رواية وهم العشق الفصل الرابع 4 بقلم الكاتب مصطفي جابر حصريه في مدونة موسوعة القصص والروايات
رواية وهم العشق الفصل الرابع 4 بقلم الكاتب مصطفي جابر حصريه في مدونة موسوعة القصص والروايات
انت مين ومراتي فين ؟
زين بغضب: انا زين نصر العناني اللي هيطلع عين امك لما اشوفك
ياسر بصدمه: زييين ؟ هيا شمس معاك ؟
زين ببرود: اه معايا وحسابك بردو هيكون معايا يا ياسر
ياسر ببرود: تهديدك ده ولا هيهز شعره مني أنا مش ياسر الجنايني اللي تعرفه أنا بقيت واحد تاني خالص ناوي يدوس عليكم كلكم
شمس شدت التليفون من زين: طلقني يا ياسر.
ياسر بخبث: عاوزاني اطلقك ؟؟ ماشي يا شمس بس انا عاوز ابني اللي في بطنك وانتي متلزمنيش لو مجتيش البيت بعد عشر دقايق اخوكي الاهبل الصغير ده هتترحمي عليه وانتي عارفه اني اعملها.
قفل في وشها..
شمس خدت شنطتها و جريت وزين وراها..
مسك دراعها: رايحه فين.
شمس بخوف: هرجعله يا زين ده مجنون ممكن يروح الڤيلا ويعمل حاجه في أخويا بجد سبني دلوقتي ارجوك.
شدت دراعها و مشيت وهو وقف غضبان..
بعد شويه..
كانت شمس قاعدة و قدامها ياسر..
ياسر بغل: بقا بتشتكيني لابن خالتك وبيهددني مش كدا.
شمس بدموع: طلقني يا ياسر.
ياسر مسكها من شعرها: نجوم السماء اقرب لك دنا هعيشك خدامه مذلولة هنا
شمس بغضب: اتفوو انت فاكرني هسكتلك دنا هتشوف مني وش تاني بعد كده وربنا يكفيك شر الست أما تتخدع وتتكسر كده
ياسر بغضب مسكها ونزل فوقها ضرب و سهى بتتفرج بفرحه
شمس بتصرخ من الوجع و ياسر بيضربها بغل: أنا عايز اشوف دكر في عيلتك وعايز أشوف هتعملي اي يبنت فريده اللئيمه
شمس بالم: س سبني.
الباب اتكسر
زين بغضب : أنا هوريك الدكر اللي في العيله يا حقير
ياسر بخوف : لو قربت هندمك وهحبسك
زين بغضب بيضربه بوكس ورا التاني لحد ما وقع عالارض وجري علي شمس..
زين بخوف: شمس.
شمس بخوف ودموع: ا ا ابني .. بطني يا زين
زين بص لاقها بتنزف شالها وجري علي برا.
ياسر قام نزل وراه: اوعي سيب مراتي
بيشد منه شمس اللي فقدت وعيها..
زين ضربه بغضب بالرجل ياسر كان هيرد له الضربه زين بعد وياسر رجله فلتت من علي السلم وقع من عليه...
سهى بصريخ: ياسرررررر.
زين بص له بغضب وخد شمس ومشي...
سهى طلبت الاسعاف ل ياسر و جم اخدوه...
بليل...
شمس صحيت بتعب لاقت زين قاعد جمبها..
شمس بألم: ااه .. أنا فين
جري عليها بخوف: حاسه ب ايه.
شمس بتعب ودوخه: دايخه اوي ابني كويس صح.
زين بحزن: ربنا يعوض عليكي يا شمس.
شمس بصدمة: يعوض عليا بي اي ؟ هو في اي ابني فين ابني كويس قول يا زين متخضنيش.
زين بحزن: الدكاتره ملحقتهوش يا شمس.
شمس بصدمة و صريخ: لاا انت اكيد بتكدب ابني عاييششش.
زين بحزن خدها في حضنه وهيا منهاره: ملحقتش اتهنى بيه ابني قتلو ابنييي والله العظيم ما هسيبه .
زين بحنان مسح دموعها: اهدي يا شمس اهدي وانا هاخد لك حقك.
شمس بكره زقت ايده: لا انا حقي أنا اللي هاخده من الكلب ده وحياة ابويا لأنتقم منه..
جت تقوم من عالسرير بتعب زين سندها: خليكي نايمه مرتاحه شويه لحد اما تخفي وعلي الاقل يكون هو كمان قام.
شمس باستغراب: قام من اي.
زين بخبث: اصل هو وقع من علي السلم ودراعه اتكسر وهو حاليا جنبك في الاوضة التانيه.
شمس بذهول: بجد.
زين غمز ليها وهو ابتسمت بشر...
عند ياسر.
ياسر بألم في دراعه المتجبس: والله ما هسيبه ازاي ياخدها و يعمل فيا كدا.
سهى بخبث: الله اعلم كانو بيعملوا ايه من وراك ودلوقتي كمان بيعملوا اي
ياسر لسه هيتكلم اتفاجئ بدخول شمس.
ياسر بصدمة: شمس.
شمس بابتسامة جريت عليه: انت كويس يا حبيبي.
ياسر باستغراب: ها.
شمس بدلع وخبث : حمدلله علي سلامتك يا روحي اول ما فوقت جيت لك علي طول اطمن عليك
ياسر بصدمة: أيييي ؟
شمس بدلع: اه يا روحي زي مسمعت
سهى بغل: اي اللي جابك.
شمس بحب لياسر: جيت لجوزي حبيبي محدش له دعوة ولا اي يا حبيبي.
ياسر بأستغراب : هو انتي الضرب لحس مخك ؟؟
شمس غمزت له: لا ده رجعه تاني وكلها كام شهر وينورنا ابننا ولا انت مش عايزو ؟
سهى قامت خرجت وهيا علي اخرها.
ياسر بابتسامة: سامحيني يا شمس عاللي حصل .. كانت ساعة شيطان وكنت بغير عليكي لما عرفت انك معا زين
شمس بدلع: مسمحاك واكتر يا روحي اعمل فيا اللي انت عايزه انا تحت امرك.
ياسر فرح اوي و شمس ابتسمت بخبث ومكر..
ياسر بابتسامة: هنسمي ابننا اي.
شمس بألم دراته: ياسر عشان لما توحشني ابص له محسش ببعدك.
ياسر اتسحر ب كلامها و دلعها: يا حبيبتي انتي.
شمس ابتسمت ابتسامة صفراء...
عند سهى .
كانت قاعدة برا المستشفى وهي علي اخرها..
: اي جيتي وسبتي حبيب القلب.
سهى بغيظ: انت تاني.
زين بمكر: اه انا جيت اطمن عليكي.
سهى باستغراب: تطمن عليا هو انت تعرفني اصلا.
زين بخبث: مش مهم نتعرف اصلك بصراحه حلوة اوي وانا بقدر الجمال.
سهى ببرود: انا ست متجوزة واللاعيبك دي مش عليا.
زين بخبث: اللاعيب اي بس ؟ بصي اي رايك نتقابل بكرا في مطعمي.
سهى بطمع: انت عندك مطعم ؟
زين بمكر: ايوا طبعا و عندي شركات وفندق كبير جدا ده غير حجات كتيرة جدا مسمعتيش اسمي ولا اي.
سهى بخبث: اممم خلاص ماشي هشوف هاجي ولا لا.
زين بغمز: فل هستناكي.
مشي وهيا بصت لعربيته الفخمة بجشع: دا شكله غني اوييي.
بعد شويه...
شمس دخلت ومعها الاكل..
شمس بدلع: جبت لك الاكل يا حبيبي.
ياسر بهدؤء: تمام اومال فين سهى.
شمس ببرود: مشيت الحمل تعبها قالت ترتاح انت مش هتفيدها لو حصل ليها حاجه.
ياسر بصدمة: هي قالت كدا.
شمس بخبث: اه لكن انا تحت رجلك يا حبيبي يلا كل.
بدء ياكل وهيا بتبص له بخبث..
شوية وخلص اكله وحس بدوخه..
ياسر بدوخه وتعب: انا تعبت لي كدا.
شمس بخبث: من الوقعه اكيد المهم يلا امضي لي هنا يا حبيبي عشان دا اقرر الخروج نخرج بكرا من هنا.
ياسر والرؤية مشوشه: م ماشي.
مدت له الورق و هو مضى و ضحكت بسخرية: كدا برفو عليك.
شمس بمكر طلعت تليفونها: ياسر احكي لي كدا انت اتجوزتني ليه.
ياسر بدوخه: هيكون ليه منتي عارفه اني متجوزك عشان فلوسك ..
شمس بغيظ : واي كمان ؟
ياسر بدوخه : وعلشان أجيب لأمي شقة بأسمها و اديتهم فلوس كتيرة
شمس بجمود: تمام طب هو انت كنت ممشي شغل الشركات ازاي.؟
ياسر : مش بشتغل اصلا انا بتاجر في حاجه تانيه خالص تجيب فلوس اكتر بكتير.
شمس باستغراب: حاجة اي يا ياسر.
ياسر بنعاس: الاعضاء ..بخطف عيال و اتاجر بيهم.
شمس بصت له بصدمة وهو نام..
شمس حطت ايديها علي بوقها تكتم شهقتها: مجرم للدرجة دي حسبي الله ونعم الوكيل فيك يا ياسر.
بعتت الفديو ل زين...
خرجت من عند ياسر لاقت زين مستنيها..
شمس بخضه: اي دا انت مش مشيت.
زين بابتسامة: لا طبعا رجعت تاني اكيد مش هسيبك.
شمس بابتسامة: اممم ماشي يا زين المهم عملت ايه مع سهى.
زين بهدؤء: وقعت في الفخ وهتيجي بكرا يلا بقا عشان ترتاحي وتاخدي علاجك.
شمس بابتسامة: يلا يا زين.
زين بتوتر: احم هو ممكن ناكل لاني مكلتش من صباحية ربنا وجعان اوي.
شمس بابتسامة: تعالي يلا.
فرح و راحوا ياكلوا...
تاني يوم...
ياسر خارج مع شمس وساند عليها كان زين واقف بعيد بيراقبهم ومكور ايده بغضب وغيران .
شمس ركبت ياسر العربية وركبت وساقت..
ياسر بغيظ: سهي مخمودة مش كدا اما اشوف وشها.
شمس بخبث: سيبك منها محدش بيحبك قدي.
ياسر ابتسم و فجاءة وقفت العربية...
ياسر باستغراب: في اي.
شمس بتمثيل الاستغراب: مش عارفة بص الناس دي.
بص لاقي عربية وفيها رجالة قطعوا عليهم الطريق.
ياسر نزل بغضب: انتو عاوزين اي.
الشخص بخبث: عاوزينك يا حلو تعالى.
شمس نزلت بتمثيل الخوف: في اي انتو عاوزين منه اي.
ياسر بغضب: اركبي العربية.
الشخص بسخرية: لا راجل ياض علموه الادب.
بص لهم بخوف و الرجالة اتلمت عليه وبدءت تضرب فيه وهو مش عارف يدافع عن نفسه..
شمس بتبص له وبتمثل الصريخ و الحزن وهي فرحانه...
رموه وجريت عليه بخوف: ياسر ... ياسر مين دول في ايه.
ياسر بالم: روحيني .
شمس بخبث: لا هنرجع المستشفى تاني.
ياسر بزعيق: بقولك روحيني دلوقتي حالا
شمس بتمثيل الزعل: حاضر..اسند عليا تعالي
بعد شويه..
ياسر طلع شقته هو وشمس دخل لاقى سهي بتضحك بدلع .
ياسر دخل لمصدر الصوت لاقها بتتكلم مع شخص بدلع..
سهى بدلع: لا انا هطلق منه وهاخد كل اللي وراه زي معا عمل معا المغفله اللي متجوزها دي وهتجوزك انت يروحي وكدا كدا انا مش حامل منه دا ابنك انت
ياسر بصدمة:......
#يتبع...
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق