : ربنا يستر. 

دخلت جانيت عليهم وبعد السلام جلست. 

جاسر بتمتمه : كلها ارسيليا. 

چانيت : اذيك يا عمو. 

جاسر : الحمدلله اذيك چانيت ال..

چانيت : جانيت الغول جدو يبقي الغول صاحب شركات الغول ..

جاسر : هو جدك ابو والدك ولا والدتك.

چانيت : ابو ماما الله يرحمها. 

جاسر : اه وباباكي مش عايش. 

چانيت : لا توفي قبل ماما اصل ماما ماتت وهي بتولدني وجدو هو اللي رباني. 

جاسر : اه اومال ايه حكايه جانيت الغول دي اومال اسم والدك ايه. 

جانيت : لا اصل جده معندوش ولاد غير مامي اللي يرحمها وملوش حد فكتبني باسمه علشان الميراث وكل حاجه تكون ليا ومحدش يشاركني. 

جاسر : والله هو اللي قالك كده. 

اتي الجرسون وقدم العصير. 

جاسر : اشربي العصير. 

وبداوا  بتناول المشروبات 

جانيت : اه اصل جده بيحبني قوي وكاتب كل حاجه باسمي بيع وشراء لكن انا عملاله توكيل علشان مبفهمش في شغله قوي. 

جاسر : اه ، تمام. 

قاطعه اتصال فرد ، اه .. تمام … تعالا هنتظرك. 

وغلق الهاتف ونظر لياسين ، عمك معتز جاي لو عايزين تقوموا انتوا تمام لو عايزين تقعدوا براحتكم. 

ياسين نظر لجانيت : هنقوم احنا. 

جاسر لجانيت : سعيد اني اتعرفت عليكي ان شاء الله نتقابل تاني. 

جانيت وقفت بابتسامه : انا اللي اتشرفت بحضرتك جدا. 

وذهب ياسين وجانيت واتي معتز وبيده كيس وضع فيه كوب جانيت الفارغ واغلق علي الكيس. 

جاسر : البنت دي مليون في الميه بنت شريف وارسيليا بس برضو ودي الكوبايه المعمل واعمل dna علي بصماتها. 

معتز : وشريف هناخد تحليله ازاي. 

جاسر .

فلاش باك. 

(بعدما انتهي جاسر من مقابلته لارسيليا وشكوكه اتجاه جانيت ذهب الي شريف ليخبره بمقابلته لارسيليا. 

شريف : بجد خشوفها هقابلها. 

جاسر : لكن انا وعدتها اني مش هبوظلها حياتها كلمها زي ما انت عايز لكن لو طلبت تبعد وترجع لحياتها تنساها ولو حبت تكمل معاك هي حره. 

شريف بسعاده : هتكمل معايا وهربي ابنها ومش هسيبها. 

جاسر بتحذير : متنساش وعدك ليا. 

شريف بسعاده : متقلقش. 

جاسر لمح شعره علي كتف جاكيت شريف الذي يرتديه ، بحنق وضع يده الشمال علي كتفه ، اجمد للمقابله يا وحش. 

وسحب الشعره من علي كتفه ومسكها ووضع يده في جيبه. 

همشي انا واقابلك بالليل. 

وعند خروجه و ضع الشعره في منديلا) 

بااااك 

جاسر اخرج من جيبه منديلا به الشعره : دي من شريف خلي المعمل يطابق العينتين. 

معتز : وارسيليا. 

جاسر : ما لو جانيت طلعت بنت شريف هيبقي اكيد بنت ارسيليا كمان. 

معتز : اه فعلا. 

                       ★★★★★

صعدت منارللسياره وحدثت وائل .

-- الحقني يا وائل ، جاسر قال لحور اني قت** لت طارق وحورصدقته تعالالي حالا … شغل ايه وزفت ايه سيب اللي في ايدك وتعالا ..

وصلت منار الي الفندق وصعدت الي حور  فوجدتها تضع ملابسها في شنطه السفر …

منار بدموع : صدقتيه صدقتيه وكذبني مامتك اللي ربتك ، انتي بتلمي هدومك ورايحه فين ردي عليا ، اوعي تصدقيه صدقيني انا. 

حور قاطعتها بدموع : انا صدقت عنيا صدقت اللي شفته من ٢٥ سنه ويارتني ماشفته ، حرمتيني منه ليه حرام عليكي انا مكنتش عايزه الا ابويا عملتي كده ليه علشان بتحبي جاسر ولا علشان الفلوس رحتي رميتي نفسك في حضن راجل غريب ليه. 

منار صفعتها علي وجهها : علشانكم علشان جاسر وقعني في ابوكي زمان ودلوقتي بيوقعني فيكي غبيه غبيه زي ابوكي وهتفضلي غبيه في حد مبحبش الفلوس. 

حور بدموع الانكسار :  انا مش عايزه حاجه انا كان نفسي في ام ..ام تحبني وتحتويني ام تحس بيا وبوجعي ام ارتمي في حضنها لما احس ان الدنيا هتيجي عليا ، ام اطبطب وتداوي ام تريح مش توجع ،  الزمن جه عليا وانتي جيتي عليا اوي يا منار يا عادلي.

ومسحت دموعها واغلقت شنطتها.

منار : استني رايحه فين هعوضك ماتسبنيش يا حور انا امك متبعديش عني يا حور رايحه فين.

حور ابعدتها : مش عايزه اشوفك مش عايزه اشوفك ولو صدفه في حياتي هسافر وابد من جديد لوحدي زي ما طول عمرى كنت لوحدي انتي هدتيني وهديتي كل امل في حياتي. 

وتركتها وذهبت.

منار بصوت مرتفع مليء بالدموع : متسبنيش ياحور استني تعالي يا بنتي تعالي ….

ذهبت حور الي المطار بعدما كانت حجزت تذكره صباحا علي اول طايره مسافره الي دبي وجلست في الطياره والحزن يمليء عينيها. 

وبدات الطائره في غلق ابوابها والاقلاع ولكن اتي شخص من خلفها و وضع يده علي كتفها وبحده. 

-- فاكره السفر بالساهل كده ….

التفتت حور بخضه ودهشه …..

#البارت  ١٣ 

متنسوش تعملوا لاااف للبارت 

ذهبت حور الي المطار بعدما كانت حجزت تذكرة صباحا علي اول طايرة مسافرة الي دبي وجلست في الطيارة والحزن يمليء عينيها. 

وبدات الطائرة في غلق ابوابها والاقلاع ولكن اتي شخص من خلفها ووضع يده علي كتفها وبحده. 

-- فاكره السفر بالساهل كده ….

التفتت حور بخضه ودهشه ، بدر .

بدر جلس بجوارها : طبعا بدر عايزه تهربي مني تاني بالساهل كده. 

صوت المضيفه : علي جميع الركاب ربط احزمتهم للاستعداد لاقلاع الطائره .

حور : الطيارة هتطلع. 

بدر اتكا علي الكرسي  بابتسامه : ما تطلع. 

حور : بطل هزار انزل بقي انا مسافرة وهاجي تاني. 

بدر ضحك بسخريه : بجد هتيجي تاني طيب كويس علشان نبقي نرجع سوا.

صوت المضيفة : الطائرة تستعد للاقلاع. 

حور : انزل بقي الطيارة هتتطلع. 

بدر : لو عايزني انزل يبقي ننزل سوا. 

حور بحزن : مبقاش ينفع. 

بدر : وانا مش هسيبك. 

حور باستسلام طيب انزل وانا هنزل معاك. 

تركا الطائرة وهبطا سويا ثم ذهبوا ليجلسوا في كافيه المطار.

بدر : ليه ياحور ، طيب كلميني واجهيني قوليلي اسبابك. 

حور : اسباب كتير مينفعش اقولها لكن ملخصها اني مناسبكش. 

بدر : ولو قلتلك عارفها وراضي بيها.

حور بدهشه : عارف ايه. 

بدر : عارف كل حاجه وعارف بابا جالك المكتب وقالك ايه وايه اللي حصل. 

حور : هو اللي قالك. 

بدر : لا بس انا عارف قبل ما تنزلي مصر وقت ما كنت بدور عليكي. 

حور : عارف ان ماما قت ** لت بابا  ومقلتليش ليه. 

بدر : لانه ميهمنيش كل اللي يهمني انتي. 

حور : بس اهلك مش موافقين ومش هيوافقي ، انت متعرفش باباك قال ايه بس فعلا معاه حق في كل كلمه قالها. 

بدر : عارف ومش مستعجل علي موافقته ،هيحبك زي ما انا حبيتك ومتاكد من كده. 

حور : عارف ايه باباك خايف عليك وعلي شغلك وعلي سمعه اولادنا قصدي اولادك بعدين. 

بدر بسعادة : ولادنا .. انا سمعت بابا وهو في المكتب عندك.

حور : سمعته ازاي. 

بدر : انتي ناسيه ان المكتب في كاميرات والمستشفي كلها ، بس الصراحه انا مشغل كاميرا مكتبك انتي علي برنامج في موبايلي كل ما بتوحشيني بفتحه واشوفك. 

حور : بتراقبني. 

بدر : طبعا وفي حراسه  وراكي كمان انا مش هسيبك لحظه تغيبي عن عيني ولا عايزه تهربي تاني مني. 

حور : بس انا مش مسجونه يا بدر علشان تراقبني. 

بدر بحب : انتي اتسجنتي خلاص في قلبي.

ومسك يدها وقبلها وكلها شويه وقت واسجنك في بيتي للابد.

حور سحبت يدها بسعادة : خايفة. 

بدر : اوعي اسمعك تقولي الكلمه دي تاني وانا معاكي ، شويه صعاب يا رورو و نتخطاه سوا اوعي تسيبي ايدي تاني من ايدك. 

حور : ووالدك واهلك.

بدر : مفيش حلو بيجي بالساهل وانتي الحلو اللي في حياتي لازم احارب علشانك .

حور بسعادة :  وانا عمرى ما هسيبك تاني.

بدر : يبقي تيجي معايا علي الشقة بتاعتنا. 

حور : شقة ايه انت بتقول ايه. 

بدر : متخافيش مالك ، انا مش عايزك تروحي الاوتيل تاني ولا عايز حد يعرف انك في مصر هاخدك تقعدي في شقه دوبلكس لحد ما الامور تتظبط. 

حور : والمستشفي.

بدر : لا مفيش مستشفيات ولا اي حاجه الا لما الامور تهدا. 

وافقت حور بسعادة ، اخذها بدر وذهبوا الي شقه ملك لبدر وجلست بها.

                      ★★★★★

وائل : في ايه ، ايه اللي حصل .

منار بانهيار  : جاسر .. جاسر قال لحور علي كل حاجه ياوائل ، وحور خدت شنطه هدومها وسافرت. 

وائل : اهدي شويه بس ايه اللي ودا جاسر لحور .

منار : اتصلت علي هدي صاحبه حور قالتلي ان العريس اللي حور قالتلي عليه يبقي ابن جاسر وظابط في الجيش ، انا 

لازم انتقم من جاسر لازم لازم. 

وائل : علشان كده ، متقلقيش انا بوضب فخ لجاسر. 

منار : زياد اوعي تخليه ينزل مصر انا خايفه ليعرف حاجه. 

وائل : متخفيش وراه شغل هناك.

                         ★★★★★

في مكتب الغول 

الغول : انت يا غبي  نايم علي ودانك وسايب جاسر الحديدي  يفتش ورانا. 

ايمن : ماله جاسر. 

الغول : الزفت اللي بيراقب چانيت قالي ان بعد جانيت ما قابلته جه واحد واخد الكوبايه اللي شربت فيها وراح المعمل ، اكيد جاسر كشف اللي مخبيه بقالي سنين.

ايمن : يعني عرف ان جانيت بنت شريف.

الغول : لسه يا غبي النتيجه لازم تتغير. 

ايمن : اوامرك. 

الغول : اديهم في المعمل اللي هما عايزينه بس يغيروا النتيحه.

ايمن : متقلقش هاخد عنوان المعمل واروحلهم. 

ذهب ايمن الي المعمل واخذ النتيجه السليمه وبدل المعمل النتيجه الصحيحه بالخطا. 

                       ★★★★★

ذهبت نهي لمنزل والدها .

رشا : يانهار اسود الواد والبت طاروا من ايدي.

نهي : طاروا فين كل واحد بياخد نصيبه. 

رشا : ومسمعناش يعني ان منه هتتخطب لابن الحديدي الا لما طلبتها دلوقتي لابني عبدالرحمن. 

نهي : ما هي قالت لما تخلص كليتها علشان ما تشغلش نفسها  بخطوبه. 

هانم : بقيتي كهينه يا نهي بقي يوم ما تتعلمي الكهن تتعلميه فينا يا بنت بطني. 

نهي : ليه بس يا ماما. 

هانم : علشان اختك كانت منمره علي اولادك  لعيالها.

رشا : ايه منمره دي يا ماما انا بس كنت بقول نحط زيتنا في دقيقنا. 

نهي : الصراحه كده منه مايله لادم وانا مقدرش اقولها سيبي ده وخدي ابن خالتك ، وبعدين هي بنتك مش اتخطبت للي بتحبه وعايزاه ما يمكن عبدالرحمن بيحب حد تاني. 

رشا : هي اه بنتي خطوبتها تشرح القلب ومخطوبه لابن رجل اعمال بس برضو مفيش زي عيله يوسف الشناوي. 

نهي : كل واحد بياخد نصيبه وربنا يعوض عبدالرحمن. 

هانم : ياكهنو يا بتاع النصيب انتي. 

نهي بضحك : مالك يا ماما قالبه عليا ليه.

هانم : يا ختي انا لا قالبه ولا شاربه انا عايزه ربنا يهدي سرك انتي وجوزك وعيالك. 

رشا : عيني عليك يا بني لسه هدورلك علي عروسه. 

نهي : وادورى ليه ما عندك بنات حسن ابن عمك.

هانم : قطيعه ابعدي عنهم يا بت يا رشا. 

رشا : هما اصلا مش حلوين ومش عاجبين عبدالرحمن اصل البنات  طالعين لابوهم انا عارفه سعاد مش عارفه تتوحم علي نفسها اهي فيها الرمق شويا عن حسن. 

نهي : طيب ايه رايك في بنت تيسير بنت خاله يوسف اهي بنت حلوه لامها ووحيده ومفيش غيرها. 

رشا بسعاده : اه حلوه دي ، تاهت عن بالي فين. 

هانم : هي وحيده تيسير ، هي البت تيسير مخلفتش غيرها. 

نهي : لا قفلت عليها. 

هانم : مكتوبالك يارشا دا انا اسمع ان ابوها غني قووي. 

رشا بسعاده : يبقي نتكلم عليها. 

نهي : وانا هكلم تيسير. 

                 ★★★★★

في المنصوره .

روفان : ايه رايك في عربيتي يا ميجو. 

جاسر معتز الخولي : انا مش قايل مفيش سواقه عربيات لوحدك.

روفان :  هو انا هلاقيها منك ولا من ماما. 

جاسر : يا حببتي انا خايف عليكي ، علي العموم كلها شهر تخلصي امتحاناتك واجي اتقدملك وانا اللي اسوقلك. 

روفان بسعادة : يارب ماما توافق اصلها بتخاف عليا قووي ، دا من كتر خوفها عليا حاسه انها مش هتوافق اني اتجوز وابعد عنها. 

جاسر :  مش للدرجادي اي ام تفرح لجواز بنتها علشان تشوف عيالها ، انا هضر ارجع القاهره بقي علشان ورايا شغل. 

روفان : يبقي المره الجايه انا اللي اجيلك القاهرة.

جاسر بحب  : المرة اللي هتيجي فيها القاهرة مش هترجعي المنصوره تاني علشان وقتها هتكوني مراتي. 

روفان : انا مش عارفه لو مكنتش وافقت اديك رقمي  في عيد ميلاد.منه كنت هتعيش من غيري ازاي. 

فلاش باك .

( كان يوسف يحتفل بعيد ميلاد ابنته منه كل عام ويعزم اصدقائه باولادهم وتيسير بنت خالته. 

في عيد الميلاد كان يشاهد جاسر الصغير روفان التي لفتت نظره لاول مره منذ خمس سنين مع تيسير وكان يتبادلان النظرات والابتسامات وبعض الحديث البسيط بينهم حتي تشجع من سنه تقريبا واخذ رقمها ، فبادلته الارقام فهي ايضا كانت معجبه به  وبدا اللقاء بينهم .) 

جاسر : اكيد كنت هدور عليكي ، بحبك.

روفان بسعاده : وانا بحبك.

                       ★★★★★ 

ذهبت ارسيليا لمقابله شريف الذي صافحها بعشق وهو يمسك يدها ، فحاولت سحب يدها ولكن قبضه شريف كانت متحكمه بها. 

ارسبليا : شريف. 

شريف ترك يدها : وحشتيني.

ارسيليا  جلست بتوتر : عامل ايه.

شريف : ولا حاجة من غيرك يا ارسيليا وحشتيني وحشتيني قوي. 

ارسيليا بتوتر هربت من عيونه. 

شريف برومانسيه : بتهربي بعينك مني ليه مش قادره تواجهيني مش مهم المهم انك معايا دلوقتي وجيتي تاني.

ارسيليا : انا مش جايه ادور علي اللي فات ياشريف. 

شريف بتعجب : اومال جايه ليه. 

ارسيليا : علشان اكمل في اللي انا فيه واللي انا مرتاحاله.

شريف : تكملي تاني من غيري بالساهل كده بعتي زمان مره واتنين ودلوقتي بتبعيني تاني ، قولي انك محبتنيش من الاول. 

ارسيليا : انا مش هفتح في القديم لانه انتهي وكل واحد فينا بقي له حياته. 

شريف : بس انتي حياتي يا ارسيليا وانا مش قادر اعيش من غيرك ، تعالي نكمل سوا من غير خوف ولا قلق  انا معاكي وهحميكي. 

ارسيليا : مينفعش انا بحب جوزي وحامل منه وليا حياتي. 

شريف امتلات بعينه الدموع : بتحبيه !! بتحبيه ونستيني بالساهل كده وانا اللي منستكيش لحظه معقول .. معقول لحقتي تحبيه بالسرعه دي.

ارسيليا : سرعه دول ٢٢ سنه .. السنين بتنسي يا شريف.

شريف : بس انا معرفتش انسي يا ارسي.

ارسيليا : انا مقدرش اهد حياتي وبيتي وابني اللي في بطني. 

شريف : هربيه ونكون سوا ونعيش حياتنا سوا ، ارسيليا انا بحبك انتي اكيد انتي محبتهوش ، انتي  لسه بتحبيني انا شايف ده في عنيكي. 

ارسيليا وهي تحبس دموعها : وانا بحب وسيم. 

شريف بعصبيه : خاينه غداره ملكيش امان للاسف اتخدعت فيكي زمان وكنت معمي طول السنين دي كلها في غشك ليا ..

ارسبليا وقفت : انا همشي و مدورش عليا. 

شريف : انا بندم علي كل لحظه اتخدعت فيها بحبك.

قاطعهم دخول جاسر . 

ارسيليا : انا ماشيه. 

جاسر : استني. 

شريف بغضب  : خليها تمشي مش عايز اشوف وشها. 

جاسر : اقعدي يا ارسيليا ، في موضوع مهم خاص بيكم انتم الاتنين لازم تعرفوه ….

فلاش باك .

(ذهب معتز الي المعمل. 

الطبيب : زي ما حضرتك نبهتنا يا معتز بيه في شخص جه وعرض رشوه علينا علشان نبدل التحليل وادناله التحليل المظبوط وقلناله ان التحليل الغلط حضرتك هتاخده. 

معتز : شك في حاجة. 

الطبيب : لا. 

معتز : والنتيجه. 

الطبيب : ايجابيه. 

معتز : تمام ، واخذ تقرير التحليل وذهب واتصل علي جاسر.

، زي ما انت توقعت بالظبط الغول بعت حد يبدل النتيجة. 

جاسر : والنتيجة طلعت ايه. 

معتز : ايجابيه چانيت بنت شريف وارسيليا .

جاسر : كنت متاكد وحاسس ان الغول مراقب جانيت ، انا هروح لشريف) 

بااااك .

ارسيليا : بدموع انت بتقول ايه بنتي عايشه مستحيل. 

شريف : يعني ارسيليا كانت حامل وانا عندي بنت متاكد يا جاسر. 

جاسر : واسمها جانيت اللي شفتها مع ياسين في خطوبه سيلا.

شريف بصدمه : هي هي اللي شفتها مع ياسين لما افتكرتها ارسيليا اه هي انا فاكرها. 

ارسيليا بدموع السعادة : شبهي انا لازم اروحلها لازم اشوفها واخدها في حضني. 

جاسر : انا جمعت الرجاله وهنروح كلنا نجيبها.

ذهبوا جميعا الي قصر الغول واتصلوا علي يوسف ليلحقهم. 

الغول بسخريه : طالما جايين بربطه المعلم يبقي عرفتوا الحقيقه.

ارسيليا بدموع  : حرام عليك تحرمني من بنتي السنين دي كلها ليييه انا عملتلك ايه دا انا سبتلك كل حاجة.

الغول بسخريه : لسه فاكره تسالي عليا. 

شريف بغضب : فين بنتي. 

الغول : محدش له حاجه هنا ولو فاكرين هتتحاموا بشويه الحراسه دي فمحدش هيقدر ياخد بنتي مني. 

ثم نظر لايمن خلي الرجاله تستعد ولو عايزينها د*م نخليها بحر د*م. 

جاسر بحنق نظر الي ايمن : ليك راي تاني يا ايمن. 

فلاش باك .

(تواصل جاسر مع ايمن الدراع الايمن للغول. 

ايمن : بس انا هستفيد ايه لما اسلمكم البت. 

جاسر : هتاخد مكان الغول بدل ما هو كاتم عليك كده ومخليك دايما رقم اتنين هتبقي التوب رقم واحد واظن كفايه كده غليه ، ده غير ان جانيت لو فضلت معاه هتبقي ايد الغول وانت هتفضل زي ما انت انما لو بقيت معايا كل ده هيكون ليك انت لوحدك والملعب يفضالك. 

ايمن : والغول هيسيبني ده مش بعيد يقت**لني. 

جاسر : سلمنا الاوراق اللي تدينه في شركاته انا عارف ان شغله كله مشبوه وهيتقبض عليه والملعب يفضالك. 

ايمن : كلام رجاله ولا. 

جاسر : انت عارفني كلمتي سيف. 

ايمن : معاك يا جاسر بيه لكن بشرط ، چانيت تتنازلي علي الشركه انت عارف انها واجهه للشغل التاني. 

جاسر : شريف هيديك اللي انت عايزه وكده كده الشركه شغلها مشبوه.

ايمن : يبقي اتفقنا) 

باااك. 

ايمن رفع سلاحه في وجه الغول : كان علي عيني يا كبير. 

الغول : انت اتجننت يا ايمن. 

ايمن بمكر وهو يرفع سلاحه في وجه الغول : كفايه بقي عليك كده انت هتاخد زمنك وزمن غيرك. 

الغول : هنادي علي الحراسه تخلص عليك انت مش عارف انا ورايا ايه. 

ايمن بسخريه : الحراسه وكل الامن اللي في القصر بقوا تبعي اما المافيا فانا تواصلت معاهم وخلاص ادوني الامر بنهايتك. 

الغول : مستحيل .. مستحيل. 

ايمن  : اصل انا قلتلهم انك دبرت حادثه ارسيليا وارسيليا عايشه وانك خدعتهم فادوني الاوك. 

الغول : انت بتقول ايه انت اكيد اتجننت. 

ايمن : اتشاهد علي روحك .. تتشاهد ايه انت اللي زيك حلال فيه القت*** ل علي طول. 

جاسر نظر لايمن : احنا متفقناش علي الد** م. 

ايمن لمؤاخذه يا جاسر بيه احنا اتفقنا اني اسلمك البت والبت فوق خدها انما الغول لازم انهي عليه.

چانيت هبطت من اعلي وهي تشاهد ايمن يرفع سلاحه في وجه الغول. 

والكل يقف. 

چانيت : جدو جدو. 

ارسيليا ذهبت اتجاهها لتحتضنها بشوق.

چانيت بتعجب : انتي مين. 

الغول ضحك بسخريه : امك.

چانيت : ماما. 

ارسيليا بدموع هزت راسها بالتاكيد ، بنتي وحضنتها. 

شريف اتي اليها وحضنها. 

جانيت : انت مين في ايه يا جدو. 

شريف : انا ابوكي. 

چانيت تركتهم وذهبت الي الغول لتحضنه ، جدو عموا ايمن رافع السلاح عليك ليه ومين اللي بقولوا انهم بابا وماما دول. 

الغول بحنق جذب چانيت وسحب سلاحه بسرعه من جيبه ووجهه باتجاه راس جانيت : اللي هيقربلي هقتلها. 

جانيت بخوف : جدو انت بتعمل ايه. 

ارسبليا بدموع وصراخ : لا سيبها سيبها وخد روحي انا  

جاسر وشريف نظروا لبعض بتوتر. 

شريف : سيبها سيبها وانا هديك اللي انت عايزه. 

ايمن مازال موحه سلاحه في راس الغول.

الغول اشار لجاسر : قول لايمن يرمي سلاحه. 

ايمن : انا ميهمنيش البت  ولا غيره انا روحك هخدها كده كده 

جاسر : اهدوا هنوصل لحل ، سيب جانيت يا غول. 

الغول بغضب : الغول هيفضل طول عمره غول ومحدش هيقدر عليه ولو كترتوا هقت** لها عليا وعلي اعدائي. 

جانيت : جدو انا خايفه انت بتعمل ليه كده. 

الغول : عايزه تروحي لامك وابوكي هتعملي زي امك ما عملت زمان وتسبيني يبقي اخد روحك معايا. 

چانيت بدموع : انا بحبك يا جدو. 

ورفعت ساقها براحه وسحبت خنجر صغير تخبئه تحت الجيب القصيرة. التي ترتديها وبسرعه ضربته في ساق الغول وابتعدت عنه ، وسط ذهول جاسر وشريف وارسيليا ، وايمن الذي كان يدربها علي حمايه نفسها من المخاطر دائما. 

ابتعد جانيت بسرعه  فتالم الغول من الطعنه ومال قليلا الي اسفل فاطلق ايمن الطلقه علي راس الغول. 

جانيت بصراخ : لااااا جدوووو. 

احتضنتها ارسيليا بسرعه وخبات راس بنتها في حضنها واتي شريف واحتضنهم ….

جاسر بتاسف نظر الي ايمن .

ايمن بسعاده : اخيرا خلصت. 

يوسف اتي من خلف ايمن : اه خلصت يا روحمك. 

ووضع الكلبشات في يد ايمن. 

ايمن : جاسر بيه احنا متفقنلش علي كده. 

جاسر : وانا متفقتش معاك علي الق* تل. 

القي القبض علي ايمن واخذت ارسيليا جانيت وذهبت معها .

جاسر : مبروك رجوع بنتك لحضنك. 

شريف : مش عارف اشكرك ازاي يا جاسر. 

جاسر : احنا اخوات بس ياريت متنساش وعدك وان في واحده مستنياك في بيتك. 

شريف : وبنتي. 

جاسر : بنتك في حضنك سواءارسيليا سافرت او فضلت .

شريف بتاثر : جانيت هتعوضني كل حاجه انا خلاص مبقتش عايز حاجه غيرها هي وسمر .

جاسر : يبقي روح  ولم حبايبك حواليك سمر وجانيت ومعاذ.

شريف بسعادة : معاذ دا ابني اللي مخلفتوش وجانيت روحي اللي رجعتلي .. انا راجع لسمر. 

اتي يوسف : تمام كده ايمن خدوه في البوكس والغول الاسعاف شالته. 

جاسر : تمام. 

                      ★★★★★

ارسيليا تاخذ جانيت في حضنها وهما علي السرير. 

جانيت : الله حضنك حلو قوي يا ماما ، انا اول مره احس بالحنان والحب ده. 

ارسيليا : وانا عمرى ما هخليكي تسيبي حضني تاني. 

جانيت : هو عمو اللي بره ده جوزك. 

ارسيليا : اه.

جانيت : وبابا. 

ارسيليا : موجود وهيفضل معاكي. 

جانيت : وانتي. 

ارسيليا :  معاكي وهفضل معاكي انا كنت هسافر بس خلاص انا هقعد في مصر علشانك ولو عايزه تسافرى معايا ونسافر سوا وتكملي دراستك بره نسافر. 

جانيت : لا مش عايزه اسافر هو انتي وبابا مينفعش ترجعوا لبعض.

ارسيليا : انا حامل. 

جانيت بسعادة : بجد هيبقي ليا اخ. 

ارسيليا : وسط الكلام سمعت انك مصاحبه ياسين ابن جاسر بيه.

جانيت بسعادة : احنا مش صحاب احنا … وصمتت بكسوف 

ارسيليا : بتحبوا بعض. 

جانيت : اه ، بس انا عايزه اعرف جدو عمل كده ليه. 

ارسيليا ضمتها لاحضانها اكثر : مش المهم المهم انك في حضني دلوقتي..

                         ★★★★★

اتصل وائل علي زياد .

وائل : عرفت هتعمل ايه اوعي تغلط البضاعه دي لازم تتسلم بالايد. 

زياد : متقلقش يا بابا انت هتتاخروا في مصر. 

وائل : لا ، خد معاك حراسه كفايه. 

زياد : حاضر. 

وغلقا الهاتف ودخلت عليه منار. 

منار : سالت في المطار حور سافرت ولا فين انا اتصلت علي هدي ومتعرفش عنها حاجة. 

وائل : حجزت الطياره بس مسافرتش هنا في مصر بس معرفش لسه فين. 

منار : تفتكر مع ابن جاسر. 

وائل : معرفش خلينا بس نركز في جاسر. 

منار : عايزه انتقم منه. 

وائل : بكره او بعده بالكتير وهتسمعي خبره. 

منار : ياريت 

                      ★★★★★

ذهب بدر الي حور في الشقه فطرق الباب فارتدت الطرحه وذهبت لتفتح الباب.

حور : بدر.

بدر  اعطاها بعض الاكل المغلف الذي كان في يده فاخذتهم منه و وضعتهم علي الطاوله الصغيره  التي بجانب الباب  : مش هتقوليلي اتفضل دا بيتك. 

حور بابتسامه : لا طبعا مفيش حد معايا. 

بدر : اومال انا ايه مش مالي عينك. 

حور : لا بس مينفعش تدخل واحنا ونبقي لوحدنا. 

بدر : طيب اروح اجيب المأذون علشان يبقي معانا. 

حور بضحك : يعمل ايه. 

بدر : يعملنا عريس وعروسه. 

حور بكسوف مش وقته .

بدر : طيب انا علي لحم بطني من الصبح وجعان ادخل اكل سندوتش طاا .

حور : فتحت الكيس فتزحزحت الطرحه قليلا وظهرت خصلات شعرها ، بسرعه مسك بدر طرحتها قبل وقعها من علي شعرها ، فنظرت له حور بدهشه ، فعدلها بدر بحب وبسعادة وهو يغطي خصلات شعرها ويعدل حجابها. 

حور بكسوف نظرت للارض. 

بدر  رفع راسها لاعلي برومانسيه : ورحمه امي يوم كتب كتابنا لمقلعلك كل ده. 

حور بصدمه دخلت وغلقت الباب في وجه بسرعه. 

بدر : ما انا مبقتش صابر بقي ، وبسعاده يخربيت جمالك وانتي مكسوفه. 

حور من خلف الباب : يلا امشي واحترم نفسك. 

بدر بسعاده : هحترم ما انا لازم احترم نفسي بس ورحمة  امي اول ما يتقفل علينا باب هتلاقي السفا**له كلها. 

حور : بدر وبعدين. 

بدر : انا ماشي ولو احتجتي اي حاجه هتلاقي في لحظه عندك ، كلي كويس الايام الجايه عايزه غذا 

حور بكسوف : احترم نفسك. 

بدر : انا بعمل لمصلحتك علشان تشتدي كده وتبقي قد الجواز اصلك سفيفه ومش هتاخدي في ايدي فوره. 

حور بكسوف : بدر امشي. 

بدر بسعاده : همشي بس هاجي تاني.

وبتمتمه وربنا ماهسيبك من ايدي بس امسكك بس. 

حور :سمعتك علي فكره وانا اللي كنت  فكراك مؤدب. 

بدر : ما انا مؤدب اهو هو انا لسه عملت حاجة. 

حور : امشي. 

بدر بسعاده : حاضر ماشي اهو ..

                    ★★★★★

دنيا : يا حببتي يا بنتي وشافت جدها وهو بتق** تل دا منظر صعب قوي. 

جاسر : اهم حاجه ان جانيت رجعت لشريف وارسيليا والاهم ان شريف عقل ورجع لسمر وهيبطل شغل السرمحه لو مش علشان سمر يبقي علي الاقل علشان بنته ومنظره قدامها. 

ياسين بسعاده : يعني جانيت بنت عمو شريف ، كده بقي يا بابا انت موافق علي جوازتي من بنت عمو شريف صح. 

جاسر : طبعا لا انت عايزني اجوزك البنت اللي مربيها الغول... 

ياسين  بصدمه : بس دي بنت عمو شريف صاحبك. 

جاسر : بس تربيه الغول ..

البارت ١٤ 

دنيا : يا حبيبتي يا بنتي وشافت جدها وهو بتق** تل دا منظر صعب قوي. 

جاسر : اهم حاجه ان جانيت رجعت لشريف وارسيليا، والاهم ان شريف عقل ورجع لسمر وهيبطل شغل السرمحه لو مش علشان سمر يبقي علي الاقل علشان بنته ومنظره قدامها. 

ياسين بسعاده : يعني جانيت بنت عمو شريف ، كده بقي يا بابا انت موافق علي جوازتي من بنت عمو شريف صح. 

جاسر : طبعا لا انت عايزني اجوزك البنت اللي مربيها الغول... 

ياسين بصدمه : بس دي بنت عمو شريف صاحبك. 

جاسر : بس تربيه الغول ..

ياسين : ماما قولي حاجة. 

دنيا : بس البنت ملهاش ذنب يا جاسر وعلي كلامك ان جدها علمها ورباها كويس.

جاسر : لكن تربيته .. عامتا انا مش عايز كلام كتير في الموضوع ده.

ياسين يتذمر  تركهم وذهب ، اقتربت دنيا من جاسر. 

دنيا : ياسين شكله مضايق انت قلبك قاسي عليه ليه كده. 

جاسر : انا مش فاهم عيالك جرالهم ايه والزفت التاني كمان  راح ورا بنت منار و واخدلها شقة واقعدها فيها العيال دول هيجننوني. 

دنيا بصدمه : خدها في الشقة هو بدر اتجوز. 

جاسر : لا قعدها بعيد عن امها قال يعني بسلامته حامي الحما .. بس  شكل البنت متعرفش حاجة عن حوارات امها. 

دنيا : انت عرفت ازاي. 

جاسر : في واحد من رجالتي بيراقبها ، بعد ما حجزت وسافرت ابنك راح جابها قال يعني كده هيبعدها عن عنيا ومش هعرف حاجة.

دنيا : يعني ايه بدر خلاص هيكسر كلامنا وملقاش الا بنت منار ..

قاطعهم صوت بدر وهو يدخل عليهم. 

بدر: لا مهما ابعدها مش هعرف ابعدها عنك يا بابا انا بس ببعدها عن امها. 

جاسر بسخرية: فاكر نفسك هتحميها من منار. 

بدر: بابا حور ملهاش ذنب في كل اللي والدتها عملته ، هو كونك رحت وبهدلتها وهي انهارت وكانت هتسيبني وتسافر ده ميشفعلهاش انها خايفه عليا وعايزه تسيبني علشان كلامك ليها. 

جاسر : لو بتحبك بجد مكنش همها لا كلامي ولا موقفي منها وتسيبك بالساهل زي ما منار عملت معايا زمان. 

دنيا : ناااااعم انت لسه بتفكر في منار وانها سابتك زمان ياسي جاسر.

جاسر بتوتر : انا بس بوضحله ان اللي بيحب بجد مبتخلاش عن اللي بيحبه بالساهل وانها من اول مشكله موقفتش جمبي زي دلوقتي بنتها ما بتعمل. 

دنيا بزعل : يعني لو كانت منار وقفت معاك ومسبتكش زمان كنت هتسيبني انا. 

جاسر : ياحبيبتي انتي عشقك ملا قلبي وكياني حتي لو كان فيه مليون منار. 

دنيا : لا انا زعلانة.

جاسر بهمس : اصالحك. 

دنيا بدلع : تؤ متكلمنيش. 

بدر : احم احم .. 

جاسر غمز لدنيا بعبث فدنيا ضحكلتله. 

بدر : انت حيرتني يا بابا بجد يعني روحت وهددتها تسيبني وانها لو بتحبني هتخاف عليا وتبعد ودلوقتي بتقول لو بتحبني مكنتش بعدت ، انا مش مقتنع باللي بتقوله. 

جاسر : من الاخر بنت منار لا .

دنيا : طيب ايه رايك بقي يا جاسر بنت منار اه. 

جاسر : دنيا انتي بتقولي ايه. 

دنيا : طالما بيحبها يتجوزها وياسين كمان يتجوز اللي بيحبها.

قاطعهم صوت دخول يا سين الذي كان يستمع اليهم خفيه من وراء الباب : يا دودو يا جامد ايوه كده. 

دنيا : انت بتصنت علينا يا واد. 

جاسر : انتي بتتحديني يا دنيا. 

دنيا : انت عايز  تحب وتعشق وتعيش مع اللي بتحبها واولادك لا فين المشاعر فين الاحساس ...

بدر : فين وعدك. 

ياسين : فين ابوتك. 

جاسر بعصبيه تناول الاقلام من علي المكتب والقاهم علي اولاده : بره يا ولاااااااد ال*****

دنيا بخوف خرجت هي وبدر وياسين. 

بدر : بخوف مصطنع لياسين : اجرى ياااض.

ياسين : يالهوووي بركااااان. 

دنيا بضحك : الله يخربيتكم عصبتم باباكم. 

بدر : بس ايه الجراءه دي كنتي مخبياها فين يا دودو يا اصلي.

ياسين : يا بخت اللي عنده دودو المهم هتجوز جانيت امتا بقي 

دنيا ضربت يا سين بخفه : مستعجل علي الجواز. 

بدر : اه والنبي يا ماما اقنعي بابا. 

دنيا :  هي بجد حور متعرفش حاجة عن خلافات مامتها معانا.

بدر : اه والله يا ماما حتي متخانقه مع مامتها ومبتكلمهاش .

حور : وانت يا صدر يا  حنين رحت اخدتلها شقة. 

ياسين : اووووبا ، في شقة مره واحدة يا بدر دا انت طلعت صايع واحنا منعرفش يا ما تحت الساهي دواهي. 

بدر ضرب ياسين بخفه : اخرس حور محترمة انا بس ببعدها عن المشاكل. 

دنيا : ماشي يا حنين. 

                       ★★★★★

في منزل الزوجة الثانيه لعلاء الورداني. 

عبير :  انت بتقول ايه ، كاتب كل حاجه باسم بنتك وابنك هيورث ايه.

علاء : ورث ايه وانا كنت موت انت عايزني تورثيني بالحياة. 

عبير :  انا بقولك امن مستقبل ابنك بحته ارض او فلوس في البنك اكتبله اي حاجه ابنك صغير لسه ١٥ سنه ،وانت جاي تقولي كل حاجة باسم بنتك. 

علاء : ما انا الوصي عليها  

عبير:  وصي ايه وزفت ايه بنتك هتتخرج كمان سنه يعني تمت ٢١سنه يعني مفيش وصيه بقت هي وصيه نفسها. 

علاء : انا بنتي لايمكن تعصيني ولا تخرج عن طوعي ..

عبير : بس مراتك حطت ايدها علي كل حاجة كده. 

علاء : هو انتي همك تاخدي مني اي حاجة وخلاص ..

عبير بمكر : لا يا حبيبي انا بس خايفه علي ابننا علشان لسه صغير ثم ده الولد اللي هيشيل اسمك واسم عيلة الورداني. 

علاء: حتي لو كلامك صح روفان عمرها ما هتظلم اخوها. 

عبير : يعني ايه مش هتكتبله اي حاجة زي ما كتبت لابنتك. 

علاء: انتي طمعانه فيا بقي عايزه تورثيني بالحياة. 

عبير: احسبها زي ما تحسبها بس ابني لازم ياخد حقه وزي ما كتبت لبنتك تكتب لابني. 

علاء بسخريه : حق ايه انا مش مخلي ابني محتاج حاجة احسن مدارس واحسن لبس ومصاريف واشتراك نادي وبتاخدي مصاريف بزياده كل شهر عايزه ايه تاني. 

عبير : تكتبله الشركة. 

علاء : دا لما تشوفي حلمه ودنك اظهرى علي حقيقتك طمعك ظهر. 

عبير : ده مش طمع ده حقي. 

علاء: ملكيش حاجة عندي ..

عبير : يبقي تيسير والناس كلهم لازم يعرفوا اني مراتك. 

علاء : هيبقي يوم طلاقك. 

عبير بسخريه: ١٥ سنه متجوزة في السر وفي الاخر اطلع من المولد بلا حمص يبقي عليا وعلي اعدائي. 

علاء بتحذير : انتي كده  بتخربي علي نفسك وهتخسري كتير. 

عبير بعدم اهتمام :  مخروبة مخروبة.

حاول علاء اقناعها بالرجوع عن قرارها ولكنها بعند رفضت ، تركها علاء وذهب للشركة فذهبت هي الي شقه تيسير وطرقت الباب. 

ذهبت تيسير وفتحت الباب. 

عبير : ازيك يا تيسير. 

تيسر نظرت لها من اعلي الي اسفل : تيسير تيسير عادي كده اومال فين مدام تيسير وتيسير هانم لما كنتي شغالة في الشركة عند جوزي وكنتي بتفزي تستقبليني. 

عبير : اه ده كان زمان من سنين من قبل ما اتجوز علاء جوزك قصدي جوزنا احنا الاتنين. 

تيسير بسخرية : جوزك قصدك جوزك في السر في الخفا في الدرا زي اللي بيغلط وبيخاف حد يعرف غلطه اوعي تفتكرى جوازك منه ده جواز ده غلطة وسبتها بمزاجي.

عبير بصدمة : يعني كنتي عارفة ومتاكده اني متجوزه علاء وساكته.

تيسير : علشان عبيطة وفاكرة لما تبعتيلي شويه مسجات تشككيني في جوزي هسبهولك ، ما انا قلتلك انتي غلطة في حياته. 

عبير بمكر : واهي الغلطة جابتله واد هيشيل اسمه و ورثه.

تيسير بثقه : اسمه اه .. ورثه تؤ لان ببساطه لولو حبيبي معندش حاجة اساسا.. كل حاجه باسم بنته روفان اللي هي برضه شايله اسمه. 

عبير بصدمه : يعني انتي كنتي عارفة انه متجوز ومخلف وساكتة علشان تكوشي  علي  كل حاجة. 

تيسير : اومال فكراني عبيطه وهبله زيك انا خدت كل حاجة حبه وحنانه ومراته قدام الناس وبيبات في حضني كل يوم حتي فلوسه خدتها انتي بقي خدتي ايه. 

عبير بصدمه نظرت لتيسير بغل فاكملت تيسير حديثها بثقة. 

-- اقولك انا اتجوزك في السر وكان بجيلك تخاطيف علشان خايف علي مشاعرى واحساسي لو اتاخر عليا حتي الاحاسيس والمشاعر اللي كان بيدهالك كانت سرقه نص ساعة ساعة بالكتير وكان بيرجع جرى علي بيته لحضني وحضن بنته .. 

عبير بصدمه : يعني ايه يعني انتي خدتي كل حاجة لكن لا لا يا تيسير حق ابني مش هسيبه مش هسيبه ياتيسير.

تيسير بسخريه : طيب معطلكيش انا والحق ادخل اعمل الباميه باللحمه للؤه حبيبي اصله بيحبها قوي.

وغلقت الباب في وجهها. 

عبير بانهيار ضربت الباب وذهبت .. بعد

 عده ساعات اتي علاء وجد تيسير تجلس في غرفتها تبكي. 

علاء بقلق اقترب منها : توتو بتعيطي ليه مالك في اية. 

تيسير بدموع : عبير السكرتيره كانت هنا. 

علاء: كدابة قالتلك ايه اكيد جايه توقع بيني وبينك صح اوعي تصدقيها. 

تيسير بانهيار  : ليه ليه يا علاء انا قصرت معاك في ايه انا اديتك كل حاجة حبي وحياتي وحناني كل حاجة كنت ليك الامان والحنان كنت ليك الدفا والحضن اللي بترمي عليه همومك  كان نفسك في ولد .. مكنش بايدي قضاء ربنا كنت قولي قولي مش عايزك عايز اتجوز عايز اخلف ولد كنت قولي مبقتش احبك ولا عايزك …

علاء حضنه مقاطعا : والله بحبك لحظه ضعف غصب عني سامحيني سا محيني يا توتو. 

تيسير ابتعدت عنه قليلا : اسامح .. اسامحك كل يوم وكل ليله كنت بتكذب عليا علشان تروحلها وتنام في حضنها اسامحك اسامح كل كلمة كنت بتقولها فيها انك بتحبها وعايزه زي ما بتعوزني اسامح سنين عمرى اللي عدت وانت بتخوني وبتخدعني.

علاء بانهيار : غصب عني والله انا مش عارف كنت معمي مكنتش حاسس مش عارف حصل كده ازاي انا بحبك يا تيسير اوعي تبعدي عني ارجوكي سامحيني انا اسف. 

تيسير : طلقني يا علاء.

علاء : لا مستحيل مستحيل ابعد عنك.

تيسير بدموع : مبقاش ينفع خلاص كل اللي بينا انتهي 

علاء بدموع مسك يدها وقبلها : لا يا توتو انا حبيبك اوعي تسيبيني انا علاء لوؤه حبيبك ابوس ايدك ابوس رجلك متسبنيش.

وقبل يدها بذل وانكسار وتيسير بانهيار تسحب يدها بعيد عنه ولكنه يمسك يدها بقوة ويقبلها. 

-- لا يا تيسير اوعي تبعدي عني سامحيني انا اسف والله بحبك غلطة غلطة وندمان عليها ارجوكي سامحيني ..

تيسير :......

★★★★★ 

في فيلا الحديدي تحديدا في الحديقه يجلسان تحت شجرة الصفصاف الكبيرة. 

منه : هو ادم هيجي. 

سيلا : ادم ايه وزفت ايه دلوقتي انا في مصيبة.

منه بخضة: في ايه. 

سيلا : يظهر اني اتزفت وحبيت فهد. 

منه بضحك : يا شيخه خضتيني فين المشكلة ما هو خطيبك عادي يعني. 

دخل من الخلف فهد وبيده ورد شاهد سيلا ومنه يجلسان من ظهرهم فتسحب كي يفاجاهم ولكن استوقفه حديث سيلا. 

سيلا : بس انا حاسة اني خدعته لما قلتله اني معجبة بيه وانا اصلا مكنتش بحبه. 

فهد بصدمه تخشب مكانه. 

سيلا : بس فهد مكنش يستاهل مني كدة اني العب بمشاعره ..

وقع بوكيه الورد من يد فهد فالتفتت كلا من سيلا ومنه خلفهم. 

سيلا بصدمة : فهد.

منه بقلق نظرت الي فهد وسيلا. 

فهد تطلع لسيلا بحزن من اعلي الي اسفل وتركها وذهب. 

سيلا بدموع نظرت علي اثره وبصوت مبحوح : فهد. 

ثم القت بنفسها في حضن منه : سمعني عرف عرف الحقيقة يامنه.

منه بحزن : اهدي يا سيلا اهدي. 

حاولت منه تهدئتها ثم ذهبت الي منزلها. 

نهي : ايه اللي اخرك كده يا منه. 

منه : هو فهد هنا يا ماما.

نهي : اه جوه كان بيكلمني في الموبايل ولما عرف انك عند سيلا قالي انه هيعدي عليكي هناك  ويجيبك معاه ودخل بنادي عليه مردش عليا هو في ايه. 

منه : انا هدخله.

نهي : خدي يا بت هو اتخانق هو وسيلا. 

منه : يظهر كدة. 

نهي : هما لحقوا بلا وكسه ادخليله هديه شويا ده احنا لسه في اولها. 

دخلت منه الي غرفه فهد بعدما طرقت الباب. 

فهد : اخرجي بره يا منه لو سمحتي. 

منه : انت فهمت غلط سيلا مكنتش تقصد اللي انت سمعته سيلا كانت…

فهد بعصبيه : كانت ايه كانت بتخدعني بتغشني  بتقولي انها معجبه وهي بتلعب بيا ..

منه : لا لا متظلمهاش سيلا بتحبك. 

فهد خلع دبله الخطوبه من يده : خلاص سيلا انتهت. 

منه : لا لا يا فهد سيلا مظلومه سيلا بتحبك. 

فهد : مدافعيش عنها دي كدابه وغشاشه. 

منه : لا سيلا متظلمهاش انا السبب في كل ده. 

روت له منه ماحدث 

فلاش باك 

(عندما وقفت منه مع ادم يتحدثوا واتي فهد فاعترفت سيلا لفهد باعجابها له خشية ان يفتضح امر منه وادم). 

باااك. 

فهد صفعها علي وجهها بقوة، انتي انتي يا منه بتخدعيني وبتخدعي ثقتي فيكي .

منه بدموع: والله كنا واقفين بنتكلم عادي انا بس خفت وسيلا خافت لما شافتك. 

فهد : البنت المحترمة متعملش حاجة من ورا اهلها حتي لو مجرد كلام زي ما بتقولي بكدبة بسيطة صغرتي من نفسك قدامي وقدام ادم وقدام سيلا ومشبس كده صغرتيني ولعبتي بيا انتي وسيلا. 

منه : انا اسفه. 

فهد : لو عرفت انك كلمتي ادم ولو صدفة حسابي معاكي هيكون له شكل تاني. 

ذهبت منه بانكسار ومر يوم قاسي الملامح علي فهد الذي تعلق بسيلا وايضا سيلا التي دقت مشاعرها اتجاه سيلا. 

ذهب فهد صباحا الي شركة الحديدي ، شاهدته سيلا بسعادة وهي تقف في احدي الطرقات املة ان ياتي اليها ولكنه تجاهلها واتجه الي مكتب ادم وفتح الباب عليه. 

ادم بابتسامه : ابو النسب اتفضل. 

دخل فهد عليه وقبض يده وصفعه بقوة. 

ادم بتالم : اه في اية. 

فهد بعصبيه : في انك لو راجل زيي كنت تدخل البيت من بابه مش تسحب زي الحرامية علشان تكلم اختي يا واطي.

وقبض يده مره اخري ليضربه فتفادها آدم. 

ادم : اهدي بس انت فاهم غلط انا اتقدمتلها. 

فهد : انت بتقول اية. 

آدم : انا اتقدمت لمنه من سنة وعمو يوسف وافق وقالي استناها لما تخلص جامعة ومتكلمش مع حد في الموضوع ده غير لما تخلص كليتها .. وبتاسف انا لما كلمت منه علشان ارتبط بيها قالتلي لما تخلص كليتها فمحبتش اشغل بالها كنت اه بكلمها واطمن عليها بس عمري ما قليت ادبي ولا قليت من احترامي ليها ، انا اه خدت وعد من عمو يوسف ان بعد ما منه تخلص كليتها نتخطب بس لما كنت بكلم منه كان من بابا اني اطمن عليها مش اكتر. 

فهد : بس بابا مقلش انك اتقدمتلها. 

آدم : يمكن محبش يقول غير لما الموضوع يكون رسمي ومنه تخلص كليتها وانا احترمت رغبته ومقلتش لحد اني كلمت عمو يوسف غير بابا وماما وبس. 

تركه فهد بغضب وخرج من المكتب بينما سيلا كانت تقف تترقبهم من بعيد فتجاهلها فهد وخرج ودخلت سيلا المكتب ادم بسرعة. 

سيلا : فهد كان جاي ليه. 

ادم بتالم يضع يده علي خده : ايده مرزبة وروي لها ماحدث. 

سيلا : يا جزمة يعني اتقدمتلها ولبستني انا في الحيط. 

ادم : عمك يوسف هو اللي صمم اني مقلش لحد علشان مشغلش منه عن دراستها. 

سيلا بغضب : منك لله ياواطي.

بغضب دخلت سيلا مكتبها فاتصلت بها منه تروي لها ما حدث. 

سيلا : وضرب ادم يستاهل ماكان يتنيل يقول انه اتقدملك. 

منه : بس بابا مقليش ، المهم هتعملي ايه مع فهد. 

سيلا : عملتله بلوك من الواتساب والفيسبوك وماسنجر وفايبر وموبايل ومن كل وسائل الاتصال وقاعده مستنيه يكلمني. 

منه : يعني انتي عملاه حظر من كل حاجة وعايزاه يكلمك يكلمك ازاي بقي. 

سيلا :يجيب خط جديد او يراسلني بالحمام الزاجل ، اقصد يتصرف يجي يعتذرلي يعني. 

منه : اه انتي عبيطة يا بت الواد مجروح. 

سيلا : اي كان هو اللي غلطان ولازم يعتذر. 

★★★★★

في بيت حسن 

سعاد : خد يا حسن ،اعطت سعاد ورقه لحسن فاخذها وفتحها.

حسن : ايه ده. 

سعاد : طلبات رمضان الياميش .. البلح والمشمشيه والقراصيه والتين والتمر والسوبيا وال….

حسن : ياشيخه حرام عليكي هو رمضان جاي للطلبات كله هات هات هات مفيش خد. 

سعاد : ما انت خدت الورقة علشان تجيب الطلبات. 

حسن القي الورقة بجانبه : انا ماشي رايح الشغل. 

وتركها واتجه الي الباب. 

سعاد بتذمر : روح يا خويا ياكش تقبض بالدولار ويبقي معانا فلوس في الاخر. 

حسن بضيق : يقطع الجواز وسنينه علي اللي عايزين يتجوزوا ..

ثم ذهبت وصعد سيارته وهو يقودها شرد قليلا في تيسير وبتمتمه : ياتري ياتيسير لو كنتي معايا مراتي كانت حياتي هيبقي شكلها ايه .. اكيد مش زي ما انا عايشها مع المخفيه سعاد ، انا مش فاهم انا اصلا ازاي اتجوزت واحدة اسمها سعاد ..

والتقط هاتفه وهو يبحث عن رقم تيسير ويشاهد اسمها والرقم بتفكير ...

★★★★★

وائل يتحدث في الهاتف : ايوه قناص محترف .. لا لا مش من هنا من بره ده جاي للغالي والغالي لازم يجيله غالي زيه …. تمام شوف وكلمني وسلام. 

منار : انت ناوي علي ايه. 

وائل : علي نهاية جاسر الحديدي الراجل ده مفيش حاجة بتحوق فيه لازم اجيب اجله. 

منار : وانت فاكر ان قت ** له بالساهل وسط الحراسه اللي هو فيها وكمان ابنه ظابط. 

وائل : لا حرق مخازن هيحوق فيه ولا خساره شركات هتكسره ، جاسر كبر واسمه كبر معاه وشركاته بدل الشركه في ١٠٠ ومش في مصر لا ده في الشرق الاوسط كله يعني اسمه مسمع في السوق وانا مش عايز ادخله من البورصة لان شركاته اسهمها عالية حتي لو انصاب بلاش يت**قتل مجرد خبر عن اصابته وانه بين الحياة والموت هيوقع اسهمه في البورصة في الوقت ده ادخل انا اقش والم واشترى. 

منار : بالساهل كده. 

وائل : انتي عارفة السوق اي خبر بياثر في البورصة لو حرقت له مخزن او خدت منه صفقه مش هياثر فيه. 

منار : اعمل اي حاجة اهم حاجة اني اتشفي منه في اخبار عن حور. 

وائل : سافرت دبي حجزت وسافرت. 

منار : سافرت لمين في دبي احنا منعرفش حد هناك. 

وائل : سبيها كده احسن علشان تبعد ولما نضرب ضربتنا هنسافر احنا كمان انتي عارفه لو فضلت هنا وجاسر حصله حاجه ممكن ينتقموا منها. 

منار :قصدك ابن جاسر ينتقم لابوه. 

وائل : طبعا ، وانا هعمل اتصالاتي واشوفها فين في دبي. 

منار : انا خايفه ما بلاش  موضوع القناص ده. 

وائل : اجمدي خايفه من ايه. 

منار : مش خايفه علي نفسي خايفه علي اولادي لجاسر يفوق وبنتقم فيا في اولادي زياد وحور. 

وائل : وافقتي او اعترضي انا كده كده هنفذ اللي في دماغي وجاسر ونصيبه بقي ….

★★★★★

تجرات منه وذهبت الي والدها وروت له ما حدث من بداية وقوفها مع آدم في حديقة الفيلا الي ما فعلته سيلا وخطوبتها لفهد ثم حب سيلا لفهد. 

ذهب يوسف الي فهد في غرفته. 

يوسف : مالك يا وحش معقول بنت جاسر مخلياك مش علي بعضك كده لا البت شكلها طلعت جامدة. 

فهد : انا عايز افسخ خطوبتي بيها. 

يوسف : ليه يا وحش مبتحبهاش ولا هي مبتحبكش. 

فهد : مش متفقين ومفيش توافق. 

يوسف : بسبب منه وادم صح. 

فهد : انت عرفت. 

يوسف : انت هتفضل قفال كده لحد امتا ، ادم متربي معاك ومع اختك ايه يعني وقف معاها ولا كلمها وايه يعني سيلا اتوترت لما شافتك وقالت اللي قالته علشان خافت علي مشاعرك ، ادم لو مش محترمني ومش محترمك مكنش جه وطلبها مني من سنة.

فهد : ولما هو اتقدم لمنه مقلتش ليه. 

يوسف : علشان زي اي اب عايز بنتي تخلص تعليمها الاول. وبعدين نشوف موضوع الخطوبة والجواز ده ، مش عايز اشغلها بخطوبة وجواز وهي لسه بتدرس ثم ادم معانا هو هيروح فين يعني ما يستني سنه واتنين وتلاتة. 

فهد : اهم استغفلونا وبقابلها من ورانا. 

يوسف : مش بقولك عقلك ده قفل ، يقابلها فين دانا وانت وامك وهي كنا في بيتهم خرجت تتمشي شويا وهو شافها وكلمها ما هو متربي معاها زي ما انت لو شفت سيلا في اي مكان هتكلمها ولا هتتجاهلها. 

فهد : بس سيلا كانت زي اختي كنت هكلمها لو محتاجه حاجة. 

يوسف : وادم حب يطمن علي منه وسطنا مخدهاش من ورانا ولا اتقابلوا لوحدهم ، اختك لو مش محترمة مكنتش جت واعترفتلي باللي حصل وانها السبب في مشكلتك مع سبلا وادم لو مش شارى منه مكنش طلبها مني هو وابوه واحترموا  رغبتي ان مفيش كلام في خطوبة الا بعد دراستها ، قوم قوم صالح خطيبتك.

فهد : لا انا خدت قرار ومش راجع فيه سيلا مبتحبنيش سيلا خدعتني. 

يوسف : ياد متبقاش قضم كده الستات مبحبوش الراجل البقف ، الستات بيحبوا يدلعوا ويزعلوا ويشوفوا غلاوتهم حتي لو هما غلطانين برضوا انت اللي لازم تصالح وتدادي وادلع ، اسالني انا. 

فهد : ………

البارت ١٥

فهد : لا انا خدت قرار ومش راجع فيه سيلا مبتحبنيش سيلا خدعتني .

يوسف : ياد متبقاش قضم كده الستات مبحبوش الراجل البقف ، الستات بيحبوا يدلعوا ويزعلوا ويشوفوا غلاوتهم حتي لو هما غلطانين برضوا انت اللي لازم تصالح وتدادي وادلع ، اسالني انا .

فهد : مش علي حساب كرامتي .

يوسف بحنق : تمام ، هكلم عمك جاسر ونخلص الموضوع .

فهد : ايه ده بسرعه كده .

يوسف : بص يا بني انا مقدرش اغصبك على حاجه انت مش عايزها خصوصا الجواز ، وطالما انت صممت يبقي خلاص.

وتركه وذهب خطوات فنادي عليه فهد ىتوتر : هو عمي جاسر مش هيزعل كده .

التقت له يوسف بسخريه :  مش مهم زعل جاسر المهم انت يا حبيبي .

فهد باحراج : ناجل الموضوع شويا .

يوسف بجديه : لا انا خلاص خدت قراري ومش هتراجع فيه المهم راحتك انا رايح لجاسر  .

وتركه وذهب ، فهد تمتم بضيق : يعني خلاص سيلا ضاعت من ايدي.

بالخارج نهي  كانت تستمع لحديثهم .

نهي: انت بتتكلم جد ، هتكلم جاسر وتفسخ خطوبه الواد ياشماته رشا فيا بعد ما بنتها اتخطبت .. هتقعدلي الواد جمبي الواد هيبور .

يوسف قاطعها : اتهدي انا هكلم جاسر فعلا بس في جوازهم .

نهي بسعاده : لولولولولي .

يوسف وضع يده علي فمها : اتكتمي هتفضحينا.

نهي ابعدت يده : فضيحه ايه هو جواز ولا فضيحه .

يوسف : علشان ابنك يتربي ويبطل تسرع في قرارته .

نهي : مالك ياخويا حامي علي الواد كده ليه هو لحق ياخد قرار ، كله من مقصوفه الرقبه منه هي السبب .

يوسف : انا بقول اروح اكلم جاسر ونحدد ميعاد لجوازهم هما لسه هيتعارفوا دول متربين سوا ، وبعدين الواد باين عليه بحبها .

نهي بسخريه  : حبيب امه طالع حبيبب زي ابوه ..

يوسف ضمها لحضنه بشوق : ماله ابوه مش عاجبك .

نهي وضعت يدها علي صدره بحب : مش هنروح نقضي يومين في بورسعيد زي اللي قضناهم من كام شهر .

يوسف بضحك : الشوق وحشك ياحب ولا ايه .

نهي : ما انت اللي علي طول مشغول وسايبني يادوب تدخل تتعشا وتنام وتصحي تروح شغلك .

يوسف : ده الواد طلع حبيب لامه مش لابوه .

وضمها له بشوق : وحشتيني يانونتي ..

نهي : يبقي هنروح بورسعيد .

يوسف : انا حجزت خلاص تذاكر للساحل هنجوز الواد والبت  من هنا ونطير انا وانتي علي الساحل .

نهي : هي منه جالها عريس .

يوسف : اه ادم ابن جاسر وهنعمل فرح واحد ونلم العيال ، مش منه هتخلص امتحانات كمان شهر.

نهي: اه .

يوسف : يادوب تخلص ونعمل الفرح علي العيد  ونجوز العيال وافضالك يا  جو  .

نهي :  هتتسحر  ايه النهارده بالليل  بكرهرمضان كل سنه وانت طيب .

يوسف حملها بشوق وادخلها الغرفه  : هتسحر عليكي .

نهي بضحك : العيال بره .

يوسف وضعها علي السرير براحه واغلق الباب : بلاش اروق علي ام العيال .

وقبلها برومانسيه واشواق ورمضان كريم 😅😅

★★★★★

حور : انا هفضل مستخبيه كده كتير انا مش متعوده علي كده.

بدر : وانتي هتفضلي فاتحه باب الشقه كده كتير ، هو انا جاي اخطفك .

حور : اصلا حرام نبقي انا وانت في مكان لوحدنا ومفيش محرم .

بدر : محرم ، دا انا جوزك .

حور : وربنا لسه .

بدر : بس هيحصل .

حور : لما يحصل بقي .

دخل الماذون عليهم ومعه رجلان.

الماذون : احم احم السلام عليكم .

الرجل ؛ الماذون اهو يا بدر باشا زي ما امرت .

حور بتعجب نظرت لبدر .

بدر بصلها بسعاده : المحرم .

★★★★

في فيلا الحديدي 

زينب : هو جاسر متعصب ليه .

دنيا : معرفش يا ماما جاله تليفون فضل يزعق ودخل قفل علي نفسه في المكتب وقالي لما بدر يجي اخليه يدخله

زينب : ربنا يستر ، اول مره اشوف جاسر متعصب بالطريقه دي من سنين .

دنيا : معاكي حق ..

دخل بدر عليهم 

دنيا : انت هببت ايه باباك عايزك في المكتب .

بدر بحنق : هو لحق يعرف .

امينه : عرف ايه .

تركهم بدر ودخل المكتب علي جاسر.

دنيا بصت لامينه : هو في ايه .

امينه : والله ما انا فاهمه حاجه 

جاسر : شرفت ياعريس ايه اقول مبروك .

بدر : احم مبروك على ايه .

جاسر بضيق : انت هتستعبط  يا لا مش علي بابا .

بدر بضحك مكتوم جلس : مالك بس يا بابا في ايه .

جاسر : الماذون كان عندك انت وبنت منار بيعمل ايه .

بدر : معملش معملش علشان انا اخترت صح .

جاسر بصله بعدم فهم 

بدر :...

فلاش باك .

( الرجل : الماذون اهو يا بدر باشا زي ما امرت .

حور بتعجب نظرت لبدر .

بدر بصلها بسعاده : المحرم .

تحركت حور وذهبت باتجاه الليفنج روم ومعها بدر .

حور : ايه ده ماذون لمين وليه .

بدر : علشان نتجوز .

حور : انت عايز تتجوزني  بالطريقه دي من ورا الناس ومن ورا اهلك واهلي انت شايفني كده .

بدر : انا شايف ان ده اسلم حل لوجودي معاكي في شقه واحده ودخولي وخروجي عليكي ، وكمان حمايه ليكي علشان لو حد من اهلك اتعرضلك اقدر احميكي ثم جوازنا هيكون مؤقت يعني علي الورق  لحد ما نعلنه .

حور : لا يا بدر انا مش موافقه انا مستحيل اتجوز في السر ولو حصل هيكون بشرط .

بدر : شرط ايه انا موافق .

حور : ان عمو جاسر يكون شاهد علي جوازي غير كده مستحيل .

بدر : يبقي مش هنتجوز .

حور : يبقي خلاص مشي الماذون ده .

بدر : حور احنا موضوعنا كبير ومش سهل زي ما انتي فكراه ، وبعدين لما نتجوز اطمني مش هقربلك ولا هتم الجواز الا لما كل الدنيا يعرفوا انك مراتي .

حور بتاسف : وانا مستحيل اتجوز قي السر الا بموافقه والدك..

بدر : اللي يريحك .

وتركها واتجه الي الماذون والرجلان : خلاص روحوا انتوا .

الماذون : يعني مفيش جواز .

بدر اخرج من جيبه بعض النقود واعطاهم للماذون وللرجال.

واركوه وذهبوا .

حور بسعاده اقتربت منه : انا مش هسيبك ولا عمرى هبعد عنك بس يوم ما نبقي لبعض لازم يكون قدام الدنيا كلها .

بدر مسك يدها وقبلها بحب : اللي انتي عيزاه هيحصل باذن الله ).

بااااك .

جاسر : هي قالتلك كده .

بدر : انا مش عيل ولا عبيط ،  اي واحده مكانها كانت وافقت علي جوازنا لكن حور رفضت واصرت ان الجواز ميتمش الا بموافقتك .

جاسر بسخريه : ولو كانت وافقت كان زمانك متجوز دلوقتي.

بدر : عيب يا ميجو دا انا ابنك .

جاسر : وكنت هتطلع منها ازاي بقي يافتك .

بدر : هو انا مقلتلكش مش انا نسيت البطاقه بتاعتي هنا في اوضتي .

جاسر بابتسامه  : بتحبها .

بدر : قوي يا بابا .

جاسر : وامها .

بدر : دي مستخبيه  من امها عندي .

جاسر : سيبني افكر .

بدر بسعاده : كنت متاكد .

جاسر : لا مش قوي كده وبعدين بطل مكر عليا انت عملت اللعبه دي كلها  علشان اغير راي صح .

بدر : لا ، علشان اثبتلك ان حور معدنها كويس غير اللي في بالك .

قاطعهم دخول يوسف .

يوسف : اهلا بابو العروسه .

جاسر : منور ياجو اتاخرت ليه مستنيك من بدرى .

بدر : اذيك ياسياده العميد .

يوسف : اذيك يابدر ،.اديني جيت يا جاسر اخبار عرايسنا ايه.

جاسر : الاخبار عندك .

يوسف : فين الواد ادم .

قاطعهم دخول ادم بسعاده وهو متجه ليوسف وسلم عليه باحضان وقبلات : عمي وحبيبي وسيد الناس.

يوسف : ابو نسب خش في حضني .

ادم : ايه !!  انت قلت ايه ابو نسب يااا اخيرا والله ما مصدق.

جاسر بص لادم : ما تبعد عنه شويه سيبه يستريح .

ادم بسعاده نفض جاكيت يوسف ومسح الكرسي حتي يجلس عليه يوسف .

جاسر لادم  : يا واطي ، اللي ما عملتها لابوك يا ندل .

ادم غمز لجاسر بعبث : بعدين بعدين ، وبص ليوسف ايه هنقرا الفاتحه .

يوسف بضحك : لا هتتجوز علي طول .

بدر : مبروك يا مان .

ادم : يااا فرحتك يا سعادتك يا ادم .

جاسر : طيب وفهد وسيلا .

يوسف : معاهم بالمره اهو نوفر الفرحين يبقوا فرح .

جاسر ليوسف : عايز تفضي يانمس .

يوسف : مش كفايه علينا كده  نشوف نفسنا بقي .

جاسر : مبروك يا ادم والله صبرت ونولتها .

بدر : عقبالي .

جاسر لبدر  : بعينك .

بدر ضحك .

جاسر ليوسف : يبقي علي العيد الصغير الفرح .

يوسف : وانا بقول كده ، طبعا زي كل سنه هنفطر معاكم بكره اول يوم رمضان .

جاسر : كل سنه وانت طيب ربنا ما يقطعها عاده ان شاء الله هنستناك بس تيحي متاخر علي الفطارعلي طول اصل قعدتي معاك في الصيام بتفطرنا بكلامك .

يوسف : مش بنعدي الوقت لحد ما المغرب ياذن .

جاسر: هاكد علي شريف ومعتز ..

★★★★

في الهاتف 

وائل : برافوا عليك يا زياد ، وحولت الفلوس علي حسابي.

زياد : اه وانا بسلم فتحوا الحساب من علي اللاب وحولت الرصيد علي حسابك .

وائل : تمام وانا هحول تاني قسط عليا للمافيا كده يبقي باقي قسطين واسدد اللي عليا خالص .

زياد : العمليه الجايه امتا .

وائل : لا اتقل كده مش كله ورا بعضه ، العمليه الجايه كمان اسبوعين عمليه علي تقيل البضاعه هتبقي الكوك الابيض في نص رمضان تروح تستلم وبعدها تبعتهالي علي مصر انا اتفقت مع التجار هنا علي داخله العيد علشان الكل يعيد  .

زياد : ونصيبي .

وائل : اول ما اخلص الشغل  اللي عندي في مصر هنا وتبعتلي المطلوب هديك نصيبك من الصفقتين مره واحده . 

زياد :هانت كلها تلات اسابيع ،  لقيتوا حور او عرفتوا هي فين .

وائل : هتظهر هتروح فين يعني اهي زعلانه مع امك شويا بسبب العريس..

قاطعه دخول منار : ده زياد .

وائل : اه معايا علي الفون كنت بطمن علي الشغل ماشي معاه ازاي ، ثم اكمل حديثه في الهاتف ، اهم حاجه تراجع علي الشغل علشان الموظفين ميلعبوش في حاجه.

زياد : حاضر ، اديني ماما .

منار : حبيبي عامل ايه .

زياد : كويس واتتي .

منار : شفت اختك مدوخاني معاها ازاي .

زياد : مفيش اخبار عنها ، يمكن هربت مع الواد اللي متقدملها ده .

منار بدموع : مش عارفه عماله ادور عليها بس وائل بقول انها في مصر .

زياد : يمكن مع الواد اللي عايز بتجوزها ده هو مين ده ولا من عيله مين .

منار بتوتر : من عيله هنا انت متعرفهاش.

زياد : اومال سبب رفضك ايه .

منار : مش مناسب ليها المهم انت عامل ايه .

زياد : كويس لو في اخبار عن حور عرفيني .

منار : حاضر مع السلامه ياحبيبي .

وغلقت الهاتف والتفتت لوائل ، كويس انك مقلتلوش ان العريس يبقي ابن جاسر .

وائل : انا لو قلتله كان ساب فرنسا ونزل مصر وانتي عايزه تبعديه عن المشاكل .

منار : امتا بقي اخلص من جاسر اللي عامل زي العقده اللي مبتتفكش .

★★★★★

في فيلا المصري .

سمر: طالما رايح تشوف بنتك مش ضروري اكون معاك في اول مقابله خليها بينكم انت وهي وانا بعدين اشوفها واقابلها وتيجي تقعد معانا هنا الفيلا وتعيش معانا .

شريف : ارسيليا هتبقي معاها وانا محتاجك جمبي .

سمر : متاكد انك عايزني معاكم .

شريف ضمها بحب : متاكد وعايزك جمبي طول العمر .

سمر بسعاده : اول مره احس بالحب والامان في حضنك بالشكل ده .

شريف : اسف ياحببتي اني قصرت معاكي.

سمر حاوطت يدها حول وسطه بحب : المهم انك معايا انا بحبك قوي ياشريف وعايزاك تسامحني .

شريف : انتي اللي تسامحيني مش انا .

سمر ابتعدت قليلا وبدموع : انا حاسه اني السبب في بعد بنتك عنك السنين اللي فاتت دي .

شريف : انتي ملكيش ذنب انا اللي غلطت زمان مع ارسيليا وخنتك وكتر خيرك انك سامحتيني .

سمر بدموع : بس انا كنت عارفه .

شريف : عارفه .

سمر : 

فلاش بااااااك 

( روت له سمر من اول مقابلتها لارسيليا وطلبها الزواج من شريف وتأخذ ابنها ثم تختفي من حياتهم لاخر مقابله بينهم بعدما شاهدت صور ارسيليا وشريف في غرفه النوم 

ارسيليا : ايوه فاكره وانا علي اتفاقي معاكي وخلاص جهزت ورقي واعلنت وفاه ارسيليا وهبدا من جديد ، وبحزن ولما اخلف هسبلك البيبي تربيه واسافر او اعيش في اي مكان باسم جديد .

سمر : بس انا خلاص بحلك من اي اتفاق .

ارسيليا : بذهول ، ايه .

سمر : انا حاسه ان شريف بيحبني ومستحيل يتخلي عني ، خصوصا لما قلته انه مش مهم يتجوزك وهو وافق عادي مزعلش ولا عارضني ولا اي حاجه .. بسعاده بصي انا حاسه ان شريف نسيكي خلاص .. ومش مهم اجبله طفل منك يفكره بيكي كل ما يشوفه ..

ارسيليا : بحزن ، شريف  وافق انه ميتجوزنيش) 

بااااك 

سمر بدموع : معرفش فكرت كده ازاي بس كان نفسي احرمها من امومتها زي ما حرمتني لكن لما عرفت انها رجعت مصر وان ليك بنت منها قلت ربنا انتقم مني  ومحاربتي انها متخلفش منك حصل باراده ربنا .. سامحني ياشريف انا لو كنت اعرف انها حامل منك مكنتش خليتها تسافر وتبعد .

شريف بذهول  : انتي ياسمر يحصل منك كل ده .

سمر بدموع وانهيار : حرماني من امومتي خلاني زي المجنونه معرفتش افكر ولا احس بحد واللي كمل عليا خيانتك ليا كنت عايزه انتقم بس مش عارفه بنتقم من مين .. 

شريف : اهو ربنا انتقملك وحرمنا انا وهي من بنتنا ومشفنهاش الا بعد ماكبرت وبقت عروسه اتحرمنا من اول ضحكه ليها ومن اول كلمه بابا وماما  ، من اول خطوه بتمشيها ...

سمر : سامحني ياشريف .

شريف  جذبها لاحضانه : ربنا اللي بيسامح زي ما انتي اتحرمتي من امومتك غصب عنك انا كمان اتحرمت من احساس  الابوه بس بمزاجي لاني غلطت ومشيت في الحرام وانا مش حاسس ، كل واحد خد جزاءه اللي يستحقه ، يلا علشان منتاخرش عليهم .

ذهبوا الي احد النوادي لمقابله جانيت وارسيليا وبعد السلامات 

سمر بابتسامه : اذيك يا ارسيليا .

ارسيليا : بابتسامه اذيك انتي يا سمر .

شريف لجانيت بحب : انا اسعد في الكون سعادتي بيكي متتوصفش انا مش مصدق انك قاعده جمبي .

جانيت بحب حضنت والدها : بابا حبيبي .

ضمها له شريف بحب .

سمر لجانيت  : زي القمر طالعه لمامتك .

جانيت : اممم اول مره اشوف واحده بتشكر في اللي كانت متجوزه جوزها .

سمر بضحك : علشان دي الحقيقه انا مهما اقابل عمرى ما هقابل واحده زي مامتك في ذوقها وانسانيتها احترامها لوعدها .

ارسيليا ضمت سمر بسعاده وبهمس : سامحتيني .

سمر بهمس ، انا اسفه سامحيني انتي .

ارسيليا رتبت علي كتف سمر بحب : مسمحاكي .

ثم نظرت لجانيت وهي في حضن والدها ، حضن بنتي ليا كفيل اني اسامح الدنيا كلها علي سنين عذابي وحرماني منها .

سمر : مبروك الحمل .

ارسيليا بتاثر : الحمدلله .

سمر : ربنا يسعدك .

شريف : حبيبت بابا هتيجي تعيش معايا بعد ماما ما تسافر صح .

جانيت : لا ما ماما مش هتسافر .

شريف : يعني هتعيشي معاها .

جانيت نظرت لوالدها  بحزن ، اخذها شريف علي بعد خطوات .

شريف : مالك في ايه حد ضايقك .

جانيت : 

فلاش باك .

( جانيت : كده بقي باباك وبابا طلعوا صحاب يعني هنتخطب علي طول .

ياسين بحزن : هنضر ناجل موضوع الخطوبه ده شويا .

جانيت : ليه .

ياسين : بعدين بعدين ، سلام ) .

باااك 

شريف : بقي هو ده اللي مزعلك يعني لا عايزه تعيشي معايا ولا مع امك وعايزه تعيشي مع الواد الصايع ابن جاسر .

جانيت بصحك هزت راسها مؤكده .

شريف : ورحمه امي لاجبهولك حافي يتحايل عليكي علشان توافقي يجوزك ، بتحبيه .

جانيت بكسوف : اه .

شريف بهزار  : لا وش كسوف زي امك .

جانيت : انت لسه بتحبها ولا ايه .

شريف بضحك نظر لارسيليا : ربنا يسعدها .

جانيت : يعني هتجوزني ياسين .

شريف : ياسين وابو ياسين لو حبيتي .

جانيت بهزار : لا كفايه ياسين نبقي نشوف باباه بعدين .

شريف جذبها لاحضانه بحب : علشان اد ***بحك هو واحد بس .

بالاتجاه الاخر .

ارسيليا : مرتاحه يا سمر مبسوطه .

سمر : هتصدقي اني مرتحش غير لما انتي ظهرتي ، طول السنين دي وانا بحاول اتاقلم واتعامل عادي ، لما وعدتيني انك هتبعدي وبعدتي مرتحتش ولا لحظه يمكن اللي كان مصبرني اني اتبنيت معاذ ماشاء الله عليه كان عوض ربنا ليا ، وبابتسامه انما شريف كان مجنني ملففني حوالين نفسي واني اقفشه ابدا .

ارسيليا بابتسامه : ربنا يسعدكم سيبك من التدوير ورا شريف وخليكي دايما قدامه اشغليه واشغلي تفكيره وعقله بيكي ، شريف بيحب هو اللي يدور يعني تبقي انتي دايما قدامه شغلاه مش وراه بدورى عليه .

سمر بضحك : اه ما انا عرفت كده متاخر .

ارسيليا : ربنا يسعدكم .

واشارت بيدها لوسيم الذي ظهر علي بعد مترات  وسيم وهو وسيم طويل وعريض المنكبين ذات ملامح جذابه ، وسيم جوزي .

سمر صافحته : اهلا ، ماشاء الله ده طلع العوض حلو اهو .

ارسيليا بضحك حضنت وسيم : احلي عوض .

فقبلها وسيم من جبينها ، جانيت فين .

ارسيليا : هنا مع باباها دي سمر مرات شريف .

اتي شريف وجانيت وجلسوا جميعا يتسامروا ويضحكون في جو جميل هادي وسط جانيت التي لاول مرة تشعر بالدفء الاسرى والسعاده .

ارسيليا : كل سنه وانتم طيبين ، ايه رايك ياسمر نفطر سوا اول يوم رمضان .

سمر بسعاده : ياريت . ثم  نظر لشريف .

جانيت : اه يا بابا خلينا نفطر سوا .

شريف : هو بس جاسر معودنا اول يوم رمضان نفطر ونتجمع عنده ودي عاده ، نخليها تاني يوم  ، ثم ده حماكي لازم نحترمه .

جانيت بسعاده :  ماشي طالما عند عمو جاسر .

شريف : اعملي حسابك هتيجي معايا .

جانيت : بس محدش عزمني .

شريف : انا اللي بعزمك دا بيت اخويا يعني بيتي ، وبمكر مصطنع  وعامتا هخلي الواد ياسين يعزمك .

جانيت بضحك : لو كده يبقي اوك.

ارسيليا لجانيت : يا بياعه تبيعي امك علشان عزومه ياسين .

جانيت : دا بابا اللي قال مش انا يا ماما وبعدين لازم اسمع كلام بابا صح يا بابا .

ضحك الجميع بسعاده 

وسيم : خلاص يبقي احنا تاني يوم .

شريف : واحنا تالت يوم الفطار عندنا كل سنه وانتم طيبين .

★★★★

تجاهلت تيسير اتصالات حسن ولم تلتفت له كانه هواء متسخ تجاهلته بالهروب . 

علاء: هتفضلي زعلانه مني كده كتير .

تيسير : سيبني لوحدي ياعلاء .

علاء : لا ياتوتو مش هسيبك غير لما تسامحيني لو مش علشاني علشان خاطر بنتنا روفان .

تيسير : انا اللي مصبرني عليك لحد دلوقتي هي روفان لولاها مكنتش قعدت معاك لحظه .

علاء : معقول مش فكرالي اي حاجه خلوه .

تيسير : خيانتك ليا غطت علي كل الحلو اللي ناحيتي جواك .

علاء: اللي بيحب بيسامح .

تيسير : واللي بيحب مبيخنش .

علاء: كان غصب عني ايه انتي مبترحميش .

تيسير : ولو انا اللي كنت غلطت كنت هتسامحني .

علاء بضيق : هو انتي راجل .

تيسير بسخريه : الخيانه مباحة للرجاله بس ، عامتا انا خدت قراري خلاص .

علاء : قرار ايه .

تيسير : انا هفضل معاك ..

علاء قاطعها بسعاده : يعني سامحتيني خلاص .

تيسير : لا انا هفضل معاك لحد امتحانات روفان ما تخلص وبعدها كل واحد يروح لحاله .

علاء بصدمه : لا مش معقول .

تيسير : هو ده اللي عندي .

وتركته وذهبت  ، اتصلت عليه زوجته الثانيه مرارا وتكرار ولكنه اغلق الهاتف بضيق …

★★★★★

اول يوم رمضان في فيلا الحديدي علي سفره الطعام يجلس كلا من جاسر و دنيا و والدته واولاده وكذلك شريف ونهي واولاده ومعتز وساره وزوجته واولاده ، وايضا شريف وسمر وجانيت ومعاذ ، جميعهم يتناولون الطعام علي سفره واحده .

امينه : كل سنه وانتم طيبين ودايما متجمعين وزايدين مش ناقصين .

معتز : متجمعين بيكي يا ماما كل سنه وانتي طيبه.

ساره ل لينا وكزتها بقدمها : صبي العصير لخالد يا لينا .

خالد بابتسامه : تمر يا لولي.

جاسر بحده : ايه رايك في الكلام اللي والدك بيقوله يا فهد .

فهد : احم والله يا عمو انا قلتله انك هتزعل وتضايق بس هو اللي  صمم .

جاسر : افهم من كده انك عايز تتجوز بسرعه زي يوسف ما بقول .

فهد بصدمه : اتجوز .

جاسر بضحك : ايه هترجع في كلامك .

فهد : لا لا اه اتجوز .

ضحك الجميع وردت سيلا بكسوف : بسرعه كده يا بابا .

دنيا بهزار : اه يا روح ماما .

نهي : مبروك يا ادم ربنا يتمملك بخير مع منه ، عمك يوسف حدد الخطوبه  .

ادم بسعاده : لا خطوبه ايه جواز علي طول ..

ضحك الموجودين ورد جاسر بسعاده وهو يضرب بخفه يده علي كتف معتز : ايه يا ابونسب هنفرح بلينا وخالد علي العيد.

ساره : لولولولي .

معتز بسعاده : اللي تشوفه يا جاسر لينا بنتك وخالد ابني .

شريف بسعاده : مبروك يا شباب.

جانيا نظرت لياسين بصمت وابتسامات .

بدر : احم ، اسيبكم بقي تقضوها مباركات واستاذنكم انا وراي شغل .

جاسر بحنق : بس انت مفطرتش  يا بدر .

بدر : كلت يا بابا .

دنيا : لا مكلتش الاكل قدامك زي ماهو .

بدر وقف ولف باتحاه والدته وهمس وهو يقبل راسها : بعدين ها …

دنيا بعدم فهم : بعدين ايه.

جاسر اقترب من دنيا : هقولك انا بعدين .

دنيا : طاااا .

بعد انتهاء الطعام خرج الشباب الي الحديقه وجلست  امينه ودنيا وسمر وساره وجانيت ونهي.

نهي لدنيا  : مبروك يا دودو بقينا نسايب خلي بالك من منه .

دنيا بسعاده : منه دي بنتي كلهم ولادي ربنا يسعدهم .

ساره : عقبالك يا جاسر يابني .

نهي : لسه مشفتلوش عروسه .

ساره : اه روفان بنت تيسير .

نهي بصدمه : روفان ، وبتمتمه ياكبستك يارشا .

سمر : الف مبروك ياساره ربنا يسعدهم ثم وقفت ونادت علي دنيا ، كنت عايزه اروح التواليت يا دودو .

اخذتها دنيا وذهبوا علي بعض خطوات .

دنيا : في ايه هو انتي غريبه ولا في حاجه حصلت .

سمر : انا قصداكي في خدمه بحق صداقتنا يا دنيا .

دنيا : خير يا سمر قلقتيني .

سمر : روت لها ماحدث مع ارسيليا وجانيت …… وعرفت من شريف انه حاسس ان جاسر مش موافق علي جواز ياسين من جانيت .

دنيا باحراج : لا مش كده .

سمر بتوسل : علشان خاطرى ابوس ايدك…..

دنيا : ايه اللي بتقوليه ده هو في الكلام ده بينا 

سمر : علشان خاطرى  تخلي جاسر يوافق علي جواز ياسين من جانيت البنت دي اتظلمت كتير كفايه حرمانها من والدها و والدتها طول السنين دي، انا ظلمت ارسيليا وظلمتها البنت  لما بعدتهم عن شريف نفسي اعوضها علي اللي حصلها بسببي .

دنيا طبطبت علي يد سمر : مش انتي اللي اتظلمتي لوحدك ، علي العموم انا موافقه علي جواز ياسين من جانيت كفايه انك هتبقي حماه ابني واطمني جاسر عمره ما هيزعل شريف منه.

سمر بسعاده : بجد يعني افرحها .

دنيا : انا هكلم جاسر اطمني .

★★★★★

ذهب بدر الي حور .

حور : مرضتش افطر غير لما تيجي اتاخرت قوي .

بدر : وانا محطتش لقمه في بوقي غير معاك ، اسف اني اتاخرت عليكي .

حور : ايه رايك في الاكل اللي انا عملاه. 

بدر نظر للطعام لطاجن ورق العنب باللحمه  وجلاش بالمفروم  والملوخيه بالجمبري ، تناول صابع ورق عنب واكله نصفه  بحب ، صباع ورق عنب ده ولا صوابع حور.

حور بضحك : لا ورق عنب .

بدر وضع في فمها النص الاخر لصباع ورق العنب ، ثم 

نظر لباب الشقه : الباب ده مش هيتقفل بقي .

حور ناولته طبق طعام مغلف  : خد الطبق ده اديه للحارس اللي بره.

بدر : حارس حارس مين .

حور بحنق  : اللي انت سايبه يراقبني في اخر طرقه .

بدر بضحك : انتي قفشتيني 

حور بابتسامه : يلا علشان جعانه .

بدر : طيب ما تكليني مينفعش ، والله انا احلى من ورق العنب .

حور بضحك : طيب ما انا احلي من الملوخيه بالجمبرى .

بدر : دا انت الجمبرى يامفسفر انت .

حور خبطته بخفه علي كتفه : احترم نفسك ويلا علشان نفطر.

★★★★★

في فيلا الحديدي  بالاتجاه الاخر جاسر مع معتز وشريف ويوسف وخالد …

شريف : مبروك يا زيزو مبروك ياجو 

جاسر بسعاده : العيال كبرونا .

شريف : دا اللي يشوفك يقول عليك اصغر من العيال ..

يوسف : عقبال فرحتك بجانيت .

معتز : انا اللي فرحان بيها قوي ربنا يفرحك بيها وباولادها .

معتز نظر لجاسر : ايه رايك في الكلام ده يا جاسر .

جاسر : ربنا يسعدها .

شريف : جاسر انت مش صاحبي انت اخويا اللي مجبتوش امي كنت دايما في ضهري والسبب ان جانيت ترجعلي ..

جاسر : ملوش لازمه الكلام ده ياشريف احنا مش بينا الكلام ده .

شريف : علشان احنا مش بينا كده انا بترجاك توافق علي جواز ياسين بجانيت ، جانيت ملهاش ذنب انها تربيه الغول جانيت بنتي انا ياجاسر .

معتز نظر ليوسف باحراج .

يوسف : طيب نقوم انا ومعتز .

جاسر : لا استنوا ……….

تكملة الرواية من هناااااااا 

لمتابعة  الرواية الجديدة زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةالجزء الاول 1من هناااااااااا

الرواية كامله الجزء الثاني2 من هنااااااااا 

الرواية كاملة الجزء الثالث3 من هناااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا