رواية خطيئة خيال الفصل الثالث 3 بقلم هايدى الصعيدى حصريه في مدونة موسوعة القصص والروايات
رواية خطيئة خيال الفصل الثالث 3 بقلم هايدى الصعيدى حصريه في مدونة موسوعة القصص والروايات
خيال3
هارون قرب منها ببطئ و خيال نبض قلبها زاد مكنتش قادرة تنزل عيونها الملونة عن عيونه السودة
هارون وقف قدامها و حط ايده علي جبهتها : احسن دلوقتي يا بابا
بلعت ريقها بصعوبة و حاولت تبتسم بس شفايفها اترعشت و كان شكلها مهلك للاعصاب : اه
هارون هنا هو اللي تااه بص علي شفايفها و رجع بص في عيونها و رجع لورا بتوتر : احم طبعا جعانه
خيال هزت دماغها : امم جعانه اوي مش بعرف اعمل حاجه في المطبخ
هارون خد رشفة من فنجان القهوة و ركنه علي الرخامة : اعملك ايه تاكليه
خيال برفض : لا متتعبش نفسك انا هاخد تفاحة او كاسة عصير مش مهم
هارون بص لها بهدوء شاور بعنيه علي الكرسي : اقعدي يا بابا لحد معملك عشا خفيف مينفعش العصير
خيال قعدت من غير كلام و عنيها متابعه طلع بطاطس جاهزة حطها في الاير فرير وقف عملها اومليت و قطع
لها خيار و طلع جبن و زيتون و حط الاكل قدامها علي الترابيزة
هارون بابتسامه حنون لما بدأت تاكل بجوع : تحبي اجيبلك كاتشب جمب الفرايز
خيال ابتسمت : اممم
فتح التلاجه وخد قزازة الكاتشب و فضاه في طبق صغير و حاطه قدامها بقت تغمس البطاطس في الكاتشب و تاكل بتلذذ
: الاومليت يجنن تسلم ايدك
هارون كان قاعد قدامها يكمل فنجان القهوة بتاعه : هتنزلي الجامعة امتى
خيال ابتسامتها اختفت : مش عارفه خايفه مقدرش اتأقلم هنا انا اصلا مكنتش عايزة اسيب لبنان
: لا طبعا متخافيش مفيش حاجه تقلق طول ما انتي بتحبي مجالك و التخصص اللي اختارتيه خلاص هتعرفي تتعاملي في اي مكان و انا معاكي و الياس و لوسيندا
و بعدين كان لازم هيجي يوم و تنزلي بلدك يا بابا
خيال ابتسمت بامتنان : شكرا عشان بتحاول تطمني ...سهران ليه لحد دلوقتي
: متعود اخر اليوم اعمل فنجان قهوة و اقعد في المشغل بتاعي ساعه و لا ساعتين و ارجع انام
: سوري عطلتك عن روتينك
: متعتذريش يا بابا عادي انا رايح دلوقتي
خيال بنظرات بريئة : طب ممكن اجي معاك اتفرج من غير صوت بليز مش عندي نوم
هارون متعود يكون لوحده مفيش حد اهتم ابدا يشوف هوايتة و لا بيحب يعمل ايه مفيش حد غيرة بيدخل الاوضة دي حتي مراته الراحلة كانت مديرة مدرسة جادة تصحى بمعاد و تنام بمعاد كانت من النادر لما تضحك
او تتكلم مكنتش بتشاركه اهتماماته اتجوزوا في سن
صغير كان ابوها و ابوه اصدقاء و جوزهم و هما عندهم
عشرين سنه كل واحد كان ملهي في حياته و تعليمة و شغله و اهتماماته جابت الياس و بعدها بتلت سنين
لوسيندا بعد كده اتوفت بسبب حمي الضنك
خيال بزعل من صمته : خلاص اسفه لو ضايقتك هروح اوضتي
هارون فاق من شروده و مسك ايدها : لا تعالي يلا
خيال ابتسمت و جسمها اترعش من كفة الخشن علي ايدها الناعمه و بصت له بفرحه طفولية : يلا يا دادي تسمح لي اقولك دادي
هارون بص علي ايدهم بعد كده بص لها و مردش
خيال بخفوت : بلييييز بقالي كتير مفتقدة الاحساس ده
هارون مسح علي شعرها و ابتسم لها بحنان و حس بيها لانه متخيل لوسيندا لو كانت مكانها هيبقى حالها ازاي
: اوكي
خيال مسكت دراعه بأيديها الاتنين و هي بتتنطط و بتهز راسها يمين و شمال بضحكة لذيذة : ميرسي دادي
هارون ضحك علي طفولتها اللذيذة و مشي بيها للمشغل في هدوء الليل فتح الباب : اتفضلي
خيال دخلت بحماس وشهقت من جمال المنظر الإضاءة الديكور اللوحات المنحوتات المشغولات الخزفية و الفخارية
و بصت له بصدمة : ده بجد انت اللي عامل كل ده
هارون بهدوء : اه دي هوايتي و تعليمي انا كنت في كلية تربية فنية و طالع الاربع سنين بامتياز و كان قدامي اني اكون معيد بس سيبت ده كله بقى و مسكت الشركة مع باباكي الله يرحمه هو كان ادارة اعمال و شدني معاه و قالي سيبك من الشخبطه الحمل كان زاد عليه بعد وفاة عمي و بابا كان تعب و سلمني مكانه سيبت الفنون و اشتغلت في الادارة بس زي ما انتي شايفة لسه شغفها جوايا
خيال عنيها كانت بتلمع بتأثر : خليك ورا حلمك و كمل سيب الشركة لالياس و حنين صدقني روبوت و حاول تكون معيد زي ما كنت بتتمنى
هارون ابتسم بخفة : مش هينفع خلاص انا كبرت علي الاجواء دي نسيتها خليني في الشركة افضل
: بلاش اليأس ده بليز انت لسه قدامك العمر طويل و مش كبير اووي يعني بالعكس انا مستغربة الياس
ابنك ازاي بجد فكرتك اخوه الكبير اول ما وصلت
هارون ابتسم و نكش شعرها : يا راجل بلاش كدب
خيال ضحكت : و الله صدقني انت بتعئد
: اومال عايزة تقوليلي دادي ليه يا بكاشة
خيال بخفوت : مش عارفه بابا وحشني اوي حسيتك شبهه عيونك و نظراتك فيك حاجه منه حنانك علي لوسيندا و اهتمامك بيها جميل اوي و انا مفتقداه
هارون قرب منها و ضمها براحة ليه بعاطفة ابوية : انا باباكي من هنا و رايح انفع و لا لا
خيال اومأت و انفاسها زادت و قلبها دق بعنف و هي بتشم ريحته بعمق لفت ايدها حوالين ضهره و هي بتدفن نفسها جوا حضنه اكتر
هارون حضنها حضن خفيف و كان هيبعد عنها بس لفت ايدها حواليه و لزقت فيه اكتر حس بطراوة جسمها و نعومته علي جسمه الصلب و توتر و اللي وترة اكتر تنهداتها الناعمه و رجفة جسمها اللي حس بيها
مسح علي شعرها بخف و بعد عنها بصعوبة : احم عرفت انك في تربية فنية برضو دي صدفة لذيذة
خيال في بالها ..و الله ما حد لذيذ غيرك و الله رح چن انا محتارة انت بمكان بيي و لا شو
هارون فرقع صوابعه قدام وشها : روحتي فين يا بنت
: معااك ااه انا في تربية ايوه بس للاسف مش بعرف اشكل الطين لحد دلوقتي ممكن تعلمني بلييز
هارون اومأ : اكيد طبعا بس خليها يوم تاني يلا عشان الوقت اتأخر
خيال حست باليأس و انها نفسها تقعد معاه اكتر من كده و كانت بتفكر تفضل معاه وقت اكبر ازاي خرجت معاه و هما ماشين في الجنينة : ممكن تكلمني عن بابا شوية
هو كان اكبر منك اكيد و لا انت محافظ علي رشاقتك
هارون بغرور مصطنع : بعيد عن اني طبعا محافظ علي رشاقتي بس ابوكي كان اكبر مني بعشر سنين و طفس بيحب الاكل الدسم
خيال ضحكت : فديت الواثق اناا
و حطت ايدها في وسطها : و بعدين بيي كان قمر خدودة مدورين و عنده هيك كرش طالع يويلي
فديته بموت و اتنطط فوقة و الله اشتقتله كتير
و عنيها دمعت في اخر جملتها هارون كان واقف يتفرج بتسلية علي شقاوتها و ضحكتها و كلامها باللهجة اللبناني
و شاف عنيها دمعت و غصة في كلامها و قرب منها بسرعة : لا لا متبكيش هشش عشان خاطري مبقدرش اتحمل دموع الاطفال بالذات البنات عشاني
و مسح دموعها بأطراف صوابعه خيال ابتسمت و سط دموعها : انا طفلة يا دادي
هارون ابتسم من جمال غمزتها و قرص خدها : اجمل طفلة بتقول دادي يلااا علي اوضتك بقى
خيال اومأت : تصبح علي خير و شكرا بجد لوجودك معايا في وقت زي ده انا كنت حاسه بالضيق
هارون ابتسم و مشي و هي وراه بتتابع خطواته الهادية و ماشيته الرجولية الرزينه و حست بدفي بيلف روحها
هارون دخل المطبخ شال الاطباق اللي كلت فيها و صب لها كباية لبن : خيااال
خيال قربت من المطبخ بسرعه : يا عيوناتها
هارون ابتسم : يا بنت بطلي بقى تحبي تشربي اللبن دافي و لا عادي تشربية كده
خيال بتهرب : عنجد بعد هالضحكة بشرب سم بس انا و اللبن ما بنلبق لبعض ابدا
هارون قرب منها : لو اتكلمتي معايا صيني برضو مش هتهربي يلا اللبن مفيد يلا يا صغنونه
خيال عقدت حواجبها و كانت هتعيط : اونكل هاروون بليز
: دلوقتي بقيت اونكل
خيال ابتسمت : خلاص هشرب يا دادي بس اشرب منه انت الاول انا مش هشرب ده كله عشان خاطري
هارون رفع الكباية و شرب نصها في رشفة : هممم يلا
خيال خدت الكباية و مكان ما شرب كان في لبن علي طرف كباية لقت نفسها بتحط شفايفها عليه شربت و هي مغمضة عنيها بصعوبة
خلصتها و مدت الكباية لهارون اللي كان واقف متابعها و شاف حركتها لكن مشغلش دماغه كتير
خيال ابتسمت له بعد ما بلعت : ايه رايك شطورة و بسمع الكلام صح
هارون بهدوء : قمرة
: اديني بوسة عشان انا قمرة
قرب باس جبهتها بحنان كان موطي عليها و هي واقفه علي اطراف صوابعها و فاتحه شفافيها بخفوت و انفاسها اضطربت من ريحته المهلكة بعد عنها و شاف نظارتها ليه و حس بأحساس غريب جواه
هارون بخفوت : اجري علي اوضتك يلا
خيال اومأت بسرعة : اوكي..
و جريت علي اوضتها و هي بتتنفس بصعوبة و لسه ملمس شفايفة مأثر عليها
هارون مسح وشه و هو بيرجع شعره لورا بضيق : اايه يا هارون اااايه
و ضرب الكباية بأيده وقعت اتكسرت علي الارض طلع اوضته بنرفزة ودخل و قفل الباب وراه بحدة
خيال نامت علي السرير و هي علي ملامحها بسمه رقيقة و بعدين اتحركت بحماس و هي بتضحك و تحرك أيدها و رجليها : هششش خلاص بلاش جنان الناس نايمة
بعدين قعدت تفكتر اللي حصل و ضحكتها اختفت : انا محتاجه لي كا اب في حياتي و لا انا اتشديت له و معجبة بشخصيته اللي طول عمري اتخيلها في فارس
احلامي هدوئه و طريقة كلامه شكله ووو
و غمضت عنيها و هزت دماغها جامد : لاااا انا بقول ايه ده قد بابا تقريبا و بعدين الياس اووف هو ابو الياس
اللي المفروض هيكون خطيبي اعقلي خيال بلاش تهور
غصب عني ده برفانه لوحده يهبل اوووف يا ربي
و قامت تتحرك في الاوضة بتوتر شوية تقعد علي السرير و شوية تنام في الارض و في الاخر قعدت تكلم نفسها قدام المرايا و هي بتمشط شعرها بشرود : لا و إييه ما كنت بدي إجي عندن و من أوّل يوم فيني قولك يا دادي بلييييزز... أوووف عالكسفة طالعة متسوّلة عنجد
و عنيها دمعت بقهر : اشتقلك يا بابا انت و ماما كتير و الله مقهورة عحالي من دونكم
خدت نفسها و مسحت وشها بهدوء : بس اونكل هارون اكيد فاهمني اكيد
و زفرت بضيق و رمت نفسها علي السرير و هي دافنه وشها بين المخدات ...
هارون كان في اوضتة رايح جاي و هو بيدخن بعصبية قعد علي الكرسي و هو بيهز رجله بتوتر : اايه يا هارون مالك من الصبح مش علي بعضك ليه المفروض طفلة هي متقصدش حاجه من كل اللي حصل محتاجة حنان و اهتمام اب في حياتها لا اكثر و لا اقل دلوعة و نغشة
حبتين جريئة شوية يمكن بس مش يديك اي حق
عشان تهزك نظرتها و لا طريقة كلامها و لا حتي
قربها اعتبرها لوسيندا و من دلوقتي بحدود
كمان بنت اخوك خطيب ابنك و بس
طفى السجارة بضيق و فضل قاعد مكانه و هو سرحان الليل خلص و هو لسه صاحي و الارق بان علي وشه محسش بنفسه غير علي صوت المنبة الساعه خمسه
قام بإرهاق فرد عضلاته و هو بيتمطع و غير هدومة
لهدوم رياضية مريحة اكتر
نزل المطبخ عمل موز وعسل باللبن و المكسرات و شرب الكاس و طلع يلف حوالين الفيلا لمدة ساعة او اكتر كالمعتاد ...
خلص الجري و دخل الفيلا و هو عرقان و بيتنفس بسرعة شاف خيال نازله علي السلم
خيال بصت له و ابتسمت : عااش
هارون اومأ لها بابتسامة باردة : شكرا
: انت متعود تجري كل يوم في الوقت ده
: ايوه
: ممكن اجي معاك من بكرة لو معندكش مانع لحد ما اشترك في چيم هنا
: ربنا يسهل اوعي بقى عشان عايز اخد شاور
خيال اتحرجت و اتحركت علي جمب و هارون طلع من جمبها و هو قابض علي كفة و حس انه زودها لف لها : صاحية بدري ليه
خيال بخفوت : لسه منمتش عن اذنك
و نزلت و هي حاسه انها علي وشك البكى بسبب برودة
هارون زفر بضيق و هز دماغه و دخل خد شاور لمدة نص ساعة طلع لبس بدلة سودة و قميص ابيض رش برفانه
و سرح شعره بطريقة رسمية خد الفون بتاعه و طلع من الاوضة شاف حنين واقفه قدام اوضتها بتقفل في الشنطة بتاعتها و مستعدة عشان تروح الشركة
رفعت راسها و شافت هارون : صباح الخير
هارون بص في الساعه و ابتسم : معادك بالدقيقة صباح النور يلا نفطر مع بعض بعد كده نروح الشركة
حنين اومأت : اوكي يلاا بينا
هارون : تمام انزلي انتي قدامي و انا هصحي ال
قطع كلامة الياس اللي فتح باب الاوضة بتاعته و خرج و هو مبتسم ابتسامه واسعه : صباح الخير
هارون بص له باستغراب : غريبة دي صاحي بدري لوحدك
الياس ابتسم : لا ما خلاص بقى اللي راح حاجه و اللي جاي حاجه تاني خالص بص هبهرك
هارون بجدية : اوكي لما نشوف اتمنى... يلا عشان منتأخرش
خيال لما نزلت دخلت المطبخ شافت العصير اللي عمله هارون خدت كباية و صبت لنفسها و قعدت تشرب
بهدوء و هي سرحانه حطت راسها علي الترابيزة
و هي بتفكر و غمضت عنيها و راحت في النوم
من كتر التفكير و الصداع ...
الدادة لسة واصله دخلت المطبخ عشان تحضر لهم فطار شافتها نايمة علي الترابيزة و رايحة في النوم بعد ما هزت كتفها بهدوء مصحيتش ..
طلعت برا بهدوء : هارون بيه الضيفة اللي جت امبارح نايمة علي ترابيزة المطبخ صحتها بس باين نومها تقيل
هارون اتنهد بهدوء : قوم شيلها يا الياس نيمها في اوضتها
حنين بصت لالياس اللي مسك ضهره : معلش و الله يا بابا نمت غلط فقايم ضهري واجعني عليك الطلعة دي انت
يا بوب ...
هارون وقف : عيل ممل ينعل منظرك علي الصبح
حنين رفعت حاجبها و بصت له : و الله ده انت ممثل فاشل
الياس بصدمة مصطنعه : انا يا بنتي ابدا ده انتي اللي كنتي تقيلة حبتين امبارح
حنين اتنرفزت : محدش قالك شيلني و بعدين انا تقيلة يا حيوان
الياس قعد جمبها و هو بيضحك : بهزر معاكي يا نونة و بصي من الاخر كده مش عايزة اشيلها بعد ما شيلتك
حنين بصت له باستغراب و بحدة : لا شيلها هي افضل هي اللي خطيبتك مش انا و يا رب نعقل شوية
الياس ضغط علي أسنانة بعصبية و قام وقف و هو بيبص لها بحدة
هارون دخل المطبخ و شافها نايمه بالطريقة دي و قلبة حن عليها اووي قرب و شالها بهدوء و باس جبهتها
و هو ماشي بعد ما ضمها ليه كان احساس دافي
بيداعب قلبة اللي كان في برد قارص بقاله سنين
و شاف الياس جاي عليه و خدها من بين ايدية بطريقة سريعة : ارتاح انت يا بابا انا كنت بهزر معاك
و طلع بخيال هارون حس انه اتاخدت حتة منه الدفى اللي كان حاسس بيه ضاع اضايق اوي لما شاف الياس خدها منه بالتملك ده و دي حاجة كانت هتجننه
مشي بغضب : هسبقكم انا يا حنين ابقي تعالي مع الياس
و طلع من غير ما يسمع رد من حنين اللي مكنتش معاه كانت باصه علي الياس و هو حاضن خيال بنفس الطريقة اللي شالها بيها امبارح و حست بغيرة غير مبررة دايما كانت خيال ليها الحب و الاهتمام و الدلع و مكنتش
بتهتم كتير كانت بتدور ازاي تفرح اهلها و تساعدهم
بس المرة دي كان الاحساس اللي بيراوضها غريب
و ليه نكهة لذعة لانه مش من حقها ...
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق